ഭാഗം 6

ദൈവം കഷ്ടപ്പാട്‌ അനുവ​ദി​ച്ചി​രി​ക്കു​ന്ന​തി​ന്റെ കാരണം

1, 2. നമ്മുടെ ആദ്യമാ​താ​പി​താ​ക്കൾ ദൈവം അവർക്കു നൽകിയ ഉത്‌കൃ​ഷ്ട​മായ തുടക്കത്തെ നശിപ്പി​ച്ച​തെ​ങ്ങനെ?

എന്താണു പിശകി​പ്പോ​യത്‌? ഏദെൻ പറുദീ​സ​യിൽ ദൈവം നമ്മുടെ ആദ്യമാ​താ​പി​താ​ക്കൾക്കു നൽകിയ ഉത്‌കൃ​ഷ്ട​മായ ആ തുടക്കത്തെ നശിപ്പി​ക്കാൻ എന്തുണ്ടാ​യി? പറുദീ​സ​യു​ടെ സമാധാ​ന​ത്തി​നും യോജി​പ്പി​നും പകരം ആയിര​ക്ക​ണ​ക്കി​നു വർഷങ്ങ​ളാ​യി ദുഷ്ടത​യും കഷ്ടപ്പാ​ടും നടമാ​ടി​യി​രി​ക്കു​ന്ന​തെ​ന്തു​കൊണ്ട്‌?

² ആദാമും ഹവ്വയും അവരുടെ ഇച്ഛാസ്വാ​ത​ന്ത്ര്യം ദുർവി​നി​യോ​ഗം ചെയ്‌തു എന്നതാണു കാരണം. തങ്ങൾ ദൈവ​ത്തെ​യും അവിടത്തെ നിയമ​ങ്ങ​ളെ​യും അവഗണി​ച്ചു​കൊ​ണ്ടു അഭിവൃ​ദ്ധി​പ്പെ​ടാൻ സൃഷ്ടി​ക്ക​പ്പെ​ട്ട​വ​ര​ല്ലെ​ന്നു​ളള വസ്‌തു​ത​യു​ടെ കാഴ്‌ച​പ്പാട്‌ അവർക്കു നഷ്ടപ്പെട്ടു. ദൈവ​ത്തിൽനി​ന്നു സ്വത​ന്ത്ര​രാ​കു​ന്നതു തങ്ങളുടെ ജീവി​തത്തെ മെച്ച​പ്പെ​ടു​ത്തു​മെന്നു ചിന്തി​ച്ചു​കൊണ്ട്‌ അവർ അതിനു തീരു​മാ​ന​മെ​ടു​ത്തു. അതു​കൊണ്ട്‌ അവർ ദൈവം കല്‌പി​ച്ചി​രുന്ന ഇച്ഛാസ്വാ​ത​ന്ത്ര്യ​ത്തി​ന്റെ അതിരു​കൾ അതി​ക്ര​മി​ച്ചു കടന്നു.—ഉൽപത്തി, അദ്ധ്യായം 3.

സാർവ്വ​ത്രിക പരമാ​ധി​കാ​ര​ത്തി​ന്റെ വാദവി​ഷ​യം

3-5. ദൈവം ആദാമി​നെ​യും ഹവ്വയെ​യും നശിപ്പി​ക്കു​ക​യും വീണ്ടും തുടങ്ങു​ക​യും ചെയ്യാ​ഞ്ഞ​തെ​ന്തു​കൊണ്ട്‌?

³ ദൈവം ആദാമി​നെ​യും ഹവ്വയെ​യും നശിപ്പി​ക്കു​ക​യും മറെറാ​രു മനുഷ്യ​ജോ​ടി​യെ ഉപയോ​ഗി​ച്ചു വീണ്ടും തുടങ്ങു​ക​യും ചെയ്യാ​ഞ്ഞ​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ അവിടത്തെ സാർവ്വ​ത്രിക പരമാ​ധി​കാ​രം, അതായത്‌, ഒഴിഞ്ഞു​കൊ​ടു​ക്കാ​നാ​വാത്ത അവിടത്തെ ഭരണാ​വ​കാ​ശം വെല്ലു​വി​ളി​ക്ക​പ്പെ​ട്ടി​രു​ന്നു.

