പാഠം 32

അർഥം ഊന്നി​പ്പ​റ​യ​ലും ഉച്ചനീ​ച​ത്വ​വും

1, 2. അർഥം ഊന്നി​പ്പ​റയൽ ഒരു പ്രസം​ഗ​ത്തി​നു​വേണ്ടി എന്തു ചെയ്യുന്നു?

¹ അർഥം ഊന്നി​പ്പ​റ​യ​ലും ഉച്ചനീ​ച​ത്വ​വും ഒരു പ്രസം​ഗത്തെ അർഥവ​ത്തും നിറപ്പ​കി​ട്ടാർന്ന​തു​മാ​ക്കാൻ ഒത്തു​ചേ​രു​ന്നു. അവയി​ല്ലെ​ങ്കിൽ ആശയങ്ങൾ വികല​മാ​കു​ക​യും താത്‌പ​ര്യം ദുർബ​ല​മാ​കു​ക​യും ചെയ്യുന്നു. സാധാ​ര​ണ​യാ​യി ഈ രണ്ടിൽ വശമാ​ക്കാൻ കൂടുതൽ എളുപ്പ​മു​ള​ളത്‌ അർഥം ഊന്നി​പ്പ​റയൽ ആയതു​കൊ​ണ്ടു നാം ആദ്യം അതിനു ശ്രദ്ധ കൊടു​ക്കും.

² അർഥം ഊന്നി​പ്പ​റയൽ എന്തു സാധി​ക്ക​ണ​മെന്ന്‌ ഓർത്തി​രി​ക്കുക. അതു കൃത്യ​മായ അർഥം ധരിപ്പി​ക്കു​ക​യും അവയുടെ ആപേക്ഷിക മൂല്യം നിങ്ങളു​ടെ സദസ്സിനു സൂചി​പ്പി​ക്കു​ക​യും ചെയ്യത്ത​ക്ക​വി​ധം വാക്കു​ക​ളോ ആശയങ്ങ​ളോ ഊന്നി​പ്പ​റ​യുക എന്നതാണ്‌. ചില​പ്പോൾ ആവശ്യ​മായ ഊന്നൽ കേവലം കനത്തത്‌ അല്ലെങ്കിൽ നിസ്സാരം ആണ്‌, എന്നാൽ ഏറെ മൃദു​ല​മായ വ്യാപ്‌തി​ക​ളാ​വ​ശ്യ​മായ സമയങ്ങ​ളു​മുണ്ട്‌.

3-7. ഒരുവനു നല്ല അർഥം ഊന്നി​പ്പ​റയൽ എങ്ങനെ നേടാ​മെന്നു പറയുക.

³ വാചക​ങ്ങ​ളിൽ ആശയം ദ്യോ​തി​പ്പി​ക്കുന്ന വാക്കുകൾ ഊന്നി​പ്പ​റ​യു​ന്നു. ഊന്നൽ അടിസ്ഥാ​ന​പ​ര​മാ​യി ഏതു വാക്കുകൾ ഊന്നി​പ്പ​റ​യു​ന്നു എന്ന സംഗതി​യാണ്‌. അതിൽ ആശയം ദ്യോ​തി​പ്പി​ക്കുന്ന വാക്കുകൾ തിരി​ച്ച​റി​യു​ന്ന​തും ഉചിത​മായ ദൃഢത​യാ​ലോ ഊന്നലി​നാ​ലോ ചുററു​പാ​ടു​മു​ളള വാക്കു​ക​ളോ​ടു​ളള ബന്ധത്തിൽ അവ മുന്തി​നിൽക്കാ​നി​ട​യാ​ക്കു​ന്ന​തും ഉൾപ്പെ​ടു​ന്നു. ആശയം ദ്യോ​തി​പ്പി​ക്കാത്ത വാക്കുകൾ ഊന്നി​പ്പ​റ​ഞ്ഞാൽ അർഥം അവ്യക്ത​മാ​കു​ക​യോ വളച്ചൊ​ടി​ക്ക​പ്പെ​ടു​ക​യോ ചെയ്യും.

⁴ സാധാ​ര​ണ​ഗ​തി​യി​ലു​ളള അനുദി​ന​സം​സാ​ര​ത്തിൽ മിക്കയാ​ളു​ക​ളും അർഥം വ്യക്തമാ​ക്കും. ഘടകങ്ങൾക്കു ദൃഢത​കൊ​ടു​ക്കു​ന്ന​തു​പോ​ലെ​യു​ളള ഒരു പ്രത്യേക ശീല​വൈ​കൃ​തം നിങ്ങൾക്ക്‌ ഇല്ലാത്ത പക്ഷം ഈ വശം യഥാർഥ പ്രശ്‌നം ഉളവാ​ക്ക​രുത്‌. ഊന്നലി​ന്റെ സ്ഥാനനിർണ​യ​ത്തി​ലെ ഏതു മുന്തിയ ബലഹീ​ന​ത​യും സാധാ​ര​ണ​യാ​യി അങ്ങനെ​യു​ളള ഏതെങ്കി​ലും വികൃ​ത​ശീ​ല​ത്തി​ന്റെ ഫലമാണ്‌. അതാണു നിങ്ങളു​ടെ പ്രശ്‌ന​മെ​ങ്കിൽ, അതു പരിഹ​രി​ക്കാൻ ഉത്സാഹ​പൂർവം ശ്രമി​ക്കുക. സാധാ​ര​ണ​യാ​യി ഒന്നോ രണ്ടോ പ്രസം​ഗ​ങ്ങൾകൊണ്ട്‌ അത്തരം ശീലങ്ങൾ തകർക്കാൻ കഴിയില്ല, നിങ്ങളു​ടെ ഊന്നലി​ന്റെ തെററായ സ്ഥാനം അർഥത്തെ വളച്ചൊ​ടി​ക്ക​ത്ത​ക്ക​വണ്ണം അത്ര മുന്തി​യ​ത​ല്ലെ​ങ്കിൽ ഉപദേ​ശകൻ നിങ്ങളെ പിന്നോ​ട്ടു നിർത്തു​ക​യില്ല. എന്നാൽ ഏററവും ശക്തവും ഫലകര​വു​മായ പ്രസം​ഗ​ത്തിന്‌, നിങ്ങൾ ഉചിത​മായ ഊന്നൽ പൂർണ​മാ​യും വശമാ​ക്കു​ന്ന​തു​വരെ പരി​ശ്ര​മി​ച്ചു​കൊ​ണ്ടി​രി​ക്കുക.

