വാഗ്‌ദ​ത്ത​ദേ​ശ​ത്തു​നി​ന്നുള്ള രംഗങ്ങൾ

ഗെരി​സീം—‘ഞങ്ങൾ ആരാധി​ച്ചത്‌ ഈ പർവത​ത്തി​ലാണ്‌’

കിണറ​റി​ങ്കലെ ശമര്യ​സ്‌ത്രീ. ആ പദപ്ര​യോ​ഗം ഒരു ശമര്യ​ന​ഗ​ര​മായ സുഖാ​റി​ലെ “യാക്കോ​ബി​ന്റെ ഉറവി”ങ്കൽ നിന്ന ഒരു സ്‌ത്രീ​യോ​ടു യേശു അനൗപ​ചാ​രി​ക​മാ​യി നടത്തിയ സാക്ഷീ​ക​ര​ണ​ത്തെ​ക്കു​റി​ച്ചുള്ള ഹൃദയ​സ്‌പൃ​ക്കായ വിവരണം നിങ്ങളെ ഓർമ്മ​പ്പെ​ടു​ത്തു​ന്നി​ല്ലേ? ആ അർത്ഥവ​ത്തായ സംഭവ​ത്തെ​ക്കു​റി​ച്ചുള്ള നിങ്ങളു​ടെ വീക്ഷണത്തെ മൂർച്ച​യു​ള്ള​താ​ക്കി​ത്തീർക്കാൻ നിങ്ങളാ​ഗ്ര​ഹി​ക്കു​ന്നു​ണ്ടോ?—യോഹ​ന്നാൻ 4:5-7.

മുകളി​ല​ത്തെ രണ്ടു പർവതങ്ങൾ ശ്രദ്ധി​ക്കുക, അവ യെരൂ​ശ​ലേ​മിന്‌ ഏതാണ്ട്‌ 50 കിലോ​മീ​ററർ വടക്കാണ്‌.a ഇടത്തു​വ​ശ​ത്താണ്‌ (തെക്ക്‌) വൃക്ഷങ്ങൾ നിറഞ്ഞ ഗെരി​സീം; ഒട്ടേറെ അരുവി​കൾ അതിന്റെ ഫലപു​ഷ്ടി​ക്കും മനോ​ഹാ​രി​ത​ക്കും സംഭാവന ചെയ്യുന്നു. വലതു​വ​ശ​ത്താണ്‌ (വടക്ക്‌) ഏബാൽ, അല്‌പം ഉയർന്ന​തും പാറകൾ നിറഞ്ഞ​തും ഊഷര​വും.

അവയ്‌ക്കി​ട​യി​ലാ​ണു ശേഖേം എന്ന ഫലഭൂ​യി​ഷ്‌ഠ​മായ താഴ്‌വര. ദൈവ​ത്തി​ന്റെ സ്‌നേ​ഹി​ത​നായ അബ്രാം (പിന്നീട്‌ അബ്രഹാ​മെന്നു പേരിട്ടു) വാഗ്‌ദ​ത്ത​നാ​ട്ടി​ലൂ​ടെ സഞ്ചരി​ച്ച​പ്പോൾ അവൻ ശേഖേ​മിൽ തങ്ങി. ഇവിടെ അവൻ യഹോ​വക്ക്‌ ഒരു യാഗപീ​ഠം പണിതു, അവൻ അബ്രഹാ​മി​നു പ്രത്യ​ക്ഷ​പ്പെ​ടു​ക​യും അവന്റെ സന്തതിക്ക്‌ ഈ ദേശം കൊടു​ക്കാ​മെന്നു വാഗ്‌ദ​ത്തം​ചെ​യ്യു​ക​യും ചെയ്‌ത​തേ​യു​ണ്ടാ​യി​രു​ന്നു​ള്ളു. (ഉല്‌പത്തി 12:5-7) അത്തര​മൊ​രു വാഗ്‌ദത്തം കൊടു​ക്കു​ന്ന​തിന്‌ എന്തൊരു ഉചിത​മായ സ്ഥലം, ദേശത്തി​ന്റെ മദ്ധ്യം! ഗെരി​സീ​മി​ന്റെ​യോ ഏബാലി​ന്റെ​യോ ശിഖര​ത്തിൽനി​ന്നു ഗോ​ത്ര​പി​താ​വി​നു വാഗ്‌ദ​ത്ത​ദേ​ശ​ത്തി​ന്റെ വിപു​ല​മായ ഭാഗങ്ങൾ വീക്ഷി​ക്കാൻ കഴിയു​മാ​യി​രു​ന്നു. ശേഖേം നഗരം (ആധുനിക നാബസ്ല്‌), തീരത്തി​നും യോർദ്ദാൻ താഴ്‌വ​ര​ക്കു​മി​ട​ക്കുള്ള ഒരു കിഴക്കു-പടിഞ്ഞാ​റൻ റോഡി​നോ​ട​ടു​ത്തുള്ള ഉത്തര-ദക്ഷിണ പർവത​മാർഗ്ഗ​ത്തിൽ സ്ഥിതി​ചെ​യ്‌തി​രു​ന്ന​തി​നാൽ ഒരു മർമ്മ​പ്ര​ധാ​ന​മായ കേന്ദ്ര​മാ​യി​രു​ന്നു.

