യഹോവ തന്റെ വേലയെ അഭിവൃ​ദ്ധി​പ്പെ​ടു​ത്തു​ന്ന​തെ​ങ്ങനെ?

സമീപ​ദ​ശാ​ബ്ദ​ങ്ങ​ളിൽ യഹോ​വ​യു​ടെ സാക്ഷി​കൾക്ക്‌ അഭൂത​പൂർവ​ക​മായ വളർച്ച അനുഭ​വ​പ്പെ​ട്ടി​രി​ക്കു​ന്നു. കഴിഞ്ഞ പത്തു വർഷങ്ങ​ളിൽതന്നെ, 42,000 സഭകളിൽനിന്ന്‌ 212 രാജ്യ​ങ്ങ​ളി​ലെ മൊത്തം 60,192 സഭകളാ​യി അവർ വികസി​ച്ചി​രി​ക്കു​ന്നു. ഇതിന്റെ വീക്ഷണ​ത്തിൽ, യഹോ​വ​യു​ടെ സാക്ഷി​ക​ളു​ടെ വേലയു​ടെ സാമ്പത്തി​ക​ച്ചെ​ലവു വഹിക്കു​ന്ന​തെ​ങ്ങ​നെ​യെന്ന്‌ ചിലർ ചോദി​ച്ചി​ട്ടുണ്ട്‌. ഈ ചോദ്യ​ത്തി​നും ബന്ധപ്പെട്ട ചോദ്യ​ങ്ങൾക്കും ഉത്തരം നൽകു​ന്ന​തിന്‌ വാച്ച്‌റ​റവർ സൊ​സൈ​റ​റിക്ക്‌ സന്തോ​ഷ​മുണ്ട്‌.

യഹോ​വ​യു​ടെ സാക്ഷികൾ ദശാംശം ആചരി​ക്കു​ന്നു​ണ്ടോ?

ഇല്ല. പുരാതന ഇസ്രാ​യേ​ലിൽ, മോ​ശൈക ന്യായ​പ്ര​മാ​ണ​ത്തിൻകീ​ഴിൽ ദൈവ​ത്തി​ന്റെ ആലയത്തി​ലെ ജോലി​ക്കാ​രെ​യും ലേവ്യ​രെ​യും പുരോ​ഹി​തൻമാ​രെ​യും പോറ​റു​ന്ന​തിന്‌ ദശാംശം കൊടു​ക്കാൻ കല്‌പി​ക്ക​പ്പെ​ട്ടി​രു​ന്നു. (സംഖ്യാ​പു​സ്‌തകം 18:21, 24-29) ഇവർക്ക്‌ ചില നഗരങ്ങ​ള​ല്ലാ​തെ ഗോ​ത്ര​പ​ര​മായ ഭൂമി ഇല്ലായി​രു​ന്നു. തന്നിമി​ത്തം അവർക്ക്‌ ഈ പ്രത്യേക പിന്തുണ ആവശ്യ​മാ​യി​രു​ന്നു. അതിനു പുറമേ, സമാഗ​മ​ന​കൂ​ടാ​ര​ത്തി​ന്റെ​യും, പിന്നീട്‌ ആലയത്തി​ന്റെ​യും പണി​പോ​ലെ​യുള്ള പ്രത്യേക പദ്ധതി​കൾക്ക്‌ സ്വമേ​ധയാ സംഭാ​വ​നകൾ കൊടു​ക്കാൻ വിശ്വ​സ്‌ത​രായ ഇസ്രാ​യേ​ല്യർക്ക്‌ സ്വാത​ന്ത്ര്യ​മു​ണ്ടാ​യി​രു​ന്നു.—പുറപ്പാട്‌ 25:1-8; 1 ദിനവൃ​ത്താ​ന്തം 29:3-7.

എന്നിരു​ന്നാ​ലും, യേശു മരിച്ച​പ്പോൾ, “അവൻ . . . വ്യവസ്ഥ​ക​ളോ​ടു​കൂ​ടിയ കല്‌പ​ന​ക​ളു​ടെ ന്യായ​പ്ര​മാ​ണത്തെ നീക്കം​ചെ​യ്‌തു”വെന്ന്‌ ബൈബിൾ പറയുന്നു. (എഫേസ്യർ 2:15; കൊ​ലോ​സ്യർ 2:13, 14) മററു വാക്കു​ക​ളിൽ പറഞ്ഞാൽ, ദൈവ​ത്തി​ന്റെ ദൃഷ്ടി​യിൽ ന്യായ​പ്ര​മാ​ണം മേലാൽ യഹൂദൻമാ​രു​ടെ​മേ​ലോ ക്രിസ്‌ത്യാ​നി​ക​ളു​ടെ മേലോ ബാധക​മാ​യി​രു​ന്നില്ല. അതു​കൊണ്ട്‌, ആലയത്തി​ലെ നിരന്ത​ര​യാ​ഗ​ങ്ങൾപോ​ലെ​യുള്ള ന്യായ​പ്ര​മാ​ണ​ത്തി​ന്റെ മററു സവി​ശേ​ഷ​ത​ക​ളോ​ടു​കൂ​ടെ ദശാം​ശ​വും മേലാൽ ആവശ്യ​പ്പെ​ട്ടി​രു​ന്നില്ല.

