വായന​ക്കാ​രിൽനി​ന്നുള്ള ചോദ്യ​ങ്ങൾ

ക്രിസ്‌ത്യാനികൾ പന്തയം വയ്‌ക്കു​ന്നി​ല്ലാ​ത്ത​തി​നാൽ അവർക്കു തങ്ങൾ സമ്മാനം നേടി​യേ​ക്കാ​വുന്ന നറു​ക്കെ​ടു​പ്പു​ക​ളിൽ ടിക്കററു സ്വീക​രി​ക്കു​ന്ന​തി​നോ പങ്കെടു​ക്കു​ന്ന​തി​നോ പററു​മോ?

ഇതു പലപ്രാ​വ​ശ്യം ഉയർന്നു​വ​ന്നി​ട്ടുള്ള ഒരു ചോദ്യ​മാണ്‌, അതു​കൊണ്ട്‌ നമ്മുടെ പ്രസി​ദ്ധീ​ക​ര​ണങ്ങൾ നേര​ത്തെ​തന്നെ അതിന്‌ ഉത്തരം നൽകി​യി​ട്ടുണ്ട്‌. ചില ഭാഷക​ളിൽ വാച്ച്‌ ടവർ പബ്‌ളി​ക്കേഷൻ ഇൻഡക്‌സ്‌ 1930-1985പോലെ നമ്മുടെ സാഹി​ത്യ​ങ്ങ​ളു​ടെ സൂചിക (സമാന​മാ​യി 1986-1990-ലെ മറെറാ​ന്നും) നാം ലഭ്യമാ​ക്കി​ത്തീർത്തി​ട്ടുണ്ട്‌. ഒരു ക്രിസ്‌ത്യാ​നിക്ക്‌ അത്തരം സൂചി​കകൾ തന്റെ ഭാഷയിൽ ഉണ്ടെങ്കിൽ തൃപ്‌തി​ക​ര​മായ ഉത്തരങ്ങൾ പെട്ടെന്നു കണ്ടുപി​ടി​ക്കു​വാൻ ഇതു സഹായി​ക്കും.

മുകളിൽ ചോദി​ച്ചി​രി​ക്കുന്ന ചോദ്യം ഒരു ദൃഷ്ടാ​ന്ത​മാണ്‌. “വായന​ക്കാ​രിൽനി​ന്നുള്ള ചോദ്യ​ങ്ങൾ” എന്ന തലക്കെ​ട്ടിൻകീ​ഴിൽ “‘നറു​ക്കെ​ടുപ്പ്‌,’ ക്രിസ്‌ത്യാ​നി​കൾക്കു ടിക്കററു സ്വീക​രി​ക്കാ​മോ?” എന്ന ഉപതല​ക്കെട്ട്‌ 1930-1985-ലെ സൂചി​ക​യിൽ നോക്കി​യാൽ ഒരുവനു കാണാൻ കഴിയും. ഫെബ്രു​വരി 15, 1973-ലെ വാച്ച്‌ട​വ​റ​ന്റെ 127-ാം പേജിൽ “വായന​ക്കാ​രിൽനി​ന്നുള്ള ചോദ്യങ്ങ”ളിലേക്കു വായന​ക്കാ​രനെ തിരി​ച്ചു​വി​ടു​ന്നു.a അനേകം സാക്ഷി​കൾക്കും 1973-ലെ വാച്ച്‌ട​വ​റ​ന്റെ ബൗണ്ട്‌ വാല്യം (അല്ലെങ്കിൽ ഒററയായ ലക്കങ്ങൾ) ഉണ്ട്‌, അല്ലെങ്കിൽ പല രാജ്യ​ഹാ​ളു​ക​ളി​ലെ​യും ലൈ​ബ്ര​റി​ക​ളിൽ അന്വേ​ഷി​ക്കാ​വു​ന്ന​താണ്‌.

ഭാഗ്യ​പ​രീ​ക്ഷ​ണ​മോ (ഭാഗ്യ​ക്കു​റി​മാ​തി​രി) എന്തെങ്കി​ലും സമ്മാനം നേടാ​നാ​യി ടിക്കററു വില​കൊ​ടു​ത്തു വാങ്ങു​ന്ന​തോ ഉൾപ്പെ​ടുന്ന എതെങ്കി​ലും പന്തയമോ നറു​ക്കെ​ടു​പ്പോ ക്രിസ്‌ത്യാ​നി​കൾ കൃത്യ​മാ​യി ഉപേക്ഷി​ക്കേ​ണ്ട​തുണ്ട്‌ എന്ന്‌ 1973-ൽ പ്രസി​ദ്ധീ​ക​രിച്ച ചർച്ച സൂചി​പ്പി​ച്ചു. ലളിത​മാ​യി പറഞ്ഞാൽ അത്യാർത്തി​യു​ടെ പ്രകട​ന​മായ ചൂതാട്ടം നാം ഉപേക്ഷി​ക്കു​ന്നു.—1 കൊരി​ന്ത്യർ 5:11; 6:10; എഫെസ്യർ 4:19; 5:3, 5.

