നിങ്ങളു​ടെ ആരാധ​നാ​സ്ഥ​ലത്തെ നിങ്ങൾ ആദരി​ക്കു​ന്നു​വോ?

“സുവി​ശേ​ഷ​ത്തി​ന്റെ ശൈശ​വ​ത്തിൽതു​ടങ്ങി എല്ലാക്കാ​ല​വും ക്രിസ്‌ത്യാ​നി​കൾക്ക്‌ അവരുടെ ദിവ്യാ​രാ​ധ​ന​ക്കാ​യുള്ള സുസ്ഥി​ര​വും സുനി​ശ്ചി​ത​വു​മായ സ്ഥലം ഉണ്ടായി​രു​ന്നി​ട്ടുണ്ട്‌.”—വില്യം കേവി​നാ​ലുള്ള “പ്രാചീന ക്രിസ്‌ത്യാ​നി​ത്വം” (“Primitive Christianity” by William Cave)

ആരാധ​ന​ക്കാ​യി കൂടി​വ​രു​ന്ന​തിൽ ദൈവ​ത്തി​ന്റെ ജനങ്ങൾ എല്ലായ്‌പോ​ഴും ഉല്ലാസം കണ്ടെത്തി​യി​ട്ടുണ്ട്‌. ഇപ്പോ​ഴെ​ന്ന​പോ​ലെ ഒന്നാം നൂററാ​ണ്ടി​ലും ഇതു വാസ്‌ത​വ​മാ​യി​രു​ന്നു. ലൂസി​യ​നും ക്ലെമൻറും ജെസ്‌റ​റിൻ മാർട്ടി​റും തെർത്തു​ല്യ​നും പോ​ലെ​യുള്ള ആദിമ എഴുത്തു​കാ​രും വേദശാ​സ്‌ത്രി​മാ​രും എല്ലാം ക്രിസ്‌ത്യാ​നി​കൾക്കു പതിവാ​യി ആരാധ​നക്കു കൂടി​വ​രു​ന്ന​തി​നുള്ള പ്രത്യേക സ്ഥലങ്ങളു​ണ്ടാ​യി​രു​ന്നു​വെന്നു സമ്മതി​ക്കു​ന്നു.

ക്രിസ്‌ത്യാ​നി​ക​ളു​ടെ കൂട്ടങ്ങ​ളാൽ നടത്തപ്പെട്ട പതിവായ യോഗ​ങ്ങ​ളു​ടെ നിരവധി സൂചനകൾ നൽകി​ക്കൊ​ണ്ടു ബൈബിൾ ഇതേ ആശയത്തെ സംസ്ഥാ​പി​ക്കു​ന്നു. ഈ കൂട്ടങ്ങൾ സഭകൾ എന്ന്‌ അറിയ​പ്പെ​ട്ടി​രു​ന്നു. ഇത്‌ അനു​യോ​ജ്യ​മാണ്‌, കാരണം “സഭ” എന്ന പദം ബൈബി​ളി​ന്റെ മൂലഭാ​ഷ​യിൽ ഒരു പ്രത്യേക ഉദ്ദേശ്യ​ത്തി​നോ പ്രവർത്ത​ന​ത്തി​നോ വേണ്ടി കൂട്ടി​ച്ചേർക്ക​പ്പെട്ട ആളുക​ളു​ടെ ഒരു കൂട്ടത്തെ കുറി​ക്കു​ന്നു.

ആദ്യകാ​ലത്തെ ക്രിസ്‌തീയ ആരാധ​നാ​സ്ഥ​ല​ങ്ങൾ

ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾ കൂടി​വ​രു​മ്പോൾ അവർ എന്തു​ചെ​യ്‌തി​രു​ന്നു? ബൈബിൾ അപ്രകാ​ര​മുള്ള അനേകം യോഗ​ങ്ങ​ളെ​ക്കു​റി​ച്ചു വിവരി​ക്കു​ക​യും പഠിപ്പി​ക്കൽ ഒരു പ്രധാന സവി​ശേ​ഷ​ത​യാ​യി​രു​ന്നു​വെന്നു കാണി​ക്കു​ക​യും ചെയ്യുന്നു. (പ്രവൃ​ത്തി​കൾ 2:42; 11:26; 1 കൊരി​ന്ത്യർ 14:19, 26) പ്രസം​ഗങ്ങൾ, പ്രോ​ത്സാ​ഹ​ജ​ന​ക​മായ അനുഭ​വ​ങ്ങ​ളു​ടെ വിവരണം, യെരു​ശ​ലേ​മി​ലെ ഭരണസം​ഘ​ത്തിൽനി​ന്നോ ഒരു അപ്പോ​സ്‌ത​ല​നിൽനി​ന്നോ ലഭിച്ച കത്തുക​ളു​ടെ സൂക്ഷ്‌മ​മായ പരിചി​ന്തനം മുതലായ സംഗതി​ക​ളോ​ടു​കൂ​ടെ വിദ്യാ​ഭ്യാ​സ​പ​രി​പാ​ടി​കൾ ക്രമീ​ക​രി​ച്ചി​രു​ന്നു.