⁴ ഭരിക്കാൻ അവകാ​ശ​മു​ള​ളത്‌ ആർക്കാണ്‌, ആരുടെ ഭരണമാ​ണു ശരി? എന്നതാ​യി​രു​ന്നു ചോദ്യം. ദൈവം സർവ്വശ​ക്ത​നും സകല ജീവി​ക​ളു​ടെ​യും സ്രഷ്ടാ​വും ആണെന്നു​ളള വസ്‌തുത അവയു​ടെ​മേൽ ഭരിക്കാ​നു​ളള അവകാശം അവിട​ത്തേക്കു നൽകുന്നു. അവിടുന്ന്‌ സർവ്വജ്ഞാ​നി​യാ​യ​തു​കൊണ്ട്‌ അവിടത്തെ ഭരണം എല്ലാ സൃഷ്ടി​കൾക്കും ഏററവും നല്ലതാണ്‌. എന്നാൽ ദൈവ​ത്തി​ന്റെ ഭരണം ഇപ്പോൾ വെല്ലു​വി​ളി​ക്കു വിധേ​യ​മാ​യി. കൂടാതെ, അവിടത്തെ സൃഷ്ടി​യായ മമനു​ഷ്യ​ന്റെ കാര്യ​ത്തിൽ എന്തെങ്കി​ലും തെററു​പ​റ​റി​യി​രു​ന്നോ? മമനു​ഷ്യ​ന്റെ നിർമ്മ​ല​ത​യു​ടെ പ്രശ്‌നം ഉൾപ്പെ​ട്ടി​രു​ന്ന​തെ​ങ്ങ​നെ​യെന്നു നാം പിന്നീടു പരി​ശോ​ധി​ക്കും.

⁵ മനുഷ്യൻ ദൈവ​ത്തിൽനി​ന്നു സ്വത​ന്ത്ര​നാ​യി​ത്തീർന്ന​തി​നാൽ മറെറാ​രു ചോദ്യം സൂചി​പ്പി​ക്ക​പ്പെട്ടു: ദൈവ​ത്താൽ ഭരിക്ക​പ്പെ​ടു​ന്നി​ല്ലെ​ങ്കിൽ മനുഷ്യ​നു മെച്ചമാ​യി പ്രവർത്തി​ക്കാൻ കഴിയു​മോ? സ്രഷ്ടാ​വിന്‌ തീർച്ച​യാ​യും ഉത്തരം അറിയാ​മാ​യി​രു​ന്നു, എന്നാൽ മനുഷ്യൻതന്നെ അതു കണ്ടെത്തു​ന്ന​തി​നു​ളള ഒരു സുനി​ശ്ചി​ത​മാർഗ്ഗം അവർ ആഗ്രഹിച്ച പൂർണ്ണ സ്വാത​ന്ത്ര്യം അവർക്ക്‌ അനുവ​ദി​ച്ചു​കൊ​ടു​ക്കുക എന്നതാ​യി​രു​ന്നു. തങ്ങളുടെ സ്വന്തം ഇച്ഛാസ്വാ​ത​ന്ത്ര്യം ഉപയോ​ഗിച്ച്‌ ആ ഗതി അവർ തിര​ഞ്ഞെ​ടു​ത്തു, അതു​കൊ​ണ്ടു ദൈവം അതനു​വ​ദി​ച്ചു.

6, 7. ദൈവം ഇത്ര ദീർഘ​കാ​ലം സമ്പൂർണ്ണ സ്വാത​ന്ത്ര്യം മനുഷ്യർക്ക്‌ അനുവ​ദി​ച്ചു​കൊ​ടു​ത്തത്‌ എന്തു​കൊണ്ട്‌?

