എന്തു​കൊ​ണ്ടാ​ണു സാക്ഷികൾ വീണ്ടും വീണ്ടും സന്ദർശി​ക്കു​ന്നത്‌?

‘ദാ പിന്നെ​യും വന്നല്ലോ! രണ്ടു മൂന്ന്‌ ആഴ്‌ച​കൾക്കു മുമ്പാ​യി​രു​ന്ന​ല്ലോ അവർ ഇവിടെ വന്നത്‌!’ യഹോ​വ​യു​ടെ സാക്ഷി​ക​ളിൽ ഒരാൾ നിങ്ങളെ സന്ദർശി​ക്കു​മ്പോൾ നിങ്ങളു​ടെ മനസ്സിൽ വരുന്ന ചിന്ത അങ്ങനെ​യാ​ണോ? ഇന്ന്‌, യഹോ​വ​യു​ടെ സാക്ഷികൾ ലക്ഷക്കണ​ക്കിന്‌ ആളുകളെ സന്ദർശി​ക്കു​ന്നു. നിങ്ങൾ ചില​പ്പോൾ ചോദി​ച്ചേ​ക്കാം, മിക്കയാ​ളു​കൾക്കും അവരവ​രു​ടേ​തായ മതമുണ്ട്‌, അല്ലെങ്കിൽ താത്‌പ​ര്യ​മില്ല എന്ന്‌ അറിയാ​മാ​യി​രു​ന്നി​ട്ടും അവർ വീണ്ടും വീണ്ടും വരുന്ന​തെ​ന്തു​കൊ​ണ്ടാണ്‌? ആ ചോദ്യ​ത്തിന്‌ ഉത്തരം ലഭിക്കണം.

ദൈവ​മു​മ്പാ​കെ​യുള്ള ഉത്തരവാ​ദി​ത്വം

ഇപ്പോ​ഴത്തെ ലോക​വ്യ​വ​സ്ഥി​തി​യു​ടെ അന്ത്യ​ത്തെ​യും ഈ ഭൂമി​യിൽ വരാനി​രി​ക്കുന്ന ദൈവ​രാ​ജ്യ ഭരണ​ത്തെ​യും സംബന്ധി​ച്ചുള്ള ബൈബിൾ പ്രവച​നങ്ങൾ ഒന്നാം ലോക​മ​ഹാ​യു​ദ്ധം ആരംഭിച്ച 1914 മുതൽ ലോക​സം​ഭ​വ​ങ്ങ​ളി​ലൂ​ടെ നിറ​വേ​റി​ക്കൊ​ണ്ടി​രി​ക്കു​ക​യാ​ണെന്ന്‌ യഹോ​വ​യു​ടെ സാക്ഷികൾ തിരു​വെ​ഴു​ത്തു​ക​ളിൽനി​ന്നു മനസ്സി​ലാ​ക്കി​യി​ട്ടുണ്ട്‌. അക്രമം, രക്തംചീ​ന്തൽ, വിദ്വേ​ഷം എന്നിവ നിറഞ്ഞ ഒരു നൂററാണ്ട്‌ മനുഷ്യ​വർഗത്തെ കൊ​ണ്ടെ​ത്തി​ച്ചി​രി​ക്കു​ന്നത്‌ തങ്ങളുടെ പ്രശ്‌ന​ങ്ങൾക്കുള്ള ഒരു രാഷ്‌ട്രീയ പരിഹാ​ര​ത്തിൽനി​ന്നു വളരെ അകലെ​യാണ്‌. ആളുക​ളു​ടെ ഹൃദയ​ങ്ങൾക്കും മനസ്സു​കൾക്കും മനോ​ഭാ​വ​ങ്ങൾക്കും മാററം​വ​രു​ത്താൻ മനുഷ്യ​ഭ​ര​ണാ​ധി​പ​ത്യം പരാജ​യ​പ്പെ​ട്ടി​രി​ക്കു​ന്നു. അതിന്റെ തെളി​വാണ്‌ മാനവ കുടും​ബത്തെ ഇപ്പോ​ഴും വേദന​യി​ലാ​ഴ്‌ത്തുന്ന യുദ്ധങ്ങ​ളും ഭീകര​പ്ര​വർത്ത​ന​വും. ചരി​ത്ര​ത്തിൽ മുമ്പു നടന്ന സംഭവ​ങ്ങ​ളെ​ത്തു​ടർന്ന്‌ ആളുക​ളു​ടെ മനസ്സിൽ ആഴത്തിൽ പതിഞ്ഞി​രി​ക്കുന്ന നീരസം ഇപ്പോ​ഴും വംശീയ, വർഗീയ, മത സമൂഹങ്ങൾ തമ്മിലുള്ള ബന്ധങ്ങളിൽ വിഷം​ക​ലർത്തു​ന്നു. അഫ്‌ഗാ​നി​സ്ഥാൻ, ഇന്ത്യ, മധ്യപൂർവേഷ്യ, ഉത്തര അയർലൻഡ്‌, ദക്ഷിണാ​ഫ്രിക്ക, മുൻ യൂഗോ​സ്ലാ​വിയ എന്നിവി​ട​ങ്ങ​ളി​ലെ​ല്ലാം ഇപ്പറഞ്ഞത്‌ സത്യമാണ്‌. അപ്പോൾ, നിലനിൽക്കുന്ന ഒരു പരിഹാ​രം എന്താണ്‌?