അപ്രകാ​ര​മു​ള്ള ഒരു കത്ത്‌ അന്ത്യോ​ക്യ​യിൽ ഒരു കൂട്ടം ക്രിസ്‌ത്യാ​നി​കളെ വായി​ച്ചു​കേൾപ്പി​ച്ച​ശേഷം യൂദയും ശീലാ​സും “പല വചനങ്ങ​ളാ​ലും സഹോ​ദ​രൻമാ​രെ പ്രബോ​ധി​പ്പി​ച്ചു ഉറപ്പിച്ചു” എന്നു പ്രവൃ​ത്തി​കൾ 15:22-35-ൽ നാം വായി​ക്കു​ന്നു. പൗലോ​സും ബർന്നബാ​സും അന്ത്യോ​ക്യ​യിൽ എത്തിയ​ശേഷം “സഭയെ ഒരുമി​ച്ചു​കൂ​ട്ടി, ദൈവം തങ്ങളോ​ടു​കൂ​ടെ ഇരുന്നു ചെയ്‌ത​തൊ​ക്കെ​യും . . . അറിയി​ച്ചു” എന്നു മറെറാ​രു വിവരണം പറയുന്നു. യഹോ​വ​യോ​ടുള്ള പ്രാർഥ​ന​യും ക്രിസ്‌തീ​യ​യോ​ഗ​ങ്ങ​ളു​ടെ ഒരു പ്രധാന സവി​ശേ​ഷ​ത​യാ​യി​രു​ന്നു.—പ്രവൃ​ത്തി​കൾ 14:27.

ഒന്നാം നൂററാ​ണ്ടി​ലെ സഭകൾ ആരാധ​ന​യ്‌ക്കാ​യി കൂടി​വ​ന്നി​രു​ന്നത്‌ ഇന്നു ക്രൈ​സ്‌ത​വ​ലോ​ക​ത്തി​ലെ അനേകം പള്ളികൾപോ​ലെ​യുള്ള പരിഷ്‌കൃത മന്ദിര​ങ്ങ​ളിൽ ആയിരു​ന്നില്ല. അധിക​വും ക്രിസ്‌ത്യാ​നി​കൾ സ്വകാര്യ ഭവനങ്ങ​ളിൽ കൂടി​വന്നു. (റോമർ 16:5; 1 കൊരി​ന്ത്യർ 16:19; കൊ​ലൊ​സ്സ്യർ 4:15; ഫിലേ​മോൻ 2) മിക്ക​പ്പോ​ഴും ഒരു സ്വകാ​ര്യ​ഭ​വ​ന​ത്തി​ന്റെ മേൽത്ത​ട്ടോ മാളി​ക​മു​റി​യോ ആണ്‌ ഉപയോ​ഗി​ച്ചി​രു​ന്നത്‌. കർത്താ​വി​ന്റെ സന്ധ്യാ​ഭ​ക്ഷണം നടന്നത്‌ ഒരു മാളി​ക​മു​റി​യി​ലാ​യി​രു​ന്നു. പെന്തെ​ക്കോ​സ്‌തു നാളിൽ 120 ശിഷ്യൻമാർ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ട്ട​തും ഒരു മാളി​ക​മു​റി​യിൽവെ​ച്ചാ​യി​രു​ന്നു.—ലൂക്കൊസ്‌ 22:11, 12, 19, 20; പ്രവൃ​ത്തി​കൾ 1:13, 14; 2:1-4; 20:7, 9.

അപ്പോ​സ്‌ത​ലൻമാർ സ്ഥാപിച്ച മാതൃക ഇന്നു യഹോ​വ​യു​ടെ സാക്ഷികൾ പിൻപ​റ​റു​ന്നു. അവർ രാജ്യ​ഹാ​ളു​കൾ എന്നറി​യ​പ്പെ​ടുന്ന യോഗ​സ്ഥ​ലങ്ങൾ ഉപയോ​ഗി​ക്കു​ന്നു. അവിടെ അവർ ദൈവ​രാ​ജ്യ​ത്തി​ന്റെ സുവാർത്ത​യു​ടെ പ്രസം​ഗ​ക​രാ​യി പരിശീ​ലി​പ്പി​ക്ക​പ്പെ​ടു​ന്നു. (മത്തായി 24:14) രാജ്യ​ഹാ​ളിൽ അവർ തിരു​വെ​ഴു​ത്തു​കൾ പഠിക്കു​ക​യും പ്രാർഥി​ക്കു​ക​യും പരസ്‌പരം പ്രോ​ത്സാ​ഹി​പ്പി​ക്കു​ക​യും ചെയ്യുന്നു. ഇത്‌ എബ്രായർ 10:24, 25-ലെ ബൈബിൾ പ്രബോ​ധ​ന​ത്തി​നു ചേർച്ച​യി​ലാണ്‌: “ചിലർ ചെയ്യു​ന്ന​തു​പോ​ലെ നമ്മുടെ സഭാ​യോ​ഗ​ങ്ങളെ ഉപേക്ഷി​ക്കാ​തെ തമ്മിൽ പ്രബോ​ധി​പ്പി​ച്ചു​കൊ​ണ്ടു സ്‌നേ​ഹ​ത്തി​നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ അന്യോ​ന്യം സൂക്ഷി​ച്ചു​കൊൾക. നാൾ സമീപി​ക്കു​ന്നു എന്നു കാണും​തോ​റും അതു അധിക​മ​ധി​ക​മാ​യി ചെയ്യേ​ണ്ട​താ​കു​ന്നു.”