⁶ പൂർണ്ണ​സ്വാ​ത​ന്ത്ര്യം പരീക്ഷി​ച്ചു​നോ​ക്കാൻ മനുഷ്യർക്കു വേണ്ടു​വോ​ളം സമയം അനുവ​ദി​ച്ച​തി​നാൽ മനുഷ്യർ ദൈവ​ഭ​ര​ണ​ത്തിൻകീ​ഴി​ലാ​ണോ അതോ തങ്ങളുടെ സ്വന്തം ഭരണത്തിൻകീ​ഴി​ലാ​ണോ ക്ഷേമമ​നു​ഭ​വി​ക്കു​ന്ന​തെന്ന്‌ എന്നെ​ന്നേ​ക്കു​മാ​യി ദൈവം സ്ഥാപി​ച്ചെ​ടു​ക്കു​മാ​യി​രു​ന്നു. തങ്ങളുടെ രാഷ്‌ട്രീ​യ​വും വ്യാവ​സാ​യി​ക​വും ശാസ്‌ത്രീ​യ​വും വൈദ്യ​ശാ​സ്‌ത്ര​പ​ര​വും ആയ നേട്ടങ്ങ​ളു​ടെ അത്യു​ച്ചാ​വ​സ്ഥ​യാ​യി പരിഗ​ണിച്ച സ്ഥിതി​യി​ലെ​ത്താൻ മനുഷ്യ​രെ അനുവ​ദി​ക്കു​ന്ന​തിന്‌ അനുവ​ദി​ക്ക​പ്പെട്ട സമയം വേണ്ടു​വോ​ളം ദൈർഘ്യ​മു​ള​ള​താ​യി​രി​ക്കേ​ണ്ട​തു​ണ്ടാ​യി​രു​ന്നു.

⁷ അതു​കൊണ്ട്‌, ദൈവ​ത്തിൽനി​ന്നു സ്വത​ന്ത്ര​മാ​യി​ട്ടു​ളള മനുഷ്യ​ഭ​ര​ണ​ത്തി​നു വിജയി​ക്കാൻ കഴിയു​മോ​യെന്നു സംശയാ​തീ​ത​മാ​യി തെളി​യി​ക്കു​ന്ന​തി​നു നമ്മുടെ നാൾവരെ അവിടുന്ന്‌ മനുഷ്യ​നു കടിഞ്ഞാ​ണി​ല്ലാത്ത സ്വാത​ന്ത്ര്യം അനുവ​ദി​ച്ചു​കൊ​ടു​ത്തി​രി​ക്കു​ന്നു. അങ്ങനെ ദയയെ​യോ ക്രൂര​ത​യെ​യോ സ്‌നേ​ഹ​ത്തെ​യോ ദ്വേഷ​ത്തെ​യോ നീതി​യെ​യോ അനീതി​യെ​യോ തിര​ഞ്ഞെ​ടു​ക്കാൻ മനുഷ്യ​നു കഴിഞ്ഞി​രി​ക്കു​ന്നു. എന്നാൽ അവൻ തന്റെ തിര​ഞ്ഞെ​ടു​പ്പി​ന്റെ പരിണ​ത​ഫ​ല​ങ്ങ​ളെ​യും അഭിമു​ഖീ​ക​രി​ച്ചി​രി​ക്കു​ന്നു: നൻമ​യെ​യും സമാധാ​ന​ത്തെ​യും അല്ലെങ്കിൽ ദുഷ്ടത​യെ​യും കഷ്ടപ്പാ​ടി​നെ​യും.

ആത്മജീ​വി​ക​ളു​ടെ മത്സരം

8, 9. (എ) ആത്മമണ്ഡ​ല​ത്തിൽ മത്സരം പൊട്ടി​പ്പു​റ​പ്പെ​ട്ട​തെ​ങ്ങനെ? (ബി) ആദാമി​നും ഹവ്വക്കും പുറമെ മത്സരി​ക്കാൻ സാത്താൻ ആരെ സ്വാധീ​നി​ച്ചു?