⁵ സാധാ​ര​ണ​യാ​യി ശുദ്ധമേ വാചാ​രീ​തി​യി​ലു​ളള പ്രസം​ഗ​ത്തെ​ക്കാ​ളു​പരി പൊതു​വാ​യ​ന​യ്‌ക്കു തയ്യാറാ​കു​മ്പോൾ അർഥം ഊന്നി​പ്പ​റ​യ​ലി​നു കൂടുതൽ ബോധ​പൂർവ​ക​മായ ചിന്ത കൊടു​ക്കേ​ണ്ട​താണ്‌. ഒരു പ്രസം​ഗ​ത്തി​ലെ തിരു​വെ​ഴു​ത്തു​വാ​യ​ന​യു​ടെ കാര്യ​ത്തി​ലും സഭാപ​ര​മായ വീക്ഷാ​ഗോ​പുര അധ്യയ​ന​ത്തി​ലെ ഖണ്ഡിക​ക​ളു​ടെ വായന​യി​ലും അതു സത്യമാണ്‌. വായന നിർവ​ഹി​ക്കാ​നു​ള​ള​പ്പോൾ അർഥം ഊന്നി​പ്പ​റ​യ​ലി​നു കൂടുതൽ ശ്രദ്ധ കൊടു​ക്കേ​ണ്ട​തി​ന്റെ കാരണം നാം സാധാ​ര​ണ​യാ​യി വായി​ക്കുന്ന വിവരങ്ങൾ മററാ​രെ​ങ്കി​ലും എഴുതി​യ​താ​ണെ​ന്നു​ള​ള​താണ്‌. അതു​കൊണ്ട്‌, ആശയം അപഗ്ര​ഥി​ച്ചു​കൊ​ണ്ടും നമുക്കു സ്വാഭാ​വി​ക​മാ​യി​ത്തീ​രു​ന്ന​തു​വരെ പദങ്ങൾതന്നെ ആവർത്തി​ച്ചു​കൊ​ണ്ടും അതു ശ്രദ്ധാ​പൂർവം പഠിക്കേണ്ട ആവശ്യ​മുണ്ട്‌.

⁶ ദൃഢത​യോ ആശയം ഊന്നി​പ്പ​റ​യ​ലോ സാധി​ക്കു​ന്ന​തെ​ങ്ങ​നെ​യാണ്‌? മിക്ക​പ്പോ​ഴും സംയോ​ജി​പ്പിച്ച്‌ ഉപയോ​ഗി​ക്കുന്ന വിവിധ മാർഗ​ങ്ങ​ളുണ്ട്‌: വർധിച്ച ശബ്ദത്താ​ലും കൂടുതൽ തീവ്ര​ത​യാ​ലും അഥവാ വികാ​ര​ത്താ​ലും സ്വരം കുറയ്‌ക്കു​ന്ന​തി​നാ​ലും സ്ഥായി ഉയർത്തു​ന്ന​തി​നാ​ലും സാവധാ​ന​ത്തി​ലും കരുതി​ക്കൂ​ട്ടി​യു​മു​ളള സംസാ​ര​ത്താ​ലും ഗതി​വേഗം വർധി​പ്പി​ക്കു​ന്ന​തി​നാ​ലും ഒരു പ്രസ്‌താ​വ​ന​ക്കു​മു​മ്പോ ശേഷമോ (രണ്ടു സമയത്തു​മോ) നിർത്തു​ന്ന​തി​നാ​ലും ആംഗ്യ​ങ്ങ​ളാ​ലും മുഖഭാ​വ​ങ്ങ​ളാ​ലും​തന്നെ.

