“അധർമ്മ​മ​നു​ഷ്യ​നെ” തുറന്നു​കാ​ട്ടൽ

“എന്റെ ജനമേ, നിങ്ങൾ അവളുടെ പാപങ്ങ​ളിൽ അവളോ​ടു​കൂ​ടെ പങ്കുപ​റ​റാ​നാ​ഗ്ര​ഹി​ക്കു​ന്നി​ല്ലെ​ങ്കിൽ . . . അവളുടെ ബാധക​ളു​ടെ ഓഹരി ലഭിക്കാൻ ആഗ്രഹി​ക്കു​ന്നി​ല്ലെ​ങ്കിൽ അവളെ വിട്ടു​പോ​രുക.”—വെളി​പ്പാട്‌ 18:4.

1, 2. (എ) അധർമ്മ​മ​നു​ഷ്യ​നെ എങ്ങനെ തിരി​ച്ച​റി​യാൻ കഴിയും? (ബി) തന്നെ സേവി​ക്കു​ന്നു​വെന്ന്‌ അവകാ​ശ​പ്പെ​ടു​ന്ന​വ​രും എന്നാൽ രക്തപാ​ത​ക​മു​ള്ള​വ​രു​മാ​യ​വരെ സംബന്ധിച്ച ദൈവ​ത്തി​ന്റെ വീക്ഷണ​മെ​ന്താണ്‌? (മത്തായി 7:21-23)

ഒരു “അധർമ്മ മനുഷ്യ”ന്റെ വരവി​നെ​ക്കു​റിച്ച്‌ ദൈവ​വ​ചനം മുൻകൂ​ട്ടി​പ്പ​റഞ്ഞു. ഈ അധർമ്മ​ഘ​ടകം ദൈവ​ത്തി​ന്റെ സ്വർഗ്ഗീ​യ​വ​ധാ​ധി​കൃ​ത​നായ ക്രിസ്‌തു​യേ​ശു​വി​നാൽ ‘നീക്കം​ചെ​യ്യ​പ്പെ​ടു​ക​യും നാസ്‌തി​യാ​ക്ക​പ്പെ​ടു​ക​യും​ചെയ്യു’മെന്നും അതു മുൻകൂ​ട്ടി​പ്പ​റഞ്ഞു. (2 തെസ്സ​ലോ​നീ​ക്യർ 2:3-8) മുൻലേ​ഖ​നങ്ങൾ പ്രകട​മാ​ക്കി​യി​രി​ക്കു​ന്ന​തു​പോ​ലെ, ആ അധർമ്മ​മ​നു​ഷ്യൻ ക്രൈ​സ്‌ത​വ​ലോ​ക​ത്തി​ലെ വൈദി​ക​രാണ്‌. ദീർഘ​നാൾമുമ്പ്‌ അവർ ദൈവ​വ​ച​ന​ത്തി​ലെ സത്യങ്ങൾ ഉപേക്ഷി​ക്കു​ക​യും ത്രിത്വം, നരകാഗ്നി, ദേഹി​യു​ടെ അമർത്യത എന്നിങ്ങ​നെ​യുള്ള പുറജാ​തി​യു​പ​ദേ​ശങ്ങൾ സ്വീക​രി​ക്കു​ക​യും​ചെ​യ്‌തു. കൂടാതെ, അവർ ദൈവ​നി​യ​മ​ങ്ങൾക്കു വിരു​ദ്ധ​മായ പ്രവൃ​ത്തി​കൾ ഉളവാക്കി. പൗലോസ്‌ ആർക്കെ​തി​രെ തീത്തോ​സി​നു മുന്നറി​യി​പ്പു​കൊ​ടു​ത്തോ അവരെ​പ്പോ​ലെ, “തങ്ങൾ ദൈവത്തെ അറിയു​ന്നു​വെന്ന്‌ അവർ പരസ്യ​മാ​യി പ്രഖ്യാ​പി​ക്കു​ന്നു, എന്നാൽ അവർ തങ്ങളുടെ പ്രവൃ​ത്തി​ക​ളാൽ അവനെ തള്ളിപ്പ​റ​യു​ന്നു, എന്തു​കൊ​ണ്ടെ​ന്നാൽ അവർ അറെക്ക​ത്ത​ക്ക​വ​രും അനുസ​ര​ണം​കെ​ട്ട​വ​രും യാതൊ​രു​തരം സൽപ്ര​വൃ​ത്തി​ക്കും കൊള്ളാ​ത്ത​വ​രു​മാ​കു​ന്നു.”—തീത്തോസ്‌ 1:16.

² യേശു പറഞ്ഞു: “ആടുക​ളു​ടെ ആവരണ​ത്തിൽ നിങ്ങളു​ടെ അടുക്കൽ വരുന്ന കള്ളപ്ര​വാ​ച​കൻമാ​രെ സൂക്ഷി​ക്കുക, എന്നാൽ അവർ അകമെ കടിച്ചു​കീ​റുന്ന ചെന്നാ​യ്‌ക്കൾ ആകുന്നു. അവരുടെ ഫലങ്ങളാൽ നിങ്ങൾ അവരെ തിരി​ച്ച​റി​യും.” കള്ളപ്ര​വാ​ച​കൻമാർ “വിലകെട്ട ഫലം” ഉല്‌പാ​ദി​പ്പി​ക്കു​ന്നു. (മത്തായി 7:15-17) വൈദി​ക​രു​ടെ ചീത്തഫ​ല​ങ്ങു​ടെ ഒരു തെളിവ്‌ അവരുടെ വമ്പിച്ച രക്തപാ​ത​ക​മാണ്‌. നൂററാ​ണ്ടു​ക​ളിൽ അവർ കുരി​ശു​യു​ദ്ധ​ങ്ങ​ളെ​യും മതവി​ചാ​ര​ണ​ക​ളെ​യും ദശലക്ഷ​ങ്ങ​ളു​ടെ രക്തം ചൊരി​ഞ്ഞി​രി​ക്കുന്ന യുദ്ധങ്ങ​ളെ​യും പിന്താ​ങ്ങി​യി​രി​ക്കു​ന്നു. അവരുടെ സ്വന്തം മതങ്ങളി​ലെ അംഗങ്ങൾ അന്യോ​ന്യം കൊ​ന്നൊ​ടു​ക്കി​യി​രി​ക്കുന്ന യുദ്ധങ്ങ​ളിൽ ഇരുക​ക്ഷി​കൾക്കും​വേണ്ടി അവർ പ്രാർത്ഥി​ക്കു​ക​യും അവരെ അനു​ഗ്ര​ഹി​ക്കു​ക​യും​ചെ​യ്‌തി​ട്ടുണ്ട്‌. മറിച്ച്‌, അപ്പോ​സ്‌ത​ല​നായ പൗലോ​സിന്‌ “സകല മനുഷ്യ​രു​ടെ​യും രക്തത്തിൽനിന്ന്‌ ഞാൻ ശുദ്ധി​യു​ള്ള​വ​നാ​കു​ന്നു” എന്ന്‌ പറയാൻ കഴിഞ്ഞു. (പ്രവൃ​ത്തി​കൾ 20:26) വൈദി​കർ ശുദ്ധി​യു​ള്ള​വരല്ല. അങ്ങനെ​യു​ള്ള​വ​രോട്‌ ദൈവം ഇങ്ങനെ പ്രഖ്യാ​പി​ക്കു​ന്നു: “നിങ്ങൾ അനേകം പ്രാർത്ഥ​നകൾ കഴിക്കു​ന്നു​വെ​ങ്കി​ലും ഞാൻ ശ്രദ്ധി​ക്കു​ന്നില്ല; നിങ്ങളു​ടെ കൈകൾ രക്തച്ചൊ​രി​ച്ചി​ലി​നാൽ നിറഞ്ഞി​രി​ക്കു​ന്നു.”—യെശയ്യാവ്‌ 1:15.

