പാഠം 33

ഉത്സാഹ​വും ഊഷ്‌മ​ള​ത​യും പ്രകട​മാ​ക്കൽ

1. ഉത്സാഹത്തെ എന്ത്‌ ഉത്തേജി​പ്പി​ക്കും?

¹ ഉത്സാഹം ഒരു പ്രസം​ഗ​ത്തി​ന്റെ ജീവനാണ്‌. നിങ്ങൾ പറയു​ന്ന​തു​സം​ബ​ന്ധി​ച്ചു നിങ്ങൾക്ക്‌ ഉത്സാഹ​മി​ല്ലെ​ങ്കിൽ, തീർച്ച​യാ​യും നിങ്ങളു​ടെ സദസ്സിന്‌ അതുണ്ടാ​യി​രി​ക്ക​യില്ല. അതു നിങ്ങളെ പ്രചോ​ദി​പ്പി​ക്കു​ന്നി​ല്ലെ​ങ്കിൽ, അത്‌ അവരെ പ്രചോ​ദി​പ്പി​ക്കു​ക​യില്ല. എന്നാൽ ഒരു പ്രസം​ഗ​ക​നെ​ന്ന​നി​ല​യിൽ യഥാർഥ ഉത്സാഹം പ്രകട​മാ​ക്കു​ന്ന​തിന്‌, നിങ്ങൾക്കു പറയാ​നു​ള​ളതു സദസ്സു കേൾക്കേ​ണ്ട​തു​ണ്ടെ​ന്നു​ളള ദൃഢമായ ബോധ്യം നിങ്ങൾക്കു​ണ്ടാ​യി​രി​ക്കണം. അവർക്ക്‌ ഏററവും പ്രയോ​ജ​ന​ക​ര​മായ പോയിൻറു​കൾ തിര​ഞ്ഞെ​ടു​ക്കു​ക​യും നിങ്ങളു​ടെ ശ്രോ​താ​ക്കൾ അവയുടെ മൂല്യത്തെ യഥാർഥ​മാ​യി വിലമ​തി​ക്കത്തക്ക ഒരു വിധത്തിൽ അവയെ കരുപ്പി​ടി​പ്പി​ക്കു​ക​യും ചെയ്‌തു​കൊ​ണ്ടു പ്രസംഗം തയ്യാറാ​ക്കി​യ​പ്പോൾ നിങ്ങൾ അവരെ പരിഗ​ണി​ച്ചു​വെ​ന്നാണ്‌ അതിന്റെ അർഥം. നിങ്ങൾ അതു ചെയ്‌തി​ട്ടു​ണ്ടെ​ങ്കിൽ, നിങ്ങൾക്ക്‌ ഉത്സാഹ​ത്തോ​ടെ പ്രസം​ഗി​ക്കാ​നു​ളള പ്രേരണ തോന്നും, നിങ്ങളു​ടെ സദസ്സു പ്രതി​ക​രി​ക്കു​ക​യും ചെയ്യും.

2-5. ഒരു സജീവ പ്രസം​ഗാ​വ​ത​രണം ഉത്സാഹം പ്രകട​മാ​ക്കു​ന്ന​തെ​ങ്ങനെ?

² സജീവ​മായ അവതര​ണ​ത്താൽ ഉത്സാഹം പ്രകട​മാ​ക്കു​ന്നു. നിങ്ങളു​ടെ അവതര​ണ​ത്തി​ന്റെ ജീവനാൽ ഉത്സാഹം അത്യന്തം വ്യക്തമാ​യി പ്രകട​മാ​ക്ക​പ്പെ​ടു​ന്നു. നിങ്ങൾക്കു മനോ​ഭാ​വ​ത്തിൽ ഉദാസീ​ന​നോ ഉൻമേ​ഷ​മി​ല്ലാ​ത്ത​വ​നോ ആയിരി​ക്കാ​വു​ന്നതല്ല. നിങ്ങളു​ടെ മുഖഭാ​വ​ത്തി​ലും ശബ്ദസ്വ​ര​ത്തി​ലും സംസാ​ര​രീ​തി​യി​ലും നിങ്ങൾ പൂർണ​മാ​യും സജീവ​നാ​യി​രി​ക്കണം. അതിന്റെ അർഥം നിങ്ങൾ ശക്തി​യോ​ടും ഊർജ​സ്വ​ല​ത​യോ​ടും​കൂ​ടെ സംസാ​രി​ക്ക​ണ​മെ​ന്നാണ്‌. നിങ്ങൾക്കു മർക്കട​മു​ഷ്ടി പാടി​ല്ലെ​ങ്കി​ലും ബോധ്യ​മു​ള​ള​വ​നാ​യി തോന്നി​ക്കണം. നിങ്ങൾ ഉത്സാഹ​മു​ള​ള​വ​നാ​യി​രി​ക്ക​ണ​മെന്നി​രി​ക്കെ, ഒരിക്ക​ലും വികാ​രാ​വേശം കൊള​ള​രുത്‌. ആത്മനി​യ​ന്ത്രണം നഷ്ടപ്പെ​ടു​ക​യെ​ന്നാൽ നിങ്ങളു​ടെ സദസ്സു നഷ്ടമാ​കുക എന്നാണർഥം.