സാക്ഷി​കളെ പ്രേരി​പ്പി​ക്കു​ന്ന​തെന്ത്‌?

പ്രാ​യോ​ഗി​ക​മായ ഒരേ ഒരു ഉത്തരമാ​യി യഹോ​വ​യു​ടെ സാക്ഷികൾ അംഗീ​ക​രി​ക്കു​ന്നത്‌ ദൈവ​ത്തി​ന്റെ പരിഹാ​ര​ത്തെ​യാണ്‌—യേശു​ക്രി​സ്‌തു​വി​നാ​ലുള്ള തന്റെ വാഗ്‌ദത്ത രാജ്യ​ഭ​രണം. തന്റെ പ്രശസ്‌ത​മായ മാതൃകാ പ്രാർഥ​ന​യിൽ യേശു ആ രാജ്യ​ഭ​ര​ണ​ത്തി​നു​വേ​ണ്ടി​യുള്ള ഒരു യാചന ഉൾപ്പെ​ടു​ത്തു​ക​പോ​ലു​മു​ണ്ടാ​യി: “നിങ്ങൾ ഈവണ്ണം പ്രാർഥി​പ്പിൻ: സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ; നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.” മനുഷ്യ​വർഗ​ത്തി​ന്റെ കാര്യ​ങ്ങ​ളിൽ ദൈവം ഇടപെ​ട​ണ​മെ​ന്നാണ്‌ ഈ പ്രാർഥന വാസ്‌ത​വ​ത്തിൽ ആവശ്യ​പ്പെ​ടു​ന്നത്‌ എന്ന്‌ സാക്ഷികൾ വിശ്വ​സി​ക്കു​ന്നു.—മത്തായി 6:9, 10.

അപ്പോൾ, നിരന്തരം വീടു​തോ​റും പോയി ആ സന്ദേശം കൊടു​ക്ക​ണ​മെന്ന ആവശ്യം യഹോ​വ​യു​ടെ സാക്ഷി​കൾക്കു തോന്നു​ന്നത്‌ എന്തു​കൊ​ണ്ടാണ്‌? അതു യേശു സവി​ശേ​ഷ​ത​യു​ള്ള​താ​യി പറഞ്ഞ ഈ രണ്ടു കൽപ്പനകൾ നിമി​ത്ത​മാണ്‌: “നിന്റെ ദൈവ​മായ കർത്താ​വി​നെ നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും​കൂ​ടെ സ്‌നേ​ഹി​ക്കേണം. ഇതാകു​ന്നു വലിയ​തും ഒന്നാമ​ത്തേ​തു​മായ കല്‌പന. രണ്ടാമ​ത്തേതു അതി​നോ​ടു സമം: കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.”—മത്തായി 22:37-39.

