“പിതാ​വി​ല്ലാത്ത ബാലന്മാ”രിൽ സ്‌നേ​ഹ​പൂർവ​ക​മായ താത്‌പ​ര്യം കാട്ടു​വിൻ

¹ യഹോവ “പിതാ​വി​ല്ലാത്ത ബാലന്മാർക്കു പിതാ​വാ​കു​ന്നു.” (സങ്കീ. 68:5, NW) അവരുടെ ക്ഷേമത്തി​ലുള്ള അവന്റെ താത്‌പ​ര്യം പുരാതന ഇസ്രാ​യേൽ ജനതയ്‌ക്കു നൽകിയ ഈ കൽപ്പന​യിൽ പ്രതി​ഫ​ലി​ക്കു​ന്നുണ്ട്‌: “വിധവ​യെ​യും അനാഥ​നെ​യും [“പിതാ​വി​ല്ലാത്ത ബാല​നെ​യും,” NW] നിങ്ങൾ ക്ലേശി​പ്പി​ക്ക​രു​തു. അവരെ വല്ലപ്ര​കാ​ര​ത്തി​ലും ക്ലേശി​പ്പി​ക്ക​യും അവർ എന്നോടു നിലവി​ളി​ക്ക​യും ചെയ്‌താൽ ഞാൻ അവരുടെ നിലവി​ളി കേൾക്കും.” (പുറ. 22:22, 23) അത്തരക്കാ​രെ അവരുടെ ഭൗതി​കാ​വ​ശ്യ​ങ്ങ​ളിൽ സഹായി​ക്കാ​നുള്ള ക്രമീ​ക​ര​ണ​വും ന്യായ​പ്ര​മാ​ണ​ത്തിൽ ഉൾപ്പെ​ടു​ത്തി​യി​രു​ന്നു. (ആവ. 24:19-21) ക്രിസ്‌തീയ ക്രമീ​ക​ര​ണ​ത്തിൽ, “അനാഥ​രെ​യും വിധവ​മാ​രെ​യും അവരുടെ സങ്കടത്തിൽ ചെന്നു കാണുന്ന”തിന്‌ സത്യാ​രാ​ധ​കരെ ബുദ്ധി​യു​പ​ദേ​ശി​ച്ചി​രി​ക്കു​ന്നു. (യാക്കോ. 1:27) മാതാ​പി​താ​ക്ക​ളിൽ ഒരാൾ മാത്ര​മു​ള്ള​തോ മതപര​മാ​യി വിഭജി​ത​മോ ആയ കുടും​ബ​ങ്ങ​ളിൽ വളർന്നു വരുന്ന​വ​രോ​ടുള്ള യഹോ​വ​യു​ടെ സ്‌നേ​ഹ​പൂർവ​ക​മായ താത്‌പ​ര്യം നമുക്ക്‌ എങ്ങനെ അനുക​രി​ക്കാൻ കഴിയും?

² ആത്മീയ പരിശീ​ലനം: നിങ്ങൾ ഒറ്റയ്‌ക്കുള്ള ഒരു മാതാ​വോ പിതാ​വോ ആണെങ്കിൽ, നിങ്ങളു​ടെ ഇണ അവിശ്വാ​സി​യാ​ണെ​ങ്കിൽ, കുട്ടി​ക​ളോ​ടൊ​പ്പം ക്രമമായ ഒരു ബൈബിൾ അധ്യയനം നടത്തു​ന്നതു നിങ്ങളെ സംബന്ധി​ച്ചി​ട​ത്തോ​ളം വെല്ലു​വി​ളി ആയിരു​ന്നേ​ക്കാം. എന്നാൽ സമനി​ല​യും പക്വത​യും ഉള്ള വ്യക്തി​ക​ളാ​യി അവർ മുതിർന്നു വരണ​മെ​ങ്കിൽ, ക്രമമുള്ള അർഥവ​ത്തായ ഒരു ബൈബിൾ അധ്യയനം അനു​പേ​ക്ഷ​ണീ​യ​മാണ്‌. (സദൃ. 22:6) ആത്മീയ​കാ​ര്യ​ങ്ങൾ സംബന്ധിച്ച്‌ അവരു​മാ​യി ദൈനം​ദി​നം സംഭാ​ഷണം നടത്തു​ന്ന​തും അനിവാ​ര്യ​മാണ്‌. (ആവ. 6:6-9) ചില​പ്പോ​ഴൊ​ക്കെ നിരു​ത്സാ​ഹം തോന്നി​യേ​ക്കാം, പക്ഷേ ശ്രമം ഉപേക്ഷി​ക്ക​രുത്‌. “നിങ്ങളു​ടെ മക്കളെ . . . കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്ത”വേ, ശക്തിക്കും മാർഗ​നിർദേ​ശ​ത്തി​നു​മാ​യി യഹോ​വ​യി​ലേക്കു തിരി​യുക.—എഫെ. 6:4.

