“ദൈവ​മാർഗ​ത്തി​ലുള്ള ജീവിതം” 1998-ലേക്കുള്ള കൺ​വെൻ​ഷൻ അടുത്തി​രി​ക്കു​ന്നു!

ഇന്ത്യ, നേപ്പാൾ, ബംഗ്ലാ​ദേശ്‌ എന്നിവി​ട​ങ്ങ​ളിൽ മാത്ര​മാ​യി ഒക്ടോബർ മുതൽ ഡിസംബർ വരെയുള്ള മാസങ്ങ​ളി​ലേക്ക്‌ 19 കൺ​വെൻ​ഷ​നു​കൾ പട്ടിക​പ്പെ​ടു​ത്തി​യി​രി​ക്കു​ന്നു. സാധ്യ​ത​യ​നു​സ​രിച്ച്‌ ഈ ത്രിദിന കൂടി​വ​ര​വു​ക​ളിൽ ഒരെണ്ണം നിങ്ങളു​ടെ വീട്ടിൽനിന്ന്‌ അകലെ​യ​ല്ലാത്ത ഒരു നഗരത്തി​ലാ​യി​രി​ക്കും. മിക്ക സ്ഥലങ്ങളി​ലും ദിവസ​വും—വെള്ളി​യാഴ്‌ച മുതൽ ഞായറാഴ്‌ച വരെ—രാവിലെ 9:30-ന്‌ സംഗീ​ത​ത്തോ​ടെ കാര്യ​പ​രി​പാ​ടി ആരംഭി​ക്കും.

വെള്ളി​യാ​ഴ്‌ച രാവി​ലത്തെ പരിപാ​ടി, ലോക​ത്തി​ന്റെ വിവിധ ഭാഗങ്ങ​ളിൽ രാജ്യ പ്രസം​ഗ​വേ​ല​യി​ലു​ണ്ടായ പുരോ​ഗ​തി​യെ​ക്കു​റി​ച്ചുള്ള റിപ്പോർട്ടു​കൾ വിശേ​ഷ​വ​ത്‌ക​രി​ക്കും. “ക്രിസ്‌തു​വി​ന്റെ മറുവില—രക്ഷയ്‌ക്കുള്ള ദൈവ​മാർഗം” എന്ന മുഖ്യ​വി​ഷയ പ്രസംഗം കൺ​വെൻ​ഷന്റെ പ്രതി​പാ​ദ്യ വിഷയ​ത്തിന്‌ ഊന്നൽ നൽകും.

ഉച്ചകഴിഞ്ഞ്‌, “മാതാ​പി​താ​ക്കളേ—മക്കളിൽ ദൈവ​മാർഗം ഉൾനടു​വിൻ” എന്ന സിമ്പോ​സി​യം യഹോ​വയെ സ്‌നേ​ഹി​ക്കാ​നും സേവി​ക്കാ​നും യുവജ​ന​ങ്ങളെ എങ്ങനെ പ്രചോ​ദി​പ്പി​ക്കാ​നാ​കും എന്നതു സംബന്ധി​ച്ചു മാർഗ​നിർദേ​ശങ്ങൾ പ്രദാനം ചെയ്യും. “മരണാ​ന​ന്തരം ജീവി​ത​മു​ണ്ടോ?” എന്ന പ്രസം​ഗ​ത്തോ​ടെ ഉച്ച കഴിഞ്ഞുള്ള പരിപാ​ടി അവസാ​നി​ക്കും.

ശനിയാ​ഴ്‌ച രാവി​ലത്തെ പരിപാ​ടി, “ജീവന്റെ മാർഗ​ത്തി​ലേക്കു വരാൻ ആളുകളെ സഹായി​ക്കൽ,” “ആളുക​ളു​ടെ പക്കലെ​ത്തു​ന്ന​തി​ന്റെ വെല്ലു​വി​ളി,” “ക്രിസ്‌തു കൽപ്പി​ച്ച​തെ​ല്ലാം ശിഷ്യ​ന്മാ​രെ പഠിപ്പി​ക്കൽ” എന്നിങ്ങനെ തുടർച്ച​യായ മൂന്നു ഭാഗങ്ങ​ളി​ലാ​യി യഹോ​വ​യു​ടെ സാക്ഷി​ക​ളു​ടെ ശിഷ്യ​രാ​ക്കൽ വേലയെ വിശേ​ഷ​വ​ത്‌ക​രി​ക്കും. രാവി​ലത്തെ പരിപാ​ടി​ക്കു​ശേഷം പുതിയ ശിഷ്യ​ന്മാർക്കു സ്‌നാ​പ​ന​മേൽക്കാ​നുള്ള ക്രമീ​ക​ര​ണ​മു​ണ്ടാ​യി​രി​ക്കും.

