യഹോ​വ​യു​ടെ ഇന്നത്തെ രക്ഷാ​പ്ര​വൃ​ത്തി​കൾ

യഹോ​വ​യെ​ക്കു​റി​ച്ചു ബൈബിൾ നമ്മോട്‌ ഇങ്ങനെ പറയുന്നു: “നീതി​മാ​ന്റെ അനർത്ഥങ്ങൾ അസംഖ്യ​മാ​കു​ന്നു; അവ എല്ലാറ​റിൽനി​ന്നും യഹോവ അവനെ വിടു​വി​ക്കു​ന്നു.” “ദൈവ​ഭ​യ​മു​ള്ള​വരെ പരീക്ഷ​ക​ളിൽനിന്ന്‌ എങ്ങനെ രക്ഷിക്ക​ണ​മെന്നു . . . കർത്താവ്‌ അറിയു​ന്നു.”—സങ്കീർത്തനം 34:19; 2 പത്രോസ്‌ 2:9, പി.ഒ.സി. ബൈ.

യഹോവ അരിഷ്ട​ത​യി​ലാ​യി​രി​ക്കുന്ന തന്റെ ജനങ്ങളു​ടെ സഹായ​ത്തി​നെ​ത്തു​ന്ന​തെ​ങ്ങനെ? ദൈവം ചെയ്യണ​മെന്നു ചിലയാ​ളു​കൾ വിചാ​രി​ക്കു​ന്ന​തു​പോ​ലെ അവിടുന്ന്‌ അത്ഭുത​ക​ര​മാ​യി പ്രകൃ​തി​ശ​ക്തി​കളെ പിന്നോ​ട്ടു തിരി​ച്ചു​കൊ​ണ്ടോ മറേറ​തെ​ങ്കി​ലും അമാനു​ഷിക പ്രവൃത്തി ചെയ്‌തു​കൊ​ണ്ടോ അല്ല ചെയ്യു​ന്നത്‌. അത്‌ മിക്കയാ​ളു​കൾക്കും പൂർണ​മാ​യും പിടി​കി​ട്ടാത്ത ഒരു ശക്തിയാ​ലാണ്‌—സ്‌നേ​ഹ​ത്താൽ. അതേ, യഹോവ തന്റെ ജനത്തെ സ്‌നേ​ഹി​ക്കു​ന്നു, അവിടുന്ന്‌ അവർക്കി​ട​യിൽ ഒരു പരസ്‌പര സ്‌നേ​ഹത്തെ പരി​പോ​ഷി​പ്പി​ച്ചി​രി​ക്കു​ന്നു, അത്‌ ഏതാണ്ട്‌ അത്ഭുത​ക​ര​മെന്നു തോന്നുന്ന സംഗതി അവിടുന്ന്‌ അവർക്കു​വേണ്ടി നിവർത്തി​ച്ചു​കൊ​ടു​ക്കാൻ മാത്രം അത്രയ്‌ക്കു ശക്തമാണ്‌.—1 യോഹ​ന്നാൻ 4:10-12, 21.

ഒരു അത്യാ​ഹി​തം സംഭവി​ക്കുന്ന നേരത്ത്‌ ആവശ്യ​മാ​യി​രി​ക്കു​ന്നതു ഭക്ഷണവും മരുന്നും ഉപകര​ണ​ങ്ങ​ളു​മാണ്‌, അല്ലാതെ സ്‌നേ​ഹമല്ല എന്ന്‌ ചിലർ വാദി​ച്ചേ​ക്കാം. തീർച്ച​യാ​യും ഭക്ഷണവും മരുന്നും ഉപകര​ണ​ങ്ങ​ളും പ്രധാ​ന​മാണ്‌. എന്നിരു​ന്നാ​ലും അപ്പോ​സ്‌ത​ല​നായ പൗലോ​സി​ന്റെ ന്യായ​വാ​ദം ഈ വിധമാണ്‌: “മലകളെ നീക്കു​വാൻതക്ക വിശ്വാ​സം ഉണ്ടായാ​ലും സ്‌നേ​ഹ​മില്ല എങ്കിൽ ഞാൻ ഏതുമില്ല. എനിക്കു​ള്ള​തെ​ല്ലാം അന്നദാനം ചെയ്‌താ​ലും എന്റെ ശരീരം ചുടു​വാൻ ഏല്‌പി​ച്ചാ​ലും, സ്‌നേഹം ഇല്ല എങ്കിൽ എനിക്കു ഒരു പ്രയോ​ജ​ന​വും ഇല്ല.”—1 കൊരി​ന്ത്യർ 13:2, 3.