ദൈവ​ത്തി​ന്റെ അനു​ഗ്രഹം തങ്ങൾക്കു​ണ്ടാ​കാൻ സാക്ഷികൾ ആഗ്രഹി​ക്കു​ന്നു. തങ്ങളുടെ അയൽക്കാ​രെ സ്‌നേ​ഹി​ക്കു​ന്ന​തു​കൊണ്ട്‌, അതേ അനു​ഗ്രഹം അവർക്കും ലഭിക്ക​ണ​മെന്ന്‌ സാക്ഷികൾ ആഗ്രഹി​ക്കു​ന്നു. അങ്ങനെ, യേശു​വി​ന്റെ മാതൃക പിൻപ​റ​റുന്ന അവർ നിസ്വാർഥ സ്‌നേഹം ഹേതു​വാ​യി തങ്ങളുടെ അയൽക്കാ​രെ സന്ദർശി​ക്കാൻ നിർബ​ന്ധി​ത​രാ​കു​ന്നു. ശുദ്ധീ​ക​രി​ക്ക​പ്പെട്ട ഒരു ഭൂമി​യിൽ അനുസ​ര​ണ​മുള്ള മനുഷ്യ​വർഗ​ത്തി​നു​വേണ്ടി “സന്തുഷ്ട​നായ ദൈവം” വാഗ്‌ദാ​നം ചെയ്‌തി​രി​ക്കു​ന്ന​തെ​ന്താണ്‌ എന്ന്‌ അറിയാ​നുള്ള അവസര​മെ​ങ്കി​ലും അവർക്കു ലഭിക്ക​ണ​മെ​ന്നാണ്‌ സാക്ഷി​ക​ളു​ടെ ആഗ്രഹം.—1 തിമോ​ത്തി 1:11, NW; 2 പത്രൊസ്‌ 3:13.

ദൈവ​ത്തി​ന്റെ വാഗ്‌ദ​ത്ത​ങ്ങ​ളിൽ വിശ്വ​സി​ച്ചി​രു​ന്ന​തു​കൊണ്ട്‌ ക്രിസ്‌തീയ അപ്പോ​സ്‌ത​ല​നായ പൗലോ​സിന്‌ ഇങ്ങനെ എഴുതാൻ കഴിഞ്ഞു: “നമ്മുടെ രക്ഷിതാ​വായ ദൈവ​ത്തി​ന്റെ കല്‌പ​ന​പ്ര​കാ​രം എന്നെ ഭരമേ​ല്‌പിച്ച പ്രസം​ഗ​ത്താൽ തക്കസമ​യത്തു തന്റെ വചനം വെളി​പ്പെ​ടു​ത്തിയ ഭോഷ്‌കി​ല്ലാത്ത ദൈവം സകല കാലത്തി​ന്നും മുമ്പെ വാഗ്‌ദത്തം ചെയ്‌ത നിത്യ​ജീ​വന്റെ പ്രത്യാശ ഹേതു​വാ​യി തന്റെ വൃതൻമാ​രു​ടെ വിശ്വാ​സ​ത്തി​ന്നും ഭക്തിക്ക​നു​സാ​ര​മായ സത്യത്തി​ന്റെ പരിജ്ഞാ​ന​ത്തി​ന്നു​മാ​യി ദൈവ​ത്തി​ന്റെ ദാസനും യേശു​ക്രി​സ്‌തു​വി​ന്റെ അപ്പൊ​സ്‌ത​ല​നു​മായ പൗലോസ്‌.” അതേ, തന്നെ അറിഞ്ഞ്‌ സേവി​ക്കാൻ താഴ്‌മ​യോ​ടെ പരി​ശ്ര​മി​ക്കു​ന്ന​വർക്കു “ഭോഷ്‌കി​ല്ലാത്ത” [“നുണ പറയാൻ കഴിയാത്ത,” NW] ദൈവം നിത്യ​ജീ​വൻ “വാഗ്‌ദത്തം” ചെയ്‌തി​രി​ക്കു​ന്നു.—തീത്തൊസ്‌ 1:1-3; സെഫന്യാ​വു 2:3.