എന്നിരു​ന്നാ​ലും ഒരു കടയോ വ്യവസാ​യ​സ്ഥാ​പ​ന​മോ പരസ്യ​ത്തി​ന്റെ ഉപാധി​യാ​യി നറു​ക്കെ​ടു​പ്പു നടത്തി​യേ​ക്കാം. ഒരു വ്യക്തി ആകെ ചെയ്യേ​ണ്ടത്‌ എന്തെങ്കി​ലും വാങ്ങാ​തെ​തന്നെ തന്റെ പേരോ ഒരു ഫാറമോ ടിക്ക​റേറാ അയച്ചു​കൊ​ടു​ക്കു​ക​യാണ്‌. നറു​ക്കെ​ടുപ്പ്‌ പരസ്യ​പ​ദ്ധ​തി​യു​ടെ ഭാഗമാണ്‌; ആർക്കു സമ്മാനം അഥവാ സമ്മാനങ്ങൾ കൊടു​ക്ക​ണ​മെന്നു തീരു​മാ​നി​ക്കു​ന്ന​തി​നുള്ള നിഷ്‌പ​ക്ഷ​മായ ഒരു രീതി​യാ​യി​രി​ക്കാ​നാണ്‌ ഇതിനു രൂപം​കൊ​ടു​ത്തി​രി​ക്കു​ന്നത്‌. ചൂതാട്ടം ഉൾപ്പെ​ടാത്ത ഒരു നറു​ക്കെ​ടു​പ്പിൽ സമ്മാനം സ്വീക​രി​ക്കാം എന്നു ചില ക്രിസ്‌ത്യാ​നി​കൾ വിചാ​രി​ച്ചേ​ക്കാം, ഒരു കടയോ വ്യവസാ​യ​സ്ഥാ​പ​ന​മോ തങ്ങളുടെ പരസ്യ പരിപാ​ടി​ക​ളിൽ ഉപയോ​ഗി​ക്കുന്ന സൗജന്യ സാമ്പി​ളു​ക​ളും മററു സമ്മാന​ങ്ങ​ളും തങ്ങൾക്കു സ്വീക​രി​ക്കാ​മെ​ന്ന​പോ​ലെ​തന്നെ.

എന്നിരു​ന്നാ​ലും ചില ക്രിസ്‌ത്യാ​നി​കൾ മററു​ള്ള​വർക്ക്‌ ഇടർച്ച​യും കുഴച്ചി​ലും ഉണ്ടാക്കാൻ ആഗ്രഹി​ക്കാ​തെ​യും ഭാഗ്യ​ദേവത എന്ന്‌ അറിയ​പ്പെ​ടു​ന്ന​തിൽ വിശ്വ​സി​ക്കു​വാൻ വശീക​രി​ക്ക​പ്പെ​ടു​ന്ന​തിൽനി​ന്നും അകന്നി​രി​ക്കു​ന്ന​തി​നു​മാ​യി ഈ വിധത്തി​ലുള്ള എന്തി​നെ​യും ത്യജി​ച്ചേ​ക്കാം. ദൈവ​ത്തി​ന്റെ ദാസൻമാർ, യെശയ്യാവ്‌ 65:11, [NW] കാണി​ക്കു​ന്ന​പ്ര​കാ​രം “ഭാഗ്യ​ദൈവ”ത്തോടൊ “വിധി​ദൈവ”ത്തോടൊ ബന്ധപ്പെ​ടാൻ ആഗ്രഹി​ക്കു​ന്നില്ല. തങ്ങൾ ജേതാക്കൾ പങ്കി​ടേ​ണ്ട​താ​യി​ട്ടുള്ള ഏതെങ്കി​ലും പരസ്യ​ത്തി​ന്റെ ഭാഗമാ​യി​രി​ക്ക​രു​തെ​ന്നും അവർക്കു തോന്നി​യേ​ക്കാം. ഇപ്രകാ​രം തോന്നു​ന്നവർ, ഈ രീതി​യി​ലുള്ള നറു​ക്കെ​ടു​പ്പിൽ ഉൾപ്പെ​ടാൻ മനസ്സാക്ഷി അനുവ​ദി​ക്കുന്ന ഒരു ക്രിസ്‌ത്യാ​നി​യെ​യോ ക്രിസ്‌ത്യാ​നി​ക​ളെ​യോ തീർച്ച​യാ​യും വിമർശി​ക്കു​ന്ന​വ​രാ​യി​രി​ക്ക​രുത്‌.—റോമർ 14:1-4.

അടിക്കുറിപ്പ്‌]