ഭാഗം 4

ദൈവം തന്റെ ഉദ്ദേശ്യ​ങ്ങൾ നമ്മെ അറിയി​ക്കു​ന്നു

1, 2. ആത്മാർത്ഥ​മാ​യി ചോദി​ക്കു​ന്ന​വർക്കു ദൈവം ഉത്തരങ്ങൾ നൽകു​ന്നു​വെന്നു നാം എങ്ങനെ അറിയു​ന്നു?

സ്‌നേ​ഹ​വാ​നായ ഒരു ദൈവം തന്നെ അന്വേ​ഷി​ക്കുന്ന ആത്മാർത്ഥ​ത​യു​ള​ള​വർക്കു തന്റെ ഉദ്ദേശ്യം തീർച്ച​യാ​യും വെളി​പ്പെ​ടു​ത്തു​ന്നു. അവിടുന്ന്‌ കഷ്ടപ്പാട്‌ അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌, എന്നതു​പോ​ലു​ളള ചോദ്യ​ങ്ങൾക്കു ജിജ്ഞാ​സു​ക്ക​ളായ മനുഷ്യർക്ക്‌ അവിടുന്ന്‌ ഉത്തരങ്ങൾ നൽകു​ക​തന്നെ ചെയ്യുന്നു.

² ബൈബിൾ ഇപ്രകാ​രം പ്രസ്‌താ​വി​ക്കു​ന്നു: “നീ അവനെ [ദൈവത്തെ] അന്വേ​ഷി​ക്കു​ന്നു എങ്കിൽ അവനെ കണ്ടെത്തും.” “രഹസ്യ​ങ്ങളെ വെളി​പ്പെ​ടു​ത്തുന്ന ഒരു ദൈവം സ്വർഗ്ഗ​ത്തിൽ ഉണ്ടു.” “യഹോ​വ​യായ കർത്താവു പ്രവാ​ച​കൻമാ​രായ തന്റെ ദാസൻമാർക്കു തന്റെ രഹസ്യം വെളി​പ്പെ​ടു​ത്താ​തെ ഒരു കാര്യ​വും ചെയ്‌ക​യില്ല.”—1 ദിനവൃ​ത്താ​ന്തം 28:9; ദാനീ​യേൽ 2:28; ആമോസ്‌ 3:7.

ഉത്തരങ്ങൾ എവി​ടെ​യാണ്‌?

3. ദൈവം കഷ്ടപ്പാട്‌ അനുവ​ദി​ക്കു​ന്ന​തെ​ന്തു​കൊ​ണ്ടെന്ന്‌ നമു​ക്കെ​വി​ടെ കണ്ടെത്താൻ കഴിയും?

³ ദൈവം കഷ്ടപ്പാട്‌ അനുവ​ദി​ക്കു​ന്ന​തെ​ന്തു​കൊണ്ട്‌, അവിടുന്ന്‌ അതു സംബന്ധിച്ച്‌ എന്തു ചെയ്യും എന്നതു​പോ​ലു​ളള ചോദ്യ​ങ്ങ​ളു​ടെ ഉത്തരങ്ങൾ നമ്മുടെ പ്രയോ​ജ​ന​ത്തി​നു​വേണ്ടി അവിടുന്ന്‌ നിശ്വ​സ്‌ത​ത​നൽകിയ രേഖയിൽ കണ്ടെത്തു​ന്നു. ആ രേഖ അവിടത്തെ വചനമായ വിശുദ്ധ ബൈബി​ളാ​കു​ന്നു. “എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ ദൈവ​ത്തി​ന്റെ മനുഷ്യൻ സകല സൽപ്ര​വൃ​ത്തി​ക്കും വക പ്രാപി​ച്ചു തികഞ്ഞവൻ ആകേണ്ട​തി​ന്നു ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള​ളതു ആകുന്നു.”—2 തിമൊ​ഥെ​യൊസ്‌ 3:16, 17.

4, 5. ബൈബി​ളി​നെ അതുല്യ​മായ ഒരു പുസ്‌ത​ക​മാ​ക്കി​ത്തീർക്കു​ന്ന​തെന്ത്‌?

⁴ ബൈബിൾ സത്യമാ​യും അതുല്യ​മായ ഒരു പുസ്‌ത​ക​മാ​കു​ന്നു. അതിൽ മനുഷ്യ​ച​രി​ത്ര​ത്തി​ന്റെ അത്യന്തം കൃത്യ​ത​യു​ളള രേഖ അടങ്ങി​യി​രി​ക്കു​ന്നു, അതു മമനു​ഷ്യ​ന്റെ സൃഷ്ടിക്ക്‌ അപ്പുറ​ത്തേ​ക്കു​പോ​ലും പിമ്പോ​ട്ടു പോകു​ന്നു. അതു കാലോ​ചി​ത​വു​മാണ്‌, എന്തെന്നാൽ അതിലെ പ്രവച​നങ്ങൾ നമ്മുടെ കാല​ത്തെ​യും തൊട്ട​ടുത്ത ഭാവി​യി​ലെ​യും സംഭവ​ങ്ങ​ളോ​ടു ബന്ധപ്പെ​ട്ടി​രി​ക്കു​ന്നു.