ക്രിസ്‌ത്യാ​നി​ക​ളു​ടെ ഇടയിൽ കൊടു​ക്ക​ലി​നു പ്രേരി​പ്പി​ക്കു​ന്നത്‌ നിയമമല്ല, പിന്നെ​യോ സ്‌നേ​ഹ​മാണ്‌. യഹൂദ്യ​യി​ലെ ദാരി​ദ്ര്യ​മ​നു​ഭ​വി​ച്ചി​രുന്ന ക്രിസ്‌ത്യാ​നി​കൾക്കു​വേണ്ടി ഒരു പണപ്പി​രി​വു സംഘടി​പ്പി​ച്ച​പ്പോൾ അപ്പോ​സ്‌ത​ല​നായ പൗലോസ്‌ തത്വം വിശദീ​ക​രി​ച്ചു. അവൻ ഇങ്ങനെ പറഞ്ഞു: “ഓരോ​രു​ത്ത​നും തന്റെ ഹൃദയ​ത്തിൽ തീരു​മാ​നി​ച്ചി​രി​ക്കു​ന്ന​തു​പോ​ലെ​തന്നെ ചെയ്യട്ടെ, പിറു​പി​റു​പ്പോ​ടെ​യോ നിർബ​ന്ധ​ത്താ​ലോ അല്ല, എന്തു​കൊ​ണ്ടെ​ന്നാൽ ദൈവം സന്തോ​ഷ​മുള്ള ഒരു ദാതാ​വി​നെ സ്‌നേ​ഹി​ക്കു​ന്നു.” (2 കൊരി​ന്ത്യർ 9:7) സ്വമേ​ധ​യാ​യുള്ള കൊടു​ക്ക​ലി​ന്റെ ഈ രീതി​യാണ്‌ യഹോ​വ​യു​ടെ സാക്ഷികൾ ആചരി​ക്കു​ന്നത്‌.

നിങ്ങൾ ഫണ്ടുണ്ടാ​ക്കു​ന്ന​തി​നുള്ള ഡിന്നറു​ക​ളും പണശേ​ഖ​ര​ണ​ക​വ​റു​ക​ളും ഫണ്ടിനാ​യുള്ള പ്രചാ​ര​ണ​വും പണം സ്വരൂ​പി​ക്കു​ന്ന​തി​നുള്ള സമാന​മായ വിധങ്ങ​ളും അവലം​ബി​ക്കു​ന്നു​ണ്ടോ?

ഇല്ല, കൊടു​ക്കു​ന്ന​തിന്‌ ക്രിസ്‌ത്യാ​നി​ക​ളു​ടെ മുമ്പിൽ സമ്മാനങ്ങൾ ഞാത്തി​യിട്ട്‌ കൈക്കൂ​ലി കൊടു​ക്കു​ക​യോ നിർബ​ന്ധി​ക്കു​ക​യോ ചെയ്യേ​ണ്ട​തില്ല. ബിം​ഗോ​യെ​യും ബസാറു​ക​ളെ​യും ഷോട​തി​ക​ളെ​യും കാർണി​വ​ലു​ക​ളെ​യും ഇരിപ്പി​ടങ്ങൾ വാടക​ക്കു​കൊ​ടു​ക്കു​ന്ന​തി​നെ​യും കാണി​ക്ക​ശേ​ഖ​ര​പ്പാ​ത്രങ്ങൾ കൊണ്ടു​ന​ട​ക്കു​ന്ന​തി​നെ​യും ആശ്രയി​ക്കു​ന്നവർ തങ്ങളുടെ ആളുകൾക്ക്‌ ആത്മീയാ​ഹാ​രം കൊടു​ത്തി​ട്ടി​ല്ലെ​ന്നും തന്നിമി​ത്തം യഥേഷ്ടം പണം​കൊ​ടു​ക്കു​ന്ന​തിന്‌ ദൈവാ​ത്മാവ്‌ അവരുടെ ഇടവകാം​ഗ​ങ്ങളെ പ്രേരി​പ്പി​ക്കു​ന്നി​ല്ലെ​ന്നും വെളി​പ്പെ​ടു​ത്തു​ന്നു. കാലഹ​ര​ണ​പ്പെട്ട ദശാം​ശാ​ചാ​രത്തെ ആശ്രയി​ക്കു​ന്ന​വ​രെ​സം​ബ​ന്ധി​ച്ചും ഇതുതന്നെ പറയാ​വു​ന്ന​താണ്‌.—മത്തായി 10:8

പുതിയ രാജ്യ​ഹാ​ളു​കൾ, ബ്രാഞ്ചാ​ഫീ​സു​കൾ എന്നിങ്ങ​നെ​യുള്ള പദ്ധതി​ക​ളു​ടെ നിർമ്മാ​ണ​ത്തി​നും അതു​പോ​ലെ​തന്നെ ബ്രൂക്ലി​നി​ലെ ഹെഡ്‌ക്വാർട്ടേ​ഴസി​ലെ​യും പാറേ​റ​ഴസൺ, ന്യൂ​യോർക്കി​ലെ​യും വികസ​ന​പ്ര​വർത്ത​ന​ങ്ങൾക്കും പണം കണ്ടെത്തു​ന്ന​തെ​ങ്ങ​നെ​യാണ്‌?

