രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

ജീവന്റെ പവി​ത്ര​ത​യോ​ടുള്ള ആദരവ്‌

ദൈവ​ത്തി​ന്റെ ദൃഷ്ടി​യിൽ രക്തം വില​പ്പെ​ട്ട​താ​ണെ​ന്നും അതിന്റെ ദുരു​പ​യോ​ഗം അവിടു​ന്നു കുററം വിധി​ക്കു​ന്ന​താ​ണെ​ന്നും ബൈബിൾ പ്രകട​മാ​ക്കു​ന്നു. (ലേവ്യ​പു​സ്‌തകം 17:14; പ്രവൃ​ത്തി​കൾ 15:19, 20, 28, 29) ഈ ബൈബിൾ നിർദേ​ശങ്ങൾ ഹേതു​വാ​യി യഹോ​വ​യു​ടെ സാക്ഷികൾ രക്തപ്പകർച്ചകൾ സ്വീക​രി​ക്കു​ന്നില്ല.

ഇക്കാര്യ​ത്തി​ലു​ള്ള യഹോ​വ​യു​ടെ സാക്ഷി​ക​ളു​ടെ മതപര​മായ നിലപാ​ടു മനസ്സി​ലാ​ക്കാ​നും സാക്ഷികൾ പകരചി​കി​ത്സാ​വി​ധി​കൾ സ്വീക​രി​ക്കു​മെ​ന്ന​തി​നെ വിലമ​തി​ക്കാ​നും ഡോക്ടർമാ​രെ​യും ആശുപ​ത്രി​ജോ​ലി​ക്കാ​രെ​യും സഹായി​ക്കാൻ വാച്ച്‌ ടവർ സൊ​സൈ​ററി വ്യത്യസ്‌ത രാജ്യ​ങ്ങ​ളിൽ ഹോസ്‌പി​ററൽ ലെയ്‌സൺ കമ്മിറ​റി​കൾ (HLC) സംഘടി​പ്പി​ച്ചി​ട്ടുണ്ട്‌. ഈ കമ്മിറ​റി​ക​ളി​ലെ അംഗങ്ങൾ ചികി​ത്സാ​രം​ഗത്തെ പ്രമു​ഖ​രു​മാ​യി സംസാ​രി​ക്കാൻ ആശുപ​ത്രി​കൾ സന്ദർശി​ക്കു​ന്നു. ഈയിടെ, മുഖ്യ​മാ​യും ക്ലിനി​ക്കു​ക​ളു​ടെ​യോ ആശുപ​ത്രി വാർഡു​ക​ളു​ടെ​യോ മേധാ​വി​ക​ളാ​യി​ട്ടുള്ള 500-ലധികം ഡോക്ടർമാ​രെ ഉൾപ്പെ​ടു​ത്തി​ക്കൊ​ണ്ടു പോള​ണ്ടി​ലെ 12 നഗരങ്ങ​ളിൽ 200-ലധികം യോഗങ്ങൾ നടത്ത​പ്പെട്ടു. പിൻവ​രുന്ന സംഭവം അത്തരം ഒരു സന്ദർശ​ന​ത്തിൽ സംഭവി​ച്ച​താണ്‌:

സാബഴാ​യിൽ നടന്ന കാർഡി​യോ-സർജിക്കൽ ക്ലിനി​ക്കി​ലെ യോഗം ഒരു വലിയ നേട്ടമാ​യി​രു​ന്നു. 1986 മുതൽ ആ ക്ലിനി​ക്കി​ലെ ഡോക്ടർമാ​രു​ടെ സംഘം നമ്മുടെ സഹോ​ദ​രൻമാ​രെ രക്തം കൂടാതെ ശസ്‌ത്ര​ക്രിയ നടത്തി​യി​രു​ന്നു. ഇതി​നോ​ടകം, അത്തരത്തി​ലുള്ള 40 ശസ്‌ത്ര​ക്രി​യകൾ നടത്തി​ക്ക​ഴി​ഞ്ഞു. പോള​ണ്ടി​ന്റെ ഏതു ഭാഗത്തു​നി​ന്നും വിദേ​ശ​ത്തു​നി​ന്നും രോഗി​കളെ പ്രവേ​ശി​പ്പി​ക്കാൻ പ്രസ്‌തുത ക്ലിനിക്ക്‌ തയ്യാറാണ്‌. ഒരു 50 മിനി​ററു സമയ​മെ​ടുത്ത ചർച്ചയ്‌ക്കു​ശേഷം ഒരു വാർഡി​ന്റെ ഉപമേ​ധാ​വി എച്ച്‌എൽസി അംഗങ്ങളെ ഒരു കൂട്ടം രോഗി​കൾക്കു പരിച​യ​പ്പെ​ടു​ത്തി​ക്കൊണ്ട്‌ ഇങ്ങനെ പറഞ്ഞു: ‘ഈ ആളുകൾ യഹോ​വ​യു​ടെ സാക്ഷി​ക​ളാണ്‌. ഞങ്ങളുടെ ക്ലിനി​ക്കു​മാ​യി അവർ സഹകരി​ക്കു​ന്നു, ഞങ്ങളെ സഹായി​ക്കു​ക​യും ചെയ്യുന്നു. അവരുടെ സഹവി​ശ്വാ​സി​കൾ മാത്രമല്ല മറെറല്ലാ രോഗി​ക​ളും അവരുടെ സഹായ​ത്തിൽനി​ന്നു പ്രയോ​ജ​ന​മ​നു​ഭ​വി​ക്കു​ന്നു. യഹോ​വ​യു​ടെ സാക്ഷികൾ നിമിത്തം, സങ്കീർണ​മായ ഹൃദയ​ശ​സ്‌ത്ര​ക്രിയ രക്തം കൂടാതെ നടത്താൻ കഴിയു​മെന്നു ഞങ്ങൾക്കു ബോധ്യം വന്നിരി​ക്കു​ന്നു.

“‘ഉദാഹ​ര​ണ​ത്തിന്‌, [തന്റെ രോഗി​ക​ളിൽ ഒരാളെ ചൂണ്ടി​ക്കൊണ്ട്‌] രക്തം കൂടാതെ ഈ സ്‌ത്രീ​ക്കു ഞങ്ങൾ ശസ്‌ത്ര​ക്രിയ നടത്തി, തിങ്കളാഴ്‌ച അവർ വീട്ടി​ലേക്കു മടങ്ങു​ക​യാണ്‌. മുമ്പ​ത്തെ​ക്കാൾ വിരള​മാ​യേ ഞങ്ങൾ രക്തം ഉപയോ​ഗി​ക്കു​ന്നു​ള്ളൂ എന്ന്‌ പറയാൻ ഞാൻ ആഗ്രഹി​ക്കു​ക​യാണ്‌, കാരണം അത്‌ അപകട​ക​ര​മാണ്‌. എച്ച്‌ഐവി, ഹെപ്പ​റൈ​റ​റ​റിസ്‌, രോഗ​സൗ​ഖ്യ​ത്തി​നുള്ള നീണ്ടകാ​ല​താ​മസം എന്നിവ​യു​മാ​യി അതു ബന്ധപ്പെ​ട്ടു​കി​ട​ക്കു​ന്നു.