വാസ്‌ത​വ​ത്തിൽ ദുരി​താ​ശ്വാ​സം ആവശ്യ​മു​ള്ള​വരെ രോഗ​വും പട്ടിണി​യും കൊ​ന്നൊ​ടു​ക്കു​മ്പോൾ ദുരി​താ​ശ്വാ​സ സാധനങ്ങൾ തുറമു​ഖ​ങ്ങ​ളിൽ ചീഞ്ഞഴു​കു​ക​യോ ക്ഷുദ്ര​ജീ​വി​കൾ തിന്നു​തീർക്കു​ക​യോ ചെയ്യു​ന്ന​താ​യി നാം കൂടെ​ക്കൂ​ടെ വായി​ക്കാ​റു​ണ്ട​ല്ലോ. അല്ലെങ്കിൽ അതിലും കഷ്ടമായി, അത്തരം സാധനങ്ങൾ അത്യാർത്തി​പൂണ്ട, മനസ്സാ​ക്ഷി​യി​ല്ലാത്ത ലാഭ​ക്കൊ​തി​യൻമാ​രായ ആളുക​ളു​ടെ കൈക​ളി​ലെ​ത്തി​പ്പെ​ട്ടേ​ക്കാം. അതു​കൊണ്ട്‌, സാധനങ്ങൾ ഉണ്ടായി​രി​ക്കു​ന്ന​തു​കൊ​ണ്ടു മാത്രം അതു ദുരി​ത​മ​നു​ഭ​വി​ക്കു​ന്ന​വർക്കു പ്രയോ​ജ​ന​പ്പെ​ട​ണ​മെ​ന്നില്ല. യഥാർഥ സ്‌നേ​ഹ​വും താത്‌പ​ര്യ​വു​മു​ണ്ടെ​ങ്കിൽ സംഗതി തികച്ചും ഇങ്ങനെ​യൊ​ന്നു​മാ​കില്ല.

സ്‌നേഹം പ്രവർത്ത​ന​ത്തിൽ

1992 സെപ്‌റ​റം​ബ​റി​ലാ​യി​രു​ന്നു 55,000 പേർ വസിക്കുന്ന ഹവായി​യൻ ദ്വീപായ കയൂയിൽ ഇനിക്കി കൊടു​ങ്കാ​ററ്‌ ആഞ്ഞടി​ച്ചത്‌. അതുണ്ടാ​ക്കിയ കാററി​ന്റെ വേഗത മണിക്കൂ​റിൽ 210 കിലോ​മീ​റ​റ​റാ​യി​രു​ന്നു, ചില​പ്പോ​ളതു മണിക്കൂ​റിൽ 260 കിലോ​മീ​ററർ വരെ​യെത്തി. രണ്ടു പേരുടെ മരണത്തി​നി​ട​യാ​ക്കിയ ഈ കൊടു​ങ്കാ​ററ്‌ 98 പേർക്കു പരി​ക്കേൽപ്പി​ച്ചു, 75 ശതമാനം വീടു​കൾക്കു കേടു​വ​രു​ത്തി, 8,000 പേരെ ഭവനര​ഹി​ത​രാ​ക്കി, ഏതാണ്ട്‌ 100 കോടി ഡോള​റി​ന്റെ നാശന​ഷ്ടങ്ങൾ ഉണ്ടാക്കി. ഈ ചെറിയ ദ്വീപിൽ ജീവി​ച്ചി​രു​ന്ന​വ​രു​ടെ കൂട്ടത്തിൽ 6 സഭകളി​ലാ​യി 800-ഓളം യഹോ​വ​യു​ടെ സാക്ഷികൾ ഉണ്ടായി​രു​ന്നു. അവരെ ഇതെങ്ങ​നെ​യാണ്‌ ബാധി​ച്ചത്‌?

ഇനിക്കി ആഞ്ഞടി​ക്കു​ന്ന​തി​നു മുമ്പു​തന്നെ സഞ്ചാര​മേൽവി​ചാ​ര​കന്റെ നേതൃ​ത്വ​ത്തിൽ സഭാമൂ​പ്പൻമാർ എല്ലാ സഭാം​ഗ​ങ്ങ​ളു​മാ​യി നേര​ത്തെ​തന്നെ ബന്ധപ്പെട്ട്‌ അവർ സുരക്ഷി​ത​രും ഈ അത്യാ​ഹി​തത്തെ നേരി​ടാൻ സജ്ജരു​മാണ്‌ എന്ന്‌ ഉറപ്പു​വ​രു​ത്തി​യി​രു​ന്നു. സാക്ഷി​കൾക്കി​ട​യിൽ ഗുരു​ത​ര​മായ പരിക്കും മരണവും തടയു​ന്ന​തിന്‌ അത്തരം സ്‌നേ​ഹ​നിർഭ​ര​മായ ശ്രദ്ധ കാരണ​മാ​യി.—യെശയ്യാ​വു 32:1, 2 താരത​മ്യം ചെയ്യുക.

