പറുദീസ നഷ്ടമാകുന്നു

മനുഷ്യ​രെ സൃഷ്ടി​ക്കു​ന്ന​തിന്‌ ഏറെ കാലം​മു​മ്പു​ത​ന്നെ ദൈവം അദൃശ്യ​രാ​യ ആത്മസ്വ​രൂ​പി​ക​ളെ, അതായത്‌ ദൈവ​ദൂ​ത​ന്മാ​രെ, സൃഷ്ടി​ച്ചി​രു​ന്നു. അവരിൽ മത്സരബു​ദ്ധി​യാ​യ ഒരു ദൂതൻ, ദൈവ​ത്താൽ വിലക്ക​പ്പെ​ട്ടി​രു​ന്ന പഴം ഭക്ഷിക്കാൻ കൗശല​പൂർവം ഹവ്വായെ സ്വാധീ​നി​ക്കാൻ ശ്രമിച്ചു. അങ്ങനെ, ഈ ദുഷ്ടദൂ​തൻ പിശാ​ചാ​യ സാത്താൻ എന്ന്‌ അറിയ​പ്പെ​ടാൻ ഇടയായി.

ഒരു സർപ്പത്തെ ഉപയോ​ഗി​ച്ചാ​യി​രു​ന്നു സാത്താൻ ഹവ്വാ​യോ​ടു സംസാ​രി​ച്ചത്‌. അഭികാ​മ്യ​മാ​യ​തെ​ന്തോ ദൈവം അവർക്കു നൽകാതെ പിടി​ച്ചു​വെ​ച്ചി​രി​ക്കു​ക​യാ​ണെന്ന്‌ സാത്താൻ ധ്വനി​പ്പി​ച്ചു. വിലക്ക​പ്പെട്ട കനി ഭക്ഷിച്ചാൽ അവർ മരിക്കു​ക​യി​ല്ല എന്ന്‌ സാത്താൻ ഹവ്വാ​യോ​ടു പറഞ്ഞു. ദൈവം തന്റെ മക്കളോട്‌ നുണ പറയു​ക​യാ​യി​രു​ന്നു​വെന്ന്‌ അങ്ങനെ സാത്താൻ ആരോ​പി​ച്ചു. ദൈവത്തെ അനുസ​രി​ക്കാ​തി​രു​ന്നാൽ അവർക്ക്‌ സ്വാത​ന്ത്ര്യ​വും ജ്ഞാനവും പ്രാപി​ക്കാൻ കഴിയു​മെന്ന്‌ ആ വഞ്ചകൻ സമർഥി​ച്ചു. പക്ഷേ ഇത്‌ ഒരു വലിയ നുണയാ​യി​രു​ന്നു—ഭൂമി​യിൽ പറയപ്പെട്ട ആദ്യത്തെ നുണ. ഇവിടെ ചോദ്യം​ചെ​യ്യ​പ്പെ​ട്ടത്‌ യഥാർഥ​ത്തിൽ ദൈവ​ത്തി​ന്റെ പരമാ​ധി​കാ​ര​മാ​യി​രു​ന്നു: ദൈവ​ത്തിന്‌ ഭരിക്കാ​നു​ള്ള അവകാശം ഉണ്ടോ? നീതി​നി​ഷ്‌ഠ​മാ​യ വിധത്തിൽ, തന്റെ പ്രജക​ളു​ടെ ക്ഷേമം മുൻനി​റു​ത്തി​യാ​ണോ ദൈവം അധികാ​രം പ്രയോ​ഗി​ക്കു​ന്നത്‌?

സാത്താൻ പറഞ്ഞ ആ നുണ ഹവ്വാ വിശ്വ​സി​ച്ചു. ആ വൃക്ഷത്തി​ന്റെ കനി ഭക്ഷിക്കാൻ അവൾ ആഗ്രഹി​ച്ചു; അവൾ അത്‌ ഭക്ഷിക്കു​ക​യും ചെയ്‌തു. പിന്നീട്‌ തന്റെ ഭർത്താ​വി​നും അവൾ ആ വൃക്ഷഫലം നൽകി. അവനും അതു തിന്നു. അങ്ങനെ അവർ ഇരുവ​രും പാപി​ക​ളാ​യി. നിസ്സാ​ര​മെ​ന്നു തോന്നാ​മെ​ങ്കി​ലും അവരുടെ ആ പ്രവൃത്തി ദൈവ​ത്തോ​ടു​ള്ള മത്സരമാ​യി​രു​ന്നു. ദൈവ​ത്തി​ന്റെ കൽപ്പന മനപ്പൂർവം ലംഘി​ച്ചു​കൊണ്ട്‌ ആദാമും ഹവ്വായും, പൂർണ​ത​യു​ള്ള ജീവൻ ഉൾപ്പെടെ തങ്ങൾക്ക്‌ സകലവും നൽകിയ സ്രഷ്ടാ​വി​ന്റെ ഭരണത്തെ തിരസ്‌ക​രി​ച്ചു.