“‘ഞാൻ ഒരു കത്തോ​ലി​ക്ക​നാണ്‌, എന്നാൽ ഞങ്ങളുടെ വീട്ടിൽ ഞങ്ങൾ എല്ലായ്‌പോ​ഴും മററു​ള്ള​വ​രു​ടെ വീക്ഷണ​ങ്ങ​ളോ​ടു സഹിഷ്‌ണു​ത​യു​ള്ള​വ​രാ​യി​രു​ന്നി​ട്ടുണ്ട്‌. ഒരു ദിവസം ഞാൻ എന്റെ കുട്ടി​ക​ളോ​ടൊ​പ്പം ഷ്‌ളോൺസ്‌കി സ്‌റേ​റ​ഡി​യം​വഴി പോയി. മുമ്പ്‌, ഈ സ്‌റേ​റ​ഡി​യം അവഗണി​ക്ക​പ്പെട്ടു കിടക്കു​ക​യാ​യി​രു​ന്നു, എന്നാൽ ഇപ്പോൾ അതു തിരി​ച്ച​റി​യാൻ കഴിയാത്ത വിധം മാറി​യി​രി​ക്കു​ന്ന​താ​യി ഞങ്ങൾ ശ്രദ്ധിച്ചു. ഈ മാററം വന്നതെ​ങ്ങ​നെ​യെന്നു ഞാൻ ജോലി​ക്കാ​രിൽ ഒരാ​ളോ​ടു ചോദി​ച്ചു. മാനേ​ജ്‌മെൻറി​നു സ്‌റേ​റ​ഡി​യം നന്നാക്കാ​നാ​കു​മെന്ന പ്രതീ​ക്ഷ​തന്നെ നശിച്ചി​രി​ക്കെ അതു യഹോ​വ​യു​ടെ സാക്ഷി​കൾക്കു വാടക​യ്‌ക്കു കൊടു​ത്തു. അവരാണ്‌ അതു പുത്തനാ​ക്കി മാററി​യത്‌ എന്ന്‌ അയാൾ പറഞ്ഞു.

“‘അതു​കൊണ്ട്‌, നമു​ക്കെ​ല്ലാ​വർക്കും ഏറെ പഠിക്കാൻ കഴിയുന്ന ഒരു ജനമാണ്‌ ഇവർ. ഈ വാർഡിൽ നാം മററു​ള്ള​വ​രു​ടെ വീക്ഷണ​ങ്ങ​ളോ​ടു സഹിഷ്‌ണു​ത​യു​ള്ള​വ​രാ​യി​രി​ക്കണം എന്നാണു ഞാൻ വിചാ​രി​ക്കു​ന്നത്‌.’ എന്നിട്ട്‌, ഏതാനും ദിവസ​ത്തി​നകം ശസ്‌ത്ര​ക്രി​യക്കു വിധേ​യ​മാ​കാ​നി​രുന്ന ഒരു സാക്ഷിയെ ചൂണ്ടി​ക്കൊണ്ട്‌ അയാൾ ഇങ്ങനെ പറഞ്ഞു: ‘ഈ സ്‌ത്രീ യഹോ​വ​യു​ടെ സാക്ഷി​ക​ളിൽ ഒരുവ​ളാണ്‌, രക്തം കൂടാ​തെ​യാ​യി​രി​ക്കും ഞങ്ങൾ അവരുടെ ശസ്‌ത്ര​ക്രിയ നടത്തുക.’”

യഹോ​വ​യു​ടെ സാക്ഷികൾ തങ്ങളുടെ വിശ്വാ​സങ്ങൾ മററു​ള്ള​വ​രു​ടെ​മേൽ അടി​ച്ചേൽപ്പി​ക്കു​ന്നില്ല, അതേസ​മയം അവർ അപ്പോ​സ്‌ത​ലൻമാ​രു​ടെ മാതൃക പിൻപ​റ​റു​ക​യും “മനുഷ്യ​രെ​ക്കാൾ ദൈവത്തെ അനുസരി”ക്കുകയും ചെയ്യുന്നു. (പ്രവൃ​ത്തി​കൾ 5:29) രക്തത്തോട്‌ ആദരവു​ണ്ടാ​യി​രി​ക്കു​ന്ന​തും ഇതിൽ ഉൾപ്പെ​ടു​ന്നു. ഈ വിഷയ​ത്തിൽ തങ്ങളുടെ മതപര​മായ ബോധ്യ​ങ്ങളെ മററു​ള്ളവർ ആദരി​ക്കു​മ്പോൾ അവർ അതു വിലമ​തി​ക്കു​ന്നു.