രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

ഒരു തീവണ്ടി​യാ​ത്രാ​പ്രി​യൻ സത്യം പഠിക്കു​ന്നു

ഒരു വ്യക്തി​യു​ടെ ഹൃദയം നീതി​യോ​ടു പ്രതി​പ​ത്തി​യു​ള്ള​താ​ണെ​ങ്കിൽ, യഹോ​വ​യാം ദൈവം, യേശു​ക്രി​സ്‌തു​വി​നെ​യും സ്വർഗീയ ദൂതൻമാ​രെ​യും ഉപയോ​ഗി​ച്ചു​കൊണ്ട്‌, ചെമ്മരി​യാ​ടു തുല്യ​നായ അത്തര​മൊ​രു വ്യക്തി രാജ്യ​സു​വാർത്ത​യു​മാ​യി കാല​ക്ര​മ​ത്തിൽ സമ്പർക്ക​ത്തിൽ വരു​ന്നെന്ന്‌ ഉറപ്പു​വ​രു​ത്തും. തക്കസമ​യത്ത്‌ ആ വ്യക്തി യേശു​വി​ന്റെ പ്രീതി​യാ​കുന്ന വലതു വശത്തേക്കു വന്നേക്കാം. (മത്തായി 25:31-33) അനുപ​മ​മായ ഒരു വിധത്തിൽ സത്യവു​മാ​യി പരിച​യ​പ്പെട്ട ഓസ്‌ട്രി​യ​യി​ലെ ഒരു യുവ തീവണ്ടി​യാ​ത്രാ​പ്രി​യനെ സംബന്ധിച്ച്‌ ഇതു സത്യമാ​യി​രു​ന്നു.

റെയിൽവേ അധികാ​രി​ക​ളു​ടെ അനുമ​തി​യോ​ടെ തീവണ്ടി​യു​ടെ ഡ്രൈവർ-കാബി​നിൽ കയറി​പോ​കു​ക​യെ​ന്നത്‌ ഈ യുവാ​വി​ന്റെ ഹോബി​യു​ടെ ഏററവും രസകര​മായ ഭാഗമാ​യി​രു​ന്നു. വീട്ടിൽവെച്ചു വീണ്ടും കാണേ​ണ്ട​തിന്‌ ഓരോ യാത്ര​യും അയാൾ തന്റെ വീഡി​യോ ക്യാമ​റ​യിൽ പകർത്തി. വിയന്ന​യിൽനി​ന്നു സാൾസ്‌ബർഗി​ലേക്ക്‌ അയാൾ യാത്ര ചെയ്‌ത തീവണ്ടി​യു​ടെ എൻജിൻ-ഡ്രൈവർ യഹോ​വ​യു​ടെ സാക്ഷി​ക​ളിൽ ഒരുവ​നാ​യി​രു​ന്നു. അദ്ദേഹം തീവണ്ടി​യാ​ത്രാ​പ്രി​യ​നു​മാ​യി രാജ്യ​ത്തെ​ക്കു​റി​ച്ചു സംസാ​രി​ക്കാൻ ആ അവസരം ഉപയോ​ഗി​ച്ചു. ദൈവ​ത്തെ​യും ബൈബി​ളി​നെ​യും കുറിച്ച്‌ ഒരു എൻജിൻ-ഡ്രൈവർ സംസാ​രി​ക്കു​ന്നതു കേൾക്കു​ന്ന​തിൽ ആദ്യം ഈ യുവാവ്‌ അത്ഭുത​പ്പെട്ടു, എന്നാൽ യാത്രാ​വേ​ള​യിൽ ഡ്രൈവർ അയാ​ളോ​ടു പറഞ്ഞതി​നെ​ക്കാൾ പ്രകൃതി ദൃശ്യ​ങ്ങ​ളി​ലാ​യി​രു​ന്നു അയാൾ കൂടുതൽ ശ്രദ്ധ കേന്ദ്രീ​ക​രി​ച്ചത്‌.

വീട്ടി​ലെ​ത്തി​യ​ശേഷം ഈ യുവ ഉത്സാഹി തന്റെ വീഡി​യോ റിക്കാർഡിംഗ്‌ വീക്ഷിച്ചു, ഒരിക്കലല്ല, പത്തു പ്രാവ​ശ്യം, കാരണം ഈ യാത്ര​യിൽ അയാൾ വളരെ തത്‌പ​ര​നാ​യി​രു​ന്നു. അയാൾ ശബ്ദലേ​ഖ​ന​വും ചെയ്‌തി​രു​ന്ന​തു​കൊണ്ട്‌, സാക്ഷി അദ്ദേഹ​ത്തോ​ടു പറഞ്ഞത്‌ അയാൾ ആവർത്തി​ച്ചു​കേട്ടു. അയാൾ വീഡി​യോ എത്രയ​ധി​കം വീക്ഷി​ച്ചോ, അത്രയ​ധി​ക​മാ​യി തന്നോടു പറയ​പ്പെ​ട്ടത്‌ അയാൾക്കു സുപരി​ചി​ത​മാ​യി. പിന്നെ, അയാൾ അതി​നെ​ക്കു​റി​ച്ചു ചിന്തി​ക്കാൻ തുടങ്ങി, ഒടുവിൽ ബൈബി​ളിൽനിന്ന്‌ അയാൾക്കു ലഭിച്ച അത്ഭുത​ക​ര​മായ അറിവു സംബന്ധിച്ച്‌ അയാൾ ഉത്സാഹ​ഭ​രി​ത​നാ​യി​ത്തീർന്നു. അയാൾ കൂടുതൽ അറിയാ​നാ​ഗ്ര​ഹി​ച്ചു.