നമ്മുടെ ആരാധ​നാ​സ്ഥ​ലത്തെ യഥാ​യോ​ഗ്യം ഉപയോ​ഗി​ക്കൽ

“ദൈവം കലക്കത്തി​ന്റെ ദൈവമല്ല സമാധാ​ന​ത്തി​ന്റെ ദൈവ​മ​ത്രേ” എന്നും “സകലവും ഉചിത​മാ​യും ക്രമമാ​യും നടക്കട്ടെ” എന്നും ഉള്ള അപ്പോ​സ്‌ത​ല​നായ പൗലോ​സി​ന്റെ വാക്കുകൾ നിങ്ങൾ അനുസ്‌മ​രി​ക്കു​ന്നു​ണ്ടോ? ഈ വാക്കു​ക​ളു​ടെ സന്ദർഭം പരി​ശോ​ധി​ച്ചാൽ ക്രിസ്‌തീയ യോഗങ്ങൾ നടത്തേണ്ട രീതി​യെ​പ്പ​ററി പൗലോസ്‌ ചർച്ച​ചെ​യ്യു​ക​യാ​യി​രു​ന്നു​വെന്നു നിങ്ങൾ കണ്ടെത്തും. അപ്പോ​സ്‌ത​ലിക കാലഘ​ട്ട​ത്തി​ലെ​പ്പോ​ലെ ക്രിസ്‌ത്യാ​നി​കൾ ഇന്ന്‌ അവരുടെ യോഗങ്ങൾ ക്രമീ​കൃ​ത​വും സുസം​ഘ​ടി​ത​വും ആണെന്ന്‌ ഉറപ്പു​വ​രു​ത്തു​ന്നു.—1 കൊരി​ന്ത്യർ 14:26-40.

വാച്ച്‌ട​വ​റി​ന്റെ 1969 ഒക്‌ടോ​ബർ 15-ലെ ലക്കം പ്രസ്‌താ​വി​ച്ചു: “സത്യാ​രാ​ധ​ന​യി​ലും ബൈബിൾ പ്രബോ​ധ​ന​ത്തി​ലും ഉള്ള യഥാർഥ താത്‌പ​ര്യ​ത്തിൽനി​ന്നും ഉത്ഭൂത​മാ​കുന്ന നിർവ്യാ​ജ​മായ ആത്മീയ അന്തരീ​ക്ഷ​മാ​ണു രാജ്യ​ഹാ​ളി​ലേത്‌. ഹാളിലെ വെളി​ച്ച​വും സ്വാഭാ​വിക ചുററു​പാ​ടു​ക​ളും സന്നിഹി​ത​രാ​യി​രി​ക്കു​ന്ന​വരെ തുറന്നു​സം​സാ​രി​ക്കു​ന്ന​തി​നും സൗഹൃ​ദ​മു​ള്ള​വ​രാ​യി​രി​ക്കു​ന്ന​തി​നും പ്രോ​ത്സാ​ഹി​പ്പി​ക്കു​ന്നു, അടി​ച്ചേ​ല്‌പി​ക്കുന്ന ഗോപ്യ​മായ ഒരു അനുഷ്‌ഠാ​നം തടസ്സമു​ണ്ടാ​ക്കു​ന്നില്ല.” രാജ്യ ഹാളിന്റെ ഉപയോ​ഗം എല്ലായ്‌പോ​ഴും ആദരവും അന്തസ്സും പ്രതി​ഫ​ലി​പ്പി​ക്ക​ത്ത​ക്ക​വണ്ണം ശ്രദ്ധ​ചെ​ലു​ത്തു​ക​യും ചെയ്യുന്നു.