⁸ പരിചി​ന്തി​ക്കേണ്ട മറെറാ​രു ഘടകമുണ്ട്‌. ദൈവ​ഭ​ര​ണ​ത്തി​നെ​തി​രാ​യി മത്സരി​ച്ചവർ നമ്മുടെ ആദ്യമാ​താ​പി​താ​ക്കൾ മാത്ര​മ​ല്ലാ​യി​രു​ന്നു. എന്നാൽ ആ സമയത്തു മററാ​രും​കൂ​ടെ സ്ഥിതി​ചെ​യ്‌തി​രു​ന്നു? ആത്മജീ​വി​കൾതന്നെ. ദൈവം മനുഷ്യ​രെ സൃഷ്ടി​ക്കു​ന്ന​തി​നു​മു​മ്പു സ്വർഗ്ഗീയ മണ്ഡലത്തിൽ ജീവി​ക്കാ​നാ​യി ജീവന്റെ ഒരു ഉയർന്ന​രൂ​പത്തെ, അനവധി ദൂതൻമാ​രെ സൃഷ്ടിച്ചു. അവരും ഇച്ഛാസ്വാ​ത​ന്ത്ര്യ​വും ദൈവ​ഭ​ര​ണ​ത്തി​നു കീഴ്‌പ്പെ​ടേ​ണ്ട​തി​ന്റെ ആവശ്യ​വും സഹിതം സൃഷ്ടി​ക്ക​പ്പെട്ടു.—ഇയ്യോബ്‌ 38:6; സങ്കീർത്തനം 104:4; വെളി​പ്പാ​ടു 5:11.

⁹ മത്സരം ആദ്യം ആത്മമണ്ഡ​ല​ത്തിൽ പൊട്ടി​പ്പു​റ​പ്പെ​ട്ട​താ​യി ബൈബിൾ പ്രകട​മാ​ക്കു​ന്നു. ഒരു ആത്മജീവി പൂർണ്ണ​സ്വാ​ത​ന്ത്ര്യം ആഗ്രഹി​ച്ചു. മനുഷ്യർ അവനെ ആരാധി​ക്കാൻ പോലും അവൻ ആഗ്രഹി​ച്ചു. (മത്തായി 4:8, 9) ഈ ആത്മ മത്സരി ദൈവം അവരിൽനി​ന്നു ഏതോ നൻമ തടഞ്ഞു​വെ​ച്ചി​രി​ക്കു​ക​യാ​ണെന്നു വ്യാജ​മാ​യി അവകാ​ശ​പ്പെ​ട്ടു​കൊ​ണ്ടു മത്സരി​ക്കാൻ ആദാമി​നെ​യും ഹവ്വയെ​യും സ്വാധീ​നിച്ച ഒരു ഘടകമാ​യി​ത്തീർന്നു. (ഉൽപത്തി 3:1-5) അതു​കൊണ്ട്‌ അവൻ പിശാ​ചെ​ന്നും (ദൂഷകൻ) സാത്താ​നെ​ന്നും (എതിരാ​ളി) വിളി​ക്ക​പ്പെ​ടു​ന്നു. പിന്നീട്‌, മത്സരി​ക്കാൻ മററ്‌ ആത്മജീ​വി​ക​ളെ​യും അവൻ പ്രേരി​പ്പി​ച്ചു. അവർ ഭൂതങ്ങൾ എന്ന്‌ അറിയ​പ്പെ​ടാ​നി​ട​യാ​യി.—ആവർത്തനം 32:17; വെളി​പ്പാ​ടു 12:9; 16:14.

10. മനുഷ്യ​രു​ടെ​യും ആത്മജീ​വി​ക​ളു​ടെ​യും മത്സരത്തി​ന്റെ ഫലമായി എന്തുണ്ടാ​യി?