3. ആഗോ​ള​പ്രാ​ധാ​ന്യ​മുള്ള ഏതു സംഭവങ്ങൾ സത്വരം സമീപി​ച്ചു​വ​രു​ന്നു?

³ അധർമ്മ​മ​നു​ഷ്യ​നെ​തി​രെ തന്റെ ന്യായ​വി​ധി നടത്താ​നുള്ള ദൈവ​ത്തി​ന്റെ സമയം സത്വരം സമീപി​ച്ചു​വ​രു​ക​യാണ്‌. പെട്ടെ​ന്നു​തന്നെ, യേശു മുൻകൂ​ട്ടി​പ്പ​റ​ഞ്ഞ​തു​പോ​ലെ, “ലോകാ​രം​ഭം മുതൽ ഇപ്പോൾവരെ സംഭവി​ച്ചി​ട്ടി​ല്ലാ​ത്ത​തും, ഇല്ല, വീണ്ടും സംഭവി​ക്കു​ക​യി​ല്ലാ​ത്ത​തു​മായ മഹോ​പ​ദ്രവം ഉണ്ടായി​രി​ക്കും.” (മത്തായി 24:21) മുമ്പു​ണ്ടാ​യി​ട്ടി​ല്ലാത്ത തരത്തി​ലുള്ള ആ കുഴപ്പ​ത്തി​ന്റെ സമയം, വ്യാജ​മ​ത​ലോ​ക​സാ​മ്രാ​ജ്യ​മായ മഹാബാ​ബി​ലോ​ന്റെ സംഹാ​ര​ത്തോ​ടെ തുടങ്ങും, അതിൽ ക്രൈ​സ്‌ത​വ​ലോ​ക​ത്തി​ലെ മതങ്ങളും ഉൾപ്പെ​ടു​ന്നു. രാഷ്‌ട്രീ​യ​ഘ​ട​കങ്ങൾ “അവളെ ശൂന്യ​യും നഗ്നയു​മാ​ക്കി അവളുടെ മാംസ​ള​ഭാ​ഗങ്ങൾ തിന്നു​ക​ള​ക​യും അവളെ പൂർണ്ണ​മാ​യി തീകൊ​ണ്ടു ദഹിപ്പി​ക്കു​ക​യും​ചെ​യ്യും.” (വെളി​പ്പാട്‌ 17:16) ആ മഹോ​പ​ദ്രവം “സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”മാകുന്ന അർമ്മ​ഗെ​ദ്ദോ​നി​ലെ സാത്താന്റെ ലോക​ത്തി​ന്റെ ശേഷിച്ച ഭാഗത്തി​ന്റെ നാശ​ത്തോ​ടെ അവസാ​നി​ക്കും.—വെളി​പ്പാട്‌ 16:14, 16; 19:11-21.

മററു​ള്ള​വരെ സനേ​ഹി​ക്കാ​നുള്ള കടപ്പാട്‌

4. ദൈവത്തെ “ആത്മാ​വോ​ടും സത്യ​ത്തോ​ടും​കൂ​ടെ” ആരാധി​ക്കു​ന്നവർ എന്തു മനസ്സിൽ പിടി​ച്ചു​കൊ​ള്ളണം?

⁴ ലോകത്തെ പിടി​ച്ചു​കു​ലു​ക്കുന്ന ഈ സംഭവങ്ങൾ നിവസി​ത​ഭൂ​മി​മേൽ പെട്ടെന്നു വരാനി​രി​ക്കു​ന്ന​തു​കൊണ്ട്‌ “പിതാ​വി​നെ ആത്മാ​വോ​ടും സത്യ​ത്തോ​ടും​കൂ​ടെ ആരാധി​ക്കുന്ന”വരു​ടെ​മേൽ എന്തു കടപ്പാടു സ്ഥിതി​ചെ​യ്യു​ന്നു? (യോഹ​ന്നാൻ 4:23) ഒരു സംഗതി യേശു “ഞാൻ എന്റെ പിതാ​വി​ന്റെ കല്‌പ​നകൾ അനുഷ്‌ഠി​ച്ചി​രി​ക്കു​ക​യും അവന്റെ സ്‌നേ​ഹ​ത്തിൽ നിലനിൽക്കു​ക​യും ചെയ്യു​ന്ന​തു​പോ​ലെ, നിങ്ങൾ എന്റെ കല്‌പ​നകൾ അനുഷ്‌ഠി​ക്കു​ന്നു​വെ​ങ്കിൽ നിങ്ങൾ എന്റെ സ്‌നേ​ഹ​ത്തിൽ നിലനിൽക്കും. . . . ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ, നിങ്ങൾ അന്യോ​ന്യം സ്‌നേ​ഹി​ക്ക​ണ​മെ​ന്നു​ള്ള​താണ്‌ എന്റെ കല്‌പന. തന്റെ ദേഹിയെ തന്റെ സ്‌നേ​ഹി​തർക്കാ​യി വെച്ചു​കൊ​ടു​ക്കു​ന്ന​തി​നെ​ക്കാൾ വലിയ സ്‌നേഹം ആർക്കു​മില്ല. ഞാൻ നിങ്ങ​ളോ​ടു കല്‌പി​ക്കു​ന്നത്‌ നിങ്ങൾ ചെയ്യു​ന്നു​വെ​ങ്കിൽ, നിങ്ങൾ എന്റെ സ്‌നേ​ഹി​ത​രാ​കു​ന്നു” എന്നു യേശു പറഞ്ഞു​വെന്ന്‌ അവർ മനസ്സിൽ പിടി​ക്കണം.”—യോഹ​ന്നാൻ 15:10-14; 1 യോഹ​ന്നാൻ 5:3.

5, 6. (എ) തങ്ങളെ തിരി​ച്ച​റി​യി​ക്ക​ത്ത​ക്ക​വണ്ണം എന്തു ചെയ്യാൻ യേശു തന്റെ ശിഷ്യൻമാ​രോ​ടു കല്‌പി​ച്ചു? (ബി) ഇത്‌ ഏതർത്ഥ​ത്തിൽ ഒരു പുതിയ കല്‌പ​ന​യാ​യി​രു​ന്നു?

⁵ അങ്ങനെ സത്യ​ക്രി​സ്‌ത്യാ​നി​കൾക്ക്‌ മററു​ള്ള​വരെ, വിശേ​ഷിച്ച്‌ എല്ലാ രാജ്യ​ങ്ങ​ളി​ലു​മുള്ള തങ്ങളുടെ ക്രിസ്‌തീ​യ​സ​ഹോ​ദ​രൻമാ​രെ​യും സഹോ​ദ​രി​മാ​രെ​യും സ്‌നേ​ഹി​ക്കാ​നുള്ള കടപ്പാ​ടുണ്ട്‌. (പ്രവൃ​ത്തി​കൾ 10:34; ഗലാത്യർ 6:10; 1 യോഹ​ന്നാൻ 4:20, 21) തീർച്ച​യാ​യും, സഹക്രി​സ്‌ത്യാ​നി​കൾക്ക്‌ “അന്യോ​ന്യം ഉററ സ്‌നേഹ”മുണ്ടാ​യി​രി​ക്കണം. (1 പത്രോസ്‌ 4:8) ഒരു ആഗോള അളവി​ലുള്ള അത്തരം സ്‌നേഹം അവരെ സത്യാ​രാ​ധ​ക​രാ​യി തിരി​ച്ച​റി​യി​ക്കു​ന്നു, എന്തെന്നാൽ യേശു ഇങ്ങനെ പറഞ്ഞു: “നിങ്ങൾ അന്യോ​ന്യം സ്‌നേ​ഹി​ക്ക​ണ​മെന്ന്‌ ഞാൻ നിങ്ങൾക്ക്‌ ഒരു പുതിയ കല്‌പന തരുന്നു, ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ, നിങ്ങൾ അന്യോ​ന്യം സ്‌നേ​ഹി​ക്ക​ണ​മെ​ന്നു​തന്നെ. നിങ്ങളു​ടെ ഇടയിൽത്തന്നെ നിങ്ങൾക്കു സ്‌നേ​ഹ​മു​ണ്ടെ​ങ്കിൽ, ഇതിനാൽ നിങ്ങൾ എന്റെ ശിഷ്യ​രാ​കു​ന്നു​വെന്ന്‌ എല്ലാവ​രും അറിയും.”—യോഹ​ന്നാൻ 13:34, 35.