ഈ രംഗത്ത്‌ ക്രൈ​സ്‌ത​വ​ലോ​കം കടുത്ത അനാദ​രവു പ്രകട​മാ​ക്കി​യി​രി​ക്കു​ന്നു. ചില മതസ്ഥാ​പ​നങ്ങൾ അവരുടെ ആരാധ​നാ​സ്ഥ​ല​ങ്ങളെ വിനോ​ദ​ത്തി​നു​വേ​ണ്ടി​യുള്ള സാമു​ദാ​യിക കേന്ദ്ര​ങ്ങ​ളാ​യി ഉപയോ​ഗി​ക്കു​ന്നു. മതപര​മായ റോക്ക്‌ സംഗീ​ത​ങ്ങ​ളു​ടെ വാദ്യ​മേ​ള​വും ഭാരോ​ദ്വ​ഹ​ന​ത്തി​നുള്ള മുറി​ക​ളും ബില്യാർഡ്‌ കളിക്കു​ന്ന​തി​നുള്ള മേശക​ളും നേഴ്‌സ​റി​ക​ളും ഉള്ളിൽത്തന്നെ സിനി​മാ​ശാ​ല​യും അവർക്കുണ്ട്‌. ഒരു സഭക്കു തങ്ങളുടെ കാര്യ​പ​രി​പാ​ടി​യു​ടെ ഭാഗമാ​യി ഒരു ഗുസ്‌തി മത്സരവും ഉണ്ടായി​രു​ന്നു. ഇത്‌ അപ്പോ​സ്‌ത​ലൻമാർ വച്ച മാതൃ​ക​യു​മാ​യി ഒട്ടും ചേർച്ച​യി​ലല്ല.

ഒന്നാം നൂററാ​ണ്ടി​ലെ ഏതെങ്കി​ലും സഭ തെററാ​യ​വി​ധം പ്രവർത്തി​ച്ചി​രു​ന്നെ​ങ്കിൽ തിരുത്തൽ അനു​യോ​ജ്യ​മാ​യി​രു​ന്നു. ദൃഷ്ടാ​ന്ത​മാ​യി, കൊരി​ന്ത്യ സഭയിൽ ചിലർ കർത്താ​വി​ന്റെ സന്ധ്യാ​ഭ​ക്ഷണം തീററി​ക്കും കുടി​ക്കു​മുള്ള അവസര​മാ​യി ഉപയോ​ഗി​ച്ചു. അവർ യോഗ​ങ്ങൾക്കു മുമ്പോ അതു നടന്നു​കൊ​ണ്ടി​രി​ക്കു​മ്പോ​ഴോ കഴിക്കു​ന്ന​തി​നാ​യി തങ്ങളുടെ അത്താഴം കൊണ്ടു​വ​രു​മാ​യി​രു​ന്നു, ചിലർ അമിത തീററ​യും അമിത കുടി​യും പോലും നടത്തി​യി​രു​ന്നു. ഇതു തീർത്തും അനുചി​ത​മാ​യി​രു​ന്നു. അപ്പോ​സ്‌ത​ല​നായ പൗലോസ്‌ അവർക്ക്‌ എഴുതി: “തിന്നു​വാ​നും കുടി​പ്പാ​നും നിങ്ങൾക്കു വീടുകൾ ഇല്ലയോ?”—1 കൊരി​ന്ത്യർ 11:20-29.

അപ്പോ​സ്‌ത​ല​നാ​യ പൗലോ​സി​ന്റെ ഉപദേ​ശ​ത്തി​നു ചേർച്ച​യാ​യി യഹോ​വ​യു​ടെ സാക്ഷികൾ വ്യക്തി​പ​ര​മായ കാര്യങ്ങൾ രാജ്യ​ഹാ​ളിൽവെച്ചു നടത്തു​ന്ന​തി​നു​പ​കരം വീട്ടി​ലോ മറെറ​വി​ടെ​യെ​ങ്കി​ലു​മോ​വെച്ചു നടത്തു​ന്ന​തി​നാ​യി പരി​ശ്ര​മി​ക്കു​ന്നു. നമ്മുടെ പതിവാ​യുള്ള യോഗങ്ങൾ ഒരേ സമയത്ത്‌ അനേകം സുഹൃ​ത്തു​ക്കളെ ഒന്നിച്ചു​കാ​ണു​ന്ന​തി​നു സൗകര്യ​പ്ര​ദ​മായ ഒരു അവസരം പ്രദാനം ചെയ്യു​ന്നു​വെ​ന്നതു ശരിതന്നെ. എന്നിരു​ന്നാ​ലും, രാജ്യ​ഹാൾ യഹോ​വ​യ്‌ക്കു സമർപ്പി​ച്ചി​ട്ടു​ള്ള​താണ്‌ അതു​കൊണ്ട്‌, അതു സമ്പൂർണ​മാ​യും അവിടു​ത്തെ ആരാധ​ന​യ്‌ക്കാ​യി ഉപയോ​ഗി​ക്കേ​ണ്ട​തുണ്ട്‌. നമ്മുടെ അവിടത്തെ ഉപസ്ഥിതി ലൗകിക വ്യാപാ​രം നടത്തു​ന്ന​തി​നോ വ്യക്തി​പ​ര​മായ സാമ്പത്തിക ഇടപാ​ടു​കൾ നടത്തു​ന്ന​തി​നോ നാം പ്രയോ​ജ​ന​പ്പെ​ടു​ത്തു​ന്നില്ല.

