ഒരു ദിവ്യാ​ധി​പ​ത്യ​ത്തി​ലെ ഇടയൻമാ​രും ആടുക​ളും

“യഹോവ നമ്മുടെ ന്യായാ​ധി​പൻ, യഹോവ നമ്മുടെ നിയമ​ദാ​താവ്‌, യഹോവ നമ്മുടെ രാജാവ്‌; അവിടുന്ന്‌ തന്നെ നമ്മെ രക്ഷിക്കും.”—യെശയ്യാ 33:22, NW.

1. ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളും ഇന്നത്തെ ക്രിസ്‌ത്യാ​നി​ക​ളും ഒരു ദിവ്യാ​ധി​പ​ത്യ​മാ​ണെന്നു പറയാൻ കഴിയു​ന്ന​തെ​ങ്ങനെ?

ദിവ്യാ​ധി​പ​ത്യ​ത്തി​ന്റെ അർഥം ദൈവ​ത്താ​ലുള്ള ഭരണ​മെ​ന്നാണ്‌. യഹോ​വ​യു​ടെ അധികാ​രത്തെ അംഗീ​ക​രി​ക്കു​ന്ന​തും നാം ജീവി​ത​ത്തിൽ എടുക്കുന്ന ചെറു​തും വലുതു​മായ തീരു​മാ​ന​ങ്ങ​ളിൽ അവിടു​ത്തെ മാർഗ​നിർദേ​ശ​ങ്ങ​ളും പ്രബോ​ധ​ന​ങ്ങ​ളും പിൻപ​റ​റു​ന്ന​തും അതിൽ ഉൾപ്പെ​ടു​ന്നു. ഒന്നാം നൂററാ​ണ്ടി​ലെ സഭ ഒരു യഥാർഥ ദിവ്യാ​ധി​പ​ത്യ​മാ​യി​രു​ന്നു. അന്നത്തെ ക്രിസ്‌ത്യാ​നി​കൾക്കു സത്യസ​ന്ധ​മാ​യി, “യഹോവ നമ്മുടെ ന്യായാ​ധി​പൻ, യഹോവ നമ്മുടെ നിയമ​ദാ​താവ്‌, യഹോവ നമ്മുടെ രാജാവ്‌” എന്നു പറയാൻ കഴിഞ്ഞു. (യശയ്യാ 33:22, NW) അഭിഷിക്ത ശേഷിപ്പ്‌ കേന്ദ്ര​മാ​യു​ള്ള​തി​നാൽ യഹോ​വ​യാം ദൈവ​ത്തി​ന്റെ ഇന്നത്തെ സ്ഥാപന​വും ഒരു യഥാർഥ ദിവ്യാ​ധി​പ​ത്യ​മാണ്‌.

ഏതു വിധങ്ങ​ളി​ലാ​ണു നാം ഇന്ന്‌ ദിവ്യാ​ധി​പ​ത്യ​പ​ര​മാ​യി​രി​ക്കു​ന്നത്‌?

2. യഹോ​വ​യു​ടെ സാക്ഷികൾ യഹോ​വ​യു​ടെ ഭരണത്തി​നു കീഴ്‌പെ​ട്ടി​രി​ക്കുന്ന ഒരു വിധം ഏതാണ്‌?

² യഹോ​വ​യു​ടെ ഭൗമിക സ്ഥാപനം ഒരു ദിവ്യാ​ധി​പ​ത്യ​മാ​ണെന്നു നമുക്ക്‌ എങ്ങനെ പറയാൻ കഴിയും? കാരണം ആ സ്ഥാപന​ത്തി​ലു​ള്ളവർ തീർച്ച​യാ​യും യഹോ​വ​യു​ടെ ഭരണത്തി​നു കീഴ്‌പെ​ട്ടി​രി​ക്കു​ന്നു. രാജാ​വാ​യി യഹോവ സിംഹാ​സ​ന​ത്തി​ലി​രു​ത്തി​യി​രി​ക്കുന്ന യേശു​ക്രി​സ്‌തു​വി​ന്റെ നേതൃ​ത്വ​ത്തെ അവർ പിൻപ​റ​റു​ന്നു. ദൃഷ്ടാ​ന്ത​ത്തിന്‌, അന്ത്യകാ​ലത്ത്‌, വലിയ ദിവ്യാ​ധി​പ​തി​യിൽനിന്ന്‌, “കൊയ്‌ത്തി​ന്നു സമയം വന്നതു​കൊ​ണ്ടു നിന്റെ അരിവാൾ അയച്ചു കൊയ്‌ക; ഭൂമി​യി​ലെ വിളവു വിളഞ്ഞു​ണ​ങ്ങി​യി​രി​ക്കു​ന്നു” എന്ന നേരി​ട്ടുള്ള ഈ ആജ്ഞ യേശു​വി​നു ലഭിച്ചി​രി​ക്കു​ന്നു. (വെളി​പ്പാ​ടു 14:15) യേശു അനുസ​രി​ച്ചു​കൊ​ണ്ടു ഭൂമി​യി​ലെ കൊയ്‌ത്ത്‌ ഏറെറ​ടു​ക്കു​ന്നു. ഉത്സാഹ​പൂർവം സുവാർത്ത പ്രസം​ഗി​ച്ചു​കൊ​ണ്ടും ശിഷ്യരെ ഉളവാ​ക്കി​ക്കൊ​ണ്ടും മഹത്തായ ഈ വേലയിൽ ക്രിസ്‌ത്യാ​നി​കൾ തങ്ങളുടെ രാജാ​വി​നെ പിന്തു​ണ​യ്‌ക്കു​ന്നു. (മത്തായി 28:19; മർക്കൊസ്‌ 13:10; പ്രവൃ​ത്തി​കൾ 1:8) അങ്ങനെ ചെയ്യു​മ്പോൾ അവർ വലിയ ദിവ്യാ​ധി​പ​തി​യായ യഹോ​വ​യോ​ടൊ​ത്തുള്ള സഹപ്ര​വർത്ത​ക​രു​മാണ്‌.—1 കൊരി​ന്ത്യർ 3:9.

3. ധാർമി​ക​ത​യു​ടെ കാര്യ​ങ്ങ​ളിൽ ക്രിസ്‌ത്യാ​നി​കൾ ദിവ്യാ​ധി​പ​ത്യ​ത്തിന്‌ എപ്രകാ​രം കീഴ്‌പെ​ടു​ന്നു?

³ നടത്തയി​ലും ക്രിസ്‌ത്യാ​നി​കൾ ദൈവ​ഭ​ര​ണ​ത്തിന്‌ ആത്മാർപ്പണം ചെയ്യുന്നു. യേശു ഇങ്ങനെ പറഞ്ഞു: “സത്യം പ്രവർത്തി​ക്കു​ന്ന​വ​നോ, തന്റെ പ്രവൃത്തി ദൈവ​ത്തിൽ ചെയ്‌തി​രി​ക്ക​യാൽ അതു വെളി​പ്പെ​ടേ​ണ്ട​തി​ന്നു വെളി​ച്ച​ത്തി​ങ്ക​ലേക്കു വരുന്നു.” (യോഹ​ന്നാൻ 3:21) ഇന്ന്‌, ധാർമിക നിലവാ​രങ്ങൾ സംബന്ധിച്ച്‌ അന്തമി​ല്ലാത്ത തർക്കങ്ങ​ളുണ്ട്‌. എന്നാൽ ക്രിസ്‌ത്യാ​നി​ക​ളു​ടെ ഇടയിൽ ഈ തർക്കങ്ങൾക്കു യാതൊ​രു സ്ഥാനവു​മില്ല. യഹോവ അധാർമി​ക​മെന്നു പറയു​ന്ന​തി​നെ അവർ അധാർമി​ക​മെന്നു വീക്ഷി​ച്ചു​കൊണ്ട്‌ ഒരു മാരക​രോ​ഗ​മെ​ന്ന​പോ​ലെ അതിനെ ഒഴിവാ​ക്കു​ന്നു! അവർ തങ്ങളുടെ കുടും​ബ​ങ്ങൾക്കു​വേണ്ടി കരുതു​ക​യും മാതാ​പി​താ​ക്കളെ അനുസ​രി​ക്കു​ക​യും ശ്രേഷ്‌ഠാ​ധി​കാ​ര​ങ്ങൾക്കു കീഴ്‌പെ​ടു​ക​യും ചെയ്യുന്നു. (എഫെസ്യർ 5:3-5, 22-33; 6:1-4; 1 തിമൊ​ഥെ​യൊസ്‌ 5:8; തീത്തൊസ്‌ 3:1) അങ്ങനെ, ദൈവ​ത്തോ​ടുള്ള ഐക്യ​ത്തിൽ അവർ ദിവ്യാ​ധി​പ​ത്യ​പ​ര​മാ​യി പ്രവർത്തി​ക്കു​ന്നു.

