ഒരു ഭക്തികെട്ട ലോക​ത്തിൽ സത്യത്തി​നു​വേണ്ടി വാദി​ക്കു​ന്നു

“നിന്റെ വചനം സത്യമാ​കു​ന്നു.”—യോഹ​ന്നാൻ 17:17.

1. (എ) സത്യം എപ്പോൾ, എങ്ങനെ ഒരു വിവാ​ദ​പ്ര​ശ്‌ന​മാ​യി? (ബി) ഏദനിൽ ഏതു മഹത്തായ പുതിയ സത്യം പ്രസ്‌താ​വി​ക്ക​പ്പെട്ടു?

സത്യം ദീർഘ​നാ​ളാ​യി വിവാ​ദ​വി​ഷ​യ​മാ​യി​രു​ന്നി​ട്ടുണ്ട്‌! മനുഷ്യ​വർഗ്ഗ​ച​രി​ത്ര​ത്തോ​ളം പഴക്കമുള്ള ഈ വിവാ​ദ​വി​ഷയം ആദ്യപാമ്പ്‌ പരമാ​ധി​കാ​രി​യാം കർത്താ​വായ യഹോ​വ​യു​ടെ സത്യതയെ ചോദ്യം ചെയ്‌ത​പ്പോൾ ഏദനിൽ വച്ചാണ്‌ ഉന്നയി​ക്ക​പ്പെ​ട്ടത്‌. പരീക്ഷാ​സ​മ​യത്ത്‌ നമ്മുടെ ആദ്യമാ​താ​പി​താ​ക്കൾ സ്വത​ന്ത്ര​മാ​യി ചിന്തി​ക്കു​ന്ന​തി​നും സ്വാർത്ഥ​മാർഗ്ഗ​ത്തിൽ നീങ്ങു​ന്ന​തി​നും തീരു​മാ​നി​ച്ചു. അവർ നിർമ്മലത പാലി​ക്കുന്ന, സത്യത്തി​ന്റെ വാക്താ​ക്ക​ളാ​യി​രു​ന്നില്ല. എന്നാൽ ദൈവം അവിടെ പുതിയ സത്യങ്ങ​ളിൽ അതിമ​ഹ​ത്താ​യത്‌ അറിയി​ച്ചു, പിശാ​ചി​ന്റെ പ്രവൃ​ത്തി​കളെ അഴിക്കാൻ ഒരു രാജ്യ“സന്തതി”യെ ആനയി​ക്കു​മെ​ന്നു​തന്നെ.—ഉല്‌പത്തി 3:1-6, 14, 15.

2. (എ) പ്രളയ​ത്തി​നു മുമ്പത്തെ ലോക​ത്തിൽ സത്യം എങ്ങനെ ആക്രമി​ക്ക​പ്പെട്ടു? (ബി) നോഹ​ക്കും അവന്റെ കുടും​ബ​ത്തി​നും യഹോ​വ​യു​ടെ പ്രീതി ലഭിച്ച​തെ​ന്തു​കൊണ്ട്‌?

² ഇപ്പോൾ സത്യം ആക്രമ​ണ​ത്തി​നു വിധേ​യ​മാ​യി. ഭൂമിയെ നശിപ്പി​ക്ക​ന്ന​തിന്‌ മുഖ്യ വഞ്ചകൻ മത്സരി​ക​ളായ, ദൈവ​ത്തി​ന്റെ മററ്‌ ആത്മപു​ത്രൻമാ​രു​ടെ പിന്തുണ ആർജ്ജിച്ചു. പ്രളയ​ത്തി​നു മുമ്പത്തെ അധാർമ്മി​ക​ത​ല​മുറ നോഹ മുഴക്കിയ ദൈവ​ത്തി​ന്റെ മുന്നറി​യിപ്പ്‌ അനുസ​രി​ക്കു​ന്ന​തിൽ പരാജ​യ​പ്പെ​ട​ത്ത​ക്ക​വണ്ണം ‘സ്വന്തം കാര്യം’ ചെയ്യു​ന്ന​തിൽ മുഴുകി. അവർ നശിച്ചു. എന്നാൽ നോഹ​യും കുടും​ബ​വും അവരുടെ അന്യൂ​ന​മായ നിർമ്മലത നിമിത്തം അതിജീ​വി​ച്ചു. സത്യത്തി​ന്റെ ഈ വാക്തക്കാൾ സംരക്ഷ​ണ​ത്തി​ന്റെ പെട്ടക​ത്തിൽ നിന്ന്‌ ഇറങ്ങി​യ​പ്പോൾ അവരുടെ ആദ്യചിന്ത നന്ദി​പ്ര​ക​ട​ന​മാ​യി യാഗങ്ങൾ അർപ്പി​ക്കു​ക​യെ​ന്ന​താ​യി​രു​ന്നു.—“യഹോ​വ​യ്‌ക്ക്‌ ഒരു പ്രശാന്ത സുഗന്ധം”തന്നെ.—ഉല്‌പത്തി 6:4-12; 8:18-21; ലൂക്കോസ്‌ 17:26, 27; 2 പത്രോസ്‌ 2:5.

അസത്യ​ത്തി​ന്റെ കെടു​തി​കൾ

3. മഹാബാ​ബി​ലോൻ എന്താണ്‌, അത്‌ തുടക്ക​മി​ട്ട​തെ​ങ്ങനെ?

³ എന്നിരു​ന്നാ​ലും, ആ പഴയ പാമ്പായ പിശാച്‌ സത്യത്തി​ന്റെ വെള്ളത്തിൽ ചെളി കലക്കാൻ ശ്രമം തുടർന്നു. പുരാതന ബാബി​ലോൻ പണിയ​പ്പെ​ട്ടത്‌ സാത്താന്റെ മാർഗ്ഗ​നിർദ്ദേശ പ്രകാ​ര​മാ​യി​രു​ന്നു​വെ​ന്ന​തിന്‌ സംശയ​മില്ല. ‘ബാബി​ലോ​നി​ലെ മർമ്മങ്ങൾ’ വ്യാജ​മ​ത​ലോ​ക​സാ​മ്ര​ജ്യ​ത്തി​ന്റെ അടിസ്ഥാ​ന​മാ​യി​ത്തീർന്നു. വെളി​പ്പാട്‌ 17:5-ൽ അതിനെ “വേശ്യ​ക​ളു​ടെ​യും ഭൂമി​യി​ലെ മ്ലേച്ഛത​ക​ളു​ടെ​യും മാതാ​വായ മഹാബാ​ബി​ലോൻ” എന്ന്‌ വർണ്ണി​ക്കു​ന്നു. അതിന്റെ നിരവധി ഭാഗങ്ങൾ അവയുടെ വിരുദ്ധ വിഭാ​ഗീയ ഉപദേ​ശ​ങ്ങ​ളോ​ടു​കൂ​ടെ ഇന്നോളം മതപര​മായ അബദ്ധത്തി​ന്റെ ഒരു മഹത്തായ കലവറ​യാ​യി നിലനി​ന്നി​രി​ക്കു​ന്നു.—ഉല്‌പത്തി 10:8-10; യിരെ​മ്യാവ്‌ 51:6.

4. യേശു സത്യത്തി​നു​വേണ്ടി വാദി​ച്ച​തെ​ങ്ങനെ, എന്തു ഫലത്തോ​ടെ?

