ഭാഗ്യ​ക്കു​റി​കൾ ആർ വിജയി​ക്കു​ന്നു? ആർ തോൽക്കു​ന്നു?

ഗവൺമെൻറ്‌ ഭാഗ്യ​ക്കു​റി​കൾക്ക​നു​കൂ​ല​മായ ഒരു അടിസ്ഥാന വാദഗതി മററു വിധത്തിൽ മിക്കവാ​റും നികുതി കൂട്ടു​ന്ന​തി​നാൽ മാത്രം കൈവ​രി​ക്കാൻ കഴിയുന്ന ദശലക്ഷ​ക്ക​ണ​ക്കി​നു ഡോള​റു​കൾ അവ ആർജ്ജി​ക്കു​ന്നു എന്നതാണ്‌. ‘അതെത്ര എളുപ്പ​മാണ്‌!’ എന്ന്‌ പിന്തു​ണ​ക്കാർ പറയുന്നു. അത്‌ ആരും അടയ്‌ക്ക​ണ​മെന്ന്‌ നിബന്ധ​ന​യി​ലാത്ത ഒരു സ്വമേ​ധ​യാ​നി​കു​തി പോ​ലെ​യാണ്‌. യഥാർത്ഥ​ത്തിൽ ആളുകൾ അടയ്‌ക്കാ​നുള്ള ആകാം​ക്ഷ​യോ​ടെ നിരയിൽ കാത്തു​നിൽക്കു​ന്നു!

എന്നാൽ ഭാഗ്യ​ക്കു​റി​കൾക്കെ​തി​രെ​യുള്ള ചില ആരോ​പ​ണങ്ങൾ ഏവയാണ്‌?

ഭാഗ്യ​ക്കു​റി​പ​ര​സ്യ​ങ്ങൾ സാധാ​ര​ണ​യാ​യി മതിയായ വിവരങ്ങൾ നൽകാ​ത്ത​തോ കേവലം വെറുതെ തെററി​ദ്ധ​രി​പ്പി​ക്കു​ന്ന​തോ ആണെന്ന​താ​ണൊന്ന്‌. നിങ്ങൾ ജയിക്കാൻ പോകു​ക​യാണ്‌ എന്ന ആശയം അവർ എടുത്തു​കാ​ട്ടു​ന്നു. “ഞങ്ങൾ അത്‌ ജയിക്കു​ന്നത്‌ എളുപ്പ​മാ​ക്കു​ന്നു!!” എന്നു പ്രസ്‌താ​വി​ക്കുന്ന ഒരു കനേഡി​യൻ ഭാഗ്യ​ക്കു​റി​പ​ര​സ്യം ഉദാഹ​ര​ണ​മാണ്‌.

എന്നാൽ വിജയി​ക്കു​ന്നത്‌ എത്ര എളുപ്പ​മാണ്‌? ആലി ഒരു പശ്ചിമ​ജർമ്മൻ ഭാഗ്യ​ക്കു​റി​യിൽ പങ്കെടു​ക്കു​ന്ന​യാ​ളാണ്‌. പരസ്യം ഉത്തേജി​പ്പി​ക്കു​ന്നു: “നിങ്ങളു​ടെ ജയസാ​ദ്ധ്യ​തകൾ അവിശ്വ​സ​നീ​യം.” എന്നിട്ടും ആലി, “ഞാൻ പത്തുവർഷ​ത്തോ​ളം ഭാഗ്യ​ക്കു​റി​യിൽ ചേർന്നു. ഞാൻ ഒരിക്ക​ലും യാതൊ​ന്നി​ലും വിജയി​ച്ചില്ല. യാതൊ​ന്നി​ലെ​ങ്കി​ലും വിജയിച്ച യാതൊ​രു​വ​നേ​യും എനിക്ക​റി​യില്ല,” എന്നു വിലപി​ക്കു​ന്നു.

ഓരോ വൻവി​ജ​യി​ക്കും, ആഴ്‌ച​തോ​റും വർഷം​തോ​റും തങ്ങളുടെ പണം വിനി​യോ​ഗി​ക്കു​ന്ന​വ​രും യാതൊ​ന്നും തിരികെ കിട്ടാതെ തോൽവി​ക്കാ​രാ​യി​രി​ക്കു​വ​രു​മായ ആലി​യെ​പ്പോ​ലുള്ള ദശലക്ഷങ്ങൾ ഉണ്ട്‌. ഐക്യ​നാ​ടു​ക​ളിൽ അവി​ടെ​യുള്ള 9 കോടി 70 ലക്ഷം ഭാഗ്യ​ക്കു​റി​ചൂ​താ​ട്ട​ക്കാ​രിൽ 10 ലക്ഷം ഡോളർ നേടുന്ന 0.000008 ശതമാനം മാത്ര​മേ​യു​ള്ളു.