വാർത്താ​വി​ത​രണ-ഗതാഗത മാർഗ​ങ്ങ​ളെ​ല്ലാം തകരാ​റി​ലാ​യി​രു​ന്നി​ട്ടു​പോ​ലും കൊടു​ങ്കാ​റ​റി​നെ​ത്തു​ടർന്ന്‌ ആദ്യം രംഗ​ത്തെ​ത്തി​യ​വ​രിൽ മൂന്നു പേർ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ ഹോ​ണൊ​ലു​ലു ബ്രാഞ്ച്‌ ഓഫീ​സിൽനി​ന്നുള്ള പ്രതി​നി​ധി​ക​ളാ​യി​രു​ന്നു. കയൂയി​ലേക്കു പറക്കാൻ അവർക്ക്‌ ആഭ്യന്ത​ര​സേ​ന​യു​ടെ അനുമതി ലഭിച്ചി​രു​ന്നു. അതിശീ​ഘ്രം പ്രാ​ദേ​ശിക സാക്ഷി​ക​ളു​മാ​യി ബന്ധപ്പെട്ട അവർ ദുരി​താ​ശ്വാ​സ​പ്ര​വർത്ത​നങ്ങൾ ആസൂ​ത്രണം ചെയ്യു​ന്ന​തി​നാ​യി പിറേ​റന്നു രാവി​ലെ​തന്നെ ഒരു യോഗം വിളി​ച്ചു​കൂ​ട്ടി. ആവശ്യങ്ങൾ നിർണ​യിച്ച്‌ ഹോ​ണൊ​ലു​ലു ബ്രാഞ്ച്‌ ഓഫീ​സി​ലൂ​ടെ അവശ്യ​സാ​ധ​നങ്ങൾ ലഭ്യമാ​ക്കാൻ ഒരു ദുരി​താ​ശ്വാ​സ കമ്മിററി രൂപീ​ക​രി​ച്ചു. രാപകൽ ജോലി ചെയ്‌തു​കൊണ്ട്‌ ആവശ്യ​ക്കാർക്ക്‌ സാധനങ്ങൾ എത്തിച്ചു​കൊ​ടു​ക്കു​ന്ന​തി​ന്റെ​യും കേടു​പാ​ടു സംഭവിച്ച വീടുകൾ ശുചി​യാ​ക്കി അററകു​റ​റ​പ്പ​ണി​കൾ നടത്തു​ന്ന​തി​ന്റെ​യും വേലയ്‌ക്ക്‌ അവർ നേതൃ​ത്വം കൊടു​ത്തു.

മററു ദ്വീപു​ക​ളി​ലെ സാക്ഷി​ക​ളും സഹായം ആവശ്യ​മാ​യി​രുന്ന തങ്ങളുടെ സഹോ​ദ​രൻമാ​രോ​ടു ശീഘ്രം പ്രതി​ക​രി​ച്ചു. കയൂയി​ലെ വിമാ​ന​ത്താ​വളം തുറന്നു​കൊ​ടു​ത്ത​യു​ടൻ സഹായം നൽകാ​നാ​യി 70 സാക്ഷികൾ അങ്ങോട്ടു പറന്നു. ജനറേ​റ​റ​റു​കൾ, ചെറിയ ഇനം സ്‌ററൗ​കൾ, കൈവി​ള​ക്കു​കൾ, ഭക്ഷണസാ​ധ​നങ്ങൾ എന്നിവ​യുൾപ്പെടെ ഏകദേശം 1,00,000 ഡോളർ വിലവ​രുന്ന ദുരി​താ​ശ്വാ​സ സാധനങ്ങൾ അങ്ങോ​ട്ടേക്കു കപ്പലിൽ എത്തിച്ചു. ദ്വീപി​ലെ രാജ്യ​ഹാ​ളി​ലൊ​ന്നാ​യി​രു​ന്നു സംഭര​ണ​ശാ​ല​യാ​യി ഉപയോ​ഗി​ച്ചത്‌; എന്നാൽ അതു കൊള്ള​യ​ടി​ക്ക​പ്പെ​ടു​വാ​നുള്ള സാധ്യ​ത​യു​ണ്ടാ​യി​രു​ന്നു. അങ്ങനെ​യി​രി​ക്കെ ഏതാനും സൈനിക ട്രക്കുകൾ രാജ്യ​ഹാ​ളി​ന്റെ പാർക്കിങ്‌ സ്ഥലത്തേക്ക്‌ ഓടി​ച്ചു​വ​ന്നിട്ട്‌ തങ്ങൾക്ക്‌ അവിടെ പാർക്ക്‌ ചെയ്യാ​മോ എന്ന്‌ ആ ഡ്രൈ​വർമാർ ചോദി​ച്ചു. അങ്ങനെ ട്രക്ക്‌ സംരക്ഷ​ണ​ത്തി​നു കാവൽനിന്ന പട്ടാള​ക്കാർ ദുരി​താ​ശ്വാ​സ സാധനങ്ങൾ കൊള്ള​യ​ടി​ക്ക​പ്പെ​ടു​മെന്ന പ്രശ്‌ന​വും ദൂരീ​ക​രി​ച്ചു.