കൂടാതെ, രാജ്യ​ഹാ​ളു​കൾ വിനോദ കാര്യ​പ​രി​പാ​ടി​ക​ളോ പണപ്പി​രി​വു​കൾക്കാ​യുള്ള പ്രവർത്ത​ന​ങ്ങ​ളോ ശിശു​സം​ര​ക്ഷ​ണം​പോ​ലെ​യുള്ള സാമൂ​ഹി​ക​സേ​വ​ന​ങ്ങ​ളോ നടത്തു​ന്ന​തി​നു​വേണ്ടി ഉപയോ​ഗി​ക്കാ​നു​ള്ളതല്ല. ഒരുവനു വ്യക്തി​പ​ര​വും വ്യാപാ​ര​പ​ര​വും ആയ അത്തരം കാര്യങ്ങൾ നടത്താൻ വേറെ സ്ഥലങ്ങളുണ്ട്‌.

ഒരു രാജ്യ​ഹാ​ളിൽ സഭാം​ഗങ്ങൾ യോഗ​ങ്ങ​ളിൽ വച്ചു കടം വാങ്ങു​ന്ന​തും, കടംവാ​ങ്ങിയ സാമ​ഗ്രി​കൾ തിരി​ച്ചു​കൊ​ടു​ക്കു​ന്ന​തും ഒരു പതിവാ​ക്കു​ന്ന​താ​യി മൂപ്പൻമാർ നിരീ​ക്ഷി​ച്ചു. കൂടാതെ ചലച്ചിത്ര വീഡി​യോ​കാ​സെ​റ​റു​കൾ രാജ്യ​ഹാ​ളിൽവെച്ചു കൈമാ​റുന്ന പതിവും അവർക്കു​ണ്ടാ​യി​രു​ന്നു. ഈ പ്രവർത്തനം വാണിജ്യ സ്വഭാ​വ​മു​ള്ള​വ​യാ​യി​രു​ന്നി​ല്ലെ​ങ്കി​ലും സംഗതി​കൾ സാധ്യ​മാ​കു​ന്നി​ട​ത്തോ​ളം വീട്ടിൽവെച്ചു കൈകാ​ര്യം ചെയ്യു​ന്ന​തി​ന്റെ ജ്ഞാനം കണ്ടെത്തു​ന്ന​തി​നു മൂപ്പൻമാർ അവരെ സഹായി​ച്ചു.

തെററായ ധാരണ നൽകാ​വുന്ന സാഹച​ര്യ​ങ്ങൾ ഒഴിവാ​ക്കു​ന്ന​തി​നും രാജ്യ​ഹാൾ യഥാ​യോ​ഗ്യ​മാണ്‌ ഉപയോ​ഗി​ക്കു​ന്നത്‌ എന്ന്‌ ഉറപ്പു​വ​രു​ത്തു​ന്ന​തി​നും ഓരോ​രു​ത്ത​രും തന്നോ​ടു​തന്നെ ഇങ്ങനെ ചോദി​ക്കേ​ണ്ട​തുണ്ട്‌: ‘വീട്ടിൽ കൈകാ​ര്യം ചെയ്യാ​വുന്ന വ്യക്തി​പ​ര​മായ ഏതെങ്കി​ലും കാര്യങ്ങൾ ഞാൻ രാജ്യ​ഹാ​ളിൽവെച്ചു കൈകാ​ര്യം ചെയ്യാ​റു​ണ്ടോ?’ ദൃഷ്ടാ​ന്ത​മാ​യി, വിനോ​ദ​യാ​ത്ര​ക​ളോ സാമൂ​ഹിക കൂട്ടങ്ങ​ളോ സംഘടി​പ്പി​ക്കു​മ്പോൾ അത്തരം ക്രമീ​ക​ര​ണ​ങ്ങ​ളെ​പ്പ​ററി വീട്ടിൽവച്ചു സംസാ​രി​ക്കു​ന്ന​താ​യി​രി​ക്കി​ല്ലേ നല്ലത്‌? നാം സമ്പർക്കം​പു​ലർത്താൻ ആഗ്രഹി​ക്കു​ന്ന​വ​രു​മാ​യി ടെലി​ഫോ​ണിൽക്കൂ​ടി സംസാ​രി​ക്കു​ക​യോ അവരുടെ വീടുകൾ സന്ദർശി​ക്കു​ക​യോ ചെയ്‌തു​കൂ​ടേ? പൗലോ​സി​ന്റെ വാക്കുകൾ കടമെ​ടു​ത്തു നമുക്ക്‌ ഇങ്ങനെ പറയാൻ കഴിയും: “അത്തരം കാര്യങ്ങൾ കൈകാ​ര്യം ചെയ്യു​ന്ന​തി​നു​വേണ്ടി നമുക്കു തീർച്ച​യാ​യും വീടു​ക​ളുണ്ട്‌, ഇല്ലേ?”

