ആദാമും ഹവ്വയും ദൈവത്തെ അനുസ​രി​ച്ചി​ല്ല

ഒരു ദിവസം ഹവ്വ തനിച്ചാ​യി​രി​ക്കു​മ്പോൾ ഒരു പാമ്പു വന്ന്‌ ഹവ്വയോ​ടു സംസാ​രി​ച്ചു. പാമ്പു ചോദി​ച്ചു: ‘ഇവി​ടെ​യുള്ള എല്ലാ മരത്തിൽനി​ന്നും തിന്നാൻ ദൈവം സമ്മതി​ക്കു​ന്നി​ല്ലെന്നു കേട്ടതു നേരാ​ണോ?’ ഹവ്വ പറഞ്ഞു: ‘ഒരു മരത്തിൽനിന്ന്‌ തിന്നരു​തെന്നേ ഉള്ളൂ. ബാക്കി എല്ലാത്തിൽനി​ന്നും ഞങ്ങൾക്കു തിന്നാം. ആ മരത്തിന്റെ പഴം തിന്നാൽ ഞങ്ങൾ മരിക്കും.’ പാമ്പു പറഞ്ഞു: ‘നിങ്ങൾ മരിക്കില്ല. ശരിക്കും പറഞ്ഞാൽ, അതിൽനിന്ന്‌ തിന്നാൽ നിങ്ങൾ ദൈവ​ത്തെ​പ്പോ​ലെ​യാ​കും.’ എന്നാൽ അതൊരു പച്ചക്കള്ള​മാ​യി​രു​ന്നു. പക്ഷേ, ഹവ്വ അതു വിശ്വ​സി​ച്ചു. ആ പഴത്തിൽ നോക്കും​തോ​റും ഹവ്വയ്‌ക്ക്‌ അതു കഴിക്കാ​നുള്ള ആഗ്രഹം കൂടി​ക്കൂ​ടി വന്നു. അങ്ങനെ ഹവ്വ ആ പഴം തിന്നു. ആദാമി​നും കൊടു​ത്തു. ദൈവ​ത്തോട്‌ അനുസ​ര​ണ​ക്കേടു കാണി​ച്ചാൽ അവർ മരിക്കു​മെന്ന്‌ ആദാമിന്‌ അറിയാ​മാ​യി​രു​ന്നു. പക്ഷേ ആദാമും ആ പഴം തിന്നു.

അന്നു വൈകു​ന്നേരം, യഹോവ ആദാമി​നോ​ടും ഹവ്വയോ​ടും സംസാ​രി​ച്ചു. അവർ തന്നെ അനുസ​രി​ക്കാ​തി​രു​ന്നത്‌ എന്താ​ണെന്നു ദൈവം അവരോ​ടു ചോദി​ച്ചു. ഹവ്വ പാമ്പിനെ കുറ്റ​പ്പെ​ടു​ത്തി, ആദാം ഹവ്വയെ​യും കുറ്റ​പ്പെ​ടു​ത്തി. ആദാമും ഹവ്വയും അനുസ​ര​ണ​ക്കേടു കാണി​ച്ച​തു​കൊണ്ട്‌ യഹോവ അവരെ തോട്ട​ത്തിൽനിന്ന്‌ പുറത്താ​ക്കി. അവർ ഒരിക്ക​ലും തോട്ട​ത്തിൽ കടക്കു​ന്നി​ല്ലെന്ന്‌ ഉറപ്പാ​ക്കാൻ തോട്ട​ത്തി​ലേക്കു കയറു​ന്നി​ടത്ത്‌ ദൈവം ദൂതന്മാ​രെ നിറുത്തി, കത്തുന്ന ഒരു വാളും സ്ഥാപിച്ചു.

ഹവ്വയോ​ടു കള്ളം പറഞ്ഞവ​നെ​യും ശിക്ഷി​ക്കു​മെന്ന്‌ യഹോവ പറഞ്ഞു. പാമ്പാ​യി​രു​ന്നില്ല ശരിക്കും ഹവ്വയോ​ടു സംസാ​രി​ച്ചത്‌. കാരണം യഹോവ പാമ്പു​കൾക്കു സംസാ​രി​ക്കാ​നുള്ള കഴിവ്‌ കൊടു​ത്തി​ട്ടില്ല. ദുഷ്ടനായ ഒരു ദൈവ​ദൂ​ത​നാ​ണു പാമ്പി​നെ​ക്കൊണ്ട്‌ സംസാ​രി​പ്പി​ച്ചത്‌. ഹവ്വയെ പറ്റിക്കാ​നാ​യി​രു​ന്നു അത്‌. ആ ദൈവ​ദൂ​തനെ പിശാ​ചായ സാത്താൻ എന്നു വിളി​ക്കു​ന്നു. ഭാവി​യിൽ യഹോവ സാത്താനെ നശിപ്പി​ക്കും. പിന്നീ​ടൊ​രി​ക്ക​ലും സാത്താൻ ആളുകളെ പറ്റിച്ച്‌ അവരെ​ക്കൊണ്ട്‌ മോശ​മായ കാര്യങ്ങൾ ചെയ്യി​ക്ക​രുത്‌; അതിനാണ്‌ യഹോവ അവനെ നശിപ്പി​ക്കു​ന്നത്‌.