⁴ യേശു​ക്രി​സ്‌തു ഭൂമി​യി​ലാ​യി​രു​ന്ന​പ്പോൾ അവൻ സധൈ​ര്യം സത്യത്തി​നു​വേണ്ടി വാദിച്ചു. തന്റെ നാളിലെ കപടഭ​ക്തരെ സംബോ​ധന ചെയ്‌തു​കൊണ്ട്‌ അവൻ ഇങ്ങനെ പറഞ്ഞു: “നിങ്ങൾ നിങ്ങളു​ടെ പിതാ​വായ പിശാ​ചിൽനി​ന്നു​ള്ള​വ​രാണ്‌. . . . അവൻ സത്യത്തിൽ ഉറച്ചു​നി​ന്നില്ല, എന്തു​കൊ​ണ്ടെ​ന്നാൽ അവനിൽ സത്യമില്ല.” പിന്നീട്‌, മുൻകൂ​ട്ടി​പ​റ​യ​പ്പെ​ട്ടി​രുന്ന വാഗ്‌ദത്ത “സന്തതി”യായ യേശു പൊന്തി​യോസ്‌ പീലാ​ത്തോ​സി​നോട്‌ പിൻവ​രു​ന്ന​പ്ര​കാ​രം പറഞ്ഞ​പ്പോൾ സത്യത്തി​ന്റെ പ്രാധാ​ന്യ​ത്തിന്‌ ഊന്നൽകൊ​ടു​ത്തു: “ഞാൻ ഒരു രാജാ​വാ​ണെന്ന്‌ നീതന്നെ പറയുന്നു. സത്യത്തിന്‌ സാക്ഷ്യം വഹി​ക്കേ​ണ്ട​തിന്‌ ഞാൻ ജനിച്ചി​രി​ക്കു​ന്നു. അതിനാ​യി ഞാൻ ലോക​ത്തി​ലേക്കു വന്നിരി​ക്കു​ന്നു.” യേശു സത്യത്തി​നു​വേണ്ടി—രാജ്യ​സ​ത്യ​ത്തി​നു​വേണ്ടി—വാദി​ക്കു​ന്ന​തിൽ തന്റെ ജീവൻ അർപ്പിച്ചു.—യോഹ​ന്നാൻ 8:44; 18:37; ഉല്‌പത്തി 3:2-5.

5, 6. (എ) സാത്താൻ സത്യ​ത്തോ​ടുള്ള തന്റെ യുദ്ധം തുടർന്ന​തെ​ങ്ങനെ? (ബി) ഏതു മലിനീ​ക​രണം ഉണ്ടായി, അതിൽനിന്ന്‌ എന്ത്‌ അസത്യങ്ങൾ ഉത്ഭവിച്ചു? (സി) നാം സത്യത്തി​ന്റെ തീക്ഷ്‌ണ​ത​യുള്ള വക്താക്ക​ളാ​യി​രി​ക്കേ​ണ്ട​തെ​ന്തു​കൊണ്ട്‌?

⁵ അസത്യം അധർമ്മ​വു​മാ​യി കൈ​കോർത്തു നീങ്ങുന്നു. അതു​കൊണ്ട്‌, സത്യത്തി​നെ​തി​രായ സാത്താന്റെ തുടർച്ച​യായ യുദ്ധത്തിൽ അവൻ വിശ്വാ​സ​ത്യാ​ഗി​ക​ളായ ഒരു വൈദി​ക​വർഗ്ഗത്തെ എഴു​ന്നേൽപ്പി​ച്ചി​രി​ക്കു​ന്നത്‌ ആശ്ചര്യമല്ല. അവരെ​യാണ്‌ 2 തെസ്സ​ലോ​നീ​ക്യർ 2:3-ൽ “അധർമ്മ​മ​നു​ഷ്യൻ” എന്നു വിളി​ച്ചി​രി​ക്കു​ന്നത്‌. യേശു​ക്രി​സ്‌തു​വി​ന്റെ അപ്പോ​സ്‌ത​ലൻമാ​രു​ടെ മരണത്തെ തുടർന്ന്‌ ഈ അധർമ്മി​ക​ളായ വിശ്വാ​സ​ത്യാ​ഗി​കൾ തങ്ങളേ​ത്തന്നെ അയ്‌മേ​നി​കൾക്കു മീതെ ഉയർത്തു​ക​യും ശുദ്ധമായ ക്രിസ്‌തീയ ഉപദേ​ശത്തെ ബാബി​ലോ​ന്യ മർമ്മങ്ങ​ളോ​ടും ഗ്രീക്ക്‌ തത്വശാ​സ്‌ത്ര​ത്തോ​ടും—മുഖ്യ​മാ​യി മനുഷ്യ​ദേഹി അമർത്ത്യ​മാ​ണെ​ന്നുള്ള പ്ലേറേ​റാ​യു​ടെ സിദ്ധാ​ന്ത​ത്തോട്‌—ഉരുക്കി​ച്ചേർത്തു ദുഷി​പ്പി​ച്ചു.

⁶ ഈ അസത്യം ‘എല്ലാ നല്ല ആളുക​ളും സ്വർഗ്ഗ​ത്തി​ലേക്കു പോകു​ന്നു,’ ‘അത്ര നല്ലവര​ല്ലാ​ത്തവർ ശുദ്ധീ​കരണ സ്ഥലത്തു​പോ​കു​ന്നു,’ ‘ദുഷ്ടൻമാർ നരക ദണ്ഡനത്തിൽ എന്നേക്കും പൊരി​ക്ക​പ്പെ​ടു​ന്നു’ എന്നിങ്ങനെ കൂടു​ത​ലായ അസത്യ​ങ്ങൾക്കുള്ള അടിസ്ഥാ​നം നൽകി. ബാബി​ലോ​ന്യ മതമണ്ഡ​ല​ത്തിൽ ഇത്രയ​ധി​കം അബദ്ധോ​പ​ദേശം ഉള്ളതു​കൊണ്ട്‌ യേശു ഇങ്ങനെ വാഗ്‌ദത്തം ചെയ്‌ത​തിൽ നമുക്ക്‌ എത്ര സന്തുഷ്ട​രാ​യി​രി​ക്കാൻ കഴിയും: “നിങ്ങൾ എന്റെ വചനത്തിൽ നിലനിൽക്കു​ന്നു​വെ​ങ്കിൽ, നിങ്ങൾ യഥാർത്ഥ​ത്തിൽ എന്റെ ശിഷ്യൻമാ​രാ​കു​ന്നു, നിങ്ങൾ സത്യം അറിയു​ക​യും സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും!”. നാം സ്വാത​ന്ത്ര്യ​ദാ​യ​ക​മായ സത്യത്തി​ന്റെ തീക്ഷ്‌ണ​ത​യുള്ള വാക്താ​ക്ക​ളാ​യി​രി​ക്കാൻ ആഗ്രഹി​ക്കേ​ണ്ട​താണ്‌.—യോഹ​ന്നാൻ 8:31, 32.

ഒരു വലിയ അസത്യം വിരി​ച്ചെ​ടു​ക്കു​ന്നു

7. (എ) സാത്താന്റെ ലക്ഷ്യ​മെ​ന്താണ്‌, അവൻ അതു നേടാൻ ശ്രമി​ക്കു​ന്ന​തെ​ങ്ങനെ? (ബി) ഏതു വ്യാ​ജോ​പ​ദേശം 19-ാം നൂററാ​ണ്ടിൽ മുൻപ​ന്തി​യി​ലേ​ക്കു​വന്നു?