⁵ മറെറാ​രു പുസ്‌ത​ക​ത്തി​നും ചരി​ത്ര​കൃ​ത്യ​ത​ക്കു​ളള അത്തരം സാക്ഷ്യ​പ​ത്രങ്ങൾ ഇല്ല. ദൃഷ്ടാ​ന്ത​ത്തിന്‌, ചിരസ​മ്മ​ത​രായ പുരാതന എഴുത്തു​കാ​രു​ടെ ഏതാനും കയ്യെഴു​ത്തു പ്രതി​കളേ സ്ഥിതി​ചെ​യ്യു​ന്നു​ളളു. എന്നാൽ ബൈബി​ളി​ന്റെ അനേകം കയ്യെഴു​ത്തു​പ്ര​തി​കൾ സ്ഥിതി​ചെ​യ്യു​ന്നുണ്ട്‌, ചിലതു ഭാഗി​ക​വും ചിലതു പൂർണ്ണ​വു​മാണ്‌: എബ്രായ തിരു​വെ​ഴു​ത്തു​ക​ളു​ടെ (“പഴയനി​യമ”ത്തിന്റെ 39 പുസ്‌ത​കങ്ങൾ) ഏതാണ്ട്‌ 6,000-വും ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ (“പുതി​യ​നി​യമ”ത്തിന്റെ 27 പുസ്‌ത​കങ്ങൾ) ഏതാണ്ട്‌ 13,000-വും തന്നെ.

6. ബൈബിൾ ഇന്ന്‌ അടിസ്ഥാ​ന​പ​ര​മാ​യി ദൈവം അതിനു നിശ്വ​സ്‌തത നൽകി​യ​പ്പോ​ഴത്തെ അതേ അവസ്ഥയിൽത​ന്നെ​യാ​ണെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

⁶ ബൈബി​ളി​നു നിശ്വ​സ്‌തത നൽകിയ സർവ്വശ​ക്ത​നായ ദൈവം ആ കയ്യെഴു​ത്തു പ്രതി​ക​ളിൽ അതിന്റെ മൂലപാ​ഠ​ത്തി​ന്റെ നിർമ്മലത കാത്തു​സൂ​ക്ഷി​ച്ചി​രി​ക്കു​ന്നു​വെന്ന്‌ ഉറപ്പു​വ​രു​ത്തി. അതു​കൊണ്ട്‌ ഇന്നത്തെ നമ്മുടെ ബൈബി​ളു​കൾ സാക്ഷാൽ ആദിമ നിശ്വസ്‌ത എഴുത്തു​ക​ളെ​പ്പോ​ലെ തന്നെയാണ്‌. ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ ചില കയ്യെഴു​ത്തു​പ്ര​തി​കൾ അതിന്റെ ആദിമ എഴുത്തു​നടന്ന കാല​ശേഷം ഒരു നൂറു​വർഷ​ത്തി​നു​ള​ളി​ലേ​താ​ണെ​ന്നു​ള​ളത്‌ ഇതു വിലമ​തി​ക്കാൻ നമ്മെ സഹായി​ക്കുന്ന മറെറാ​രു ഘടകമാണ്‌. പുരാതന ലൗകിക എഴുത്തു​കാ​രു​ടെ ഇപ്പോ​ഴും സ്ഥിതി​ചെ​യ്യുന്ന ഏതാനും കയ്യെഴു​ത്തു​പ്ര​തി​കൾ ആദിമ എഴുത്തു​കാർ ജീവി​ച്ചി​രു​ന്ന​തി​നു പല നൂററാ​ണ്ടു​കൾക്കു​ള​ളി​ലേ​താ​യി​രി​ക്കു​ന്നതു വിരള​മാണ്‌.

ദൈവ​ത്തി​ന്റെ സമ്മാനം

7. ബൈബി​ളി​ന്റെ പ്രചാരം എത്ര വ്യാപ​ക​മാണ്‌?

⁷ ചരി​ത്ര​ത്തിൽ ഏററവു​മ​ധി​കം വ്യാപ​ക​മാ​യി വിതരണം ചെയ്യ​പ്പെ​ട്ടി​രി​ക്കുന്ന പുസ്‌തകം ബൈബി​ളാണ്‌. ഏതാണ്ട്‌ 300 കോടി പ്രതികൾ അച്ചടി​ച്ചി​ട്ടുണ്ട്‌. മറെറാ​രു പുസ്‌ത​ക​വും അതിന്റെ അടു​ത്തെ​ങ്ങും എത്തുന്നില്ല. ബൈബി​ളോ അതിന്റെ ഭാഗങ്ങ​ളോ ഏതാണ്ട്‌ 2,000 ഭാഷക​ളി​ലേക്കു വിവർത്തനം ചെയ്‌തി​ട്ടുണ്ട്‌. അങ്ങനെ, നമ്മുടെ ഗ്രഹത്തി​ലെ ജനസം​ഖ്യ​യു​ടെ 98 ശതമാ​ന​ത്തി​നും ബൈബിൾ ലഭ്യമാ​ണെന്നു കണക്കാ​ക്ക​പ്പെ​ട്ടി​രി​ക്കു​ന്നു.