4. ആദാമും ഹവ്വായും ശൗലും ഏതു തെററായ മനോ​ഭാ​വ​ങ്ങ​ളാ​ണു പ്രകട​മാ​ക്കി​യത്‌, ക്രിസ്‌ത്യാ​നി​കൾ ഒരു വ്യത്യസ്‌ത മനോ​ഭാ​വം പ്രകട​മാ​ക്കു​ന്ന​തെ​ങ്ങനെ?

⁴ ശരി​യെന്ത്‌, തെറെ​റന്ത്‌ എന്നതു സംബന്ധി​ച്ചു സ്വന്തം തീരു​മാ​ന​ങ്ങ​ളെ​ടു​ക്കാൻ ആഗ്രഹി​ച്ചതു നിമിത്തം ആദാമി​നും ഹവ്വായ്‌ക്കും പറുദീസ നഷ്ടമായി. യേശു ആഗ്രഹി​ച്ചത്‌ അതിന്റെ നേരെ വിപരീ​ത​മാണ്‌. അവിടുന്ന്‌ ഇങ്ങനെ പറഞ്ഞു: ‘ഞാൻ എന്റെ ഇഷ്ടം അല്ല, എന്നെ അയച്ചവന്റെ ഇഷ്ടമാണു ചെയ്‌വാൻ ഇച്ഛിക്കു​ന്നത്‌.’ അതുതന്നെ ചെയ്യാൻ ക്രിസ്‌ത്യാ​നി​ക​ളും ഉത്സാഹി​ക്കു​ന്നു. (യോഹ​ന്നാൻ 5:30; ലൂക്കൊസ്‌ 22:42; റോമർ 12:2; എബ്രായർ 10:7) ഇസ്രാ​യേ​ലി​ലെ ആദ്യത്തെ രാജാ​വായ ശൗൽ യഹോ​വയെ തീർച്ച​യാ​യും അനുസ​രി​ച്ചു—എന്നാൽ ഭാഗി​ക​മാ​യി മാത്രം. ഇതു നിമിത്തം അദ്ദേഹം പരിത്യ​ജി​ക്ക​പ്പെട്ടു. ശമുവേൽ അദ്ദേഹ​ത്തോ​ടു പറഞ്ഞു: “ഇതാ, അനുസ​രി​ക്കു​ന്നതു യാഗ​ത്തെ​ക്കാ​ളും ശ്രദ്ധി​ക്കു​ന്നതു മുട്ടാ​ടു​ക​ളു​ടെ മേദസ്സി​നെ​ക്കാ​ളും നല്ലതു.” (1 ശമൂവേൽ 15:22) ഒരുപക്ഷേ, പ്രസം​ഗ​വേ​ല​യി​ലോ യോഗ​ങ്ങ​ളിൽ ഹാജരാ​കു​ന്ന​തി​ലോ ക്രമമു​ള്ള​വ​രാ​യി​രു​ന്നു​കൊണ്ട്‌, ഒരു പരിധി​വരെ യഹോ​വ​യു​ടെ ഇഷ്ടം പിൻപ​റ​റു​ക​യും, എന്നിട്ട്‌ ധാർമി​ക​ത​യു​ടെ കാര്യ​ങ്ങ​ളി​ലോ മറേറ​തെ​ങ്കി​ലും കാര്യ​ത്തി​ലോ വിട്ടു​വീഴ്‌ച കാണി​ക്കു​ക​യും ചെയ്യു​ന്നത്‌ ദിവ്യാ​ധി​പ​ത്യ​പ​ര​മാ​ണോ? തീർച്ച​യാ​യും അല്ല! ‘മുഴു​ദേ​ഹി​യോ​ടെ ദൈ​വേഷ്ടം ചെയ്യാൻ’ നാം കഠിന​ശ്രമം ചെയ്യുന്നു. (എഫേസ്യർ 6:6, NW; 1 പത്രൊസ്‌ 4:1, 2) ശൗലി​നെ​പ്പോ​ലെ​യാ​യി​രി​ക്കാ​തെ, നാം ദൈവ​ഭ​ര​ണ​ത്തി​നു പൂർണ​മാ​യി കീഴ്‌പെ​ടു​ന്നു.

ഒരു ആധുനി​ക​കാല ദിവ്യാ​ധി​പ​ത്യം

5, 6. ഇന്നു മനുഷ്യ​വർഗ​ത്തോ​ടു യഹോവ ഇടപെ​ടു​ന്ന​തെ​ങ്ങനെ, ഈ ക്രമീ​ക​ര​ണ​ത്തോ​ടുള്ള സഹകരണം എന്തിൽ കലാശി​ക്കു​ന്നു?

⁵ കഴിഞ്ഞ കാലത്തു യഹോവ ഭരണം നടത്തു​ക​യും പ്രവാ​ച​കൻമാർ, രാജാ​ക്കൻമാർ, അപ്പോ​സ്‌ത​ലൻമാർ തുടങ്ങിയ വ്യക്തി​ക​ളി​ലൂ​ടെ അവിടുന്ന്‌ സത്യങ്ങൾ വെളി​പ്പെ​ടു​ത്തു​ക​യും ചെയ്‌തു. മേലാൽ സംഗതി അങ്ങനെ ആയിരി​ക്കു​ന്നില്ല; നിശ്വസ്‌ത പ്രവാ​ച​കൻമാ​രോ അപ്പോ​സ്‌ത​ലൻമാ​രോ ഇന്നില്ല. മറിച്ച്‌, തന്റെ രാജകീയ സാന്നി​ധ്യ​കാ​ലത്തു പിൻഗാ​മി​ക​ളു​ടെ ഒരു വിശ്വസ്‌ത സംഘത്തെ, ഒരു “വിശ്വ​സ്‌ത​നും വിവേ​കി​യു​മായ അടിമ”യെ, താൻ തിരി​ച്ച​റി​യി​ക്കു​മെ​ന്നും അതിനെ തന്റെ എല്ലാ സ്വത്തു​ക്ക​ളു​ടെ​മേ​ലും നിയമി​ക്കു​മെ​ന്നും യേശു പറഞ്ഞു. (മത്തായി 24:45-47, NW; യെശയ്യാ​വു 43:10) 1919-ൽ ആ അടിമ അഭിഷിക്ത ക്രിസ്‌ത്യാ​നി​ക​ളു​ടെ ശേഷി​പ്പാ​യി തിരി​ച്ച​റി​യി​ക്ക​പ്പെട്ടു. അന്നുമു​തൽ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്താൽ പ്രതി​നി​ധീ​ക​രി​ക്ക​പ്പെ​ടും പ്രകാരം അതു ഭൂമി​യി​ലെ ദിവ്യാ​ധി​പ​ത്യ​ത്തി​ന്റെ കേന്ദ്ര​മാണ്‌. ലോക​ത്തി​നു ചുററും, ബ്രാഞ്ച്‌ കമ്മിറ​റി​ക​ളും സഞ്ചാര​മേൽവി​ചാ​ര​കൻമാ​രും സഭാമൂ​പ്പൻമാ​രും ഈ ഭരണസം​ഘത്തെ പ്രതി​നി​ധാ​നം ചെയ്യുന്നു.