⁷ എന്നിരു​ന്നാ​ലും, പിശാച്‌ സത്യത്തെ എതിർക്കു​ന്ന​തിന്‌ സകല ശ്രമവും ചെയ്യുന്നു. ദൈവ​ത്തി​ന്റെ സത്യവ​ച​ന​മായ വിശു​ദ്ധ​ബൈ​ബി​ളിൽ ആരെങ്കി​ലും കുറെ വിശ്വാ​സ​മർപ്പി​ക്കു​മ്പോൾ അവൻ കുപി​ത​നാ​കു​ന്നു. അവന്റെ ലക്ഷ്യം ക്രിസ്‌തു​വി​നെ​ക്കു​റി​ച്ചുള്ള മഹത്തയ സുവാർത്ത അറിയാ​തി​രി​ക്കാൻ ‘അവിശ്വാ​സി​ക​ളു​ടെ മനസ്സു​കളെ കുരു​ടാ​ക്കുക’യെന്നതാണ്‌. ക്രൈ​സ്‌ത​വ​ലോ​ക​ത്തി​ലെ “അധർമ്മ മനുഷ്യ​നെ”ക്കൊണ്ട്‌ ബൈബി​ളിൻമേൽ വ്യാജ​മ​തോ​പ​ദേ​ശങ്ങൾ കെട്ടി​വെ​പ്പി​ക്കാൻ ശ്രമി​ക്കു​ന്ന​തി​നാൽ മാത്രമല്ല, പിന്നെ​യോ ബൈബിൾ കെട്ടു​ക​ഥ​യി​ലും ഐതി​ഹ്യ​ത്തി​ലും അധിഷ്‌ഠി​ത​മാ​ണെന്ന്‌ അവകാ​ശ​പ്പെ​ടു​ന്ന​തി​നാ​ലും പിശാച്‌ സത്യത്തെ അവമതി​ക്കാൻ ലക്ഷ്യമി​ട്ടി​രി​ക്കു​ക​യാണ്‌. അതു​കൊണ്ട്‌, ആ പഴയപാമ്പ്‌ 19-ാം നൂററാ​ണ്ടിൽ വഞ്ചനാ​ത്മ​ക​മായ മറെറാ​രു വ്യാ​ജോ​പ​ദേശം വിരി​ച്ചെ​ടു​ത്തു. അത്‌ പരിണാ​മ​സി​ദ്ധാ​ന്തം എന്നു വിളി​ക്ക​പ്പെ​ട്ടി​രി​ക്കു​ന്നു.—2 കൊരി​ന്ത്യർ 4:4.

8. ഡാർവ്വി​ന്റെ സിദ്ധാന്തം എന്താണ്‌?

⁸ ബൈബിൾപ​ര​മായ “അന്ത്യകാ​ലം” അടുത്തു​വ​രവേ, 1859-ൽ ചാൾസ്‌ ഡാർവ്വിൻ പ്രാകൃ​തിക പരിണാ​മം മുഖേ​ന​യുള്ള ജന്തുഗ​ണ​ങ്ങ​ളു​ടെ ഉത്ഭവം സംബന്ധിച്ച്‌ അഥവാ ജീവി​ത​പോ​രാ​ട്ട​ത്തിൽ അനുഗൃ​ഹീത ഗണങ്ങളു​ടെ സംരക്ഷണം എന്ന ശീർഷ​ക​ത്തി​ലുള്ള തന്റെ പുസ്‌തകം പ്രസി​ദീ​ക​രി​ച്ചു. (ദാനി​യേൽ 12:4) ജീവികൾ സൃഷ്ടി​ക്ക​പ്പെ​ട്ടതല്ല, പിന്നെ​യോ “നിലനിൽപ്പി​നു​വേ​ണ്ടി​യുള്ള പോരാ​ട്ട​ത്തിൻ ഫലമാ​യുള്ള പ്രാകൃ​തിക പരിണാ​മ​ത്താൽ” മുൻ ജീവരൂ​പ​ങ്ങ​ളിൽനിന്ന്‌ പരിണ​മി​ച്ച​താണ്‌ എന്ന്‌ ഡാർവ്വിൻ സിദ്ധാ​ന്തി​ച്ചു. ഒടുവിൽ, മനുഷ്യൻ ഒരുതരം ആൾക്കു​ര​ങ്ങിൽ നിന്നു പരിണ​മി​ച്ചു. അത്‌ “അർഹത​മാ​യ​തി​ന്റെ അതിജീ​വന”മാണെന്ന്‌ ഡാർവ്വിൻ അവകാ​ശ​പ്പെട്ടു.

9. (എ) പരിണാ​മം ഒരു സത്യമാ​ണെ​ങ്കിൽ, യേശു പഠിപ്പിച്ച ഏതു ബൈബിൾ സത്യങ്ങൾ നിരർത്ഥ​ക​മാ​യി​ത്തീ​രും? (ബി) “അർഹത​മാ​യ​തി​ന്റെ അതിജീ​വനം” എന്ന സങ്കല്‌പം മനുഷ്യ​വർഗ്ഗ​ത്തിന്‌ വലിയ തകരാറു വരുത്തി​ക്കൂ​ട്ടി​യി​രി​ക്കു​ന്ന​തെ​ങ്ങനെ?

⁹ ഈ സിദ്ധാന്തം സൃഷ്ടി സംബന്ധിച്ച ബൈബിൾ വിവര​ണ​ത്തി​ന്റെ​യും പാപത്തി​ലേ​ക്കുള്ള മമനു​ഷ്യ​ന്റെ വീഴ്‌ച​യു​ടെ​യും ഒരു അതിദു​ഷ്ട​മായ നിരസ​നം​ത​ന്നെ​യാണ്‌. അത്‌ യേശു​വി​ന്റെ മറുവി​ല​യാ​ഗ​ത്തെ​യും രാജ്യം, പുനരു​ത്ഥാ​നം, നിത്യ​ജീ​വൻ, ഒരു പരദീ​സാ​ഭൂ​മി, എന്നിങ്ങ​നെ​യുള്ള ബൈബി​ളു​പ​ദേ​ശ​ങ്ങ​ളെ​യും നിരർത്ഥ​ക​മാ​ക്കും. തന്നെയു​മല്ല, പരിണാ​മ​സി​ദ്ധാ​ന്തം സത്യ​മെ​ങ്കിൽ, അത്‌ സ്രഷ്ടാ​വി​നോ​ടുള്ള ഏതൊരു ധാർമ്മിക ഉത്തരവാ​ദി​ത്ത​ത്തിൽ നിന്നും മനുഷ്യ​വർഗ്ഗത്തെ ഒഴിവാ​ക്കും.a “അർഹത​മാ​യ​തി​ന്റെ അതിജീ​വനം” മുന്നോ​ട്ടു​വ​ച്ച​തി​നാൽ ഈ സിദ്ധാന്തം മാർക്‌സി​സ​വും ഫാസി​സ​വും മററു പ്രത്യ​യ​ശാ​സ്‌ത്ര​ങ്ങ​ളും വേരു​പി​ടി​ക്കു​ന്ന​തി​നുള്ള കളമൊ​രു​ക്കി​യെ​ന്ന​തി​നു സംശയ​മില്ല. പരിണാ​മ​വാ​ദി​കൾ ലോക​ത്തിൽ ഇന്നുള്ള അഭക്തി​യു​ടെ​യും കഷ്ടപ്പാ​ടി​ന്റെ​യും അധിക​പ​ങ്കി​നും ഭാരിച്ച ഉത്തരവാ​ദി​ത്തം വഹി​ക്കേ​ണ്ട​താണ്‌.—സങ്കീർത്തനം 14:1-4.

അസത്യ​ത്തി​ന്റെ വാക്താക്കൾ

10. ഡാർവ്വി​ന്റെ സംഗതി​യിൽ വൈദി​കർ ഏതു വിധങ്ങ​ളിൽ അസത്യ​ത്തി​ന്റെ വക്താക്ക​ളെന്നു തെളിഞ്ഞു?