⁷ മുഖ്യ​പ​ദങ്ങൾ മുന്തി​നിൽക്കാ​നി​ട​യാ​ക്കു​ന്ന​തിന്‌, ആദ്യം നിങ്ങളു​ടെ ദൃഢത ഉചിത​മായ സ്ഥാനത്താ​ണോ കൊടു​ക്കു​ന്നത്‌ എന്നതി​ലും വേണ്ടത്ര അളവി​ലു​ണ്ടോ എന്നതി​ലും പ്രാഥ​മി​ക​മാ​യി തത്‌പ​ര​രാ​യി​രി​ക്കുക. അതു​കൊണ്ട്‌, നിങ്ങളു​ടെ വിവരങ്ങൾ തയ്യാറാ​കു​മ്പോൾ മുഖ്യ​പ​ദങ്ങൾ വായി​ക്കാ​നി​രി​ക്കു​ക​യാ​ണെ​ങ്കിൽ അവയുടെ അടിയിൽ വരയ്‌ക്കുക. നിങ്ങൾ വാചാ​രീ​തി​യിൽ പ്രസം​ഗി​ക്കാ​നി​രി​ക്കു​ക​യാ​ണെ​ങ്കിൽ ആശയങ്ങൾ മനസ്സിൽ വ്യക്തമാ​യി പതിപ്പി​ക്കുക. നിങ്ങളു​ടെ കുറി​പ്പു​ക​ളിൽ മുഖ്യ​വാ​ക്കു​കൾ ഉപയോ​ഗി​ക്കു​ക​യും അനന്തരം ആ വാക്കു​കൾക്ക്‌ ഊന്നൽ കൊടു​ക്കു​ക​യും ചെയ്യുക.

8, 9. പ്രധാന ആശയങ്ങൾ ഊന്നി​പ്പ​റ​യു​ന്നതു മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

⁸ പ്രസം​ഗ​ത്തി​ലെ മുഖ്യ ആശയങ്ങൾ ഊന്നി​പ്പ​റ​യു​ന്നു. അർഥം ഊന്നി​പ്പ​റ​യ​ലി​ന്റെ ഈ വശമാണ്‌ ഏററവും കൂടെ​ക്കൂ​ടെ ഇല്ലാ​തെ​പോ​കു​ന്നത്‌. അങ്ങനെ​യു​ളള സന്ദർഭ​ങ്ങ​ളിൽ പ്രസം​ഗ​ത്തിൽ അത്യു​ച്ച​സ്ഥാ​നങ്ങൾ ഇല്ല. മറെറ​ല്ലാ​റ​റി​നു​മു​പ​രി​യാ​യി യാതൊ​ന്നും മുന്തി​നിൽക്കു​ന്നില്ല. പ്രസംഗം സമാപി​ക്കു​മ്പോൾ മിക്ക​പ്പോ​ഴും എന്തെങ്കി​ലും മുന്തി​നിൽക്കു​ന്ന​താ​യി ഓർക്കുക അസാധ്യ​മാണ്‌. മുഖ്യ പോയിൻറു​കൾ മുന്തി​നിൽക്ക​ത്ത​ക്ക​വണ്ണം ഉചിത​മാ​യി തയ്യാറാ​യാൽപോ​ലും അവയ്‌ക്ക്‌ പ്രസം​ഗാ​വ​ത​ര​ണ​ത്തിൽ ഉചിത​മായ ദൃഢത കൊടു​ക്കു​ന്ന​തി​ലു​ളള പരാജയം മനസ്സി​ലാ​കാ​തെ​പോ​ക​ത്ത​ക്ക​വണ്ണം അവയെ ദുർബ​ല​മാ​ക്കി​യേ​ക്കാം.

⁹ ഈ പ്രശ്‌നത്തെ തരണം​ചെ​യ്യു​ന്ന​തിന്‌, നിങ്ങൾ ആദ്യം നിങ്ങളു​ടെ വിവര​ങ്ങളെ ശ്രദ്ധാ​പൂർവം അപഗ്ര​ഥി​ക്കണം. പ്രസം​ഗ​ത്തി​ലെ അതി​പ്ര​ധാന പോയിൻറ്‌ എന്താണ്‌? അടുത്ത​താ​യി പ്രാധാ​ന്യ​മു​ള​ളത്‌ എന്തിനാണ്‌? ഒന്നോ രണ്ടോ വാക്യ​ങ്ങ​ളിൽ നിങ്ങളു​ടെ പ്രസം​ഗ​ത്തി​ന്റെ സാരം പറയാൻ ആവശ്യ​പ്പെ​ട്ടാൽ നിങ്ങൾ എന്തു പറയും? വിശേ​ഷാ​ശ​യ​ങ്ങളെ തിരി​ച്ച​റി​യാ​നു​ളള ഏററവും നല്ല മാർഗ​ങ്ങ​ളി​ലൊ​ന്നാ​ണിത്‌. അറിഞ്ഞു​ക​ഴി​യു​മ്പോൾ അവ നിങ്ങളു​ടെ കുറി​പ്പു​ക​ളിൽ അല്ലെങ്കിൽ ലിഖി​ത​പ്ര​സം​ഗ​ത്തിൽ അടയാ​ള​പ്പെ​ടു​ത്തുക. നിങ്ങൾക്കു പാരമ്യ​ങ്ങ​ളെന്ന നിലയിൽ ഈ പോയിൻറു​ക​ളി​ലേക്ക്‌ ഊർജ​സ്വ​ല​മാ​യി നീങ്ങാൻ കഴിയും. അവ നിങ്ങളു​ടെ പ്രസം​ഗ​ത്തി​ലെ അത്യു​ച്ച​ങ്ങ​ളാണ്‌. നന്നായി ബാഹ്യ​രേഖ ഉണ്ടാക്കു​ക​യും ശക്തമായ അളവു​ക​ളി​ലു​ളള ദൃഢത​യോ​ടെ നിങ്ങൾ വിവരങ്ങൾ അവതരി​പ്പി​ക്കു​ക​യും ചെയ്യു​ന്നു​വെ​ങ്കിൽ മുഖ്യ ആശയങ്ങൾ ഓർത്തി​രി​ക്കും. അതാണു നിങ്ങളു​ടെ പ്രസം​ഗ​ത്തി​ന്റെ ഉദ്ദേശ്യം.

