വായന​ക്കാ​രിൽനി​ന്നുള്ള ചോദ്യ​ങ്ങൾ

യേശു യിശ്ശാ​യി​യു​ടെ​യും ദാവീ​ദി​ന്റെ​യും വംശജ​നാ​യി​രി​ക്കെ എന്തു​കൊ​ണ്ടാണ്‌ അവനെ തന്റെ പൂർവി​ക​രായ യിശ്ശാ​യി​യു​ടെ​യും ദാവീ​ദി​ന്റെ​യും “വേര്‌” എന്നു വിളി​ക്കു​ന്നത്‌?

ഒരു വൃക്ഷത്തി​ന്റെ അല്ലെങ്കിൽ ചെടി​യു​ടെ തായ്‌ത്ത​ടി​യോ ശിഖര​ങ്ങ​ളോ ഉണ്ടാകു​ന്ന​തി​നു മുമ്പ്‌ അതിന്‌ ഒരു വേരു​ണ്ടാ​കു​ന്ന​തി​നെ​ക്കു​റി​ച്ചാ​ണു നാം സാധാരണ ചിന്തി​ക്കാറ്‌. അതു​കൊണ്ട്‌, യിശ്ശാ​യി​യെ (അല്ലെങ്കിൽ അവന്റെ പുത്ര​നായ ദാവീ​ദി​നെ), യേശു ഉത്ഭൂത​മായ വേര്‌ എന്നു വിളി​ക്ക​ണ​മെന്നു തോന്നി​യേ​ക്കാം. എന്നാൽ, വരാൻ പോകുന്ന മിശിഹാ “യിശ്ശാ​യി​യു​ടെ വേര്‌” ആണെന്നു യെശയ്യാ 11:10 (ഓശാന ബൈബിൾ) മുൻകൂ​ട്ടി​പ്പ​റഞ്ഞു. കൂടാതെ, റോമർ 15:12 ഈ പ്രവചനം യേശു​ക്രി​സ്‌തു​വിൽ ബാധക​മാ​ക്കി. പിന്നീട്‌, വെളി​പ്പാ​ടു 5:5 അവനെ “യെഹൂ​ദാ​ഗോ​ത്ര​ത്തി​ലെ സിംഹ​വും ദാവീ​ദി​ന്റെ വേരു​മാ​യവൻ” എന്നു വിളി​ക്കു​ന്നു. ഈ സ്ഥാന​പ്പേ​രു​കൾക്ക്‌ കാരണ​ങ്ങ​ളുണ്ട്‌.

ബൈബിൾ മിക്ക​പ്പോ​ഴും ചെടി​കളെ അഥവാ വൃക്ഷങ്ങളെ ആലങ്കാ​രി​ക​മാ​യി ഉപയോ​ഗി​ക്കു​ന്നു. വിത്തു മുളച്ച്‌ വളരു​ന്ന​തോ​ടൊ​പ്പം വേര്‌ ഉറയ്‌ക്കു​ക​യും മരക്കൊ​മ്പു​ക​ളെ​യും മററു ശിഖര​ങ്ങ​ളെ​യും ഫലത്തെ​യും അവ താങ്ങി​നിർത്തു​ക​യും ചെയ്യു​ന്നു​വെന്ന വസ്‌തു​ത​യിൽനി​ന്നാ​വാം ഇത്‌ ഉടലെ​ടു​ക്കു​ന്നത്‌. ദൃഷ്ടാ​ന്ത​ത്തിന്‌, യെശയ്യാ​വു 37:31 ഇങ്ങനെ വായി​ക്കു​ന്നു: “യെഹൂ​ദാ​ഗൃ​ഹ​ത്തിൽ രക്ഷപ്പെട്ട ഒരു ശേഷിപ്പു വീണ്ടും താഴേ വേരൂന്നി മീതെ ഫലം കായി​ക്കും.”—ഇയ്യോബ്‌ 14:8, 9; യെശയ്യാ​വു 14:29.

