പറുദീ​സ​യോ ചവററു​കൂ​ന​യോ—ഏതാണു നിങ്ങൾ ഇഷ്ടപ്പെ​ടു​ന്നത്‌?

അദ്ദേഹം വിശ്രമം ആവശ്യ​മുള്ള, ഒരു പറുദീ​സാ​ദ്വീ​പിൽ വെയിൽ ആസ്വദി​ക്കാൻ ആകാം​ക്ഷ​യുള്ള, ഒരു യൂറോ​പ്പ്യൻ വിനോ​ദ​സ​ഞ്ചാ​രി​യ​ല്ലാ​തെ മററാ​രെ​ങ്കി​ലു​മാ​ണെന്ന്‌ ആരും തെററി​ദ്ധ​രി​ക്കു​ക​യി​ല്ലാ​യി​രു​ന്നു. കടലോ​ര​ത്തോ​ടു തൊട്ടു​കി​ട​ക്കുന്ന വിശാ​ല​മായ മണൽക്കൂ​നകൾ കടന്ന്‌ ഉപേക്ഷി​ക്ക​പ്പെട്ട കുപ്പി​ക​ളു​ടെ​യും ടിന്നു​ക​ളു​ടെ​യും പ്ലാസ്‌റ​റിക്‌ സഞ്ചിക​ളു​ടെ​യും ചൂയിംഗ്‌ ഗമ്മി​ന്റെ​യും മിഠാ​യി​ക്ക​ട​ലാ​സു​ക​ളു​ടെ​യും പത്രങ്ങ​ളു​ടെ​യും മാസി​ക​ക​ളു​ടെ​യും ഇടയി​ലൂ​ടെ അയാൾ ശ്രദ്ധാ​പൂർവ്വം നടന്നു. സ്‌പഷ്ട​മാ​യി പ്രകോ​പി​ത​നാ​യി, ഇതാണോ താൻ കാണാ​നാ​യി യാത്ര ചെയ്‌തു​വന്ന പറുദീസ എന്ന്‌ അദ്ദേഹം അതിശ​യി​ച്ചു.

നിങ്ങൾക്ക്‌ എന്നെങ്കി​ലും സമാന​മായ ഒരനു​ഭ​വ​മു​ണ്ടാ​യി​ട്ടു​ണ്ടോ? ഏതെങ്കി​ലും പറുദീ​സ​യിൽ പോയി അവധി​ക്കാ​ലം ചെലവ​ഴി​ക്കു​ന്ന​തി​നെ​ക്കു​റിച്ച്‌ ആളുകൾ സ്വപ്‌നം കാണു​ന്ന​തും അവി​ടെ​യെ​ത്തി​ക്ക​ഴി​ഞ്ഞാൽ അവിടം ശരിക്കും ഒരു ചപ്പുച​വ​റു​കൂ​ന​യാ​യി മാററു​ന്ന​തിൽ അവർക്കു യാതൊ​രു മനസ്സാ​ക്ഷി​ക്കു​ത്തു​മി​ല്ലാ​ത്ത​തും എന്തു​കൊ​ണ്ടാണ്‌?