**********

10-12. ഉച്ചനീ​ച​ത്വ​ത്തി​ന്റെ അർഥ​മെ​ന്തെന്നു വിശദീ​ക​രി​ക്കുക.

¹⁰ ലളിത​മായ അർഥം ഊന്നി​പ്പ​റയൽ നിങ്ങൾ പറയു​ന്നതു മനസ്സി​ലാ​ക്കാൻ സദസ്യരെ പ്രാപ്‌ത​രാ​ക്കു​ന്നു. എന്നാൽ ഉച്ചനീ​ച​ത്വം നൽകുന്ന ഊന്നലി​ലെ വൈവി​ധ്യ​ത്തിന്‌, ശ്രദ്ധി​ക്കു​ന്നത്‌ അവർക്ക്‌ ആസ്വാ​ദ്യ​മാ​ക്കി​ത്തീർക്കാൻ കഴിയും. നിങ്ങളു​ടെ വയൽശു​ശ്രൂ​ഷ​യി​ലും സഭയിൽ നിങ്ങൾക്കു നടത്താൻ പദവി ലഭിച്ചി​രി​ക്കുന്ന പ്രസം​ഗ​ങ്ങ​ളി​ലും നിങ്ങൾ ഉച്ചനീ​ച​ത്വ​ത്തെ നന്നായി വിനി​യോ​ഗി​ക്കു​ന്നു​ണ്ടോ?

¹¹ ഉച്ചനീ​ച​ത്വം താത്‌പ​ര്യം പിടി​ച്ചു​നിർത്തു​ന്ന​തി​നും പ്രസം​ഗ​ക​നെന്ന നിലയി​ലു​ളള നിങ്ങളു​ടെ പടിപ​ടി​യാ​യു​ളള ആശയങ്ങ​ളും വികാ​ര​ങ്ങ​ളും പ്രകട​മാ​ക്കു​ന്ന​തി​നും ഉദ്ദേശി​ച്ചു​ളള സ്ഥായി​യി​ലെ​യും ഗതി​വേ​ഗ​ത്തി​ലെ​യും ശക്തിയി​ലെ​യും ഇടവി​ട്ടു​ളള വ്യതി​യാ​ന​മാണ്‌. നിങ്ങൾക്ക്‌ ഏററവും പ്രയോ​ജ​നം​ചെ​യ്യു​ന്ന​തി​നു നിങ്ങളു​ടെ ഉച്ചനീ​ച​ത്വം ഏതു പ്രത്യേക പ്രസം​ഗ​ത്തി​ലെ​യും വിവരങ്ങൾ അനുവ​ദി​ക്കുന്ന നിറത്തി​ന്റെ പൂർണ​വ്യാ​പ്‌തി​യെ ഉൾപ്പെ​ടു​ത്തേ​ണ്ട​താണ്‌. ഉച്ചനീ​ച​ത്വ​ത്തി​ന്റെ ഉയർന്ന പരിധി​യിൽ നിങ്ങൾക്കു കുറഞ്ഞു​വ​രുന്ന അളവു​ക​ളിൽ ആവേശ​വും ഉത്സാഹ​വും സൂക്ഷ്‌മ​താ​ത്‌പ​ര്യ​വും ഉണ്ടായി​രി​ക്കാ​വു​ന്ന​താണ്‌. മധ്യപ​രി​ധി​യി​ലാ​ണു ലഘുവായ താത്‌പ​ര്യം, അതേസ​മയം താണ പരിധി​യിൽ ഗൗരവ​വും ഗാംഭീ​ര്യ​വു​മാ​ണു​ള​ളത്‌.

¹² യാതൊ​രു സന്ദർഭ​ത്തി​ലും അങ്ങേയ​റ​റത്തെ പ്രകട​ന​ത്താൽ നിങ്ങൾ നാടകീ​യ​ഭാ​വ​ത്തിൽ കാണ​പ്പെ​ടാൻ ആഗ്രഹി​ക്കു​ക​യില്ല. നമ്മുടെ പ്രസംഗം നിറപ്പ​കി​ട്ടു​ള​ള​താ​യി​രി​ക്കണം, ഓർത്ത​ഡോ​ക്‌സ്‌ വൈദി​ക​ന്റേ​തു​പോ​ലെ കപടഭ​ക്തി​പ​ര​മായ ഗാംഭീ​ര്യ​മോ കൂടാ​ര​മ​ടി​ച്ചു യോഗം നടത്തുന്ന ഉപദേ​ശി​യു​ടേ​തു​പോ​ലെ ഉൻമത്ത​മാ​യി ആവേശ​ഭ​രി​ത​മോ ആയിരി​ക്ക​രുത്‌. രാജ്യ​സ​ന്ദേ​ശ​ത്തോ​ടു​ളള ഉചിത​മായ മാന്യ​ത​യും ആദരവും അങ്ങനെ​യു​ളള ഏതു ക്രിസ്‌തീ​യ​വി​രുദ്ധ പ്രകട​ന​ങ്ങ​ളെ​യും തടയും.

