വായന​ക്കാ​രിൽനി​ന്നുള്ള ചോദ്യ​ങ്ങൾ

“പിതാ​വി​ല്ലാത്ത ആൺകുട്ടി” എന്ന പരാമർശം മിക്ക​പ്പോ​ഴും ബൈബി​ളി​ലു​ള്ള​തു​കൊണ്ട്‌, പെൺകു​ട്ടി​ക​ളോ​ടുള്ള അവഗണ​നയെ ഇതു സൂചി​പ്പി​ക്കു​ന്നു​ണ്ടോ?

തീർച്ച​യാ​യും ഇല്ല.

മാതാ​പി​താ​ക്ക​ളി​ല്ലാത്ത കുട്ടി​ക​ളോ​ടുള്ള ദൈവ​ത്തി​ന്റെ താത്‌പ​ര്യം പ്രകട​മാ​ക്കുന്ന ധാരാളം വാക്യ​ങ്ങ​ളിൽ, വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം “പിതാ​വി​ല്ലാത്ത ആൺകുട്ടി” എന്ന പദപ്ര​യോ​ഗം ഉപയോ​ഗി​ക്കു​ന്നു. ഇസ്രാ​യേ​ലി​നു നൽകിയ നിയമ​ങ്ങ​ളിൽ ദൈവം ഈ താത്‌പ​ര്യം വ്യക്തമാ​ക്കി.

ദൃഷ്ടാ​ന്ത​ത്തിന്‌, ദൈവം ഇപ്രകാ​രം പ്രസ്‌താ​വി​ച്ചു: “ഏതെങ്കി​ലും വിധവ​യെ​യോ പിതാ​വി​ല്ലാത്ത ആൺകു​ട്ടി​യെ​യോ ജനങ്ങളായ നിങ്ങൾ ക്ലേശി​പ്പി​ക്ക​രുത്‌. നിങ്ങൾ അവനെ ക്ലേശി​പ്പി​ക്കു​ക​യും, അവൻ എന്നോടു നിലവി​ളി​ക്കു​ക​യും ചെയ്‌താൽ, ഞാൻ വീഴ്‌ച കൂടാതെ അവന്റെ നിലവി​ളി കേൾക്കും; എന്റെ കോപം തീർച്ച​യാ​യും ജ്വലി​ക്കു​ക​യും ഞാൻ നിങ്ങളെ വാൾകൊ​ണ്ടു കൊല്ലു​ക​യും ചെയ്യും. നിങ്ങളു​ടെ ഭാര്യ​മാർ വിധവ​ക​ളും നിങ്ങളു​ടെ പുത്രൻമാർ പിതാ​വി​ല്ലാത്ത ആൺകു​ട്ടി​ക​ളു​മാ​യി​ത്തീ​രും.” (പുറപ്പാട്‌ 22:22-24, NW) “നിങ്ങളു​ടെ ദൈവ​മായ യഹോവ ദേവാ​ധി​ദൈ​വ​വും കർത്താ​ധി​കർത്താ​വു​മാ​യി വല്ലഭനും ഭയങ്കര​നു​മായ മഹാ​ദൈ​വ​മ​ല്ലോ; അവൻ മുഖം നോക്കു​ന്നില്ല പ്രതി​ഫലം വാങ്ങു​ന്ന​തു​മില്ല. അവൻ അനാഥർക്കും വിധവ​മാർക്കും [“പിതാ​വി​ല്ലാത്ത ആൺകു​ട്ടി​ക്കും വിധവ​യ്‌ക്കും,” NW] ന്യായം നടത്തി​ക്കൊ​ടു​ക്കു​ന്നു.”—ആവർത്ത​ന​പു​സ്‌തകം 10:17, 18; 14:29; 24:17; 27:19.