³ ഉത്സാഹം പകരു​ന്ന​താണ്‌. നിങ്ങളു​ടെ പ്രസം​ഗം​സം​ബ​ന്ധി​ച്ചു നിങ്ങൾക്ക്‌ ഉത്സാഹ​മു​ണ്ടെ​ങ്കിൽ ആ ഉത്സാഹം നിങ്ങളു​ടെ സദസ്സിൽ വ്യാപ​രി​ക്കും. ക്രമത്തിൽ, നല്ല സദസ്യ​സ​മ്പർക്ക​മു​ള​ള​പ്പോൾ, അതു നിങ്ങളി​ലേക്കു തിരിച്ചു പ്രതി​ഫ​ലി​ക്കു​ക​യും നിങ്ങളു​ടെ സ്വന്തം ഉത്സാഹത്തെ സജീവ​മാ​ക്കി നിർത്തു​ക​യും ചെയ്യും. നേരെ​മ​റിച്ച്‌, നിങ്ങൾ നിർജീ​വ​നാ​ണെ​ങ്കിൽ നിങ്ങ​ളോ​ടു​കൂ​ടെ നിങ്ങളു​ടെ സദസ്സും നിർജീ​വ​മാ​കും.

⁴ നാം ദൈവ​ത്തി​ന്റെ ആത്മാവു​കൊ​ണ്ടു ജ്വലി​ക്ക​ണ​മെന്നു പൗലോസ്‌ പറയുന്നു. നിങ്ങൾ അങ്ങനെ​യാ​ണെ​ങ്കിൽ, നിങ്ങളു​ടെ സജീവ​മായ പ്രസം​ഗാ​വ​ത​രണം ദൈവാ​ത്മാ​വു നിങ്ങളു​ടെ സദസ്സി​ലേക്കു കവി​ഞ്ഞൊ​ഴു​കാ​നി​ട​യാ​ക്കു​ക​യും സദസ്സിനെ പ്രവർത്ത​ന​ത്തി​നു പ്രേരി​പ്പി​ക്കു​ക​യും ചെയ്യും. അപ്പല്ലോസ്‌ തന്റെ പ്രസം​ഗ​ത്തിൽ അങ്ങനെ​യു​ളള ആത്മാവു പ്രകട​മാ​ക്കി. അദ്ദേഹം വാ​ഗ്വൈ​ഭ​വ​മു​ളള ഒരു പ്രസം​ഗ​ക​നെന്നു വിളി​ക്ക​പ്പെ​ടു​ന്നു.—റോമ. 12:11; പ്രവൃ. 18:25; ഇയ്യോ. 32:18-20; യിരെ. 20:9.

⁵ ഒരു പ്രസം​ഗ​ത്തെ​ക്കു​റിച്ച്‌ ഉത്സാഹ​ഭ​രി​ത​നാ​കു​ന്ന​തി​നു നിങ്ങൾക്കു മൂല്യ​വ​ത്തായ ചിലതു പറയാ​നു​ണ്ടെന്നു ബോധ്യ​മു​ണ്ടാ​യി​രി​ക്കണം. ഒരു പ്രസം​ഗ​ക​നെന്ന നിലയിൽ നിങ്ങളെ ആദ്യം ഉത്തേജി​പ്പി​ക്കുന്ന എന്തെങ്കി​ലും നിങ്ങൾക്ക്‌ ഉണ്ടെന്നു തോന്നു​ന്ന​തു​വരെ നിങ്ങൾ അവതരി​പ്പി​ക്കാൻ പോകുന്ന വിവരങ്ങൾ തയ്യാറാ​കുക. അതു പുതിയ വിവരങ്ങൾ ആയിരി​ക്ക​ണ​മെ​ന്നില്ല. എന്നാൽ വിഷയ​ത്തോ​ടു​ളള നിങ്ങളു​ടെ സമീപനം പുതു​മ​യു​ള​ള​താ​യി​രി​ക്കാൻ കഴിയും. നിങ്ങളു​ടെ സദസ്യരെ അവരുടെ ആരാധ​ന​യിൽ ബലപ്പെ​ടു​ത്തുന്ന എന്തെങ്കി​ലും, അവരെ മെച്ചപ്പെട്ട ശുശ്രൂ​ഷ​ക​രോ ക്രിസ്‌ത്യാ​നി​ക​ളോ ആക്കുന്ന എന്തെങ്കി​ലും, അവർക്കു​വേണ്ടി നിങ്ങൾക്കു​ണ്ടെന്നു നിങ്ങൾ വിചാ​രി​ക്കു​ന്നു​വെ​ങ്കിൽ അപ്പോൾ പ്രസംഗം സംബന്ധിച്ച്‌ ഉത്സാഹ​ഭ​രി​ത​നാ​യി​രി​ക്കാൻ നിങ്ങൾക്കു സകല കാരണ​വു​മുണ്ട്‌, നിസ്സം​ശ​യ​മാ​യി നിങ്ങൾ ഉത്സാഹ​ഭ​രി​ത​നാ​യി​രി​ക്കു​ക​യും ചെയ്യും.