13, 14. ശക്തിയി​ലെ വൈവി​ധ്യം എന്നതി​നാൽ അർഥമാ​ക്ക​പ്പെ​ടു​ന്ന​തെന്ത്‌?

¹³ ശക്തിയി​ലു​ളള വൈവി​ധ്യം. ഒരുപക്ഷേ ഉച്ചനീ​ച​ത്വം കിട്ടു​ന്ന​തി​നു​ളള അതില​ളിത മാർഗം നിങ്ങളു​ടെ ശബ്ദത്തിന്റെ ശക്തി വ്യത്യാ​സ​പ്പെ​ടു​ത്തു​ക​യാണ്‌. ഇതു പാരമ്യ​ങ്ങൾ കെട്ടു​പ​ണി​ചെ​യ്യു​ന്ന​തി​നും നിങ്ങളു​ടെ പ്രസം​ഗ​ത്തി​ലെ മുഖ്യാ​ശ​യങ്ങൾ ഊന്നി​പ്പ​റ​യു​ന്ന​തി​നു​മു​ളള ഒരു മാർഗ​മാണ്‌. എന്നിരു​ന്നാ​ലും, നിങ്ങളു​ടെ ശബ്ദം കേവലം വർധി​പ്പി​ക്കു​ന്നത്‌ എല്ലായ്‌പോ​ഴും പോയിൻറു​കൾ മുന്തി​നിൽക്കാ​നി​ട​യാ​ക്കു​ക​യില്ല. ചില സന്ദർഭ​ങ്ങ​ളിൽ അത്‌ അവയെ കൂടുതൽ പ്രമു​ഖ​മാ​ക്കി​യേ​ക്കാം, എന്നാൽ അവ അവതരി​പ്പി​ക്കു​ന്ന​തി​നു​പ​യോ​ഗി​ക്കുന്ന വർധി​ത​മായ ശക്തി നിങ്ങളു​ടെ ഉദ്ദേശ്യ​ത്തെ പരാജ​യ​പ്പെ​ടു​ത്തി​യേ​ക്കാം. നിങ്ങളു​ടെ പോയിൻറു​കൾ സജീവ​മായ ഒരു സ്വര​ത്തെ​ക്കാൾ കൂടുതൽ ഊഷ്‌മ​ള​ത​യും വികാ​രാ​നു​ഭ​വ​വും ആവശ്യ​മാ​ക്കി​യേ​ക്കാം. ഈ സന്ദർഭ​ത്തിൽ, നിങ്ങളു​ടെ ശബ്ദം താഴ്‌ത്തു​ക​യും എന്നാൽ തീവ്രത വർധി​പ്പി​ക്കു​ക​യും ചെയ്യുക. നിങ്ങൾ ഉത്‌ക​ണ്‌ഠ​യോ ഭയമോ പ്രകട​മാ​ക്കു​ന്നു​വെ​ങ്കിൽ ഇതുതന്നെ സത്യമാ​യി​രി​ക്കും.

¹⁴ ഉച്ചനീ​ച​ത്വ​ത്തി​നു ശക്തിയി​ലു​ളള വൈവി​ധ്യം അത്യന്താ​പേ​ക്ഷി​ത​മാ​യി​രി​ക്കെ, ചിലർക്കു കേൾക്കാൻ പാടി​ല്ലാ​ത്ത​വണ്ണം അത്ര മൃദു​വാ​യി സംസാ​രി​ക്കാ​തി​രി​ക്കാൻ ശ്രദ്ധി​ക്കണം. ശല്യമാ​ക​ത്ത​ക്ക​വണ്ണം ശബ്ദം വർധി​പ്പി​ക്കു​ക​യു​മ​രുത്‌.

15-17. ഗതി​വേ​ഗ​ത്തി​ലു​ളള വൈവി​ധ്യം ഒരു പ്രസം​ഗ​ത്തി​നു മാററു​കൂ​ട്ടു​ന്ന​തെ​ങ്ങനെ?

¹⁵ ഗതി​വേ​ഗ​ത്തി​ലു​ളള വൈവി​ധ്യം. തുടക്ക​ക്കാ​രായ അധികം പ്രസം​ഗകർ പ്ലാററ്‌ഫാ​റ​ത്തിൽ തങ്ങളുടെ ഗതി​വേഗം വ്യത്യാ​സ​പ്പെ​ടു​ത്തു​ക​യില്ല. നാം വാക്കു​ക​ളെ​ക്കു​റി​ച്ചു ചിന്തി​ക്കു​മ്പോൾത്ത​ന്നെ​യോ നമുക്കു അവ ആവശ്യ​മു​ള​ള​പ്പോ​ഴോ നമ്മിൽനി​ന്നു വാക്കുകൾ സ്വതഃ​പ്രേ​രി​ത​മാ​യി പ്രവഹി​ക്കു​ന്ന​തു​കൊ​ണ്ടു നാം നമ്മുടെ ദൈനം​ദി​ന​സം​സാ​ര​ത്തിൽ അതു നിരന്തരം ചെയ്യുന്നു. എന്നാൽ പ്ലാററ്‌ഫാ​റ​ത്തി​ലെ പുതിയ പ്രസം​ഗകൻ സാധാ​ര​ണ​യാ​യി ഇതു ചെയ്യാൻ സ്വയം അനുവ​ദി​ക്കു​ക​യില്ല. അയാൾ തന്റെ പദങ്ങളും ശൈലി​ക​ളും വളരെ ശ്രദ്ധാ​പൂർവം തിര​ഞ്ഞെ​ടു​ക്കു​ന്നു, തന്നിമി​ത്തം സകല വാക്കു​ക​ളും ശൈലി​ക​ളും ഒരേ വേഗനി​ര​ക്കിൽ പുറത്തു​വ​രു​ന്നു. ഒരു ബാഹ്യ​രേഖ ഉപയോ​ഗി​ച്ചു​ളള പ്രസംഗം ഈ ബലഹീനത തിരു​ത്തു​ന്ന​തി​നു സഹായി​ക്കും.