¹⁰ ഡാർവ്വി​ന്റെ കാലത്തെ വൈദീ​കർ ദൈവത്തെ അപമാ​നി​ക്കുന്ന ഈ സിദ്ധാ​ന്ത​ത്തി​നെ​തി​രെ പോരാ​ടി​യോ? ആശ്ചര്യ​മെന്നു പറയട്ടെ, ഒരു കേം​ബ്രി​ഡ്‌ജ്‌ യൂണി​വേ​ഴ്‌സി​ററി പ്രൊ​ഫസ്സർ ഇങ്ങനെ എഴുതു​ന്നു. “ആദ്യം ഡാർവ്വി​ന്റെ സിദ്ധാ​ന്ത​ത്തോ​ടുള്ള എതിർപ്പിൽ അധിക​വും തിരു​വെ​ഴു​ത്തു​പ​ര​മായ കാരണ​ങ്ങ​ളാൽ ദൈവ​ശാ​സ്‌ത്ര​ജ്ഞൻമാ​രിൽ നിന്നു​ണ്ടാ​കാ​തെ, തെളി​വി​ന്റെ അടിസ്ഥാ​ന​ത്തിൽ ശാസ്‌ത്ര​ജ്ഞൻമാ​രിൽ നിന്നാ​ണു​ണ്ടാ​യത്‌.” മറെറാ​രു പണ്ഡിത​നായ ഡോക്ടർ ഇങ്ങനെ കൂട്ടി​ച്ചേർക്കു​ന്നു: “ചുരുക്കം ചില വ്യത്യ​സ്‌ത​ത​ക​ളൊ​ഴി​ച്ചാൽ ഗ്രേററ്‌ ബ്രിട്ട​നി​ലെ​യും അമേരി​ക്ക​യി​ലെ​യും പ്രമുഖ ക്രിസ്‌തീയ ചിന്തകർ ഡാർവ്വി​നി​സ​ത്തോ​ടും പരിണാ​മ​ത്തോ​ടും അനായാ​സം യോജി​ച്ചു.” 1882-ൽ വെസ്‌ററ്‌ മിനി​സ്‌ററർ ആബിയി​ലെ ആംഗ്ലിക്കൻ ഡീനു​മാ​യി ചെയ്‌ത പ്രത്യേക ഏർപ്പാടു വഴി ഡാർവ്വിൻ അവിടെ രാജാ​ക്കൻമാ​രു​ടെ ഇടയിൽ അടക്കം ചെയ്യ​പ്പെ​ടു​ക​പോ​ലും ചെയ്‌തു!—പ്രവൃ​ത്തി​കൾ 20:30; 2 തിമൊ​ഥെ​യോസ്‌ 4:3, താരത​മ്യ​പ്പെ​ടു​ത്തുക.

11. ഡാർവ്വി​ന്റെ നിരീ​ശ്വര സിദ്ധാന്തം സംബന്ധി​ച്ചു വൈദി​കർ ഏതു പ്രസ്‌താ​വ​നകൾ ചെയ്‌തി​രി​ക്കു​ന്നു?

¹¹ ഡാർവ്വി​ന്റെ നിരീ​ശ്വര സിദ്ധാ​ന്തത്തെ ഇപ്പോൾ ക്രൈ​സ്‌ത​വ​ലോ​ക​ത്തി​ലെ ദൈവ​ദീ​ക​രി​ല​നേകർ ‘സുവി​ശേ​ഷ​സ​ത്യം’പോലെ സ്വീക​രി​ച്ചി​രി​ക്കു​ക​യാണ്‌. ചർച്ച്‌ ഓഫ്‌ ഇംഗ്ലണ്ടി​ന്റെ രണ്ടാം സ്ഥാനീ​യ​നായ ആർച്ച്‌ ബിഷപ്‌ ഓഫ്‌ യോർക്ക്‌ ജീവശാ​സ്‌ത്ര​പ​ര​മായ പരിണാമ സിദ്ധാന്തം “ആധുനിക ജീവശാ​സ്‌ത്ര​ത്തി​ന്റെ മനസ്സി​ലാ​ക്കാ​വുന്ന ഏക അടിസ്ഥാന”മായി​രി​ക്ക​ത്ത​ക്ക​വണ്ണം അത്ര സുസ്ഥാ​പി​ത​മാ​ണെന്ന്‌ കരുതു​ന്നു. അടുത്ത കാലത്ത്‌, ഒരു വത്തിക്കാൻ മീററിം​ഗിൽ കത്തോ​ലി​ക്കാ​സ​ഭ​യി​ലെ അത്യുന്നത ശാസ്‌ത്ര​സം​ഘത്തെ പ്രതി​നി​ധാ​നം ചെയ്യുന്ന 12 പണ്ഡിതൻമാർ ഇങ്ങനെ പ്രസ്‌താ​വി​ച്ചു: “തെളി​വി​ന്റെ കൂട്ടങ്ങൾ പരിണാ​മ​സ​ങ്ക​ല്‌പത്തെ മനുഷ്യ​നും മററ്‌ ഉയർന്ന സ്‌തന്യ​പ​ജ​ന്തു​ഗ​ണ​ങ്ങൾക്കും അവിതർക്കി​ത​മാ​യി ബാധക​മാ​ക്കാ​വു​ന്ന​താ​ക്കി​ത്തീർക്കു​ന്നു​വെന്ന്‌ ഞങ്ങൾക്കു ബോധ്യ​പ്പെ​ട്ടി​രി​ക്കു​ന്നു.” ന്യൂ കാത്തലിക്ക്‌ എൻ​സൈ​ക്ലോ​പ്പീ​ഡി​യാ ഇങ്ങനെ കൂട്ടി​ച്ചേർക്കു​ന്നു: “മനുഷ്യ​ശ​രീ​ര​ത്തി​ന്റെ പോലും പൊതു പരിണാ​മം ഉത്ഭവങ്ങൾ സംബന്ധിച്ച്‌ ഏററം സംഭവ്യ​മായ ശാസ്‌ത്രീ​യ​വി​വ​ര​ണ​മാ​ണെന്ന്‌ തോന്നു​ന്നു.” എന്നാൽ അത്‌ യഥാർത്ഥ​ത്തിൽ ശാസ്‌ത്രീ​യ​മാ​ണോ? പരിണാ​മത്തെ വിശ്വ​സ​നീ​യ​മായ ശാസ്‌ത്രീയ തെളിവു പിന്താ​ങ്ങു​ന്നു​ണ്ടോ? ഈ സംഗതി​യു​ടെ സത്യത നിശ്ചയി​ക്കു​ന്ന​തി​ലാണ്‌ നിങ്ങളു​ടെ ജീവൻ തന്നെ ആശ്രയി​ച്ചി​രി​ക്കു​ന്നത്‌.—യോഹ​ന്നാൻ 14:6; 16:13; 17:17.

12. മൗലി​ക​സൃ​ഷ്ടി​വാ​ദം തിരു​വെ​ഴു​ത്തു​വി​രു​ദ്ധ​വും അവിശ്വാ​സ്യ​വു​മാ​ണെന്ന്‌ നാം പറയേ​ണ്ട​തെ​ന്തു​കൊണ്ട്‌?

