“ദൈവഭയ” ഡിസ്‌ട്രി​ക്‌ററ്‌ കൺ​വെൻ​ഷനു ഹാജരാ​കു​വിൻ!

1994-ൽ നടക്കാ​നി​രി​ക്കുന്ന യഹോ​വ​യു​ടെ സാക്ഷി​ക​ളു​ടെ “ദൈവഭയ” ഡിസ്‌ട്രി​ക്‌ററ്‌ കൺ​വെൻ​ഷനു ഹാജരാ​കു​ന്ന​തി​നു നിങ്ങൾ ഇതി​നോ​ടകം തയ്യാ​റെ​ടു​പ്പു​കൾ നടത്തി​യോ? മൂന്നു ദിവസ​വും സന്നിഹി​ത​രാ​വു​ന്ന​തി​നാൽ നിങ്ങൾ നിശ്ചയ​മാ​യും പ്രയോ​ജ​ന​മ​നു​ഭ​വി​ക്കും! ഇന്ത്യയിൽത്തന്നെ 16 കൺ​വെൻ​ഷ​നു​കൾ പട്ടിക​പ്പെ​ടു​ത്തി​യി​രി​ക്കു​ന്ന​തി​നാൽ അതിൽ ഒരെണ്ണം മിക്കവാ​റും നിങ്ങളു​ടെ അടുത്ത സ്ഥലത്തും ഉണ്ടാവും.

ചിലതരം ഭയം ധൈര്യം ക്ഷയിപ്പി​ക്കു​ക​യും പ്രത്യാശ നശിപ്പി​ക്കു​ക​യും ചെയ്‌തേ​ക്കാം. എന്നാൽ, വെള്ളി​യാഴ്‌ച രാവി​ലത്തെ മുഖ്യ​വി​ഷയ പ്രസംഗം ദൈവ​ഭ​യത്തെ നിർവ​ചി​ക്കു​ക​യും അതിന്റെ പലവിധ പ്രയോ​ജ​ന​ങ്ങ​ളെ​ക്കു​റി​ച്ചു വിവരി​ക്കു​ക​യും ചെയ്യും. വാസ്‌ത​വ​ത്തിൽ, മുഴു കൺ​വെൻ​ഷൻ പരിപാ​ടി​യും ഈ പ്രയോ​ജങ്ങൾ വിശേ​ഷ​വൽക്ക​രി​ക്കും.

ദൈവ​ഭ​യ​ത്തിന്‌ വിവാ​ഹ​ത്തെ​യും കുടും​ബ​ജീ​വി​ത​ത്തെ​യും എങ്ങനെ ബലപ്പെ​ടു​ത്താ​നാ​വു​മെ​ന്നും യുവജ​ന​ങ്ങൾക്ക്‌ ദൈവ​ത്തോ​ടുള്ള തങ്ങളുടെ വിശ്വ​സ്‌ത​ത​യിൽ എങ്ങനെ അചഞ്ചല​രാ​യി നിൽക്കാൻ കഴിയു​മെ​ന്നും വെള്ളി​യാഴ്‌ച ഉച്ചതി​രി​ഞ്ഞു നിങ്ങൾക്കു കേൾക്കാം. “സന്തപ്‌തർക്കു സമാശ്വാ​സം” എന്ന ഹൃദ​യോ​ഷ്‌മ​ള​മായ അവതര​ണ​ത്തോ​ടെ ഉച്ചകഴി​ഞ്ഞുള്ള സെഷൻ അവസാ​നി​ക്കും. തങ്ങളുടെ പ്രിയ​പ്പെ​ട്ട​വരെ മരണത്തിൽ നഷ്ടപ്പെട്ട ആളുകളെ സഹായി​ക്കു​ന്ന​തി​നു​വേണ്ടി ആ പ്രസം​ഗ​ത്തി​ലൂ​ടെ പ്രദാനം ചെയ്യുന്ന പ്രാ​യോ​ഗിക വിവരങ്ങൾ നിങ്ങൾ വിലമ​തി​ക്കും.