ഒരു ഉയർന്ന സമ്മാനം നേടു​ന്ന​തിന്‌ വെറും പത്തുല​ക്ഷ​ത്തിൽ ഒന്ന്‌ (ഏതാണ്ട്‌ ഒരു വ്യക്തി ഇടിമി​ന്ന​ലേ​ററ്‌ മരിക്കാ​നുള്ള സാധ്യത) എന്ന സാധ്യ​ത​പോ​ലു​മില്ല; അവർക്ക്‌ അനേകം ദശലക്ഷ​ങ്ങ​ളിൽ ഒന്നായി​രി​ക്കാൻ കഴിയും. ദൃഷ്ടാ​ന്ത​മാ​യി, സമ്മാന​ത്തു​കക്ക്‌ വലിപ്പ​മേ​റു​ന്നു എന്ന്‌ വ്യക്തമാ​കു​ന്തോ​റും കൂടുതൽ ടിക്കറ​റു​കൾ വിൽക്ക​പ്പെ​ടു​ന്നു. ന്യൂ​യോർക്ക്‌ ലോട്ടോ പന്തയം ജയിക്കു​ന്ന​തി​നുള്ള സാധ്യത 60 ലക്ഷത്തിൽ ഒന്നു മുതൽ 1 കോടി 29 ലക്ഷത്തിൽ ഒന്നുവരെ ആയി കുറയു​ന്നു!

ആളുകൾ ഭാഗ്യ​ക്കു​റി​കളെ, തങ്ങൾക്കെ​തി​രെ​യുള്ള ഭീമമായ സാധ്യ​ത​ക്കു​റ​വു​ക​ളെ​ക്കു​റിച്ച്‌ അന്ധരായ, ജാഗ്ര​ത​യി​ല്ലാത്ത ഉപഭോ​ക്താ​ക്കളെ മുന്നോ​ട്ടു തള്ളിവി​ടു​ന്ന​വ​യെന്ന്‌ ആരോ​പി​ക്കു​ന്ന​തിൽ ഒട്ടും അതിശ​യ​മില്ല. ചൂതാ​ട്ട​കാ​ര​ണ​ങ്ങ​ളെ​പ്പ​റ​റി​യുള്ള യു.എസ്സ്‌. നാഷനൽ സെൻറ​റി​ന്റെ ഡയറക്ട​റായ ഡോ. വാലറീ​ലോ​റൻസ്‌ ലളിത​മാ​യി പ്രസ്‌താ​വി​ക്കു​ന്നു, “ഭാഗ്യ​ക്കു​റി​ക​ളോ? അവയാണ്‌ ഉള്ളതിൽവെച്ച്‌ ഏററവു​മ​ധി​കം ചൂഷണം ചെയ്യുന്ന പന്തയം. സാധ്യ​തകൾ ദാരു​ണ​മാം​വി​ധം നിങ്ങൾക്കെ​തി​രാണ്‌.”

നിങ്ങൾ ഒരു ദശലക്ഷം ഡോളർ ജയിക്കു​ന്നെ​ങ്കിൽത്ത​ന്നെ​യെന്ത്‌? നിങ്ങൾക്ക്‌ അതുമു​ഴു​വൻ കിട്ടു​ക​യില്ല. നികു​തി​ക്കാ​രൻ തന്റെ പങ്കെടു​ത്തു കഴിഞ്ഞ്‌ ഐക്യ​നാ​ടു​ക​ളി​ലെ വിജയി​കൾക്ക്‌ വർഷത്തിൽ 35000 ഡോളർ വീതം 20 വർഷങ്ങ​ളി​ലേക്ക്‌ ലഭിക്കു​ന്നു. അതായത്‌ 20 വർഷത്തെ നാണ്യ​പ്പെ​രു​പ്പ​ത്താൽ വീണ്ടും മൂല്യ​ശോ​ഷണം സംഭവിച്ച 700000 ഡോളർ തന്നെ.