⁶ ദിവ്യാ​ധി​പത്യ സ്ഥാപന​ത്തോ​ടുള്ള സഹകരണം ദിവ്യാ​ധി​പ​ത്യ​ത്തി​നു കീഴ്‌പെ​ടു​ന്ന​തി​ലെ ഒരു അത്യന്താ​പേ​ക്ഷിത ഭാഗമാണ്‌. അത്തരം സഹകരണം ലോക​മെ​മ്പാ​ടു​മുള്ള മുഴു “സഹോ​ദ​ര​വർഗ്ഗ”ത്തിലും ഐക്യ​വും ക്രമവും ഉളവാ​ക്കു​ന്നു. (1 പത്രൊസ്‌ 2:17) ക്രമത്തിൽ അതു യഹോ​വയെ സന്തോ​ഷി​പ്പി​ക്കു​ന്നു, എന്തു​കൊ​ണ്ടെ​ന്നാൽ അവിടുന്ന്‌ “കലക്കത്തി​ന്റെ ദൈവമല്ല സമാധാ​ന​ത്തി​ന്റെ ദൈവ​മ​ത്രേ.”—1 കൊരി​ന്ത്യർ 14:33.

ഒരു ദിവ്യാ​ധി​പ​ത്യ​ത്തി​ലെ മൂപ്പൻമാർ

7. ക്രിസ്‌തീയ മൂപ്പൻമാർ നിയമി​ക്ക​പ്പെ​ടു​ന്നതു ദിവ്യാ​ധി​പ​ത്യ​പ​ര​മാ​യാ​ണെന്നു പറയാൻ കഴിയു​ന്നത്‌ എന്തു​കൊണ്ട്‌?

⁷ പ്രായ​മേ​റിയ പുരു​ഷൻമാ​രു​ടെ അധികാ​ര​സ്ഥാ​നം എന്തായി​രു​ന്നാ​ലും, മേൽവി​ചാ​ര​ക​സ്ഥാ​ന​ത്തി​നാ​യി അഥവാ പ്രായ​മേ​റിയ പുരു​ഷ​നു​വേണ്ടി ബൈബി​ളിൽ നൽകി​യി​രി​ക്കുന്ന യോഗ്യ​ത​ക​ളിൽ അവരെ​ല്ലാ​വ​രും എത്തി​ച്ചേ​രു​ന്നു. (1 തിമൊ​ഥെ​യൊസ്‌ 3:1-7; തീത്തൊസ്‌ 1:5-9) കൂടാതെ, “നിങ്ങ​ളെ​ത്ത​ന്നേ​യും താൻ സ്വന്തര​ക്ത​ത്താൽ സമ്പാദി​ച്ചി​രി​ക്കുന്ന ദൈവ​ത്തി​ന്റെ സഭയെ മേയ്‌പാൻ പരിശു​ദ്ധാ​ത്മാ​വു നിങ്ങളെ അദ്ധ്യക്ഷ​രാ​ക്കി​വെച്ച ആട്ടിൻകൂ​ട്ടം മുഴു​വ​നെ​യും സൂക്ഷി​ച്ചു​കൊൾവിൻ” എന്ന്‌ എഫെ​സോ​സി​ലെ മൂപ്പൻമാ​രോ​ടുള്ള പൗലോ​സി​ന്റെ വാക്കുകൾ എല്ലാ മൂപ്പൻമാർക്കും ബാധക​മാണ്‌. (പ്രവൃ​ത്തി​കൾ 20:28) അതേ, മൂപ്പൻമാർ നിയമി​ത​രാ​യി​രി​ക്കു​ന്നത്‌ യഹോ​വ​യാം ദൈവ​ത്തിൽനി​ന്നു വരുന്ന പരിശു​ദ്ധാ​ത്മാ​വി​നാ​ലാണ്‌. (യോഹ​ന്നാൻ 14:26) ദിവ്യാ​ധി​പ​ത്യ​പ​ര​മായ നിയമ​ന​മാണ്‌ അവർക്കു​ള്ളത്‌. കൂടാതെ, അവർ ദൈവ​ത്തി​ന്റെ ആട്ടിൻകൂ​ട്ട​ത്തിൻമേ​ലാണ്‌ ഇടയവേല ചെയ്യു​ന്നത്‌. ആട്ടിൻകൂ​ട്ടം യഹോ​വ​യു​ടേ​താണ്‌, മൂപ്പൻമാ​രു​ടേതല്ല. അത്‌ ഒരു ദിവ്യാ​ധി​പ​ത്യ​മാണ്‌.

8. ഇന്നത്തെ മൂപ്പൻമാ​രു​ടെ പൊതു​വായ ചുമത​ലകൾ ഏവ?

⁸ “അവൻ ചിലരെ അപ്പൊ​സ്‌ത​ലൻമാ​രാ​യും ചിലരെ പ്രവാ​ച​കൻമാ​രാ​യും ചിലരെ സുവി​ശേ​ഷ​കൻമാ​രാ​യും ചിലരെ ഇടയൻമാ​രാ​യും ഉപദേ​ഷ്ടാ​ക്കൻമാ​രാ​യും നിയമി​ച്ചി​രി​ക്കു​ന്നു; അതു . . . വിശു​ദ്ധൻമാ​രു​ടെ യഥാസ്ഥാ​ന​ത്വ​ത്തി​ന്നാ​യുള്ള ശുശ്രൂ​ഷ​യു​ടെ വേലെ​ക്കും ക്രിസ്‌തു​വി​ന്റെ ശരീര​ത്തി​ന്റെ ആത്മിക​വർദ്ധ​നെ​ക്കും ആകുന്നു” എന്നു പറഞ്ഞു​കൊണ്ട്‌, എഫേസ്യർക്കുള്ള തന്റെ ലേഖന​ത്തിൽ, മൂപ്പൻമാ​രു​ടെ പൊതു​വായ ചുമത​ലകൾ അപ്പോ​സ്‌ത​ല​നായ പൗലോസ്‌ വിവരി​ച്ചു. (എഫെസ്യർ 4:11, 12) “ക്രിസ്‌തു​വി​ന്റെ ശരീര”ത്തിന്റെ ശൈശ​വ​ത്തിൽത്തന്നെ അപ്പോ​സ്‌ത​ലൻമാ​രും പ്രവാ​ച​കൻമാ​രും നീങ്ങി​പ്പോ​യി. (1 കൊരി​ന്ത്യർ 13:8 താരത​മ്യ​പ്പെ​ടു​ത്തുക.) എന്നാൽ സുവി​ശേ​ഷി​ക്കൽ നടത്തി​ക്കൊ​ണ്ടും ഇടയവേല ചെയ്‌തു​കൊ​ണ്ടും പഠിപ്പി​ച്ചു​കൊ​ണ്ടും മൂപ്പൻമാർ ഇപ്പോ​ഴും തിരക്കി​ലാണ്‌.—2 തിമൊ​ഥെ​യൊസ്‌ 4:2; തീത്തൊസ്‌ 1:9.

9. സഭയിൽ ദൈ​വേ​ഷ്ടത്തെ പ്രതി​നി​ധാ​നം ചെയ്യാൻ മൂപ്പൻമാർ എങ്ങനെ സ്വയം ഒരുങ്ങണം?

