അമാനു​ഷി​ക​ശ​ക്തി​യു​ടെ മായാ​വ​ല​യ​ത്തിൽ!

വശ്യസു​ന്ദ​രി​ക​ളായ യക്ഷികൾ, കുട്ടി​ച്ചാ​ത്ത​ന്മാർ, മന്ത്രവാ​ദി​കൾ, പ്രേതങ്ങൾ! ഇന്നത്തെ പുസ്‌ത​ക​ങ്ങ​ളി​ലും ചലച്ചി​ത്ര​ങ്ങ​ളി​ലും വീഡി​യോ ഗെയി​മു​ക​ളി​ലും ഇടംപി​ടി​ച്ചി​രി​ക്കുന്ന അമാനു​ഷി​ക​ക​ഥാ​പാ​ത്ര​ങ്ങ​ളിൽ ചിലർ മാത്ര​മാണ്‌ ഇവർ. ആളുകൾ ഇവയിൽ മനംമ​യ​ങ്ങു​ന്നത്‌ എന്തു​കൊ​ണ്ടാണ്‌?a

ഹിന്ദു​സ്ഥാൻ ടൈംസ്‌ എന്ന ദിനപ്പ​ത്രം റിപ്പോർട്ട്‌ ചെയ്‌ത​ത​നു​സ​രിച്ച്‌ കുറച്ച്‌ വർഷങ്ങൾക്കു മുമ്പ്‌ ഇന്ത്യയിൽ ഒരു സർവേ നടത്തി​യ​പ്പോൾ, 46 ശതമാനം ആളുകൾ പ്രേത​ങ്ങ​ളിൽ വിശ്വ​സി​ക്കു​ന്ന​താ​യി കണ്ടെത്തി. എന്നാൽ ഈ അടുത്ത്‌ നടത്തിയ മറ്റൊരു സർവേ​പ്ര​കാ​രം അത്‌ 56 ശതമാ​ന​ത്തി​ലേക്ക്‌ ഉയർന്നി​രി​ക്കു​ന്ന​താ​യും രേഖ​പ്പെ​ടു​ത്തി. സാമൂ​ഹ്യ​ശാ​സ്‌ത്ര പ്രൊ​ഫ​സ​റായ ക്ലോഡ്‌ ഫിഷർ എഴുതി: “ആത്മാക്ക​ളോ​ടു സംസാ​രി​ക്കു​ന്ന​വ​രോട്‌ ഉപദേശം ചോദി​ക്കുന്ന, പ്രേത​ങ്ങ​ളി​ലും പ്രേതാ​ല​യ​ങ്ങ​ളി​ലും വിശ്വ​സി​ക്കുന്ന അമേരി​ക്ക​യി​ലെ ചെറു​പ്പ​ക്കാ​രു​ടെ എണ്ണം അങ്ങനെ വിശ്വ​സി​ക്കുന്ന പ്രായ​മാ​യ​വ​രെ​ക്കാൾ ഇരട്ടി​യാണ്‌.”

മനുഷ്യ​രിൽ ദുഷ്ടാ​ത്മാ​ക്ക​ളു​ടെ ബാധ കയറുന്നു എന്നതു​പോ​ലുള്ള കഥകളു​ടെ തിരി​ച്ചു​വ​രവ്‌ ഭയപ്പെ​ടു​ത്തുന്ന ഒന്നാണ്‌. എന്നാൽ അതിൽ നമ്മൾ അതിശ​യി​ക്കേ​ണ്ട​തില്ല. കാരണം, “കഴിഞ്ഞ ദശാബ്ദ​ത്തി​ലെ ചെകു​ത്താ​ന്മാ​രും യക്ഷിക​ളും പ്രേത​ങ്ങ​ളും ആണ്‌ ഇന്ന്‌ ബാധകൂ​ടൽ എന്ന രീതി​യിൽ വൻവി​ജയം നേടി​ക്കൊ​ണ്ടി​രി​ക്കു​ന്നത്‌” എന്ന്‌ മുമ്പ്‌ പറഞ്ഞ ഒരു ദിനപ്പ​ത്ര​ത്തിൽ (The Wall Street Journal) മീഖാ​യേൽ കാലിയ എഴുതി.

ഒരു റിപ്പോർട്ട്‌ പറയു​ന്ന​പ്ര​കാ​രം, “ലോക​ത്തെ​വി​ടെ​യു​മുള്ള 25 ശതമാ​നം​മു​തൽ 50 ശതമാ​നം​വ​രെ​യുള്ള ആളുകൾ പ്രേത​ങ്ങ​ളിൽ വിശ്വ​സി​ക്കു​ന്നു. മിക്ക സംസ്‌കാ​ര​ങ്ങ​ളി​ലെ​യും സാഹി​ത്യ​കൃ​തി​ക​ളു​ടെ ഒരു സവി​ശേ​ഷ​ത​യാണ്‌ പ്രേത​ക​ഥകൾ.” സാമൂ​ഹ്യ​ശാ​സ്‌ത്ര പ്രൊ​ഫ​സർമാ​രായ ക്രിസ്റ്റഫർ ബേഡറും കാർസൺ മെക്കനും ഐക്യ​നാ​ടു​ക​ളിൽ നടത്തിയ ഒരു സർവേ​യ​നു​സ​രിച്ച്‌, “70 മുതൽ 80 ശതമാ​നം​വരെ അമേരി​ക്ക​ക്കാർ ഏതെങ്കി​ലു​മൊ​രു അമാനു​ഷി​ക​ശ​ക്തി​യി​ലെ​ങ്കി​ലും ശക്തമായി വിശ്വ​സി​ക്കു​ന്ന​വ​രാണ്‌.”

ഭൂതവി​ദ്യ​യും അമാനു​ഷി​ക​ശ​ക്തി​ക​ളും ഒക്കെ വെറു​മൊ​രു കുട്ടി​ക്ക​ളി​യാ​ണോ?