മദ്യാ​സ​ക്തി​യോ​ടുള്ള പോരാ​ട്ട​ത്തിൽ വിജയി​ക്കൽ

“ജോലി​ക്കി​ട​യിൽ, രാവിലെ ഏതാണ്ടു പത്തു മണിക്കു ഞാൻ ഒന്നു കുടി​ക്കു​ന്ന​തി​നെ​ക്കു​റി​ച്ചു ചിന്തി​ക്കാൻ തുടങ്ങും. പന്ത്രണ്ടു മണി​യോ​ടു​കൂ​ടി കുടി​ക്കാൻ ഞാൻ ഒന്നു രണ്ടു വട്ടം പുറത്തു പോയി​ക്ക​ഴി​ഞ്ഞി​രി​ക്കും. മൂന്നു മണി​യോ​ടു​കൂ​ടി എന്റെ ശരീരം വിറയ്‌ക്കാൻ തുടങ്ങും. മറെറാ​രു​വ​ട്ടം​കൂ​ടി കുടി​ക്കു​ന്ന​തി​നു ജോലി​സ​മയം കഴിയാൻവേണ്ടി ഞാൻ നോക്കി​യി​രി​ക്കും. വീട്ടി​ലേക്കു പോകു​ന്ന​വഴി മിക്കവാ​റും ഒന്നുര​ണ്ടു​വട്ടം കൂടി ഞാൻ കുടി​ക്കും. ഏഴു മണി​യോ​ടു​കൂ​ടി പിന്നെ​യും കുടി​ക്ക​ണ​മെന്നു തോന്നും. കുടി​ക്കും, ബോധ​മ​ററു കസേര​യിൽനി​ന്നു താഴെ വീഴും, മൂത്ര​മൊ​ഴി​ച്ചു പാൻറ്‌സൊ​ക്കെ നനയ്‌ക്കും, അങ്ങനെ വെളു​ക്കു​ന്ന​തു​വരെ ഞാൻ എന്റെ മൂത്ര​ത്തിൽ കിടക്കും. ഇതിനെ വാരത്തി​ലെ 7 ദിവസം​കൊ​ണ്ടു ഗുണിക്കൂ; അതിനെ വർഷത്തി​ലെ 52 ആഴ്‌ചകൾ കൊണ്ടു ഗുണിക്കൂ; അതിനെ 29 വർഷങ്ങൾകൊ​ണ്ടു ഗുണിക്കൂ.”

ഈ മനുഷ്യൻ ഒരു മദ്യാ​സ​ക്ത​നാണ്‌. അയാൾ ഒററയ്‌ക്കല്ല. ഡോ. വേർനൺ ഇ. ജോൺസൻ പറയു​ന്ന​പ്ര​കാ​രം “ശാരീ​രി​ക​വും മാനസി​ക​വും മനഃശാ​സ്‌ത്ര​പ​ര​വും ആത്മീയ​വു​മാ​യി മുഴു വ്യക്തി​യെ​യും ഉൾപ്പെ​ടു​ത്തുന്ന” ഈ മാരക​മായ അവസ്ഥ​യോ​ടു ലോക​വ്യാ​പ​ക​മാ​യി ലക്ഷക്കണ​ക്കി​നാ​ളു​ക​ളാ​ണു പോരാ​ടു​ന്നത്‌.a

മദ്യാ​സ​ക്തി​യെ ചികി​ത്സി​ച്ചു സുഖ​പ്പെ​ടു​ത്താൻ കഴിയില്ല, മറിച്ച്‌ ആജീവ​നാ​ന്തം അതിൽനി​ന്നൊ​ഴി​ഞ്ഞു​നിൽക്കുന്ന ഒരു പരിപാ​ടി​യി​ലൂ​ടെ അതിനെ തടയാൻ കഴിയു​മെന്ന്‌ അനേകം വിദഗ്‌ധർ പറയുന്നു. ഇത്‌ ഒരു അന്യാ​യ​മായ ആവശ്യം അല്ല, കാരണം മദ്യം ജീവി​ത​ത്തിന്‌ അത്യാ​വ​ശ്യ​മായ ഒന്നല്ല. വാസ്‌ത​വ​ത്തിൽ, മദ്യത്തി​ന്റെ ദുരു​പ​യോ​ഗം ദൈവ​ത്തി​ന്റെ അപ്രീതി കൈവ​രു​ത്തു​ന്നു. (1 കൊരി​ന്ത്യർ 6:9, 10) മദ്യാ​സ​ക്തി​ക്ക​ടി​മ​യാ​യി നിത്യ​ജീ​വൻ നഷ്ടപ്പെ​ടു​ത്തു​ന്ന​തി​നെ​ക്കാൾ ഭേദം മദ്യം​കൂ​ടാ​തെ ദൈവ​ത്തി​ന്റെ പുതിയ ലോക​ത്തിൽ പ്രവേ​ശി​ക്കു​ന്ന​താണ്‌.—മത്തായി 5:29, 30.