⁶ ആ കല്‌പ​ന​സം​ബ​ന്ധി​ച്ചു പുതി​യ​താ​യി ഉള്ളതെ​ന്താണ്‌? മോ​ശൈക ന്യായ​പ്ര​മാ​ണ​ത്തിൻകീ​ഴി​ലെ യഹൂദൻമാർക്ക്‌ “നിന്റെ കൂട്ടു​കാ​രനെ നിന്നെ​പ്പോ​ലെ​തന്നെ സ്‌നേ​ഹി​ക്കുക” എന്ന കല്‌പന കൊടു​ക്ക​പ്പെ​ട്ടി​രു​ന്നി​ല്ല​യോ? (ലേവ്യർ 19:18) ഉവ്വ്‌, എന്നാൽ “ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ” എന്നു പറഞ്ഞ​പ്പോൾ യേശു കൂടു​ത​ലായ ചിലതു സൂചി​പ്പി​ച്ചു. അവന്റെ സ്‌നേ​ഹ​ത്തിൽ മററു​ള്ള​വർക്കു​വേണ്ടി തന്റെ ജീവനെ കൊടു​ക്കു​ന്ന​തും ഉൾപ്പെ​ട്ടി​രു​ന്നു, അതുതന്നെ ചെയ്യാൻ അവന്റെ ശിഷ്യൻമാ​രും മനസ്സു​ള്ള​വ​രാ​യി​രി​ക്കണം. (യോഹ​ന്നാൻ 15:13) അത്‌ ഔന്നത്യ​മേ​റിയ തലത്തി​ലുള്ള ഒരു സ്‌നേ​ഹ​മാ​യി​രു​ന്നു, എന്തു​കൊ​ണ്ടെ​ന്നാൽ അങ്ങനെ​യുള്ള ത്യാഗം മോ​ശൈ​ക​ന്യാ​യ​പ്ര​മാ​ണം ആവശ്യ​പ്പെ​ട്ടി​രു​ന്നില്ല.

7. ഈ നൂററാ​ണ്ടിൽ ഏതു മതമാണ്‌ സ്‌നേ​ഹ​ത്തി​ന്റെ നിയമം അനുസ​രി​ച്ചി​രി​ക്കു​ന്നത്‌?

⁷ നമ്മുടെ നൂററാ​ണ്ടിൽ, സ്‌നേ​ഹ​ത്തി​ന്റെ ഈ നിയമം ഏതു മതം അനുസ​രി​ച്ചി​രി​ക്കു​ന്നു? തീർച്ച​യാ​യും ക്രൈ​സ്‌ത​വ​ലോ​ക​ത്തി​ലെ മതങ്ങൾ അനുസ​രി​ച്ചി​ട്ടില്ല, എന്തു​കൊ​ണ്ടെ​ന്നാൽ രണ്ടു ലോക​യു​ദ്ധ​ങ്ങ​ളി​ലും മററു പോരാ​ട്ട​ങ്ങ​ളി​ലും അവർ അന്യോ​ന്യം ശതലക്ഷ​ക്ക​ണ​ക്കി​നാ​ളു​കളെ കൊ​ന്നൊ​ടു​ക്കി​യി​രി​ക്കു​ന്നു. സ്‌നേ​ഹ​ത്തി​ന്റെ നിയമം ഭൂവ്യാ​പ​ക​മാ​യി അനുസ​രി​ച്ചി​രി​ക്കു​ന്നത്‌ യഹോ​വ​യു​ടെ സാക്ഷി​ക​ളാണ്‌. അവർ രാഷ്‌ട്ര​ങ്ങ​ളു​ടെ യുദ്ധങ്ങ​ളിൽ കർശന​മായ നിഷ്‌പക്ഷത പുലർത്തി​യി​രി​ക്കു​ന്നു, എന്തു​കൊ​ണ്ടെ​ന്നാൽ തന്റെ അനുഗാ​മി​കൾ “ലോക​ത്തി​ന്റെ ഭാഗമല്ലാ”യിരി​ക്ക​ണ​മെന്ന്‌ യേശു പറഞ്ഞു. (യോഹ​ന്നാൻ 17:16) അങ്ങനെ, പൗലോ​സി​നെ​പ്പോ​ലെ, തങ്ങൾ “സകല മനുഷ്യ​രു​ടെ​യും രക്തത്തിൽനിന്ന്‌ ശുദ്ധി​യു​ള്ള​വ​രാ​കു​ന്നു”വെന്ന്‌ അവർക്കു പറയാൻ കഴിയും. ദൃഷ്ടാ​ന്ത​ത്തിന്‌, 1921 നവംബർ 27-ാംതീ​യതി വാഷിം​ഗ്‌ടൺ ഡി.സി.,യിൽ നടന്ന കൺ​വെൻ​ഷ​നിൽ യഹോ​വ​യു​ടെ ദാസൻമാർ അംഗീ​ക​രിച്ച ഒരു പ്രമേ​യ​ത്തി​ന്റെ പ്രാരംഭ ഭാഗം ശ്രദ്ധി​ക്കുക:

“നമ്മുടെ കർത്താ​വായ ക്രിസ്‌തു​യേ​ശു​വി​ന്റെ​യും അവന്റെ അപ്പോ​സ്‌ത​ലൻമാ​രു​ടെ​യും ഉപദേ​ശങ്ങൾ അനുസ​രി​ക്കാൻ ആത്മാർത്ഥ​മാ​യി ശ്രമി​ക്കുന്ന ക്രിസ്‌ത്യാ​നി​കൾ എന്ന നിലയിൽ ഞങ്ങൾ ഇങ്ങനെ വിശ്വ​സി​ക്കു​ന്നു: യുദ്ധം കിരാ​ത​ത്വ​ത്തി​ന്റെ ഒരു അവശി​ഷ്ട​വും സൻമാർഗ്ഗ​ങ്ങൾക്ക വിനാ​ശ​ക​ര​വും ക്രിസ്‌തീയ വ്യക്തി​കൾക്കു നിന്ദയും ആകുന്നു; കർത്താ​വായ യേശു​ക്രി​സ്‌തു പഠിപ്പിച്ച തത്വങ്ങൾ യുദ്ധത്തി​ലോ രക്തച്ചൊ​രി​ച്ചി​ലി​ലോ ഏതെങ്കി​ലും രൂപത്തി​ലുള്ള അക്രമ​ത്തി​ലോ ഏർപ്പെ​ടു​ന്ന​തിൽനിന്ന പ്രതി​ഷഠി​ക്ക​പ്പെട്ട ക്രിസ്‌ത്യാ​നി​കളെ വിലക്കു​ന്നു.”

8. രണ്ടാം ലോക​മ​ഹാ​യു​ദ്ധ​കാ​ലത്തെ യഹോ​വ​യു​ടെ സാക്ഷി​ക​ളെ​സം​ബ​ന്ധിച്ച്‌ ചരി​ത്ര​രേഖ എന്തു പറയുന്നു?