¹⁰ ദൈവ​ത്തി​നെ​തി​രെ മത്സരി​ച്ചു​കൊണ്ട്‌, മനുഷ്യർ സാത്താ​ന്റെ​യും അവന്റെ ഭൂതങ്ങ​ളു​ടെ​യും സ്വാധീ​ന​ത്തി​നു തങ്ങളെ​ത്തന്നെ വിട്ടു​കൊ​ടു​ത്തു. അതു​കൊ​ണ്ടാണ്‌, ബൈബിൾ സാത്താനെ “അവിശ്വാ​സി​ക​ളു​ടെ മനസ്സു കുരു​ടാ​ക്കി”യ “ഈ ലോക​ത്തി​ന്റെ ദൈവം” എന്നു വിളി​ക്കു​ന്നത്‌. അതു​കൊണ്ട്‌, “മുഴു​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു” എന്നു ദൈവ​വ​ചനം പറയുന്നു. യേശു​ത​ന്നെ​യും സാത്താനെ “ഈ ലോക​ത്തി​ന്റെ പ്രഭു” എന്നു വിളിച്ചു.—2 കൊരി​ന്ത്യർ 4:4; 1 യോഹ​ന്നാൻ 5:19; യോഹ​ന്നാൻ 12:31.

രണ്ടു വാദവി​ഷ​യ​ങ്ങൾ

11. മറേറതു വാദവി​ഷ​യ​ത്തെ​ക്കു​റി​ച്ചു സാത്താൻ ദൈവത്തെ വെല്ലു​വി​ളി​ച്ചു?

¹¹ ദൈവത്തെ വെല്ലു​വി​ളിച്ച മറെറാ​രു വാദവി​ഷയം സാത്താൻ ഉന്നയിച്ചു. ദൈവ​ത്തി​നു മനുഷ്യ​രെ സൃഷ്ടിച്ച വിധത്തിൽ പിഴവു​പ​റ​റി​യെ​ന്നും സമ്മർദ്ദ​ത്തിൻകീ​ഴി​ലാ​കു​മ്പോൾ ആരും ശരി​ചെ​യ്യാൻ ആഗ്രഹി​ക്കു​ക​യി​ല്ലെ​ന്നും അവൻ ആരോ​പണം ഉന്നയിച്ചു. വാസ്‌ത​വ​ത്തിൽ, പരീക്ഷി​ക്ക​പ്പെ​ടു​മ്പോൾ അവർ ദൈവത്തെ ശപിക്കു​ക​പോ​ലും ചെയ്യു​മെന്ന്‌ അവൻ അവകാ​ശ​പ്പെട്ടു. (ഇയ്യോബ്‌ 2:1-5) ഈ വിധത്തിൽ സാത്താൻ മനുഷ്യ​സൃ​ഷ്ടി​യു​ടെ നിർമ്മ​ല​തയെ ചോദ്യം​ചെ​യ്‌തു.

12-14. സാത്താൻ ഉന്നയിച്ച രണ്ടു വാദവി​ഷ​യങ്ങൾ സംബന്ധിച്ച സത്യം കാലം എങ്ങനെ വെളി​പ്പെ​ടു​ത്തും?

¹² അതു​കൊണ്ട്‌, ഈ വാദവി​ഷ​യ​വും ദൈവ​ത്തി​ന്റെ പരമാ​ധി​കാ​ര​ത്തി​ന്റെ വാദവി​ഷ​യ​വും എങ്ങനെ പരിഹ​രി​ക്ക​പ്പെ​ടു​മെന്നു ബുദ്ധി​ശ​ക്തി​യു​ളള എല്ലാ സൃഷ്ടി​കൾക്കും കാണാൻ കഴി​യേ​ണ്ട​തി​നു ദൈവം വേണ്ടു​വോ​ളം സമയം അനുവ​ദി​ച്ചി​രി​ക്കു​ന്നു. (പുറപ്പാ​ടു 9:16 താരത​മ്യം ചെയ്യുക.) മനുഷ്യ​ച​രി​ത്ര​ത്തി​ന്റെ കാല​ക്ര​മ​ത്തി​ലു​ളള അനുഭവം ഈ രണ്ടു വാദവി​ഷ​യങ്ങൾ സംബന്ധി​ച്ചു​ളള സത്യം വെളി​പ്പെ​ടു​ത്തും.