6-9. ഒരുവന്റെ പ്രസം​ഗ​ത്തി​ലെ വിവര​ങ്ങൾക്ക്‌ അവതര​ണ​ത്തി​ലെ ഉത്സാഹ​ത്തോട്‌ എന്തു ബന്ധമുണ്ട്‌?

⁶ വിവര​ങ്ങൾക്ക​നു​യോ​ജ്യ​മായ ഉത്സാഹം. പ്രസം​ഗ​ത്തി​ലെ വൈവി​ധ്യ​ത്തി​നു​വേ​ണ്ടി​യും സദസ്സിന്റെ പ്രയോ​ജ​ന​ത്തി​നു​വേ​ണ്ടി​യും മുഴു​പ്ര​സം​ഗ​ത്തി​ലും ഉടനീളം നിങ്ങളു​ടെ ഉത്സാഹം വളരെ ഉയർന്ന ഒരു തലത്തിൽ നിലനിർത്ത​രുത്‌. നിങ്ങൾ അതു ചെയ്യു​ന്നു​വെ​ങ്കിൽ, അവർ പ്രവർത്തി​ച്ചു​തു​ട​ങ്ങു​ന്ന​തി​നു​മു​മ്പു​പോ​ലും ക്ഷീണി​ത​രാ​കും. ഇതു പ്രസം​ഗാ​വ​ത​ര​ണ​ത്തിൽ വൈവി​ധ്യം അനുവ​ദി​ക്കാൻ വേണ്ടത്ര വൈവി​ധ്യ​മു​ളള വിവരങ്ങൾ തയ്യാറാ​കേ​ണ്ട​തി​ന്റെ ആവശ്യ​ത്തി​നു വീണ്ടും ദൃഢത കൊടു​ക്കു​ന്നു. നിങ്ങൾ ചർച്ച​ചെ​യ്യുന്ന ചില പോയിൻറു​കൾ സ്വാഭാ​വി​ക​മാ​യി മററു​ള​ള​വ​യെ​ക്കാൾ കൂടുതൽ ഉത്സാഹം ആവശ്യ​മാ​ക്കി​ത്തീർക്കു​ന്നു എന്നാണ​തി​ന്റെ അർഥം, അവ നിങ്ങളു​ടെ പ്രസം​ഗ​ത്തി​ലു​ട​നീ​ളം വിദഗ്‌ധ​മാ​യി നെയ്‌തു​ചേർക്കേ​ണ്ട​താണ്‌.

⁷ വിശേ​ഷി​ച്ചു മുഖ്യ പോയിൻറു​കൾ ഉത്സാഹ​പൂർവം അവതരി​പ്പി​ക്ക​പ്പെ​ടണം. പ്രസം​ഗ​ത്തിൽ അത്യു​ച്ചങ്ങൾ, നിങ്ങൾ വളർത്തി​ക്കൊ​ണ്ടു​വ​രുന്ന പാരമ്യ​ങ്ങൾ ഉണ്ടായി​രി​ക്കണം. ഇവ നിങ്ങളു​ടെ പ്രസം​ഗ​ത്തി​ന്റെ സമുന്നത പോയിൻറു​ക​ളാ​ക​യാൽ സാധാ​ര​ണ​യാ​യി അവയാ​യി​രി​ക്കും സദസ്സിനെ പ്രേരി​പ്പി​ക്കാൻ, നിങ്ങളു​ടെ വാദത്തി​ന്റെ സംബന്ധ​മോ നിങ്ങളു​ടെ ന്യായ​ങ്ങ​ളോ ബുദ്ധ്യു​പ​ദേ​ശ​മോ ബോധ്യ​മാ​ക്കാൻ, ഉദ്ദേശി​ച്ചി​രി​ക്കുന്ന പോയിൻറു​കൾ. സദസ്സിനെ ബോധ്യ​പ്പെ​ടു​ത്തി​യി​രി​ക്കെ, ഇനി നിങ്ങൾ അവരെ ഉത്തേജി​പ്പി​ക്കേ​ണ്ട​തുണ്ട്‌, നിങ്ങളു​ടെ നിഗമ​ന​ങ്ങ​ളു​ടെ പ്രയോ​ജ​നങ്ങൾ, ഈ ബോധ്യ​ങ്ങൾ അനുസ​രി​ക്കു​ന്ന​തി​നാൽ കൈവ​രുന്ന സന്തോ​ഷ​ങ്ങ​ളും പദവി​ക​ളും, പ്രകട​മാ​ക്കേ​ണ്ട​തുണ്ട്‌. ഇത്‌ ഉത്സാഹ​പൂർവ​ക​മായ അവതരണം ആവശ്യ​മാ​ക്കി​ത്തീർക്കു​ന്നു.

