വായന​ക്കാ​രിൽനി​ന്നുള്ള ചോദ്യ​ങ്ങൾ

◼ആദായം ഒരു ധർമ്മസ്ഥാ​പ​ന​ത്തി​നാണ്‌ ലഭിക്കു​ന്ന​തെ​ങ്കിൽ ഒരു ക്രിസ്‌ത്യാ​നി വെറും വിനോ​ദ​ത്തി​നാ​യി ലോട്ട​റി​റ​റി​ക്ക​റ​റു​കൾ വാങ്ങു​ന്നത ഉചിത​മാ​ണോ?

ബൈബിൾ തീർച്ച​യാ​യും ഉചിത​മായ വിനോ​ദത്തെ നിരുൽസാ​ഹ​പ്പെ​ടു​ത്തു​ന്നില്ല, എന്തു​കൊ​ണ്ടെ​ന്നാൽ യഹോവ “സന്തുഷ്‌ട​നായ ദൈവ”മാകുന്നു. (1 തിമൊ​ഥെ​യോസ്‌ 1:11) അവന്റെ ജനത്തിന്‌ സംഗീ​ത​വും വിനീ​ത​മായ നൃത്തവും മിതമായ തീററി​യും അല്ലെങ്കിൽ കുടി​യും സന്തുലി​ത​മായ സ്‌പോർട്ട്‌സും ഗെയിം​സും ആസ്വദി​ക്കാൻക​ഴി​യും. (സങ്കീർത്തനം 150:4; സഭാ​പ്ര​സം​ഗി 2:24) എന്നിരു​ന്നാ​ലും, ചൂതാട്ടം വ്യക്തമാ​യും ദൈവ​ത്തി​ന്റെ ജ്ഞാനപൂർവ​ക​മായ ബുദ്ധി​യു​പ​ദേ​ശ​ത്തി​നു വിരു​ദ്ധ​മാണ്‌, ഇത്‌ ലോട്ട​റി​ക​ളി​ലെ പങ്കുപ​റ​റ​ലി​നെ​സം​ബ​ന്ധിച്ച്‌ സത്യമാണ്‌.

കൃത്യ​മാ​യി എന്താണ്‌ ലോട്ടറി? അതിൽ സമ്മാനങ്ങൾ നേടു​ന്ന​തി​നുള്ള അവസരം കിട്ടു​ന്ന​തിന്‌ ററിക്ക​റ​റു​കൾ വാങ്ങു​ന്ന​തുൾപ്പെ​ട്ടി​രി​ക്കു​ന്നു. വിജയി​കളെ നിശ്ചയി​ക്കു​ന്നത്‌ ഒരു നമ്പർ എടുക്കു​ന്ന​തി​നാ​ലോ ഒരു നമ്പർ തെര​ഞ്ഞെ​ടു​ക്കു​ന്ന​തി​നുള്ള ഏതെങ്കി​ലും ആകസ്‌മി​ക​രീ​തി​യാ​ലോ ആണ്‌.a മിക്ക​പ്പോ​ഴും ഒരു വമ്പിച്ച സമ്മാന​മു​ണ്ടാ​യി​രി​ക്കും, ഒരുപക്ഷേ ദശലക്ഷ​ക്ക​ണ​ക്കിന്‌ രൂപയോ ഡോള​റോ പവനോ ആയിരി​ക്കാം. അത്ര വമ്പിച്ച സമ്മാന​ത്തി​ന്റെ ആകർഷണം വളരെ വലുതാ​യ​തി​നാൽ ലോട്ട​റി​കൾ “ഏററം വിപു​ല​വ്യാ​പ​ക​മായ ചൂതാട്ട”രീതി​യാ​യി​ത്തീർന്നി​രി​ക്കു​ന്നു. (ദിവേൾഡ ബുക്ക എൻ​സൈ​ക്ലോ​പ്പീ​ഡി​യാ) ലോട്ട​റി​കൾമു​ഖേന ദശലക്ഷ​ക്ക​ണ​ക്കി​നാ​ളു​കൾ ചൂതാ​ട്ട​ത്തി​ലേർപ്പെ​ടു​ന്നു.