മദ്യദു​രു​പ​യോ​ഗം വിട്ട്‌ സ്വത​ന്ത്ര​നാ​കു​ന്നതു മിക്ക​പ്പോ​ഴും വിഫല​മായ ഒരു വെല്ലു​വി​ളി​യാണ്‌. (റോമർ 7:21-24 താരത​മ്യം ചെയ്യുക.) സഹായി​ക്കാൻ എന്തിനു കഴിയും? ഞങ്ങൾ നേരി​ട്ടുള്ള ചില നിർദേ​ശങ്ങൾ നൽകട്ടെ. നിങ്ങൾ മദ്യം ഒട്ടും ഉപയോ​ഗി​ക്കു​ന്നി​ല്ലെ​ങ്കി​ലും ഈ നിർദേ​ശങ്ങൾ വിജ്ഞാ​ന​പ്ര​ദ​മാ​യി​രി​ക്കും, കൂടാതെ, മദ്യാ​സ​ക്തി​യോ​ടു പോരാ​ടുന്ന നിങ്ങളു​ടെ ഏതെങ്കി​ലും സുഹൃ​ത്തി​നെ​യോ ബന്ധുവി​നെ​യോ സഹായി​ക്കാൻ നിങ്ങളെ ഇതു പ്രാപ്‌ത​രാ​ക്കു​ക​യും ചെയ്‌തേ​ക്കാം.

നിങ്ങ​ളെ​ത്ത​ന്നെ​യുള്ള ഒരു സത്യസ​ന്ധ​മായ വീക്ഷണം

തരണം​ചെ​യ്യേണ്ട ഏററവും വലിയ തടസ്സങ്ങ​ളിൽ ഒന്ന്‌ ഒരു മദ്യാ​സ​ക്ത​നാ​ണെന്ന വസ്‌തു​ത​യു​ടെ നിഷേ​ധ​മാണ്‌. നിഷേധം അവിശ്വ​സ്‌ത​ത​യു​ടെ ഒരു വകഭേ​ദ​മാണ്‌. അതു മദ്യപി​ക്കാ​നുള്ള നിങ്ങളു​ടെ സ്വാത​ന്ത്ര്യ​ത്തെ സംരക്ഷി​ക്കു​ന്ന​തിന്‌ ഉദ്ദേശ്യ​പൂർവ​മുള്ള ഒരു തെററായ ന്യായീ​ക​ര​ണ​മാണ്‌. ‘എനിക്ക്‌ അത്ര വലിയ പ്രശ്‌ന​മൊ​ന്നു​മില്ല, എനിക്കി​പ്പോ​ഴും കുടും​ബ​മുണ്ട്‌, തൊഴി​ലു​മുണ്ട്‌’ എന്നു നിങ്ങൾ ന്യായീ​ക​രി​ച്ചേ​ക്കാം. ഏററവും പ്രധാനം നിങ്ങൾക്കി​പ്പോ​ഴും നിങ്ങളു​ടെ മദ്യപാ​ന​മുണ്ട്‌ എന്നതാണ്‌.

നിഷേധം, നിങ്ങളെ സഹായി​ക്കാ​നാ​ഗ്ര​ഹി​ക്കുന്ന സുഹൃ​ത്തു​ക്കളെ ശ്രദ്ധി​ക്കു​ന്ന​തിൽനി​ന്നു നിങ്ങളെ തടഞ്ഞേ​ക്കാം. തന്റെ ഭാര്യ​യു​ടെ രണ്ടാനപ്പൻ അനാ​രോ​ഗ്യ​ക​ര​മായ മദ്യപാ​ന​രീ​തി​ക​ളും പരുക്കൻ പെരു​മാ​റ​റ​വും സ്വീക​രി​ച്ചി​രു​ന്നെന്നു റോബർട്ട്‌ നിരീ​ക്ഷി​ച്ചു. “ഏതാനും ദിവസ​ങ്ങൾക്കു​ശേഷം ഞാൻ അയാളെ നേരി​ടു​ക​യും അയാളു​ടെ മദ്യപാ​നം അയാളു​ടെ പെരു​മാ​റ​റ​ത്തി​നു കാരണ​മാ​യി​ട്ടു​ണ്ടെന്നു വിചാ​രി​ക്കു​ന്നോ എന്നു ചോദി​ക്കു​ക​യും ചെയ്‌തു.” ഫലമോ? “‘നിങ്ങൾക്കു തെളി​വി​ല്ല​ല്ലോ,’ ‘എനി​ക്കെ​ങ്ങനെ അനുഭ​വ​പ്പെ​ടു​ന്നെന്നു നിങ്ങൾക്ക​റി​യി​ല്ല​ല്ലോ’ എന്നിങ്ങനെ മറുപടി നൽകി​ക്കൊണ്ട്‌ അയാൾ തീർത്തും നിഷേ​ധി​ച്ചു.”