¹⁶ നിങ്ങളു​ടെ പ്രസം​ഗ​ത്തി​ന്റെ മുഖ്യ ഒഴുക്ക്‌ മിതമായ ഒരു ഗതി​വേ​ഗ​ത്തി​ലാ​യി​രി​ക്കണം. അപ്രധാന പോയിൻറു​ക​ളും വിവര​ണ​ങ്ങ​ളും മിക്ക ദൃഷ്ടാ​ന്ത​ങ്ങ​ളും മററും വേഗം കൂട്ടാൻ നിങ്ങളെ അനുവ​ദി​ക്കും. ഘനമേ​റിയ വാദങ്ങൾ, പാരമ്യ​ങ്ങൾ, മുഖ്യ പോയിൻറു​കൾ എന്നിവ സാധാ​ര​ണ​യാ​യി വേഗം കുറഞ്ഞ അവതരണം ആവശ്യ​മാ​ക്കി​ത്തീർക്കു​ന്നു. ചില സന്ദർഭ​ങ്ങ​ളിൽ, വിശേ​ഷാൽ ശക്തി​യേ​റിയ ദൃഢത​ക്കു​വേണ്ടി നിങ്ങൾക്കു സാവധാ​ന​ത്തിൽ, കരുതി​ക്കൂ​ട്ടി​യു​ളള ഊന്നൽ ഉപയോ​ഗി​ക്കാ​വു​ന്ന​താണ്‌. നിങ്ങൾക്ക്‌ ഒരു നിർത്ത​ലിൽ പൂർണ​മാ​യി നിർത്തു​ക​പോ​ലും ചെയ്യാ​വു​ന്ന​താണ്‌, അതു മുഴു​വ​നായ ഒരു ഗതിവേഗ മാററ​മാണ്‌.

¹⁷ ജാഗ്ര​ത​ക്കു​ളള ഏതാനും വാക്കുകൾ. നിങ്ങളു​ടെ പദസം​ഘ​ട​നക്കു തകരാറു വരത്തക്ക​വണ്ണം അത്ര വേഗത്തിൽ സംസാ​രി​ക്ക​രുത്‌. സ്വകാ​ര്യ​പ​രി​ശീ​ല​ന​യോ​ഗ​ങ്ങ​ളി​ലെ ഒരു വിശിഷ്ട വ്യായാ​മം പിഴവു കൂടാതെ കഴിയു​ന്ന​ട​ത്തോ​ളം വേഗം ഉച്ചത്തിൽ വായി​ക്കാൻ ശ്രമി​ക്കു​ക​യാണ്‌. പിഴവു കൂടാതെ അല്ലെങ്കിൽ നിങ്ങളു​ടെ ഉച്ചാര​ണത്തെ അവ്യക്ത​മാ​ക്കാ​തെ നിരന്തരം ഗതി​വേഗം വർധി​പ്പി​ച്ചു​കൊണ്ട്‌ ഒരേ ഖണ്ഡിക വീണ്ടും വീണ്ടും ആവർത്തി​ക്കുക. പിന്നീടു വാക്കുകൾ മുറി​ക്കാ​തെ സ്വ-ര-ങ്ങൾ നീ-ട്ടി-ക്കൊ-ണ്ടു സാധ്യ​മാ​കു​ന്ന​ട​ത്തോ​ളം സാവധാ​ന​ത്തിൽ വായി​ക്കാൻ ശ്രമി​ക്കുക. പിന്നീട്‌, നിങ്ങളു​ടെ ശബ്ദത്തിനു വഴക്കമു​ണ്ടാ​കു​ക​യും നിങ്ങളു​ടെ ശബ്ദം ചെയ്യണ​മെന്നു നിങ്ങളാ​ഗ്ര​ഹി​ക്കു​ന്നതു ചെയ്യു​ക​യും ചെയ്യു​ന്ന​തു​വരെ മാറി​മാ​റി​യും പെട്ടെ​ന്നും വേഗം കൂട്ടു​ക​യും മന്ദഗതി​യി​ലാ​കു​ക​യും ചെയ്യുക. ഇപ്പോൾ നിങ്ങൾ സംസാ​രി​ക്കു​മ്പോൾ നിങ്ങളു​ടെ ഗതി​വേ​ഗ​മാ​റ​റങ്ങൾ സ്വതഃ​പ്രേ​രി​ത​മാ​യി വരും, നിങ്ങൾ പറയു​ന്ന​തി​ന്റെ അർഥമ​നു​സ​രി​ച്ചു​തന്നെ.

18-20. ഒരുവനു സ്ഥായി​യി​ലു​ളള വൈവി​ധ്യം എങ്ങനെ നേടാൻ കഴിയു​മെന്നു വിശദീ​ക​രി​ക്കുക.