ഒരു ററിക്ക​റ​റി​ന്റെ വില (അവസരം) തുച്ഛമാ​യി​രി​ക്കാ​വു​ന്ന​തു​കൊ​ണ്ടും പങ്കുപ​റ​റു​ന്നവർ സ്വമേ​ധയാ അങ്ങനെ ചെയ്യു​ന്ന​തു​കൊ​ണ്ടും ആദായ​ത്തിൽ കുറെ ദരി​ദ്രരെ സഹായി​ക്കു​ന്ന​തു​പോ​ലെ ദാനധർമ്മ​പ​ര​മായ ഉദ്ദേശ്യ​ത്തിൽ ഉപയോ​ഗി​ച്ചേ​ക്കാ​മെ​ന്ന​തു​കൊ​ണ്ടും ഒരു ലോട്ട​റി​യിൽ ഉൾപ്പെ​ടു​ന്നത്‌ തെറേറാ മോശ​മോ അല്ലെന്ന്‌ ചിലർ ന്യായ​വാ​ദം​ചെ​യ്‌തി​ട്ടുണ്ട്‌. അങ്ങനെ​യുള്ള ന്യായ​വാ​ദം എത്ര പ്രബല​മാണ്‌?

ഒരു ലോട്ട​റി​റ​റി​ക്ക​ററു വാങ്ങു​ന്നത്‌ ലളിത​വും ചെലവു​കു​റ​ഞ്ഞ​തു​മായ ഒരു വിനോ​ദ​മാ​ണെന്ന്‌ ചിലർ അവകാ​ശ​വാ​ദം​ചെ​യ്യു​ന്നു​വെ​ന്നി​രി​ക്കെ, അത്യാ​ഗ്ര​ഹ​ത്തി​ന്റെ വസ്‌തു​തയെ നിഷേ​ധി​ക്കാ​നാ​വില്ല. ധാരാളം പണം കിട്ടാ​നാ​ഗ്ര​ഹി​ച്ചു​കൊ​ണ്ടാണ്‌ ആളുകൾ ലോട്ട​റി​റ​റി​ക്ക​റ​റു​കൾ വാങ്ങു​ന്നത്‌. ഇത്‌ തീർച്ച​യാ​യും അത്യാ​ഗ്ര​ഹ​ത്തി​നെ​തി​രായ ദിവ്യ​ബു​ദ്ധി​യു​പ​ദേ​ശ​ത്തി​നു വിരു​ദ്ധ​മാണ്‌, അത്യാ​ഗ്രഹം ഒരു വ്യക്തിയെ ‘ദൈവ​രാ​ജ്യം അവകാ​ശ​പ്പെ​ടു​ത്തുന്ന’തിൽനിന്ന്‌ തടയാൻക​ഴി​യുന്ന ഒരു ഗുരു​ത​ര​മായ ദുർഗ്ഗു​ണ​മാ​യി​രി​ക്കാൻ കഴിയും. അതു​കൊണ്ട്‌, ഒരു ക്രിസ്‌ത്യാ​നി ചൂതാ​ട്ട​ത്താൽ തുടർച്ച​യായ അത്യാ​ഗ്രഹം പ്രകട​മാ​ക്കു​ന്നു​വെ​ങ്കിൽ, അയാളെ സഭയിൽനിന്ന്‌ പുറന്ത​ള്ളാ​വു​ന്ന​താണ്‌. (1 കൊരി​ന്ത്യർ 5:11; 6:10) ബൈബിൾ ഇങ്ങനെ പറയുന്നു: “ആദ്യം ഒരു അവകാശം അത്യാ​ഗ്ര​ഹ​ത്താൽ ലഭിക്കു​ന്നു, എന്നാൽ അതിന്റെ സ്വന്തം ഭാവി അനുഗൃ​ഹീ​ത​മാ​യി​രി​ക്കു​ക​യില്ല.” (സദൃശ​വാ​ക്യ​ങ്ങൾ 20:21) ഒരു ലോട്ട​റി​യിൽ ഒരു ഭാഗ്യ​പ​രീ​ക്ഷണം നടത്താ​നുള്ള ഒരു പ്രചോ​ദനം ഒരു ക്രിസ്‌ത്യാ​നി​ക്കു തോന്നു​ന്നു​വെ​ങ്കിൽ, ലോട്ട​റി​യു​ടെ അടിസ്ഥാ​ന​മായ അത്യാ​ഗ്ര​ഹ​ത്തെ​ക്കു​റിച്ച്‌ അയാൾ സഗൗരവം ചിന്തി​ക്കണം. ‘നമ്മുടെ ഇടയിൽ അത്യാ​ഗ്രഹം പറയ​പ്പെ​ടു​ക​പോ​ലു​മ​രുത്‌’എന്ന്‌ എഫേസ്യർ 5:3 പറയുന്നു, ഒരു ക്രിസ്‌ത്യാ​നി അതിനു വഴങ്ങുന്ന കാര്യം പറകയേ വേണ്ട.