⁹ ദിവ്യാ​ധി​പ​ത്യം ദൈവ​ഭ​ര​ണ​മാ​യ​തു​കൊണ്ട്‌, ഫലപ്ര​ദ​രായ മൂപ്പൻമാർ ദൈ​വേ​ഷ്ട​വു​മാ​യി നല്ലവണ്ണം പരിച​യ​മു​ള്ള​വ​രാണ്‌. ദിവസ​വും ന്യായ​പ്ര​മാ​ണം വായി​ക്കാൻ യോശു​വ​യോ​ടു കല്‌പി​ക്ക​പ്പെട്ടു. മൂപ്പൻമാ​രും ക്രമമാ​യി പഠിക്കു​ക​യും തിരു​വെ​ഴു​ത്തു​കൾ പരി​ശോ​ധി​ക്കു​ക​യും ചെയ്യേ​ണ്ട​തുണ്ട്‌, വിശ്വ​സ്‌ത​നും വിവേ​കി​യു​മായ അടിമ പ്രസി​ദ്ധീ​ക​രി​ക്കുന്ന ബൈബിൾ സാഹി​ത്യ​ങ്ങ​ളു​മാ​യി അവർ നല്ലവണ്ണം പരിചി​ത​രാ​യി​രി​ക്കു​ക​യും വേണം. (2 തിമൊ​ഥെ​യൊസ്‌ 3:14, 15) പ്രത്യേക സാഹച​ര്യ​ങ്ങ​ളിൽ ബൈബിൾ തത്ത്വങ്ങൾ എങ്ങനെ ബാധക​മാ​കു​ന്നു എന്നു കാണി​ക്കുന്ന വീക്ഷാ​ഗോ​പു​ര​വും ഉണരുക!യും മററു പ്രസി​ദ്ധീ​ക​ര​ണ​ങ്ങ​ളും ഇതിൽ ഉൾപ്പെ​ടു​ന്നു.a എന്നിരു​ന്നാ​ലും, വാച്ച്‌ ടവർ സൊ​സൈ​റ​റി​യു​ടെ സാഹി​ത്യ​ങ്ങ​ളിൽ പ്രസി​ദ്ധീ​ക​രി​ച്ചി​രി​ക്കുന്ന നിർദേ​ശങ്ങൾ ഒരു മൂപ്പൻ അറിഞ്ഞി​രി​ക്കു​ക​യും പിൻപ​റ​റു​ക​യും ചെയ്യേ​ണ്ടതു പ്രധാ​ന​മാ​യി​രി​ക്കു​മ്പോൾത്തന്നെ, ആ നിർദേ​ശ​ങ്ങൾക്ക്‌ ഉപോൽബ​ല​ക​മാ​യി​രി​ക്കുന്ന തിരു​വെ​ഴു​ത്തു തത്ത്വങ്ങ​ളു​മാ​യും അദ്ദേഹം നല്ലവണ്ണം പരിചി​ത​നാ​യി​രി​ക്കണം. ഗ്രാഹ്യ​ത്തോ​ടെ​യും അനുക​മ്പ​യോ​ടെ​യും തിരു​വെ​ഴു​ത്തു മാർഗ​നിർദേ​ശങ്ങൾ ബാധക​മാ​ക്കാൻ കഴിയുന്ന ഒരു സ്ഥാനത്താ​യി​രി​ക്കും അദ്ദേഹ​മ​പ്പോൾ.—മീഖാ 6:8 താരത​മ്യ​പ്പെ​ടു​ത്തുക.

ക്രിസ്‌തീയ ആത്മാ​വോ​ടെ സേവിക്കൽ

10. ഏതു മോശ​മായ മനോ​ഭാ​വ​ത്തി​നെ​തി​രെ മൂപ്പൻമാർ ജാഗ്രത പുലർത്തണം, എങ്ങനെ?

¹⁰ പൊ.യു. 55 എന്ന വർഷ​ത്തോ​ട​ടുത്ത്‌, കൊരി​ന്തി​ലെ സഭയ്‌ക്ക്‌ അപ്പോ​സ്‌ത​ല​നായ പൗലോസ്‌ തന്റെ ആദ്യ​ലേ​ഖനം എഴുതി. അദ്ദേഹം കൈകാ​ര്യം ചെയ്‌ത പ്രശ്‌ന​ങ്ങ​ളി​ലൊന്ന്‌, സഭയിൽ പ്രമു​ഖ​രാ​യി​ത്തീ​രാൻ ആഗ്രഹിച്ച ചില പുരു​ഷൻമാ​രോ​ടു ബന്ധപ്പെ​ട്ട​താ​യി​രു​ന്നു. പൗലോസ്‌ ഇപ്രകാ​ര​മെ​ഴു​തി: “ഇത്ര ക്ഷണത്തിൽ നിങ്ങൾ തൃപ്‌തൻമാ​രാ​യി; ഇത്ര ക്ഷണത്തിൽ നിങ്ങൾ സമ്പന്നൻമാ​രാ​യി; ഞങ്ങളെ കൂടാതെ വാഴു​ന്ന​വ​രാ​യി; അയ്യോ, നിങ്ങ​ളോ​ടു​കൂ​ടെ ഞങ്ങളും വാഴേ​ണ്ട​തി​ന്നു നിങ്ങൾ വാണു എങ്കിൽ കൊള്ളാ​യി​രു​ന്നു.” (1 കൊരി​ന്ത്യർ 4:8) പൊ.യു. ഒന്നാം നൂററാ​ണ്ടിൽ, യേശു​വി​നോ​ടു​കൂ​ടെ സ്വർഗീയ രാജാ​ക്കൻമാ​രും പുരോ​ഹി​തൻമാ​രു​മാ​യി വാഴു​ന്ന​തി​നുള്ള പ്രത്യാശ സകല ക്രിസ്‌ത്യാ​നി​കൾക്കു​മു​ണ്ടാ​യി​രു​ന്നു. (വെളി​പ്പാ​ടു 20:4, 6) എന്നിരു​ന്നാ​ലും, തെളി​വ​നു​സ​രിച്ച്‌ ഭൂമി​യിൽ ക്രിസ്‌തീയ ദിവ്യാ​ധി​പ​ത്യ​ത്തിൽ രാജാ​ക്കൻമാ​രില്ല എന്ന കാര്യം കൊരി​ന്തി​ലെ ചിലർ മറന്നു​ക​ളഞ്ഞു. ഈ ലോക​ത്തി​ലെ രാജാ​ക്കൻമാ​രെ​പ്പോ​ലെ പ്രവർത്തി​ക്കു​ന്ന​തി​നു പകരം, ക്രിസ്‌തീയ ഇടയൻമാർ യഹോ​വയെ സന്തോ​ഷി​പ്പി​ക്കുന്ന ഒരു ഗുണമായ താഴ്‌മ നട്ടുവ​ളർത്തു​ന്നു.—സങ്കീർത്തനം 138:6; ലൂക്കൊസ്‌ 22:25-27.

11. (എ) താഴ്‌മ​യു​ടെ ചില വിശിഷ്ട ദൃഷ്ടാ​ന്ത​ങ്ങ​ളേവ? (ബി) മൂപ്പൻമാർക്കും മററു ക്രിസ്‌ത്യാ​നി​കൾക്കും തങ്ങളെ​ക്കു​റി​ച്ചു​തന്നെ എന്തു വീക്ഷണം ഉണ്ടായി​രി​ക്കണം?

¹¹ താഴ്‌മ ഒരു ബലഹീ​ന​ത​യാ​ണോ? തീർച്ച​യാ​യു​മല്ല! യഹോ​വ​തന്നെ താഴ്‌മ​യു​ള്ള​വ​നാ​യി വർണി​ക്ക​പ്പെ​ട്ടി​രി​ക്കു​ന്നു. (സങ്കീർത്തനം 18:35) ഇസ്രാ​യേ​ലി​ലെ രാജാ​ക്കൻമാർ സൈന്യ​ത്തെ യുദ്ധത്തി​നു നയിക്കു​ക​യും യഹോ​വ​യു​ടെ കീഴി​ലുള്ള രാഷ്‌ട്രത്തെ ഭരിക്കു​ക​യും ചെയ്‌തു. എന്നാൽ, ‘ഓരോ​രു​ത്തന്റെ ഹൃദയം സഹോ​ദ​രൻമാർക്കു മീതെ അഹങ്കരി​ച്ചു​യ​രാ​തി​രി​ക്കാൻ’ ഓരോ​രു​ത്ത​രും ശ്രദ്ധി​ക്കേ​ണ്ടി​യി​രു​ന്നു. (ആവർത്ത​ന​പു​സ്‌തകം 17:20) പുനരു​ത്ഥാ​നം പ്രാപിച്ച യേശു സ്വർഗീയ രാജാ​വാണ്‌. എന്നാൽ, ഭൂമി​യി​ലാ​യി​രു​ന്ന​പ്പോൾ അവിടുന്ന്‌ തന്റെ ശിഷ്യൻമാ​രു​ടെ പാദങ്ങൾ കഴുകി. എന്തൊരു താഴ്‌മ! തന്റെ അപ്പോ​സ്‌ത​ലൻമാർ സമാന​മാം​വി​ധം താഴ്‌മ​യു​ള്ള​വ​രാ​യി​രി​ക്കാൻ അവിടുന്ന്‌ ആഗ്രഹി​ക്കു​ന്നു​വെന്നു പ്രകട​മാ​ക്കി​ക്കൊ​ണ്ടു യേശു ഇങ്ങനെ പറഞ്ഞു: “കർത്താ​വും ഗുരു​വു​മായ ഞാൻ നിങ്ങളു​ടെ കാൽ കഴുകി എങ്കിൽ നിങ്ങളും തമ്മിൽ തമ്മിൽ കാൽ കഴു​കേ​ണ്ട​താ​കു​ന്നു.” (യോഹ​ന്നാൻ 13:14; ഫിലി​പ്പി​യർ 2:5-8) എല്ലാ മഹത്ത്വ​വും സ്‌തു​തി​യും യഹോ​വ​യി​ലേ​ക്കാ​ണു പോ​കേ​ണ്ടത്‌, ഏതെങ്കി​ലും മനുഷ്യ​നി​ലേക്കല്ല. (വെളി​പ്പാ​ടു 4:11) മൂപ്പൻമാ​രാ​ണെ​ങ്കി​ലും അല്ലെങ്കി​ലും എല്ലാ ക്രിസ്‌ത്യാ​നി​ക​ളും യേശു​വി​ന്റെ വാക്കു​ക​ളു​ടെ വെളി​ച്ച​ത്തിൽ തങ്ങളെ​ക്കു​റി​ച്ചു​തന്നെ ചിന്തി​ക്കണം: “ഞങ്ങൾ പ്രയോ​ജനം ഇല്ലാത്ത ദാസൻമാർ; ചെയ്യേ​ണ്ടതേ ചെയ്‌തി​ട്ടു​ള്ളു എന്നു നിങ്ങളും പറവിൻ.” (ലൂക്കൊസ്‌ 17:10) മറേറ​തൊ​രു വീക്ഷണ​വും ദിവ്യാ​ധി​പ​ത്യ​പ​രമല്ല.