നിങ്ങളു​ടെ മദ്യപാ​ന​ത്തെ​ക്കു​റി​ച്ചു വിചാ​ര​പ്പെ​ടുന്ന ഒരു കുടും​ബാം​ഗ​മോ സുഹൃ​ത്തോ നിങ്ങളെ സമീപി​ക്കു​ന്നെ​ങ്കിൽ നിങ്ങ​ളെ​ത്തന്നെ സത്യസ​ന്ധ​മാ​യി ഒന്നു വീക്ഷി​ക്കുക. (സദൃശ​വാ​ക്യ​ങ്ങൾ 8:33) മദ്യമി​ല്ലാ​തെ നിങ്ങൾക്ക്‌ ഒരു വാരമോ, ഒരു മാസമോ, അല്ലെങ്കിൽ ഏതാനും മാസങ്ങ​ളോ കഴിഞ്ഞു​കൂ​ടാൻ സാധി​ക്കു​മോ? കഴിയി​ല്ലെ​ങ്കിൽ അതെന്തു​കൊണ്ട്‌? തെററായ ന്യായ​വാ​ദം​കൊ​ണ്ടു സ്വയം വഞ്ചിക്കുന്ന മനുഷ്യ​നെ​പ്പോ​ലെ​യാ​യി​രി​ക്ക​രുത്‌. യാക്കോബ്‌ പറയുന്നു: “അവൻ തന്റെ സ്വാഭാ​വിക മുഖം കണ്ണാടി​യിൽ നോക്കുന്ന ആളോടു ഒക്കുന്നു. അവൻ തന്നെത്താൻ പുറ​പ്പെട്ടു താൻ ഇന്ന രൂപം ആയിരു​ന്നു എന്നു ഉടനെ മറന്നു പോകു​ന്നു.”—യാക്കോബ്‌ 1:22-25.

നിങ്ങളു​ടെ സൗഖ്യം​പ്രാ​പി​ക്കൽ തുടങ്ങി​ക്ക​ഴി​ഞ്ഞും നിങ്ങൾ നിഷേധം സൂക്ഷി​ക്കണം. ഇച്ഛാശക്തി മാത്രം പോരാ (Willpower’s Not Enough) എന്ന പുസ്‌തകം ഇങ്ങനെ വിവരി​ക്കു​ന്നു: “ആദ്യമാ​യി വർജി​ക്കുന്ന വ്യക്തി, തനിക്ക്‌ അതു കുറച്ചു നാള​ത്തേക്ക്‌ ഉപയോ​ഗി​ക്കാ​തി​രി​ക്കാൻ ഒരുപക്ഷേ ആദ്യമാ​യി കഴിഞ്ഞ​തു​കൊ​ണ്ടു താനി​പ്പോൾ മോചി​ത​നാ​യി​രി​ക്കു​ന്നു​വെന്നു തെററാ​യി വിശ്വ​സി​ച്ചേ​ക്കാം.” ഇത്‌ ആസക്തി മൂർധ​ന്യാ​വ​സ്ഥ​യി​ലെ​ത്തു​മ്പോ​ഴത്തെ ചിന്തയാണ്‌, പിൻമാ​റ​റ​ത്തി​ലേ​ക്കുള്ള ആദ്യ പടിയു​മാണ്‌. ഇത്തരം നിഷേ​ധത്തെ ചെറു​ക്കാൻ നിങ്ങൾക്കു കഴിയ​ണ​മെ​ങ്കിൽ നിങ്ങൾ അതിനെ ഒററക്കു നേരി​ടാൻ ശ്രമി​ക്ക​രുത്‌.

സഹായം സ്വീക​രി​ക്കു​ക

തനിക്ക്‌ ഒററക്കു മദ്യാ​സ​ക്തി​യോ​ടു പോരാ​ടാൻ കഴിയി​ല്ലെന്നു തിരി​ച്ച​റി​ഞ്ഞു​കൊ​ണ്ടു ലിയോ എന്നു നമുക്കു വിളി​ക്കാ​വുന്ന ഒരു മനുഷ്യൻ വിദഗ്‌ധ സഹായം തേടി. കുറച്ചു നാളത്തെ ഊർജിത ചികി​ത്സ​ക്കു​ശേഷം അയാൾ സുഖം​പ്രാ​പി​ക്ക​ലി​ന്റെ പാതയി​ലെത്തി. വിദഗ്‌ധ സഹായം തേടു​ന്ന​തി​ന്റെ മൂല്യത്തെ എത്ര ഊന്നി​പ്പ​റ​ഞ്ഞാ​ലും അധിക​മാ​ക​യില്ല എന്നു ലിയോ വിചാ​രി​ക്കു​ന്നു.b ഇത്തരം സഹായം തദ്ദേശീ​യ​മാ​യി ലഭ്യമാ​ണെ​ങ്കിൽ അതിന്റെ പ്രയോ​ജനം നേടാൻ തീരു​മാ​നി​ക്കാ​വു​ന്ന​താണ്‌.