ദരി​ദ്ര​രു​ടെ​മേ​ലുള്ള ഫലം

മറെറാ​രു വിമർശനം അധികം ചെലവി​ടു​ന്നവർ അത്‌ വഹിക്കാൻ ഏററവും അപ്രാ​പ്‌ത​രായ പാവ​പ്പെ​ട്ടവർ തന്നെ എന്നതാണ്‌. സർവേകൾ പ്രകട​മാ​ക്കു​ന്ന​ത​നു​സ​രിച്ച്‌ ഭാഗ്യ​ക്കു​റി​കൾക്ക്‌ ഇടനി​ല​വ​രു​മാ​ന​ക്കാ​രായ ആളുക​ളു​ടെ​യി​ട​യി​ലാണ്‌ കൂടുതൽ ജനപ്രീ​തി എന്നു പറഞ്ഞു​കൊണ്ട്‌, ഇത്‌ അസത്യ​മാ​ണെന്ന്‌ ഭാഗ്യ​ക്കു​റി​യു​ടെ നടത്തി​പ്പു​കാർ വാദി​ക്കു​ന്നു. ഭാഗ്യ​ക്കു​റി​കൾ സ്വമേ​ധ​യാ​യു​ള്ള​താ​ണെ​ന്നും ആരും ചേരാൻ നിർബ​ന്ധി​ക്ക​പ്പെ​ടു​ന്നി​ല്ലെ​ന്നും അവർ പറയുന്നു. ഇതൊ​ക്കെ​യാ​ണെ​ങ്കി​ലും പരസ്യങ്ങൾ ചേരു​ന്ന​വ​രു​ടെ അഭിലാ​ഷ​ങ്ങളെ ബോധ​പൂർവം ജ്വലി​പ്പി​ക്കു​ന്നു; അതില​ധി​ക​വും പാവ​പ്പെ​ട്ട​വ​രാണ്‌. ഫ്‌ളോ​റി​ഡാ​യി​ലെ ഒരു കടയിലെ കാഷ്യർ പറഞ്ഞു: “ഞങ്ങൾ എല്ലാ ആഴചയി​ലും കാണുന്ന ഒരു നിശ്ചി​ത​വി​ഭാ​ഗം ആളുകൾ ഉണ്ട്‌. ചിലർ ദിവസ​വും 10 ടിക്കറ​റു​കൾ വാങ്ങുന്നു. അവർക്ക്‌ ഭക്ഷണത്തിന്‌ പണമില്ല, എങ്കിലും ‘ലോട്ടോ’യിൽ ചേരുന്നു.”

ചില അൽപ്പവി​ക​സിത രാജ്യ​ങ്ങ​ളിൽ അവസ്ഥ സാധാ​ര​ണ​യാ​യി ഇതിലും മോശം​പോ​ലു​മാണ്‌. സമീപ​കാ​ലത്ത്‌ മുഴു​ഗ്രാ​മ​ങ്ങൾക്കും “പോർക്കാസ്‌ ഭ്രാന്ത്‌” പിടി​ച്ചി​രി​ക്കു​ന്നു എന്ന്‌ മാധ്യ​മങ്ങൾ റിപ്പോർട്ടു​ചെ​യ്‌ത​പ്പോൾ ഇൻഡോ​നേ​ഷ്യൻ ഗവൺമെൻറ്‌ അതിന്റെ പോർക്കാസ്‌ ഫുട്‌ബോൾ ഭാഗ്യ​ക്കു​റി പുനഃ​പ​രി​ശോ​ധി​ച്ചു. “പോർക്കാ​സി​നു​വേണ്ടി മാത്രം പുരു​ഷൻമാർ സ്‌ത്രീ​ക​ളെ​യും കുട്ടി​ക​ളെ​യും മർദ്ദി​ക്കു​ന്ന​തി​ന്റെ​യും കുട്ടികൾ മാതാ​പി​താ​ക്ക​ളിൽനിന്ന്‌ പണം മോഷ്ടി​ക്കു​ന്ന​തി​ന്റെ​യും സ്‌കൂൾഫീ​സി​നു നീക്കി​വെ​ച്ചി​രുന്ന, കഠിനാ​ദ്ധ്വാ​ന​ത്താൽ സമ്പാദിച്ച പണം കുട്ടികൾ ചെലവ​ഴി​ച്ചു തീർക്കു​ന്ന​തി​ന്റെ​യും ഭീകര​വൃ​ത്താ​ന്ത​ങ്ങൾകൊണ്ട്‌ ഇൻഡോ​നേ​ഷ്യൻ വർത്തമാ​ന​പ്പ​ത്രങ്ങൾ നിറഞ്ഞി​രി​ക്കുന്ന”തായി ഏഷ്യാ​വീക്ക്‌ മാസിക റിപ്പോർട്ടു​ചെ​യ്യു​ന്നു.

