വായന​ക്കാ​രിൽനി​ന്നുള്ള ചോദ്യ​ങ്ങൾ

“ആത്മികൻ” എന്ന്‌ 1 കൊരി​ന്ത്യർ 14:37-ൽ കാണു​ന്ന​തി​ന്റെ അർഥം, അഭി​ഷേകം ചെയ്യ​പ്പെ​ട്ട​വ​നെന്ന നിലയിൽ ഒരു വ്യക്തിക്കു പരിശു​ദ്ധാ​ത്മാ​വു ലഭി​ച്ചെ​ന്നാ​ണോ അതോ അയാൾക്ക്‌ ആത്മാവിൽനി​ന്നുള്ള ഒരു അത്ഭുത​വരം ഉണ്ടെന്നാ​ണോ?

തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്ത​ര​ത്തിൽ (New World Translation of the Holy Scriptures) ഈ വാക്യം ഇങ്ങനെ വായി​ക്കു​ന്നു: “താൻ ഒരു പ്രവാ​ച​ക​നെ​ന്നോ ആത്മാവി​ന്റെ വരം ലഭിച്ച​വ​നെ​ന്നോ ഒരുവൻ വിചാ​രി​ക്കു​ന്നെ​ങ്കിൽ, ഞാൻ നിങ്ങൾക്കെ​ഴു​തു​ന്നത്‌ അയാൾ അംഗീ​ക​രി​ക്കട്ടെ, എന്തെന്നാൽ അവ കർത്താ​വി​ന്റെ കൽപ്പന​യാ​കു​ന്നു.”—1 കൊരി​ന്ത്യർ 14:37.

“ആത്മാവി​ന്റെ വരം ലഭിച്ചവ”ൻ എന്ന വാചകത്തെ ഒരു വായന​ക്കാ​രൻ ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾ ആത്മാവു പ്രാപിച്ച്‌ ദൈവ​ത്തി​ന്റെ ആത്മീയ മക്കളാ​യി​ത്തീർന്നു​വെന്ന വസ്‌തു​ത​യു​ടെ പരാമർശ​മാ​യി കണക്കാ​ക്കി​യേ​ക്കാം. അല്ലെങ്കിൽ പരിശു​ദ്ധാ​ത്മാ​വി​ന്റെ ഒരു പ്രത്യേക ദാനം ലഭിച്ച​വ​നെ​യാണ്‌ ഈ വാചകം അർഥമാ​ക്കു​ന്ന​തെന്നു കരുതി​യേ​ക്കാം. ഇതിന്റെ പശ്ചാത്തലം പ്രകട​മാ​ക്കു​ന്ന​പ്ര​കാ​രം, ഈ രണ്ടാമത്തെ അർഥത്തി​നാണ്‌ ഏറെ സാധ്യത.

അപ്പോ​സ്‌ത​ല​നാ​യ പൗലോസ്‌ ഇവിടെ “ആത്മാവ്‌, ആത്മീയ എന്നിവ​യോ​ടു ബന്ധപ്പെ​ട്ടത്‌” എന്ന അടിസ്ഥാന അർഥമുള്ള ന്യൂമാ​റ​റി​ക്കോസ്‌ എന്ന ഗ്രീക്കു​പദം ഉപയോ​ഗി​ച്ചു. “ആത്മീയ ശരീരം,” “ആധ്യാ​ത്മിക അനുഗ്രഹ”ങ്ങൾ “ആത്മിക​മായ . . . ജ്ഞാനം,” “ആത്മിക​ഗൃ​ഹം” എന്നീ വർണന​ക​ളിൽ അതിന്റെ വകഭേ​ദങ്ങൾ ഉപയോ​ഗി​ച്ചി​രി​ക്കു​ന്നു.—1 കോറി. 15:44, ഓശാന ബൈ.; എഫേ​സോ​സു​കാർ 1:3, ഓശാന ബൈ.; കൊ​ലൊ​സ്സ്യർ 1:9; 1 പത്രൊസ്‌ 2:5.

അവി​ടെ​യെ​ല്ലാം, ബൈബിൾ “ആത്മീയ” എന്ന വിശേ​ഷ​ണ​പദം വർണി​ക്കുന്ന ആഖ്യ എന്താ​ണെന്നു (ശരീരം, അനു​ഗ്രഹം, ജ്ഞാനം, ഗൃഹം) വ്യക്തമാ​ക്കു​ന്നു. എന്നാൽ മററു​ള്ളി​ട​ങ്ങ​ളിൽ, “ആത്മീയ” എന്നതിന്റെ അർഥവും ശരിയായ വിവർത്ത​ന​വും പശ്ചാത്ത​ല​ത്തിൽനി​ന്നു നിർണ​യി​ക്കേ​ണ്ട​തുണ്ട്‌. ഉദാഹ​ര​ണ​ത്തിന്‌, 1 കൊരി​ന്ത്യർ 2:14, 15 ഭൗതിക മമനു​ഷ്യ​ന്റെ മനോ​ഭാ​വ​ത്തി​നും ഹോ ന്യൂമാ​റ​റി​ക്കോ​സ​നും തമ്മിൽ വൈപ​രീ​ത്യം കൽപ്പി​ക്കു​ന്നു. ഇവിടെ ന്യായാ​നു​സ​രണം, ന്യൂമാ​റ​റി​ക്കോ​സ​ന്റെ അർഥം “ആത്മീയ മനുഷ്യൻ” എന്നാണ്‌.

