പർവതങ്ങൾ—അവയെ ആർ രക്ഷിക്കും?

മധ്യേ​ഷ്യൻ രാജ്യ​മായ കിർഗി​സ്ഥാ​നി​ലെ ബിഷ്‌കെ​ക്കിൽ 2002-ൽ നാലു ദിവസ​ത്തേക്ക്‌ ഒരു ‘ആഗോള പർവത ഉച്ചകോ​ടി’ നടത്തു​ക​യു​ണ്ടാ​യി. പർവത​ങ്ങ​ളോ​ടു ബന്ധപ്പെട്ട പ്രശ്‌നങ്ങൾ ചർച്ച ചെയ്യു​ന്ന​തി​നു വിളി​ച്ചു​കൂ​ട്ടിയ പ്രഥമ സാർവ​ദേ​ശീയ സമ്മേള​ന​മാ​യി​രു​ന്നു ഇത്‌. 2002 എന്ന വർഷം “പർവത​ങ്ങ​ളു​ടെ യഥാർഥ മൂല്യം തിരി​ച്ച​റി​യുന്ന ഒരു നവയു​ഗ​ത്തി​നു നാന്ദി​കു​റി​ക്കു​മെന്ന്‌” ഇതിന്റെ പ്രാ​യോ​ജകർ പ്രത്യാ​ശി​ച്ചു.

ഈ ഉച്ചകോ​ടി​യിൽ സംബന്ധി​ച്ചവർ, പർവത​ങ്ങ​ളു​ടെ സംരക്ഷ​ണ​ത്തിൽ തത്‌പ​ര​രായ ഏവർക്കു​മുള്ള നിർദേ​ശ​ങ്ങ​ള​ട​ങ്ങുന്ന “ബിഷ്‌കെക്ക്‌ മൗണ്ടൻ പ്ലാറ്റ്‌ഫോം” ഐകക​ണ്‌ഠ്യേന അംഗീ​ക​രി​ക്കു​ക​യു​ണ്ടാ​യി. “പർവത​നി​വാ​സി​ക​ളു​ടെ ഉപജീ​വ​ന​മാർഗങ്ങൾ മെച്ച​പ്പെ​ടു​ത്തുക, പർവത​ങ്ങ​ളി​ലെ ആവാസ​വ്യ​വ​സ്ഥ​കളെ പരിര​ക്ഷി​ക്കുക, അവിടത്തെ വിഭവങ്ങൾ കൂടുതൽ ശ്രദ്ധാ​പൂർവം ഉപയോ​ഗി​ക്കുക” എന്നതാ​യി​രു​ന്നു ഇതിന്റെ പ്രഖ്യാ​പിത ലക്ഷ്യം.

ഇതി​നോ​ട​കം ചില പുരോ​ഗ​തി​കൾ കൈവ​രി​ക്കാ​നാ​യി​ട്ടുണ്ട്‌. ലോക​ത്തി​ന്റെ വിവി​ധ​ഭാ​ഗ​ങ്ങ​ളി​ലുള്ള നാഷണൽ പാർക്കു​ക​ളു​ടെ ശൃംഖല പ്രകൃ​തി​യി​ലെ സുന്ദര​ദൃ​ശ്യ​ങ്ങ​ളെ​യും ജൈവ​വൈ​വി​ധ്യ​ങ്ങ​ളെ​യും സംരക്ഷി​ക്കു​ന്നുണ്ട്‌. ഭൂമി​യു​ടെ വിവിധ ഭാഗങ്ങ​ളിൽ പരിസ്ഥി​തി സംരക്ഷ​ണ​ത്തിന്‌ ഇറങ്ങി​ത്തി​രി​ച്ചി​രി​ക്കുന്ന സംഘങ്ങൾ, പരിസ്ഥി​തി​യെ താറു​മാ​റാ​ക്കുന്ന ഘടകങ്ങൾക്കു കടിഞ്ഞാ​ണി​ടു​ന്ന​തിൽ ഒരള​വോ​ളം വിജയി​ച്ചി​ട്ടുണ്ട്‌. കിർഗി​സ്ഥാ​നി​ലെ പർവത​ങ്ങ​ളിൽ കുന്നു​കൂ​ടി​യി​രി​ക്കുന്ന ന്യൂക്ലി​യർ മാലി​ന്യ​ങ്ങൾ നീക്കം​ചെ​യ്‌തു വെടി​പ്പാ​ക്കാൻ മുൻ​കൈ​യെ​ടു​ക്കാ​നുള്ള ഉറച്ച തീരു​മാ​നം ‘ബിഷ്‌കെ​ക്കി​ലെ പർവത ഉച്ചകോ​ടി’യിൽ ഉരുത്തി​രി​യു​ക​യു​ണ്ടാ​യി. മാരക​മായ വിഷം അടങ്ങിയ ഈ മാലി​ന്യ​ങ്ങൾ, മധ്യേ​ഷ്യ​യി​ലെ 20 ശതമാനം ആളുകൾ ഉപയോ​ഗ​പ്പെ​ടു​ത്തുന്ന ജലവി​ത​ര​ണ​ത്തി​നു ഭീഷണി ഉയർത്തി​യി​രു​ന്നു.