“പറുദീസ”യിൽ മാത്രമല്ല

സൗന്ദര്യം, വൃത്തി, വെടിപ്പ്‌ എന്നിവ​യോ​ടുള്ള ഈ വ്യക്തമായ അവഗണന അനേകം വിനോ​ദ​സ​ഞ്ചാ​രി​കൾ തടിച്ചു​കൂ​ടുന്ന “പറുദീസ”കളിലെ മാത്രം കാര്യമല്ല. മിക്കവാ​റും എല്ലാട​വു​മുള്ള മലിനീ​ക​രണം മൂലം ആധുനിക സമുദാ​യം രൂക്ഷമാ​യി ബാധി​ക്ക​പ്പെ​ട്ടി​രി​ക്ക​യാണ്‌. അനേകം വ്യവസാ​യങ്ങൾ ടൺ കണക്കിനു വിസർജ്ജ്യ​ങ്ങൾ ഉത്‌പാ​ദി​പ്പി​ച്ചു​കൊ​ണ്ടു വമ്പിച്ച​തോ​തിൽ മലിനീ​ക​രി​ക്കു​ക​യാണ്‌. ഉചിത​മാ​യി നീക്കം ചെയ്യ​പ്പെ​ടാത്ത വിഷവി​സർജ്ജ്യ​ങ്ങ​ളും അപകട​ത്തിൽ സംഭവിച്ച എണ്ണതൂ​ക​ലു​ക​ളും നമ്മുടെ ഭൂമി​യു​ടെ വിസ്‌തൃ​ത​മായ ഭാഗങ്ങളെ ജീവി​ത​ത്തിന്‌ അയോ​ഗ്യ​മാ​ക്കും​വി​ധം പാഴാ​ക്കു​മെന്നു ഭീഷണി​പ്പെ​ടു​ത്തു​ന്നു.

യുദ്ധങ്ങ​ളും മലിനീ​ക​രി​ക്കു​ന്നുണ്ട്‌. ലോകം പരി​ഭ്രാ​ന്തി​യോ​ടെ നോക്കി​ക്കൊ​ണ്ടി​രി​ക്കെ, 1991-ലെ പേർഷ്യൻ ഗൾഫ്‌ യുദ്ധം പുതിയ ഒരു മാനം കൂട്ടി​ച്ചേർത്തു. ഇറാക്കി​സേ​നകൾ 600 എണ്ണക്കി​ണ​റു​കൾക്കു മനഃപൂർവ്വം തീ വെച്ചു, ഒരു യൂറോ​പ്പ്യൻ പത്രം വർണ്ണി​ച്ച​പ്ര​കാ​രം കു​വൈ​റ​റി​നെ “വെളി​പ്പാ​ടി​ലെ നരകത്തി​ന്റെ ഒരു ദൃശ്യ​മാ​ക്കി​മാ​റ​റി​ക്കൊ​ണ്ടു”തന്നെ. ജർമ്മൻ മാസി​ക​യായ ജേയോ ഈ അഗ്നി​പ്ര​ള​യത്തെ “മനുഷ്യർ വരുത്തി​ക്കൂ​ട്ടി​യി​ട്ടു​ള്ള​തി​ലേ​ക്കും ഏററവും വലിയ പരിസ്ഥി​തി​വി​നാ​ശം” എന്നു വിളിച്ചു.

യുദ്ധത്തി​നു​ശേ​ഷം ഉടൻ ഒരു ശുദ്ധീ​ക​ര​ണ​ദൗ​ത്യം ആരംഭി​ച്ചു. കത്തുന്ന എണ്ണക്കി​ണ​റു​കൾ അണയ്‌ക്കു​ന്ന​തി​നു​മാ​ത്രം അനേകം മാസത്തെ കഠിന​വേല വേണ്ടി​വന്നു. കു​വൈ​റ​റി​ലെ വർദ്ധിച്ച മലിനീ​ക​രണം അവിടത്തെ മരണനി​രക്കു 10 ശതമാനം വർദ്ധി​പ്പി​ച്ചേ​ക്കാ​മെന്നു ലോകാ​രോ​ഗ്യ​സം​ഘടന റിപ്പോർട്ടു​ചെ​യ്‌തു.