വേരിന്‌ എന്തെങ്കി​ലും കേടു സംഭവി​ച്ചാൽ മുഴു മരത്തെ​യും അതു ബാധി​ക്കു​ന്നു. (താരത​മ്യം ചെയ്യുക: മത്തായി 3:10; 13:6.) അതു​കൊണ്ട്‌ മലാഖി എഴുതി: “ആ ദിവസം വേരും കൊമ്പും ശേഷി​പ്പി​ക്കാ​തെ അവരെ ദഹിപ്പി​ച്ചു കളയും എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.” (മലാഖി 4:1) അർഥം വ്യക്തമാണ്‌—പൂർണ​മായ നാശം. മാതാ​പി​താ​ക്കൾ (വേര്‌) നശിപ്പി​ക്ക​പ്പെ​ടും, അവരുടെ സന്തതി​യും (കൊമ്പു​ക​ളും).a പ്രായ​പൂർത്തി​യാ​കാത്ത കുട്ടി​ക​ളു​ടെ കാര്യ​ത്തിൽ മാതാ​പി​താ​ക്കൾക്കുള്ള ഉത്തരവാ​ദി​ത്വ​ത്തിന്‌ ഇത്‌ അടിവ​ര​യി​ടു​ന്നു. പ്രായ​പൂർത്തി​യാ​കാത്ത കുട്ടി​ക​ളു​ടെ നിലനിൽക്കുന്ന ഭാവി മാതാ​പി​താ​ക്കൾ ദൈവ​മു​മ്പാ​കെ എങ്ങനെ നില​കൊ​ള്ളു​ന്നു​വെ​ന്ന​തി​നെ ആശ്രയി​ച്ചി​രു​ന്നേ​ക്കാം.—1 കൊരി​ന്ത്യർ 7:14.

യെശയ്യാ​വു 37:31-ലെയും മലാഖി 4:1-ലെയും ഭാഷ, കൊമ്പു​ക​ളു​ടെ​യും (കൊമ്പു​ക​ളി​ലുള്ള ഫലത്തി​ന്റെ​യും) ജീവൻ വേരിൽനിന്ന്‌ ഉത്ഭവി​ച്ചു​വെന്ന വസ്‌തുത സമർഥി​ക്കു​ന്നു. ഇത്‌ യേശു എങ്ങനെ ‘യിശ്ശാ​യി​യു​ടെ വേരും’ ‘ദാവീ​ദി​ന്റെ വേരും’ ആയിരി​ക്കു​ന്നു​വെന്നു മനസ്സി​ലാ​ക്കാ​നുള്ള ഒരു മാർഗ​മാണ്‌.

ജഡിക​മാ​യ അർഥത്തിൽ പറഞ്ഞാൽ യിശ്ശാ​യി​യും ദാവീ​ദും യേശു​വി​ന്റെ പൂർവി​കൻമാർ ആണ്‌. അവരാ​യി​രു​ന്നു വേരുകൾ. അവൻ മുള അല്ലെങ്കിൽ കൊമ്പ്‌. വരാൻ പോകുന്ന മിശി​ഹാ​യെ​ക്കു​റിച്ച്‌ യെശയ്യാ​വു 11:1 ഇങ്ങനെ പറഞ്ഞു: “യിശ്ശാ​യി​യു​ടെ കുററി​യിൽനി​ന്നു ഒരു മുള പൊട്ടി പുറ​പ്പെ​ടും; അവന്റെ വേരു​ക​ളിൽനി​ന്നുള്ള ഒരു കൊമ്പു ഫലം കായി​ക്കും.” സമാന​മാ​യി വെളി​പ്പാ​ടു 22:16-ൽ യേശു തന്നെ ‘ദാവീ​ദി​ന്റെ സന്താന’മെന്നു വിളി​ക്കു​ന്നു. ‘ദാവീ​ദി​ന്റെ വേര്‌’ എന്നും യേശു തനിക്കു പേർ ചൊല്ലു​ന്നു. എന്തു​കൊണ്ട്‌?