അബ്രഹാ​മി​ന്റെ യാഗപീ​ഠം ഇവിടത്തെ ശ്രദ്ധേ​യ​മായ ഒരു മതവി​കാ​സം മാത്ര​മാ​യി​രു​ന്നു. പിന്നീട്‌, യാക്കോബ്‌ ഈ പ്രദേ​ശത്തു സ്ഥലം വാങ്ങു​ക​യും സത്യാ​രാ​ധന നടത്തു​ക​യും ചെയ്‌തു. അവൻ ഗെരി​സീ​മി​ന്റെ താഴ്‌വാ​ര​ത്തിൽ ആഴമുള്ള ഒരു കിണർ കുഴി​ക്കു​ക​യോ കുഴി​ക്കു​ന്ന​തി​നുള്ള ചെലവു​വ​ഹി​ക്കു​ക​യോ ചെയ്‌തു. നൂററാ​ണ്ടു​കൾക്കു​ശേഷം, ശമര്യ​സ്‌ത്രീ യേശു​വി​നോട്‌ ഇങ്ങനെ പറഞ്ഞു: “അവൻ ആകുന്നു ഈ കിണർ ഞങ്ങൾക്കു തന്നതു . . . അവനും . . . ഇതിലെ വെള്ളം കുടിച്ചു.” അത്‌ അരുവി​യാൽ പോഷി​പ്പി​ക്ക​പ്പെ​ട്ട​താ​യി​രു​ന്നി​രി​ക്കാം, അപ്പോ​സ്‌ത​ല​നായ യോഹ​ന്നാൻ അതിനെ “യാക്കോ​ബി​ന്റെ ഉറവു” എന്നു വിളി​ച്ച​തി​ന്റെ കാരണ​മ​താ​യി​രി​ക്കാം.

ഗെരി​സീ​മി​നോ​ടും ഏബാലി​നോ​ടു​മുള്ള ബന്ധത്തിൽ സത്യാ​രാ​ധ​ന​യെ​ക്കു​റി​ച്ചുള്ള പ്രസ്‌താ​വം മോശ നിർദ്ദേ​ശി​ച്ചി​രു​ന്ന​തു​പോ​ലെ യോശുവ ഇസ്ര​യേ​ലി​നെ ഇവി​ടേക്കു കൊണ്ടു​വന്നു എന്നും നിങ്ങളെ അനുസ്‌മ​രി​പ്പി​ച്ചേ​ക്കാം. യോശുവ ഏബാലിൽ ഒരു യാഗപീ​ഠം പണിതു. യോശുവ “അനു​ഗ്ര​ഹ​വും ശാപവു​മായ ന്യായ​പ്ര​മാ​ണ​വ​ച​ന​ങ്ങ​ളെ​ല്ലാം” വായി​ച്ച​പ്പോൾ ജനത്തിൽ പകുതി​പേർ ഗെരി​സീ​മി​നു മുമ്പി​ലും ശേഷി​ച്ചവർ ഏബാലി​നു മുമ്പി​ലും നിൽക്കു​ന്ന​താ​യി സങ്കല്‌പി​ക്കുക. (യോശുവ 8:30-35; ആവർത്തനം 11:29) വർഷങ്ങൾക്കു​ശേഷം, യോശുവ മടങ്ങി​വ​രു​ക​യും അന്തിമ ബുദ്ധി​യു​പ​ദേ​ശ​ത്തിൽ “ഞാനും എന്റെ കുടും​ബ​വു​മോ, ഞങ്ങൾ യഹോ​വയെ സേവി​ക്കും” എന്നു പറയു​ക​യും ചെയ്‌തു. അതുതന്നെ ചെയ്യു​മെന്നു ജനം ഉടമ്പടി​ചെ​യ്‌തു. (യോശുവ 24:1, 15-18, 25) എന്നാൽ അവർ യഥാർത്ഥ​ത്തിൽ അങ്ങനെ ചെയ്യു​മോ?