¹³ ഒന്നാമ​താ​യി, സാർവ്വ​ത്രിക പരമാ​ധി​കാ​ര​ത്തി​ന്റെ വാദവി​ഷയം, ദൈവി​ക​ഭ​ര​ണ​ത്തി​ന്റെ ഔചി​ത്യം, സംബന്ധി​ച്ചു കാലം എന്തു വെളി​പ്പെ​ടു​ത്തും? മനുഷ്യർക്കു ദൈവ​ത്തെ​ക്കാൾ മെച്ചമാ​യി തങ്ങളെ​ത്തന്നെ ഭരിക്കാൻ കഴിയു​മോ? ദൈവ​ത്തെ​ക്കൂ​ടാ​തെ​യു​ളള മനുഷ്യ​ഭ​ര​ണ​ത്തി​ന്റെ ഏതെങ്കി​ലും സമ്പ്രദാ​യം യുദ്ധവും കുററ​കൃ​ത്യ​വും അനീതി​യും ഇല്ലാത്ത ഒരു സന്തുഷ്ട​ലോ​കം ആനയി​ക്കു​മോ? ഏതെങ്കി​ലും ഒന്ന്‌ ദാരി​ദ്ര്യം നീക്കം​ചെ​യ്‌ത്‌ എല്ലാവർക്കും ഐശ്വ​ര്യം പ്രദാനം ചെയ്യു​മോ? ഏതെങ്കി​ലു​മൊന്ന്‌ രോഗ​ത്തെ​യും വാർദ്ധ​ക്യ​ത്തെ​യും മരണ​ത്തെ​യും ജയിച്ച​ട​ക്കു​മോ? ദൈവ​ത്തി​ന്റെ ഭരണം അതെല്ലാം ചെയ്യാൻ ഉദ്ദേശി​ക്ക​പ്പെ​ട്ടി​രി​ക്കു​ന്നു.—ഉൽപത്തി 1:26-31.

¹⁴ രണ്ടാമത്തെ വാദവി​ഷയം സംബന്ധിച്ച്‌, മനുഷ്യ​സൃ​ഷ്ടി​യു​ടെ അർഹത സംബന്ധി​ച്ചു കാലം എന്തു വെളി​പ്പെ​ടു​ത്തും? ദൈവം മനുഷ്യ​രെ താൻ ഉണ്ടാക്കിയ വിധത്തിൽ സൃഷ്ടി​ച്ചതു തെററാ​യി​പ്പോ​യോ? പരി​ശോ​ധ​നക്കു വിധേ​യ​മാ​കു​മ്പോൾ അവരിൽ ആരെങ്കി​ലും ശരി ചെയ്യു​മോ? സ്വത​ന്ത്ര​മായ മനുഷ്യ​ഭ​ര​ണ​ത്തി​നു പകരം തങ്ങൾ ദൈവ​ത്തി​ന്റെ ഭരണം ആഗ്രഹി​ക്കു​ന്നു​വെന്ന്‌ ഏതെങ്കി​ലും ജനം പ്രകട​മാ​ക്കു​മോ?

[13-ാം പേജിലെ ചിത്രം]

മനുഷ്യർക്ക്‌ അവരുടെ നേട്ടങ്ങ​ളു​ടെ കൊടു​മു​ടി​യിൽ എത്തുന്ന​തി​നു ദൈവം സമയം അനുവ​ദി​ച്ചി​രി​ക്കു​ന്നു

[കടപ്പാട]

Shuttle: Based on NASA photo