ദൈവം അവരുടെ തെറ്റി​നു​നേ​രെ കണ്ണടച്ചില്ല. ആ മത്സരി​കൾക്കെ​തി​രെ ദൈവം ശിക്ഷാ​വി​ധി ഉച്ചരിച്ചു. സർപ്പത്തി​ലൂ​ടെ ഹവ്വാ​യോ​ടു സംസാ​രി​ച്ച സാത്താനെ നശിപ്പി​ക്കാൻ ഒരുവൻ വരു​മെന്ന്‌ ദൈവം മുൻകൂ​ട്ടി​പ്പ​റ​ഞ്ഞു. ആദാമി​നെ​യും ഹവ്വാ​യെ​യും ദൈവം ഉടൻ നശിപ്പി​ച്ചി​ല്ല. കുറെ​ക്കാ​ല​ത്തേ​ക്കു​കൂ​ടെ ജീവി​ക്കാൻ ദൈവം അവരെ അനുവ​ദി​ച്ചു. അങ്ങനെ കരുണാ​മ​യ​നാ​യ ദൈവം സന്താന​ങ്ങ​ളെ ജനിപ്പി​ക്കാൻ അവർക്ക്‌ അവസരം നൽകി. ഈ സന്തതി​കൾക്ക്‌ പ്രത്യാ​ശ​യ്‌ക്കു വകയു​ണ്ടാ​യി​രു​ന്നു. കാരണം ദൈവ​ത്താൽ അയയ്‌ക്ക​പ്പെ​ടു​ന്ന വിമോ​ച​കൻ, ഏദെനി​ലെ അനുസ​ര​ണ​ക്കേ​ടി​ന്റെ ദാരു​ണ​മാ​യ ഭവിഷ്യ​ത്തു​ക​ളെ ഇല്ലാതാ​ക്കു​മാ​യി​രു​ന്നു. ഈ രക്ഷകൻ അഥവാ വാഗ്‌ദത്ത സന്തതി ആരായി​രി​ക്കു​മെ​ന്നും അവനെ​ക്കു​റി​ച്ചു​ള്ള ദൈവ​ത്തി​ന്റെ ഉദ്ദേശ്യം എങ്ങനെ നിവർത്തി​യേ​റു​മെ​ന്നും കാലങ്ങ​ളി​ലൂ​ടെ, ബൈബി​ളി​ന്റെ എഴുത്ത്‌ പുരോ​ഗ​മി​ക്ക​വെ വ്യക്തമാ​കു​മാ​യി​രു​ന്നു.

ദൈവം ആദാമി​നെ​യും ഹവ്വാ​യെ​യും പറുദീ​സ​യിൽനി​ന്നു പുറത്താ​ക്കി. ഉപജീ​വ​നം കഴിക്കാൻ അവരിനി വിയർപ്പൊ​ഴു​ക്കി പണി​യെ​ടു​ക്കേ​ണ്ടി​യി​രു​ന്നു. കുറെ​ക്ക​ഴി​ഞ്ഞ​പ്പോൾ ഹവ്വാ ഗർഭം ധരിച്ച്‌ ഒരു കുഞ്ഞിനെ പ്രസവി​ച്ചു. കയീൻ എന്നായി​രു​ന്നു അവന്റെ പേര്‌. ആദാമി​നും ഹവ്വായ്‌ക്കും വേറെ​യും പുത്രീ​പു​ത്ര​ന്മാർ ജനിച്ചു. ഹാബേ​ലും ശേത്തും ആയിരു​ന്നു അവരിൽ രണ്ടുപേർ. ശേത്തിന്റെ പരമ്പര​യി​ലാണ്‌ പിന്നീട്‌ നോഹ ജനിച്ചത്‌.

—ഉല്‌പത്തി 3-5 അധ്യാ​യ​ങ്ങ​ളെ​യും വെളി​പാട്‌ 12:9-നെയും ആധാര​മാ​ക്കി​യു​ള്ളത്‌.