ജനറേ​റ​റ​റു​ക​ളു​മാ​യി വീടു​തോ​റും പോയ സഹോ​ദ​രൻമാർ രണ്ടു മൂന്നു മണിക്കൂ​റോ​ളം അതു പ്രവർത്തി​പ്പിച്ച്‌ ആളുക​ളു​ടെ ഫ്രീസ്സ​റു​കൾ ഉപയോ​ഗ​പ്ര​ദ​മാ​ക്കി​ക്കൊ​ടു​ത്തു. വിവിധ വീടു​ക​ളു​ടെ ശുചീ​ക​ര​ണ​ത്തി​നും അററകു​റ​റ​പ്പ​ണി​കൾക്കു​മാ​യി സഹോ​ദ​രൻമാ​രെ കൂട്ടം​കൂ​ട്ട​മാ​യി അയച്ചു. കൂട്ടത്തിൽ, ഭർത്താ​വിൽനി​ന്നുള്ള കടുത്ത എതിർപ്പിൽ കഴിഞ്ഞി​രുന്ന ഒരു സഹോ​ദ​രി​യു​ടെ വീട്ടി​ലും അവർ വേല ചെയ്യു​ക​യു​ണ്ടാ​യി, ഭർത്താ​വി​ന്റെ മനസ്സു​മാ​റാൻ അതു മതിയാ​യി​രു​ന്നു, നോക്കി​നി​ന്നു കരയാ​ന​ല്ലാ​തെ അദ്ദേഹ​ത്തി​നു മറെറാ​ന്നി​നും കഴിഞ്ഞില്ല. സാക്ഷി​ക​ളു​ടെ മറെറാ​രു കൂട്ടം വേല ചെയ്യു​ന്നതു കണ്ട്‌ അവരുടെ പ്രവർത്ത​ന​ത്തി​ലും സംഘാ​ട​ന​ത്തി​ലും മതിപ്പു തോന്നിയ പുറ​മേ​നി​ന്നുള്ള ഒരു സന്ദർശകൻ സാക്ഷി​ക​ളു​ടെ അടുത്തു വന്നിട്ട്‌ ഇത്രയ്‌ക്കു വ്യത്യ​സ്‌ത​രാ​യി​രി​ക്കാൻ കാരണ​മെന്ത്‌ എന്നു ചോദി​ച്ചു. അതിനു കാരണം ദൈവ​ത്തോ​ടും തങ്ങളുടെ സഹക്രി​സ്‌ത്യാ​നി​ക​ളോ​ടു​മുള്ള സ്‌നേ​ഹ​മാണ്‌ എന്ന്‌ ഒരു സഹോ​ദരൻ വിശദീ​ക​രി​ച്ച​പ്പോൾ “എനിക്ക്‌ എങ്ങനെ​യാ​ണു ദൈവത്തെ അറിയാൻ കഴിയുക?” എന്നായി​രു​ന്നു അദ്ദേഹം പ്രതി​ക​രി​ച്ചത്‌. (മത്തായി 22:37-40) തുടർന്ന്‌ അയാൾ ഇങ്ങനെ കൂട്ടി​ച്ചേർത്തു: “ഞാൻ ഫ്‌ളോ​റി​ഡ​യി​ലേക്കു തിരികെ ചെല്ലു​മ്പോ​ഴേക്ക്‌ നിങ്ങളി​ലൊ​രാൾ എന്റെ വീട്ടിൽ എന്നെയും കാത്തു​നിൽക്കു​ന്നു​ണ്ടാ​കും, നിങ്ങൾ അത്രയ്‌ക്കു സംഘടി​ത​രാണ്‌!”

കയൂയിൽ യഹോ​വ​യു​ടെ സാക്ഷികൾ ശുചീ​ക​ര​ണ​ത്തി​ലും അററകു​റ​റ​പ്പ​ണി​ക​ളി​ലും സഹായി​ച്ചതു മൊത്തം 295 വീടു​ക​ളി​ലാ​യി​രു​ന്നു. ഇവയിൽ 207 എണ്ണത്തിനു നിസ്സാ​ര​മായ കേടു​പോ​ക്കലേ വേണ്ടി​വ​ന്നു​ള്ളു, എന്നാൽ 54 എണ്ണത്തിനു കാര്യ​മായ തകരാ​റു​കൾ സംഭവി​ച്ചി​രു​ന്നു, 19 എണ്ണം പാടെ തകർന്നി​രു​ന്നു. ദ്വീപി​ലെ ഓരോ സാക്ഷി​യു​ടെ​യും വീടു സന്ദർശിച്ച്‌ അവർക്കു വേണ്ട സഹായം ലഭിച്ചു​വോ എന്ന്‌ ഉറപ്പാ​ക്കു​ന്ന​തും അവരുടെ ജോലി​യിൽ ഉൾപ്പെ​ട്ടി​രു​ന്നു. ഒരു സഹോ​ദ​രിക്ക്‌ അവശ്യ​സാ​ധ​നങ്ങൾ എത്തിച്ചു​കൊ​ടു​ക്കു​ന്നതു കണ്ട ബുദ്ധമ​ത​വി​ശ്വാ​സി​യായ അവരുടെ അയൽക്കാ​രൻ തനിക്ക്‌ ഒരു ചായപാ​യ്‌ക്ക​റ​റു​പോ​ലും തന്റെ സമൂഹ​ത്തിൽനി​ന്നു ലഭിച്ചി​ല്ലെന്നു പറഞ്ഞു. സാക്ഷി​ക​ളു​ടെ ഒരു ഗണം മറെറാ​രു സ്‌ത്രീ​യു​ടെ വീടു വൃത്തി​യാ​ക്കി​ക്കൊ​ടു​ത്ത​പ്പോൾ അവർ പ്രതി​ക​രി​ച്ചത്‌ ഇങ്ങനെ​യാ​യി​രു​ന്നു: “ദീർഘ​നാ​ളാ​യി നിങ്ങൾ എന്റെ വീട്ടിൽ വന്നു​കൊ​ണ്ടി​രി​ക്കു​ക​യാ​യി​രു​ന്നു, ഞാൻ നിങ്ങളെ നല്ല അയൽക്കാ​രാ​യി കരുതി. എന്നാൽ അയൽക്കാ​രോ​ടുള്ള ഈ സ്‌നേ​ഹ​പ്ര​ക​ടനം നിങ്ങളു​ടെ സ്ഥാപനം വാസ്‌ത​വ​ത്തിൽ എന്തെന്നു വെളി​വാ​ക്കു​ന്നു. നിങ്ങളു​ടെ എല്ലാ കഠിന​വേ​ല​യ്‌ക്കും നന്ദി.”