യഹോവ തന്റെ സാക്ഷി​ക​ളു​ടെ​മേൽ തന്റെ പരിശു​ദ്ധാ​ത്മാ​വി​നെ പകരു​ക​യും “യഥാർത്ഥ ജീവ​ന്റെ​മേൽ ഒരു ദൃഢമായ പിടി ലഭി​ക്കേ​ണ്ട​തിന്‌ സുരക്ഷി​ത​മാ​യി തങ്ങൾക്കാ​യി ഭാവി​ക്കു​വേണ്ടി നല്ല അടിസ്ഥാ​നം നിക്ഷേ​പി​ച്ചു​കൊണ്ട്‌ നൻമ പ്രവർത്തി​ക്കാ​നും സൽപ്ര​വൃ​ത്തി​ക​ളിൽ സമ്പന്നരാ​യി​രി​ക്കാ​നും ഉദാര​രാ​യി​രി​ക്കാ​നും പങ്കു​വെ​ക്കാൻ സന്നദ്ധരാ​യി​രി​ക്കാ​നും” അവരെ പ്രാപ്‌ത​രാ​ക്കു​ക​യും​ചെ​യ്യു​ന്നു. (1 തിമൊ​ഥെ​യോസ്‌ 6:18, 19) ഈ ആത്മാവ്‌ എല്ലാ വിധത്തി​ലും രാജ്യ​വേ​ലയെ പിന്താ​ങ്ങാൻ യഹോ​വ​യു​ടെ സാക്ഷി​കളെ പ്രേരി​പ്പി​ക്കു​ന്നു.

ദൃഷ്ടാ​ന്ത​ത്തിന്‌ 1990ൽ 212 രാജ്യ​ങ്ങ​ളി​ലുള്ള 40,17,213 സാക്ഷികൾ മററു​ള്ള​വരെ ദൈവ​വ​ചനം പഠിപ്പി​ക്കു​ന്ന​തിന്‌ 89,52,29,424 മണിക്കൂർ ചെലവ​ഴി​ച്ചു. അവർ താത്‌പ​ര്യ​ക്കാ​രു​മാ​യി 36,24,091 നിരന്തര ഭവന ബൈബി​ള​ദ്ധ്യ​യ​നങ്ങൾ നടത്തി. ഈ വേലക്ക്‌ നേരിട്ട ഏതു ചെലവും അതു ചെയ്യുന്ന വ്യക്തി​കൾത​ന്നെ​യാണ്‌ വഹിച്ചത്‌. പുതു​താ​യി സ്‌നാ​പ​ന​മേററ 3,01,518 സാക്ഷി​ക​ളു​ടെ വർദ്ധന​വി​നാൽ യഹോവ ഈ സ്‌നേ​ഹ​ത്തി​ന്റെ അദ്ധ്വാ​ന​ത്തിന്‌ പ്രതി​ഫലം നൽകി.

കൊടു​ക്ക​ലി​ന്റെ സമാന​മായ ഒരു ആത്മാവ്‌ സാമ്പത്തി​ക​മായ ഒരു വിധത്തിൽ വേലയെ പിന്താ​ങ്ങു​ന്ന​തിന്‌ യഹോ​വ​യു​ടെ സാക്ഷി​ക​ളെ​യും താത്‌പ​ര്യ​ക്കാ​രെ​യും പ്രേരി​പ്പി​ക്കു​ന്നു. തങ്ങളുടെ പ്രാ​ദേ​ശിക സഭയിലെ നിരന്ത​ര​ചെ​ല​വു​കൾ വഹിക്കാൻ സഹായി​ക്കു​ന്ന​തു​കൂ​ടാ​തെ, തങ്ങളുടെ രാജ്യ​ഹാ​ളോ സമ്മേള​ന​ഹാ​ളോ പരിഷ്‌ക്ക​രി​ക്കു​ക​യോ വിപു​ല​പ്പെ​ടു​ത്തു​ക​യോ പുതി​യതു പണിയു​ക​യോ ചെയ്യു​ന്ന​തു​പോ​ലെ ആവശ്യ​മാ​യി​ത്തീർന്നേ​ക്കാ​വുന്ന ഏതു നിർമ്മാ​ണ​പ്ര​വർത്ത​ന​ത്തെ​യും അവർ പിന്താ​ങ്ങു​ന്നു. ഓരോ വർഷവും സത്വര​മായ വളർച്ച നിമിത്തം ഒട്ടേറെ രാജ്യ​ഹാ​ളു​കൾ പണി​യേ​ണ്ട​തുണ്ട്‌, ചിലതിന്‌ ദശലക്ഷ​ക്ക​ണ​ക്കിന്‌ രൂപാ ചെലവു​വ​രും. ഇവയുടെ ചെലവു വഹിക്കു​ന്നത്‌ സ്ഥലത്തെ സാക്ഷി​ക​ളാണ്‌, തങ്ങളുടെ സ്വമേ​ധ​യാ​സം​ഭാ​വ​ന​ക​ളാ​ലും അദ്ധ്വാ​ന​ത്താ​ലും.