⁸ എന്നിരു​ന്നാ​ലും, ഇതൊ​ക്കെ​യാ​ണെ​ങ്കി​ലും, മററു സമയങ്ങ​ളിൽ നിങ്ങളു​ടെ അവതര​ണ​ങ്ങ​ളിൽ നിങ്ങൾ ഉദാസീ​ന​ത​യി​ലേക്കു പിൻമാ​റ​രുത്‌. നിങ്ങൾ ഒരിക്ക​ലും നിങ്ങളു​ടെ വിഷയ​ത്തോ​ടു​ളള ശക്തമായ വികാരം നഷ്ടപ്പെ​ടു​ത്തു​ക​യോ ഏതെങ്കി​ലും താത്‌പ​ര്യ​ക്കു​റവു പ്രകട​മാ​ക്കു​ക​യോ ചെയ്യരുത്‌. ഒരു മാൻ തെളിഞ്ഞ ഒരു ചെറിയ പ്രദേ​ശത്തു ശാന്തമാ​യി മേയു​ന്നതു മനസ്സിൽ വിഭാ​വ​ന​ചെ​യ്യുക. കാഴ്‌ച​യിൽ പ്രശാ​ന്ത​മെ​ങ്കി​ലും അപകട​ത്തി​ന്റെ ഏററവും കുറഞ്ഞ സൂചന​യിൽപോ​ലും ഭയങ്കര​മാ​യി കുതിച്ചു പായാ​നു​ളള ശക്തി അതിന്റെ മെല്ലിച്ച കാലു​ക​ളിൽ ലീനമാ​യി​ട്ടുണ്ട്‌. അതു സുഖാ​വ​സ്ഥ​യി​ലാണ്‌, എന്നാൽ നിരന്തരം ജാഗ്രത പുലർത്തു​ന്നു. സകല ഉത്സാഹ​ത്തോ​ടും​കൂ​ടെ സംസാ​രി​ക്കാ​ത്ത​പ്പോൾപോ​ലും നിങ്ങൾക്ക്‌ അങ്ങനെ​യാ​യി​രി​ക്കാൻ കഴിയും.

⁹ അപ്പോൾ ഇതി​ന്റെ​യെ​ല്ലാം അർഥ​മെ​ന്താണ്‌? സജീവ​മായ പ്രസം​ഗാ​വ​ത​രണം ഒരിക്ക​ലും നിർബ​ന്ധി​തമല്ല. അതിന്‌ ഒരു കാരണ​മു​ണ്ടാ​യി​രി​ക്കണം, നിങ്ങളു​ടെ വിവരങ്ങൾ നിങ്ങൾക്ക്‌ ആ കാരണം പ്രദാ​നം​ചെ​യ്യണം. നിങ്ങളു​ടെ ഉത്സാഹം വിവര​ത്തിന്‌ അനു​യോ​ജ്യ​മാ​ണോ​യെ​ന്നു​ള​ള​തിൽ നിങ്ങളു​ടെ ഉപദേ​ശകൻ തത്‌പ​ര​നാ​യി​രി​ക്കും. അതു വളരെ അധിക​മാ​യി​രു​ന്നോ അതോ തീരെ കുറവാ​യി​രു​ന്നോ അതോ അസ്ഥാന​ത്താ​യി​രു​ന്നോ? തീർച്ച​യാ​യും, അദ്ദേഹം നിങ്ങളു​ടെ സ്വന്തം വ്യക്തിഗത വ്യക്തി​ത്വ​ത്തെ കണക്കി​ലെ​ടു​ക്കും, എന്നാൽ നിങ്ങൾക്കു ലജ്ജയോ മടിയോ ഉണ്ടെങ്കിൽ അദ്ദേഹം നിങ്ങളെ പ്രോ​ത്സാ​ഹി​പ്പി​ക്കു​ക​യും നിങ്ങൾ പറയു​ന്ന​തെ​ല്ലാം സംബന്ധിച്ച്‌ അമിത​മാ​യി ആവേശ​ഭ​രി​ത​നാ​ണെന്നു തോന്നു​ന്നു​വെ​ങ്കിൽ നിങ്ങൾക്കു മുന്നറി​യി​പ്പു നൽകു​ക​യും ചെയ്യും. അതു​കൊണ്ട്‌, നിങ്ങളു​ടെ ഉത്സാഹത്തെ വിവര​ങ്ങൾക്ക്‌ അനു​യോ​ജ്യ​മാ​ക്കു​ക​യും നിങ്ങളു​ടെ ഉത്സാഹ​ഭ​രി​ത​മായ അവതരണം ഉടനീളം സന്തുലി​ത​മാ​യി​രി​ക്കാൻത​ക്ക​വണ്ണം വിവരങ്ങൾ വ്യത്യാ​സ​പ്പെ​ടു​ത്തു​ക​യും ചെയ്യുക.

**********

10-12. ഊഷ്‌മ​ള​ത​യും വികാ​രാ​നു​ഭ​വ​വും എന്നതി​നാൽ എന്ത്‌ അർഥമാ​ക്കു​ന്നു?