തങ്ങളുടെ സഹക്രി​സ്‌ത്യാ​നി​ക​ളു​ടെ ഭൗതി​കാ​വ​ശ്യ​ങ്ങൾക്കു ശ്രദ്ധ കൊടു​ത്തതു കൂടാതെ ദുരി​താ​ശ്വാ​സ വേലയ്‌ക്കു ചുമത​ല​യു​ണ്ടാ​യി​രു​ന്ന​വർക്കു സമാന​മായ താത്‌പ​ര്യം അവരുടെ ആത്മീയ ക്ഷേമത്തി​ലും ഉണ്ടായി​രു​ന്നു. കൊടു​ങ്കാ​ററു കഴിഞ്ഞു രണ്ടു ദിവസ​മാ​യി​ല്ലാ​യി​രു​ന്നു, പല സഭകളും സഭാ​യോ​ഗ​ത്തി​നു കൂടി​വന്നു. പെട്ടെ​ന്നു​തന്നെ ചെറിയ പുസ്‌ത​കാ​ധ്യ​യന കൂട്ടങ്ങൾ വീണ്ടും പ്രവർത്തി​ച്ചു​തു​ടങ്ങി. ദ്വീപി​ലെ ഓരോ സാക്ഷി​ക്കും ഇടയസ​ന്ദർശനം നടത്തു​ന്ന​തി​നു കയൂയി​ലെ പ്രാ​ദേ​ശിക മൂപ്പൻമാ​രെ സഹായി​ക്കാൻവേണ്ടി മററു ദ്വീപു​ക​ളിൽനി​ന്നു പത്തു മൂപ്പൻമാർ എത്തി​ച്ചേർന്നു. പിറെറ ഞായറാഴ്‌ച ആറു സഭകളി​ലും വീക്ഷാ​ഗോ​പു​രാ​ധ്യ​യനം, ദുരി​താ​ശ്വാ​സ നടപടി​ക്ര​മ​ങ്ങ​ളെ​ക്കു​റി​ച്ചു ദുരി​താ​ശ്വാ​സ കമ്മിറ​റി​യി​ലെ ഒരംഗ​ത്തി​ന്റെ ഒരു 30 മിനി​ററ്‌ പ്രസംഗം, ഇതുമാ​യി ബന്ധപ്പെട്ട്‌ ഹോ​ണൊ​ലു​ലു ബ്രാഞ്ചിൽനി​ന്നെ​ത്തിയ ബ്രാഞ്ച്‌ക​മ്മി​റ​റി​യം​ഗ​ത്തി​ന്റെ 30 മിനി​ററ്‌ ഉപസം​ഹാ​ര​പ്ര​സം​ഗം എന്നീ പരിപാ​ടി​കൾ ഉണ്ടായി​രു​ന്നു. ഒരു ദൃക്‌സാ​ക്ഷി​യു​ടെ റിപ്പോർട്ട്‌ ഇങ്ങനെ പ്രസ്‌താ​വി​ക്കു​ന്നു: “അവർക്കെ​ല്ലാം സാന്ത്വ​ന​മേ​കു​ന്ന​താ​യി​രു​ന്നു അവി​ടെ​നി​ന്നു ലഭിച്ച ഉത്തമ നിർദേശം, തങ്ങളുടെ അവശേ​ഷി​ക്കുന്ന പ്രശ്‌നങ്ങൾ പരിഹ​രി​ക്കാൻ തങ്ങൾ ആത്മീയ​മാ​യി സുസജ്ജ​രാ​ണെ​ന്നും അവർക്ക്‌ അതുനി​മി​ത്തം തോന്നി. പരിപാ​ടി അതിന്റെ സമാപ​ന​ത്തി​ലേക്കു വന്നതോ​ടെ കണ്ണുനി​റ​യാ​ത്ത​വ​രാ​യി സദസ്സിൽ ആരുമു​ണ്ടാ​യി​രു​ന്നില്ല, അവർ വികാ​ര​വാ​യ്‌പോ​ടെ കയ്യടി​ക്കു​ക​യും ചെയ്‌തു.”