കൂടാതെ, അനേകം രാജ്യ​ങ്ങ​ളിൽ സംഘട​നാ​വ​ളർച്ച ഹേതു​വാ​യി വർദ്ധിച്ച ജോലി​ക്കാർക്കും സൗകര്യ​ങ്ങൾക്കും ഇടമു​ണ്ടാ​ക്കു​ന്ന​തിന്‌ ബ്രാഞ്ചി​ലെ അച്ചടി​സൗ​ക​ര്യ​ങ്ങ​ളും ആഫീസ്‌ സൗകര്യ​ങ്ങ​ളും പാർപ്പി​ട​സൗ​ക​ര്യ​ങ്ങ​ളും വിപു​ല​പ്പെ​ടു​ത്തേ​ണ്ടി​വ​ന്നി​ട്ടുണ്ട്‌—അല്ലെങ്കിൽ പുതിയവ പണി​യേ​ണ്ടി​വ​ന്നി​ട്ടുണ്ട്‌. ഇവയും ബ്രൂക്ലി​നി​ലെ​യും പാറേ​റ​ഴ്‌സൺ, ന്യൂ​യോർക്കി​ലെ​യും കെട്ടി​ട​നിർമ്മാ​ണ​ത്തി​ന്റെ​യും നവീക​ര​ണ​ത്തി​ന്റെ​യും പദ്ധതി​കൾപോ​ലെ സ്വമേ​ധ​യാ​സം​ഭാ​വ​ന​ക​ളാ​ലും അദ്ധ്വാ​ന​ങ്ങ​ളാ​ലു​മാണ്‌ പിന്തു​ണ​ക്ക​പ്പെ​ടു​ന്നത്‌. സാദ്ധ്യ​മാ​കു​ന്ന​ടത്ത്‌ സ്ഥലത്തെ സാക്ഷികൾ നിർമ്മാ​ണ​ത്തി​ന്റെ ചെലവു വഹിക്കു​ന്നു. ചില കേസു​ക​ളിൽ മററു രാജ്യ​ങ്ങ​ളിൽനിന്ന്‌ സാമ്പത്തി​ക​മാ​യും വിദഗ്‌ദ്ധ​ജോ​ലി​യു​ടെ രൂപത്തി​ലു​മുള്ള സഹായം സ്വീക​രി​ക്കു​ന്ന​തിന്‌ വാച്ച്‌റ​റവർ സൊ​സൈ​ററി ക്രമീ​ക​ര​ണം​ചെ​യ്യു​ന്നു. അങ്ങനെ സൊ​സൈ​റ​റി​യു​ടെ മാർഗ്ഗ​നിർദ്ദേ​ശ​ത്തിൻകീ​ഴിൽ “ഒരു സമീക​രണം” നടക്കുന്നു.—2 കൊരി​ന്ത്യർ 8:14.

അനേകം മതസം​ഘങ്ങൾ ചെയ്യു​ന്ന​തു​പോ​ലെ, നിങ്ങൾ ആശുപ​ത്രി​ക​ളോ ക്ലിനി​ക്കു​ക​ളോ നടത്താ​ത്ത​തും ദുരി​താ​ശ്വാ​സ​പ്ര​വർത്ത​ന​ത്തി​ലും മററു സാമൂ​ഹി​ക​സേ​വ​ന​ത്തി​ലും ഏർപ്പെ​ടാ​ത്ത​തു​മെ​ന്തു​കൊണ്ട്‌?

യഹോ​വ​യു​ടെ സാക്ഷികൾ തങ്ങൾക്കു സാധി​ക്കു​മ്പോൾ യുദ്ധത്തി​ന്റെ​യോ പ്രകൃ​തി​വി​പ​ത്തി​ന്റെ​യോ പരിണ​ത​ഫ​ല​മാ​യുള്ള അടിയ​ന്തി​രാ​വ​സ്ഥ​ക​ളോട്‌ പെട്ടെന്ന്‌ പ്രതി​ക​രി​ക്കു​ന്നു. യഥാർത്ഥ​ത്തിൽ, പുനർനിർമ്മാ​ണ​ത്തി​നു സഹായി​ക്കാൻ സാധാ​ര​ണ​യാ​യി ഭക്ഷ്യവും വസ്‌ത്ര​വും സന്നദ്ധ​സേ​വ​ക​രു​മാ​യി രംഗത്ത്‌ ആദ്യം എത്തുന്നത്‌ അവരാണ്‌. എന്നിരു​ന്നാ​ലും, യഹോ​വ​യു​ടെ സാക്ഷികൾ ആശുപ​ത്രി​ക​ളൊ ക്ലിനി​ക്കു​ക​ളോ നടത്തു​ന്നില്ല, അവർ അഗ്നിശ​മ​ന​വ​കു​പ്പു​ക​ളോ പോലീ​സ്‌സേ​ന​ക​ളോ ഏർപ്പെ​ടു​ത്തു​ന്നി​ല്ലാ​ത്ത​തു​പോ​ലെ​തന്നെ, അവയും ജീവസം​ര​ക്ഷ​ണ​ത്തി​നു​വേ​ണ്ടി​യാ​ണ​ല്ലോ.

അവർ സുവി​ശേ​ഷ​ത്തി​ന്റെ സമർപ്പി​ത​ശു​ശ്രൂ​ഷ​ക​രാണ്‌, അവരുടെ നിയോ​ഗം അവസാനം വരുന്ന​തി​നു​മുമ്പ്‌ ഒരു സാക്ഷ്യ​ത്തി​നാ​യി സർവ​ലോ​ക​ത്തി​ലും ദൈവ​രാ​ജ്യ​സു​വാർത്ത പ്രസം​ഗി​ക്കു​ക​യും പഠിപ്പി​ക്കു​ക​യു​മാണ്‌. (മത്തായി 24:14) യേശു പറഞ്ഞതു​പോ​ലെ, കൊയ്‌ത്ത്‌ വലിയ​തും വേലക്കാർ ചുരു​ക്ക​വു​മാണ്‌. എത്ര പ്രശം​സാർഹ​മാ​യാ​ലും മററു പ്രവർത്ത​ന​ങ്ങ​ളേ​റെ​റ​ടു​ക്കു​ന്ന​തിന്‌ ഈ സർവ​പ്ര​ധാ​ന​മായ വേല അവഗണി​ക്കു​ന്നത്‌ അക്ഷന്തവ്യ​മാ​യി​രി​ക്കും.—മത്തായി 9:37, 38.

സംഭവി​ച്ചി​രി​ക്കു​ന്ന​തു​പോ​ലെ, നിരവധി യഹോ​വ​യു​ടെ സാക്ഷികൾ ഡോക്ടർമാ​രും നേഴ്‌സു​മാ​രും ആശുപ​ത്രി​സ​ഹാ​യി​ക​ളു​മാണ്‌. എന്നാൽ അവർ ഈ വേലയെ തങ്ങളുടെ മുഖ്യ​തൊ​ഴി​ലായ ക്രിസ്‌തീ​യ​ശു​ശ്രൂ​ഷക്കു പുറ​മേ​യു​ള്ള​താ​യി വീക്ഷി​ക്കു​ന്നു.