⁸ രണ്ടാം ലോക​മ​ഹാ​യു​ദ്ധ​കാ​ലത്ത്‌ ആ വീക്ഷണം എങ്ങനെ ബാധക​മാ​ക്ക​പ്പെട്ടു? സകല മനുഷ്യ​ച​രി​ത്ര​ത്തി​ലും​വെച്ച്‌ അതി​ഘോ​ര​മാ​യി​രുന്ന ആ യുദ്ധത്തിൽ ഏതാണ്ട്‌ 5 കോടി​യാ​ളു​കൾ കൊല്ല​പ്പെട്ടു. എന്നാൽ യഹോ​വ​യു​ടെ സാക്ഷി​ക​ളാൽ ഒരാൾ പോലും കൊല്ല​പ്പെ​ട്ടില്ല! ദൃഷ്ടാ​ന്ത​ത്തിന്‌, മിക്കവാ​റു​മെല്ലാ ജർമ്മൻ വൈദി​ക​രും നാസി​സത്തെ സജീവ​മാ​യോ നിഷ്‌ക്രി​യ​മാ​യോ പിന്താങ്ങി. മറിച്ച്‌, നാസി​ഭ​ര​ണ​ത്തിൻകീ​ഴി​ലെ യഹോ​വ​യു​ടെ സാക്ഷികൾ കർശന​മായ നിഷ്‌പക്ഷത പാലി​ക്കു​ക​യും ഹിററ്‌ലറെ വാഴ്‌ത്താൻ അല്ലെങ്കിൽ അയാളു​ടെ സൈനി​ക​യ​ന്ത്ര​ത്തി​ന്റെ ഭാഗമാ​യി​രി​ക്കാൻ വിസമ്മ​തി​ക്കു​ക​യും​ചെ​യ്‌തു. അതു​കൊണ്ട്‌, മററു രാജ്യ​ങ്ങ​ളി​ലെ തങ്ങളുടെ ഏതെങ്കി​ലും സഹോ​ദ​രൻമാ​രെ​യോ മററാ​രെ​യെ​ങ്കി​ലു​മോ അവർ കൊന്നില്ല. മറെറല്ലാ രാജ്യ​ങ്ങ​ളി​ലു​മുള്ള യഹോ​വ​യു​ടെ സാക്ഷി​ക​ളും നിഷ്‌പ​ക്ഷ​രാ​യി നില​കൊ​ണ്ടു.

9. നാസി​ഭ​ര​ണ​ത്തിൻകീ​ഴിൽ ജർമ്മനി​യി​ലും ആസ്‌ത്രി​യാ​യി​ലു​മു​ണ്ടാ​യി​രുന്ന യഹോ​വ​യു​ടെ സാക്ഷി​കൾക്ക്‌ എന്തു സംഭവി​ച്ചു?

⁹ യഹോ​വ​യു​ടെ സാക്ഷി​ക​ളി​ല​നേകർ സ്‌നേ​ഹ​ത്തി​ന്റെ നിയമം അനുസ​രി​ക്കു​ക​യിൽ തങ്ങളുടെ സ്‌നേ​ഹി​തർക്കു​വേണ്ടി തങ്ങളുടെ ജീവനെ വെച്ചു​കൊ​ടു​ത്തി​ട്ടുണ്ട്‌. ഫ്രീ​ഡ്രിക്ക്‌ സിപ്‌ഫെൽ രചിച്ച കിർച്ചെൻകാംഫ ഇൻ ഡൂഷെ​ലാൻഡ (ജർമ്മനി​യി​ലെ സഭകളു​ടെ പോരാ​ട്ടം) എന്ന പുസ്‌തകം സാക്ഷി​കളെ സംബന്ധിച്ച്‌ ഇങ്ങനെ പറയുന്നു: “ഈ ചെറിയ മതസമൂ​ഹ​ത്തി​ന്റെ അംഗങ്ങ​ളിൽ തൊണ്ണൂ​റേ​റഴു ശതമാ​ന​വും ദേശീയ സോഷ്യ​ലി​സ്‌ററ്‌ [നാസി] പീഡന​ത്തി​ന്റെ ഇരകളാ​യി. അവരിൽ മൂന്നി​ലൊന്ന്‌ തൂക്കി​ക്കൊ​ല​യാ​ലോ മററ്‌ അക്രമ​പ്ര​വൃ​ത്തി​ക​ളാ​ലോ വിശപ്പി​നാ​ലോ രോഗ​ത്താ​ലോ അടിമ​പ്പ​ണി​യാ​ലോ കൊല്ല​പ്പെട്ടു. ഈ കീഴ്‌പ്പെ​ടു​ത്ത​ലി​ന്റെ കാഠി​ന്യം മുമ്പു​ണ്ടാ​യി​ട്ടി​ല്ലാത്ത തരത്തി​ലു​ള്ള​താ​യി​രു​ന്നു, ദേശീയ സോഷ്യ​ലി​സ്‌ററ്‌ പ്രത്യ​യ​ശാ​സ്‌ത്ര​ത്തോട്‌ പൊരു​ത്ത​പ്പെ​ടു​ത്താൻ കഴിയാഞ്ഞ വിശ്വാ​സ​ത്തി​ന്റെ ഫലവു​മാ​യി​രു​ന്നു.” ആസ്‌ത്രി​യാ​യിൽ യഹോ​വ​യു​ടെ സാക്ഷി​ക​ളു​ടെ 25 ശതമാനം വധിക്ക​പ്പെ​ടു​ക​യോ അടിച്ചു​കൊ​ല്ല​പ്പെ​ടു​ക​യോ രോഗ​ത്താ​ലോ നാസി​പാ​ള​യ​ങ്ങ​ളി​ലെ ക്ഷീണത്താ​ലോ മരിക്കു​ക​യോ ചെയ്‌തു.

10. സ്‌നേ​ഹ​ത്തി​ന്റെ നിയമം അനുസ​രി​ച്ച​തു​നി​മി​ത്തം മരിച്ച​വർക്ക്‌ എന്തു വിശ്വാ​സ​മു​ണ്ടാ​യി​രു​ന്നു?

¹⁰ സ്‌നേ​ഹ​ത്തി​ന്റെ നിയമം അനുസ​രി​ച്ച​തു​കൊണ്ട്‌ രക്തസാ​ക്ഷി​ക​ളാ​യ​വർക്ക്‌ “[തങ്ങളുടെ] വേലയും തന്റെ നാമ​ത്തോ​ടു [തങ്ങൾ] കാണിച്ച സ്‌നേ​ഹ​വും മറന്നു​ക​ള​യാൻത​ക്ക​വണ്ണം ദൈവം നീതി​കെ​ട്ട​വനല്ല” എന്ന്‌ ഉറപ്പു​ണ്ടാ​യി​രു​ന്നു. (എബ്രായർ 6:10) “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു, എന്നാൽ ദൈവ​ത്തി​ന്റെ ഇഷ്ടം ചെയ്യു​ന്നവൻ എന്നേക്കും സ്ഥിതി​ചെ​യ്യു​ന്നു”വെന്ന്‌ അവർക്ക​റി​യാം. (1 യോഹ​ന്നാൻ 2:17) നിത്യ​ജീ​വൻ മുന്നിൽ കണ്ടു​കൊണ്ട്‌ പുനരു​ത്ഥാ​നം​പ്രാ​പി​ക്കാ​നുള്ള ഉറപ്പുള്ള പ്രത്യാശ അവർക്കു​ണ്ടാ​യി​രു​ന്നു.—യോഹ​ന്നാൻ 5:28, 29; പ്രവൃ​ത്തി​കൾ 24:15.

11. യഹോ​വ​യു​ടെ ദാസൻമാർ ഏതു വിധങ്ങ​ളിൽ അനുപ​മ​രാ​യി​രി​ക്കു​ന്നു, അവരിൽ ഏതു പ്രവചനം നിവർത്തി​ച്ചു​കൊ​ണ്ടി​രി​ക്കു​ന്നു?

