യഥാർഥ വിശ്വാ​സ​മു​ള്ള​വ​രാ​ണെന്നു തെളി​യി​ക്കുക!

വിശ്വാ​സം പരി​ശോ​ധി​ക്ക​പ്പെ​ടുന്ന സാഹച​ര്യ​ങ്ങൾ ഉണ്ടാകു​മെന്ന്‌ ദൈവം തന്റെ ദാസന്മാർക്ക്‌ മുന്നറി​യി​പ്പു നൽകുന്നു. “ജാഗരൂ​ക​രാ​യി​രി​ക്കു​വിൻ. നിങ്ങളു​ടെ പ്രതി​യോ​ഗി​യായ പിശാച്‌ അലറുന്ന സിംഹ​ത്തെ​പ്പോ​ലെ ആരെ വിഴു​ങ്ങണം എന്നു തിരഞ്ഞു​കൊണ്ട്‌ ചുറ്റി​ന​ട​ക്കു​ന്നു” എന്ന്‌ ദൈവ​വ​ചനം പറയുന്നു. (1 പത്രോസ്‌ 5:8) നിങ്ങളു​ടെ വിശ്വാ​സം തകർക്കാൻ സാത്താൻ എങ്ങനെ​യാണ്‌ ശ്രമി​ക്കു​ന്നത്‌?

വിശുദ്ധ തിരു​വെ​ഴു​ത്തു​കൾ പരി​ശോ​ധി​ക്കു​ന്ന​തിൽനിന്ന്‌ നിങ്ങളെ തടയാൻ സാത്താൻ മറ്റുള്ള​വരെ കരുവാ​ക്കി​യേ​ക്കാം. ഒരുപക്ഷേ നിങ്ങളു​ടെ ഉറ്റവ​രെ​ത്തന്നെ അവൻ ഉപയോ​ഗി​ച്ചെ​ന്നു​വ​രാം. ഇതി​നോ​ടുള്ള ബന്ധത്തിൽ യേശു എന്താണ്‌ പറഞ്ഞ​തെന്നു നോക്കുക: “മനുഷ്യ​ന്റെ വീട്ടു​കാർതന്നെ അവന്റെ ശത്രു​ക്ക​ളാ​കും.” (മത്തായി 10:36) ദൈവ​വ​ച​ന​ത്തിൽ അടങ്ങി​യി​രി​ക്കുന്ന സത്യത്തി​ന്റെ മഹത്ത്വം നിങ്ങളു​ടെ സുഹൃ​ത്തു​ക്കൾക്കും കുടും​ബാം​ഗ​ങ്ങൾക്കും അറിയി​ല്ലാ​യി​രി​ക്കാം. അല്ലെങ്കിൽ, മറ്റുള്ളവർ എന്തു വിചാ​രി​ക്കും എന്ന ഭയമാ​യി​രി​ക്കാം അവർക്ക്‌. പക്ഷേ തിരു​വെ​ഴു​ത്തു​കൾ പറയു​ന്നത്‌ ശ്രദ്ധി​ക്കുക: “മാനു​ഷ​ഭയം ഒരു കെണി ആകുന്നു; യഹോ​വ​യിൽ ആശ്രയി​ക്കു​ന്ന​വ​നോ രക്ഷപ്രാ​പി​ക്കും.” (സദൃശ​വാ​ക്യ​ങ്ങൾ 29:25) മനുഷ്യ​രു​ടെ പ്രീതി നേടാൻവേണ്ടി വിശുദ്ധ തിരു​വെ​ഴു​ത്തു​കൾ പരി​ശോ​ധി​ക്കു​ന്നത്‌ നിറു​ത്തി​ക്ക​ള​ഞ്ഞാൽ, അത്‌ ദൈവത്തെ പ്രീതി​പ്പെ​ടു​ത്തു​മോ? ഒരിക്ക​ലു​മില്ല. നേരെ​മ​റിച്ച്‌, നാം യഥാർഥ വിശ്വാ​സം പ്രകട​മാ​ക്കു​ന്നെ​ങ്കിൽ ദൈവം നമ്മെ സഹായി​ക്കും. “നാമോ നാശത്തി​ലേക്കു പിന്മാ​റുന്ന കൂട്ടത്തി​ലല്ല, വിശ്വ​സി​ച്ചു ജീവരക്ഷ പ്രാപി​ക്കുന്ന കൂട്ടത്തി​ല​ത്രേ.”—എബ്രായർ 10:39.