വാച്ച്‌റ​റ​വർ സൊ​സൈ​റ​റി​യു​ടെ ഉദ്യോ​ഗ​സ്ഥൻമാ​രി​ലോ അംഗങ്ങ​ളി​ലോ ആരെങ്കി​ലും നിങ്ങളു​ടെ വിപു​ല​മായ അച്ചടി​പ്ര​വർത്ത​ന​ങ്ങ​ളിൽനിന്ന്‌ പണമു​ണ്ടാ​ക്കു​ന്നു​ണ്ടോ?

ഇല്ല എന്ന്‌ ഉറപ്പാണ്‌! നിയമ​പ്ര​കാ​രം സൊ​സൈ​ററി ലാഭവീ​ത​മി​ല്ലാത്ത ഒരു കോർപ്പ​റേ​ഷ​നാണ്‌. സ്‌റേ​റാ​ക്ക്‌ഹോൾഡർമാ​രോ ലാഭവീ​ത​മോ ശമ്പളം​പോ​ലു​മോ ഇല്ല. സൊ​സൈ​റ​റി​യു​ടെ പ്രസി​ഡ​ണ്ടും ഡയറക്ടർമാ​രും ഉൾപ്പെടെ ഹെഡ്‌ക്വാർട്ടേ​ഴ്‌സി​ലെ ഓരോ ശുശ്രൂ​ഷ​ക​നും നിർദ്ധ​ന​ത്വ​ത്തി​ന്റെ ഒരു നിയമ​പ​ര​മായ പ്രതി​ജ്ഞ​യെ​ടു​ത്തി​ട്ടുണ്ട്‌. അയാൾക്കു കിട്ടു​ന്നത്‌ ഭക്ഷണവും പാർപ്പി​ട​വും ആവശ്യ​മായ വൈദ്യ​പ​രി​ച​ര​ണ​വും അതു​പോ​ലെ​തന്നെ സ്വന്തം​ചെ​ല​വു​കൾ നികത്തു​ന്ന​തി​നുള്ള ഒരു ചെറിയ തുകയു​മാണ്‌. സൊ​സൈ​റ​റി​യു​ടെ കാര്യ​ത്തി​നു​വേണ്ടി ഒരു വ്യക്തി യാത്ര​ചെ​യ്യു​ന്നു​വെ​ങ്കിൽ സാധാ​ര​ണ​യാ​യി അയാളു​ടെ യാത്ര​ച്ചെ​ല​വു​കൾ കൊടു​ക്കു​ന്നു.

അതിനു​പു​റ​മേ, ലോക​ത്തി​ലൊ​രി​ട​ത്തും ഞങ്ങളുടെ ശുശ്രൂ​ഷകർ വിവാ​ഹ​മോ സ്‌നാ​പ​ന​ങ്ങ​ളോ ശവസം​സ്‌ക്കാ​ര​ശു​ശ്രൂ​ഷ​ക​ളോ നടത്തു​ന്ന​തിന്‌ പണം ഈടാ​ക്കു​ന്നില്ല. പരസ്യ​പ്ര​സം​ഗ​ങ്ങൾക്കോ കൺ​വെൻ​ഷ​നു​കൾക്കോ പ്രവേ​ശ​ന​ഫീ​സു​ക​ളോ കാണി​ക്ക​ശേ​ഖ​ര​മോ ഇല്ല.

കാണി​ക്ക​ശേ​ഖ​ര​പ്പാ​ത്രങ്ങൾ ഒരിക്ക​ലും കൊണ്ടു​ന​ട​ക്കു​ന്നി​ല്ലാ​ത്ത​തി​നാൽ സ്ഥലത്തെ സഭകൾ അവയുടെ ചെലവു​കൾ വഹിക്കു​ന്ന​തിന്‌ സംഭാ​വ​നകൾ സ്വീക​രി​ക്കു​ന്നത്‌ എങ്ങനെ​യാണ്‌?

വ്യക്തികൾ ആഗ്രഹി​ക്കു​ന്നു​വെ​ങ്കിൽ സ്വമേ​ധയാ സംഭാ​വ​നകൾ കൊടു​ക്കാൻക​ഴി​യ​ത്ത​ക്ക​വണ്ണം രാജ്യ​ഹാ​ളു​ക​ളിൽ സംഭാ​വ​ന​പ്പെ​ട്ടി​കൾ വെക്കുന്നു. (2 രാജാ​ക്കൻമാർ 12:9) എത്ര വലുതാ​യി​രു​ന്നാ​ലും ചെറു​താ​യി​രു​ന്നാ​ലും സംഭാ​വ​ന​ക​ളെ​ല്ലാം വിലമ​തി​ക്ക​പ്പെ​ടു​ന്നു. (മർക്കോസ്‌ 12:42-44) മാസത്തി​ലൊ​രി​ക്കൽ സഭാക​ണ​ക്കു​കൾ കൈകാ​ര്യം​ചെ​യ്യുന്ന ശുശ്രൂ​ഷകൻ കിട്ടിയ മൊത്തം സംഭാ​വ​ന​ക​ളും ചെലവു​ക​ളും ലോക​വ്യാ​പ​ക​പ്ര​സം​ഗ​വേ​ല​യെ​യും മററു പദ്ധതി​ക​ളെ​യും പിന്താ​ങ്ങു​ന്ന​തിന്‌ സഭ വാച്ച്‌റ​റവർ സൊ​സൈ​റ​റി​ക്കു കൊടുത്ത സംഭാ​വ​ന​ക​ളും സഭയെ അറിയി​ച്ചു​കൊണ്ട്‌ മാസത്തി​ലൊ​രി​ക്കൽ സഭയിൽ ഹ്രസ്വ​മായ ഒരു പ്രസ്‌താ​വ​ന​ചെ​യ്യു​ന്നു.