12. സ്‌നേഹം ക്രിസ്‌തീയ മൂപ്പൻമാർ നട്ടുവ​ളർത്തേണ്ട ഒരു അത്യന്താ​പേ​ക്ഷിത ഗുണമാ​യി​രി​ക്കു​ന്നത്‌ എന്തു​കൊണ്ട്‌?

¹² താഴ്‌മ​യോ​ടൊ​പ്പം ക്രിസ്‌തീയ മൂപ്പൻമാർ സ്‌നേ​ഹ​വും നട്ടുവ​ളർത്തു​ന്നു. “സ്‌നേ​ഹി​ക്കാ​ത്തവൻ ദൈവത്തെ അറിഞ്ഞി​ട്ടില്ല; ദൈവം സ്‌നേഹം തന്നേ” എന്നു പറഞ്ഞ​പ്പോൾ സ്‌നേ​ഹ​ത്തി​ന്റെ പ്രാധാ​ന്യം അപ്പോ​സ്‌ത​ല​നായ യോഹ​ന്നാൻ എടുത്തു​കാ​ട്ടി. (1 യോഹ​ന്നാൻ 4:8) സ്‌നേ​ഹ​മി​ല്ലാത്ത വ്യക്തികൾ ദിവ്യാ​ധി​പത്യ മനോ​ഭാ​വ​മു​ള്ള​വരല്ല. അവർ യഹോ​വയെ അറിയു​ന്നില്ല. ദൈവ​പു​ത്ര​നെ​ക്കു​റി​ച്ചു ബൈബിൾ പറയു​ന്നത്‌ ഇങ്ങനെ​യാണ്‌: “യേശു . . . ലോക​ത്തിൽ തനിക്കു​ള്ള​വരെ സ്‌നേ​ഹി​ച്ച​തു​പോ​ലെ അവസാ​ന​ത്തോ​ളം അവരെ സ്‌നേ​ഹി​ച്ചു.” (യോഹ​ന്നാൻ 13:1) ക്രിസ്‌തീയ സഭയിലെ ഭരണസം​ഘ​ത്തി​ന്റെ ഭാഗമാ​യി​ത്തീ​രാ​നി​രുന്ന 11 പുരു​ഷൻമാ​രോ​ടു സംസാ​രി​ക്കവേ, യേശു ഇങ്ങനെ പറഞ്ഞു: “ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം എന്നതാ​കു​ന്നു എന്റെ കല്‌പന.” (യോഹ​ന്നാൻ 15:12) യഥാർഥ ക്രിസ്‌ത്യാ​നി​ത്വ​ത്തി​ന്റെ തിരി​ച്ച​റി​യി​ക്കൽ ചിഹ്നമാണ്‌ സ്‌നേഹം. ഹൃദയം തകർന്ന​വ​രെ​യും വിലപി​ക്കു​ന്ന​വ​രെ​യും സ്വാത​ന്ത്ര്യം അതിയാ​യി കാംക്ഷി​ക്കുന്ന ആത്മീയ അടിമ​ക​ളെ​യും അത്‌ ആകർഷി​ക്കു​ന്നു. (യെശയ്യാ​വു 61:1, 2; യോഹ​ന്നാൻ 13:35) സ്‌നേഹം പ്രകട​മാ​ക്കു​ന്ന​തിൽ മൂപ്പൻമാർ മാതൃ​ക​യു​ള്ള​വ​രാ​യി​രി​ക്കണം.

13. ഇന്നത്തെ പ്രശ്‌നങ്ങൾ ദുഷ്‌ക​ര​മാ​യി​രു​ന്നേ​ക്കാ​മെ​ങ്കി​ലും, എല്ലാ സാഹച​ര്യ​ങ്ങ​ളി​ലും നൻമ ചെയ്യാ​നുള്ള ഒരു പ്രേര​ക​ശ​ക്തി​യാ​യി​രി​ക്കാൻ ഒരു മൂപ്പന്‌ എങ്ങനെ കഴിയും?

¹³ ഇന്ന്‌, സങ്കീർണ​മായ പ്രശ്‌നങ്ങൾ കൈകാ​ര്യം ചെയ്യാൻ മിക്ക​പ്പോ​ഴും മൂപ്പൻമാ​രോട്‌ ആവശ്യ​പ്പെ​ടു​ന്നു. വൈവാ​ഹിക പ്രശ്‌നങ്ങൾ ആഴത്തിൽ വേരൂ​ന്നി​യ​തും തുടർന്നു നിലനിൽക്കു​ന്ന​തു​മാ​യി​രി​ക്കാം. ഉൾക്കൊ​ള്ളാൻ പ്രയാ​സ​ക​ര​മെന്നു മുതിർന്നവർ കണ്ടെത്തി​യേ​ക്കാ​വുന്ന പ്രശ്‌നങ്ങൾ യുവജ​ന​ങ്ങൾക്കുണ്ട്‌. വൈകാ​രിക രോഗങ്ങൾ ഗ്രഹി​ക്കുക മിക്ക​പ്പോ​ഴും ദുഷ്‌ക​ര​മാണ്‌. അത്തരം കാര്യ​ങ്ങളെ നേരി​ടുന്ന ഒരു മൂപ്പന്‌ എന്തു ചെയ്യണ​മെന്നു നിശ്ചയ​മി​ല്ലാ​തി​രു​ന്നേ​ക്കാം. എന്നാൽ, അദ്ദേഹം പ്രാർഥ​നാ​പൂർവം യഹോ​വ​യു​ടെ ജ്ഞാനത്തിൽ ആശ്രയി​ക്കു​ക​യും, ബൈബി​ളി​ലും വിശ്വ​സ്‌ത​നും വിവേ​കി​യു​മായ അടിമ പ്രസി​ദ്ധീ​ക​രി​ച്ചി​രി​ക്കുന്ന വിവര​ങ്ങ​ളി​ലും ഗവേഷണം ചെയ്യു​ക​യും, ആടുക​ളോ​ടു താഴ്‌മ​യോ​ടെ​യും സ്‌നേ​ഹ​ത്തോ​ടെ​യും ഇടപെ​ടു​ക​യും ചെയ്യു​ന്നെ​ങ്കിൽ ഏററവും പ്രതി​കൂ​ല​മായ അവസ്ഥയിൽപ്പോ​ലും താൻ നൻമ ചെയ്യാ​നുള്ള ഒരു പ്രേര​ക​ശ​ക്തി​യാ​യി​രി​ക്കു​മെന്ന്‌ ഒരു മൂപ്പന്‌ ഉറപ്പു​ണ്ടാ​യി​രി​ക്കാൻ കഴിയും.