¹⁰ ഉത്സാഹം ഊഷ്‌മ​ള​ത​യോ​ടും വികാ​രാ​നു​ഭ​വ​ത്തോ​ടും അടുത്തു ബന്ധപ്പെ​ട്ടി​രി​ക്കു​ന്നു. എന്നിരു​ന്നാ​ലും, അവയുടെ പ്രകടനം വ്യത്യസ്‌ത വികാ​ര​ങ്ങ​ളാൽ ഉത്തേജി​പ്പി​ക്ക​പ്പെ​ടു​ക​യും നിങ്ങളു​ടെ സദസ്സിൽ വ്യത്യസ്‌ത ഫലങ്ങൾ ഉളവാ​ക്കു​ക​യും ചെയ്യുന്നു. ഒരു പ്രസം​ഗ​ക​നെന്ന നിലയിൽ നിങ്ങളു​ടെ വിവരങ്ങൾ നിമിത്തം നിങ്ങൾ സാധാ​ര​ണ​യാ​യി ഉത്സാഹ​ഭ​രി​ത​നാണ്‌, എന്നാൽ സദസ്സിനെ സഹായി​ക്കാ​നു​ളള ആഗ്രഹ​ത്തോ​ടെ അവരെ​ക്കു​റി​ച്ചു ചിന്തി​ക്കു​മ്പോൾ നിങ്ങൾ ഊഷ്‌മ​ള​ത​യു​ള​ള​വ​നാണ്‌. പ്രസംഗ ഗുണ​ദോ​ഷ​ച്ചീ​ട്ടിൽ പട്ടിക​പ്പെ​ടു​ത്തി​യി​രി​ക്കുന്ന “തീക്ഷ്‌ണ​ത​യും വികാ​രാ​നു​ഭ​വ​വും” ചിന്താ​പൂർവ​ക​മായ ശ്രദ്ധ അർഹി​ക്കു​ന്നു.

¹¹ നിങ്ങൾ ഊഷ്‌മ​ള​ത​യും വികാ​രാ​നു​ഭ​വ​വും പ്രകട​മാ​ക്കു​ന്നു​വെ​ങ്കിൽ, നിങ്ങൾ സ്‌നേ​ഹ​വും ദയയും മൃദു​ലാ​നു​ക​മ്പ​യും പ്രകട​മാ​ക്കുന്ന ഒരാളാ​ണെന്നു സദസ്സ്‌ അറിയും. അവർ തണുപ്പു​ളള ഒരു രാത്രി​യിൽ ഒരു തീയി​ങ്ക​ലേ​ക്കെ​ന്ന​പോ​ലെ നിങ്ങളി​ലേക്ക്‌ ആകർഷി​ക്ക​പ്പെ​ടും. ഒരു സജീവ​മായ അവതരണം ഉത്തേജ​ക​മാണ്‌, എന്നാൽ മൃദുല വികാ​ര​വും ആവശ്യ​മാണ്‌, മനസ്സിനെ മാത്രം പ്രേരി​പ്പി​ച്ചാൽ പോര. നിങ്ങൾ ഹൃദയത്തെ പ്രേരി​പ്പി​ക്കണം.

¹² ദൃഷ്ടാ​ന്ത​ത്തിന്‌, സ്‌നേ​ഹ​ത്തെ​യും ദീർഘ​ക്ഷ​മ​യെ​യും ദയയെ​യും സൗമ്യ​ത​യെ​യും​കു​റിച്ച്‌, നിങ്ങളു​ടെ സ്വന്തം രീതി​യിൽ ആ ഗുണങ്ങ​ളു​ടെ കുറെ പ്രതി​ഫ​ല​ന​മി​ല്ലാ​തെ ഗലാത്യർ 5:22, 23-ൽനിന്നു വായി​ക്കു​ന്നത്‌ ഉചിത​മാ​യി​രി​ക്കു​മോ? ഒന്നു തെസ്സ​ലോ​നീ​ക്യർ 2:7, 8-ലെ പൗലോ​സി​ന്റെ വാക്കു​ക​ളിൽ പ്രകടി​ത​മാ​യി​രി​ക്കുന്ന മൃദു​ല​വി​കാ​ര​വും ശ്രദ്ധി​ക്കുക. ഇവ ഊഷ്‌മ​ള​ത​യും വികാ​രാ​നു​ഭ​വ​വും ആവശ്യ​മാ​ക്കി​ത്തീർക്കുന്ന മൊഴി​ക​ളാണ്‌. അത്‌ എങ്ങനെ പ്രകട​മാ​ക്കണം?

13, 14. മുഖഭാ​വ​ങ്ങ​ളിൽ ഊഷ്‌മളത എങ്ങനെ പ്രകട​മാ​ക്കാൻ കഴിയും?

¹³ മുഖഭാ​വ​ത്തിൽ പ്രകട​മാ​കുന്ന ഊഷ്‌മളത. സദസ്സി​നോ​ടു നിങ്ങൾക്ക്‌ ഊഷ്‌മ​ള​മായ ഒരു വികാ​ര​മു​ണ്ടെ​ങ്കിൽ, അതു നിങ്ങളു​ടെ മുഖത്തു പ്രകട​മാ​കണം. അതു പ്രകട​മാ​കു​ന്നി​ല്ലെ​ങ്കിൽ, നിങ്ങൾക്ക്‌ അവരോട്‌ ആത്മാർഥ​മായ ഊഷ്‌മളത ഉണ്ടെന്ന്‌ അവർക്കു ബോധ്യ​മാ​കാ​തി​രു​ന്നേ​ക്കാം. എന്നാൽ അതു യഥാർഥ​മാ​യി​രി​ക്കണം. അത്‌ ഒരു മുഖം​മൂ​ടി​പോ​ലെ ധരിക്കാ​വു​ന്നതല്ല. ഊഷ്‌മ​ള​ത​യെ​യും വികാ​രാ​നു​ഭ​വ​ത്തെ​യും, വികാ​രാ​ത്മ​ക​ത​യും വൈകാ​രി​ക​ത്വ​വു​മാ​യി കൂട്ടി​ക്കു​ഴ​യ്‌ക്കു​ക​യു​മ​രുത്‌. ദയാപു​ര​സ്സ​ര​മായ ഒരു മുഖഭാ​വം നിഷ്‌ക്ക​ള​ങ്ക​ത​യെ​യും ആത്മാർഥ​ത​യെ​യും പ്രകട​മാ​ക്കും.