എന്നിരു​ന്നാ​ലും സൗഖ്യം പ്രാപി​ക്കു​ന്ന​തിൽ കേവലം വർജന​ത്തെ​ക്കാൾ അധികം ഉൾപ്പെ​ട്ടി​ട്ടു​ണ്ടെന്നു നിങ്ങൾ തിരി​ച്ച​റി​യണം. മദ്യാ​സ​ക്തി​ക്കു പിന്നിൽ നിങ്ങൾ അഭിമു​ഖീ​ക​രി​ക്കേണ്ട ആഴമേ​റിയ പ്രശ്‌നങ്ങൾ ഉണ്ടായി​രി​ക്കാം. അവയെ തഴയു​ന്നത്‌ അപകട​ക​ര​മാ​യി​രി​ക്കാം. ഡോ. ഷാർല​ററ്‌ ഡേവിസ്‌ കസിൽ എഴുതു​ന്നു: “ദുർവി​നി​യോ​ഗം, ആശ്രയ​ത്വം, അവഗണന എന്നീ അടിസ്ഥാന പ്രശ്‌നങ്ങൾ പരിഹ​രി​ക്ക​പ്പെ​ടാ​ഞ്ഞ​തി​നാൽ ലഹരി​വ​സ്‌തു​ക്ക​ളു​ടെ ദുരു​പ​യോ​ഗ​ത്തി​നു പതിന്നാ​ലു പ്രാവ​ശ്യം​വരെ ചികിത്സ നടത്തി​യി​ട്ടുള്ള ആളുകളെ ഞാൻ അഭിമു​ഖം നടത്തി​യി​ട്ടുണ്ട്‌.”

ഇതു സത്യ​മെന്നു ഡെന്നീസ്‌ കണ്ടെത്തി. “നിരവധി പ്രശ്‌ന​ങ്ങ​ളുള്ള ഒരു പരിമിത മദ്യാ​സ​ക്ത​നാ​യി​രു​ന്നു ഞാൻ” എന്നദ്ദേഹം എഴുതു​ന്നു. “കുടി നിർത്തി​യാൽ മാത്രം പോരാ​യി​രു​ന്നു. എന്റെ കഴിഞ്ഞ കാല​ത്തേക്കു ഞാൻ ഒന്നെത്തി നോ​ക്കേ​ണ്ടി​യി​രു​ന്നു, എന്റെ ബാല്യ​കാ​ല​ത്തി​ലെ പാഠങ്ങൾ പരി​ശോ​ധി​ക്കു​ക​യും അവ എന്നെ എങ്ങനെ ബാധി​ക്കു​ന്നു​വെന്നു മനസ്സി​ലാ​ക്കു​ക​യും ചെയ്‌തിട്ട്‌ എന്റെ പെരു​മാ​റ​റ​ത്തിൽ ചില മാററങ്ങൾ വരു​ത്തേ​ണ്ടി​യി​രു​ന്നു.”

സമാന​മാ​യി, സൗഖ്യം പ്രാപി​ക്കേ​ണ്ട​തിന്‌, ലിയോ​യ്‌ക്കു തന്നി​ലേ​ക്കു​തന്നെ ആഴമായി നോ​ക്കേ​ണ്ടി​യി​രു​ന്നു. “ഞാൻ അങ്ങേയ​ററം അസൂയാ​ലു​വും അക്രമാ​സ​ക്ത​നു​മായ വ്യക്തി​യാ​യി​രു​ന്നു.” അദ്ദേഹം പറയുന്നു. “എനിക്ക്‌ ആത്മാഭി​മാ​ന​ക്കു​റ​വും ആഡംഭര വ്യാ​മോ​ഹ​ങ്ങ​ളും മാറി​മാ​റി ഉണ്ടായി​ക്കൊ​ണ്ടി​രു​ന്നു.” ലിയോ എഫെസ്യർ 4:22-ലെ ബൈബിൾ ബുദ്ധ്യു​പ​ദേശം ബാധക​മാ​ക്കി: “മുമ്പി​ലത്തെ നടപ്പു സംബന്ധി​ച്ചു ചതി​മോ​ഹ​ങ്ങ​ളാൽ വഷളാ​യി​പ്പോ​കുന്ന പഴയ മനുഷ്യ​നെ ഉപേക്ഷി​ച്ചു”കൊൾവിൻ. അതേ, നിങ്ങളു​ടെ “മുമ്പി​ലത്തെ നടപ്പു” നിങ്ങളു​ടെ വ്യക്തി​ത്വ​ത്തിൽ ശക്തമായ സ്വാധീ​നം ചെലു​ത്തി​യി​ട്ടുണ്ട്‌. ചാന്തു മൂശ​യോട്‌ അനുരൂ​പ​പ്പെ​ടു​ന്ന​തു​പോ​ലെ നിങ്ങളു​ടെ വ്യക്തി​ത്വം ഭാഗി​ക​മാ​യി നിങ്ങളു​ടെ മുൻകാല ജീവി​ത​ത്താൽ രൂപ​പ്പെ​ടു​ത്ത​പ്പെ​ട്ടി​രി​ക്ക​യാണ്‌. തെററായ നടത്ത മാററു​മ്പോൾ എന്താണ്‌ അവശേ​ഷി​ക്കു​ന്നത്‌? ഒരുപക്ഷേ, വളരെ വർഷങ്ങ​ളാ​യി രൂപ​പ്പെ​ടു​ത്തി​യെ​ടുത്ത ഒരു വ്യക്തി​ത്വം. അതു​കൊണ്ട്‌, സൗഖ്യം പ്രാപി​ക്കു​ന്ന​തിൽ, നിങ്ങളു​ടെ മുൻകാല പെരു​മാ​റ​റ​ഗ​തി​യോട്‌ അനുരൂ​പ​പ്പെ​ടുന്ന പഴയ വ്യക്തി​ത്വ​ത്തി​നു മാററം വരുത്തു​ന്ന​തും ഉൾപ്പെ​ടു​ന്നു.