¹² അടുത്ത കാലത്ത്‌ ചില മൗലി​ക​വാ​ദ​മ​തങ്ങൾ പരിണാ​മ​ത്തിന്‌ ഉത്തരമാ​യി സൃഷ്ടി​വാ​ദ​ത്തെത മുന്നോ​ട്ടു വെച്ചി​ട്ടുണ്ട്‌. എന്നാൽ അങ്ങനെ ചെയ്യു​മ്പോൾ അവർ തിരു​വെ​ഴു​ത്തു​വി​രു​ദ്ധ​വും അവശ്വ​സ​നീ​യ​വു​മായ ഒരു അവകാ​ശ​വാ​ദ​മാണ്‌ പുറ​പ്പെ​ടു​വി​ക്കു​ന്നത്‌. അത്‌ ആകാശ​വും ഭൂമി​യും ഭൂമി​യി​ലുള്ള സകലവും 24 മണിക്കൂർ അടങ്ങിയ 6 ദിവസം കൊണ്ട്‌ ദൈവം സൃഷ്ടി​ച്ചു​വെ​ന്ന​താണ്‌—അതെ, വെറും 144 അക്ഷരീയ മണിക്കൂർ കൊണ്ട്‌! ഈ പഠിപ്പി​ക്കൽ അനേകർ ബൈബി​ളി​നെ പരിഹ​സി​ക്കാ​നി​ട​യാ​ക്കി​യി​രി​ക്കു​ന്നു. എന്നാൽ ബൈബി​ളിൽ ഒരു “ദിവസ”ത്തിന്‌ എല്ലായ്‌പ്പോ​ഴും 24 മണിക്കൂർ നീളമാ​ണോ ഉള്ളതു? ഉല്‌പത്തി 2:4 “യഹോ​വ​യാം ദൈവം ഭൂമി​യും ആകാശ​വും സൃഷ്ടിച്ച ദിവസ”ത്തെക്കു​റി​ച്ചു പറയുന്നു. ഈ ഒരു ദിവസ​ത്തിൽ ഉല്‌പത്തി 1-ാം അദ്ധ്യാ​യ​ത്തി​ലെ 6 സൃഷ്ടി ‘ദിവസ​ങ്ങ​ളും’ ഉൾപ്പെ​ടു​ന്നു. ബൈബി​ളിൽ ഉപയോ​ഗി​ച്ചി​രി​ക്കു​ന്ന​പ്ര​കാ​രം ഒരു “ദിവസം” അളവുള്ള ഒരു കാലഘട്ടം മാത്ര​മാണ്‌. യഹോ​വക്ക്‌ ഒരു “ദിവസം” ആയിരം വർഷമാ​കാം, അല്ലെങ്കിൽ പല ആയിര​വർഷ​ങ്ങ​ളാ​കാം—സൃഷ്ടി ‘ദിവസങ്ങൾ’ അങ്ങനെ​യാ​യി​രു​ന്നു. അതു​കൊണ്ട്‌ ഈ സംഗതി​യിൽ ബൈബിൾ വിവരണം ന്യായ​യു​ക്ത​വും യഥാർത്ഥ​ശാ​സ്‌ത്ര​ത്തോട്‌ പൊരു​ത്ത​പ്പെ​ടു​ന്ന​തു​മാണ്‌.—2 പത്രോസ്‌ 3:8.

ജീവന്റെ ഉത്ഭവം

13. (എ) പരിണാ​മ​ത്തി​ന്റെ വക്താക്കൾ ജീവന്റെ ഉത്ഭവത്തെ വിശദീ​ക​രി​ക്കു​ന്ന​തെ​ങ്ങനെ? (ബി) ജീവ​കോ​ശം അതി​നെ​ത്തന്നെ യാദൃ​ച്ഛി​ക​മാ​യി സൃഷ്ടി​ച്ചു​വെന്ന്‌ പറയു​ന്നത്‌ മൗഢ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

¹³ പരിണാ​മ​വാ​ക്താ​ക്കൾ ജീവന്റെ യഥാർത്ഥ ഉത്ഭവത്തെ വിശദീ​ക​രി​ക്കു​ന്ന​തെ​ങ്ങ​നെ​യാണ്‌? ശതകോ​ടി​ക്ക​ണ​ക്കി​നു വർഷം മുമ്പ്‌ ഭൂമിക്കു ചുററു​മുള്ള സമുദ്രം ഒരു “ജൈവ​സൂപ്പ്‌” ആയിത്തീർന്നി​രി​ക്കാ​മെന്ന്‌ അവർ പറയുന്നു; അപ്പോ​ഴും അത്‌ ജീവര​ഹി​ത​മാ​യി​രു​ന്നു. പിന്നീട്‌, ‘ഏററം അസംഭ​വ്യ​മായ ഒരു യാദൃ​ച്ഛി​ക​സം​ഭ​വ​ത്താൽ വിശേ​ഷാൽ ശ്രദ്ധേ​യ​മായ ഒരു തൻമാത്ര നിർമ്മി​ത​മാ​യി’ എന്ന്‌ അവർ വിശദീ​ക​രി​ക്കു​ന്നു. അത്ഭുത​ക​ര​മാ​യി ഇതു സ്വയം പുനരു​ല്‌പാ​ദി​പ്പി​ക്കു​ക​യും മററു തൻമാ​ത്ര​കളെ ഉളവാ​ക്കു​ക​യും ചെയ്‌തു, അവ ഒരുമി​ച്ചു​കൂ​ടി ഒരു ജീവ​കോ​ശം ഉളവാക്കി. ഇത്ര വിചി​ത്ര​മാ​യി തോന്നുന്ന മറെറ​ന്തെ​ങ്കി​ലു​മു​ണ്ടോ? ഈ വർണ്ണന നൽകിയ എഴുത്തു​കാ​രൻ തന്റെ ആമുഖ​ത്തിൽ ഇങ്ങനെ പ്രസ്‌താ​വി​ച്ചു: “ഈ പുസ്‌തകം മിക്കവാ​റും ഒരു ശാസ്‌ത്ര കഥപോ​ലെ വായി​ക്കേ​ണ്ട​താണ്‌.” അതെ, കഥ, എന്നാൽ അശേഷം ശാസ്‌ത്ര​മാ​യി​രി​ക്കു​ന്നില്ല! “ഒരു ചെറിയ കോശ​ത്തി​ലെ പ്രോ​ഗ്രം ചെയ്‌ത നിർദ്ദേ​ശങ്ങൾ (DNA) “എഴുതപ്പെടുകയാണെങ്കിൽ 600 പേജുള്ള ഒരായി​രം പുസ്‌ത​കങ്ങൾ നിറയെ ഉണ്ടായി​രി​ക്കും”എന്ന്‌ നാഷനൽ ജ്യോ​ഗ്രാ​ഫിക്ക്‌ പറഞ്ഞി​രി​ക്കു​ന്നു. ഏതോ ആദിമ സൂപ്പിൽ ജീവ​കോ​ശം യാദൃ​ച്ഛി​ക​മാ​യി സ്വയം സൃഷ്ടി​ച്ചു​വെന്ന്‌ പറയു​ന്നത്‌ എത്ര മൗഢ്യ​മാണ്‌!

14. സത്യത്തി​ന്റെ വക്താക്ക​ളെന്ന നിലയിൽ നാം ഏതു ബൈബി​ളു​പ​ദേ​ശത്തെ ഉയർത്തി​പ്പി​ടി​ക്കണം?

¹⁴ ബൈബി​ളെ​ഴു​ത്തു​കാ​ര​നായ ദാവീദ്‌ നൽകുന്ന വിശദീ​ക​രണം വളരെ​യേറെ ന്യായ​യു​ക്ത​വും മനസ്സി​ലാ​ക്കാ​വു​ന്ന​തു​മാണ്‌. അവൻ സങ്കീർത്തനം 36-ന്റെ 5-ഉം 9-ഉം വാക്യ​ങ്ങ​ളിൽ ഇങ്ങനെ എഴുതി: “യഹോവേ, . . . നിന്നിൽ ജീവന്റെ ഉറവു​ണ്ട​ല്ലോ.” സത്യത്തി​ന്റെ വാക്താ​ക്ക​ളെന്ന നിലയിൽ നാം ആ അടിസ്ഥാന ബൈബി​ളു​പ​ദേ​ശത്തെ പിന്താ​ങ്ങേ​ണ്ട​താണ്‌.—സങ്കീർത്തനം 100:3; യെശയ്യാവ്‌ 42:5, 8 ഇവ കൂടെ കാണുക.

ക്രമാ​നു​ഗ​ത​മായ പരിണാ​മ​മോ നേരി​ട്ടുള്ള സൃഷ്ടി​യോ?

15. (എ) പരിണാ​മം സത്യമാ​ണെ​ങ്കിൽ, ഫോസിൽ രേഖ അതിനെ എങ്ങനെ പിന്താ​ങ്ങു​മാ​യി​രു​ന്നു? (ബി) രേഖ എന്തു പ്രകട​മാ​ക്കു​ന്നു, ഡാർവ്വി​ന്റെ ഏതു സമ്മതത്തിന്‌ പ്രാബ​ല്യം നൽകുന്നു?