¹⁴ അധിക​വും സൗഹാർദ​ത​യു​ളള സദസ്സു​ക​ളോ​ടാ​ണു നിങ്ങൾ സംസാ​രി​ക്കു​ന്നത്‌. അതു​കൊണ്ട്‌, നിങ്ങൾ യഥാർഥ​മാ​യി സദസ്സിനെ നോക്കു​ന്നു​വെ​ങ്കിൽ, നിങ്ങൾക്ക്‌ അവരോട്‌ ഊഷ്‌മളത തോന്നും. നിങ്ങൾക്കു സ്വസ്ഥത​യും സൗഹൃ​ദ​വും തോന്നും. സദസ്സിൽ വിശേ​ഷാൽ സൗഹാർദത നിറഞ്ഞ മുഖമു​ളള ഒരാളെ തിര​ഞ്ഞെ​ടു​ക്കുക. ആ ആളി​നോട്‌ ഏതാനും മിനി​റ​റു​കൾ വ്യക്തി​പ​ര​മാ​യി സംസാ​രി​ക്കുക. മറെറാ​രാ​ളെ തിര​ഞ്ഞെ​ടുത്ത്‌ അയാ​ളോ​ടു സംസാ​രി​ക്കുക. ഇതു നിങ്ങൾക്കു നല്ല സദസ്യ​സ​മ്പർക്കം നൽകു​മെന്നു മാത്രമല്ല, നിങ്ങൾ സദസ്സി​നോട്‌ അടുക്കു​ന്ന​താ​യി കണ്ടെത്തു​ക​യും ചെയ്യും. പ്രതി​ക​ര​ണ​മാ​യു​ളള നിങ്ങളു​ടെ ഊഷ്‌മള മുഖഭാ​വം സദസ്സിനെ നിങ്ങളി​ലേക്ക്‌ അടുപ്പി​ക്കും.

15-19. ഒരു പ്രസം​ഗ​കന്റെ ശബ്ദത്തിൽ ഊഷ്‌മ​ള​ത​യും വികാ​രാ​നു​ഭ​വ​വും പ്രകട​മാ​കാൻ എന്തിട​യാ​ക്കു​മെന്നു ചൂണ്ടി​ക്കാ​ട്ടുക.

¹⁵ ശബ്ദത്തിന്റെ സ്വരത്തിൽ പ്രകട​മാ​കുന്ന ഊഷ്‌മ​ള​ത​യും വികാ​രാ​നു​ഭ​വ​വും. നിങ്ങളു​ടെ ശബ്ദസ്വ​ര​ത്തി​നാൽ ഒരളവു​വരെ നിങ്ങളു​ടെ വികാ​ര​ങ്ങളെ മൃഗങ്ങൾക്കു​പോ​ലും വ്യാഖ്യാ​നി​ക്കാൻ കഴിയു​മെന്നു നന്നായി സ്ഥാപി​ക്ക​പ്പെ​ട്ടി​ട്ടുണ്ട്‌. അപ്പോൾ, സ്വരം​കൊ​ണ്ടു​തന്നെ ഊഷ്‌മ​ള​ത​യും വികാ​രാ​നു​ഭ​വ​വും പ്രകട​മാ​ക്കുന്ന ഒരു ശബ്ദത്തോട്‌ ഒരു സദസ്സ്‌ എത്രയ​ധി​കം പ്രതി​ക​രി​ക്കും?