അത്ര അപകട​ക​ര​മ​ല്ലെ​ങ്കി​ലും വളരെ അസ്വസ്ഥ​മാ​ക്കു​ന്നത്‌

വൻതോ​തി​ലുള്ള പരിസ്ഥി​തി​മ​ലി​നീ​ക​ര​ണ​ത്തി​ന്റെ മുന്തി​നിൽക്കു​ന്ന​തും ഘോര​വു​മായ ഓരോ ദൃഷ്ടാ​ന്ത​ത്തി​നും ചെറി​യ​തോ​തി​ലുള്ള ആയിര​ക്ക​ണ​ക്കി​നു ദൃഷ്ടാ​ന്ത​ങ്ങ​ളുണ്ട്‌. പൊതു​സ്ഥ​ല​ങ്ങ​ളിൽ ചപ്പുച​വ​റു​ക​ളി​ടു​ന്ന​വ​രും ചുവരു​ക​ളിൽ കുത്തി​വ​ര​ക്കുന്ന “കലാകാ​രൻമാ​രും” അപകടം കുറഞ്ഞ പ്രദൂ​ഷ​ക​രാ​യി​രു​ന്നേ​ക്കാം, എങ്കിലും ഒരു പറുദീ​സ​യാ​യി​രി​ക്കാ​നുള്ള ഭൂഗ്ര​ഹ​ത്തി​ന്റെ ശക്തി ഇല്ലാതാ​ക്കാൻ അവർ ഇടയാ​ക്കു​ക​തന്നെ ചെയ്യുന്നു.

കുത്തി​വ​ര​കൾ മേലാൽ പൗരൻമാർ ശ്രദ്ധി​ക്കാ​തെ “അവസം​ബ​ന്ധിച്ച്‌ അന്ധരായി”ത്തീരത്ത​ക്ക​വണ്ണം ചിലയി​ട​ങ്ങ​ളിൽ അവ അത്ര സർവ്വസാ​ധാ​ര​ണ​മാണ്‌. അതു ഭൂഗർഭ തീവണ്ടി​ക​ളി​ലും കെട്ടി​ട​ചു​വ​രു​ക​ളി​ലും ടെലി​ഫോൺ ബൂത്തു​ക​ളി​ലും ഉണ്ട്‌. കുത്തി​വ​രകൾ മേലാൽ പൊതു കക്കൂസു​ക​ളിൽ മാത്ര​മാ​യി പരിമി​ത​പ്പെ​ട്ടി​രി​ക്കു​ന്നില്ല.

ചില നഗരങ്ങൾ ജീർണ്ണിച്ച, ഉപേക്ഷി​ക്ക​പ്പെട്ട കെട്ടി​ട​ങ്ങൾകൊ​ണ്ടു നിറഞ്ഞ​വ​യാണ്‌. അധിവാ​സ​പ്ര​ദേ​ശ​ങ്ങളെ വൃത്തി​കെട്ട ഭവനങ്ങ​ളും മുററ​ങ്ങ​ളും കളങ്കം ചാർത്തു​ക​യാണ്‌. ആനന്ദദാ​യ​ക​മാ​യി ആകർഷ​ക​മാ​യി​രി​ക്കു​മാ​യി​രുന്ന കൃഷി​യി​ട​ങ്ങ​ളിൽ പൊട്ടി​പ്പൊ​ളിഞ്ഞ കാറു​ക​ളും ഉപേക്ഷി​ക്ക​പ്പെട്ട യന്ത്രങ്ങ​ളും ജീർണ്ണാ​വ​ശി​ഷ്ട​ങ്ങ​ളും കൂടി​ക്കി​ട​ക്കു​ക​യാണ്‌.

ചിലയി​ട​ങ്ങ​ളിൽ ആളുകൾ തങ്ങളുടെ ശരീരം അശുദ്ധ​വും വെടി​പ്പി​ല്ലാ​ത്ത​തു​മാ​യി​രി​ക്കു​ന്ന​തിൽ യാതൊ​രു വിചാ​ര​വു​മി​ല്ലാ​ത്ത​വ​രാ​ണെന്നു തോന്നു​ന്നു. പ്രാകൃ​ത​വേ​ഷ​ത്തി​ലും ചമയത്തി​ലും ചുററി​ക്ക​റ​ങ്ങി​ന​ട​ക്കു​ന്നത്‌ സ്വീകാ​ര്യ​മാ​ണെന്നു മാത്രമല്ല ഫാഷനും​കൂ​ടി ആയിരി​ക്കാം. വൃത്തി​യെ​യും വെടി​പ്പി​നെ​യും വിലമ​തി​ക്കു​ന്ന​വരെ അറുപ​ഴ​ഞ്ചൻമാ​രാ​യാ​ണു വീക്ഷി​ക്കു​ന്നത്‌.

