യഹോ​വ​യു​ടെ സാക്ഷി​ക​ളു​ടെ “സന്തുഷ്ട സ്‌തു​തി​പാ​ഠകർ” ഡിസ്‌ട്രി​ക്‌ററ്‌ കൺ​വെൻ​ഷൻ

ബൈബിൾ പ്രബോ​ധ​ന​ത്തി​ന്റെ മൂന്നു ധന്യ ദിനങ്ങൾ നിങ്ങളെ കാത്തി​രി​ക്കു​ന്നു. ഇന്ത്യയിൽ 16 കൺ​വെൻ​ഷ​നു​കൾ പട്ടിക​പ്പെ​ടു​ത്തി​യി​ട്ടുണ്ട്‌. ചില​പ്പോൾ ഒരു കൺ​വെൻ​ഷൻ നിങ്ങൾ താമസി​ക്കു​ന്ന​തിന്‌ അടുത്താ​യി​രി​ക്കാം നടക്കുക. വെള്ളി​യാഴ്‌ച രാവിലെ 9:40-നു സംഗീ​ത​ത്തോ​ടെ പരിപാ​ടി ആരംഭി​ക്കു​മ്പോൾ അവിടെ സന്നിഹി​ത​രാ​കു​വിൻ.

സ്വാഗത പരാമർശ​ങ്ങ​ളും “ലോക​വ്യാ​പ​ക​മാ​യി സന്തുഷ്ട സ്‌തു​തി​പാ​ഠകർ എന്നനി​ല​യിൽ വേർതി​രി​ക്ക​പ്പെ​ട്ടി​രി​ക്കു​ന്നു” എന്ന മുഖ്യ പ്രസം​ഗ​വും വെള്ളി​യാഴ്‌ച രാവി​ലത്തെ പരിപാ​ടി​യു​ടെ സവി​ശേ​ഷ​ത​യാ​യി​രി​ക്കും. യുവ​പ്രാ​യ​ക്കാ​രി​ലും മാതാ​പി​താ​ക്ക​ളി​ലും വിദ്യാ​ഭ്യാ​സ​ത്തി​ലും ശ്രദ്ധ കേന്ദ്രീ​ക​രി​ക്കു​ന്ന​താ​യി​രി​ക്കും ഉച്ചകഴി​ഞ്ഞുള്ള പരിപാ​ടി. യുവജ​നങ്ങൾ കേൾക്കാൻ ആഗ്രഹി​ക്കുന്ന ഒരു പ്രസം​ഗ​മാ​യി​രി​ക്കും “ഞാൻ വിവാഹം കഴിക്കാൻ സജ്ജനാ​ണോ?” എന്നത്‌. “മക്കളെ​പ്രതി സന്തോ​ഷി​ക്കുന്ന മാതാ​പി​താ​ക്കൾ” എന്ന പ്രസംഗം മാതാ​പി​താ​ക്കൾ ശ്രദ്ധാ​പൂർവം കേൾക്കേ​ണ്ട​താണ്‌. “വിദ്യാ​ഭ്യാ​സം—യഹോ​വയെ പുകഴ്‌ത്താൻ അത്‌ ഉപയോ​ഗി​ക്കുക” എന്ന പ്രസം​ഗ​ത്തോ​ടെ ഉച്ചകഴി​ഞ്ഞുള്ള പരിപാ​ടി സമാപി​ക്കും. ചർച്ച ചെയ്യ​പ്പെ​ടുന്ന സംഗതി​കൾ യുവ​പ്രാ​യ​ക്കാ​രെ സ്‌കൂ​ളിൽ വിജയ​ക​ര​മാ​യി മുന്നേ​റാൻ സഹായി​ക്കും.