“അനന്തജീ​വന്റെ പ്രത്യാ​ശ​യോ​ടെ സേവിക്കൽ” എന്ന ശനിയാഴ്‌ച ഉച്ച കഴിഞ്ഞുള്ള പ്രാരംഭ പ്രസംഗം, ദൈവത്തെ സേവി​ക്കു​ന്ന​തി​ന്റെ വ്യക്തി​പ​ര​മായ കാരണ​ങ്ങ​ളെ​ക്കു​റി​ച്ചു പ്രാർഥ​നാ​പൂർവം പരിചി​ന്തി​ക്കാൻ നമുക്കു പ്രോ​ത്സാ​ഹ​ന​മേ​കു​ന്നു. “ദൈവ​മാർഗം പഠിപ്പി​ക്കുന്ന ‘മനുഷ്യ​രാം ദാനങ്ങളെ’ വിലമ​തി​ക്കൽ,” “വ്യക്തി​ത്വം—പഴയത്‌ ഉരിഞ്ഞു​ക​ളഞ്ഞു പുതി​യതു ധരിക്കുക” എന്നീ പ്രസം​ഗങ്ങൾ എഫെസ്യർ 4-ാം അധ്യാ​യത്തെ ആസ്‌പ​ദ​മാ​ക്കി പ്രബു​ദ്ധ​ത​യേ​കുന്ന വാക്യാ​നു​വാ​ക്യ പരിചി​ന്തനം അവതരി​പ്പി​ക്കു​ന്നു. അടുത്ത​താ​യി, “ലോക​ത്തിൽനി​ന്നുള്ള കളങ്കം പറ്റാത​വണ്ണം സൂക്ഷി​ക്കുക” എന്ന പ്രസം​ഗ​ത്തി​ലും “യുവജ​ന​ങ്ങളേ—ദൈവ​മാർഗം പിന്തു​ട​രു​വിൻ” എന്ന മൂന്നു ഭാഗങ്ങ​ളുള്ള സിമ്പോ​സി​യ​ത്തി​ലും ഉത്തമമായ തിരു​വെ​ഴുത്ത്‌ അനുശാ​സനം പ്രദാനം ചെയ്യ​പ്പെ​ടും. “സ്രഷ്ടാവ്‌—അവന്റെ വ്യക്തി​ത്വ​വും മാർഗ​ങ്ങ​ളും” എന്ന പ്രസം​ഗ​ത്തോ​ടെ ഉച്ചകഴി​ഞ്ഞുള്ള പരിപാ​ടി​കൾ ഉപസം​ഹ​രി​ക്കു​ന്നു.

ബൈബിൾ പുസ്‌ത​ക​മായ യെഹെ​സ്‌കേ​ലി​ന്റെ അവസാന അധ്യാ​യ​ങ്ങ​ളും അവയുടെ പ്രാവ​ച​നിക പ്രയു​ക്ത​ത​യും ചർച്ച ചെയ്യുന്ന മൂന്നു ഭാഗങ്ങ​ളുള്ള ഒരു സിമ്പോ​സി​യം ഞായറാഴ്‌ച രാവി​ലത്തെ പരിപാ​ടി​യി​ലെ വിശേഷ ഇനമാണ്‌. മൂന്ന്‌ എബ്രായ യുവാ​ക്ക​ളു​ടെ വിശ്വ​സ്‌ത​തയെ ആസ്‌പ​ദ​മാ​ക്കി​യുള്ള പുരാതന വേഷവി​ധാ​ന​ങ്ങ​ളോ​ടു​കൂ​ടിയ നാടക​ത്തോ​ടെ രാവി​ലത്തെ പരിപാ​ടി സമാപി​ക്കും. “നിത്യ​ജീ​വ​നി​ലേ​ക്കുള്ള ഒരേ​യൊ​രു മാർഗം” എന്ന പരസ്യ​പ്ര​സം​ഗ​മാണ്‌ കൺ​വെൻ​ഷൻ പരിപാ​ടി​ക​ളി​ലെ അന്ന്‌ ഉച്ചകഴി​ഞ്ഞുള്ള സവിശേഷ ഇനം.

മൂന്നു ദിവസ​വും സന്നിഹി​തർ ആയിരി​ക്കു​ന്ന​തി​ലൂ​ടെ തീർച്ച​യാ​യും നിങ്ങൾ ആത്മീയ​മാ​യി പരി​പോ​ഷി​പ്പി​ക്ക​പ്പെ​ടും. എല്ലാ സെഷനു​ക​ളി​ലേ​ക്കും നിങ്ങൾക്കു ഹാർദ​മായ സ്വാഗതം. പ്രവേ​ശനം സൗജന്യ​മാണ്‌. നിങ്ങളു​ടെ വീടിന്‌ ഏറ്റവും അടുത്തുള്ള കൺ​വെൻ​ഷൻ സ്ഥലമറി​യാൻ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളു​മാ​യി ബന്ധപ്പെ​ടു​ക​യോ ഈ മാസി​ക​യു​ടെ പ്രസാ​ധ​കർക്ക്‌ എഴുതു​ക​യോ ചെയ്യുക.