എൻജിൻ-ഡ്രൈ​വ​റു​ടെ പേര്‌ അയാൾക്ക്‌ ഓർമ​യു​ണ്ടാ​യി​രു​ന്നു. വിയന്ന​യിൽ എവി​ടെ​യോ ആണ്‌ അയാൾ ജീവി​ക്കു​ന്ന​തെ​ന്നും അറിയാ​മാ​യി​രു​ന്നു. അതു​കൊണ്ട്‌ അയാൾ പോസ്‌ററ്‌ ഓഫീ​സി​ലേക്കു പോയി, ഡയറക്ട​റി​യിൽ ആ പേരിനു കീഴെ വരുന്ന ഓരോ നമ്പരും ഒന്നിനു​പി​റകെ ഒന്നായി ഡയൽ ചെയ്യാൻ തുടങ്ങി. ഫോൺ എടുക്കു​ന്ന​വ​രോട്‌ അയാളു​ടെ ചോദ്യം “താങ്കൾ ഒരു ട്രെയിൻ ഡ്രൈ​വ​റാ​ണോ?” എന്നായി​രു​ന്നു. അല്ല എന്നാണ്‌ ഉത്തര​മെ​ങ്കിൽ അയാൾ മറെറാ​രു നമ്പർ വിളി​ക്കും. അവസാനം, അയാൾ ഡ്രൈ​വറെ കണ്ടെത്തി. അയാൾ തന്റെ കഥയും താൻ വീഡി​യോ​യിൽ കേട്ട ബൈബിൾ സന്ദേശ​ത്തിൽ തത്‌പ​ര​നാ​ണെ​ന്നും അദ്ദേഹ​ത്തോ​ടു പറഞ്ഞു.

ഈ യുവാ​വി​ന്റെ അടുത്തു താമസി​ക്കുന്ന ഒരാൾ അയാളെ സന്ദർശി​ക്കാൻ ആ സാക്ഷി ബ്രാഞ്ച്‌ ഓഫീ​സി​ലൂ​ടെ ക്രമീ​ക​ര​ണങ്ങൾ ചെയ്‌തു. ആകസ്‌മി​ക​മെന്നു പറയട്ടെ, പ്രാ​ദേ​ശിക സഭയി​ലു​ണ്ടാ​യി​രുന്ന ഒരു സാക്ഷി​യും തീവണ്ടി​യു​ടെ എൻജിൻ-ഡ്രൈ​വ​റാ​യി​രു​ന്നു. രണ്ടാമത്തെ ഈ എൻജിൻ-ഡ്രൈവർ പ്രസ്‌തുത തീവണ്ടി-പ്രേമി​യെ സന്ദർശി​ക്ക​യും ഒരു ബൈബിൾ അധ്യയനം ആരംഭി​ക്കു​ക​യും ചെയ്‌തു. ഈ ചെറു​പ്പ​ക്കാ​രൻ 1991-ലെ വേനൽക്കാ​ലത്തു സ്‌നാ​പ​ന​മേ​ററു.

ഈ വ്യക്തിക്കു നീതി​യോട്‌ ഒരു ആത്മാർഥ സ്‌നേ​ഹ​മു​ണ്ടാ​യി​രു​ന്നു എന്നു സകല ഹൃദയ​ങ്ങ​ളെ​യും പരി​ശോ​ധി​ക്കുന്ന യഹോവ കണ്ടിരി​ക്കണം. തൻമൂലം, അയാളെ അവിടു​ന്നു ബൈബിൾ സത്യവു​മാ​യി സമ്പർക്ക​ത്തിൽ വരുത്തി—ഒരു അനുപ​മ​മായ വിധത്തി​ലാ​ണെ​ങ്കിൽക്കൂ​ടി.—1 ദിനവൃ​ത്താ​ന്തം 28:9; യോഹ​ന്നാൻ 10:27.

[9-ാം പേജിലെ ചിത്ര​ത്തിന്‌ കടപ്പാട്‌]

Courtesy of the Austrian Railways