ശനിയാ​ഴ്‌ച രാവി​ലത്തെ പരിപാ​ടി​യി​ലെ ഒരു സവിശേഷ ഇനമാ​യി​രി​ക്കും സ്‌നാ​പനം. സ്‌നാ​പ​ന​ത്തി​നു യോഗ്യ​ത​യു​ള്ള​വർക്ക്‌ അതിനുള്ള അവസരം പ്രദാനം ചെയ്യു​ന്ന​താ​യി​രി​ക്കും. ആദ്യകാ​ലം​തൊ​ട്ടേ, ആളുകളെ കെണി​യി​ലാ​ക്കാൻ സാത്താൻ ലൈം​ഗിക ആഗ്രഹത്തെ എപ്രകാ​രം ഉപയോ​ഗ​പ്പെ​ടു​ത്തി​യി​രി​ക്കു​ന്നു എന്നതു സംബന്ധി​ച്ചുള്ള ഒരു തുറന്ന ചർച്ച ഉച്ചയ്‌ക്കു​ശേഷം ഉണ്ടായി​രി​ക്കും. “പിശാ​ചി​ന്റെ കെണികൾ ഒഴിവാ​ക്കു​വിൻ” എന്ന ഒരു ഉജ്ജ്വല പ്രസം​ഗ​വും ഉണ്ടായി​രി​ക്കു​ന്ന​താണ്‌. “മനുഷ്യ​വർഗ​ത്തി​നു ദൈവ​ത്തെ​ക്കു​റി​ച്ചു പരിജ്ഞാ​നം ആവശ്യ​മാ​യി​രി​ക്കു​ന്ന​തി​ന്റെ കാരണം” എന്ന പ്രധാന പ്രസം​ഗ​ത്തോ​ടെ അന്നത്തെ പരിപാ​ടി​ക്കു സമാപനം കുറി​ക്കും.

ഞായറാ​ഴ്‌ച രാവിലെ, “ഈ വ്യവസ്ഥി​തി​യു​ടെ സമാപ​ന​ത്തി​ലെ സന്തുഷ്ട സ്‌തു​തി​പാ​ഠകർ” എന്ന ശീർഷ​ക​ത്തി​ലുള്ള സിമ്പോ​സി​യം പെട്ടെ​ന്നു​തന്നെ നാം അഭിമു​ഖീ​ക​രി​ക്കാ​നുള്ള, ലോകത്തെ ഉലയ്‌ക്കുന്ന സംഭവ​ങ്ങ​ളി​ന്മേൽ ശ്രദ്ധ കേന്ദ്രീ​ക​രി​ക്കും. മത്തായി 24:21-ൽ രേഖ​പ്പെ​ടു​ത്തി​യി​രി​ക്കുന്ന പ്രകാരം, യേശു​ക്രി​സ്‌തു പറഞ്ഞ “മഹോ​പ​ദ്രവം” ആരംഭി​ക്കു​ന്ന​തി​നു​മു​മ്പാ​യി സുരക്ഷിത സ്ഥലത്തേക്ക്‌ ഓടി​പ്പോ​കേ​ണ്ട​തി​ന്റെ അടിയ​ന്തി​ര​ത​യ്‌ക്ക്‌ അത്‌ ഊന്നൽ കൊടു​ക്കും.

“അർഹരാ​യ​വരെ അവരുടെ വാർധ​ക്യ​ത്തിൽ ബഹുമാ​നി​ക്കൽ” എന്ന പ്രധാ​ന​പ്പെട്ട നാടക​ത്തോ​ടെ ഞായറാഴ്‌ച രാവി​ലത്തെ പരിപാ​ടി സമാപി​ക്കും. പിന്നെ, ഉച്ചയ്‌ക്ക്‌, “നിത്യ​ത​യു​ടെ രാജാ​വി​നെ സ്‌തു​തി​ക്കു​വിൻ!” എന്ന പരസ്യ​പ്ര​സം​ഗം നിർവ​ഹി​ക്ക​പ്പെ​ടും. കൺ​വെൻ​ഷന്റെ ഒരു പ്രമുഖ ഭാഗമാ​യി​രി​ക്കും അത്‌.

അതിൽ സംബന്ധി​ക്കാൻ ഇപ്പോൾ ആസൂ​ത്രണം ചെയ്യുക. നിങ്ങളു​ടെ വീടി​നോട്‌ ഏറ്റവും അടുത്ത സ്ഥലം ഏതെന്ന്‌ അറിയാൻ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളു​മാ​യി ബന്ധപ്പെ​ടു​ക​യോ ഈ മാസി​ക​യു​ടെ പ്രസാ​ധ​കർക്ക്‌ എഴുതു​ക​യോ ചെയ്യുക.