ദൈവ​വു​മാ​യി ഒരു ബന്ധം സ്ഥാപി​ക്കു​ക

ലിയോ​യു​ടെ സൗഖ്യം പ്രാപി​ക്ക​ലിൽ ദൈവ​വു​മാ​യി ഒരു വ്യക്തി​പ​ര​മായ ബന്ധം സ്ഥാപി​ക്കു​ന്ന​തും ഉൾപ്പെ​ട്ടി​രു​ന്നു. “യഹോ​വ​യിൽ ആശ്രയി​ക്കാ​നുള്ള എന്റെ പഠനം എന്റെ മനോ​ഭാ​വ​ത്തെ​യും പെരു​മാ​റ​റ​ത്തെ​യും വീക്ഷണ​ത്തെ​യും പൂർണ​മാ​യി മാററി​ക്ക​ളഞ്ഞു” അയാൾ പറയുന്നു.

എന്നുവ​രി​കി​ലും ജാഗ്രത ഉചിത​മാണ്‌. ഏതു ബന്ധത്തി​നും—മനുഷ്യ​നു​മാ​യു​ള്ള​തി​നോ ദൈവ​വു​മാ​യു​ള്ള​തി​നോ—തുറന്ന മനോ​ഭാ​വ​വും സത്യസ​ന്ധ​ത​യും വിശ്വാ​സ​വും ആവശ്യ​മാണ്‌. മദ്യാ​സക്തി ദ്രവി​പ്പി​ച്ചു​ക​ള​യുന്ന ഗുണങ്ങൾ തന്നെയാ​ണിവ. അവ വളർത്തി​യെ​ടു​ക്കാൻ കഴിയും. എന്നാൽ അതിനു സമയ​മെ​ടു​ക്കും.

ഒരു മദ്യാ​സ​ക്ത​നെന്ന നിലയിൽ ഒരു ഗാഢബന്ധം എങ്ങനെ അനുഭ​വ​പ്പെ​ടു​മെന്നു നിങ്ങൾക്ക​റി​യി​ല്ലാ​യി​രി​ക്കാം. അങ്ങനെ​യൊ​ന്നു നിങ്ങൾ ഒരുപക്ഷേ ഒരിക്ക​ലും അനുഭ​വി​ച്ചി​ട്ടി​ല്ലാ​യി​രി​ക്കാം. അതു​കൊ​ണ്ടു ക്ഷമയു​ള്ള​വ​നാ​യി​രി​ക്കുക. വർജന​ത്തി​ന്റെ താനേ​യു​ണ്ടാ​കുന്ന ഒരു ഉപോ​ത്‌പ​ന്ന​മാ​യി ദൈവ​വു​മാ​യുള്ള ബന്ധം സാധി​ത​മാ​കു​മെന്നു പ്രതീ​ക്ഷിച്ച്‌ ഈ പടി സ്വീക​രി​ക്കു​ന്ന​തിൽ ധൃതി കാട്ടരുത്‌. ദൈവ​ത്തെ​യും അവിടു​ത്തെ ഗുണങ്ങ​ളെ​യും മനസ്സി​ലാ​ക്കാൻ നല്ല ശ്രമം നടത്തുക. ഒരുപക്ഷേ, യഹോ​വ​യെ​യും അവിടു​ത്തെ വഴിക​ളെ​യും​കു​റിച്ച്‌ അഗാധ​മായ വിലമ​തി​പ്പിൻ വികാ​രങ്ങൾ പ്രകട​മാ​ക്കുന്ന ബൈബി​ളി​ലെ സങ്കീർത്ത​നങ്ങൾ ശ്രദ്ധാ​പൂർവം വായി​ച്ചു​കൊ​ണ്ടു ക്രമമാ​യി ധ്യാനി​ക്കുക.c

“അത്യന്ത​ശക്തി”