ലോക​വ്യാ​പക സാഹോ​ദ​ര്യം

അത്തരം സ്‌നേ​ഹ​വും താത്‌പ​ര്യ​വും ലോക​ത്തി​ലെ​വി​ടെ​യു​മുള്ള യഹോ​വ​യു​ടെ സാക്ഷി​ക​ളു​ടെ മുഖമു​ദ്ര​യാണ്‌. ഏതാണ്ട്‌ ഒരു വർഷം മുമ്പ്‌ വൽ ചുഴലി​ക്കാ​ററ്‌ പശ്ചിമ സമോ​വ​യിൽ തൂത്തു​വാ​രി ഒട്ടനവധി നാശന​ഷ്ടങ്ങൾ വരുത്തി​ക്കൂ​ട്ടി. എന്നാൽ ലോക​ത്തി​ന്റെ മററു ഭാഗങ്ങ​ളി​ലുള്ള യഹോ​വ​യു​ടെ സാക്ഷികൾ പെട്ടെ​ന്നു​തന്നെ പ്രളയ​ബാ​ധി​തരെ സഹായി​ക്കാൻ അവി​ടെ​യെത്തി. പിന്നീട്‌, അററകു​റ​റ​പ്പ​ണി​കൾക്കു​വേണ്ടി യഹോ​വ​യു​ടെ സാക്ഷി​കൾക്കുൾപ്പെടെ എല്ലാ മതങ്ങൾക്കും ഗവൺമെൻറ്‌ ദുരി​താ​ശ്വാ​സ ഫണ്ടു നൽകി​യ​പ്പോൾ സാക്ഷികൾ ആ തുക ഗവൺമെൻറി​നെ തിരി​ച്ചേൽപ്പി​ച്ചു, തങ്ങളുടെ അററകു​റ​റ​പ്പ​ണി​ക​ളെ​ല്ലാം ഇതി​നോ​ടകം നടത്തി​ക്ക​ഴി​ഞ്ഞ​തി​നാൽ പ്രസ്‌തുത തുക ഏതെങ്കി​ലും ഗവൺമെൻറ്‌ കെട്ടി​ട​ങ്ങ​ളു​ടെ കേടു​പാ​ടു​കൾ തീർക്കാൻ ഉപയോ​ഗി​ക്കാ​വു​ന്ന​താ​ണെന്നു പ്രസ്‌താ​വി​ച്ചു​കൊണ്ട്‌ ഒരു എഴുത്തും അതോ​ടൊ​പ്പം വെച്ചു​കൊ​ടു​ത്തു. അവരുടെ ഈ നടപടി പ്രാ​ദേ​ശിക പത്രം റിപ്പോർട്ടു ചെയ്‌തു. തന്റെ സഭയുടെ കാര്യ​മോർത്തു തനിക്കു ലജ്ജ തോന്നു​ന്നു എന്നാണ്‌ ഇതു ശ്രദ്ധിച്ച ഒരു ഗവൺമെൻറ്‌ ഉദ്യോ​ഗസ്ഥൻ ഒരു സാക്ഷി​യോ​ടു പറഞ്ഞത്‌, കാരണം ചുഴലി​ക്കാ​റ​റിൽ കേടു​പാ​ടു സംഭവിച്ച അവരുടെ എല്ലാ കെട്ടി​ട​ങ്ങ​ളും ഇൻഷ്വർ ചെയ്‌തി​രു​ന്നു, എന്നിട്ടു​പോ​ലും അവർ ഗവൺമെൻറി​ന്റെ പണം സ്വീക​രി​ച്ചു.