വ്യക്തികൾ ഈ ക്രമീ​ക​രണം മനസ്സി​ലാ​ക്കു​മ്പോൾ, അവർ ആഗ്രഹി​ക്കു​ന്നു​വെ​ങ്കിൽ ഓരോ വ്യക്തി​യും “അഭിവൃദ്ധിപ്പെട്ടുകൊണ്ടിരുന്നേക്കാവുന്നതുപോലെ” പങ്കെടു​ക്കാൻ അവർ സ്വത​ന്ത്ര​രാണ്‌. (1 കൊരി​ന്ത്യർ 16:2) ഇതാണ്‌ 63,000ത്തിലധികം വരുന്ന സഭകളിൽ ഓരോ​ന്നി​ലെ​യും നടപടി.

ആദിമ​ക്രി​സ്‌ത്യാ​നി​കൾ പെന്തെ​ക്കോ​സ്‌തിൽ സകലവും പൊതു​വാ​യി കരുതി​യി​രു​ന്നു. യഹോ​വ​യു​ടെ സാക്ഷികൾ ഇതു ചെയ്യു​ന്നു​ണ്ടോ?

ക്രി.വ. 33ലെ പെന്തെ​ക്കോ​സ്‌തി​നോ​ട​ടുത്ത കാലത്ത്‌ ക്രിസ്‌ത്യാ​നി​ത്വ​ത്തി​ലേക്കു പരിവർത്ത​നം​ചെ​യ്‌തി​രുന്ന വിദൂ​ര​സ്ഥ​ല​ങ്ങ​ളിൽനി​ന്നുള്ള യഹൂദൻമാർ കൂടു​ത​ലായ ആത്മീയ​പ്ര​കാ​ശനം ലഭിക്കു​ന്ന​തിന്‌ യരൂശ​ലേ​മിൽ തങ്ങിയ​പ്പോൾ അതേ തുടർന്ന്‌ ഒരു അടിയ​ന്തിര സാഹച​ര്യം സംജാ​ത​മാ​യി. അവർക്ക്‌ താത്‌ക്കാ​ലിക പാർപ്പി​ട​വും ഭക്ഷണവും ആവശ്യ​മാ​യി​രു​ന്നു; തന്നിമി​ത്തം സ്ഥലത്തെ ക്രിസ്‌ത്യാ​നി​കൾ നീണ്ട കാലത്തെ കൂട്ടാ​യ്‌മ​യ്‌ക്കു​വേണ്ടി കരുതാൻ സ്വമേ​ധ​യാ​യുള്ള വസ്‌തു​വി​ല്‌പ​ന​യും വിററു​വ​ര​വി​ന്റെ പൊതു വീതം​വെ​ക്ക​ലും നടത്തി. (പ്രവൃ​ത്തി​കൾ 2:1, 38-47; 4:32-37) വിൽക്കാ​നോ സംഭാ​വ​ന​ചെ​യ്യാ​നോ ആരും നിർബ​ന്ധി​ക്ക​പ്പെ​ട്ടില്ല. (പ്രവൃ​ത്തി​കൾ 5:1-4) ചിലർ സങ്കൽപ്പി​ക്കു​ന്ന​തു​പോ​ലെ ഈ പൊതു​വി​നി​യോ​ഗം കമ്മ്യൂ​ണി​സ​മാ​യി​രു​ന്നില്ല. അത്‌ കേവലം ഒരു താത്‌ക്കാ​ലി​ക​ക്ര​മീ​ക​ര​ണ​മാ​യി​രു​ന്നു. ക്രിസ്‌ത്യാ​നി​കൾ തങ്ങളുടെ സ്വന്തം വീടു​ക​ളി​ലേക്കു മടങ്ങി​പ്പോ​യ​പ്പോൾ അതു അവസാ​നി​ച്ചു.

ഭൗതി​ക​കൊ​ടു​ക്കൽ പാപത്തി​നുള്ള പരിഹാ​ര​മാ​ണെന്ന്‌ നിങ്ങൾ പഠിപ്പി​ക്കു​ന്നു​വോ?

അശേഷ​മി​ല്ല! ബൈബിൾ ഇങ്ങനെ പറയുന്നു: “നിങ്ങളു​ടെ പൂർവ​പി​താ​ക്ക​ളിൽനിന്ന്‌ പാരമ്പ​ര്യ​ത്തി​ലൂ​ടെ നിങ്ങൾക്കു കിട്ടിയ നിഷ്‌ഫ​ല​മായ പെരു​മാ​റ​റ​രൂ​പ​ത്തിൽനിന്ന്‌ നിങ്ങൾ വിടു​വി​ക്ക​പ്പെ​ട്ടത്‌ ദുഷി​ക്കുന്ന വസ്‌തു​ക്കൾകൊ​ണ്ടല്ല, വെള്ളി​യോ പൊ​ന്നോ​കൊ​ണ്ടല്ല, എന്ന്‌ നിങ്ങൾ അറിയു​ന്നു. നിഷ്‌ക്ക​ള​ങ്ക​വും കറയറ​റ​തു​മായ ഒരു കുഞ്ഞാ​ടി​ന്റേ​തു​പോ​ലെ​യുള്ള, ക്രിസ്‌തു​വി​ന്റെ​തന്നെ, രക്തത്താ​ലാ​യി​രു​ന്നു അത്‌.”—1 പത്രോസ്‌ 1:18, 19.