ഇങ്ങനെ​യൊ​ക്കെ​യാ​ണെ​ങ്കി​ലും, ഭൂമു​ഖത്തെ പർവത​ങ്ങളെ സംരക്ഷി​ക്കു​ക​യെന്ന ദൗത്യം ഇന്നും ഒരു കീറാ​മു​ട്ടി​യാ​യി അവശേ​ഷി​ക്കു​ന്നു. ഉദാഹ​ര​ണ​ത്തിന്‌, 1995-ൽ കാനഡ​യി​ലെ അധികാ​രി​കൾ, വനങ്ങൾ ചൂഷണം ചെയ്യുന്ന കാര്യ​ത്തിൽ പാലി​ക്കേണ്ട നിർദേ​ശ​ങ്ങ​ളും വ്യവസ്ഥ​ക​ളും അടങ്ങിയ “ഫോറസ്റ്റ്‌ പ്രാക്ടീസ്‌ കോഡ്‌” പ്രാബ​ല്യ​ത്തിൽ കൊണ്ടു​വ​രു​ക​യു​ണ്ടാ​യി. ബ്രിട്ടീഷ്‌ കൊളം​ബി​യ​യിൽ അവശേ​ഷി​ക്കുന്ന മഴവന​ങ്ങളെ സംരക്ഷി​ക്കു​ക​യാ​യി​രു​ന്നു ഇതിന്റെ ലക്ഷ്യം. എന്നാൽ, തുടർന്നുള്ള ഒരു അന്വേ​ഷ​ണ​ത്തിൽ തെളി​ഞ്ഞത്‌, മരക്കമ്പ​നി​കൾ ഈ വ്യവസ്ഥ ലംഘി​ക്കു​ക​യും കിഴു​ക്കാം​തൂ​ക്കായ മലഞ്ചെ​രി​വു​ക​ളി​ലെ വനങ്ങൾപോ​ലും വെട്ടി​വെ​ളു​പ്പി​ക്കു​ക​യും ചെയ്യു​ന്നു​വെ​ന്നാണ്‌. മാത്രമല്ല, കോഡി​ലെ വ്യവസ്ഥകൾ കർക്കശ​മാ​ണെന്നു തടിവ്യ​വ​സാ​യി​കൾ പരാതി​പ്പെ​ട്ട​ത​നു​സ​രിച്ച്‌ 1997-ൽ ഈ കോഡിന്‌ അയവു​വ​രു​ത്തു​ക​യും ചെയ്‌തു.

പർവത​ങ്ങൾക്കു ക്ഷതമേൽപ്പി​ക്കു​ന്നത്‌ വ്യാപാ​ര​ദുര മാത്രമല്ല. യുദ്ധം, ദാരി​ദ്ര്യം, പട്ടിണി എന്നിവ​യെ​ല്ലാം പർവത​ങ്ങ​ളി​ലെ ആവാസ​വ്യ​വ​സ്ഥ​കൾക്ക്‌ ഇടതട​വി​ല്ലാ​തെ ഹാനി​വ​രു​ത്തി​ക്കൊ​ണ്ടി​രി​ക്കു​കയാ​ണെന്ന്‌ ബിഷ്‌കെക്ക്‌ ഉച്ചകോ​ടി​യി​ലെ അന്ത്യ​പ്ര​ഖ്യാ​പനം വിലയി​രു​ത്തു​ക​യു​ണ്ടാ​യി. പരിസ്ഥി​തി​യു​ടെ അടിത്ത​റ​തോ​ണ്ടുന്ന ക്ഷുദ്ര​ഘ​ട​ക​ങ്ങളെ ഉന്മൂലനം ചെയ്യു​ന്ന​തു​വരെ ഭൂഗ്ര​ഹ​ത്തി​ലെ മറ്റു ഭാഗങ്ങ​ളോ​ടൊ​പ്പം പർവത​ങ്ങ​ളും ദുരിതം അനുഭ​വി​ക്കേ​ണ്ടി​വ​രും.