യഹോ​വയെ ആരാധി​ക്കു​ന്ന​തിന്‌ ഒരു നിയമിത സമയവും സ്ഥാനവും

ബൈബി​ളിൽ സഭാ​പ്ര​സം​ഗി 3:1-ൽ ഇപ്രകാ​രം പ്രസ്‌താ​വി​ക്കു​ന്നു: “എല്ലാറ​റി​ന്നും ഒരു സമയമു​ണ്ടു; ആകാശ​ത്തിൻകീ​ഴുള്ള സകലകാ​ര്യ​ത്തി​ന്നും ഒരു കാലം ഉണ്ടു.” രാജ്യ​ഹാ​ളിൽ യോഗ​ങ്ങൾക്കു ഹാജരാ​കു​മ്പോൾ നമുക്കു ക്രിസ്‌തീ​യ​സേ​വ​ന​ത്തോ​ടു ബന്ധപ്പെട്ട പ്രവർത്ത​ന​ങ്ങ​ളിൽ നമ്മെത്തന്നെ മുഴു​വ​നാ​യി നിമഗ്ന​മാ​ക്കാം. അതു യഹോ​വയെ ആരാധി​ക്കു​ന്ന​തി​നുള്ള നിയമിത സമയമാണ്‌.

യേശു​വി​ന്റെ അർധസ​ഹോ​ദ​ര​നായ യാക്കോബ്‌ ക്രിസ്‌തീയ സഭയ്‌ക്കു​ള്ളിൽ പക്ഷപാതം കാണി​ക്കു​ന്ന​തി​നെ​തി​രെ ബുദ്ധ്യു​പ​ദേശം നൽകി. (യാക്കോബ്‌ 2:1-9) ഈ ബുദ്ധ്യു​പ​ദേശം രാജ്യ​ഹാ​ളു​ക​ളിൽ നമുക്ക്‌ എങ്ങനെ ബാധക​മാ​ക്കാം? സാമു​ദാ​യിക കാര്യ​ങ്ങൾക്കാ​യുള്ള ക്ഷണക്കത്ത്‌ അവി​ടെ​വെച്ചു ശ്രദ്ധയാ​കർഷി​ക്കു​മാ​റു വിതരണം ചെയ്യു​മ്പോൾ പക്ഷപാ​ത​ത്തി​ന്റെ തോന്നൽ ഉണ്ടാകാ​വു​ന്ന​താണ്‌. ഒരു സഭയിലെ പതിവ്‌, ഹാജരാ​യി​രി​ക്കു​ന്ന​വർക്ക്‌ അപ്രകാ​ര​മുള്ള ക്ഷണക്കത്തു​കൾ പുസ്‌ത​ക​സ​ഞ്ചി​യിൻമേ​ലോ ബൈബി​ളി​ലോ വയ്‌ക്കു​ക​യാ​യി​രു​ന്നു. ഇതു ക്ഷണക്കത്തു തപാൽവഴി അയക്കു​ക​യോ വീടു​തോ​റും എത്തിച്ചു​കൊ​ടു​ക്കു​ക​യോ ചെയ്യു​ന്ന​തി​നെ​ക്കാൾ വളരെ സൗകര്യ​പ്ര​ദ​മാ​ണെ​ന്നു​ള്ളതു ശരിതന്നെ. എന്നിരു​ന്നാ​ലും, മററു​ള്ള​വർക്കു ക്ഷണം കൊടു​ക്കു​ന്നതു നിരീ​ക്ഷി​ക്കുന്ന ക്ഷണം ലഭിക്കാത്ത വ്യക്തി​കൾക്ക്‌ എന്തു​തോ​ന്നും? ഇതു പക്ഷപാ​ത​ത്തി​ന്റെ തോന്നൽ നൽകി​യേ​ക്കു​മോ?

തീർച്ച​യാ​യും, ആരും രാജ്യ​ഹാ​ളിൽവെച്ചു മറെറാ​രാൾക്കു വ്യക്തി​പ​ര​മായ ഒരു സന്ദേശ​മോ പൊതി​യോ കൈമാ​റാൻ പാടില്ല എന്നു പറയുന്ന കർശന​മായ ഒരു ചട്ടം ആവശ്യ​മില്ല; രാജ്യ​ഹാ​ളിൽവെച്ചു ദൈനം​ദി​ന​പ്ര​വർത്ത​ന​ങ്ങ​ളെ​പ്പ​റ​റി​യോ സംഭവ​ങ്ങ​ളെ​പ്പ​റ​റി​യോ സംസാ​രി​ക്കു​ന്ന​തും ഒരാളെ വീട്ടി​ലേക്കു ക്ഷണിക്കു​ന്ന​തും ഒരാ​ളോട്‌ ഏതെങ്കി​ലും വിനോ​ദ​ങ്ങൾക്കു പങ്കു​ചേ​രു​ന്ന​തി​നാ​യി ആവശ്യ​പ്പെ​ടു​ന്ന​തും തെററല്ല. എന്നാൽ ഇത്‌ ആകസ്‌മി​ക​മാ​യി​രി​ക്കണം, വകതി​രി​വോ​ടെ മററു​ള്ള​വ​രു​ടെ ശ്രദ്ധ ആകർഷി​ക്കാ​ത്ത​രീ​തി​യിൽ ചെയ്യു​ക​യും വേണം. വ്യക്തി​പ​ര​മായ ക്രമീ​ക​ര​ണങ്ങൾ നാം രാജ്യ​ഹാ​ളിൽ ഒരുമി​ച്ചു​കൂ​ടു​ന്ന​തി​ന്റെ യഥാർഥ ഉദ്ദേശ്യ​ത്തിൽനി​ന്നും, അതായത്‌ ആത്മീയ​മാ​യി പോഷി​പ്പി​ക്ക​പ്പെ​ടു​ന്ന​തിൽനി​ന്നും ഒരിക്ക​ലും നമ്മെ വ്യതി​ച​ലി​പ്പി​ക്ക​രുത്‌.—മത്തായി 6:33; ഫിലി​പ്പി​യർ 1:10.