¹⁵ എന്നിരു​ന്നാ​ലും, ജീവാ​സ്‌തി​ക്യം കൊടു​ക്ക​പ്പെ​ട്ടാൽ ജീവി​ക​ളു​ടെ വ്യത്യസ്‌ത ഗണങ്ങൾ മററു ഗണങ്ങളാ​യി ക്രമേണ പരിണ​മി​ക്കു​ക​യി​ല്ലേ? ശരി, അതു സംഭവി​ച്ചി​രു​ന്നെ​ങ്കിൽ, കഴിഞ്ഞ​യു​ഗ​ങ്ങ​ളി​ലെ അശ്‌മക രേഖ (ഫോസിൽ) അത്‌ പ്രകട​മാ​ക്കു​മാ​യി​രു​ന്നു. എന്നാൽ പ്രകട​മാ​ക്കു​ന്നു​ണ്ടോ? കാബ്രി​യൻ കാലഘട്ടം എന്നുവി​ളി​ക്ക​പ്പെ​ടു​ന്ന​തി​നെ​ക്കു​റിച്ച്‌ പരിചി​ന്തി​ക്കുക ഇവിടെ നട്ടെല്ലി​ല്ലാത്ത മുഖ്യ​കൂ​ട്ട​ങ്ങ​ളു​ടെ ഫോസി​ലു​കൾ ജീവി​ക​ളു​ടെ പകി​ട്ടേ​റിയ ഒരു “സ്‌ഫോ​ടന”ത്തോ​ടൊ​പ്പ​മാണ്‌ കാണ​പ്പെ​ടു​ന്നത്‌. ഗണ്യമാ​യി വ്യത്യ​സ്‌ത​മായ ഈ കൂട്ടങ്ങ​ളെ​ല്ലാം ഒരേസ​മ​യത്ത്‌ ജീവനി​ലേക്ക്‌ പൊട്ടി​ത്തെ​റി​ച്ച​താ​ണെ​ങ്കിൽ അവയ്‌ക്ക്‌ ഒന്നിൽനിന്ന്‌ മറെറാ​ന്നാ​യി പരിണ​മി​ക്കുക സാദ്ധ്യ​മാ​കു​ന്ന​തെ​ങ്ങനെ? ഡാർവ്വിൻ തന്നെ തുറന്ന്‌ സമ്മതി​ച്ച​പ്ര​കാ​രം: “നിരവധി ഗണങ്ങൾ . . . യഥാർത്ഥ​ത്തിൽ പെട്ടെന്ന്‌ ജീവനിൽ തുടക്ക​മി​ട്ടെ​ങ്കിൽ ആ വസ്‌തുത പരിണാ​മ​വാ​ദ​ത്തിന്‌ മാരക​മാ​യി​രി​ക്കും.” തീർച്ച​യാ​യും മാരകം തന്നെ!—1 കൊരി​ന്ത്യർ 3:19, 20.

16. (എ) ജീവരൂ​പ​ങ്ങ​ളു​ടെ പ്രത്യക്ഷത സംബന്ധിച്ച്‌, ഫോസിൽ രേഖ പരിണാ​മം വ്യാജ​മാ​ണെന്ന്‌ തെളി​യി​ക്കു​ന്ന​തെ​ങ്ങനെ? (ബി) ഉല്‌പത്തി 1:25-ൽ യഥാർത്ഥ സത്യം പ്രസ്‌താ​വി​ക്ക​പ്പെ​ട്ടി​രി​ക്കു​ന്ന​തെ​ങ്ങനെ?

¹⁶ വ്യത്യ​സ്‌ത​വും വളരെ സങ്കീർണ്ണ​വു​മായ ജീവികൾ പെട്ടെ​ന്നും പൂർണ്ണ​വി​ക​സി​ത​മാ​യും പ്രത്യ​ക്ഷ​പ്പെ​ട്ടു​വെന്ന്‌ ഫോസിൽ രേഖ വെളി​പ്പെ​ടു​ത്തു​ന്നു. ഒരു പ്രകൃ​തി​ശാ​സ്‌ത്ര പ്രൊ​ഫസ്സർ പറഞ്ഞ​പ്ര​കാ​രം: “തിമിം​ഗ​ലങ്ങൾ, വവ്വാലു​കൾ, കുതി​രകൾ, ഉയർന്ന സ്‌തന്യ​പ​ഗ​ണങ്ങൾ, ആനകൾ, മുയലു​കൾ, അണ്ണാൻ മുതലാ​യ​വ​യെ​ല്ലാം അവ പ്രത്യ​ക്ഷ​പ്പെ​ട്ട​പ്പോ​ഴ​ത്തെ​പ്പോ​ലെ​തന്നെ ഇപ്പോ​ഴും വേർതി​രി​ച്ച​റി​യാ​വു​ന്ന​വ​യാണ്‌. ഒരു പൂർവ്വീക പിതാ​വി​ന്റെ യാതൊ​രു ലാഞ്ചന​യു​മില്ല, ഏതെങ്കി​ലും ഇഴജന്തു​വായ ഒരു സാങ്കൽപ്പിക പൂർവ്വീ​ക​നു​മാ​യുള്ള ഒരു കണ്ണി അത്രയും കൂടെ​യില്ല.” ജിറാ​ഫു​ക​ളു​ടെ കഴുത്തി​ന്റെ സാധാ​ര​ണ​നീ​ള​ത്തിൽ മൂന്നിൽ രണ്ടോ നാലിൽമൂ​ന്നോ നീളമുള്ള കഴു​ത്തോ​ടു​കൂ​ടിയ ജിറാ​ഫു​ക​ളു​ടെ ഏതെങ്കി​ലും ഫോസി​ലു​കൾ ഉണ്ടോ? ഇല്ല. സംഗതി​യു​ടെ യാഥാർത്ഥ്യം ഉല്‌പത്തി 1:25-ൽ പ്രസ്‌താ​വി​ച്ചി​രി​ക്കു​ന്നു: “ദൈവം ഭൂമി​യി​ലെ കാട്ടു​മൃ​ഗത്തെ അതിന്റെ തരമനു​സ​രി​ച്ചും വീട്ടു​മൃ​ഗത്തെ അതിന്റെ തരമനു​സ​രി​ച്ചും നിലത്തു ചരിക്കുന്ന ഓരോ മൃഗ​ത്തെ​യും അതിന്റെ തരമനു​സ​രി​ച്ചും ഉണ്ടാക്കാൻ തുടങ്ങി. അതു നല്ലതെന്നു ദൈവം കണ്ടു.” അതെ, വളരെ നല്ലത്‌!

17. ജീവരൂ​പ​ങ്ങ​ളു​ടെ ഇടയിൽ ഏതു മനോഹര വൈവി​ദ്ധ്യ​വും രൂപ സംവി​ധാ​ന​വും കാണാ​നുണ്ട്‌, ഇത്‌ ആരിൽനി​ന്നു മാത്രമേ ഉത്ഭവി​ക്കാൻ കഴിയൂ?