¹⁶ നിങ്ങൾ സദസ്സിൽനി​ന്നു യഥാർഥ​ത്തിൽ വേർപെ​ട്ട​താ​യി വിചാ​രി​ക്കു​ന്നു​വെ​ങ്കിൽ, നിങ്ങൾ പറയുന്ന വാക്കു​ക​ളോ​ടു സദസ്സ്‌ എങ്ങനെ പ്രതി​ക​രി​ക്കു​മെ​ന്ന​തി​ലു​പരി ആ വാക്കു​ക​ളെ​ക്കു​റി​ച്ചു​തന്നെ നിങ്ങൾ ചിന്തി​ക്കു​ന്നു​വെ​ങ്കിൽ, ജാഗ്ര​ത​യു​ളള ഒരു സദസ്സിൽനിന്ന്‌ അതു മറച്ചു​വെ​ക്കുക പ്രയാ​സ​മാ​യി​രി​ക്കും. എന്നാൽ നിങ്ങളു​ടെ താത്‌പ​ര്യം നിങ്ങൾ ആരോടു സംസാ​രി​ക്കു​ന്നു​വോ അവരിൽ ആത്മാർഥ​മാ​യി കേന്ദ്രീ​ക​രി​ച്ചി​രി​ക്കു​ക​യും നിങ്ങൾ ചിന്തി​ക്കു​ന്ന​തു​പോ​ലെ അവർ ചിന്തി​ക്ക​ത്ത​ക്ക​വണ്ണം നിങ്ങളു​ടെ ആശയങ്ങൾ അവരെ ധരിപ്പി​ക്കാൻ നിങ്ങൾക്ക്‌ ആത്മാർഥ​മായ ഒരു ആഗ്രഹം ഉണ്ടായി​രി​ക്കു​ക​യും ചെയ്യു​ന്നു​വെ​ങ്കിൽ നിങ്ങളു​ടെ വികാ​രാ​നു​ഭവം നിങ്ങളു​ടെ ഏതു സ്വര​ഭേ​ദ​ത്തി​ലും പ്രതി​ഫ​ലി​ക്കും.

¹⁷ എന്നിരു​ന്നാ​ലും ഇതു സ്‌പഷ്ട​മാ​യി ആത്മാർഥ​മായ ഒരു താത്‌പ​ര്യ​മാ​യി​രി​ക്കണം. ഉത്സാഹ​ത്തി​നു കഴിയു​ന്ന​തു​പോ​ലെ യഥാർഥ ഊഷ്‌മ​ള​തയെ ഒന്നിനും അനുക​രി​ക്കാൻ കഴിയു​ക​യില്ല. ഒരു പ്രസം​ഗകൻ ഒരിക്ക​ലും കപടഭാ​വ​ത്തി​ലു​ളള ഒരു മധുരി​മ​യു​ടെ ധാരണ കൊടു​ക്ക​രുത്‌. തീക്ഷ്‌ണ​ത​യെ​യും വികാ​രാ​നു​ഭ​വ​ത്തെ​യും വികാ​രാ​ത്മ​ക​ത​യു​മാ​യി അല്ലെങ്കിൽ വികാ​ര​ജീ​വി​യു​ടെ വിലകു​റഞ്ഞ ഭാവ​പ്ര​ക​ട​ന​മായ വിറയ്‌ക്കുന്ന ശബ്ദവു​മാ​യി കൂട്ടി​ക്കു​ഴ​യ്‌ക്ക​രുത്‌.

¹⁸ നിങ്ങൾക്കു ദുസ്സഹ​മായ ഒരു പരുക്കൻ ശബ്ദമാ​ണു​ള​ള​തെ​ങ്കിൽ സംസാ​ര​ത്തിൽ ഊഷ്‌മളത പ്രകട​മാ​ക്കുക പ്രയാ​സ​മാ​യി​രി​ക്കും. അങ്ങനെ​യു​ളള ഏതു പ്രശ്‌ന​ത്തെ​യും തരണം​ചെ​യ്യു​ന്ന​തി​നു നിങ്ങൾ ബോധ​പൂർവ​വും ഉത്സാഹ​പൂർവ​വും ശ്രമി​ക്കണം. അതു ശബ്ദഗു​ണ​ത്തി​ന്റെ ഒരു സംഗതി​യാണ്‌, അതിനു സമയമാ​വ​ശ്യ​മാണ്‌, എന്നാൽ നിങ്ങളു​ടെ ശബ്ദത്തിന്റെ ഊഷ്‌മ​ള​തയെ മെച്ച​പ്പെ​ടു​ത്തു​ന്ന​തിന്‌ ഉചിത​മായ ശ്രദ്ധയ്‌ക്കും ശ്രമത്തി​നും വളരെ​യ​ധി​കം ചെയ്യാൻ കഴിയും.

¹⁹ തികച്ചും യാന്ത്രി​ക​മായ ഒരു നിലപാ​ടിൽ നിങ്ങളെ സഹായി​ച്ചേ​ക്കാ​വുന്ന ഒരു സംഗതി ഹ്രസ്വ​മായ, മുറിച്ച, സ്വരങ്ങൾ സംസാ​രത്തെ ദുസ്സഹ​മാ​ക്കു​ന്നു​വെന്ന്‌ ഓർക്കു​ന്ന​താണ്‌. സ്വരങ്ങൾ നീട്ടാൻ പഠിക്കുക. ഇത്‌ അവയെ മൃദു​ല​മാ​ക്കു​ക​യും സ്വതവേ നിങ്ങളു​ടെ സംസാ​രത്തെ സ്വര​പ്ര​കാ​ശ​ന​ത്തിൽ കൂടുതൽ ഊഷ്‌മ​ള​മാ​ക്കു​ക​യും ചെയ്യും.

20, 21. ഒരു പ്രസം​ഗ​ത്തി​ലെ വിവരങ്ങൾ അവതര​ണ​ത്തി​ലെ ഊഷ്‌മ​ള​ത​യെ​യും വികാ​രാ​നു​ഭ​വ​ത്തെ​യും ഏതു വിധത്തിൽ ബാധി​ക്കു​ന്നു?