14, 15. അനേകം നല്ല മൂപ്പൻമാ​രെ​ക്കൊണ്ട്‌ യഹോവ തന്റെ ജനത്തെ അനു​ഗ്ര​ഹി​ച്ചി​രി​ക്കു​ന്നു എന്നു പ്രകട​മാ​ക്കുന്ന ചില അഭി​പ്രാ​യ​പ്ര​ക​ട​ന​ങ്ങ​ളേവ?

¹⁴ “മനുഷ്യ​രാം ദാനങ്ങ”ളെക്കൊണ്ട്‌ യഹോവ തന്റെ സ്ഥാപനത്തെ സമൃദ്ധ​മാ​യി അനു​ഗ്ര​ഹി​ച്ചി​രി​ക്കു​ന്നു. (എഫേസ്യർ 4:8, NW) ദൈവ​ത്തി​ന്റെ ആടുക​ളു​ടെ​മേൽ അനുക​മ്പാ​പൂർവം ഇടയവേല ചെയ്യുന്ന താഴ്‌മ​യുള്ള മൂപ്പൻമാർ പ്രകട​മാ​ക്കുന്ന സ്‌നേ​ഹ​ത്തി​ന്റെ തെളിവു നൽകുന്ന ഹൃദ​യോ​ഷ്‌മ​ള​മായ എഴുത്തു​കൾ വാച്ച്‌ ടവർ സൊ​സൈ​റ​റിക്ക്‌ ഇടയ്‌ക്കി​ട​യ്‌ക്ക്‌ ലഭിക്കാ​റുണ്ട്‌. ദൃഷ്ടാ​ന്ത​ത്തിന്‌ ഒരു സഭാമൂ​പ്പൻ എഴുതു​ന്നത്‌ ഇപ്രകാ​ര​മാണ്‌: “എന്നെ വളരെ​യ​ധി​കം സ്വാധീ​നിച്ച, അല്ലെങ്കിൽ സഭയിൽ ഇപ്പോ​ഴും സംസാ​ര​വി​ഷ​യ​മാ​യി​രി​ക്കുന്ന മറെറാ​രു സർക്കിട്ട്‌ മേൽവി​ചാ​ര​കന്റെ സന്ദർശനം എനിക്ക്‌ ഓർക്കാൻ കഴിയു​ന്നില്ല. സഹോ​ദ​ര​ങ്ങ​ളോട്‌ ഇടപെ​ടു​മ്പോൾ അനു​മോ​ദ​ന​ത്തിന്‌ ഊന്നൽ കൊടു​ത്തു​കൊണ്ട്‌ ഒരു ക്രിയാ​ത്മക മനോ​ഭാ​വം പുലർത്തേ​ണ്ട​തി​ന്റെ പ്രാധാ​ന്യം മനസ്സി​ലാ​ക്കാൻ ആ സർക്കിട്ട്‌ മേൽവി​ചാ​രകൻ എന്നെ സഹായി​ച്ചു.”

¹⁵ ചികി​ത്സ​യ്‌ക്കാ​യി വിദൂ​ര​ത്തുള്ള ഒരു ആശുപ​ത്രി​യി​ലേക്കു യാത്ര ചെയ്യേ​ണ്ടി​യി​രുന്ന ഒരു സഹോ​ദരി എഴുതു​ന്നു: “വീട്ടിൽനി​ന്നു വളരെ ദൂരെ​യുള്ള ഒരാശു​പ​ത്രി​യി​ലെ ഉത്‌ക​ണ്‌ഠാ​ജ​ന​ക​മായ ആദ്യത്തെ രാത്രി​യിൽ ഒരു മൂപ്പനെ കണ്ടുമു​ട്ടാൻ കഴിഞ്ഞത്‌ എത്ര ആശ്വാ​സ​പ്ര​ദ​മാ​യി​രു​ന്നു! അദ്ദേഹ​വും മററു സഹോ​ദ​ര​ങ്ങ​ളും എന്നോ​ടൊ​പ്പം വളരെ​യേറെ സമയം ചെലവ​ഴി​ച്ചു. സ്‌നേ​ഹ​വാ​യ്‌പു​ള്ള​വ​രും അർപ്പി​ത​രു​മായ ആ സഹോ​ദ​ര​ങ്ങ​ളു​ടെ ആശ്വസി​പ്പി​ക്ക​ലും പരിപാ​ല​ന​വും പ്രാർഥ​ന​ക​ളും ഇല്ലാതി​രു​ന്നെ​ങ്കിൽ ഞാൻ അതിജീ​വി​ക്കു​ക​പോ​ലും ചെയ്യു​മാ​യി​രു​ന്നില്ല എന്നു ഞാൻ അനുഭ​വി​ച്ചതു കണ്ടുനിന്ന ലോക​ക്കാ​രായ ആളുകൾക്കു​പോ​ലും തോന്നി​പ്പോ​യി.” മറെറാ​രു സഹോ​ദരി എഴുതു​ന്നത്‌ ഇങ്ങനെ​യാണ്‌: “തീവ്ര​മായ വിഷാ​ദ​ത്തോ​ടുള്ള എന്റെ പോരാ​ട്ട​ത്തിൽ മൂപ്പൻമാ​രു​ടെ സംഘം ക്ഷമാപൂർവം എന്നെ വഴിന​യി​ച്ച​തു​കൊ​ണ്ടു ഞാനിന്നു ജീവ​നോ​ടി​രി​ക്കു​ന്നു. . . . ഒരു സഹോ​ദ​ര​നും അദ്ദേഹ​ത്തി​ന്റെ ഭാര്യ​ക്കും എന്നോട്‌ എന്തു പറയണ​മെന്ന്‌ അറിയി​ല്ലാ​യി​രു​ന്നു. . . . ഞാൻ അനുഭ​വി​ച്ചു​കൊ​ണ്ടി​രു​ന്നത്‌ എന്താ​ണെന്ന്‌ അവർക്കു പൂർണ​മാ​യി മനസ്സി​ലാ​യി​ല്ലെ​ങ്കി​ലും, അവർ എനിക്കു​വേണ്ടി സ്‌നേ​ഹ​പു​ര​സ്സരം കരുതി. അതാണ്‌ എന്നെ ഏററവു​മ​ധി​കം സ്‌പർശിച്ച കാര്യം.”

16. പത്രോസ്‌ മൂപ്പൻമാർക്ക്‌ ഏത്‌ ഉദ്‌ബോ​ധനം നൽകുന്നു?

¹⁶ അതേ, അപ്പോ​സ്‌ത​ല​നായ പത്രോ​സി​ന്റെ വാക്കുകൾ പല മൂപ്പൻമാ​രും ബാധക​മാ​ക്കു​ന്നുണ്ട്‌: “നിങ്ങളു​ടെ വിചാ​ര​ണ​യി​ലുള്ള ദൈവ​ത്തി​ന്റെ ആട്ടിൻകൂ​ട്ടത്തെ മേയി​ച്ചു​കൊൾവിൻ. നിർബ​ന്ധ​ത്താ​ലല്ല, ദൈവ​ത്തി​ന്നു ഹിതമാം​വണ്ണം മനഃപൂർവ്വ​മാ​യും ദുരാ​ഗ്ര​ഹ​ത്തോ​ടെയല്ല, ഉൻമേ​ഷ​ത്തോ​ടെ​യും ഇടവക​ക​ളു​ടെ​മേൽ കർത്തൃ​ത്വം നടത്തു​ന്ന​വ​രാ​യി​ട്ടല്ല. ആട്ടിൻകൂ​ട്ട​ത്തി​ന്നു മാതൃ​ക​ക​ളാ​യി​ത്തീർന്നു​കൊ​ണ്ടും അദ്ധ്യക്ഷത ചെയ്‌വിൻ.” (1 പത്രൊസ്‌ 5:1-3) ദിവ്യാ​ധി​പ​ത്യ​മ​ന​സ്‌ക​രായ അത്തരം മൂപ്പൻമാർ എന്തൊ​ര​നു​ഗ്ര​ഹ​മാണ്‌!

ദിവ്യാ​ധി​പ​ത്യ​ത്തി​ലെ ആടുകൾ

17. സഭയിലെ എല്ലാ അംഗങ്ങ​ളും നട്ടുവ​ളർത്തേണ്ട ചില ഗുണങ്ങൾ പറയുക.