¹⁷ ഇവിടെ ഭൂമി​യി​ലെ ജീവി​ക​ളു​ടെ ഇടയിൽ കാണ​പ്പെ​ടുന്ന ആവേശ​ജ​ന​ക​മായ വൈവി​ധ്യ​ത്തെ​ക്കു​റി​ച്ചും പരിചി​ന്തി​ക്കുക! റോസ​പ്പു​വി​നും ചിത്ര​ശ​ല​ഭ​ത്തി​നും ഹമ്മിംഗ്‌ ബേർഡി​നും മയിലി​നും ഒരായി​രം മററു ജീവരൂ​പ​ങ്ങൾക്കും അവയുടെ പ്രത്യേ​ക​മായ ഭംഗി യാദൃ​ച്ഛി​ക​മാ​യി കിട്ടി​യ​താ​ണോ, അർഹത​മാ​യ​തി​ന്റെ അതിജീ​വ​ന​ത്തി​നാ​യുള്ള പോരാ​ട്ട​ത്തിൽ? അതോ തന്റെ പ്രവൃ​ത്തി​ക​ളിൽ മനുഷ്യ​വർഗ്ഗം ഉല്ലാസം കണ്ടെത്താ​നാ​ഗ്ര​ഹിച്ച സ്‌നേ​ഹ​വാ​നായ ഒരു ദൈവ​ത്തി​ന്റെ വിദഗ്‌ദ്ധ രൂപസം​വി​ധാ​ന​മാ​ണോ അവ? അതിശ​യ​മാർന്ന ഭൂമി​യി​ലു​ട​നീ​ളം കാണുന്ന അത്യാ​കർഷ​ക​മായ മനോ​ഹാ​രി​തയെ നാം വീക്ഷി​ക്കു​മ്പോൾ തീർച്ച​യാ​യും “യഹോവേ, നിന്റെ പ്രവൃ​ത്തി​കൾ എത്ര അനവധി​യാ​കു​ന്നു! അവയെ​യെ​ല്ലാം നീ ജ്ഞാനപൂർവ്വം ഉണ്ടാക്കി​യി​രി​ക്കു​ന്നു. ഭൂമി നിന്റെ ഉല്‌പ​ന്നങ്ങൾ കൊണ്ടു നിറഞ്ഞി​രി​ക്കു​ന്നു” എന്നു നാം ഉദ്‌ഘോ​ഷി​ക്കേ​ണ്ട​താണ്‌.—സങ്കീർത്തനം 104:24.

18. പ്ലാററി​പ്പ​സി​നെ രൂപക​ല്‌പ​ന​ചെ​യ്യാൻ ദൈവ​ത്തെ​ക്കൊ​ണ്ടു മാത്രമേ കഴിക​യു​ള്ളു​വെന്ന്‌ നിങ്ങൾ പറയു​ന്ന​തെ​ന്തു​കൊണ്ട്‌?

¹⁸ രൂപസം​വി​ധാ​നം എല്ലായ്‌പ്പോ​ഴും ഒരു ബുദ്ധി​മാ​നായ രൂപസം​വി​ധാ​യ​കന്റെ ആവശ്യ​മു​ള​വാ​ക്കു​ന്നു. ജീവി​ക​ളിൽ വിസ്‌മ​യാ​വ​ഹ​മായ രൂപസം​വി​ധാ​ന​മുണ്ട്‌. ആസ്‌ത്ര​ലി​യാ​യിൽ ജീവി​ക്കുന്ന പ്ലാററി​പ്പ​സി​നെ​പ്പ​ററി പരിചി​ന്തി​ക്കുക. അതിന്‌ ഒരു മുയലി​ന്റെ വലിപ്പ​മാ​ണു​ള്ളത്‌, ഒരു നീർനാ​യു​ടേ​തു​പോ​ലുള്ള രോമ​മുണ്ട്‌, താറാ​വി​നു​ള്ള​തു​പോ​ലെ ചുണ്ടുണ്ട്‌, പൂവൻ കോഴി​യു​ടേ​തു​പോ​ലുള്ള കട്ടുമു​ള്ളു​മുണ്ട്‌; നഖങ്ങ​ളോ​ടു​കൂ​ടിയ തോൽചു​വ​ടു​ക​ളുണ്ട്‌. അത്‌ ഒരു ഇഴജന്തു​വി​നെ​പ്പോ​ലെ മുട്ടയി​ടു​ന്നു., ഒരു സസ്‌ത​ന​ജ​ന്തു​വി​നെ​പ്പോ​ലെ കുഞ്ഞു​ങ്ങളെ മുലയൂ​ട്ടു​ന്നു. അതു കരയി​ലും വെള്ളത്തി​ന​ടി​യി​ലും സുഖേന കഴിയു​ന്നു. പ്ലാററി​പ്പസ്‌ എന്തിൽനി​ന്നാണ്‌ പരിണ​മി​ച്ചത്‌? പ്ലാററി​പ്പസ്‌ രാത്രി​യിൽ മാത്രം പുറത്തു​വ​രു​ന്ന​തു​കൊണ്ട്‌ അതിനെ പരിണാ​മ​വാ​ദി​യു​ടെ പേടി​സ്വ​പ്‌ന​മെന്നു വിളി​ക്കാ​വു​ന്ന​താണ്‌. ഒരു ഹാർവാർഡ്‌ യൂണി​വേ​ഴ്‌സി​ററി ജീവശാ​സ്‌ത്രജ്ഞൻ അതിനെ “പ്രത്യേ​ക​വും അസാധാ​ര​ണ​വു​മായ ഒരു ജീവി​ത​രീ​തി​ക്കു​വേണ്ടി അതിവി​ശി​ഷ്ട​മാ​യി രൂപസം​വി​ധാ​നം ചെയ്യപ്പെട്ട ജീവി” എന്നു വർണ്ണി​ക്കു​ന്നു. ഈ അതിവി​ശിഷ്ട രൂപസം​വി​ധാ​യകൻ ആരായി​രു​ന്നു? അത്‌ “കാട്ടിലെ സകല വന്യമൃ​ഗ​വും എനിക്കു​ള്ള​താണ്‌” എന്നു പറയുന്ന ദൈവ​മാ​യി​രി​ക്കാ​നേ കഴിയൂ.—സങ്കീർത്തനം 50:10.

19. (എ) ചെറിയ വാർബ്ലർ ഏത്‌ അത്ഭുത​ക​ര​മായ അഭ്യാസം നടത്തുന്നു? (ബി) അതിന്‌ ഇതു ചെയ്യാൻ കഴിയു​ന്ന​തെ​ങ്ങനെ?

¹⁹ കൂടാതെ അനേകം ജീവി​ക​ളിൽ നിർമ്മി​ത​മാ​യി​രി​ക്കുന്ന സഹജ വാസന സംബന്ധി​ച്ചെന്ത്‌? ദൃഷ്ടാ​ന്ത​മാ​യി ബ്ലാക്ക്‌പോൾ വാർബ്ലർ എന്ന ഒരു ചെറിയ പക്ഷിയുണ്ട്‌. അതിന്‌ മുക്കാൽ ഔൺസ്‌ (21 ഗ്രാം) മാത്രമേ തൂക്കമു​ള്ളു. അതിന്‌ അലാസ്‌ക്കാ​യിൽ നിന്ന്‌ ന്യൂ ഇംഗ്ലണ്ടി​ലേക്ക്‌ പറക്കു​ന്ന​തി​നു പററിയ ശരൽക്കാല കാലാവസ്ഥ തെര​ഞ്ഞെ​ടു​ക്കാ​ന​റി​യാം. അവിടെ അത്‌ നല്ലതീ​ററി തിന്ന്‌ തടിക്കു​ക​യും ഒരു തണുത്ത കാലാ​വ​സ്ഥ​ക്കു​വേണ്ടി കാത്തി​രി​ക്കു​ക​യും ചെയ്യുന്നു. പിന്നീട്‌ അത്‌ പറക്കാൻ തുടങ്ങു​ന്നു. അത്‌ 20,000 ത്തിൽ പരം (6100 മീ.) അടി ഉയരത്തിൽ പറന്ന്‌ ആഫ്രി​ക്ക​യി​ലേക്ക്‌ നീങ്ങുന്ന വായു പ്രവാ​ഹ​ത്തിൽ എത്തു​പെ​ടു​ന്നു. ഒടുവിൽ പ്രബല​മാ​യി അടിച്ചു​കൊ​ണ്ടി​രി​ക്കുന്ന ഒരു കാററ്‌ വാബറ്‌ളി​നെ സൗത്ത്‌ അമേരി​ക്ക​യി​ലെ അതിന്റെ ലക്ഷ്വത്തി​ലേക്ക്‌ അടിച്ചു​നീ​ക്കു​ന്നു. വാബറ്‌ളി​ന്റെ സഹജജ്ഞാ​നം ഒരു പയർമ​ണി​യു​ടെ വലിപ്പ​മുള്ള തലച്ചോ​റിൽ പ്രോ​ഗ്രാം ചെയ്‌തി​രി​ക്കു​ക​യാണ്‌. അങ്ങനെ​യുള്ള സഹജജ്ഞാ​നം എങ്ങനെ​യു​ണ്ടാ​യി എന്ന്‌ പരിണാ​മ​വാ​ദിക്ക്‌ വിശദീ​ക​രി​ക്കാൻ കഴിയു​മോ? കഴിക​യില്ല. എന്നാൽ “ആകാശ​ത്തി​ന്റെ​യും ഭൂമി​യു​ടെ​യും സമു​ദ്ര​ത്തി​ന്റെ​യും” “സഹജജ്ഞാ​ന​മുള്ള” ജീവികൾ ഉൾപ്പെടെ “അവയി​ലുള്ള സകലത്തി​ന്റെ​യും” സർവ്വജ്ഞാ​നി​യായ “നിർമ്മാ​താവ്‌” യഹോ​വ​യാ​ണെന്ന്‌ ബൈബിൾ ചൂണ്ടി​ക്കാ​ണി​ക്കു​ന്നു.—സങ്കീർത്തനം 146:5, 6; സദൃശ​വാ​ക്യ​ങ്ങൾ 30:24-28.