²⁰ വിവര​ത്തിന്‌ അനു​യോ​ജ്യ​മായ ഊഷ്‌മ​ള​ത​യും വികാ​രാ​നു​ഭ​വ​വും. ഉത്സാഹ​ത്തി​ന്റെ കാര്യ​ത്തി​ലെ​ന്ന​പോ​ലെ, സംസാ​ര​ത്തിൽ നിങ്ങൾ ഉൾക്കൊ​ള​ളി​ക്കുന്ന ഊഷ്‌മ​ള​ത​യും വികാ​രാ​നു​ഭ​വ​വും നിങ്ങൾ എന്തു പറയു​ന്നു​വെ​ന്ന​തി​നെ ഒരു വലിയ അളവിൽ ആശ്രയി​ച്ചി​രി​ക്കു​ന്നു. ഇതിന്റെ ഒരു ദൃഷ്ടാ​ന്ത​മാ​ണു മത്തായി 23-ൽ ശാസ്‌ത്രി​മാ​രെ​യും പരീശൻമാ​രെ​യും യേശു കുററം വിധി​ക്കു​ന്ന​തി​നെ​ക്കു​റി​ച്ചു​ളള വിവരണം. അപലപ​ന​ത്തി​ന്റെ ഈ പൊള​ളി​ക്കുന്ന വാക്കുകൾ വിരസ​വും നിർജീ​വ​വു​മായ ഒരു വിധത്തിൽ അവിടു​ന്നു പറയു​ന്ന​തി​നെ​ക്കു​റി​ച്ചു നമുക്കു സങ്കല്‌പി​ക്കാ​വു​ന്നതല്ല. എന്നാൽ ഈ രോഷ​ത്തി​ന്റെ​യും ക്രോ​ധ​ത്തി​ന്റെ​യും പ്രകട​ന​ത്തിൻമ​ധ്യേ ഊഷ്‌മ​ള​ത​യും മൃദു​ല​വി​കാ​ര​വും നിറഞ്ഞ ഒരു വാചക​മുണ്ട്‌, യേശു​വി​ന്റെ സഹാനു​ഭൂ​തി പ്രകട​മാ​ക്കു​ന്ന​തു​തന്നെ, ഈ വാക്കു​ക​ളിൽ: “—കോഴി തന്റെ കുഞ്ഞു​ങ്ങളെ ചിറകിൻകീ​ഴിൽ ചേർക്കും​പോ​ലെ നിന്റെ മക്കളെ ചേർത്തു​കൊൾവാൻ എനിക്കു എത്രവട്ടം മനസ്സാ​യി​രു​ന്നു; നിങ്ങൾക്കോ മനസ്സാ​യില്ല.” ഇവിടെ സ്‌പഷ്ട​മാ​യി മൃദുല വികാരം സൂചി​പ്പി​ക്ക​പ്പെ​ട്ടി​രി​ക്കു​ന്നു, എന്നാൽ “നിങ്ങളു​ടെ ഭവനം ശൂന്യ​മാ​യി​ത്തീ​രും” എന്ന അടുത്ത പ്രസ്‌താ​വന അതേ വികാരം വഹിക്കു​ന്നില്ല. ആ സ്വരം പരിത്യ​ജ​ന​ത്തി​ന്റെ, വെറു​പ്പി​ന്റെ ഒന്നാണ്‌.

²¹ അപ്പോൾ ഊഷ്‌മ​ള​ത​യും വികാ​രാ​നു​ഭ​വ​വും എവി​ടെ​യാണ്‌ അനു​യോ​ജ്യ​മാ​യി​രി​ക്കു​ന്നത്‌? വയൽശു​ശ്രൂ​ഷ​യി​ലോ ഒരു വിദ്യാർഥി​പ്ര​സം​ഗ​ത്തി​ലോ നിങ്ങൾ പറയുന്ന കാര്യ​ങ്ങ​ളിൽ മിക്കതും ഈ ശൈലി​ക്കു ചേരും, എന്നാൽ നിങ്ങൾ ന്യായ​വാ​ദം​ചെ​യ്യു​ക​യും പ്രോ​ത്സാ​ഹി​പ്പി​ക്കു​ക​യും പ്രബോ​ധി​പ്പി​ക്കു​ക​യും സഹതപി​ക്കു​ക​യും മററും ചെയ്യു​മ്പോൾ വിശേ​ഷാൽ അങ്ങനെ​ത​ന്നെ​യാണ്‌. ഊഷ്‌മ​ള​ത​യു​ള​ള​വ​രാ​യി​രി​ക്കാൻ ഓർക്കു​മ്പോൾ, ഉചിത​മാ​യി​രി​ക്കു​മ്പോൾ ഉത്സാഹ​മു​ള​ള​വ​രാ​യി​രി​ക്കാൻ മറക്കരുത്‌. എല്ലാറ​റി​ലും സമനി​ല​യു​ള​ള​വ​രാ​യി​രി​ക്കുക, എന്നാൽ നിങ്ങൾ പറയു​ന്ന​തി​നെ​ല്ലാം സാധ്യ​മാ​കു​ന്ന​ട​ത്തോ​ളം പൂർണ​മായ ഭാവം പ്രകട​മാ​ക്കുക.