ആൺകു​ട്ടി​ക​ളെ​യും പെൺകു​ട്ടി​ക​ളെ​യും ഉൾപ്പെ​ടു​ത്തി​ക്കൊണ്ട്‌, “പിതാ​വി​ല്ലാത്ത കുട്ടി” അഥവാ “അനാഥ ശിശു” എന്നൊ​ക്കെ​യാ​ണു പല ബൈബിൾ ഭാഷാ​ന്ത​ര​ങ്ങ​ളി​ലും ഈ വാക്യങ്ങൾ വായി​ക്ക​പ്പെ​ടു​ന്നത്‌. എന്നാൽ അത്തരം പരിഭാ​ഷകൾ, (യാഥോം) എന്ന അടിസ്ഥാന എബ്രായ പദത്തിന്റെ സ്വഭാ​വത്തെ അവഗണി​ക്കു​ക​യാ​ണു ചെയ്യു​ന്നത്‌, ആ എബ്രായ പദം പുല്ലിം​ഗ​മാണ്‌. മറിച്ച്‌, വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം, സങ്കീർത്തനം 68:5-ലേതു​പോ​ലെ, “പിതാ​വി​ല്ലാത്ത ആൺകുട്ടി(കൾ)” എന്ന കൃത്യ​മായ പരിഭാഷ ഉപയോ​ഗി​ക്കു​ന്നു. ആ വാക്യം വായി​ക്കു​ന്നത്‌ ഇങ്ങനെ​യാണ്‌: “തന്റെ വിശുദ്ധ നിവാ​സ​ത്തി​ലെ ദൈവം പിതാ​വി​ല്ലാത്ത ആൺകു​ട്ടി​ക​ളു​ടെ പിതാ​വും വിധവ​മാ​രു​ടെ ന്യായാ​ധി​പ​നും ആകുന്നു.” അടിസ്ഥാന എബ്രായ പദത്തിന്റെ അതേ അർഥത്തെ അടിസ്ഥാ​ന​മാ​ക്കി സങ്കീർത്തനം 68:11-ലെ ഒരു ക്രിയ​യു​ടെ സ്‌ത്രീ​ലിം​ഗം ഇങ്ങനെ വായി​ക്കു​ന്ന​തി​നെ ശുപാർശ ചെയ്യുന്നു: “സുവാർത്ത പറയുന്ന സ്‌ത്രീ​കൾ വലി​യോ​രു സൈന്യ​മാ​കു​ന്നു.”a

യാഥോം എന്നതിന്റെ മുഖ്യ​പ​രി​ഭാഷ “പിതാ​വി​ല്ലാത്ത ആൺകുട്ടി” എന്നാ​ണെ​ങ്കിൽപ്പോ​ലും, ഇതു മാതാ​പി​താ​ക്ക​ളി​ല്ലാത്ത പെൺകു​ട്ടി​ക​ളോ​ടുള്ള അവഗണ​നയെ സൂചി​പ്പി​ക്കു​ന്ന​താ​യി കരുത​രുത്‌. ഉദ്ധരി​ച്ചി​രി​ക്കുന്ന ഭാഗങ്ങ​ളും മററു ഭാഗങ്ങ​ളും, സ്‌ത്രീ​കൾക്കു​വേണ്ടി, വിധവ​മാർക്കു​വേണ്ടി കരുതാൻ ദൈവ​ജനം പ്രോ​ത്സാ​ഹി​പ്പി​ക്ക​പ്പെ​ട്ട​താ​യി പ്രകട​മാ​ക്കു​ന്നു. (സങ്കീർത്തനം 146:9; യെശയ്യാ​വു 1:17; യിരെ​മ്യാ​വു 22:3; സെഖര്യാ​വു 7:9, 10; മലാഖി 3:5) സെലോ​ഫ​ഹാ​ദി​ന്റെ പിതാ​വി​ല്ലാത്ത പുത്രി​മാർക്ക്‌ ഒരു അവകാശം ഉറപ്പു​വ​രു​ത്തിയ നീതി​ന്യാ​യ തീരു​മാ​നത്തെ സംബന്ധിച്ച ഒരു വിവര​ണ​വും ദൈവം ന്യായ​പ്ര​മാ​ണ​ത്തിൽ ഉൾപ്പെ​ടു​ത്തി. സമാന​മായ സാഹച​ര്യ​ങ്ങൾ കൈകാ​ര്യം ചെയ്യാൻ ആ തീരു​മാ​നം ഒരു നിയമ​മാ​യി​ത്തീർന്നു, അങ്ങനെ പിതാ​വി​ല്ലാത്ത പെൺകു​ട്ടി​ക​ളു​ടെ അവകാ​ശങ്ങൾ മാനി​ക്ക​പ്പെട്ടു.—സംഖ്യാ​പു​സ്‌തകം 27:1-8.