ലോട്ട​റി​യിൽ പങ്കെടു​ക്കു​ന്ന​വ​രു​ടെ ഏറിയ പങ്കും സാധാ​ര​ണ​യാ​യി ദരി​ദ്ര​സ​മൂ​ഹ​ങ്ങ​ളി​ലാണ്‌ കാണ​പ്പെ​ടു​ന്നത്‌. അതു​കൊണ്ട്‌ ഒരു ററിക്ക​റ​റി​ന്റെ വില തുച്ഛമാ​ണെ​ങ്കിൽപോ​ലും, യഥാർത്ഥ കുടും​ബാ​വ​ശ്യ​ത്തിന്‌—കൂടുതൽ ഭക്ഷണത്തി​നും വേണ്ടത്ര വസ്‌ത്ര​ത്തി​നും മെച്ചച്ചെട്ട വൈദ്യ​പ​രി​ച​ര​ണ​ത്തി​നും—ഉതകേണ്ട പണം തിരി​ച്ചു​വി​ട​പ്പെ​ടു​ന്നു. ക്രിസ്‌ത്യാ​നി​യെന്ന്‌ അവകാ​ശ​പ്പെ​ടു​ക​യും അങ്ങനെ​യുള്ള കുടും​ബാ​വ​ശ്യ​ങ്ങളെ അവഗണി​ക്കു​ക​യും​ചെ​യ്യുന്ന ഒരാൾ “വിശ്വാ​സ​മി​ല്ലാത്ത ഒരാ​ളെ​ക്കാൾ മോശ​മാണ്‌.”—1 തിമൊ​ഥെ​യോസ്‌ 5:8.