ഭാഗ്യ​ക്കു​റി​കൾ ലോക​വി​സ്‌തൃ​ത​മാ​യി കുമി​ഞ്ഞു​കൂ​ടി​യ​തോ​ടെ അധിക​മ​ധി​കം ആളുകൾ ചൂതാട്ടം പരിച​യി​ച്ചു. ചിലർ ദരിദ്രർ മാത്രമല്ല—നിർബന്ധ ചൂതാ​ട്ട​ക്കാർ—ഭാഗ്യ​ക്കു​റി ആസക്തർ ആയിത്തീർന്നു. യു.എസ്സ്‌.എ. ന്യൂ​ജേ​ഴ്‌സി​യി​ലെ ചൂതാട്ട ആസക്തി​യു​ടെ കൗൺസിൽ മേധാ​വി​യാണ്‌ ആർണി​വെ​ക്‌സ്‌ലർ. അദ്ദേഹം പറയുന്നു: “സാമാ​ജി​കർ തങ്ങൾ ഒരു വേദനാ​ര​ഹി​ത​വും എളുപ്പ​വു​മായ ധനാർജ്ജ​ന​മാർഗ്ഗം കണ്ടെത്തി​യി​രി​ക്കു​ന്ന​താ​യി വിചാ​രി​ക്കു​മ്പോൾ, യഥാർത്ഥ​ത്തിൽ അവർ ധാരാളം കുടും​ബ​ങ്ങ​ളെ​യും ധാരാളം വ്യാപാ​ര​ങ്ങ​ളെ​യും ധാരാളം മനുഷ്യ​രെ​യും ധാരാളം ജീവി​ത​ങ്ങ​ളെ​യും നശിപ്പി​ച്ചു​കൊ​ണ്ടി​രി​ക്കു​ക​യാണ്‌.”

മൂല്യ​ങ്ങളെ സംബന്ധിച്ച ഒരു പ്രശ്‌നം

മറെറാ​രു മുഖ്യ ഉത്‌ക്കണ്‌ഠ, ഗവൺമെൻറ്‌ ഭാഗ്യ​ക്കു​റി​കൾ ചൂതാ​ട്ട​ത്തോ​ടുള്ള ആളുക​ളു​ടെ മനോ​ഭാ​വം മാററി​മ​റി​ച്ചി​രി​ക്കു​ന്നു എന്നതാണ്‌. ഇന്ന്‌ സംസ്ഥാനം നടത്തുന്ന “കളി 3” അഥവാ “ലക്കി നമ്പർ” ഭാഗ്യ​ക്കു​റി​കൾ ആയിര​ത്തിൽ ഒന്ന്‌ സാധ്യത വാഗ്‌ദാ​നം ചെയ്യുന്നു, എന്നാൽ സമ്മാന​ത്തു​ക​യാ​യി 50 ശതമാനം മാത്രമേ മടക്കി നൽകു​ന്നു​ള്ളു. ഗവൺമെൻറ്‌ ബിസി​ന​സ്സിൽ പ്രവേ​ശി​ക്കു​ന്ന​തി​നു​മുമ്പ്‌ ഈ പന്തയം “ദൂഷക​വും” നിയമ​വി​രു​ദ്ധ​വു​മായ അനാശാ​സ്യ ധനാർജ്ജ​ന​മാർഗ്ഗ​വും അധർമ്മ​വു​മാ​യി​രു​ന്നു. ഇപ്പോൾ അതേ പന്തയക്ക​ളി​തന്നെ വിനോ​ദം, തമാശ, പൗര ഉത്തരവാ​ദി​ത്വ​ത്തി​ന്റെ ഒരു പ്രവൃത്തി എന്നു വിളി​ക്ക​പ്പെ​ടു​ന്നു!