³ തിരു​വെ​ഴു​ത്തു​പ​ര​മായ ഉത്തരവാ​ദി​ത്വ​ങ്ങൾ നിർവ​ഹി​ക്കു​ന്ന​തിൽ നിങ്ങൾക്കു സഹായം ആവശ്യ​മു​ണ്ടെ​ങ്കിൽ അതു സംബന്ധി​ച്ചു മൂപ്പന്മാ​രോ​ടു പറയാൻ മടിക്ക​രുത്‌. പ്രാ​യോ​ഗിക നിർദേ​ശങ്ങൾ നൽകാ​നോ, കുടും​ബ​ത്തി​നു വേണ്ടി നല്ലൊരു ആത്മീയ ചര്യ തയ്യാറാ​ക്കു​ന്ന​തിൽ നിങ്ങളെ സഹായി​ക്കാ​നോ അവർക്കു കഴി​ഞ്ഞേ​ക്കും.

⁴ മറ്റുള്ള​വർക്കു സഹായി​ക്കാൻ കഴിയുന്ന വിധം: ഒന്നാം നൂറ്റാ​ണ്ടിൽ, മതപര​മാ​യി വിഭജി​ത​മായ ഒരു കുടും​ബ​ത്തി​ലാ​ണു തിമൊ​ഥെ​യൊസ്‌ വളർന്നു വന്നതെ​ങ്കി​ലും, അവൻ യഹോ​വ​യു​ടെ തീക്ഷ്‌ണ​ത​യുള്ള ഒരു ദാസനാ​യി​ത്തീർന്നു. അവനെ ചെറു​പ്പ​ത്തിൽത്തന്നെ തിരു​വെ​ഴു​ത്തു​കൾ പഠിപ്പി​ക്കാ​നുള്ള അവന്റെ അമ്മയു​ടെ​യും വല്യമ്മ​യു​ടെ​യും നിതാന്ത പരി​ശ്രമം അതിൽ വലി​യൊ​രു പങ്കുവ​ഹി​ച്ചു. (പ്രവൃ. 16:1, 2; 2 തിമൊ. 1:5; 3:15) എന്നിരു​ന്നാ​ലും, ‘കർത്താ​വിൽ വിശ്വസ്‌ത​നും എന്റെ പ്രിയ മകനു​മായ തിമൊ​ഥെ​യോസ്‌’ എന്ന്‌ അവനെ വിശേ​ഷി​പ്പിച്ച പൗലൊസ്‌ ഉൾപ്പെടെ മറ്റു ക്രിസ്‌ത്യാ​നി​ക​ളു​മാ​യുള്ള സഹവാ​സ​ത്തിൽ നിന്നും അവൻ പ്രയോ​ജനം അനുഭ​വി​ച്ചു.—1 കൊരി. 4:17.