ദൈവ​ത്തോ​ടുള്ള വിശ്വ​സ്‌ത​മായ, ഉറച്ച ഒരു ബന്ധത്തിനു നിങ്ങളു​ടെ​മേൽ ശക്തമായ ഒരു സ്വാധീ​ന​മു​ണ്ടാ​യി​രി​ക്കാൻ കഴിയും. സൗഖ്യം പ്രാപി​ക്കാ​നുള്ള നിങ്ങളു​ടെ ശ്രമങ്ങളെ യഹോവ പിന്താ​ങ്ങും. (സങ്കീർത്തനം 51:10-12; 145:14 എന്നിവ താരത​മ്യം ചെയ്യുക.) അവിടു​ന്നു നിങ്ങൾക്ക്‌ “അത്യന്ത​ശക്തി” നൽകു​മെന്ന ബോധ്യ​ത്തോ​ടെ ഏതു സമയത്തും നിങ്ങൾക്കു യഹോ​വയെ വികാ​ര​തീ​ക്ഷ്‌ണ​മായ പ്രാർഥ​ന​യിൽ സമീപി​ക്കാ​വു​ന്ന​താണ്‌.—2 കൊരി​ന്ത്യർ 4:7; ഫിലി​പ്പി​യർ 4:6, 7.

നിങ്ങളു​ടെ ഘടന ഏതു മനുഷ്യ​നെ​ക്കാ​ളും നന്നായി സ്രഷ്ടാ​വി​ന​റി​യാം. (സങ്കീർത്തനം 103:14) മനുഷ്യ​ജ്ഞാ​ന​ത്തിൽ ആശ്രയി​ക്കുന്ന മാനു​ഷിക ഉപദേ​ശ​കർക്കു സഹായി​ക്കാൻ കഴിയും; എന്നാൽ മമനു​ഷ്യ​ന്റെ സ്രഷ്ടാ​വി​നു നിങ്ങളെ ഈ പോരാ​ട്ട​ത്തിൽ എത്രയ​ധി​കം സഹായി​ക്കാൻ കഴിയും! (യെശയ്യാ​വു 41:10; 48:17, 18) അവിടു​ന്നു ക്രിസ്‌തീയ സഭക്കു​ള്ളിൽ സ്‌നേ​ഹ​പൂർവ​ക​മായ പിന്തുണ പ്രദാനം ചെയ്‌തി​രി​ക്കു​ന്നു.

ഒരു പിന്താങ്ങൽ പദ്ധതി

ക്രിസ്‌തീയ സഭയിലെ ആത്മീയ പക്വത​യുള്ള മൂപ്പൻമാർക്കു സഹായ​ത്തി​ന്റെ ഒരു മഹത്തായ ഉറവി​ട​മാ​യി​രി​ക്കാൻ കഴിയും. അവരിൽ വളരെ​ച്ചു​രു​ക്കം പേരേ വൈദ്യ​ശാ​സ്‌ത്ര രംഗത്തോ മാനസി​കാ​രോ​ഗ്യ രംഗത്തോ വിദഗ്‌ധ​രെന്ന്‌ അവകാ​ശ​പ്പെ​ടു​ക​യു​ള്ളു. എങ്കിലും അവർ ദൈവ​വ​ച​ന​വും ദൈവ തത്ത്വങ്ങ​ളും അറിയു​ക​യും വിശ്വ​സി​ക്കു​ക​യും ചെയ്യുന്നു. അവർക്ക്‌ “കാററി​ന്നു ഒരു മറവും പിശറി​ന്നു ഒരു സങ്കേത​വു​മാ​യി വരണ്ട നിലത്തു നീർത്തോ​ടു​കൾപോ​ലെ​യും ക്ഷീണമുള്ള ദേശത്തു വമ്പാറ​യു​ടെ തണൽപോ​ലെ​യും” എന്നു തെളി​യി​ക്കാൻ കഴിയും. (യെശയ്യാ​വു 32:2) അവരുടെ സഹായത്തെ പൂർണ​മാ​യി പ്രയോ​ജ​ന​പ്പെ​ടു​ത്തുക.d