¹⁸ സ്ഥായി​യി​ലു​ളള വൈവി​ധ്യം. സ്ഥായി​യി​ലു​ളള മാററം ഏതു തോതി​ലു​മു​ളള ഉച്ചനീ​ച​ത്വ​ത്തി​ന്റെ അത്യന്തം പ്രയാ​സ​മു​ളള ഉപാധി​യാ​യി​രി​ക്കാ​നി​ട​യുണ്ട്‌. തീർച്ച​യാ​യും, നാം അല്‌പ​മായ ശക്തികൂ​ട്ട​ലോ​ടൊ​പ്പം സ്ഥായി അല്‌പം ഉയർത്തി​ക്കൊ​ണ്ടു നിരന്തരം വാക്കു​കൾക്ക്‌ ഊന്നൽ കൊടു​ക്കു​ന്നു. നാം ഒരു വിധത്തിൽ, വാക്കു തറപ്പിച്ചു പറയുന്നു.

¹⁹ എന്നാൽ ഉച്ചനീ​ച​ത്വ​ത്തി​ന്റെ ഈ വശത്തു​നി​ന്നു നിങ്ങൾക്ക്‌ ഏററവു​മ​ധി​കം പ്രയോ​ജനം കിട്ടണ​മെ​ങ്കിൽ, ഇതി​നെ​ക്കാൾ സ്ഥായി​മാ​ററം ആവശ്യ​മാണ്‌. ഉല്‌പത്തി 18:3-8-ഉം 19:6-9-ഉം ഉച്ചത്തിൽ വായി​ക്കാൻ ശ്രമി​ക്കുക. ഈ വാക്യ​ങ്ങ​ളിൽ ആവശ്യ​മാ​യി​രി​ക്കുന്ന ഗതി​വേ​ഗ​ത്തി​ന്റെ​യും സ്ഥായി​യു​ടെ​യും വലിയ വൈവി​ധ്യം ശ്രദ്ധി​ക്കുക. സങ്കട​ത്തെ​ക്കാൾ അല്ലെങ്കിൽ ഉത്‌ക​ണ്‌ഠ​യെ​ക്കാൾ ആവേശ​വും ഉത്സാഹ​വു​മാണ്‌ ഒരു ഉയർന്ന സ്ഥായി​യിൽ എല്ലായ്‌പോ​ഴും ബഹിർഗ​മി​ക്കു​ന്നത്‌. നിങ്ങളു​ടെ വിവര​ങ്ങ​ളിൽ ഈ വികാ​രങ്ങൾ ഉളള​പ്പോൾ അവ അതനു​സ​രി​ച്ചു പ്രകട​മാ​ക്കുക.

²⁰ പ്രസം​ഗ​ത്തി​ന്റെ ഈ വശത്തിലെ ബലഹീ​ന​ത​യു​ടെ മുഖ്യ​കാ​ര​ണ​ങ്ങ​ളി​ലൊ​ന്നു ശബ്ദത്തിനു വേണ്ടത്ര വ്യാപ്‌തി ഇല്ലാത്ത​താണ്‌. അതാണ്‌ നിങ്ങളു​ടെ പ്രശ്‌ന​മെ​ങ്കിൽ അതു പരിഹ​രി​ക്കാൻ പരി​ശ്ര​മി​ക്കുക. ഈ പാഠത്തിൽ നേരത്തെ സൂചി​പ്പി​ച്ച​തി​നോ​ടു സമാന​മായ ഒരു അഭ്യാസം പരീക്ഷി​ക്കുക. എന്നിരു​ന്നാ​ലും ഈ കേസിൽ, ഗതി​വേഗം വ്യത്യാ​സ​പ്പെ​ടു​ത്താ​തെ സ്ഥായി ഉയർത്തു​ക​യും താഴ്‌ത്തു​ക​യും ചെയ്യാൻ ശ്രമി​ക്കുക.

21-24. ഉച്ചനീ​ച​ത്വം ആശയത്തിന്‌ അല്ലെങ്കിൽ വികാ​ര​ത്തി​നു യോജി​ക്കേ​ണ്ടത്‌ എന്തു​കൊണ്ട്‌?