യഹോ​വ​യു​ടെ സാക്ഷികൾ രക്ഷക്കു​വേണ്ടി യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തിൽ വിശ്വാ​സ​മർപ്പി​ക്കു​ന്നു. അവർ തങ്ങൾക്ക്‌ രക്ഷ കൈവ​രു​ത്തു​മെന്നു പ്രതീ​ക്ഷി​ച്ചു​കൊണ്ട്‌ സ്വമേ​ധയാ സംഭാ​വ​നകൾ കൊടു​ക്കു​ന്നില്ല. എന്നിരു​ന്നാ​ലും, ദൈവ​ത്തി​ന്റെ നീതി​യുള്ള പുതിയ ലോക​ത്തി​ന്റെ സുവാർത്ത പരത്തു​ന്ന​തിന്‌ ഗണ്യമായ പണത്തുക ആവശ്യ​മാ​ണെന്ന്‌ അവർക്ക​റി​യാം. (2 പത്രോസ്‌ 3:13) ഈ പ്രഘോ​ഷ​ണ​ത്തി​നാ​യുള്ള സംഭാവന യഹോവ അനുവ​ദി​ച്ചി​രി​ക്കുന്ന ഒരു പദവി​യാ​ണെന്ന്‌ അവർ വിചാ​രി​ക്കു​ന്നു.

ദാവീ​ദ്‌രാ​ജാവ്‌ തന്റെ പുത്ര​നായ ശലോ​മോൻ പണിയാ​നി​രുന്ന യഹോ​വ​യു​ടെ ആലയത്തി​നു​വേണ്ടി ഒരു വലിയ സംഭാവന കൊടു​ത്ത​പ്പോൾ ഇങ്ങനെ പ്രാർത്ഥി​ച്ചു: “യഹോവേ, മഹത്വ​വും ബലവും അഴകും വൈശി​ഷ്ട്യ​വും പ്രതാ​പ​വും നിന്റേ​താ​കു​ന്നു; എന്തെന്നാൽ സ്വർഗ്ഗ​ത്തി​ലും ഭൂമി​യി​ലു​മുള്ള സകലവും നിന്റേ​താ​കു​ന്നു. . . . എന്നിരു​ന്നാ​ലും, ഇതു​പോ​ലെ സ്വമേ​ധ​യാ​ദാ​നങ്ങൾ നൽകാ​നുള്ള ബലം നിലനിർത്താൻ ഞാൻ ആരാണ്‌, എന്റെ ജനം ആരാണ്‌? എന്തെന്നാൽ സകലവും നിന്നിൽനി​ന്നാണ്‌, നിന്റെ സ്വന്തം കൈയിൽനി​ന്നാണ്‌ ഞങ്ങൾ നിനക്ക്‌ തന്നിരി​ക്കു​ന്നത്‌.”—1 ദിനവൃ​ത്താ​ന്തം 29:11, 14.

ഇന്ന്‌ യഹോ​വ​യു​ടെ സാക്ഷി​ക​ളും നീതി​യോ​ടു ചായ്‌വുള്ള മററു​ള്ള​വ​രും ദാവീദ്‌ വിചാ​രി​ച്ച​തു​പോ​ലെ​തന്നെ വിചാ​രി​ക്കു​ന്നു. ഏതായാ​ലും തങ്ങൾ യഹോ​വ​യു​ടെ സേവന​ത്തി​നു​വേണ്ടി കൊടു​ക്കു​ന്ന​തെ​ല്ലാം അവനിൽനി​ന്നു​തന്നെ വരുന്നു​വെന്ന്‌ തിരി​ച്ച​റി​ഞ്ഞു​കൊണ്ട്‌ അവനെ സ്‌തു​തി​ക്കുന്ന വേലയെ പിന്തു​ണ​ക്കു​ന്ന​തിന്‌ സംഭാ​വ​ന​കൊ​ടു​ക്കാ​നുള്ള പദവി ഉണ്ടായി​രി​ക്കു​ന്ന​തിൽ അവർ സന്തുഷ്ട​രാണ്‌. യഹോവ ഈ ആത്മാവി​നെ അനു​ഗ്ര​ഹി​ക്കു​ന്നു, അവൻ തന്റെ വേലയെ അഭിവൃ​ദ്ധി​പ്പെ​ടു​ത്തു​ന്നത്‌ ഇങ്ങനെ​യാണ്‌. (w90 12⁄1)

[29-ാം പേജിലെ ചതുരം]

ചിലർ രാജ്യ​വേ​ലക്ക്‌ സംഭാ​വ​ന​ചെ​യ്യുന്ന വിധം

◻ ദാനങ്ങൾ: സ്വമേ​ധ​യാ​യുള്ള പണസം​ഭാ​വ​നകൾ വാച്ച്‌റ​റവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ ഇൻഡ്യാ, എച്ച്‌ 58 ഓൾഡ്‌ ഖണ്ഡാലാ റോഡ്‌., ലോണാ​വ്‌ലാ 410 401, മഹാ.യിക്ക്‌ നേരി​ട്ടോ ഈ മാസി​ക​യു​ടെ പ്രസാ​ധ​കർക്കോ അയച്ചു​കൊ​ടു​ക്കാ​വു​ന്ന​താണ്‌. ഭൂസ്വ​ത്തു​പോ​ലെ​യുള്ള വസ്‌തു​ക്ക​ളും ആഭരണ​ങ്ങ​ളും അല്ലെങ്കിൽ മററു വിലയുള്ള വസ്‌തു​ക്ക​ളും സംഭാ​വ​ന​ചെ​യ്യാ​വു​ന്ന​താണ്‌. ഈ സംഭാ​വ​ന​ക​ളോ​ടു​കൂ​ടെ ഇവ നേരി​ട്ടുള്ള ഒരു സംഭാ​വ​ന​യാ​ണെന്ന്‌ പ്രസ്‌താ​വി​ക്കുന്ന ഒരു കത്തും ഉണ്ടായി​രി​ക്കണം.