¹¹ ഒരു ഹൈ​ക്കോ​ട​തി​യോട്‌ പത്രോ​സും മററ​പ്പോ​സ്‌ത​ലൻമാ​രും പറഞ്ഞ “ഞങ്ങൾ മനുഷ്യ​രേ​ക്കാ​ള​ധി​കം ദൈവത്തെ ഭരണാ​ധി​കാ​രി​യാ​യി അനുസ​രി​ക്കേ​ണ്ട​താ​കു​ന്നു” എന്ന നിയമം അനുസ​രി​ക്കു​ന്ന​തിൽ യഹോ​വ​യു​ടെ ദാസൻമാർ അനുപ​മ​രാണ്‌. (പ്രവൃ​ത്തി​കൾ 5:29) യഹോ​വ​യു​ടെ സാക്ഷികൾ ഇതു ചെയ്യു​ന്ന​തു​കൊണ്ട്‌ അവർ “ദൈവത്തെ ഭരണാ​ധി​കാ​രി​യാ​യി അനുസ​രി​ക്കു​ന്ന​വർക്ക്‌ അവൻ നൽകി​യി​രി​ക്കുന്ന പരിശു​ദ്ധാ​ത്‌മാ​വി​നാൽ” പിന്താ​ങ്ങ​പ്പെ​ടു​ന്നു. (പ്രവൃ​ത്തി​കൾ 5:32) അതാണ്‌ യെശയ്യാവ്‌ 2:2-4ലെ പ്രവചനം നിവർത്തി​ക്കാൻ അവരെ പ്രാപ്‌ത​രാ​ക്കുന്ന ശക്തി. നമ്മുടെ കാലത്ത്‌ സത്യാ​രാ​ധന പുനഃ​സ്ഥാ​പി​ക്ക​പ്പെ​ടു​മെ​ന്നും സകല ജനതക​ളിൽനി​ന്നും മതങ്ങളിൽനി​ന്നു​മുള്ള ആളുകൾ അതി​ലേക്ക്‌ ഒഴുകി​ച്ചെ​ല്ലു​മെ​ന്നും അതു മുൻകൂ​ട്ടി​പ്പ​റഞ്ഞു. ഒരു ഫലം ഇതായി​രി​ക്കും: “അവർക്കു തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ കോതു​ക​ത്രി​ക​ക​ളാ​യും അടിച്ചു​തീർക്കേ​ണ്ടി​വ​രും. ജനത ജനത​ക്കെ​തി​രെ വാളു​യർത്തു​ക​യില്ല, അവർ മേലാൽ യുദ്ധം അഭ്യസി​ക്കു​ക​യു​മില്ല.” യഹോ​വ​യു​ടെ ദാസൻമാർ സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവി​ത​ത്തി​നു​വേണ്ടി ഒരുങ്ങു​ക​യാ​യ​തി​നാൽ അവർ മേലാൽ യുദ്ധമ​ഭ്യ​സി​ക്കു​ക​യില്ല. അവർ സ്‌നേ​ഹ​ത്തി​ന്റെ നിയമം പഠിക്കു​ന്നു.—യോഹ​ന്നാൻ 13:34, 35.

12. സ്‌നേ​ഹ​ത്തി​ന്റെ നിയമം അനുസ​രി​ക്കു​ന്നവർ മററു​ള്ള​വർക്കു​വേണ്ടി എന്തു ചെയ്യണം?

¹² ക്രിസ്‌തീ​യ​സ്‌നേ​ഹ​ത്തിൽ ‘നിന്റെ അയൽക്കാ​രനെ നിന്നേ​പ്പോ​ലെ സ്‌നേ​ഹി​ക്കു​ന്നത്‌’ ഉൾപ്പെ​ടു​ന്ന​തു​കൊണ്ട്‌ ദൈവ​ത്തി​ന്റെ ദാസൻമാർക്ക്‌ തങ്ങൾക്ക​റി​യാ​വു​ന്നതു സംബന്ധിച്ച്‌ സ്വാർത്ഥ​രാ​യി​രി​ക്കാൻ കഴിക​യില്ല. (മത്തായി 22:39) ദൈവത്തെ സേവി​ക്കാ​നും അവന്റെ പുതിയ ലോക​ത്തിൽ ജീവി​ക്കാ​നും ആഗ്രഹി​ക്കുന്ന അനേകർ ഇനിയു​മുണ്ട്‌. സമയം ശേഷി​ച്ചി​രി​ക്കെ, ഇവരും സ്‌നേ​ഹ​ത്തി​ന്റെ നിയമ​വും സാർവ​ത്രിക പരമാ​ധി​കാ​രി​യായ യഹോ​വ​യാം ദൈവ​ത്തോ​ടു ബന്ധപ്പെട്ട മററു സത്യങ്ങ​ളും പഠി​ക്കേ​ണ്ട​യാ​വ​ശ്യ​മുണ്ട്‌. നമ്മുടെ ആരാധ​നക്കു യോഗ്യൻ യഹോവ മാത്ര​മാ​ണെ​ന്നും ആ ആരാധന എങ്ങനെ അർപ്പി​ക്ക​പ്പെ​ട​ണ​മെ​ന്നും അവർ പഠിപ്പി​ക്ക​പ്പെ​ടണം. (മത്തായി 4:10; വെളി​പ്പാട്‌ 4:11) ഈ കാര്യങ്ങൾ ഇപ്പോൾത്തന്നെ പഠിച്ചി​ട്ടു​ള്ള​വർക്ക്‌ മററു​ള്ള​വ​രും യഹോ​വ​യു​ടെ പ്രീതി​യി​ലേക്കു വരേണ്ട​തിന്‌ അവരോ​ടും അവയെ​ക്കു​റി​ച്ചു പറയാ​നുള്ള കടപ്പാ​ടുണ്ട്‌.—യെഹെ​സ്‌ക്കേൽ 33:7-9, 14-16.

അധർമ്മ​മ​നു​ഷ്യ​നെ തുറന്നു​കാ​ട്ടൽ

13. നമ്മുടെ ലോക​വ്യാ​പ​ക​സാ​ക്ഷ്യ​ത്തി​ന്റെ ഭാഗമാ​യി നാം എന്ത്‌ അറിയി​ക്കണം, എന്തു​കൊണ്ട്‌?

¹³ “രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസി​ത​ഭൂ​മി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാനം വരും” എന്ന്‌ യേശു പറഞ്ഞു. (മത്തായി 24:14) ഈ ലോക​വ്യാ​പക സാക്ഷ്യ​ത്തി​ന്റെ ഭാഗമാ​യി ദൈവ​ത്തി​ന്റെ ദാസൻമാർ വ്യാജ​മ​ത​ത്തി​നെ​തി​രെ, വിശേ​ഷിച്ച്‌, ക്രൈ​സ്‌ത​വ​ലോ​ക​ത്തി​ലെ വൈദി​കർക്കെ​തി​രാ​യുള്ള ദൈവി​ക​ന്യാ​യ​വി​ധി അറിയി​ക്കാ​നുള്ള കടപ്പാ​ടിൻകീ​ഴി​ലാണ്‌. വൈദി​കർ ദൈവ​ദൃ​ഷ്ടി​യിൽ കൂടുതൽ നിന്ദ്യ​രാണ്‌, എന്തു​കൊ​ണ്ടെ​ന്നാൽ അവർ ക്രിസ്‌ത്യാ​നി​ക​ളെ​ന്ന​വ​കാ​ശ​പ്പെ​ടു​ന്നു. ദൈവത്തെ സേവി​ക്കാൻ ആഗ്രഹി​ക്കു​ന്ന​വർക്ക്‌ അവരുടെ സ്വാധീ​ന​ത്തിൽനിന്ന്‌ സ്വത​ന്ത്ര​രാ​ക്ക​പ്പെ​ടാ​നും അതിജീ​വ​ന​ത്തി​നുള്ള ഉചിത​മായ നടപടി​കൾ സ്വീക​രി​ക്കാ​നും കഴിയ​ത്ത​ക്ക​വണ്ണം അവരെ തുറന്നു​കാ​ട്ടേ​ണ്ട​താണ്‌. യേശു പറഞ്ഞു​പോ​ലെ “സത്യം നിങ്ങളെ സ്വത​ന്ത്ര​രാ​ക്കും.”—യോഹ​ന്നാൻ 8:32.