യേശു യിശ്ശാ​യി​യു​ടെ​യും ദാവീ​ദി​ന്റെ​യും “വേര്‌” ആയിരി​ക്കു​ന്ന​തിന്‌ ഒരു കാരണം അവൻ മുഖാ​ന്തരം അവരുടെ വംശാ​വലി ഇതുവ​രെ​യും നില​കൊ​ള്ളു​ന്നു​വെ​ന്ന​താണ്‌. അവൻ, ലേവ്യ, ദാൻ, യഹൂദ എന്നീ ഗോ​ത്ര​ത്തിൽനി​ന്നാ​ണെന്ന്‌ ആർക്കും ഒരിക്ക​ലും തെളി​യി​ക്കാ​നാ​വില്ല. എന്നാൽ, യേശു ഇപ്പോൾ സ്വർഗ​ത്തിൽ ജീവി​ച്ചി​രി​ക്കു​ന്നു​വെന്ന കാരണ​ത്താൽ യിശ്ശാ​യി​യു​ടെ​യും ദാവീ​ദി​ന്റെ​യും വംശം ഇപ്പോ​ഴും നിലനിൽക്കു​ന്നു​വെന്നു നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയും.—മത്തായി 1:1-16; റോമർ 6:9.

സ്വർഗീയ രാജാവ്‌ എന്ന സ്ഥാനവും യേശു​വിന്‌ ലഭിച്ചു. (ലൂക്കൊസ്‌ 1:32, 33; 19:12, 15; 1 കൊരി​ന്ത്യർ 15:25) ഇത്‌ പൂർവി​കൻമാ​രു​മാ​യി​പോ​ലു​മുള്ള അവന്റെ ബന്ധത്തിനു ചേർച്ച​യി​ലാണ്‌. പ്രാവ​ച​നി​ക​മാ​യി ദാവീദ്‌ യേശു​വി​നെ കർത്താവ്‌ എന്നു വിളി​ക്കു​ക​യു​ണ്ടാ​യി.—സങ്കീർത്തനം 110:1; പ്രവൃ​ത്തി​കൾ 2:34-36.

ഒടുവിൽ, യേശു​ക്രി​സ്‌തു ന്യായാ​ധി​പ​തി​യാ​യി നിയമി​ത​നാ​യി​രി​ക്കു​ന്നു. വരാൻപോ​കുന്ന ആയിരം​വർഷ​ക്കാ​ലത്ത്‌ യേശു​വി​ന്റെ മറുവി​ല​യു​ടെ പ്രയോ​ജനം യിശ്ശാ​യി​ക്കും ദാവീ​ദി​നും നൽക​പ്പെ​ടും. അപ്പോൾ ഭൂമി​യി​ലെ അവരുടെ ജീവിതം തങ്ങളുടെ “നിത്യ​പി​താ​വു” ആയി സേവി​ക്കുന്ന യേശു​വിൽ ആശ്രി​ത​മാ​യി​രി​ക്കും.—യെശയ്യാ​വു 9:6.

ആകയാൽ, യേശു യിശ്ശാ​യി​യു​ടെ​യും ദാവീ​ദി​ന്റെ​യും വംശത്തിൽനിന്ന്‌ ഉത്ഭവി​ച്ചു​വെ​ങ്കി​ലും ഇതി​നോ​ടകം സംഭവി​ച്ച​തും സംഭവി​ക്കാൻ പോകു​ന്ന​തും അവനെ ‘യിശ്ശാ​യി​യു​ടെ വേര്‌’ എന്നും ‘ദാവീ​ദി​ന്റെ വേര്‌’ എന്നും വിളി​ക്കാൻ അർഹനാ​ക്കു​ന്നു.

[അടിക്കു​റി​പ്പു​കൾ]

[31-ാം പേജിലെ ചിത്ര​ത്തിന്‌ കടപ്പാട]

Pictorial Archive (Near Eastern History) Est.