ഒന്നു കൊരി​ന്ത്യർ 12 മുതൽ 14 വരെയുള്ള അധ്യാ​യങ്ങൾ പരിശു​ദ്ധാ​ത്മാ​വി​ന്റെ അത്ഭുത ദാനങ്ങളെ കേന്ദ്രീ​ക​രി​ച്ചു പ്രതി​പാ​ദി​ക്കു​ന്നു. ജഡിക ഇസ്ര​യേ​ലി​നെ താൻ മേലാൽ ഉപയോ​ഗി​ക്കു​ന്നി​ല്ലെ​ന്നും മറിച്ച്‌ ക്രിസ്‌തീ​യ​മായ “ദൈവ​ത്തി​ന്റെ യിസ്രാ​യേലി”നെയാണ്‌ ഇപ്പോൾ അനു​ഗ്ര​ഹി​ക്കു​ന്ന​തെ​ന്നും പ്രകട​മാ​ക്കു​ന്ന​തി​നു ദൈവം അവ ചില ആദിമ ക്രിസ്‌ത്യാ​നി​കൾക്കു നൽകി. (ഗലാത്യർ 6:16) ഈ ദാനങ്ങ​ളെ​ക്കു​റി​ച്ചു പൗലോസ്‌ ഇങ്ങനെ എഴുതി: “വരങ്ങൾ വിവി​ധങ്ങൾ എങ്കിലും ആത്മാവ്‌ ഒന്നേയു​ള്ളു.” (1 കോറി. 12:4, ഓശാന ബൈ.) പ്രത്യേക ജ്ഞാനം, അറിവ്‌, വിശ്വാ​സം, പ്രവചി​ക്കൽ, അന്യഭാ​ഷ​യിൽ സംസാ​രി​ക്കൽ, ഭാഷകൾ വ്യാഖ്യാ​നി​ക്കൽ എന്നിവ ആത്മാവി​ന്റെ ദാനങ്ങ​ളിൽ പെട്ടവ​യാ​യി​രു​ന്നു.—1 കൊരി​ന്ത്യർ 12:8-11.

പൗലോസ്‌ എഴുതിയ കൊരി​ന്തി​ലെ ക്രിസ്‌ത്യാ​നി​കൾ ദൈവ​ത്തി​ന്റെ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ട്ട​വ​രാ​യി​രു​ന്നു. പൗലോസ്‌ പറഞ്ഞു: “നിങ്ങൾ കർത്താ​വായ യേശു​ക്രി​സ്‌തു​വി​ന്റെ നാമത്തി​ലും നമ്മുടെ ദൈവ​ത്തി​ന്റെ ആത്മാവി​നാ​ലും നിങ്ങ​ളെ​ത്തന്നേ കഴുകി ശുദ്ധീ​ക​ര​ണ​വും നീതീ​ക​ര​ണ​വും പ്രാപി​ച്ചി​രി​ക്കു​ന്നു.” (1 കൊരി​ന്ത്യർ 6:11; 12:13) അതേ, “വരാനു​ള്ള​തി​ന്റെ അച്ചാര​മായ ആത്മാവ്‌” എല്ലാവർക്കും ലഭിച്ചി​രു​ന്നു. (2 കൊരി​ന്ത്യർ 5:5, NW) എന്നിരു​ന്നാ​ലും, പരിശു​ദ്ധാ​ത്മാ​വി​ലൂ​ടെ ഒരു വിശേ​ഷ​പ്പെട്ട ദാനം അവരിൽ എല്ലാവർക്കും കിട്ടി​യില്ല. അന്യഭാ​ഷാ​സം​സാ​രം അനേക​രു​ടെ മനം കവർന്ന​താ​യി തോന്നു​ന്നു, കാരണം ആ ദാനത്തിന്‌ അവർ അമിത പ്രാധാ​ന്യം കൽപ്പി​ച്ചി​രു​ന്നു. അവരുടെ ചിന്തയെ നേർവ​ഴി​ക്കു കൊണ്ടു​വ​രു​ന്ന​തി​നു പൗലോസ്‌ അവർക്കെ​ഴു​തു​ക​യും പ്രവച​ന​വ​രം​കൊ​ണ്ടു പ്രയോ​ജനം നേടു​ന്ന​ട​ത്തോ​ളം പേർ അന്യഭാ​ഷാ​വ​രം​കൊ​ണ്ടു പ്രയോ​ജനം നേടു​ക​യി​ല്ലെന്നു ചൂണ്ടി​ക്കാ​ട്ടു​ക​യും ചെയ്‌തു. പന്ത്രണ്ടാം അധ്യാ​യ​ത്തി​ന്റെ അവസാനം പൗലോസ്‌ കൊരി​ന്ത്യ​രെ ഇങ്ങനെ ഉപദേ​ശി​ച്ചു: “ശ്രേഷ്‌ഠ​വ​ര​ങ്ങളെ വാഞ്‌ഛി​പ്പിൻ.”—1 കൊരി​ന്ത്യർ 12:28-31.