അതിന്റെ ഉത്തരം ശമര്യ​സ്‌ത്രീ​യു​മാ​യുള്ള യേശു​വി​ന്റെ സംഭാ​ഷണം മനസ്സി​ലാ​ക്കാൻ നിങ്ങളെ സഹായി​ച്ചേ​ക്കാം. അബ്രഹാ​മും യാക്കോ​ബും യോശു​വ​യും പിന്തു​ടർന്ന സത്യാ​രാ​ധന ഇവിടെ ശമര്യ​യിൽ തുടർന്നില്ല എന്നു നിങ്ങൾക്ക​റി​യാ​മ​ല്ലോ.

വടക്കുള്ള പത്തു ഗോ​ത്രങ്ങൾ വിട്ടു​പോയ ശേഷം അവർ കാളക്കു​ട്ടി​യാ​രാ​ധ​ന​യി​ലേക്കു തിരിഞ്ഞു. അതു​കൊണ്ട്‌, പൊ.യു.മു. (പൊതു​യു​ഗ​ത്തി​നു മുമ്പ്‌) 740-ൽ ഈ പ്രദേശം ജയിച്ച​ട​ക്കാൻ യഹോവ അശ്ശൂര്യ​രെ അനുവ​ദി​ച്ചു. അവർ ജനതയിൽ അധിക​പ​ങ്കി​നെ​യും പിടി​ച്ചു​കൊ​ണ്ടു​പോ​കു​ക​യും അന്യ​ദൈ​വ​ങ്ങളെ ആരാധി​ച്ചി​രുന്ന, അശ്ശൂർ സാമ്രാ​ജ്യ​ത്തി​ലെ മററു​ള്ള​ട​ങ്ങ​ളിൽനി​ന്നുള്ള വിദേ​ശീ​യരെ അവി​ടേക്കു കൊണ്ടു​വന്നു പാർപ്പി​ക്കു​ക​യും ചെയ്‌തു. ആ പുറജാ​തി​ക​ളിൽ ചിലർ ഇസ്ര​യേ​ല്യ​രെ മിശ്ര​വി​വാ​ഹം കഴിക്കു​ക​യും പരിച്‌ഛേ​ദ​ന​പോ​ലുള്ള സത്യാ​രാ​ധ​ന​യു​ടെ ചില ഉപദേ​ശങ്ങൾ പഠിക്കു​ക​യും ചെയ്‌തി​രി​ക്കാ​നി​ട​യുണ്ട്‌. എന്നാൽ തത്‌ഫ​ല​മാ​യു​ണ്ടായ ശമര്യ​രൂ​പ​ത്തി​ലുള്ള ആരാധന തീർച്ച​യാ​യും ദൈവ​ത്തി​നു പൂർണ്ണ​മാ​യും പ്രസാ​ദ​ക​ര​മാ​യി​രു​ന്നില്ല.—2 രാജാ​ക്കൻമാർ 17:7-33.

തങ്ങളുടെ സമ്മിശ്ര ആരാധ​ന​യിൽ, ശമര്യ​ക്കാർ മോശ​യു​ടെ ആദ്യത്തെ അഞ്ചു പുസ്‌ത​ക​ങ്ങ​ളായ പഞ്ചഗ്ര​ന്ഥി​മാ​ത്രമേ തിരു​വെ​ഴു​ത്താ​യി സ്വീക​രി​ച്ചു​ള്ളു. പൊ.യു.മു. ഏതാണ്ടു നാലാം നൂററാ​ണ്ടിൽ യെരൂ​ശ​ലേ​മി​ലെ ദൈവാ​ല​യ​ത്തോ​ടുള്ള മത്സരത്തിൽ ഗെരി​സീം മലയിൽ അവർ ഒരു ആലയം പണിതു. കാല​ക്ര​മ​ത്തിൽ ഗെരി​സീം ആലയം സൂസിന്‌ (അല്ലെങ്കിൽ ജൂപ്പി​ററർ) സമർപ്പി​ക്ക​പ്പെ​ടു​ക​യും ഒടുവിൽ നശിപ്പി​ക്ക​പ്പെ​ടു​ക​യും ചെയ്‌തു. എന്നിട്ടും, ശമര്യ​രു​ടെ ആരാധന തുടർന്നും ഗെരി​സീ​മിൽ കേന്ദ്രീ​ക​രി​ച്ചി​രു​ന്നു.