ദൃഷ്ടാന്തം വയ്‌ക്കുന്ന പുരു​ഷൻമാർ

രാജ്യ​ഹാ​ളി​നോട്‌ ആദരവു പ്രകട​മാ​ക്കു​ന്ന​തിൽ മൂപ്പൻമാ​രും ശുശ്രൂ​ഷാ​ദാ​സൻമാ​രും തീക്ഷ്‌ണ​ത​യോ​ടെ ദൃഷ്ടാന്തം വയ്‌ക്കു​ന്നു. സാധാ​ര​ണ​മാ​യി രാജ്യ​ഹാ​ളി​ന്റെ സംരക്ഷ​ണ​ത്തോ​ടു ബന്ധപ്പെട്ട കാര്യങ്ങൾ ഏകോ​പി​പ്പി​ച്ചു​കൊ​ണ്ടു​പോ​കുന്ന​തി​നു നിയമി​ത​രായ ഒന്നോ രണ്ടോ മൂപ്പൻമാ​രും ശുശ്രൂ​ഷാ​ദാ​സൻമാ​രും ഉണ്ട്‌. ഒരു രാജ്യ​ഹാൾ ഒന്നിൽ കൂടുതൽ സഭകൾ ഉപയോ​ഗി​ക്കു​ന്നി​ടത്തു മൂപ്പൻമാ​രു​ടെ ഒരു കമ്മിററി ഈ കാര്യ​ങ്ങ​ളു​ടെ മേൽനോ​ട്ടം വഹിക്കു​ന്നു.

അത്തരം ചുമത​ലകൾ നിർവ​ഹി​ക്കു​ന്ന​തി​നു ചിലരെ പ്രത്യേ​കാൽ നിയമി​ക്കു​ന്നു​വെ​ന്നി​രി​ക്കെ എല്ലാ ശുശ്രൂ​ഷാ​ദാ​സൻമാ​രും മൂപ്പൻമാ​രും ഹാളിൽ ആത്മാർഥ​മായ താത്‌പ​ര്യം പ്രകടി​പ്പി​ക്കണം. രാജ്യ​ഹാൾ യഹോ​വ​യ്‌ക്കാ​യി സമർപ്പി​ച്ചി​രി​ക്കു​ന്നു​വെ​ന്നും അവിടു​ത്തെ ആരാധ​ന​യ്‌ക്കാ​യി ഉപയോ​ഗി​ക്കു​ന്നു​വെ​ന്നും അവർ തിരി​ച്ച​റി​യു​ന്നു.

കേടു​പോ​ക്ക​ലി​ന്റെ ആവശ്യ​മു​ള്ള​പ്പോൾ മൂപ്പൻമാർ അതു നീട്ടി​ക്കൊ​ണ്ടു​പോ​ക​രുത്‌. (2 ദിനവൃ​ത്താ​ന്തം 24:5, 13; 29:3; 34:8; നെഹെ​മ്യാ​വു 10:39; 13:11) ചില രാജ്യ​ഹാ​ളു​ക​ളിൽ എന്തെങ്കി​ലും കേടു​പോ​ക്ക​ലു​കൾ ആവശ്യ​മെ​ങ്കിൽ അതു കൃത്യ​മാ​യി നടത്തു​ന്ന​തി​നു പതിവാ​യി പരി​ശോ​ധന നടത്തുന്നു. അത്യാ​വശ്യ സാധനങ്ങൾ വേണ്ടു​വോ​ളം കൈവ​ശ​മു​ണ്ടെന്ന്‌ ഉറപ്പു​വ​രു​ത്താൻ ഇന വിവര​പ്പ​ട്ടിക സൂക്ഷി​ക്കു​ന്നു. സാമ​ഗ്രി​ക​ളും ഉപകര​ണ​ങ്ങ​ളും ശുചീ​കരണ ഉപകര​ണ​ങ്ങ​ളും സൂക്ഷി​ക്കു​ന്ന​തിന്‌ ഒരു നിശ്ചി​ത​സ്ഥാ​ന​മു​ണ്ടെ​ങ്കിൽ എല്ലാമൂ​പ്പൻമാ​രും ശുശ്രൂ​ഷാ​ദാ​സൻമാ​രും അതിന്റെ അവസ്ഥയിൽ താത്‌പ​ര്യം പ്രകടി​പ്പി​ക്കു​ക​യും അതു വൃത്തി​യാ​യി സൂക്ഷി​ക്കു​ന്നു​വെന്ന്‌ ഉറപ്പു​വ​രു​ത്തു​ക​യും ചെയ്യണം. സാഹി​ത്യ​ത്തി​ന്റെ​യും മാസി​ക​യു​ടെ​യും കൗണ്ടറു​ക​ളിൽ വേല​ചെ​യ്യു​ന്ന​വർക്കു കാലി​യായ കടലാ​സ്സു​പെ​ട്ടി​കൾ ഹാളിൽ ചിതറി​ക്കി​ട​ക്കാ​തി​രി​ക്കാൻ കൃത്യ​മായ ശ്രദ്ധ​കൊ​ടു​ത്തു​കൊ​ണ്ടു തങ്ങളുടെ താത്‌പ​ര്യ​ത്തെ പ്രകട​മാ​ക്കാൻ കഴിയും.