പിന്നീട്‌, 14-ാമധ്യാ​യ​ത്തി​ന്റെ തുടക്ക​ത്തിൽ അദ്ദേഹം ഇങ്ങനെ പ്രേരി​പ്പി​ച്ചു: “സ്‌നേഹം ആചരി​പ്പാൻ ഉത്സാഹി​പ്പിൻ! [ടാ ന്യൂമാ​റ​റി​ക്കാ]കളും വിശേ​ഷാൽ പ്രവച​ന​വ​ര​വും വാഞ്‌ഛി​പ്പിൻ.” എന്തു വാഞ്‌ഛി​ക്കണം? ആ ക്രിസ്‌ത്യാ​നി​കൾ ആത്മീയാ​ഭി​ഷേ​ക​ത്തി​നു വാഞ്‌ഛി​ക്കേ​ണ്ട​തി​ല്ലാ​യി​രു​ന്നു, കാരണം അത്‌ അവർക്ക്‌ അപ്പോൾത്ത​ന്നെ​യു​ണ്ടാ​യി​രു​ന്നു. യുക്തി​പ​ര​മാ​യി, വാഞ്‌ഛി​ക്കാൻ താൻ 12-ാമധ്യാ​യ​ത്തി​ന്റെ ഒടുവിൽ അവരോട്‌ ഉപദേ​ശിച്ച ആത്മീയ “ദാനങ്ങ”ളെയാണ്‌ പൗലോസ്‌ അർഥമാ​ക്കി​യത്‌. അതു​കൊണ്ട്‌, തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം 1 കൊരി​ന്ത്യർ 14:1 “ആത്മീയ ദാനങ്ങൾ ഉത്സാഹ​പൂർവം തേടു​ന്ന​തിൽ തുടരുക” എന്നു പരിഭാ​ഷ​പ്പെ​ടു​ത്തു​ന്നു. ഇവിടത്തെ ടാ ന്യൂമാ​റ​റി​ക്കാ​യെ മററു ബൈബിൾ ഭാഷാ​ന്ത​രങ്ങൾ “ആത്മീയ ദാനങ്ങൾ,” അഥവാ “ആത്മാവി​ന്റെ ദാനങ്ങൾ” എന്നു വിവർത്തനം ചെയ്യുന്നു.

പൗലോസ്‌ 14-ാമധ്യാ​യ​ത്തി​ന്റെ അവസാ​ന​ത്തോ​ട​ടുത്ത്‌ പ്രവചി​ക്ക​ലും ന്യൂമാ​റ​റി​ക്കോ​സ തമ്മിൽ ബന്ധിപ്പി​ക്കു​ന്ന​താ​യി ഈ പശ്ചാത്ത​ല​ത്തിൽ നാം മനസ്സി​ലാ​ക്കു​ന്നു. ഒന്നാമത്തെ വാക്യ​ത്തി​ലെ​പ്പോ​ലെ, ആത്മാവി​ന്റെ ദാനം ലഭിച്ചവൻ എന്ന്‌ അദ്ദേഹം അർഥമാ​ക്കി​യെന്നു സന്ദർഭം സൂചി​പ്പി​ക്കു​ന്നു. ആർ.എഫ്‌. വേമത്തി​ന്റെ പുതി​യ​നി​യമം ആധുനിക ഭാഷയിൽ (The New Testament in Modern Speech) “ആരെങ്കിലും ഒരു പ്രവാ​ച​ക​നെ​ന്നോ ആത്മീയ ദാനങ്ങ​ളുള്ള മനുഷ്യ​നെ​ന്നോ സ്വയം കണക്കാ​ക്കു​ന്നെ​ങ്കിൽ ഞാൻ ഇപ്പോൾ എഴുതു​ന്നതു കർത്താ​വി​ന്റെ കൽപ്പന​യാ​ണെന്ന്‌ അയാൾ അംഗീ​ക​രി​ക്കട്ടെ” എന്നു വിവർത്തനം ചെയ്യുന്നു.

അതേ, പ്രവച​ന​വ​ര​മു​ണ്ടാ​യി​രു​ന്നാ​ലും ശരി ആത്മാവി​ന്റെ മറേറ​തെ​ങ്കി​ലും ദാനമു​ണ്ടാ​യി​രു​ന്നാ​ലും ശരി, സകല ക്രിസ്‌ത്യാ​നി​ക​ളും സഭയിൽ കാര്യങ്ങൾ എങ്ങനെ നടക്കണ​മെ​ന്നതു സംബന്ധി​ച്ചു പൗലോസ്‌ എഴുതിയ ബുദ്ധ്യു​പ​ദേശം സ്വീക​രി​ക്കു​ക​യും പാലി​ക്കു​ക​യും ചെയ്യേ​ണ്ട​തു​ണ്ടാ​യി​രു​ന്നു.