14. വ്യാജ​മ​തത്തെ സംബന്ധിച്ച്‌ ഏതു വ്യക്തമായ സന്ദേശം ഘോഷി​ക്ക​പ്പെ​ടണം?

¹⁴ അങ്ങനെ യഹോ​വ​യു​ടെ സാക്ഷികൾ വ്യാജ​മ​തത്തേ സംബന്ധിച്ച അവന്റെ നിശ്വ​സ്‌ത​സ​ന്ദേശം പ്രസി​ദ്ധ​മാ​ക്കേ​ണ്ട​താണ്‌: “എന്റെ ജനമേ, നിങ്ങൾ അവളുടെ പാപങ്ങ​ളിൽ അവളോ​ടു​കൂ​ടെ പങ്കുപ​റ​റാ​നാ​ഗ്ര​ഹി​ക്കു​ന്നി​ല്ലെ​ങ്കിൽ, നിങ്ങൾ അവളുടെ ബാധക​ളു​ടെ ഓഹരി ലഭിക്കാൻ ആഗ്രഹി​ക്കു​ന്നി​ല്ലെ​ങ്കിൽ, അവളെ വിട്ടു​പോ​രുക. എന്തെന്നാൽ അവളുടെ പാപങ്ങൾ ആകാശ​ത്തോ​ളം കുന്നി​ച്ചി​രി​ക്കു​ന്നു, ദൈവം അവളുടെ അനീതി​പ്ര​വൃ​ത്തി​കൾ ഓർത്തി​ട്ടു​മുണ്ട്‌. . . . ഒരു ദിവസം​കൊണ്ട്‌ അവളുടെ ബാധകൾ വരും, മരണവും വിലാ​പ​വും ക്ഷാമവും​തന്നെ, അവൾ പൂർണ്ണ​മാ​യി തീകൊ​ണ്ടു ദഹിപ്പി​ക്ക​പ്പെ​ടും, എന്തു​കൊ​ണ്ടെ​ന്നാൽ അവളെ ന്യായം വിധിച്ച യഹോ​വ​യാം ദൈവം ശക്തനാ​കു​ന്നു.”—വെളി​പ്പാട്‌ 18:4-8.

15. യഹോ​വ​യു​ടെ സമയപ്പ​ട്ടി​ക​യിൽ 1914 എന്ന വർഷം ഒരു പങ്കു വഹിച്ച​തെ​ങ്ങനെ, ഒന്നാം ലോക​മ​ഹാ​യു​ദ്ധ​ത്തി​നു​ശേഷം എന്തു ഫലമു​ണ്ടാ​യി?

¹⁵ ഈ വ്യവസ്ഥി​തി​യു​ടെ “അന്ത്യനാ​ളു​കൾ” 1914 എന്ന നിർണ്ണാ​യ​ക​വർഷ​ത്തിൽ തുടങ്ങി​യെന്ന്‌ ബൈബിൾപ്ര​വ​ച​നങ്ങൾ പ്രകട​മാ​ക്കു​ന്നു. (2 തിമൊ​ഥെ​യോസ്‌ 3:1-5, 13; മത്തായി 24:3-13) ആ വർഷം മുതൽ നാം “അന്ത്യകാല”ത്താണ്‌. (ദാനി​യേൽ 12:4) യഹോ​വ​യു​ടെ സമയപ്പ​ട്ടി​കക്കു ചേർച്ച​യാ​യി, ഒന്നാം ലോക​മ​ഹാ​യു​ദ്ധം കഴിഞ്ഞ​യു​ടനെ അവന്റെ ദാസൻമാർ മത്തായി 24:14-ൽ മുൻകൂ​ട്ടി​പ്പ​റ​ഞ്ഞി​രു​ന്ന​തു​പോ​ലെ, തങ്ങളുടെ ദൈവ​രാ​ജ്യ​പ്ര​സി​ദ്ധ​മാ​ക്കൽ തീവ്ര​മാ​യി വികസി​പ്പി​ക്കാൻ തുടങ്ങി. അവർ വ്യാജ​മ​തത്തെ, വിശേ​ഷിച്ച്‌, വിശ്വാ​സ​ത്യാ​ഗി​നി​യായ ക്രൈ​സ്‌ത​വ​ലോ​ക​ത്തി​ലെ അധർമ്മി​ക​ളായ വൈദി​ക​വർഗ്ഗത്തെ കൂടുതൽ ശക്തമായി തുറന്നു​കാ​ട്ടാ​നും തുടങ്ങി.

16. എഴുപതു വർഷത്തി​ല​ധി​ക​മാ​യി അധർമ്മ​മ​മ​നു​ഷ്യ​ന്റെ തുറന്നു​കാ​ട്ട​ലിന്‌ ആക്കം കൂടി​യി​രി​ക്കു​ന്ന​തെ​ങ്ങനെ?

¹⁶ ഇപ്പോൾ 70ൽപരം വർഷമാ​യി, ദൈവ​ദാ​സൻമാർ പൂർവാ​ധി​കം ശക്തി​യോ​ടെ​തന്നെ അധർമ്മ​മ​മ​നു​ഷ്യ​ന്റെ വഞ്ചനാ​ത്മ​ക​മായ പ്രവർത്ത​ന​ത്തെ​ക്കു​റിച്ച്‌ ആളുകളെ ജാഗരൂ​ക​രാ​ക്കി​യി​ട്ടുണ്ട്‌. ഒന്നാം ലോക​മ​ഹാ​യു​ദ്ധ​ത്തി​നു​ശേഷം ഇതു ചെയ്യുന്ന സാക്ഷി​ക​ളു​ടെ ഏതാനും ചില ആയിര​ങ്ങളേ ഉണ്ടായി​രു​ന്നു​ള്ളു. എന്നാൽ ഇപ്പോൾ അവർ ഭൂമി​യി​ലെ​ല്ലാ​മുള്ള 60,000ത്തിൽപരം സഭകളിൽ സംഘടി​ത​രാ​യി​രി​ക്കുന്ന മുപ്പത്ത​ഞ്ചു​ല​ക്ഷ​ത്തിൽപരം സജീവ​ശു​ശ്രൂ​ഷ​ക​രു​ടെ “ഒരു ശക്തമായ ജനത”യായി​ത്തീർന്നി​രി​ക്കു​ന്നു. (യെശയ്യാവ്‌ 60:22) ദൈവ​ത്തി​ന്റെ ദാസൻമാർ വികസി​ത​മാ​യി​ക്കൊ​ണ്ടി​രി​ക്കുന്ന ഒരു തോതിൽ മനുഷ്യ​വർഗ്ഗ​ത്തി​ന്റെ ഏക പ്രത്യാ​ശ​യെന്ന നിലയിൽ ദൈവ​രാ​ജ്യ​ത്തെ സതീക്ഷ്‌ണം ഘോഷി​ച്ചു​കൊ​ണ്ടി​രി​ക്കു​ക​യാണ്‌. അതേസ​മയം, വൈദി​ക​വർഗ്ഗത്തെ അവരുടെ നിജസ്ഥി​തി​യിൽ ഒരു വഞ്ചകനായ അധർമ്മ​മ​നു​ഷ്യ​നാ​യി തുറന്നു​കാ​ട്ടു​ക​യും ചെയ്യുന്നു.

എന്തു​കൊണ്ട്‌ ഇത്ര ശക്തം?

17. യഹോ​വ​യു​ടെ ദാസൻമാർ അധർമ്മ​മ​നു​ഷ്യ​നെ ശക്തമായി തുറന്നു​കാ​ട്ടി​യി​രി​ക്കു​ന്ന​തെ​ന്തു​കൊണ്ട്‌?