ഒരു ലോട്ട​റി​റ​റി​ക്ക​റ​റി​ന്റെ വില ഒരുവന്റെ വ്യക്തി​പ​ര​മൊ കുടും​ബ​പ​ര​മോ ആയ സാമ്പത്തി​ക​നി​ലയെ ഗണ്യമാ​യി ദ്രോ​ഹി​ക്കു​ക​യി​ല്ലെ​ങ്കിൽ പോലും മററു​ള്ളവർ ഉപദ്ര​വി​ക്ക​പ്പെ​ടു​ന്നി​ല്ലെന്ന്‌ അതിന്‌ അർത്ഥമില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ ഒരു ലോട്ട​റി​റ​റി​ക്ക​ററ്‌ വാങ്ങുന്ന ഏവനും വിജയി​ക്കാ​നാ​ഗ്ര​ഹി​ക്കും. അയാളു​ടെ സമ്മാന​ത്തുക എവിടെ നിന്നാ​ണു​ണ്ടാ​കു​ന്നത്‌? അയാളു​ടെ ടിക്കറ​റി​ന്റെ വില പത്തു രൂപയും സമ്മാന​ത്തുക ഒരു ദശലക്ഷം രൂപയു​മാ​ണെ​ങ്കിൽ അയാൾ മററുള്ള ഒരു ലക്ഷം​പേ​രു​ടെ ടിക്കറ​റു​പണം സ്വീക​രി​ക്കു​ന്നു എന്നാണ്‌ ഇതിന്റെ അർത്ഥം. അത്‌ മററു​ള്ള​വ​രു​ടെ വിലയുള്ള വസ്‌തു​ക്കൾ മോഹി​ക്ക​രുത്‌ എന്നുള്ള ദൈവിക ബുദ്ധി​യു​പ​ദേ​ശ​ത്തോട്‌ പൊരു​ത്ത​പ്പെ​ടു​ന്നു​ണ്ടോ? (ആവർത്തനം 5:21) യഥാർത്ഥ​ത്തിൽ അയാളു​ടെ സമ്മാന​ത്തിൽ വേറെ ഒട്ടേ​റെ​പ്പേ​രിൽനി​ന്നും എടുത്ത പണം ഉൾപ്പെ​ടും, എന്തു​കൊ​ണ്ടെ​ന്നാൽ ഒരു ലക്ഷത്തേ​ക്കാൾ വളരെ​യ​ധി​കം ടിക്കറ​റു​കൾ വിൽക്കേ​ണ്ട​തുണ്ട്‌. ടിക്കറ​റു​പ​ണ​ത്തി​ന്റെ ഒരു നല്ല തുക ഭരണപ​ര​മായ ചെലവു​കൾക്ക്‌ വിനി​യോ​ഗി​ക്കേ​ണ്ടി​യി​രി​ക്കു​ന്നു. അതു​പോ​ലെ​തന്നെ ലോട്ട​റി​യു​ടെ സദു​ദ്ദേ​ശ്യ​മാ​യി കൊട്ടി​ഘോ​ഷി​ക്ക​പ്പെ​ടുന്ന ദാനധർമ്മോ​ദ്ദേ​ശ്യ​ത്തി​നാ​യി കുറെ പണവും ചെലവ​ഴി​ക്കേ​ണ്ട​തുണ്ട്‌. അതു​കൊണ്ട്‌ തന്റെ സ്വന്തം ടിക്കറ​റി​ന്റെ പത്തുരൂപ ഒരാൾക്ക്‌ വഹിക്കാൻ കഴിയു​മെ​ങ്കി​ലും മററു നിരവ​ധി​യാ​ളു​കളെ സംബന്ധി​ച്ചെന്ത്‌? മാത്ര​വു​മല്ല, നിർവാ​ഹ​മി​ല്ലെ​ങ്കിൽപോ​ലും ലോട്ട​റി​യിൽ ചേരാ​നോ കൂടുതൽ ടിക്കറ​റു​കൾ വാങ്ങാ​നോ അനേകരെ പ്രേരി​പ്പി​ച്ചു​കൊണ്ട്‌ അയാളു​ടെ വിജയം പ്രസി​ദ്ധ​മാ​ക്കാ​നി​ട​യുണ്ട്‌.

പണി​യെ​ടു​ക്കാ​തെ പണം നേടു​ന്ന​തി​നെ​ക്കു​റി​ച്ചുള്ള സ്വപ്‌ന​വും ലോട്ട​റി​യോട്‌ ബന്ധപ്പെ​ട്ടി​രി​ക്കു​ന്നു​വെ​ന്ന​തും നിഷേ​ധി​ക്കാ​നാ​വില്ല. അതെ, ലോട്ടറി അലസതയെ പ്രോ​ത്സാ​ഹി​പ്പി​ക്കു​ക​യോ അതിനെ ആകർഷ​ക​മാ​ക്കു​ക​യോ ചെയ്യുന്നു. എന്നിരു​ന്നാ​ലും ദൈവ​ത്തി​ന്റെ ജനം മിതവ്യ​യം ചെയ്യു​ന്ന​വ​രും കർമ്മോ​ത്സു​ക​രും കഠിനാ​ദ്ധ്വാ​നി​ക​ളു​മാ​യി​രി​ക്കാൻ ബൈബിൾ പ്രോ​ത്സാ​ഹി​പ്പി​ക്കു​ന്നു. ‘മുടക്കി​ല്ലാ​തെ എന്തെങ്കി​ലും നേടുക’ എന്ന ആത്മാവി​നെ പ്രോ​ത്സാ​ഹി​പ്പി​ക്കു​ന്ന​തി​നു​പ​കരം “ആരെങ്കി​ലും ജോലി ചെയ്യാൻ ആഗ്രഹി​ക്കു​ന്നി​ല്ലെ​ങ്കിൽ അവൻ തിന്നു​ക​യും വേണ്ട” എന്ന്‌ അത്‌ ബുദ്ധി​യു​പ​ദേ​ശി​ക്കു​ന്നു.—2 തെസ്സ​ലോ​നി​ക്യർ 3:10; സദൃശ​വാ​ക്യ​ങ്ങൾ 13:4; 20:4; 21:25; 1 തെസ്സ​ലോ​നി​ക്യർ 4:9-12.