തീർച്ച​യാ​യും, നിയമ​വി​രുദ്ധ നമ്പർ ഗെയി​മു​കൾക്കും ഗവൺമെൻറ്‌ ഭാഗ്യ​ക്കു​റി​കൾക്കു​മി​ട​യി​ലുള്ള ഒരു പ്രധാ​ന​വ്യ​ത്യാ​സം ലാഭം കുററ​വാ​ളി​ക​ളു​ടെ കീശയിൽ പോകു​ന്ന​തി​നു പകരം അവ ഗവൺമെൻറ്‌ പദ്ധതി​കളെ പിന്താ​ങ്ങു​ന്നു എന്നതാണ്‌ എന്നുവ​രി​കി​ലും അനേകം നിരീ​ക്ഷ​ക​രും അവ ഏതു സമൂഹ​ത്തി​നും പ്രയോ​ജനം ചെയ്യണ​മെന്നു കരുത​പ്പെ​ടു​ന്നു​വോ അതിന്റെ ധാർമ്മിക മൂല്യ​ങ്ങ​ളിൻമേൽ ഭാഗ്യ​ക്കു​റി​ക്കുള്ള ആഘാത​ത്തെ​പ്പ​ററി ഭയപ്പെ​ടു​ന്നു.

ഇത്‌ പരി​ശ്രമം കൂടാതെ ധനിക​രാ​കാം എന്ന പ്രത്യാ​ശ​യേ​യും ചായ്‌വി​നേ​യും ഭാഗ്യ​ക്കു​റി​കൾ പ്രോ​ത്സാ​ഹി​പ്പി​ക്കു​ന്നു എന്നതി​നാ​ലാണ്‌. ഗെയി​മിംഗ്‌ ആൻറ്‌ വേഗറിംഗ്‌ ബിസി​ന​സ്സി​ന്റെ പത്രാ​ധി​പ​രായ പോൾ ഡോറിൻ, “കഴിഞ്ഞ​കാ​ലത്ത്‌, നിങ്ങൾ നന്നായി അദ്ധ്വാ​നി​ച്ചാൽ നിങ്ങൾക്ക്‌ ശുഭമാ​യി​രി​ക്കും എന്ന്‌ രാഷ്‌ട്രം പറഞ്ഞി​രു​ന്നു, ഇപ്പോൾ അത്‌ ‘ഒരു ടിക്ക​റെ​റ​ടു​ക്കുക നിങ്ങൾ ഒരു ലക്ഷാധി​പ​തി​യാ​യി​ത്തീ​രും എന്നതാണ്‌.’ അത്‌ ഒരു രാഷ്‌ട്ര​ത്തിന്‌ അയക്കാൻ കഴിയുന്ന ഒരു വിചി​ത്ര​മായ സന്ദേശ​മാണ്‌.” എന്നു പറഞ്ഞു. “ഏറെ ആളുകൾ ഭാഗ്യം ആകസ്‌മി​കത, യാദൃ​ച്ഛി​കത, വിധി എന്നിവ​യു​ടെ പ്രാധാ​ന്യ​ത്തിൽ വിശ്വ​സി​ക്കു​ന്തോ​റും പരി​ശ്ര​മ​ശീ​ലം, മിതവ്യ​യം, ആശയടക്കം, ഉത്സാഹം, ആസൂ​ത്ര​ണ​ശീ​ലം തുടങ്ങിയ സ്ഥായി​യായ മൂല്യ​ങ്ങ​ളു​ടെ പ്രാധാ​ന്യ​ത്തി​ലുള്ള അവരുടെ വിശ്വാ​സം കുറയു​ന്നു” എന്ന്‌ ജോർജ്ജ്‌ വിൽ ന്യൂസ്‌ വീക്കിൽ എഴുതി.

മനുഷ്യ​സ​മൂ​ഹ​ത്തി​ന്റെ കേന്ദ്ര​മായ മറെറാ​രു സങ്കൽപ്പം ഇതാണ്‌: വ്യക്തികൾ മററു​ള്ള​വ​രു​ടെ ദൗർഭാ​ഗ്യ​ങ്ങ​ളിൽനിന്ന്‌ മുത​ലെ​ടു​ക്കാൻ ശ്രമി​ക്ക​രുത്‌. ഏതായാ​ലും ഭാഗ്യ​ക്കു​റി​ക​ളു​ടെ പ്രോ​ത്സാ​ഹകർ ഒരു വ്യക്തി മററു​ള്ള​വ​രു​ടെ നഷ്ടങ്ങളിൽ നിന്ന്‌ ലാഭവും സന്തോ​ഷ​വും നേടു​ന്നത്‌ ശരിയാണ്‌ എന്ന വീക്ഷണത്തെ പ്രോ​ത്സാ​ഹി​പ്പി​ക്കു​ന്നു. അത്തരം ചിന്ത സ്വാർത്ഥ​മാണ്‌. “നീ നിന്റെ അയൽക്കാ​രനെ നിന്നെ​പ്പോ​ലെ​ത്തന്നെ സ്‌നേ​ഹി​ക്കേണം” എന്ന ബൈബി​ളി​ന്റെ ഉദ്‌ബോ​ധ​നത്തെ അത്‌ കാററിൽ പറത്തുന്നു.—മത്തായി 22:39.