നേരത്തേ പരാമർശിച്ച ഡൂമസി​ന്റെ കാര്യം​ത​ന്നെ​യെ​ടു​ക്കുക. തുടക്ക​ത്തിൽ, ഭാര്യ അദ്ദേഹ​ത്തി​ന്റെ വിശ്വാ​സത്തെ പരിഹ​സി​ച്ചു. പക്ഷേ പിന്നീട്‌ അവരും അദ്ദേഹ​ത്തോ​ടൊ​പ്പം ദൈവ​വ​ചനം പഠിക്കാൻ തുടങ്ങി. അതു​പോ​ലെ നിങ്ങളും ശരി ചെയ്യു​ന്ന​തിൽ തുടർന്നാൽ ഒരുപക്ഷേ നിങ്ങളു​ടെ സുഹൃ​ത്തു​ക്ക​ളും കുടും​ബാം​ഗ​ങ്ങ​ളും നിങ്ങളു​ടെ പാത പിന്തു​ട​രാൻ പ്രേരി​ത​രാ​കും. മിക്ക​പ്പോ​ഴും, യഥാർഥ വിശ്വാ​സ​മു​ള്ള​വ​രു​ടെ ‘ഭയാദ​ര​വോ​ടെ​യുള്ള നിർമ​ല​മായ നടപ്പ്‌’ കണ്ടിട്ട്‌, അവിശ്വാ​സി​ക​ളായ കുടും​ബാം​ഗങ്ങൾ “ഒരു വാക്കും കൂടാതെ . . . വിശ്വാ​സി​ക​ളാ​യി”ത്തീർന്നി​ട്ടുണ്ട്‌.—1 പത്രോസ്‌ 3:1, 2.

തിരു​വെ​ഴു​ത്തു​കൾ പഠിക്കാൻ തങ്ങൾക്കു സമയമി​ല്ലെന്ന്‌ ആളുകൾ ചിന്തി​ക്കാ​നും സാത്താൻ ഇടയാ​ക്കു​ന്നു. ജീവി​ത​സ​മ്മർദങ്ങൾ—ജീവി​തോ​ത്‌ക​ണ്‌ഠ​ക​ളും ധനത്തെ​ക്കു​റി​ച്ചുള്ള ആകുല​ത​ക​ളും—“വചനത്തെ ഞെരുക്കി” നിങ്ങളു​ടെ വിശ്വാ​സത്തെ ‘ഫലശൂ​ന്യ​മാ​ക്കണം’ എന്നാണ്‌ സാത്താന്റെ ആഗ്രഹം. (മർക്കോസ്‌ 4:19) അതിനു വഴി​പ്പെ​ട​രുത്‌. “ഏകസത്യ​ദൈ​വ​മായ നിന്നെ​യും നീ അയച്ച യേശു​ക്രി​സ്‌തു​വി​നെ​യും . . . അറിയു​ന്ന​ത​ല്ലോ നിത്യ​ജീ​വൻ” എന്ന്‌ തിരു​വെ​ഴു​ത്തു​കൾ പറയുന്നു. (യോഹ​ന്നാൻ 17:3) അതെ, പറുദീ​സ​യിൽ നിത്യം ജീവി​ക്കു​ന്ന​തിന്‌ ദൈവ​ത്തെ​യും മിശി​ഹാ​യായ യേശു​വി​നെ​യും കുറിച്ചു പഠി​ക്കേ​ണ്ടത്‌ വളരെ പ്രധാ​ന​മാണ്‌.

ഈജി​പ്‌റ്റിൽ രാജകു​ടും​ബ​ത്തി​ലെ അംഗമാ​യി​രുന്ന മോശ​യെ​ക്കു​റി​ച്ചു ചിന്തി​ക്കുക. സമ്പത്തും സ്ഥാനമാ​ന​വും പ്രശസ്‌തി​യും നേടാ​നുള്ള അവസരം മോശ​യ്‌ക്കു​ണ്ടാ​യി​രു​ന്നു. പക്ഷേ, “പാപത്തി​ന്റെ ക്ഷണിക​സു​ഖ​ത്തെ​ക്കാൾ ദൈവ​ജ​ന​ത്തോ​ടൊ​പ്പ​മുള്ള കഷ്ടാനു​ഭവം അവൻ തിര​ഞ്ഞെ​ടു​ത്തു.” കാരണം അവന്‌ ദൈവ​ത്തിൽ ശക്തമായ വിശ്വാ​സ​മു​ണ്ടാ​യി​രു​ന്നു. “അവൻ അദൃശ്യ​നാ​യ​വനെ കണ്ടാ​ലെ​ന്ന​പോ​ലെ ഉറച്ചു​നി​ന്നു” എന്ന്‌ തിരു​വെ​ഴു​ത്തു​കൾ പറയുന്നു. (എബ്രായർ 11:24, 25, 27) അതെ, സ്വന്തം സുഖ​ത്തെ​ക്കാൾ ദൈവ​ഹി​ത​ത്തിന്‌ അവൻ മുൻതൂ​ക്കം കൊടു​ത്തു. ദൈവം അവനെ സമൃദ്ധ​മാ​യി അനു​ഗ്ര​ഹി​ക്കു​ക​യും ചെയ്‌തു. നിങ്ങൾ അങ്ങനെ ചെയ്‌താൽ ദൈവം നിങ്ങ​ളെ​യും അനു​ഗ്ര​ഹി​ക്കും.