കുട്ടി​ക​ളോ​ടു ദയ കാണി​ക്കു​ന്ന​തിൽ ലിംഗ​വ്യ​ത്യാ​സം നോക്കി യേശു വിവേ​ചനം പ്രകട​മാ​ക്കി​യില്ല. പകരം നാം ഇങ്ങനെ വായി​ക്കു​ന്നു: “അവൻ തൊ​ടേ​ണ്ട​തി​ന്നു ചിലർ ശിശു​ക്കളെ അവന്റെ അടുക്കൽ കൊണ്ടു​വന്നു; ശിഷ്യൻമാ​രോ അവരെ ശാസിച്ചു. യേശു അതു കണ്ടാറെ മുഷിഞ്ഞു അവരോ​ടു: ശിശു​ക്കളെ എന്റെ അടുക്കൽ വരുവാൻ വിടു​വിൻ, അവരെ തടുക്ക​രു​തു; ദൈവ​രാ​ജ്യം ഇങ്ങനെ​യു​ള്ള​വ​രു​ടേ​ത​ല്ലോ. ദൈവ​രാ​ജ്യ​ത്തെ ശിശു എന്നപോ​ലെ കൈ​ക്കൊ​ള്ളാ​ത്തവൻ ആരും ഒരുനാ​ളും അതിൽ കടക്കയില്ല എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു എന്നു പറഞ്ഞു. പിന്നെ അവൻ അവരെ അണെച്ചു അവരുടെ മേൽ കൈ വെച്ചു, അവരെ അനു​ഗ്ര​ഹി​ച്ചു.”—മർക്കൊസ്‌ 10:13-16.

“ശിശുക്കൾ” എന്ന്‌ ഇവിടെ ഭാഷാ​ന്തരം ചെയ്‌തി​രി​ക്കുന്ന ഗ്രീക്കു​പദം നപും​സ​ക​ലിം​ഗ​മാണ്‌. ഈ പദം “ആൺകു​ട്ടി​കൾക്കും പെൺകു​ട്ടി​കൾക്കും ഉപയോ​ഗി​ക്കു​ന്നു” എന്ന്‌ ഒരു പ്രശസ്‌ത ഗ്രീക്ക്‌ നിഘണ്ടു​കാ​രൻ പറയുന്നു. എല്ലാ കുട്ടി​ക​ളോ​ടും, ആൺകു​ട്ടി​ക​ളോ​ടും പെൺകു​ട്ടി​ക​ളോ​ടും, യഹോ​വ​യ്‌ക്കു​ള്ള​തി​നു തുല്യ​മായ താത്‌പ​ര്യ​ത്തെ യേശു പ്രതി​ഫ​ലി​പ്പി​ക്കു​ക​യാ​യി​രു​ന്നു. (എബ്രായർ 1:3; ആവർത്ത​ന​പു​സ്‌തകം 16:14; മർക്കൊസ്‌ 5:35, 38-42 താരത​മ്യ​പ്പെ​ടു​ത്തുക.) “പിതാ​വി​ല്ലാത്ത ആൺകു​ട്ടിക”ളെ കരുതു​ന്നതു സംബന്ധിച്ച്‌ എബ്രായ തിരു​വെ​ഴു​ത്തു​ക​ളി​ലുള്ള ആ ബുദ്ധ്യു​പ​ദേശം, മാതാ​പി​താ​ക്ക​ളിൽ ഒരാളോ അല്ലെങ്കിൽ രണ്ടു​പേ​രു​മോ ഇല്ലാത്ത എല്ലാ കുട്ടി​ക​ളെ​യും സംബന്ധി​ച്ചു നാം എപ്രകാ​രം കരുത​ലു​ള്ള​വ​രാ​യി​രി​ക്കണം എന്ന ബുദ്ധ്യു​പ​ദേ​ശ​ത്തി​നു തുല്യ​മാ​ണെന്നു മനസ്സി​ലാ​ക്കണം.

[അടിക്കു​റിപ്പ്‌]