സാക്ഷി​കൾക്കു ശമ്പളം കിട്ടു​ന്നു​ണ്ടോ?

ശുശ്രൂഷ നിർവ​ഹി​ക്കു​ന്ന​തി​നു സാക്ഷി​കൾക്കു ശമ്പളം കിട്ടു​ന്നു​ണ്ടെന്ന്‌ ചിലർ കൂടെ​ക്കൂ​ടെ ആരോ​പി​ച്ചി​ട്ടുണ്ട്‌. വസ്‌തു​ത​യു​മാ​യി ഇതിനു യാതൊ​രു ബന്ധവു​മില്ല! കൊരി​ന്ത്യ സഭയ്‌ക്കു​വേണ്ടി അപ്പോ​സ്‌തലൻ എഴുതിയ വാക്കുകൾ അവർ ഗൗരവ​ത്തോ​ടെ എടുക്കു​ന്നു: “ദൈവ​വ​ച​ന​ത്തിൽ മായം​ചേർത്തു കച്ചവടം ചെയ്യുന്ന അനേക​രുണ്ട്‌. അവരെ​പ്പോ​ലെയല്ല ഞങ്ങൾ. മറിച്ച്‌, ദൈവ​സ​ന്നി​ധി​യിൽ വിശ്വ​സ്‌ത​രും ദൈവ​ത്താൽ നിയോ​ഗി​ക്ക​പ്പെ​ട്ട​വ​രു​മെന്ന നിലയിൽ ക്രിസ്‌തു​വിൽ ഞങ്ങൾ സംസാ​രി​ക്കു​ന്നു.”—2 കൊരി​ന്ത്യർ 2:17, പി.ഒ.സി. ബൈബിൾ.

മതപര​മായ സേവന​ങ്ങൾക്കാ​യാ​ലും തങ്ങളുടെ ടിവി ശുശ്രൂ​ഷ​ക​ളി​ലൂ​ടെ വ്യാപാര സംരം​ഭ​ങ്ങളെ ഉന്നമി​പ്പി​ക്കാ​നാ​യാ​ലും ശരി, ചില മതനേ​താ​ക്കൻമാർ പണത്തി​നു​വേ​ണ്ടി​ത്തന്നെ പ്രസം​ഗി​ക്കു​ന്നു. മിക്ക മതങ്ങൾക്കും വേതനം പററുന്ന പുരോ​ഹി​ത​വർഗ​മുണ്ട്‌.

ഇതിനു നേർവി​പ​രീ​ത​മാണ്‌ സാക്ഷി​ക​ളു​ടെ ഇടയിൽ. വേതനം പററുന്ന ഒരു പുരോ​ഹി​ത​വർഗം അവർക്കില്ല. ആത്മാർഥ​മായ സത്യാ​ന്വേ​ഷ​കർക്ക്‌ അവർ പലപ്പോ​ഴും വില ഈടാ​ക്കാ​തെ തങ്ങളുടെ ബൈബിൾ സാഹി​ത്യ​ങ്ങൾ കൊടു​ക്കാ​റുണ്ട്‌. എന്നുവ​രി​കി​ലും, അവരിൽ പലരും സ്വമേ​ധയാ സംഭാ​വ​നകൾ നൽകാൻ പ്രേരി​ത​രാ​കു​ന്നു. ഈ സംഭാ​വ​ന​കൾകൊ​ണ്ടാണ്‌ ലോക​വ്യാ​പക പ്രസം​ഗ​വേ​ല​യ്‌ക്കു​വേ​ണ്ടി​വ​രുന്ന ചെലവു​കൾ നികത്തു​ന്നത്‌. “സൌജ​ന്യ​മാ​യി നിങ്ങൾക്കു ലഭിച്ചു സൌജ​ന്യ​മാ​യി കൊടു​പ്പിൻ” എന്ന യേശു​വി​ന്റെ ബുദ്ധ്യു​പ​ദേ​ശ​ത്തി​നു ചേർച്ച​യിൽ സാക്ഷികൾ സമയവും ഊർജ​വും ഉൾപ്പെ​ടെ​യുള്ള തങ്ങളുടെ വിഭവങ്ങൾ നിർലോ​ഭം വിനി​യോ​ഗിച്ച്‌, ഓരോ വർഷവും ലക്ഷക്കണ​ക്കി​നു മണിക്കൂ​റു​കൾ ദൈവ​സേ​വ​ന​ത്തിൽ ചെലവ​ഴി​ക്കു​ന്നു. അങ്ങനെ, വീടു​തോ​റും ചെന്ന്‌ തത്‌പ​ര​രായ വ്യക്തി​കളെ ഭവന ബൈബി​ള​ധ്യ​യ​ന​ങ്ങ​ളി​ലൂ​ടെ അവർ പഠിപ്പി​ക്കു​ന്നു.—മത്തായി 10:8; 28:19, 20; പ്രവൃ​ത്തി​കൾ 20:19, 20.