സഭയോ​ടും നമ്മുടെ ശുശ്രൂ​ഷ​യോ​ടു​മുള്ള ബന്ധത്തിൽ യഹോ​വ​യു​ടെ മാർഗ​നിർദേ​ശ​ങ്ങ​ളോ​ടുള്ള പിൻപ​റ​റ​ലി​നെ ശക്തീക​രി​ക്കാൻ ദൈവ​ഭ​യ​ത്തിന്‌ എങ്ങനെ സഹായി​ക്കാ​നാ​വു​മെന്നു ശനിയാ​ഴ്‌ചത്തെ പരിപാ​ടി വെളി​പ്പെ​ടു​ത്തും. “ദൈവ​വ​ച​ന​മായ വിശുദ്ധ ബൈബിൾ ദിവസേന വായി​ക്കു​വിൻ” എന്ന പ്രസം​ഗ​ത്തിൽനിന്ന്‌ ബൈബിൾ വായി​ക്കു​ന്ന​തി​നും പഠിക്കു​ന്ന​തി​നും ആവശ്യ​മായ പ്രാ​യോ​ഗിക നിർദേ​ശങ്ങൾ പ്രതി​നി​ധി​കൾക്കു ലഭിക്കു​ന്ന​താണ്‌. “യഹോ​വ​യു​ടെ ഭയജന​ക​മായ ദിവസം അടുത്തി​രി​ക്കു​ന്നു” എന്ന താത്‌പ​ര്യ​മു​ണർത്തുന്ന വിഷയ​ത്തിൽ നടത്തുന്ന പ്രസം​ഗ​ത്തോ​ടെ ശനിയാ​ഴ്‌ചത്തെ പരിപാ​ടി അവസാ​നി​ക്കും.

ഞായറാ​ഴ്‌ച​ത്തെ പരിപാ​ടി​യി​ലെ ഒരു ഇനം “നീതി​മാൻമാ​രു​ടെ പുനരു​ത്ഥാ​ന​മു​ണ്ടാ​കും” എന്ന പ്രസം​ഗ​മാണ്‌. അതിനു​ശേഷം, “മഹോ​പ​ദ്ര​വ​ത്തിൽ ജീവ​നോ​ടെ രക്ഷിക്ക​പ്പെട്ടു” എന്ന പ്രസം​ഗ​ത്തിൽ, ഒരിക്ക​ലും മരിക്കു​ക​യി​ല്ലാ​ത്ത​വ​രെ​ക്കു​റിച്ച്‌ യേശു നൽകിയ വാഗ്‌ദ​ത്ത​ത്തി​ന്റെ വിശദീ​ക​രണം നൽകു​ന്ന​താ​യി​രി​ക്കും.—യോഹ​ന്നാൻ 11:26.

നിങ്ങൾ അഭിമു​ഖീ​ക​രി​ക്കുന്ന തിര​ഞ്ഞെ​ടു​പ്പു​കൾ എന്ന ശീർഷ​ക​ത്തി​ലുള്ള 40 മിനി​ററു നേരത്തെ ചിന്തോ​ദ്ദീ​പ​ക​മായ ഒരു നാടക​ത്തോ​ടെ ഞായറാഴ്‌ച രാവി​ലത്തെ സെഷൻ സമാപി​ക്കും. യോശു​വ​യു​ടെ നാളി​നെ​ക്കു​റിച്ച്‌ അനുസ്‌മ​രി​ക്കാൻ സദസ്യർ പ്രേരി​ത​രാ​കും. യഹോ​വയെ സേവി​ക്കു​ന്ന​തി​നുള്ള അവന്റെ ഉറച്ച നിശ്ചയ​ദാർഢ്യ​ത്തെ ചിത്രീ​ക​രി​ച്ചി​രി​ക്കു​ന്ന​തും സദസ്യർ കാണും. ഏലിയാ​വി​ന്റെ നാളിലെ അഗ്നിപ​രീ​ക്ഷ​യും അവതരി​പ്പി​ക്കും. ഇന്ന്‌ ദൈവ​ഭയം വളർത്തി​യെ​ടു​ക്കു​ന്ന​തി​നു പ്രതി​നി​ധി​കളെ സഹായി​ക്കുന്ന ഗുണപാ​ഠങ്ങൾ ഈ രണ്ടു സംഭവ​ങ്ങ​ളും സ്‌പഷ്ട​മാ​യി വെളി​പ്പെ​ടു​ത്തും. ഉച്ചകഴി​ഞ്ഞുള്ള പരസ്യ​പ്ര​സം​ഗം “സത്യ​ദൈ​വത്തെ ഇപ്പോൾ ഭയപ്പെ​ടേ​ണ്ട​തി​ന്റെ കാരണം” എന്നത്‌ കൺ​വെൻ​ഷന്റെ ഒരു സവി​ശേ​ഷ​ത​യാ​യി​രി​ക്കും.

സന്നിഹി​ത​രാ​കു​ന്ന​തിന്‌ ഇപ്പോഴേ ക്രമീ​ക​ര​ണങ്ങൾ നടത്തുക. നിങ്ങളു​ടെ വീടി​നോട്‌ ഏററവും അടുത്തുള്ള കൺ​വെൻ​ഷൻ സ്ഥലം കണ്ടുപി​ടി​ക്കു​വാൻ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളു​മാ​യി ബന്ധപ്പെ​ടു​ക​യോ ഈ മാസി​ക​യു​ടെ പ്രസാ​ധ​കർക്ക്‌ എഴുതു​ക​യോ ചെയ്യുക.

[32-ാം പേജിലെ ചിത്ര​ത്തി​നു കടപ്പാട്‌]

T. Rosenthal/SUPERSTOCK