¹⁷ എന്നാൽ, മൂപ്പൻമാർ മാത്രം അടങ്ങു​ന്നതല്ല ഒരു ദിവ്യാ​ധി​പ​ത്യം. ഇടയൻമാർ ദിവ്യാ​ധി​പ​ത്യ​മ​ന​സ്‌കർ ആയിരി​ക്കേ​ണ്ട​താ​ണെ​ങ്കിൽ ആടുക​ളും അങ്ങനെ​തന്നെ വേണം. ഏതു വിധങ്ങ​ളിൽ? കൊള്ളാം, ഇടയൻമാ​രെ നയിക്കുന്ന അതേ തത്ത്വങ്ങൾ തന്നെ ആടുക​ളെ​യും നയി​ക്കേ​ണ്ട​താണ്‌. യഹോ​വ​യു​ടെ അനു​ഗ്രഹം ലഭിക്ക​ണ​മെ​ങ്കിൽ മൂപ്പൻമാർ മാത്രമല്ല, എല്ലാ ക്രിസ്‌ത്യാ​നി​ക​ളും താഴ്‌മ​യു​ള്ള​വ​രാ​യി​രി​ക്കണം. (യാക്കോബ്‌ 4:6) എല്ലാവ​രും സ്‌നേഹം നട്ടുവ​ളർത്തണം, കാരണം അതില്ലാ​ത്ത​പക്ഷം യഹോ​വ​യ്‌ക്കുള്ള നമ്മുടെ യാഗങ്ങൾ അവിടു​ത്തേക്കു പ്രസാ​ദ​ക​ര​മാ​യി​രി​ക്കില്ല. (1 കൊരി​ന്ത്യർ 13:1-3) ഇനിയും, മൂപ്പൻമാർ മാത്രമല്ല, നമ്മളെ​ല്ലാ​വ​രും “ആത്മിക​മായ സകല ജ്ഞാനത്തി​ലും വിവേ​ക​ത്തി​ലും അവന്റെ [യഹോ​വ​യു​ടെ] ഇഷ്ടത്തിന്റെ പരിജ്ഞാ​നം​കൊ​ണ്ടു നിറഞ്ഞു​വ​രേണം.”—കൊ​ലൊ​സ്സ്യർ 1:9.

18. (എ) സത്യ​ത്തെ​ക്കു​റി​ച്ചുള്ള ഉപരി​പ്ല​വ​മായ ഒരു അറിവു മാത്രം പോരാ​ത്ത​തെ​ന്തു​കൊണ്ട്‌? (ബി) നമു​ക്കെ​ല്ലാ​വർക്കും എങ്ങനെ സൂക്ഷ്‌മ​പ​രി​ജ്ഞാ​ന​ത്താൽ നിറയാൻ കഴിയും?

¹⁸ സാത്താന്റെ ലോക​ത്തിൽ ജീവി​ക്കു​ന്ന​തി​നാൽ വിശ്വ​സ്‌ത​രാ​യി നില​കൊ​ള്ളാൻ ശ്രമി​ക്കു​ന്ന​തി​ന്റെ പേരിൽ ചെറു​പ്പ​ക്കാ​രും പ്രായ​മു​ള്ള​വ​രും ഒരു​പോ​ലെ വിഷമ​ക​ര​മായ തീരു​മാ​ന​ങ്ങളെ നിരന്തരം അഭിമു​ഖീ​ക​രി​ക്കു​ന്നു. വസ്‌ത്ര​ധാ​രണം, സംഗീതം, ചലച്ചി​ത്രങ്ങൾ, പ്രസി​ദ്ധീ​കരണ മാധ്യ​മങ്ങൾ എന്നിവ​യി​ലുള്ള ലോക​പ്ര​വ​ണ​തകൾ ചിലരു​ടെ​യെ​ങ്കി​ലും ആത്മീയ​ത​യ്‌ക്കു വെല്ലു​വി​ളി ഉയർത്തു​ന്നു. നമ്മുടെ സമനില കാത്തു​സൂ​ക്ഷി​ക്കാൻ നമ്മെ സഹായി​ക്കു​ന്ന​തി​നു സത്യ​ത്തെ​ക്കു​റി​ച്ചുള്ള ഉപരി​പ്ല​വ​മായ ഒരു അറിവു മാത്രം പോര. വിശ്വ​സ്‌ത​രാ​യി നില​കൊ​ള്ളു​ന്നു​വെന്ന്‌ ഉറപ്പു വരുത്താൻ നാം സൂക്ഷ്‌മ​പ​രി​ജ്ഞാ​നം​കൊ​ണ്ടു നിറയേണ്ട ആവശ്യ​മുണ്ട്‌. ദൈവ​വ​ച​ന​ത്തി​നു മാത്രം നമുക്കു പ്രദാനം ചെയ്യാൻ കഴിയുന്ന വിവേ​ക​വും ജ്ഞാനവും നമുക്കാ​വ​ശ്യ​മാണ്‌. (സദൃശ​വാ​ക്യ​ങ്ങൾ 2:1-5) നല്ല പഠനശീ​ലങ്ങൾ നട്ടുവ​ളർത്തു​ക​യും നാം പഠിക്കു​ന്ന​തി​നെ​ക്കു​റി​ച്ചു ധ്യാനി​ക്കു​ക​യും അതു ബാധക​മാ​ക്കു​ക​യും ചെയ്യണം എന്നാണി​തി​ന്റെ അർഥം. (സങ്കീർത്തനം 1:1-3; വെളി​പ്പാ​ടു 1:3) “നൻമതിൻമ​കളെ തിരി​ച്ച​റി​യാൻ ഉപയോ​ഗ​ത്താൽ തങ്ങളുടെ ഗ്രഹണ പ്രാപ്‌തി​കൾ പരിശീ​ലി​പ്പി​ക്ക​പ്പെട്ട പക്വത​യു​ള്ള​വർക്കു​ള്ള​താണ്‌ കട്ടിയായ ആഹാരം” എന്നു പറഞ്ഞ​പ്പോൾ മൂപ്പൻമാർക്കു മാത്രമല്ല, എല്ലാ ക്രിസ്‌ത്യാ​നി​കൾക്കും വേണ്ടി​യാണ്‌ പൗലോസ്‌ അത്‌ എഴുതി​യത്‌.—എബ്രായർ 5:14, NW.

ഇടയൻമാ​രും ആടുക​ളും ഒത്തൊ​രു​മി​ച്ചു പ്രവർത്തി​ക്കു​ന്നു

19, 20. മൂപ്പൻമാ​രോ​ടു സഹകരി​ക്കാൻ എല്ലാവർക്കും ഏത്‌ ഉദ്‌ബോ​ധ​നങ്ങൾ നൽകി​യി​രി​ക്കു​ന്നു, എന്തു​കൊണ്ട്‌?

¹⁹ ഒടുവിൽ, മൂപ്പൻമാ​രോ​ടു സഹകരി​ക്കു​ന്നവർ യഥാർഥ​ത്തിൽ ദിവ്യാ​ധി​പ​ത്യ​പ​ര​മായ ഒരു ആത്മാവു പ്രകട​മാ​ക്കു​ന്നു എന്നു പറയേ​ണ്ടി​യി​രി​ക്കു​ന്നു. പൗലോസ്‌ തിമൊ​ഥെ​യോ​സിന്‌ ഇപ്രകാ​രം എഴുതി: “നന്നായി ഭരിക്കുന്ന മൂപ്പൻമാ​രെ, പ്രത്യേ​കം വചനത്തി​ലും ഉപദേ​ശ​ത്തി​ലും അദ്ധ്വാ​നി​ക്കു​ന്ന​വരെ തന്നേ, ഇരട്ടി മാനത്തി​ന്നു യോഗ്യ​രാ​യി എണ്ണുക.” (1 തിമൊ​ഥെ​യൊസ്‌ 5:17; 1 പത്രൊസ്‌ 5:5, 6) മൂപ്പൻസ്ഥാ​നം അത്ഭുത​ക​ര​മായ ഒരു പദവി​യാണ്‌, എന്നാൽ മിക്ക മൂപ്പൻമാ​രും പതിവാ​യി ജോലി​ക്കു പോകുന്ന കുടും​ബ​നാ​ഥൻമാ​രാണ്‌, അവർക്കു ഭാര്യ​മാ​രു​ടെ​യും കുട്ടി​ക​ളു​ടെ​യും കാര്യം നോ​ക്കേ​ണ്ട​തുണ്ട്‌. അവർ സേവി​ക്കാൻ സന്തോ​ഷ​മു​ള്ള​വ​രാണ്‌, എന്നാൽ സഭയി​ലു​ള്ളവർ അമിത​മാ​യി വിമർശി​ക്കാ​തെ​യും ആവശ്യ​പ്പെ​ടാ​തെ​യും അവർക്കു പിന്തുണ കൊടു​ക്കു​മ്പോൾ അവരുടെ സേവനം ഏറെ എളുപ്പ​വും പ്രതി​ഫ​ല​ദാ​യ​ക​വു​മാ​യി​ത്തീ​രു​ന്നു.—എബ്രായർ 13:17.