²¹ ആശയത്തി​നോ വികാ​ര​ത്തി​നോ യോജി​ക്കുന്ന ഉച്ചനീ​ച​ത്വം. ഈ ഗുണ​ത്തെ​സം​ബ​ന്ധിച്ച ഇത്ര​ത്തോ​ള​മു​ളള നമ്മുടെ ചർച്ചയിൽനി​ന്നു വൈവി​ധ്യ​ത്തി​നു​വേ​ണ്ടി​മാ​ത്രം ശബ്ദവ്യ​തി​യാ​നങ്ങൾ വരുത്താ​വു​ന്ന​ത​ല്ലെന്നു വളരെ വ്യക്തമാ​യി​ത്തീ​രു​ന്നു. നിങ്ങളു​ടെ മൊഴി​കൾ നിങ്ങൾ പറയു​ന്ന​തി​ന്റെ ഭാവങ്ങൾക്കു യോജി​ച്ച​താ​യി​രി​ക്കണം. അപ്പോൾ ഉച്ചനീ​ച​ത്വം എവി​ടെ​യാ​ണു തുടങ്ങു​ന്നത്‌? പ്രസ്‌പ​ഷ്ട​മാ​യി, അതു നിങ്ങൾ അവതരി​പ്പി​ക്കു​ന്ന​തി​നു തയ്യാറാ​യി​രി​ക്കുന്ന വിവര​ങ്ങ​ളിൽ തുടങ്ങു​ന്നു. നിങ്ങളു​ടെ പ്രസം​ഗ​ത്തിൽ വാദമ​ല്ലാ​തെ മറെറാ​ന്നു​മി​ല്ലെ​ങ്കിൽ, അല്ലെങ്കിൽ ഉദ്‌ബോ​ധ​ന​മ​ല്ലാ​തെ മറെറാ​ന്നു​മി​ല്ലെ​ങ്കിൽ, നിങ്ങൾക്കു പ്രസം​ഗാ​വ​ത​ര​ണ​ത്തിൽ അധികം വൈവി​ധ്യ​മു​ണ്ടാ​യി​രി​ക്ക​യില്ല. അതു​കൊണ്ട്‌, നിങ്ങളു​ടെ ബാഹ്യ​രേഖ പൂർത്തി​യാ​ക്കി​യ​ശേഷം അപഗ്ര​ഥി​ക്കു​ക​യും നിങ്ങൾക്കു നിറപ്പ​കി​ട്ടാർന്ന​തും അതു​പോ​ലെ​തന്നെ അർഥവ​ത്തു​മായ ഒരു അവതര​ണ​ത്തി​നാ​വ​ശ്യ​മായ സകല ഘടകങ്ങ​ളും ഉണ്ടെന്ന്‌ ഉറപ്പു​വ​രു​ത്തു​ക​യും ചെയ്യുക.

²² എന്നാൽ നിങ്ങളു​ടെ പ്രസം​ഗ​ത്തി​ന്റെ മധ്യത്തിൽ ചില​പ്പോൾ നിങ്ങൾക്ക്‌ ഒരു ഗതി​വേ​ഗ​മാ​റ​റ​ത്തി​ന്റെ ആവശ്യം തോന്നു​ന്നു. പ്രസംഗം ഇഴയു​ക​യാ​ണെന്നു നിങ്ങൾക്കു തോന്നു​ന്നു. നിങ്ങൾക്ക്‌ എന്തു ചെയ്യാൻ കഴിയും? ഇവി​ടെ​യും വാചാ​പ്ര​സം​ഗ​രീ​തി​ക്കു പ്രയോ​ജ​ന​ങ്ങ​ളുണ്ട്‌. നിങ്ങൾ പ്രസംഗം നടത്തു​മ്പോൾ നിങ്ങൾക്കു വിവര​ങ്ങ​ളു​ടെ സ്വഭാ​വ​ത്തി​നു മാററം വരുത്താൻ കഴിയും. എങ്ങനെ? ഒരു മാർഗം സംസാരം നിർത്തി​യി​ട്ടു ബൈബി​ളിൽനിന്ന്‌ ഒരു വാക്യം വായി​ച്ചു​തു​ട​ങ്ങു​ക​യാണ്‌. അല്ലെങ്കിൽ നിങ്ങൾക്ക്‌ ഏതെങ്കി​ലും പ്രസ്‌താ​വ​നയെ ദൃഢത​ക്കു​വേ​ണ്ടി​യു​ളള ഒരു നിർത്ത​ലോ​ടെ ഒരു ചോദ്യ​മാ​ക്കി മാററാം. ഒരുപക്ഷേ നിങ്ങൾക്കു നിങ്ങളു​ടെ ബാഹ്യ​രേ​ഖ​യി​ലെ ഒരു വാദത്തി​ന്റെ പൊരു​ത്ത​പ്പെ​ടു​ത്ത​ലെ​ന്നോ​ണം ഒരു ദൃഷ്ടാന്തം കൂട്ടി​ച്ചേർക്കാ​വു​ന്ന​താണ്‌.

²³ തീർച്ച​യാ​യും, പ്രസം​ഗ​സ​മ​യത്തു പ്രയോ​ഗി​ക്കുന്ന ഈ വിദ്യകൾ പരിച​യ​സ​മ്പ​ന്ന​രായ പ്രസം​ഗ​കർക്കു​ള​ള​താണ്‌. എന്നാൽ നിങ്ങളു​ടെ നിയമ​ന​ഭാ​ഗ​ത്തു​നി​ന്നു മുന്നമേ വിവരങ്ങൾ തയ്യാറാ​കു​മ്പോൾ ഇതേ ആശയങ്ങൾ നിങ്ങൾക്ക്‌ ഉപയോ​ഗി​ക്കാൻ കഴിയും.

²⁴ ഉച്ചനീ​ച​ത്വം ഒരു പ്രസം​ഗ​ത്തി​ന്റെ മസാല​യാ​ണെന്നു പറയ​പ്പെ​ടു​ന്നു. ശരിയായ തരം, ശരിയായ അളവിൽ ഉപയോ​ഗി​ക്കു​ക​യാ​ണെ​ങ്കിൽ അതു നിങ്ങളു​ടെ വിവര​ങ്ങ​ളു​ടെ പൂർണ​സ്വാ​ദു പുറത്തു​വ​രു​ത്തു​ക​യും അതിനെ സദസ്സിന്‌ ഒരു ഉല്ലാസ​മാ​ക്കി​ത്തീർക്കു​ക​യും ചെയ്യും.