ഇന്നുവ​രെ​യും ശമര്യ​ക്കാർ ഗെരി​സീ​മിൽ ഒരു വാർഷി​ക​പെ​സഹാ നടത്തുന്നു. അനേകം കുഞ്ഞാ​ടു​കളെ അറക്കുന്നു. രോമം പറി​ച്ചെ​ടു​ക്കാൻ കഴി​യേ​ണ്ട​തി​നു അവയുടെ ഉടലുകൾ തിളക്കുന്ന വെള്ളം നിറച്ച വീപ്പക​ളിൽ മുക്കുന്നു. പിന്നീട്‌ മാംസം മണിക്കൂ​റു​ക​ളോ​ളം നിലവ​റ​ക​ളിൽ വേവി​ക്കു​ന്നു. അർദ്ധരാ​ത്രിക്ക്‌ നൂറു​ക​ണ​ക്കി​നു ശമര്യ​ക്കാർ തങ്ങളുടെ പെസഹാ​ഭ​ക്ഷണം കഴിക്കു​ന്നു, അനേക​രും യെരൂ​ശ​ലേ​മിൽനി​ന്നു വന്നവരാ​യി​രി​ക്കും. ഇടതു​വ​ശത്ത്‌, ഗെരി​സീം​മ​ല​യിൽ ഒരു പെസഹാ ആഘോ​ഷ​ത്തിൽ ഒരു ശമര്യ​മ​ഹാ​പു​രോ​ഹി​തൻ കാർമ്മി​ക​നാ​യി സേവി​ക്കു​ന്നതു നിങ്ങൾക്കു കാണാൻ കഴിയും, അദ്ദേഹ​ത്തി​ന്റെ തല മൂടി​യി​രി​ക്കു​ന്നു.

ശമര്യ​സ്‌ത്രീ യേശു​വി​നോ​ടു പറഞ്ഞതു ഓർക്കുക: “ഞങ്ങളുടെ പിതാ​ക്കൻമാർ ഈ മലയിൽ നമസ്‌ക​രി​ച്ചു​വന്നു [ആരാധിച്ചുവന്നു, NW].” യേശു അവളെ​യും നമ്മെയും തിരുത്തി: “നിങ്ങൾ പിതാ​വി​നെ നമസ്‌ക​രി​ക്കു​ന്നതു ഈ മലയി​ലും അല്ല യെരൂ​ശ​ലേ​മി​ലും അല്ല എന്നുള്ള നാഴിക വരുന്നു. സത്യന​മ​സ്‌കാ​രി​കൾ പിതാ​വി​നെ ആത്മാവി​ലും സത്യത്തി​ലും നമസ്‌ക​രി​ക്കുന്ന നാഴിക വരുന്നു; ഇപ്പോൾ വന്നുമി​രി​ക്കു​ന്നു. തന്നേ നമസ്‌ക​രി​ക്കു​ന്നവർ ഇങ്ങനെ​യു​ള്ളവർ ആയിരി​ക്കേണം എന്നു പിതാവു ഇച്ഛിക്കു​ന്നു. ദൈവം ആത്മാവു ആകുന്നു; അവനെ നമസ്‌ക​രി​ക്കു​ന്നവർ ആത്മാവി​ലും സത്യത്തി​ലും നമസ്‌ക​രി​ക്കേണം.”—യോഹ​ന്നാൻ 4:20-24.

[][അടിക്കു​റിപ്പ്‌]

[24-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[25-ാം പേജിലെ ചിത്ര​ങ്ങൾക്ക്‌ കടപ്പാട്‌]

Garo Nalbandian

Garo Nalbandian