നിങ്ങളെ കെണി​യി​ലാ​ക്കാൻ സാത്താൻ പല മാർഗങ്ങൾ ഉപയോ​ഗി​ച്ചേ​ക്കാം. പക്ഷേ അവന്റെ കെണി​ക​ളിൽനിന്ന്‌ രക്ഷപ്പെ​ടാൻ നിങ്ങൾക്കാ​കും. “പിശാ​ചി​നോട്‌ എതിർത്തു​നിൽക്കു​വിൻ; എന്നാൽ അവൻ നിങ്ങളെ വിട്ട്‌ ഓടി​പ്പോ​കും” എന്ന്‌ ദൈവ​വ​ചനം പറയുന്നു. (യാക്കോബ്‌ 4:7) നിങ്ങൾക്ക്‌ എങ്ങനെ സാത്താനെ എതിർക്കാ​നാ​കും?

വിശുദ്ധ തിരു​വെ​ഴു​ത്തു​കൾ പഠിക്കു​ന്ന​തിൽ തുടരുക. ദിവസ​വും ദൈവ​വ​ചനം വായി​ക്കുക. അതിലെ ഉപദേ​ശങ്ങൾ പഠിക്കു​ക​യും പിൻപ​റ്റു​ക​യും ചെയ്യുക. അങ്ങനെ ചെയ്യു​ന്നെ​ങ്കിൽ “ദൈവ​ത്തിൽനി​ന്നുള്ള സർവാ​യു​ധ​വർഗം” ധരിക്കാ​നും സാത്താന്റെ ആക്രമ​ണ​ങ്ങളെ ചെറു​ക്കാ​നും നിങ്ങൾക്കാ​കും.—എഫെസ്യർ 6:13.

യഥാർഥ വിശ്വാ​സ​മു​ള്ള​വ​രു​മാ​യി സഹവസി​ക്കുക. വിശുദ്ധ തിരു​വെ​ഴു​ത്തു​കൾ വായി​ക്കു​ക​യും പഠിക്കു​ക​യും അതനു​സ​രി​ച്ചു ജീവി​ക്കു​ക​യും ചെയ്യുന്ന ആളുകളെ കണ്ടെത്തുക. ‘സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും ഉത്സാഹി​പ്പി​ക്കാൻ തക്കവിധം പരസ്‌പരം കരുതൽ കാണി​ക്കു​ക​യും . . . അന്യോ​ന്യം പ്രോ​ത്സാ​ഹി​പ്പി​ക്കു​ക​യും’ ചെയ്യു​ന്ന​വ​രാണ്‌ അവർ. വിശ്വാ​സ​ത്തിൽ ബലിഷ്‌ഠ​രാ​കാൻ അവർ നിങ്ങളെ സഹായി​ക്കും.—എബ്രായർ 10:24, 25.

യഹോവയോട്‌ അടുത്തു ചെല്ലുക. ദൈവ​ത്തി​ന്റെ സഹായ​ത്തി​നാ​യി പ്രാർഥി​ക്കു​ക​യും അവനിൽ ആശ്രയി​ക്കു​ക​യും ചെയ്യുക. നിങ്ങളെ സഹായി​ക്കാൻ ദൈവം സദാ സന്നദ്ധനാ​ണെന്ന കാര്യം മറക്കരുത്‌. “അവൻ നിങ്ങ​ളെ​ക്കു​റി​ച്ചു കരുത​ലു​ള്ള​വ​നാ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊ​ള്ളു​വിൻ.” (1 പത്രോസ്‌ 5:6, 7) “ദൈവം വിശ്വ​സ്‌തൻ. നിങ്ങൾക്കു ചെറു​ക്കാ​നാ​വാത്ത ഒരു പ്രലോ​ഭനം അവൻ അനുവ​ദി​ക്കു​ക​യില്ല. പ്രലോ​ഭനം ഉണ്ടാകു​മ്പോൾ നിങ്ങൾക്ക്‌ അതിനെ അതിജീ​വി​ക്കാൻ കഴി​യേ​ണ്ട​തിന്‌ അവൻ അതോ​ടൊ​പ്പം പോം​വ​ഴി​യും ഉണ്ടാക്കും.”—1 കൊരി​ന്ത്യർ 10:13.

പരി​ശോ​ധ​നകൾ ഉണ്ടായാൽ ആരും ദൈവത്തെ സേവി​ക്കില്ല എന്നു പറഞ്ഞു​കൊണ്ട്‌ ദൈവത്തെ വെല്ലു​വി​ളി​ക്കു​ക​യാണ്‌ സാത്താൻ. എന്നാൽ സാത്താൻ നുണയ​നാ​ണെന്നു തെളി​യി​ക്കാ​നുള്ള അവസരം നിങ്ങൾക്കുണ്ട്‌! “എന്നെ നിന്ദി​ക്കു​ന്ന​വ​നോ​ടു ഞാൻ ഉത്തരം പറയേ​ണ്ട​തി​ന്നു നീ ജ്ഞാനി​യാ​യി എന്റെ ഹൃദയത്തെ സന്തോ​ഷി​പ്പിക്ക” എന്ന്‌ ദൈവം നമ്മോട്‌ പറയുന്നു. (സദൃശ​വാ​ക്യ​ങ്ങൾ 27:11) അതെ, യഥാർഥ വിശ്വാ​സ​മു​ള്ള​വ​രാണ്‌ നിങ്ങ​ളെന്നു തെളി​യി​ക്കാൻ ദൃഢനി​ശ്ചയം ചെയ്യുക!