¹⁷ യഹോ​വ​യു​ടെ ദാസൻമാർ ഈ വർഷങ്ങ​ളി​ലെ​ല്ലാം അധർമ്മ​മ​നു​ഷ്യ​നെ ശക്തമായി തുറന്നു​കാ​ട്ടി​യി​രി​ക്കു​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ ഇപ്പോൾത്തന്നെ രക്ഷയുടെ മാർഗ്ഗ​ത്തി​ലാ​യി​രി​ക്കുന്ന യഹോ​വ​യു​ടെ ആടുക​ളു​ടെ മഹാപു​രു​ഷാ​ര​ത്തി​ലെ ദശലക്ഷങ്ങൾ സാത്താന്റെ ലോക​ത്തിൽനി​ന്നും അതിന്റെ വ്യാജ​മ​ത​ത്തിൽനി​ന്നും സംരക്ഷി​ക്ക​പ്പെ​ടണം. (യോഹ​ന്നാൻ 10:16; വെളി​പ്പാട്‌ 7:9-14) തന്നെയു​മല്ല, വൈദി​കർ തുറന്നു​കാ​ട്ട​പ്പെ​ടാ​ത്ത​പക്ഷം ഇപ്പോ​ഴും ദൈവ​ത്തി​ന്റെ ആട്ടിൻകൂ​ട്ട​ത്തി​ന്റെ ഭാഗമാ​യി​ട്ടി​ല്ലാത്ത പരമാർത്ഥ​ഹൃ​ദ​യി​ക​ളായ ആളുകൾ ഒരു തെററായ ഗതി ഒഴിവാ​ക്കേ​ണ്ട​തെ​ങ്ങ​നെ​യെന്ന്‌ അറിയു​ക​യില്ല. അതു​കൊണ്ട്‌ അവരെ അറിയി​ക്കണം, യേശു തന്റെ നാളിലെ കപടഭ​ക്ത​രായ മതനേ​താ​ക്കൻമാ​രെ​ക്കു​റിച്ച്‌ പിൻവ​രു​ന്ന​പ്ര​കാ​രം പറഞ്ഞ​പ്പോൾ ജനത്തെ അറിയി​ച്ച​തു​പോ​ലെ​തന്നെ: “അവർ കുരു​ടൻമാ​രായ വഴികാ​ട്ടി​ക​ളാണ്‌. അപ്പോൾ, ഒരു കുരു​ട​നായ മനുഷ്യൻ ഒരു കുരു​ട​നായ മനുഷ്യ​നെ നയിക്കു​ന്നു​വെ​ങ്കിൽ ഇരുവ​രും ഒരു കുഴി​യിൽ വീഴും.”—മത്തായി 15:14; 2 കൊരി​ന്ത്യർ 4:4; 11:13-15 കൂടെ കാണുക.

18. സത്യാ​ന്വേ​ഷി​കൾ എന്തറി​യേ​ണ്ട​തുണ്ട്‌?

¹⁸ വൈദി​കർ സാത്താന്റെ ലോക​ത്തി​ന്റെ ഭാഗമാണ്‌. (യോഹ​ന്നാൻ 8:44) എന്നാൽ അത്‌ ദൈവം പെട്ടെ​ന്നു​തന്നെ തകർത്തു​ക​ള​യാ​നി​രി​ക്കുന്ന ഒരു ലോക​മാണ്‌. (2 പത്രോസ്‌ 3:11-13; 1 യോഹ​ന്നാൻ 2:15-17) അതു​കൊണ്ട്‌ ദൈവ​വ​ചനം ഇങ്ങനെ മുന്നറി​യി​പ്പു​നൽകു​ന്നു: “ആകയാൽ ലോക​ത്തി​ന്റെ ഒരു സുഹൃ​ത്താ​യി​രി​ക്കാൻ ആഗ്രഹി​ക്കുന്ന ഏവനും തന്നേത്തന്നെ ദൈവ​ത്തി​ന്റെ ഒരു ശത്രു ആക്കിത്തീർക്കു​ന്നു.” (യാക്കോബ്‌ 4:4) വൈദി​കർ ആ മുന്നറി​യിപ്പ്‌ അവഗണി​ക്കു​ക​യും രാഷ്‌ട്രീ​യ​കാ​ര്യ​ങ്ങ​ളിൽ ഇടപെ​ടു​ന്ന​തിൽ തുടരു​ക​യും ചെയ്യുന്നു. രാജ്യ​ത​ന്ത്ര​ജ്ഞൻമാ​രു​ടെ പ്രവർത്ത​ന​ങ്ങ​ളാൽ ഒരു മെച്ചപ്പെട്ട ലോകം ഉണ്ടാകു​മെന്ന്‌ അവർ തങ്ങളുടെ അനുഗാ​മി​ക​ളോ​ടു പറയുന്നു. എന്നാൽ സാത്താന്റെ കീഴിലെ ഈ ലോകം നീങ്ങി​പ്പൊ​യ്‌ക്കൊ​ണ്ടി​രി​ക്കു​ന്ന​തു​കൊണ്ട്‌ ഇത്‌ വ്യാജ​മായ ഒരു പ്രത്യാ​ശ​യാണ്‌. അതു​കൊണ്ട്‌ പ്രത്യാ​ശ​ക്കാ​യി ഈ ലോക​ത്തി​ലേക്കു നോക്കുന്ന ആളുകൾ വഞ്ചിക്ക​പ്പെ​ടു​ക​യാണ്‌. ഈ ലോകം എങ്ങോ​ട്ടാണ്‌ ഗതി​ചെ​യ്യു​ന്ന​തെ​ന്നും അതിന്റെ സ്ഥാനത്ത്‌ എന്തു നിലവിൽവ​രു​മെ​ന്നു​മുള്ള സത്യം അവരോ​ടു പറയ​പ്പെ​ടണം.—സദൃശ​വാ​ക്യ​ങ്ങൾ 14:12; 19:21; മത്തായി 6:9, 10; വെളി​പ്പാട്‌ 21:4, 5.

19. അടുത്ത കാലങ്ങ​ളിൽ ചില വൈദി​ക​രു​ടെ ലൗകികത മാദ്ധ്യ​മ​ങ്ങ​ളിൽ തുറന്നു​കാ​ട്ട​പ്പെ​ട്ടി​രി​ക്കു​ന്ന​തെ​ങ്ങനെ?

¹⁹ അടുത്ത കാലങ്ങ​ളിൽ ചില വൈദി​ക​രു​ടെ ലൗകികത മാദ്ധ്യ​മ​ങ്ങ​ളിൽപോ​ലും തുറന്നു​കാ​ട്ട​പ്പെ​ട്ടി​രി​ക്കു​ന്നു. ഉദാഹ​ര​ണ​മാണ്‌ ചില ററിവി വൈദി​ക​രു​ടെ കാമാ​സ​ക്ത​വും ആഡംബ​ര​പൂർവ​ക​വു​മായ ജീവി​ത​ശൈ​ലി​കൾ. ഒരു ആധുനിക ഗാനര​ച​യി​താവ്‌ “യേശു തന്റെ ടെലി​വി​ഷൻ പ്രദർശ​ന​ത്തിൽ [1,50,000 രൂപയു​ടെ] ഒരു റോള​ക്‌സ്‌ [വാച്ച്‌] ധരിക്കു​മോ?” എന്ന ശീർഷ​ക​ത്തിൽ ഒരു ഗാനം രചിച്ചു. ഗാനം ഇങ്ങനെ തുടർന്നു പറയുന്നു: “യേശു ഭൂമി​യി​ലേക്കു തിരികെ വന്നാൽ അവൻ രാഷ്‌ട്രീ​യ​ക്കാ​ര​നാ​യി​രി​ക്കു​മോ? അവന്റെ രണ്ടാമത്തെ ഭവനം [ആർഭാ​ട​മായ] പാം സ്‌പ്രിം​ഗ്‌സിൽ ആയിരി​ക്കു​മോ, തന്റെ മൂല്യത്തെ ഒളിക്കാൻ ശ്രമി​ക്കു​മോ?” മാത്ര​വു​മല്ല, കൂടുതൽ കൂടുതൽ വൈദി​കർ സ്വവർഗ്ഗ​സം​ഭോ​ഗ​ത്തി​നു​നേരെ കണ്ണടക്കു​ക​യോ അതു നടത്തു​ക​യോ ചെയ്യുന്നു. ഐക്യ​നാ​ടു​ക​ളി​ലെ കത്തോ​ലി​ക്കാ​സഭ കുട്ടി​കളെ ലൈം​ഗി​ക​മാ​യി ദുരു​പ​യോ​ഗ​പ്പെ​ടു​ത്തി​യ​തിൽ കുററ​ക്കാ​രായ പുരോ​ഹി​തൻമാർനി​മി​ത്തം ദശലക്ഷ​ക്ക​ണ​ക്കി​നു ഡോള​റു​കൾ നഷ്‌ട​പ​രി​ഹാ​രം കൊടു​ത്തു​കൊ​ണ്ടി​രി​ക്കു​ക​യാണ്‌.—റോമർ 1:24-27; 1 കൊരി​ന്ത്യർ 6:9, 10.