മററു കുടും​ബാം​ഗ​ങ്ങ​ളോ​ടും സുഹൃ​ത്തു​ക്ക​ളോ​ടു​മൊ​പ്പം ഇത്തരം ക്രിസ്‌തീയ മൂപ്പൻമാർ നിങ്ങളു​ടെ സ്വന്തം പ്രവൃ​ത്തി​ക​ളു​ടെ പരിണ​ത​ഫ​ല​ങ്ങ​ളിൽനി​ന്നു നിങ്ങളെ സംരക്ഷി​ക്കു​ക​യില്ല. മദ്യപാ​ന​ത്തിൽനി​ന്നുള്ള മുക്തി (Coming Off Drink) എന്ന പ്രസി​ദ്ധീ​ക​രണം വിശദീ​ക​രി​ക്കു​ന്നു: “നിർണാ​യക ചികി​ത്സാ​ഘ​ടകം ആസക്തി​യു​ടെ വിനാ​ശ​ക​ര​മായ പരിണ​ത​ഫ​ല​ങ്ങ​ളോ​ടു​കൂ​ടിയ മദ്യപാ​നാ​സ​ക്തരെ നേരി​ടു​ക​യും തങ്ങളുടെ സ്വന്തം പ്രവൃ​ത്തി​ക​ളു​ടെ ഉത്തരവാ​ദി​ത്വം ഏറെറ​ടു​ക്കാൻ സഹായി​ക്കു​ക​യു​മാണ്‌.” അതു​കൊണ്ട്‌, മദ്യാ​സ​ക്തി​ക്കെ​തി​രെ​യുള്ള നിങ്ങളു​ടെ പോരാ​ട്ട​ത്തിൽ വിജയി​ക്കു​ന്ന​തി​നു യാഥാർഥ്യ​ത്തെ നേരി​ടാ​നും ആവശ്യ​മാ​യി​രി​ക്കുന്ന ചികി​ത്സ​യോ​ടും പെരു​മാ​റ​റ​ഗ​തി​യോ​ടും പററി​നിൽക്കാ​നും പ്രോ​ത്സാ​ഹി​പ്പി​ച്ചു​കൊണ്ട്‌ അവർ ദയാലു​ക്ക​ളും എന്നാൽ സത്യസ​ന്ധ​രു​മാ​യി​രി​ക്കും.

സൗഖ്യം പ്രാപി​ക്കൽ നിങ്ങളു​ടെ ഉത്തരവാ​ദി​ത്വ​മാണ്‌

മററു​ള്ള​വ​രിൽനി​ന്നുള്ള പിന്തു​ണ​യു​ടെ പ്രയോ​ജനം നിങ്ങൾ അനുഭ​വി​ക്കവെ, യാതൊ​രു മനുഷ്യ​നോ ആത്മാവി​നോ നിങ്ങളു​ടെ സൗഖ്യം പ്രാപി​ക്ക​ലി​നെ അടി​ച്ചേൽപ്പി​ക്കാൻ കഴിയി​ല്ലെന്നു നിങ്ങൾ അറി​യേ​ണ്ട​തുണ്ട്‌. നിങ്ങൾ ഒരു സ്വത​ന്ത്ര​നായ ധാർമിക വ്യക്തി​യാണ്‌. നിങ്ങളു​ടെ സൗഖ്യം പ്രാപി​ക്കൽ ആത്യന്തി​ക​മാ​യി നിങ്ങളു​ടെ ഉത്തരവാ​ദി​ത്വ​മാണ്‌. (ഉൽപ്പത്തി 4:7; ആവർത്തനം 30:19, 20; ഫിലി​പ്പി​യർ 2:12 എന്നിവ താരത​മ്യം ചെയ്യുക.) ആ ഉത്തരവാ​ദി​ത്വം ഏറെറ​ടു​ക്കുക, അപ്പോൾ യഹോവ നിങ്ങളെ അനു​ഗ്ര​ഹി​ക്കും. ഒന്നു കൊരി​ന്ത്യർ 10:13-ൽ നമുക്കി​ങ്ങനെ ഉറപ്പു നൽകുന്നു: “മനുഷ്യർക്കു നടപ്പല്ലാത്ത പരീക്ഷ നിങ്ങൾക്കു നേരി​ട്ടി​ട്ടില്ല; ദൈവം വിശ്വ​സ്‌തൻ; നിങ്ങൾക്കു കഴിയു​ന്ന​തി​ന്നു മീതെ പരീക്ഷ നേരി​ടു​വാൻ സമ്മതി​ക്കാ​തെ നിങ്ങൾക്കു സഹിപ്പാൻ കഴി​യേ​ണ്ട​തി​ന്നു പരീക്ഷ​യോ​ടു​കൂ​ടെ അവൻ പോക്കു​വ​ഴി​യും ഉണ്ടാക്കും.” അതു​കൊണ്ട്‌, ആശ്വസി​ച്ചു​കൊൾക—മദ്യാ​സ​ക്തി​യോ​ടുള്ള പോരാ​ട്ട​ത്തിൽ നിങ്ങൾക്കു വിജയി​ക്കാൻ കഴിയും.

[അടിക്കു​റിപ്പ്‌]

[24-ാം പേജിലെ ചതുരം]

ഒരുപക്ഷേ, നിങ്ങൾ മദ്യാ​സ​ക്തി​യു​ള​വാ​ക്കിയ അധഃപ​ത​ന​വും കഷ്ടപ്പാ​ടും അനുഭ​വി​ക്കു​ക​യാ​യി​രി​ക്കാം. അങ്ങനെ​യെ​ങ്കിൽ നിങ്ങൾ പ്രതീക്ഷ വിട്ടു​ക​ള​യ​രുത്‌. സഹായം ലഭ്യമാണ്‌.