8-10. ബൈബിൾ നമ്മുടെ പരി​ശോ​ധന അർഹി​ക്കു​ന്ന​തി​ന്റെ ചില കാരണങ്ങൾ ഏവ?

⁸ ദൈവ​ത്തിൽനി​ന്നു​ള​ള​താ​യി അവകാ​ശ​പ്പെ​ടു​ന്ന​തും പ്രാമാ​ണി​ക​ത​യു​ടെ ബാഹ്യ​വും ആന്തരി​ക​വു​മായ സകല തെളി​വു​ക​ളു​മു​ള​ള​തും ആയ ഒരു പുസ്‌തകം തീർച്ച​യാ​യും നമ്മുടെ പരി​ശോ​ധന അർഹി​ക്കു​ന്ന​താണ്‌.a അതു ജീവി​ത​ത്തി​ന്റെ ഉദ്ദേശ്യ​വും ലോകാ​വ​സ്ഥ​ക​ളു​ടെ അർത്ഥവും ഭാവി എന്തു കരുതി​വെ​ച്ചി​രി​ക്കു​ന്നു​വെ​ന്നും വിശദീ​ക​രി​ക്കു​ന്നു. മറെറാ​രു പുസ്‌ത​ക​ത്തി​നും അതു ചെയ്യാൻ കഴിക​യില്ല.

⁹ അതേ, ബൈബിൾ മനുഷ്യ​കു​ടും​ബ​ത്തി​നു​ളള ദൈവ​ത്തി​ന്റെ സന്ദേശ​മാണ്‌. ഏകദേശം 40 മനുഷ്യർ എഴുത്തു നിർവ്വ​ഹി​ച്ച​പ്പോൾ അവിടുന്ന്‌ തന്റെ പ്രവർത്ത​ന​നി​ര​ത​മായ ശക്തിയെ അഥവാ ആത്മാവി​നെ ഉപയോ​ഗിച്ച്‌ അതിന്റെ എഴുത്തി​നെ നയിച്ചു. അങ്ങനെ ദൈവം തന്റെ വചനമായ വിശുദ്ധ ബൈബി​ളി​ലൂ​ടെ നമ്മോടു സംസാ​രി​ക്കു​ന്നു. അപ്പോ​സ്‌ത​ല​നായ പൗലോസ്‌ എഴുതി: “ഞങ്ങൾ പ്രസം​ഗിച്ച ദൈവ​വ​ചനം നിങ്ങൾ കേട്ടു, മമനു​ഷ്യ​ന്റെ വചനമാ​യി​ട്ടല്ല സാക്ഷാൽ ആകുന്ന​തു​പോ​ലെ ദൈവ​വ​ച​ന​മാ​യി​ട്ടു തന്നെ കൈ​ക്കൊ​ണ്ടു.”—1 തെസ്സ​ലൊ​നീ​ക്യർ 2:13.

¹⁰ ഐക്യ​നാ​ടു​ക​ളു​ടെ 16-ാമത്തെ പ്രസി​ഡൻറാ​യി​രുന്ന ഏബ്രഹാം ലിങ്കൺ ബൈബി​ളി​നെ, “ദൈവം മനുഷ്യ​നു നൽകി​യി​ട്ടു​ള​ള​തി​ലേ​ക്കും ഏററവും മികച്ച സമ്മാനം . . .” എന്നു വിളിച്ചു. “അതില്ലാ​യി​രു​ന്നെ​ങ്കിൽ നാം തെററും ശരിയും അറിയി​ല്ലാ​യി​രു​ന്നു.” അങ്ങനെ​യെ​ങ്കിൽ, കഷ്ടപ്പാട്‌ എങ്ങനെ തുടങ്ങി, ദൈവം അത്‌ അനുവ​ദി​ച്ച​തെ​ന്തു​കൊണ്ട്‌, അതു സംബന്ധിച്ച്‌ അവിടുന്ന്‌ എന്തു ചെയ്യും എന്നീ കാര്യങ്ങൾ സംബന്ധിച്ച്‌ ഈ അതി​ശ്രേ​ഷ്‌ഠ​സ​മ്മാ​നം നമ്മോട്‌ എന്തു പറയുന്നു?

[അടിക്കു​റി​പ്പു​കൾ]

[10-ാം പേജിലെ ചിത്രം]

ദൈവനിശ്വസ്‌തമായ ബൈബിൾ മനുഷ്യ​കു​ടും​ബ​ത്തി​നു​ളള അവിടത്തെ സന്ദേശ​മാണ്‌