എതിർപ്പി​ന്റെ അനവധി ശബ്ദങ്ങൾക്കി​ട​യി​ലും, ഭൂമി​യി​ലെ​ങ്ങും ഭാഗ്യ​ക്കു​റി​കൾ നാടകീ​യ​മാ​യി വളരു​ന്ന​തിൽ തുടരു​ന്നു. പശ്ചിമാ​ഫ്രി​ക്ക​യി​ലെ​ത്തിയ ഒരു സന്ദർശകൻ ഒരു സംസ്ഥാ​ന​ഭാ​ഗ്യ​ക്കു​റി​ക്കെ​ട്ടി​ട​ത്തി​നു ചുററും നൂറു​ക​ണ​ക്കി​നാ​ളു​കൾ തടിച്ചു കൂടി​യി​രി​ക്കു​ന്നതു കണ്ട്‌, “ഈ ആളുകൾ അവരുടെ പണം ഭാഗ്യ​ക്കു​റി​യിൽ ധൂർത്ത​ടി​ക്കു​ന്ന​തെ​ന്തു​കൊണ്ട്‌, വിശേ​ഷിച്ച്‌ അവർ പാവ​പ്പെ​ട്ടവർ ആയിരി​ക്കേ?” എന്ന്‌ അദ്ദേഹം ഒരു തദ്ദേശ​വാ​സി​യോ​ടു ചോദി​ച്ചു.

“എന്റെ സ്‌നേ​ഹി​താ, അവർ ഭാഗ്യ​ക്കു​റി​യിൽ പങ്കെടു​ക്കു​ന്നത്‌ അത്‌ അവർക്ക്‌ പ്രത്യാശ നൽകു​ന്ന​തി​നാ​ലാണ്‌, അവരി​ല​നേ​കരെ സംബന്ധി​ച്ചും ജീവി​ത​ത്തിൽ അവർക്കാ​കെ​യുള്ള പ്രത്യാശ അതാണ്‌” എന്ന്‌ ആ നാട്ടു​കാ​രൻ പ്രതി​വ​ചി​ച്ചു.

എന്നാൽ ഭാഗ്യ​ക്കു​റി​യിൽ ജയിക്കുക എന്നത്‌ യഥാർത്ഥ​ത്തിൽ ഒരു പ്രത്യാ​ശ​യാ​ണോ? അത്‌ ഏറെയും ഒരു മിഥ്യ, ഒരു മരീചിക, ഒരു അസംഭ​വ്യ​സ്വ​പ്‌നം ആണ്‌. തീർച്ച​യാ​യും ഒരു മനസ്സാ​ക്ഷി​യുള്ള ക്രിസ്‌ത്യാ​നി സമ്പത്ത്‌ ചൂതാ​ടു​ന്ന​തി​ന്റെ വ്യർത്ഥ​മായ തേട്ടത്തി​നാ​യി തന്റെ സമയവും വിഭവ​ങ്ങ​ളും പാഴാ​ക്കു​ക​യില്ല. ജ്ഞാനി​ക​ളായ ആളുകൾ “അവരുടെ പ്രത്യാശ അർപ്പി​ക്കു​ന്നത്‌ അനിശ്ചി​ത​മായ ധനത്തിലല്ല, നമ്മുടെ ആസ്വാ​ദ​ന​ത്തി​നാ​യി എല്ലാ വസ്‌തു​ക്ക​ളും സമൃദ്ധ​മാ​യി പ്രദാനം ചെയ്യുന്ന ദൈവ​ത്തി​ലാണ്‌” എന്ന്‌ എഴുതിയ അപ്പോ​സ്‌ത​ല​നായ പൗലോ​സി​ന്റെ ബുദ്ധി​യു​പ​ദേശം പിന്തു​ട​രു​ന്നത്‌ എത്ര​യേറെ നല്ലതാണ്‌.—1 തിമൊ​ഥെ​യോസ്‌ 6:17. (g91 5/8)