അതു​പോ​ലെ​ത​ന്നെ, 1992 സെപ്‌റ​റം​ബ​റിൽ ഊവസ്‌ നദി കരകവി​ഞ്ഞൊ​ഴു​കി വസ്സൊൻലാ​റോ​മ​നി​ലും ചുററു​പാ​ടു​മുള്ള 15 സമൂഹ​ങ്ങ​ളി​ലും നാശം വിതച്ച​പ്പോൾ സാക്ഷികൾ പ്രതി​ക​രി​ച്ചതു വളരെ പെട്ടെ​ന്നാ​യി​രു​ന്നു. ഒററ രാത്രി​കൊണ്ട്‌ വെള്ള​പ്പൊ​ക്കം 40 പേരെ കൊ​ന്നൊ​ടു​ക്കി, 400 വീടുകൾ തകർത്തു, നൂറു​ക​ണ​ക്കി​നു വീടു​കൾക്കു കേടു​വ​രു​ത്തി, ആയിര​ക്ക​ണ​ക്കി​നു കുടും​ബ​ങ്ങൾക്കു വെള്ളവും വൈദ്യു​തി​യും മുടക്കി. പ്രാ​ദേ​ശിക സഭകളിൽനി​ന്നുള്ള സാക്ഷി​ക​ളാ​യി​രു​ന്നു തങ്ങളുടെ സഹോ​ദ​ര​ങ്ങളെ സഹായി​ക്കാൻ തൊട്ട​ടുത്ത ദിവസം അതിരാ​വി​ലെ​തന്നെ ആദ്യമാ​യി അവിടെ എത്തി​ച്ചേർന്നത്‌. കിടക്കാൻ ഇടമി​ല്ലാ​ത്ത​വരെ ആ പ്രദേ​ശത്തെ സാക്ഷി​ക്കു​ടും​ബങ്ങൾ സ്‌നേ​ഹ​പൂർവം സ്വീക​രി​ച്ചു. അടുത്തു​നി​ന്നും അകലെ​നി​ന്നു​മാ​യി നൂറു​ക​ണ​ക്കി​നു സാക്ഷികൾ സഹായ​ത്തി​നെത്തി. സ്വമേ​ധ​യാ​പ്ര​വർത്ത​ക​രു​ടെ നാലു സംഘങ്ങ​ളു​ടെ പ്രവർത്ത​നങ്ങൾ ഏകോ​പി​പ്പി​ക്കാൻ സമീപ നഗരമായ ഒറഞ്ചിൽ ഒരു ദുരി​താ​ശ്വാ​സ കമ്മിററി രൂപീ​ക​രി​ച്ചു. വെള്ള​പ്പൊക്ക ബാധിത പ്രദേ​ശ​ങ്ങ​ളി​ലു​ട​നീ​ളം അവർ ചെളി നീക്കി വീടുകൾ വൃത്തി​യാ​ക്കി, ചെളി​യിൽപ്പൊ​തിഞ്ഞ വസ്‌ത്രങ്ങൾ അലക്കി, ഭക്ഷണം തയ്യാറാ​ക്കി കുടി​വെ​ള്ള​ത്തോ​ടൊ​പ്പം വിതരണം ചെയ്‌തു. ഒരു പ്രാ​ദേ​ശിക സ്‌കൂ​ളും പല മുൻസി​പ്പൽ കെട്ടി​ട​ങ്ങ​ളും പോലും ശുചി​യാ​ക്കാൻ അവർ മനസ്സൊ​രു​ക്കം കാട്ടി. അവരുടെ സഹോ​ദ​ര​ങ്ങ​ളും ആ സമൂഹ​ത്തി​ലെ ജനങ്ങളും ഒരു​പോ​ലെ സാക്ഷി​ക​ളു​ടെ അക്ഷീണ ശ്രമങ്ങളെ വിലമ​തി​ച്ചു.

മററു പലയി​ട​ങ്ങ​ളി​ലും പ്രളയങ്ങൾ, കൊടു​ങ്കാ​റ​റു​കൾ, ഭൂമി​കു​ലു​ക്കങ്ങൾ എന്നിവ​പോ​ലുള്ള വിപത്തു​കൾ ഹേതു​വാ​യി മററു​ള്ള​വർക്കൊ​പ്പം യഹോ​വ​യു​ടെ സാക്ഷി​ക​ളും ദുരി​ത​മ​നു​ഭ​വി​ച്ചി​ട്ടുണ്ട്‌. മുൻകൂ​ട്ടി​ക്കാ​ണാ​നാ​വാത്ത അഥവാ തടയാ​നാ​കാത്ത സാഹച​ര്യ​ങ്ങ​ളു​ടെ അനന്തര​ഫ​ല​ങ്ങ​ളാ​ണി​വ​യെന്നു മനസ്സി​ലാ​ക്കി​ക്കൊണ്ട്‌ അവർ ദൈവ​ത്തെ​യോ മററാ​രെ​യെ​ങ്കി​ലു​മോ പഴിചാ​രു​ന്നില്ല. (സഭാ​പ്ര​സം​ഗി 9:11) തങ്ങൾക്ക്‌ എത്ര വലിയ ബുദ്ധി​മു​ട്ടു​കൾ വന്നാലും സഹവി​ശ്വാ​സി​ക​ളു​ടെ ആത്മത്യാ​ഗ​പ​ര​മായ സ്‌നേഹം തങ്ങളുടെ രക്ഷയ്‌ക്കെ​ത്തു​മെന്ന്‌ അവർക്കു നല്ല ഉറപ്പുണ്ട്‌. അത്തരം സ്‌നേ​ഹ​പ്ര​വൃ​ത്തി​കൾ അവർക്കു പൊതു​വാ​യുള്ള വിശ്വാ​സ​ത്തി​ന്റെ ഫലമാണ്‌. ശിഷ്യ​നായ യാക്കോബ്‌ ഇങ്ങനെ വിശദീ​ക​രി​ക്കു​ന്നു: “ഒരു സഹോ​ദ​ര​നോ, സഹോ​ദ​രി​യോ നഗ്നരും അഹോ​വൃ​ത്തി​ക്കു വക ഇല്ലാത്ത​വ​രു​മാ​യി​രി​ക്കെ നിങ്ങളിൽ ഒരുത്തൻ അവരോ​ടു: സമാധാ​ന​ത്തോ​ടെ പോയി തീ കായു​ക​യും വിശപ്പ​ട​ക്കു​ക​യും ചെയ്‌വിൻ എന്നു പറയു​ന്ന​ത​ല്ലാ​തെ ദേഹര​ക്ഷെക്കു ആവശ്യ​മു​ള്ളതു അവർക്കു കൊടു​ക്കാ​തി​രു​ന്നാൽ ഉപകാരം എന്തു? അങ്ങനെ വിശ്വാ​സ​വും പ്രവൃ​ത്തി​ക​ളി​ല്ലാ​ത്ത​താ​ക​യാൽ സ്വതവെ നിർജ്ജീ​വ​മാ​കു​ന്നു.”—യാക്കോബ്‌ 2:15-17.