⁵ സമാന​മാ​യി ഇന്നും, സഭയിലെ പിതാ​വി​ല്ലാത്ത ബാലി​കാ​ബാ​ല​ന്മാ​രിൽ ആത്മീയ പക്വത​യുള്ള സഹോ​ദ​രീ​സ​ഹോ​ദ​ര​ന്മാർ സ്‌നേ​ഹ​പൂർവ​ക​മായ താത്‌പ​ര്യം എടുക്കു​ന്നത്‌ എത്ര പ്രയോ​ജ​ന​ക​ര​മാ​യി​രി​ക്കും! സഭയിലെ അത്തരം ഓരോ കുട്ടി​യു​ടെ​യും പേരു നിങ്ങൾക്ക​റി​യാ​മോ? സഭാ​യോ​ഗ​ങ്ങ​ളി​ലും മറ്റ്‌ അവസര​ങ്ങ​ളി​ലും നിങ്ങൾ അവരോ​ടു സംസാ​രി​ക്കാ​റു​ണ്ടോ? വയൽസേ​വ​ന​ത്തിന്‌ നിങ്ങ​ളോ​ടൊ​പ്പം വരാൻ അവരെ ക്ഷണിക്കുക. നിങ്ങളു​ടെ കുടുംബ അധ്യയ​ന​ത്തി​ലോ ആരോ​ഗ്യാ​വ​ഹ​മായ വിനോ​ദ​ത്തി​ലോ ഇടയ്‌ക്കൊ​ക്കെ അവരെ​യും—ഒറ്റയ്‌ക്കുള്ള അല്ലെങ്കിൽ വിശ്വാ​സ​ത്തി​ലുള്ള മാതാ​വി​ന്റെ​യോ പിതാ​വി​ന്റെ​യോ കൂടെ—ഉൾപ്പെ​ടു​ത്താൻ നിങ്ങൾക്കു കഴി​ഞ്ഞേ​ക്കും. ഈ യുവ​പ്രാ​യ​ക്കാർ നിങ്ങളെ അവരുടെ ഒരു സുഹൃ​ത്താ​യി കാണു​മ്പോൾ, നിങ്ങളു​ടെ മാതൃ​ക​യും പ്രോ​ത്സാ​ഹ​ന​വും ഉൾക്കൊ​ള്ളാൻ അവർ കൂടുതൽ ചായ്‌വു​ള്ള​വ​രാ​യി​രി​ക്കും.—ഫിലി. 2:4.

⁶ പിതാ​വി​ല്ലാത്ത ബാലി​കാ​ബാ​ല​ന്മാ​രിൽ യഹോ​വയ്‌ക്ക്‌ ആഴമായ താത്‌പ​ര്യ​മുണ്ട്‌. സത്യം സ്വന്തമാ​ക്കാൻ നാം അവരെ സ്‌നേ​ഹ​പൂർവം സഹായി​ക്കവേ, നമ്മുടെ ശ്രമങ്ങളെ യഹോവ അനു​ഗ്ര​ഹി​ക്കു​ന്നു. മാതാ​പി​താ​ക്ക​ളിൽ ഒരാൾ മാത്ര​മുള്ള അല്ലെങ്കിൽ വിഭജിത കുടും​ബ​ങ്ങ​ളിൽ വളർന്നു​വന്ന അനേകർ ഇന്ന്‌ പയനി​യർമാർ, ശുശ്രൂ​ഷാ​ദാ​സ​ന്മാർ, മൂപ്പന്മാർ, സഞ്ചാര മേൽവി​ചാ​ര​ക​ന്മാർ, ബെഥേൽ കുടും​ബാം​ഗങ്ങൾ എന്നീ നിലക​ളിൽ വിശ്വസ്‌ത​രാ​യി സേവി​ക്കു​ന്നു. നമ്മുടെ സ്വർഗീയ പിതാ​വി​നെ അനുക​രി​ച്ചു​കൊണ്ട്‌, പിതാ​വി​ല്ലാ​ത്ത​വരെ സ്‌നേ​ഹി​ക്കുന്ന കാര്യ​ത്തിൽ “വിശാല”രാകാൻ കഴിയുന്ന വിധങ്ങളെ കുറിച്ചു നമു​ക്കെ​ല്ലാം ശ്രദ്ധയു​ള്ളവർ ആയിരി​ക്കാം.—2 കൊരി. 6:11-13.