തന്റെ സൃഷ്ടി​യോ​ടുള്ള ദൈവ​ത്തി​ന്റെ കരുതൽ

ചിത്രം വളരെ ശോകാ​ത്മ​ക​മാ​ണെ​ങ്കി​ലും പ്രത്യാ​ശ​യ്‌ക്കു വകയുണ്ട്‌. തന്റെ സൃഷ്ടി​കൾക്കു സംഭവി​ക്കുന്ന കാര്യങ്ങൾ സർവശ​ക്ത​നായ ദൈവം ശ്രദ്ധി​ക്കാ​തി​രി​ക്കു​ന്നില്ല. “പർവ്വത​ങ്ങ​ളു​ടെ ശിഖര​ങ്ങ​ളും” ദൈവ​ത്തി​നു​ള്ള​വ​യാ​ണെന്നു ബൈബിൾ പറയുന്നു. (സങ്കീർത്തനം 95:4) പർവത​ങ്ങ​ളി​ലെ ജന്തുജാ​ല​ങ്ങ​ളെ​ക്കു​റി​ച്ചും അവൻ കരുത​ലു​ള്ള​വ​നാണ്‌. സങ്കീർത്തനം 50:10, 11-ൽ യഹോവ പറയുന്നു: “കാട്ടിലെ സകലമൃ​ഗ​വും പർവ്വത​ങ്ങ​ളി​ലെ ആയിര​മാ​യി​രം ജന്തുക്ക​ളും എനിക്കു​ള്ള​വ​യാ​കു​ന്നു. മലകളി​ലെ പക്ഷികളെ ഒക്കെയും ഞാൻ അറിയു​ന്നു; വയലിലെ ജന്തുക്ക​ളും എനിക്കു​ള്ളവ തന്നേ.”

ഭൂമി​യു​ടെ താറു​മാ​റായ പരിസ്ഥി​തി​യെ രക്ഷിക്കാൻ ദൈവ​ത്തി​ന്റെ പക്കൽ എന്തെങ്കി​ലും മാർഗ​മു​ണ്ടോ? തീർച്ച​യാ​യും! “ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി”ച്ചിരി​ക്കു​ന്ന​താ​യി ബൈബിൾ പറയുന്നു. (ദാനീ​യേൽ 2:44) ഈ സ്വർഗീയ ഗവണ്മെ​ന്റി​ന്റെ നിയമിത ഭരണാ​ധി​പ​നാ​യി അവരോ​ധി​ക്ക​പ്പെ​ട്ടി​രി​ക്കുന്ന യേശു​ക്രി​സ്‌തു​വിന്‌ ഭൂമി​യു​ടെ​യും അതിലെ മനുഷ്യ​വർഗ​ത്തി​ന്റെ​യും കാര്യ​ത്തിൽ പ്രത്യേക താത്‌പ​ര്യ​മുണ്ട്‌. (സദൃശ​വാ​ക്യ​ങ്ങൾ 8:31) അവന്റെ ഭരണം ഭൂമി​യിൽ സമാധാ​നം സ്ഥാപി​ക്കും, സകലചൂ​ഷ​ണ​ത്തി​നും വിരാ​മ​മി​ടും, ഭൂഗ്ര​ഹ​ത്തി​നേ​റ്റി​രി​ക്കുന്ന മുറി​വു​കൾ അതു സുഖ​പ്പെ​ടു​ത്തും.—വെളി​പ്പാ​ടു 11:18.

അത്തര​മൊ​രു പരിഹാ​രം വന്നുകാ​ണാൻ ആഗ്രഹി​ക്കു​ന്നെ​ങ്കിൽ ‘ദൈവ​ത്തി​ന്റെ രാജ്യം വരേണമേ’ എന്നു നിങ്ങൾ തുടർന്നും പ്രാർഥി​ക്കു​ക​തന്നെ ചെയ്യണം. (മത്തായി 6:9, 10) അത്തരം പ്രാർഥ​ന​കൾക്ക്‌ ഉത്തരം ലഭിക്കാ​തെ പോകു​ക​യില്ല. ദൈവ​ത്തി​ന്റെ രാജ്യം ഉടൻതന്നെ അനീതിക്ക്‌ അവസാനം വരുത്തും, അത്‌ ഭൂമി​ക്കേറ്റ ക്ഷതങ്ങൾ സുഖ​പ്പെ​ടു​ത്തും. അപ്പോൾ, ആലങ്കാ​രി​ക​മായ ഒരർഥ​ത്തിൽ പർവതങ്ങൾ ‘ഉല്ലസിച്ചു ഘോഷി​ക്കും.’—സങ്കീർത്തനം 98:8.