മൂപ്പൻമാർക്കും ശുശ്രൂ​ഷാ​ദാ​സൻമാർക്കും, സഭയിലെ മററു​ള്ളവർ രാജ്യ​ഹാ​ളി​നോ​ടു തീക്ഷ്‌ണത പ്രദർശി​പ്പി​ക്കു​ന്ന​തി​നു ദൃഷ്ടാ​ന്തം​വ​ച്ചു​കൊ​ണ്ടു സഹായം നൽകാൻ കഴിയും. (എബ്രായർ 13:7) ഹാൾ വൃത്തി​യാ​ക്കു​ന്ന​തിൽ പങ്കുപ​റ​റി​ക്കൊ​ണ്ടും അതിന്റെ മൊത്തം ആകാര​ത്തിൽ ആത്മാർഥ​മായ താത്‌പ​ര്യ​മെ​ടു​ത്തു​കൊ​ണ്ടും എല്ലാവർക്കും ശരിയായ ആദരവു പ്രകട​മാ​ക്കാൻ കഴിയും.

മത്തായി 18:20-ൽ യേശു ഇപ്രകാ​രം പറഞ്ഞു: “രണ്ടോ മൂന്നോ പേർ എന്റെ നാമത്തിൽ കൂടി​വ​രു​ന്നേ​ട​ത്തൊ​ക്കെ​യും ഞാൻ അവരുടെ നടുവിൽ ഉണ്ടു.” യഹോ​വയെ ആരാധി​ക്കാ​നാ​യി ഒന്നിച്ചു​കൂ​ടു​മ്പോൾ നാം ചെയ്യു​ന്ന​തിൽ യേശു തത്‌പ​ര​നാണ്‌. സ്വകാ​ര്യ​ഭ​വ​ന​ങ്ങ​ളിൽ നടക്കുന്ന ഏതു​യോ​ഗ​ങ്ങ​ളും കൺ​വെൻ​ഷ​നു​ക​ളും സമ്മേള​ന​ങ്ങ​ളും പോലെ വലിയ യോഗ​ങ്ങ​ളും ഇതിൽ ഉൾപ്പെ​ടു​ന്നു.

ലക്ഷക്കണ​ക്കി​നു യഹോ​വ​യു​ടെ സാക്ഷി​കൾക്ക്‌ അവരുടെ പതിവ്‌ ആരാധ​നാ​സ്ഥ​ല​മായ രാജ്യ​ഹാ​ളി​നെ​ക്കാൾ പ്രിയ​ങ്ക​ര​മായ വേറൊ​രു സ്ഥലവു​മില്ല. അവർ ആ സ്ഥലത്തോട്‌ ഉചിത​മായ ആദരവു കാണി​ക്കു​ന്നു. അതു പരിര​ക്ഷി​ക്കു​ന്ന​തിൽ അവർ ശുഷ്‌ക്കാ​ന്തി പ്രദർശി​പ്പി​ക്കു​ക​യും അതു ശരിയാ​യ​വി​ധം ഉപയോ​ഗി​ക്കു​ന്ന​തി​നാ​യി എല്ലായ്‌പോ​ഴും പരി​ശ്ര​മി​ക്കു​ക​യും ചെയ്യുന്നു. “ദൈവാ​ല​യ​ത്തി​ലേക്കു പോകു​മ്പോൾ കാൽ സൂക്ഷിക്ക” എന്നു യഹോവ തന്നെ നൽകുന്ന താക്കീതു നിങ്ങളും പിൻപ​റ​റാൻ ഇടവരട്ടെ.—സഭാ​പ്ര​സം​ഗി 5:1.