20. ദൈവ​ത്തി​ന്റെ ദാസൻമാർ അധർമ്മ​മ​നു​ഷ്യ​നെ തുറന്നു​കാ​ട്ടി​ക്കൊ​ണ്ടി​രി​ക്കേ​ണ്ട​തെ​ന്തു​കൊണ്ട്‌?

²⁰ ദൈവ​ദാ​സൻമാർക്ക്‌ അങ്ങനെ​യുള്ള ദുഷ്‌പ്ര​വൃ​ത്തി അവഗണി​ക്കാൻ കഴിക​യില്ല, പിന്നെ​യോ മററു​ള്ള​വ​രു​ടെ പ്രയോ​ജ​ന​ത്തി​നു​വേണ്ടി തുറന്നു​കാ​ട്ട​പ്പെ​ടണം. ദൈവ​നി​യ​മങ്ങൾ ലംഘി​ക്കു​ന്ന​തി​ലേക്ക്‌ വേറെ ആടുക​ളു​ടെ മഹാപു​രു​ഷാ​രത്തെ നയിക്കാൻ ശ്രമി​ക്കു​ന്ന​വ​രിൽനിന്ന്‌ അവരെ സംരക്ഷി​ക്കേ​ണ്ടി​യി​രി​ക്കു​ന്നു. “ചെയ്യ​പ്പെ​ടുന്ന സകല മ്ലേച്‌ഛ​കാ​ര്യ​ങ്ങ​ളും നിമിത്തം നെടു​വീർപ്പി​ട്ടു​ക​ര​യു​ന്ന​വരെ” അന്വേ​ഷി​ച്ചു​ക​ണ്ടു​പി​ടി​ക്കു​ക​യും വലിയ ഇടയനായ യഹോ​വ​യാം ദൈവ​ത്തി​ന്റെ​യും “നല്ല ഇടയനായ” യേശു​ക്രി​സ്‌തു​വി​ന്റെ​യും സംരക്ഷ​ണാ​ത്‌മ​ക​മായ മാർഗ്ഗ​ദർശ​ന​ത്തി​ലേക്കു കൂട്ടി​ച്ചേർക്കു​ക​യും ചെയ്യേണ്ട ആവശ്യ​മുണ്ട്‌.—യെഹെ​സ്‌ക്കേൽ 9:4; യോഹ​ന്നാൻ 10:11; സദൃശ​വാ​ക്യ​ങ്ങൾ 18:10.

21. യഹോ​വ​യു​ടെ സാക്ഷികൾ എന്തു പ്രഖ്യാ​പി​ക്കു​ന്ന​തിൽ തുടരും?

²¹ അതു​കൊണ്ട്‌, ദൈവ​ത്തി​ന്റെ ജനം അധർമ്മ​മ​നു​ഷ്യ​നായ ക്രൈ​സ്‌ത​വ​ലോ​ക​ത്തി​ലെ വൈദി​കർ ഉൾപ്പെ​ടെ​യുള്ള സാത്താന്റെ മുഴു ലോക​ത്തി​നു​മെ​തി​രെ ദൈവ​ത്തി​ന്റെ പ്രതി​കാ​രം പ്രഖ്യാ​പി​ക്കാൻ മടിക്കു​ക​യില്ല. അവർ വെളി​പ്പാട്‌ 14:7-ലെ ദൂതസ​ന്ദേ​ശത്തെ ഊർജ്ജ​സ്വ​ല​ത​യോ​ടെ വിളം​ബ​രം​ചെ​യ്യും: “ദൈവത്തെ ഭയപ്പെട്ട്‌ അവനു മഹത്വം കൊടു​ക്കുക, എന്തു​കൊ​ണ്ടെ​ന്നാൽ അവനാ​ലുള്ള ന്യായ​വി​ധി​യു​ടെ നാഴി​ക​വ​ന്നി​രി​ക്കു​ന്നു.” അവർ ഈ വിളം​ബ​ര​ത്തിൽ വ്യാജ​മ​തത്തെ സംബന്ധിച്ച ഈ അടിയ​ന്തിര മുന്നറി​യി​പ്പും ഉൾപ്പെ​ടു​ത്തും: “എന്റെ ജനമേ, നിങ്ങൾ അവളുടെ പാപങ്ങ​ളിൽ അവളോ​ടു​കൂ​ടെ പങ്കുപ​റ​റാ​നാ​ഗ്ര​ഹി​ക്കു​ന്നി​ല്ലെ​ങ്കിൽ . . .  അവളുടെ ബാധക​ളു​ടെ ഓഹരി ലഭിക്കാൻ ആഗ്രഹി​ക്കു​ന്നി​ല്ലെ​ങ്കിൽ, അവളെ വിട്ടു​പോ​രുക.” (w90 2⁄1)

പുനരവലോകനചോദ്യങ്ങൾ:

◻ അധർമ്മ​മ​മ​നു​ഷ്യ​ന്റെ വിധി എന്തായി​രി​ക്കും, എന്തു​കൊണ്ട്‌?

◻ യഹോ​വ​യു​ടെ ദാസൻമാർക്ക്‌ മററു​ള്ള​വരെ സംബന്ധിച്ച്‌ എന്ത്‌ കടപ്പാ​ടുണ്ട്‌?

◻ യഹോ​വ​യു​ടെ ജനം സകല മനുഷ്യ​രു​ടെ​യും രക്തത്തിൽനിന്ന്‌ ശുദ്ധി​യു​ള്ള​വ​രാ​യി നിന്നി​ട്ടു​ള്ള​തെ​ങ്ങനെ?

◻ മഹാബാ​ബി​ലോ​നെ സംബന്ധി​ച്ചു നാം എന്തു ചെയ്യണം?

◻ നാം അധർമ്മ​മ​നു​ഷ്യ​നെ സംബന്ധിച്ച നമ്മുടെ ശക്തമായ സന്ദേശം തുടരു​ന്ന​തെ​ന്തു​കൊണ്ട്‌?

[25-ാം പേജിലെ ചിത്രം]

“ഞങ്ങൾ മനുഷ്യ​രെ​ക്കാ​ള​ധി​കം ദൈവത്തെ ഭരണാ​ധി​പ​തി​യാ​യി അനുസ​രി​ക്കേ​ണ്ട​താ​കു​ന്നു”വെന്ന്‌ അപ്പോ​സ്‌ത​ലൻമാർ ഒരു ഹൈ​ക്കോ​ട​തി​യോ​ടു പറഞ്ഞു

[26-ാം പേജിലെ ചിത്രം]

ലോകവും അതിലെ മതങ്ങളും എങ്ങോട്ടു ഗതി​ചെ​യ്‌തു​കൊ​ണ്ടി​രി​ക്കു​ന്നു​വെന്ന്‌ ആത്മാർത്ഥ​ത​യുള്ള ആളുകൾ അറി​യേ​ണ്ട​തുണ്ട്‌