വ്യക്തികൾ എന്നനി​ല​യിൽ യഹോ​വ​യു​ടെ സാക്ഷി​കൾക്കോ അവരുടെ പ്രാ​ദേ​ശിക സഭകൾക്കോ വാച്ച്‌ ടവർ സൊ​സൈ​റ​റി​ക്കോ പണപര​മാ​യി യാതൊ​രു ലക്ഷ്യവു​മി​ല്ലെന്ന്‌ വസ്‌തു​തകൾ തെളി​യി​ക്കു​ന്നു. വീടു​തോ​റും പോകു​ന്ന​തിന്‌ ആർക്കും പണം ലഭിക്കു​ന്നില്ല. അപ്പോൾപ്പി​ന്നെ, വേല നിർവ​ഹി​ക്കാ​നുള്ള പണം എങ്ങനെ ലഭിക്കു​ന്നു? ലോക​മെ​മ്പാ​ടും വിലമ​തി​പ്പു പ്രകട​മാ​ക്കുന്ന ആളുകൾ സ്വമേ​ധയാ സംഭാവന നൽകുന്നു. അല്ലാതെ അവർ ഒരിക്ക​ലും സംഭാവന പിരി​ക്കാ​റില്ല.

അവരുടെ സാക്ഷീ​ക​ര​ണ​ത്തി​ന്റെ സ്വാധീ​നം

വീടു​തോ​റു​മുള്ള ശുശ്രൂ​ഷ​യും സാക്ഷി​ക​ളു​ടെ അനൗപ​ചാ​രിക പ്രസം​ഗ​വും നിമിത്തം പൊതു​ജ​ന​ങ്ങ​ളു​ടെ വികാ​ര​വി​ചാ​ര​ങ്ങ​ളിൻമേൽ ഒരു സ്വാധീ​നം ഉണ്ടായി​ട്ടു​ണ്ടോ? ഈ ചോദ്യ​ത്തി​നു വാർത്താ​മാ​ധ്യ​മ​ങ്ങ​ളിൽ വന്നിട്ടുള്ള തെളി​വു​കൾ നോക്കി​യാൽ, ഉണ്ട്‌ എന്ന ശക്തമായ ഒരു ഉത്തരമാണ്‌ ലഭിക്കുക. വാതി​ലിൽ ആരെങ്കി​ലും മുട്ടു​മ്പോൾ അതു യഹോ​വ​യു​ടെ സാക്ഷി​ക​ളാ​യി​രി​ക്കും എന്നു പറഞ്ഞ്‌ അവരെ പരാമർശി​ക്കുന്ന ടിവി പരിപാ​ടി​ക​ളും ചലച്ചി​ത്ര​ങ്ങ​ളു​മുണ്ട്‌. സാക്ഷി​കളെ പരാമർശി​ക്കുന്ന കാർട്ടൂൺ കഥകളുണ്ട്‌. ലോക​ത്തെ​മ്പാ​ടു​മുള്ള കാർട്ടൂൺ രചയി​താ​ക്കൾ സാക്ഷി​ക​ളെ​ക്കു​റി​ച്ചുള്ള പരാമർശങ്ങൾ ഉൾപ്പെ​ടു​ത്താൻമാ​ത്രം അത്ര അറിയ​പ്പെ​ടു​ന്ന​താണ്‌ അവരുടെ തീക്ഷ്‌ണ​ത​യുള്ള പ്രവർത്തനം. ഇവയെ​ല്ലാം പരിഹാ​സോ​ദ്യേ​ത​ക​മാ​യി കാണ​പ്പെ​ട്ടേ​ക്കാം. എന്നാൽ സാധാ​ര​ണ​മാ​യി അവയെ​ല്ലാം വേരൂ​ന്നി​യി​രി​ക്കു​ന്നത്‌ തിട്ടമായ ഒരു അടിസ്ഥാന വസ്‌തു​ത​യി​ലാണ്‌—അതായത്‌, സ്ഥിരോ​ത്സാ​ഹ​ത്തോ​ടു​കൂ​ടി വീടു​തോ​റും പ്രസം​ഗി​ക്കു​ന്ന​തിൽ സാക്ഷികൾ പേരു​കേ​ട്ട​വ​രാണ്‌.—പ്രവൃ​ത്തി​കൾ 20:20.