നിങ്ങൾക്ക്‌ നന്ദിയു​ണ്ടോ?

20. (എ) നമുക്കു ചുററു​മുള്ള അത്ഭുത​ങ്ങ​ളു​ടെ വിശദീ​ക​രണം എന്തായി​രി​ക്കണം? (ബി) നമ്മുടെ സ്രഷ്ടാ​വി​ന്റെ സ്‌നേ​ഹദയ നമ്മോടു പ്രകട​മാ​ക്ക​പ്പെ​ട്ടി​രി​ക്കു​ന്ന​തെ​ങ്ങനെ? (സി) സത്യത്തി​ന്റെ വക്താക്ക​ളെന്ന നിലയിൽ നാം എങ്ങനെ പ്രതി​വർത്തി​ക്കണം?

²⁰ സംഗതി​യു​ടെ യാഥാർത്ഥ്യം ഇതാണ്‌: ആകാശ​ത്തി​ലും നമുക്ക്‌ ചുററു​മുള്ള ഭൂമി​യി​ലും മനോ​ഹ​ര​വും പ്രാ​യോ​ഗി​ക​വും ഭയജന​ക​വു​മായ വളരെ​യ​ധി​കം കാര്യ​ങ്ങൾക്ക്‌, സ്‌നേ​ഹ​വാ​നും സർവ്വശ​ക്ത​നു​മായ ഒരു രൂപസം​വി​ധാ​യ​ക​നാ​ലുള്ള സൃഷ്ടി മാത്രമേ വിശദീ​ക​ര​ണ​മാ​യി​രി​ക്കു​ന്നു​ള്ളു. സാധാ​ര​ണ​ഗ​തി​യി​ലുള്ള അവസ്ഥക​ളിൽ, എത്ര അതിശ​യ​ക​ര​മാ​യി ദൈവ​ദ​ത്ത​മായ നമ്മുടെ ഇന്ദ്രീ​യങ്ങൾ നമ്മുടെ സാധാരണ ചുററു​പാ​ടു​ക​ളോട്‌ ഇടകല​രു​ക​യും ജീവി​തത്തെ ആസ്വദ്യ​മാ​ക്കു​ക​യും ചെയ്യുന്നു! നാം കാണുന്ന ശോഭാ​യ​മാ​ന​മായ സൂര്യാ​സ്‌ത​മ​യങ്ങൾ, നാം മണക്കുന്ന സുഗന്ധ​വാ​ഹി​ക​ളായ പുഷ്‌പങ്ങൾ, നാം ആസ്വദി​ക്കുന്ന സ്വാദി​ഷ്ട​ങ്ങ​ളായ പഴങ്ങൾ, നമ്മെ തലോ​ടുന്ന ശാന്തി​ദ​മായ കാററ്‌, നാം കേൾക്കുന്ന വനസം​ഗീ​തം—ഇവയെ​ല്ലാം നമ്മുടെ സ്രഷ്ടാ​വും ദൈവ​വു​മാ​യ​വന്റെ സ്‌നേ​ഹ​ദ​യയെ എങ്ങനെ പ്രകട​മാ​ക്കു​ന്നു! (സങ്കീർത്തനം 136:1-6, 25, 26) ഈ ഭക്തികെട്ട ലോക​ത്തിൽ സത്യത്തി​നു​വേണ്ടി വാദി​ച്ചു​കൊണ്ട്‌ നാം എത്ര ആത്മാർത്ഥ​മാ​യി നമ്മുടെ നന്ദി പ്രകട​മാ​ക്കേ​ണ്ട​താണ്‌! തിർച്ച​യാ​യും, ദൈവ​ത്തി​ന്റെ “വചനം സത്യമാ​കു​ന്നു.! (w86 4/1)

[അടിക്കു​റി​പ്പു​കൾ]

കാറൾമാക്‌സ്‌ ഇങ്ങനെ പറഞ്ഞു: “ഡാർവ്വി​ന്റെ പുസ്‌തകം വളരെ പ്രധാ​ന​മാണ്‌, അത്‌ ചരി​ത്ര​ത്തി​ലെ വർഗ്ഗസ​മ​ര​ത്തി​ന്റെ ഒരു അടിസ്ഥാ​ന​മാ​യി എനിക്ക്‌ പ്രയോ​ജ​കീ​ഭ​വി​ക്കു​ന്നു.”

സത്യത്തി​നു​വേണ്ടി വാദി​ക്കു​മ്പോൾ, നിങ്ങൾ എങ്ങനെ ഉത്തരം പറയും?

◻ സത്യം ഒരു വിവാ​ദ​വി​ഷ​യ​മാ​യ​തെ​ങ്ങനെ?

◻ ബൈബിൾ സത്യം ബാബി​ലോ​ന്യാ​ബ​ദ്ധത്തെ തുറന്നു​കാ​ട്ടു​ന്ന​തെ​ങ്ങനെ?

◻ ജീവന്റെ ഉത്ഭവ​ത്തെ​യും വിവിധ ജീവത​ര​ങ്ങ​ളെ​യും എങ്ങനെ മാത്രമേ വിശദീ​ക​രി​ക്കാൻ കഴിയൂ?

◻ ജീവി​ക​ളി​ലെ രൂപസം​വി​ധാ​നം നമ്മോട്‌ എന്തു പറയുന്നു?

◻ നാം നമ്മുടെ സ്രഷ്ടാ​വിന്‌ എങ്ങനെ നന്ദി​കൊ​ടു​ക്കേ​ണ്ട​താണ്‌?

[10-ാം പേജിലെ ചിത്രം]

യേശു സത്യത്തി​ന്റെ എതിരാ​ളി​ക​ളോട്‌ “നിങ്ങൾ നിങ്ങളു​ടെ പിതാ​വായ പിശാ​ചിൽനി​ന്നു​ള്ള​വ​രാ​കു​ന്നു” എന്നു വ്യക്തമാ​യി പറഞ്ഞു

[12-ാം പേജിലെ ചിത്രം]

ചാൾസ്‌ ഡാർവ്വിൻ—കുരങ്ങു-മനുഷ്യ​സി​ദ്ധാ​ന്ത​ത്തി​ന്റെ വക്താവ്‌

[13-ാം പേജിലെ ചിത്രം]

ചർച്ച്‌ ഓഫ്‌ ഇംഗ്ലണ്ട്‌ വെസ്‌ററ്‌ മിനി​സ്‌ററർ ആബിയിൽ ഡാർവ്വി​നെ പുണ്യ​സ്ഥാ​നത്തു പ്രതി​ഷ്‌ഠി​ച്ചു

[15-ാം പേജിലെ ചിത്ര​ങ്ങൾക്ക്‌ കടപ്പാട്‌]

U.S. Fish & Wildlife Service