സമീപ​ഭാ​വി​യി​ലെ ശുദ്ധി​യുള്ള ഭൂമി​യെ​ക്കു​റി​ച്ചു സന്തോ​ഷി​ക്കുക!

ക്രമത്തി​ന്റെ​യും ശുദ്ധി​യു​ടെ​യും ദൈവ​മായ യഹോവ ഭൂമിയെ ഒരു ആഗോള പറുദീ​സ​യാ​യി മാററാ​നുള്ള തന്റെ ആദി​മോ​ദ്ദേ​ശ്യം നിറ​വേ​റ​റു​മെ​ന്ന​തിൽ നമുക്ക്‌ എത്ര സന്തുഷ്ട​രാ​യി​രി​ക്കാൻ കഴിയും! (യെശയ്യാ​വു 11:6-9) “എന്റെ വായിൽനി​ന്നു പുറ​പ്പെ​ടുന്ന എന്റെ വചനം . . . വെറുതെ എന്റെ അടുക്ക​ലേക്കു മടങ്ങി​വ​രാ​തെ എനിക്കു ഇഷ്ടമു​ള്ളതു നിവർത്തി​ക്ക​യും ഞാൻ അയച്ച കാര്യം സാധി​പ്പി​ക്ക​യും ചെയ്യും” എന്ന്‌ അവിടു​ന്നു വാഗ്‌ദത്തം ചെയ്യുന്നു. “ദൈവ​ത്തി​നു ഭോഷ്‌കു പറയാൻ അസാദ്ധ്യ”മാണ്‌, അതിനാൽ ഇതൊ​ന്നും വ്യർത്ഥ വാക്കു​കളല്ല.—യെശയ്യാ​വു 55:11; എബ്രായർ 6:18, NW.

തിരി​ച്ചു​വ​രാൻ പററാത്ത, മേലാൽ പരിസ്ഥി​തി​വി​നാ​ശം ഒഴിവാ​ക്കുക അസാദ്ധ്യ​മായ, ഒരു ഘട്ടം വരെ മനുഷ്യർ ചെന്നെ​ത്തു​ന്ന​തി​നു മുമ്പു യഹോവ സ്‌നേ​ഹ​പൂർവ്വം ഇടപെ​ടു​മെ​ന്ന​തിൽ നമുക്ക്‌ ആശ്വസി​ക്കാം!—വെളി​പ്പാ​ടു 11:18.

പശ്ചാത്താ​പ​മി​ല്ലാ​തെ, അനിയ​ന്ത്രി​ത​മാ​യി മലിനീ​ക​രണം നടത്തു​ന്ന​വ​രെ​യും തന്റെ തത്ത്വങ്ങ​ളായ ക്രമ​ത്തെ​യും ശുചി​ത്വ​ത്തെ​യും മത്സരപൂർവ്വം അവഗണി​ക്കു​ന്ന​വ​രെ​യും യഹോവ നീക്കം ചെയ്യും. പുനഃ​സ്ഥി​തീ​ക​രി​ക്ക​പ്പെട്ട പറുദീ​സയെ അപകട​പ്പെ​ടു​ത്താൻ മേലാൽ ആരെയും അനുവ​ദി​ക്കു​ക​യില്ല.—സദൃശ​വാ​ക്യം 2:20-22.

ദൈവ​രാ​ജ്യ​ഭ​ര​ണ​കാ​ലത്ത്‌, യേശു​ക്രി​സ്‌തു​വി​ന്റെ മാർഗ്ഗ​നിർദ്ദേ​ശ​ത്തിൻ കീഴിൽ, ഭൗതിക മലിനീ​ക​ര​ണ​ത്തി​ന്റെ അവശേ​ഷി​ക്കുന്ന ഏതു കാരണ​ങ്ങ​ളെ​യും പിഴു​തെ​റി​യാൻ മനുഷ്യർ അഭ്യസി​പ്പി​ക്ക​പ്പെ​ടും. അപ്പോ​ഴാണ്‌—ഇപ്പോഴല്ല—മുമ്പെ​ങ്ങും ഉണ്ടായി​ട്ടി​ല്ലാത്ത ഒരു ആഗോള ശുദ്ധീ​ക​ര​ണ​ത്തി​നു സംഭാവന ചെയ്യുന്ന വ്യക്തി​പ​ര​വും സമൂഹ​പ​ര​വു​മായ നടപടി​ക​ളിൽ സകല ദൈവ​ദാ​സൻമാ​രും ഉത്സാഹ​ത്തോ​ടെ ഏർപ്പെ​ടേ​ണ്ടത്‌ അടിയ​ന്തി​ര​മാ​യി​ത്തീ​രു​ന്നത്‌.—യെഹെ​സ്‌കേൽ 39:8-16 താരത​മ്യം ചെയ്യുക.

ഇപ്പോ​ഴ​ത്തെ ദുഷ്ടവ്യ​വ​സ്ഥി​തി​യു​ടെ അന്ത്യത്തെ അതിജീ​വി​ക്കു​ന്നവർ ഇന്നത്തെ ആത്മീയ ശുദ്ധീ​കരണ പ്രസ്ഥാ​ന​ത്തിൽ പങ്കെടു​ക്കുന്ന അതേ അർപ്പണ​മ​നോ​ഭാ​വ​ത്തോ​ടും ഉത്സാഹ​ത്തോ​ടും​കൂ​ടെ​ത്തന്നെ ഈ ഭൗതിക ശുദ്ധീ​കരണ പരിപാ​ടി​യെ​യും പിന്താ​ങ്ങും.—സങ്കീർത്തനം 110:3.

ദൈവ​രാ​ജ്യ​ത്താൽ നടത്ത​പ്പെ​ടുന്ന എന്നത്തേ​ക്കാ​ളും വലിയ ശുദ്ധീ​കരണ പ്രസ്ഥാ​ന​ത്തെ​ത്തു​ടർന്ന്‌ ഒരു ശുദ്ധീ​ക​രി​ക്ക​പ്പെട്ട ഭൂമി വരു​മെ​ന്നു​ള്ളതു തീർച്ച​യാണ്‌. മലിനീ​ക​ര​ണ​ത്തി​ന്റെ സകല കണിക​ക​ളും നീക്ക​പ്പെ​ടും. ഒരിട​ത്തും ഒരു കുത്തി​വ​ര​യും ഉണ്ടായി​രി​ക്കില്ല. ഏതെങ്കി​ലും ബിച്ചിൽ അല്ലെങ്കിൽ പറുദീ​സാ​തു​ല്യ​മായ സ്ഥലത്ത്‌ ഉപേക്ഷി​ക്ക​പ്പെട്ട കുപ്പി​ക​ളോ ടിന്നു​ക​ളോ പ്ലാസ്‌റ​റിക്‌ സഞ്ചിക​ളോ ചൂയിംഗ്‌ ഗമ്മോ മിഠാ​യി​ക്ക​ട​ലാ​സു​ക​ളോ പത്രങ്ങ​ളോ മാസി​ക​ക​ളോ മേലാൽ കൂടി​ക്കി​ട​ക്കില്ല.

സമീപ​ഭാ​വി​യി​ലെ ശുദ്ധി​യുള്ള ഭൂമി​യെ​ക്കു​റി​ച്ചു സന്തോ​ഷി​ക്കുക!

[7-ാം പേജിലെ ചിത്രം]

വരാനിരിക്കുന്ന ആഗോള ശുദ്ധീ​ക​ര​ണ​വേ​ല​യിൽ നിങ്ങൾ പങ്കെടു​ക്കു​മോ?