“ഗുരു”വിൽനിന്ന്‌ ഉപദേ​ശം​തേ​ടാ​നാ​യി മല കയറുന്ന ഒരു മനുഷ്യ​നെ ചിത്രീ​ക​രിച്ച ഒരു കാർട്ടൂൺ ഈ അടുത്ത കാലത്തു വന്നിരു​ന്നു. “വരാനി​രി​ക്കുന്ന അത്ഭുതാ​വ​ഹ​മായ കാര്യ​ങ്ങ​ളെ​ക്കു​റിച്ച്‌ എന്നോടു പറയുക!” എന്ന്‌ അയാൾ പറഞ്ഞു. “ഗുരു” എങ്ങനെ​യാണ്‌ ഉത്തരം പറഞ്ഞത്‌? “നമുക്കു നോക്കാം . . . ക്ഷാമങ്ങൾ, പകർച്ച​വ്യാ​ധി​കൾ, ഭൂകമ്പങ്ങൾ എന്നിവ​യു​ണ്ടാ​കും. സൂര്യൻ ഇരുണ്ടു​പോ​കും, ചന്ദ്രൻ രക്തവർണ​മാ​യി​ത്തീ​രും.” അന്വേ​ഷകൻ ചോദി​ച്ചു: “സദ്വാർത്ത വല്ലതു​മു​ണ്ടോ?” അതിനു “ഗുരു”വിന്റെ മറുപടി ഇതായി​രു​ന്നു: “ദൈവം കണ്ണുനീ​രെ​ല്ലാം തുടച്ചു​നീ​ക്കും . . . ഇനി മേലാൽ മരണമോ ദുഃഖ​മോ വേദന​യോ ഉണ്ടായി​രി​ക്കു​ക​യില്ല!” സന്ദർശകൻ ചോദി​ച്ചു: “ഇതു​പോ​ലുള്ള കാര്യ​ങ്ങ​ളെ​ക്കു​റിച്ച്‌ താങ്കൾക്ക്‌ എങ്ങനെ അറിയാം?” ഇതിന്റെ ഉത്തരമോ? “യഹോ​വ​യു​ടെ സാക്ഷി​ക​ളിൽനിന്ന്‌ ഒഴിഞ്ഞു​മാ​റാൻ ആർക്കു​മാ​വില്ല!” ആ കാർട്ടൂൺ രചയി​താ​വി​നെ സംബന്ധി​ച്ചും അതു ശരിയാ​യി​രി​ക്കണം.