മററു​ള്ള​വർ സ്വന്ത ഇഷ്ടപ്ര​കാ​രം ഒരു ലോട്ട​റി​യിൽ ചേരു​ന്ന​തും അത്‌ നിയമാ​ധി​ഷ്‌ഠി​ത​മാ​ണെ​ന്നു​ള്ള​തും ക്രിസ്‌ത്യാ​നി​കൾ അതിൽ ചേരു​ന്ന​തി​നെ ന്യായീ​ക​രി​ക്കു​ന്നില്ല. ചില ഗവൺമെൻറു​കൾ മററു രൂപങ്ങ​ളി​ലുള്ള ചൂതാ​ട്ട​വും അതു​പോ​ലെ​തന്നെ വ്യഭി​ചാ​ര​വും ബഹുഭാ​ര്യാ​ത്വ​വും നിയമാ​ധി​ഷ്‌ഠി​ത​മാ​ക്കു​ന്നു. അങ്ങനെ​യു​ള്ളവ നിയമാ​ധി​ഷ്‌ഠി​തം ആയിരി​ക്ക​യും അനേകർ മനസ്സോ​ടെ അവയിൽ ഉൾപ്പെ​ടു​ക​യും ചെയ്യു​ന്നു​വെ​ങ്കി​ലും അങ്ങനെ​യുള്ള പ്രവർത്ത​നങ്ങൾ ദൈവ​ത്തി​ന്റെ ദൃഷ്ടി​യിൽ ഉചിത​മാ​ണെന്ന്‌ അതിനർത്ഥ​മില്ല. പകരം ക്രിസ്‌ത്യാ​നി​കൾ ദാവീ​ദി​ന്റെ വീക്ഷണം പ്രതി​ഫ​ലി​പ്പി​ക്കാൻ കഠിന​ശ്രമം ചെയ്യുന്നു: “യഹോവേ നിന്റെ സ്വന്തം വഴികൾ എന്നെ അറിയി​ക്കേ​ണമേ; നിന്റെ സ്വന്തം പാതകൾ എന്നെ പഠിപ്പി​ക്കേ​ണമേ. നിന്റെ സത്യത്തിൽ എന്നെ നടത്തു​ക​യും എന്നെ പഠിപ്പി​ക്കു​ക​യും ചെയ്യേ​ണമേ, എന്തു​കൊ​ണ്ടെ​ന്നാൽ നീ എന്റെ രക്ഷയുടെ ദൈവ​മാ​കു​ന്നു.”—സങ്കീർത്തനം 25:4, 5.

ഒരു ക്രിസ്‌ത്യാ​നി ദരി​ദ്ര​രെ​യോ വികല​രെ​യോ പ്രായാ​ധി​ക്യ​മു​ള്ള​വ​രെ​യോ യഥാർത്ഥ​മാ​യി സഹായി​ക്കാൻ ആഗ്രഹി​ക്കു​ന്നു​വെ​ങ്കിൽ അയാൾക്ക്‌ തീർച്ച​യാ​യും നേരി​ട്ടൊ ചൂതാട്ടം ഉൾപ്പെ​ടാത്ത ഒരു വിധത്തി​ലൊ അങ്ങനെ ചെയ്യാൻ കഴിയും. (w89 7/15)

[അടിക്കു​റിപ്പ്‌]