[26-ാം പേജിലെ ചതുരം]

നിങ്ങൾക്കൊരു പിൻമാ​ററം ഉണ്ടായാൽ

“ഒരു പിൻമാ​റ​റ​ത്തി​നു​വേണ്ടി തയ്യാറാ​യി​രി​ക്കു​ന്നത്‌ അഗ്നിബാ​ധ​യിൽനി​ന്നു രക്ഷപ്പെ​ടു​ന്ന​തി​നുള്ള പരിശീ​ലനം പോ​ലെ​യാണ്‌” എന്ന്‌ ഇച്ഛാശക്തി മാത്രം പോരാ എന്ന പുസ്‌തകം പറയുന്നു. “നിങ്ങൾ ഒരു അഗ്നിബാധ പ്രതീ​ക്ഷി​ക്കു​ന്നു​ണ്ടെന്നല്ല, എന്നാൽ അങ്ങനെ​യൊ​ന്നു സംഭവി​ച്ചാൽ ഉത്തരവാ​ദി​ത്വ​പൂർവ​മായ നടപടി​യെ​ടു​ക്കാൻ നിങ്ങൾ സജ്ജനാ​ണെന്ന്‌ അതർഥ​മാ​ക്കും.” നിങ്ങൾക്കൊ​രു പിൻമാ​ററം ഉണ്ടാകു​ക​തന്നെ ചെയ്‌താൽ:

□ യഹോ​വ​യോ​ടു പ്രാർഥി​ക്കുക. അവിടു​ന്നു നിങ്ങളു​ടെ പ്രശ്‌നം മനസ്സി​ലാ​ക്കു​ന്നു​വെ​ന്നും സഹായി​ക്കാ​നാ​ഗ്ര​ഹി​ക്കു​ന്നു​വെ​ന്നും ഉറപ്പു​ണ്ടാ​യി​രി​ക്കുക.—സങ്കീർത്തനം 103:14; യെശയ്യാ​വു 41:10.

□ ആവശ്യം വന്നാൽ നിങ്ങൾ ആരുമാ​യി ബന്ധപ്പെ​ടും എന്നു മുൻകൂ​ട്ടി തീരു​മാ​നി​ച്ചു​കൊണ്ട്‌ ഒരു ക്രിസ്‌തീയ മൂപ്പനെ പൂർണ​മാ​യി വിശ്വ​സി​ക്കുക. സംഭവി​ച്ചതു സംബന്ധി​ച്ചു സത്യസ​ന്ധ​നാ​യി​രി​ക്കു​ക​യും തിരു​വെ​ഴു​ത്തു​പ​ര​മായ അദ്ദേഹ​ത്തി​ന്റെ ഉപദേശം ശ്രദ്ധാ​പൂർവം കേൾക്കു​ക​യും ചെയ്യുക.

□ നിരാ​ശ​പ്പെ​ടു​ന്ന​തി​നെ​തി​രെ ജാഗരി​ക്കുക. സ്വയം വെറു​ക്കു​ന്നതു പൂർണ​മായ പിൻമാ​റ​റ​ത്തി​ലേക്കു നിങ്ങളെ കൂടുതൽ അടുപ്പി​ക്കു​കയേ ഉള്ളു. അതു​കൊ​ണ്ടു നിങ്ങളു​ടെ പിശകി​നെ ഉചിത​മായ വീക്ഷണ​ത്തിൽ നിർത്തുക. ഒരു പോരാ​ട്ട​ത്തിൽ തോറ​റ​തി​നാൽ നിങ്ങളു​ടെ യുദ്ധം പരാജ​യ​പ്പെ​ട്ടെന്ന്‌ അർഥമില്ല. ഒരു മാര​ത്തോൺ ഓട്ടക്കാ​രൻ വീഴു​മ്പോൾ അയാൾ സ്‌ററാർട്ടിങ്‌ ലൈനി​ലേക്കു മടങ്ങു​ന്നില്ല; അയാൾ എഴു​ന്നേ​ററ്‌ ഓട്ടം തുടരു​ന്നു. നിങ്ങളു​ടെ സൗഖ്യം പ്രാപി​ക്ക​ലി​ലും ഇതുതന്നെ ചെയ്യുക. നിങ്ങളി​പ്പോ​ഴും റോഡി​ലാണ്‌. ഒഴിഞ്ഞു​നിന്ന ആഴ്‌ച​ക​ളോ മാസങ്ങ​ളോ വർഷങ്ങ​ളോ ഒരിക്ക​ലും ഇല്ലാതാ​യി​പ്പോ​കു​ന്നില്ല.

[25-ാം പേജിലെ ചിത്രം]

നിങ്ങളെത്തന്നെ സത്യസ​ന്ധ​മാ​യി അടുത്തു വീക്ഷി​ച്ചു​കൊ​ണ്ടു നിഷേ​ധത്തെ ചെറു​ക്കു​ക