◻ സോപാ​ധിക-സംഭാ​വ​നാ​ക്ര​മീ​ക​രണം: വ്യക്തി​പ​ര​മായ ആവശ്യ​മു​ണ്ടാ​കുന്ന പക്ഷം ദാനിക്ക്‌ മടക്കി​ക്കൊ​ടു​ക്ക​ണ​മെ​ന്നുള്ള വ്യവസ്ഥ​യോ​ടെ ട്രസ്‌റ​റാ​യി പണം വാച്ച്‌റ​റവർ സൊ​സൈ​റ​റിക്ക്‌ കൊടു​ക്കാ​വു​ന്ന​താണ്‌.

◻ ഇൻഷു​റൻസ്‌: ഒരു ലൈഫ്‌ ഇൻഷു​റൻസ്‌ പോളി​സി​യു​ടെ​യോ ഒരു റിട്ടയർമെൻറ്‌⁄പെൻഷൻ പദ്ധതി​യു​ടെ​യോ ഗുണ​ഭോ​ക്താ​വാ​യി വാച്ച്‌റ​റവർ സൊ​സൈ​റ​റി​യു​ടെ പേർ വെക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​രണം സംബന്ധി​ച്ചും സൊ​സൈ​റ​റി​യെ വിവര​മ​റി​യി​ക്കണം.

◻ ട്രസ്‌റ​റു​കൾ: സൊ​സൈ​റ​റി​ക്കുള്ള ട്രസ്‌റ​റാ​യി ബാങ്ക്‌ സേവിം​ഗ്‌സ്‌ അക്കൗണ്ടു​കൾ കൊടു​ക്കാ​വു​ന്ന​താണ്‌. ഇതു ചെയ്യു​ന്നു​വെ​ങ്കിൽ ദയവായി സൊ​സൈ​റ​റി​യെ അറിയി​ക്കുക. ദാനി​യു​ടെ ജീവി​ത​കാ​ലത്ത്‌ അയാൾക്കു പ്രയോ​ജ​നം​കി​ട്ട​ത്ത​ക്ക​വണ്ണം സ്‌റേ​റാ​ക്കു​ക​ളും ബോണ്ടു​ക​ളും വസ്‌തു​വും സംഭാ​വ​ന​ചെ​യ്യാ​വു​ന്ന​താണ്‌. ഈ രീതി വിൽപ​ത്രം പ്രൊ​ബേ​റ​റ്‌ചെ​യ്യു​ന്ന​തി​ന്റെ ചെലവും അനിശ്ചി​ത​ത്വ​ങ്ങ​ളും ഒഴിവാ​ക്കു​ന്നു, അതേ സമയം മരണം സംഭവി​ക്കുന്ന പക്ഷം വസ്‌തു സൊ​സൈ​റ​റി​ക്കു കിട്ടു​ന്ന​തിന്‌ ഉറപ്പു​നൽകു​ന്നു.

◻ വിൽപ​ത്രങ്ങൾ: നിയമാ​നു​സൃ​തം എഴുതി​യു​ണ്ടാ​ക്കിയ ഒരു വിൽപ​ത്രം​മു​ഖേന വസ്‌തു​വി​നോ പണത്തി​നോ വാച്ച്‌റ​റവർ സൊ​സൈ​റ​റിക്ക്‌ അവകാ​ശം​കൊ​ടു​ക്കാ​വു​ന്ന​താണ്‌. സൊ​സൈ​റ​റിക്ക്‌ ഒരു പകർപ്പ്‌ കൊടു​ക്കണം.

ഇങ്ങനെ​യുള്ള കാര്യങ്ങൾ സംബന്ധിച്ച്‌ കൂടു​ത​ലായ വിവര​ങ്ങൾക്കും ബുദ്ധി​യു​പ​ദേ​ശ​ത്തി​നു​മാ​യി വാച്ച്‌റ​റവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ ഇൻഡ്യാ, എച്ച്‌-58 ഓൾഡ്‌ ഖണ്ഡാലാ റോഡ്‌., ലോണാ​വ്‌ലാ 410 401, മഹാ.യിക്കോ ഈ മാസി​ക​യു​ടെ പ്രസാ​ധ​കർക്കോ എഴുതുക.

[31-ാം പേജിലെ ചിത്രം]

പാറേറഴ്‌സൻ, ന്യൂ​യോർക്കിൽ നിർമ്മാ​ണ​ത്തി​ലി​രി​ക്കുന്ന യഹോ​വ​യു​ടെ സാക്ഷി​ക​ളു​ടെ ബൈബിൾവി​ദ്യാ​ഭ്യാ​സ​കേ​ന്ദ്ര​ത്തി​ന്റെ ഭാഗം

[32-ാം പേജിലെ ചിത്രങ്ങൾ]

സ്വമേധയാ സംഭാ​വ​നകൾ കൊടു​ക്കുന്ന തന്റെ ജനത്തിന്റെ നിർമ്മാണ വേലയെ യഹോവ അഭിവൃ​ദ്ധി പ്പെടു​ത്തു​ന്നു