ഭാഗം 1

ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ?

1, 2. ആളുകൾ ദൈവത്തെ സംബന്ധിച്ച്‌ ഏതു ചോദ്യം ചോദി​ക്കു​ന്നു, എന്തു​കൊണ്ട്‌?

‘യഥാർത്ഥ​ത്തിൽ നമ്മെ സംബന്ധി​ച്ചു കരുതുന്ന ഒരു ദൈവ​മു​ണ്ടെ​ങ്കിൽ, അവിടുന്ന്‌ ഇത്രയ​ധി​കം കഷ്ടപ്പാട്‌ അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌?’ എന്നു ജീവി​ത​ത്തിൽ ഏതെങ്കി​ലും സമയത്തു നിങ്ങൾ ചോദി​ച്ചി​ട്ടു​ണ്ടാ​യി​രി​ക്കാം. നാമെ​ല്ലാം കഷ്ടപ്പാട്‌ അനുഭ​വി​ച്ചി​ട്ടുണ്ട്‌, അല്ലെങ്കിൽ കഷ്ടപ്പാ​ട​നു​ഭ​വിച്ച ആരെ​യെ​ങ്കി​ലും കുറിച്ചു നമുക്ക​റി​യാം.

² വാസ്‌ത​വ​ത്തിൽ, ചരി​ത്ര​ത്തി​ലു​ട​നീ​ളം ആളുകൾ യുദ്ധവും ക്രൂര​ത​യും കുററ​കൃ​ത്യ​വും അനീതി​യും ദാരി​ദ്ര്യ​വും രോഗ​വും പ്രിയ​പ്പെ​ട്ട​വ​രു​ടെ മരണവും മൂലം വേദന​യും മനോ​വ്യ​ഥ​യും അനുഭ​വി​ച്ചി​ട്ടുണ്ട്‌. നമ്മുടെ 20-ാം നൂററാ​ണ്ടിൽ മാത്രം യുദ്ധങ്ങൾ പത്തു കോടി​യി​ല​ധി​കം ആളുകളെ കൊ​ന്നൊ​ടു​ക്കി​യി​ട്ടുണ്ട്‌. മററു കോടി​ക്ക​ണ​ക്കി​നാ​ളു​കൾക്കു മുറി​വേൽക്കു​ക​യോ ഭവനങ്ങ​ളും സ്വത്തു​ക്ക​ളും നഷ്ടപ്പെ​ടു​ക​യോ ചെയ്‌തി​രി​ക്കു​ന്നു. ഒട്ടനവധി ആളുകൾക്കു വലിയ സങ്കടവും വളരെ​യ​ധി​കം കണ്ണുനീ​രും നിരാ​ശാ​ബോ​ധ​വും കൈവ​രു​ത്തി​ക്കൊ​ണ്ടു നമ്മുടെ കാലത്തു ഘോര​മായ നിരവധി കാര്യങ്ങൾ സംഭവി​ച്ചി​ട്ടുണ്ട്‌.

3, 4. കഷ്ടപ്പാ​ടി​നു​ളള ദൈവ​ത്തി​ന്റെ അനുവാ​ദം സംബന്ധിച്ച്‌ അനേകർ എങ്ങനെ വിചാ​രി​ക്കു​ന്നു?

³ ചിലർ രോഷാ​കു​ല​രാ​യി​ത്തീ​രു​ക​യും ഒരു ദൈവം ഉണ്ടെങ്കിൽതന്നെ അവിടുന്ന്‌ വാസ്‌ത​വ​ത്തിൽ നമ്മെ സംബന്ധി​ച്ചു കരുതു​ന്നി​ല്ലെന്നു വിചാ​രി​ക്കു​ക​യും ചെയ്യുന്നു. അല്ലെങ്കിൽ ദൈവം ഇല്ലെന്നു​പോ​ലും അവർ വിചാ​രി​ച്ചേ​ക്കാം. ഉദാഹ​ര​ണ​ത്തിന്‌, ഒന്നാം ലോക​മ​ഹാ​യു​ദ്ധ​ത്തിൽ സുഹൃ​ത്തു​ക്ക​ളു​ടെ​യും കുടും​ബാം​ഗ​ങ്ങ​ളു​ടെ​യും മരണത്തി​നി​ട​യാ​ക്കിയ വംശീയ പീഡനം സഹി​ക്കേ​ണ്ടി​വന്ന ഒരു മനുഷ്യൻ ഇപ്രകാ​രം ചോദി​ച്ചു: “ഞങ്ങൾക്ക്‌ ദൈവത്തെ ആവശ്യ​മാ​യി​രു​ന്ന​പ്പോൾ അവൻ എവി​ടെ​യാ​യി​രു​ന്നു?” രണ്ടാം ലോക​മ​ഹാ​യു​ദ്ധ​ത്തിൽ നാസികൾ നടത്തിയ ലക്ഷങ്ങളു​ടെ കൂട്ട​ക്കൊ​ലയെ അതിജീ​വിച്ച മറെറാ​രാൾ, “നിങ്ങൾക്ക്‌ എന്റെ ഹൃദയം നക്കാൻ കഴിഞ്ഞാൽ അതു നിങ്ങളെ വിഷലി​പ്‌ത​മാ​ക്കും” എന്നു പറയത്ത​ക്ക​വണ്ണം താൻ കണ്ട കഷ്ടപ്പാടു നിമിത്തം വളരെ ദുഃഖി​ത​നാ​യി​ത്തീർന്നു.

⁴ അങ്ങനെ, നല്ലവനായ ഒരു ദൈവം ചീത്ത കാര്യങ്ങൾ സംഭവി​ക്കാൻ അനുവ​ദി​ക്കു​ന്ന​തെ​ന്തു​കൊ​ണ്ടെന്നു മനസ്സി​ലാ​ക്കാൻ അനേകർക്കും കഴിയു​ന്നില്ല. അവിടുന്ന്‌ യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ, അല്ലെങ്കിൽ അവിടുന്ന്‌ സ്ഥിതി​ചെ​യ്യു​ന്നു​വോ എന്നു​പോ​ലും അവർ സംശയി​ക്കു​ന്നു. കഷ്ടപ്പാട്‌ എന്നും മനുഷ്യ​ജീ​വി​ത​ത്തി​ന്റെ ഒരു ഭാഗമാ​യി​രി​ക്കു​മെ​ന്നും അവരിൽ അനേകർ വിചാ​രി​ക്കു​ന്നു.

ഇതിൽ ഉപയോ​ഗി​ച്ചി​രി​ക്കുന്ന ബൈബിൾ ഭാഷാ​ന്ത​രങ്ങൾ ബൈബിൾ സൊ​സൈറ്റി ഓഫ്‌ ഇന്ത്യയു​ടെ “സത്യ​വേ​ദ​പു​സ്‌തക”വും NW വരുന്നി​ടത്ത്‌ ഇംഗ്ലീ​ഷി​ലുള്ള ന്യൂ വേൾഡ്‌ ട്രാൻസ​ലേഷൻ ഓഫ്‌ ദ ഹോളി സ്‌ക്രി​പ്‌ച്ചേ​ഴ്‌സും (1984) ആണ്‌.

[2, 3 പേജു​ക​ളി​ലെ ചിത്രം]

കഷ്ടപ്പാടിൽനിന്നു വിമു​ക്ത​മായ ഒരു പുതി​യ​ലോ​കം ആസന്നമോ?