യഥാർഥ സംരക്ഷ​ണ​ത്തി​ന്റെ ഉറവിടം

ദൈവ​ത്തി​ന്റെ ഇടപെടൽ പോലുള്ള ഏതെങ്കി​ലും അത്ഭുതങ്ങൾ പ്രതീ​ക്ഷി​ക്കു​ന്ന​തി​നു പകരം സംരക്ഷണം കണ്ടെ​ത്തേ​ണ്ടതു തങ്ങളുടെ ലോക​വ്യാ​പക ക്രിസ്‌തീയ സാഹോ​ദ​ര​വർഗ​ത്തി​ലാ​ണെന്നു യഹോ​വ​യു​ടെ സാക്ഷികൾ തിരി​ച്ച​റി​യു​ന്നു. വാസ്‌ത​വ​ത്തിൽ, വിഷമ​ഘ​ട്ട​ങ്ങ​ളിൽ ആ സഹോ​ദ​ര​വർഗം സാധി​ച്ചെ​ടു​ക്കുന്ന കാര്യം അത്ഭുത​ത്തിൽ കുറഞ്ഞ ഒന്നല്ല. “നിങ്ങൾക്കു കടുകു​മ​ണി​യോ​ളം വിശ്വാ​സ​മു​ണ്ടെ​ങ്കിൽ ഈ മലയോ​ടു: ഇവി​ടെ​നി​ന്നു അങ്ങോട്ടു നീങ്ങുക എന്നു പറഞ്ഞാൽ അതു നീങ്ങും; നിങ്ങൾക്കു ഒന്നും അസാദ്ധ്യ​മാ​ക​യു​മില്ല” എന്ന മത്തായി 17:20-ൽ കാണുന്ന യേശു​വി​ന്റെ വാക്കുകൾ അവർ അനുസ്‌മ​രി​ക്കു​ന്നു. അതേ, യഥാർഥ ക്രിസ്‌തീയ വിശ്വാ​സ​വും സ്‌നേ​ഹ​വും ഒത്തു​ചേർന്നു പ്രവൃ​ത്തി​പ​ഥ​ത്തിൽ വരു​മ്പോൾ പർവത​സ​മാ​ന​മായ പ്രതി​ബ​ന്ധങ്ങൾ ഓടി​മ​റ​യു​ന്നു.

അസ്ഥിര​വും അപകട​ക​ര​വു​മായ ഈ കാലഘ​ട്ട​ത്തിൽ ലോക​മെ​മ്പാ​ടു​മുള്ള യഹോ​വ​യു​ടെ ജനം തങ്ങളുടെ ദൈവ​ത്തി​ന്റെ രക്ഷിക്കുന്ന കരത്തെ അനുഭ​വി​ച്ച​റി​യു​ന്നു. “ഞാൻ സമാധാ​ന​ത്തോ​ടെ കിടന്നു​റ​ങ്ങും; നീയല്ലോ യഹോവേ, എന്നെ നിർഭയം വസിക്കു​മാ​റാ​ക്കു​ന്നത്‌” എന്നു പറഞ്ഞ ദാവീ​ദി​നെ​പ്പോ​ലെ അവരും വിചാ​രി​ക്കു​ന്നു. (സങ്കീർത്തനം 4:8) ആത്മവി​ശ്വാ​സ​ത്തോ​ടെ അവർ തങ്ങളുടെ മുമ്പാ​കെ​യുള്ള വേലയ്‌ക്കു ശ്രദ്ധ കൊടു​ക്കു​ന്നു: “രാജ്യ​ത്തി​ന്റെ ഈ സുവി​ശേഷം സകല ജാതി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:14) മനുഷ്യ​നിർമി​ത​മോ പ്രകൃ​ത്യാ​ലു​ള്ള​തോ ആയ വിപത്തു​കൾ മേലാൽ അനുഭ​വി​ക്കേ​ണ്ടി​വ​രി​ല്ലാത്ത സമാധാ​ന​പൂർണ​വും നീതി​നി​ഷ്‌ഠ​വു​മായ പുതിയ ലോകം എന്ന യഹോ​വ​യു​ടെ വാഗ്‌ദാ​ന​ത്തി​ന്റെ പൂർത്തീ​കരണ സമയം അവർ ഉറപ്പോ​ടെ നോക്കി​പ്പാർത്തു​കൊ​ണ്ടി​രി​ക്കു​ന്നു.—മീഖാ 4:4.

[12-ാം പേജിലെ ചിത്രം]

വെള്ളപ്പൊക്കത്തിനിരയായവരെ സഹായി​ക്കാൻ സാക്ഷികൾ അടുത്തു​നി​ന്നും അകലെ​നി​ന്നും എത്തി​ച്ചേർന്നു