എന്തൊരു വമ്പിച്ച​വേല!

നമ്മുടെ ഭൗമിക ഗൃഹത്തി​ലെ ബീച്ചു​ക​ളെ​യും കാടു​ക​ളെ​യും പർവ്വത​ങ്ങ​ളെ​യും തിളങ്ങുന്ന ടൂറി​സ്‌ററു മാസി​ക​ക​ളു​ടെ പുറം​ച​ട്ട​ക​ളിൽ ചിത്രീ​ക​രി​ച്ചി​രി​ക്കുന്ന പറുദീ​സ​ക​ളാ​യി രൂപാ​ന്ത​ര​പ്പെ​ടു​ത്താൻ എന്തൊരു വമ്പിച്ച ശുദ്ധീ​ക​ര​ണ​പ്ര​സ്ഥാ​ന​മാ​യി​രി​ക്കും വേണ്ടി​വ​രിക—നഗരങ്ങ​ളെ​യും പട്ടണങ്ങ​ളെ​യും കൃഷി​യി​ട​ങ്ങ​ളെ​യും ആളുക​ളെ​ത്ത​ന്നെ​യും എന്തു ചെയ്യണ​മെന്നു പറയു​കയേ വേണ്ട!

നഷ്ടാവ​ശി​ഷ്ട​ങ്ങ​ളി​ലെ വലിപ്പ​മേ​റി​യ​വ​യൊ​ക്കെ നീക്കം ചെയ്‌തു​കൊണ്ട്‌ ഒരു ശുദ്ധീ​ക​ര​ണ​സം​ഘം ആ ദിവസം മറെറാ​രു സമയത്ത്‌ അതുവഴി കടന്നു​പോ​യതു കണ്ടതിൽ നേരത്തെ പറഞ്ഞ ആ വിനോ​ദ​സ​ഞ്ചാ​രി സന്തുഷ്ട​നാ​യി. എന്നിരു​ന്നാ​ലും, അവർ കുപ്പി​ച്ചി​ല്ലു​ക​ളും കുപ്പി​യ​ട​പ്പു​ക​ളും പാത്ര​ക്കു​ഴ​ക​ളും ഒട്ടനവധി സിഗര​റ​റു​കു​റ​റി​ക​ളും പിന്നിൽവി​ട്ടി​ട്ടു​പോ​യി. അതു​കൊണ്ട്‌ ഒരു ശുദ്ധീ​ക​ര​ണ​ത്തി​നു​ശേ​ഷ​വും ആ പ്രദേ​ശ​ത്തിന്‌ ഒരു പറുദീ​സ​യെ​ക്കാൾ ഒരു ചപ്പുച​വ​റു​കൂ​ന​യോ​ടാണ്‌ ഏറെ ബന്ധമെ​ന്ന​തി​നു ധാരാളം തെളി​വു​ക​ളു​ണ്ടാ​യി​രു​ന്നു.

ഒരു ആഗോള ചവററു​കൂ​ന​യാ​യി​ത്തീ​രു​ന്ന​തിൽനിന്ന്‌ ഈ ഗ്രഹത്തെ രക്ഷിക്കു​ന്ന​തി​നുള്ള ഒരു ആഗോള ശുദ്ധീ​ക​ര​ണ​ത്തിന്‌ ഇത്തരത്തി​ലുള്ള സകല തടസ്സങ്ങ​ളു​ടെ​യും കണികകൾ നീക്കം ചെയ്യേ​ണ്ടത്‌ ആവശ്യ​മാണ്‌. ഇത്തരം ഒരു ശുദ്ധീ​ക​രണം നടക്കു​മെന്ന്‌ എന്തെങ്കി​ലും പ്രതീ​ക്ഷ​ക​ളു​ണ്ടോ? ഉണ്ടെങ്കിൽ എങ്ങനെ? ആർ അതു നടപ്പി​ലാ​ക്കും? എപ്പോൾ?