²⁰ “നിങ്ങ​ളോ​ടു ദൈവ​വ​ചനം പ്രസം​ഗി​ച്ചു നിങ്ങളെ നടത്തി​യ​വരെ ഓർത്തു​കൊൾവിൻ; അവരുടെ ജീവാ​വ​സാ​നം ഓർത്തു അവരുടെ വിശ്വാ​സം അനുക​രി​പ്പിൻ” എന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു. (എബ്രായർ 13:7) അല്ല, സഹോ​ദ​രങ്ങൾ മൂപ്പൻമാ​രെ അനുഗ​മി​ക്കാ​നല്ല പൗലോസ്‌ പ്രോ​ത്സാ​ഹനം നൽകി​യത്‌. (1 കൊരി​ന്ത്യർ 1:12) ഒരു മനുഷ്യ​നെ അനുഗ​മി​ക്കു​ന്നതു ദിവ്യാ​ധി​പ​ത്യ​പ​രമല്ല. എന്നാൽ, സുവി​ശേഷ വേലയിൽ സജീവ​മാ​യി പ്രവർത്തി​ക്കുന്ന, യോഗ​ങ്ങ​ളിൽ ക്രമമുള്ള, സഭയി​ലു​ള്ള​വ​രോ​ടു താഴ്‌മ​യോ​ടെ​യും സ്‌നേ​ഹ​ത്തോ​ടെ​യും ഇടപെ​ടുന്ന ദിവ്യാ​ധി​പ​ത്യ​മ​ന​സ്‌ക​നായ ഒരു മൂപ്പന്റെ തെളി​യി​ക്ക​പ്പെട്ട വിശ്വാ​സത്തെ അനുക​രി​ക്കു​ന്നതു തീർച്ച​യാ​യും ജ്ഞാനപൂർവ​ക​മാണ്‌.

വിശ്വാ​സ​ത്തി​ന്റെ തെളിവ്‌

21. ക്രിസ്‌ത്യാ​നി​കൾ മോശ​യു​ടേ​തു​പോ​ലുള്ള വിശ്വാ​സം പ്രകട​മാ​ക്കു​ന്നത്‌ എങ്ങനെ?

²¹ സത്യമാ​യും, മാനവ​ച​രി​ത്ര​ത്തി​ലെ ഏററവും അധഃപ​തിച്ച ഈ കാലത്ത്‌ ഒരു ദിവ്യാ​ധി​പത്യ സ്ഥാപനം നിലനിൽക്കു​ന്നത്‌, വലിയ ദിവ്യാ​ധി​പ​തി​യു​ടെ ശക്തിക്ക്‌ ഒരു സാക്ഷ്യ​മാണ്‌. (യെശയ്യാ​വു 2:2-5) യഹോവ തങ്ങളുടെ ഭരണാ​ധി​പ​നെന്നു മറന്നു​ക​ള​യാ​തെ അനുദിന ജീവി​ത​ത്തി​ലെ പ്രശ്‌ന​ങ്ങ​ളോ​ടു മല്ലടി​ക്കുന്ന പുരു​ഷൻമാ​രും, സ്‌ത്രീ​ക​ളും, കുട്ടി​ക​ളും വരുന്ന ഏതാണ്ട്‌ 50 ലക്ഷം പേരുടെ വിശ്വാ​സ​ത്തി​നും അതൊരു സാക്ഷ്യ​മാണ്‌. ‘അദൃശ്യ​ദൈ​വത്തെ കണ്ടതു​പോ​ലെ ഉറെച്ചു​നിന്ന’ വിശ്വ​സ്‌ത​നായ മോശ​യെ​പ്പോ​ലെ​തന്നെ ഇന്നത്തെ ക്രിസ്‌ത്യാ​നി​കൾക്കും സമാന​മാം​വി​ധം ശക്തമായ വിശ്വാ​സ​മുണ്ട്‌. (എബ്രായർ 11:27) ഒരു ദിവ്യാ​ധി​പ​ത്യ​ത്തിൽ ജീവി​ക്കാൻ അവർ പദവി ലഭിച്ച​വ​രാണ്‌, അതു നിമിത്തം അവർ ദിവസ​വും ദൈവ​ത്തി​നു നന്ദി നൽകുന്നു. (സങ്കീർത്തനം 100:4, 5) യഹോ​വ​യു​ടെ രക്ഷാക​ര​മായ ശക്തി അനുഭ​വി​ക്കവേ, “യഹോവ നമ്മുടെ ന്യായാ​ധി​പൻ, യഹോവ നമ്മുടെ നിയമ​ദാ​താവ്‌, യഹോവ നമ്മുടെ രാജാവ്‌; അവിടുന്ന്‌ തന്നെ നമ്മെ രക്ഷിക്കും” എന്നു പ്രഘോ​ഷി​ക്കാൻ അവർ സന്തോ​ഷ​മു​ള്ള​വ​രാണ്‌.—യശയ്യാ 33:22, NW.

[അടിക്കു​റിപ്പ്‌]

ബൈബിൾ എന്തു പ്രകട​മാ​ക്കു​ന്നു?

◻ ക്രിസ്‌ത്യാ​നി​കൾ ഏതു വിധത്തിൽ ദിവ്യാ​ധി​പ​ത്യ​ത്തി​നു കീഴ്‌പെ​ടു​ന്നു?

◻ ഇന്നു ദിവ്യാ​ധി​പ​ത്യം സംഘടി​ത​മാ​യി​രി​ക്കു​ന്നത്‌ എപ്രകാ​രം?

◻ തങ്ങളുടെ ചുമത​ലകൾ നിറ​വേ​റ​റാൻ മൂപ്പൻമാർ ഏതു വിധങ്ങ​ളിൽ സ്വയം തയ്യാറാ​കണം?

◻ മൂപ്പൻമാർ ഏതു ക്രിസ്‌തീയ ഗുണങ്ങൾ നട്ടുവ​ളർത്തു​ന്ന​തും പ്രകട​മാ​ക്കു​ന്ന​തും അത്യന്താ​പേ​ക്ഷി​ത​മാണ്‌?

◻ ദിവ്യാ​ധി​പ​ത്യ​ത്തിൽ, ആടുക​ളും ഇടയൻമാ​രും തമ്മിൽ എന്തു ബന്ധം ഉണ്ടായി​രി​ക്കണം?

[16-ാം പേജിലെ ചിത്രം]

ശരിയും തെററും സംബന്ധി​ച്ചു സ്വന്തം തീരു​മാ​ന​ങ്ങ​ളെ​ടു​ക്കാൻ ആഗ്രഹി​ച്ച​തു​കൊണ്ട്‌ ആദാമി​നും ഹവ്വായ്‌ക്കും പറുദീസ നഷ്ടമായി

[18-ാം പേജിലെ ചിത്രം]

ഒരു മൂപ്പൻ ആടുക​ളോ​ടു താഴ്‌മ​യോ​ടെ​യും സ്‌നേ​ഹ​ത്തോ​ടെ​യും ഇടപെ​ടു​മ്പോൾ, അദ്ദേഹം എപ്പോ​ഴും നൻമ ചെയ്യാ​നുള്ള ഒരു പ്രേരക ശക്തിയാ​യി​രി​ക്കും