ഈ കാർട്ടൂൺ കഥയി​ലെ​യും അതു​പോ​ലുള്ള മററു​ള്ള​വ​യി​ലെ​യും പ്രധാന ആശയം സാക്ഷി​ക​ളു​ടെ സന്ദർശ​ന​ങ്ങ​ളു​ടെ സ്ഥിരതയെ മാത്രമല്ല, അത്‌ അവരുടെ സന്ദേശ​ത്തി​ന്റെ പരസ്‌പ​ര​യോ​ജി​പ്പി​നെ​യും വെളി​പ്പെ​ടു​ത്തു​ന്നു എന്നതാണ്‌. കേവലം ചുരു​ങ്ങിയ വാക്കു​ക​ളിൽ, ആ കലാകാ​രൻ അവരുടെ വീടു​തോ​റു​മുള്ള സാക്ഷീ​ക​ര​ണ​ത്തി​ന്റെ മുഖ്യ ആശയം നൽകു​ക​യും തിരു​വെ​ഴു​ത്തു​കൾ ഉദ്ധരി​ക്കു​ക​യും ചെയ്‌തു.—താരത​മ്യം ചെയ്യുക: മത്തായി 24:7, 29; വെളി​പ്പാ​ടു 21:3, 4.

മിക്കയാ​ളു​ക​ളും തങ്ങളുടെ സന്ദേശം തിരസ്‌ക​രി​ക്കു​ന്നു എന്ന വസ്‌തുത സാക്ഷി​കളെ നിരു​ത്സാ​ഹ​പ്പെ​ടു​ത്തു​ക​യോ അവരുടെ തീക്ഷ്‌ണ​തയെ കുറയ്‌ക്കു​ക​യോ ചെയ്യു​ന്നില്ല. അപ്പോ​സ്‌ത​ല​നായ പത്രോസ്‌ മുന്നറി​യി​പ്പു നൽകി: “അവന്റെ പ്രത്യ​ക്ഷ​ത​യു​ടെ വാഗ്‌ദത്തം എവിടെ? പിതാ​ക്കൻമാർ നിദ്ര​കൊ​ണ്ട​ശേഷം സകലവും സൃഷ്ടി​യു​ടെ ആരംഭ​ത്തിൽ ഇരുന്ന​തു​പോ​ലെ തന്നേ ഇരിക്കു​ന്നു എന്നു പറഞ്ഞു സ്വന്ത​മോ​ഹ​ങ്ങളെ അനുസ​രി​ച്ചു​ന​ട​ക്കുന്ന പരിഹാ​സി​കൾ പരിഹാ​സ​ത്തോ​ടെ അന്ത്യകാ​ലത്തു വരു​മെന്നു വിശേ​ഷാൽ അറിഞ്ഞു​കൊൾവിൻ.” ഇതൊ​ന്നും വകവയ്‌ക്കാ​തെ, സ്‌നേ​ഹ​ത്താൽ പ്രേരി​ത​രാ​യി സാക്ഷികൾ തങ്ങളുടെ അയൽക്കാ​രെ സന്ദർശി​ക്കു​ന്ന​തിൽ തുടരു​ന്നു. ഇപ്പോ​ഴത്തെ അധഃപ​തിച്ച വ്യവസ്ഥി​തി​യെ ദൈവം അവസാ​നി​പ്പി​ക്കു​ന്ന​തു​വരെ അവർ അങ്ങനെ​തന്നെ ചെയ്യും.—2 പത്രൊസ്‌ 3:3, 4.

അവസാന നാളു​ക​ളിൽ, മുമ്പേ സുവാർത്ത പ്രസം​ഗി​ക്ക​പ്പെ​ടേ​ണ്ടി​യി​രി​ക്കു​ന്നു എന്ന്‌ യേശു പറഞ്ഞു. എന്തു​കൊണ്ട്‌, എങ്ങനെ എന്നതി​നെ​ക്കു​റിച്ച്‌ കൂടു​ത​ലാ​യി അറിയാൻ പിൻവ​രുന്ന രണ്ടു ലേഖനങ്ങൾ കാണുക.—മർക്കൊസ്‌ 13:10.

[9-ാം പേജിലെ ചിത്രം]

വേതനം പററുന്ന ഒരു പുരോ​ഹി​ത​വർഗം യഹോ​വ​യു​ടെ സാക്ഷി​കൾക്കില്ല—എല്ലാവ​രും സ്വമേ​ധയാ ശുശ്രൂ​ഷ​ക​രാണ്‌