[8-ാം പേജിലെ ആകർഷ​ക​വാ​ക്യം]

“തങ്ങൾ ധന സമാഹ​ര​ണ​ത്തിന്‌ ഒരു വേദനാ​ര​ഹി​ത​മായ എളുപ്പ​വഴി കണ്ടെത്തി​യി​രി​ക്കു​ന്നു എന്ന്‌ സാമാ​ജി​കർ ചിന്തി​ക്കു​മ്പോൾ യഥാർത്ഥ​ത്തിൽ അവർ ധാരാളം കുടും​ബ​ങ്ങ​ളെ​യും ധാരാളം വ്യാപാ​ര​ങ്ങ​ളെ​യും ധാരാളം മനുഷ്യ​രെ​യും ധാരാളം ജീവി​ത​ങ്ങ​ളെ​യും നശിപ്പി​ച്ചു കൊ​ണ്ടേ​യി​രി​ക്കു​ന്നു.”

[9-ാം പേജിലെ ചതുരം]

ചൂതാട്ടക്കാർക്കുള്ള ഏററം മികച്ച നിർദ്ദേ​ശ​ങ്ങൾ

“വിജയി​ക്കുന്ന ഒരു കക്ഷിക്ക്‌ ഒരു ഭാഗ്യ​ക്കു​റി​കൊണ്ട്‌ ഉപജീ​വി​ക്കു​ന്ന​യാൾ നൽകു​ന്ന​തി​നെ​ക്കാൾ തണുത്ത ഒരു പുഞ്ചി​രി​യില്ല. . . . തന്റെ കക്ഷിക്ക്‌ വളരെ​യ​ധി​കം നഷ്ടം സംഭവി​ക്കു​ന്ന​തി​നാൽ അയാളെ പന്തയം വെക്കു​ന്ന​തിൽനിന്ന്‌ തടയുന്ന ഒരു ഭാഗ്യ​ക്കു​റി​ക്കാ​ര​നു​മില്ല. . . . ദരി​ദ്ര​രാ​യി​ത്തീർന്ന ഭാഗ്യ​ക്കു​റി​ക്കാ​രി​ല്ലാ​ത്ത​തു​പോ​ലെ തന്നെ വിജയ​പ്ര​ദ​രായ ചൂതാ​ട്ട​ക്കാ​രും വിരള​മാണ്‌ എന്നും ഓർക്കുക.”—ഗ്രഹാം റോക്ക്‌, ദ റൈറംസ്‌, ലണ്ടൻ.

“ഇന്നു രാത്രി​യി​ലെ ലോട്ടോ നറു​ക്കെ​ടു​പ്പായ 4 1⁄2 കോടി ഡോള​റി​ന്റെ ഗാരണ്ടി​യുള്ള ജാക്ക്‌പോട്ട്‌ ന്യൂ​യോർക്ക്‌ സംസ്ഥാന ചരി​ത്ര​ത്തി​ലെ ഏററവും വലിയ നറു​ക്കെ​ടു​പ്പാണ്‌. എന്നാൽ ഒരു ഡോള​റി​നെ ഒരു പന്തയത്താൽ അതിൽ ജയിക്കു​ന്ന​തി​നുള്ള സാധ്യത 1,29,13,582ൽ ഒന്നു മാത്ര​മാണ്‌.”—ദ ന്യൂ​യോർക്ക്‌ ടൈംസ്‌.

“ഒരു വിഡ്‌ഢി​യും അവന്റെ പണവും വേഗം വേർപെ​ടു​ന്നു.” 16-ാം നൂററാ​ണ്ടു​മു​തൽ ഇന്നുവ​രെ​യുള്ള ചൊല്ല്‌.—ഫെമി​ലി​യർ കൊ​ട്ടേ​ഷൻസ്‌, ജോൺ ബാർട്ട്‌ല​ററ്‌

“ചൂതാ​ട്ട​ക്കാ​രാ, നീ ആഹ്ലാദി​ക്കേണ്ട; ഇന്നു ജയിക്കു​ന്ന​വ​രെ​ല്ലാം നാളെ തോൽക്കു​ന്നു.”—ഒരു സ്‌പാ​നിഷ്‌ പഴമൊ​ഴി.