ദൈവത്തെ ഭയപ്പെ​ടു​ന്ന​വ​രോ​ടൊ​പ്പം സമ്മേളി​ക്കൽ

“എല്ലായി​ട​ത്തും ആളുകൾ ഭയത്തിൽനിന്ന്‌—അക്രമ​ത്തെ​ക്കു​റി​ച്ചുള്ള ഭയത്തിൽനി​ന്നും, തൊഴി​ലി​ല്ലാ​യ്‌മ​യെ​ക്കു​റി​ച്ചുള്ള ഭയത്തിൽനി​ന്നും, ഗുരു​ത​ര​മായ രോഗ​ത്തെ​ക്കു​റി​ച്ചുള്ള ഭയത്തിൽനി​ന്നും—ഉള്ള സ്വാത​ന്ത്ര്യം കാംക്ഷി​ക്കു​ന്നു. നാമും അതിനാ​യി കൊതി​ക്കു​ന്നു. . . . അങ്ങനെ​യെ​ങ്കിൽ, ഭയം എങ്ങനെ നട്ടുവ​ളർത്താ​മെന്നു നാം ചർച്ച​ചെ​യ്യു​ന്നത്‌ എന്തിനാണ്‌?” അത്യാ​കർഷ​ക​മായ ആ ചോദ്യം 1994 ജൂണിൽ ആരംഭിച്ച “ദൈവഭയ” ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളി​ലോ​രോ​ന്നി​ലും മുഖ്യ​വി​ഷയ പ്രസം​ഗകൻ ഉന്നയി​ക്കു​ക​യു​ണ്ടാ​യി.

ആദ്യം വടക്കേ അമേരി​ക്ക​യി​ലും പിന്നീട്‌ യൂറോപ്പ്‌, മധ്യ അമേരിക്ക, തെക്കേ അമേരിക്ക, ആഫ്രിക്ക, ഏഷ്യ, സമുദ്ര ദ്വീപു​കൾ എന്നിവി​ട​ങ്ങ​ളി​ലെ​ല്ലാം ഹാജരായ ലക്ഷങ്ങൾ അത്തരം ഭയം നട്ടുവ​ളർത്താൻ പഠിക്കു​ന്ന​തിൽ ഉത്സുക​രാ​യി​രു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ, യഹോ​വ​യാം ദൈവം തന്റെ ജനത്തി​നാ​യി കരുതി​യി​രി​ക്കുന്ന അനു​ഗ്ര​ഹ​ങ്ങ​ളി​ലുള്ള നമ്മുടെ പങ്കുപ​ററൽ നമുക്കു ദൈവ​ഭയം ഉണ്ടായി​രി​ക്കു​ന്ന​തി​നെ ആശ്രയി​ച്ചി​രി​ക്കും. ദൈവ​ഭ​യ​ത്തെ​ക്കു​റി​ച്ചു പഠിക്കാ​നാ​ണു സമ്മേളി​തർ വന്നു​ചേർന്നത്‌. ആ ത്രിദിന കാര്യ​പ​രി​പാ​ടി​യിൽ അവർ ഒഴിച്ചു​കൂ​ടാ​നാ​വാത്ത ഈ ക്രിസ്‌തീയ ഗുണ​ത്തെ​പ്പ​ററി അനേകം കാര്യങ്ങൾ പഠിച്ചു.

‘ദൈവത്തെ ഭയപ്പെട്ട്‌ അവന്റെ കൽപ്പന​കളെ പ്രമാ​ണി​ച്ചു​കൊൾക’

കൺ​വെൻ​ഷന്റെ ആദ്യ ദിവസത്തെ പ്രതി​പാ​ദ്യ​വി​ഷയം അതായി​രു​ന്നു. അത്‌ സഭാ​പ്ര​സം​ഗി 12:13-നെ അടിസ്ഥാനപ്പെടുത്തിയുള്ളതായി​രു​ന്നു. ദൈവത്തെ ഭയപ്പെ​ടുക എന്നതിന്റെ അർഥ​മെന്ത്‌? ദൈവ​ഭയം, യഹോ​വ​യോ​ടുള്ള ഭയാദ​ര​വി​നെ​യും അഗാധ​മായ ബഹുമാ​ന​ത്തെ​യും അവനെ അപ്രീ​തി​പ്പെ​ടു​ത്തു​ന്ന​തി​ലുള്ള ആരോ​ഗ്യാ​വ​ഹ​മായ ഭീതി​യെ​യും പ്രതി​ഫ​ലി​പ്പി​ക്കു​ന്നു​വെന്നു കാര്യ​പ​രി​പാ​ടി​യി​ലെ ആദ്യത്തെ പ്രസം​ഗ​ത്തിൽ കൺ​വെൻ​ഷൻ അധ്യക്ഷൻ വിശദീ​ക​രി​ച്ചു. അത്തരം ദൈവ​ഭയം ആരോ​ഗ്യ​ഹീ​ന​മായ ഭയമല്ല; അത്‌ ആരോ​ഗ്യാ​വ​ഹ​വും ഉചിത​വു​മാണ്‌.

ആരോ​ഗ്യാ​വ​ഹ​മായ ഈ ഭയം നമുക്ക്‌ എങ്ങനെ പ്രയോ​ജനം ചെയ്യും? സന്തോ​ഷ​ത്തോ​ടെ അവന്റെ കൽപ്പനകൾ അനുസ​രി​ക്കാൻ ദൈവ​ഭയം നമ്മെ പ്രേരി​പ്പി​ക്കു​മെന്ന്‌ “ക്ഷീണിച്ചു പിൻമാ​റ​രുത്‌” എന്ന അടുത്ത പ്രസംഗം വിശദ​മാ​ക്കി. ദൈവ​ത്തോ​ടും അയൽക്കാ​ര​നോ​ടു​മുള്ള സ്‌നേ​ഹ​ത്തോ​ടൊ​പ്പം അത്തരം ഭയം ആത്‌മീയ ബലം​കൊ​ണ്ടു നമ്മെ നിറയ്‌ക്കും. അതേ, നിത്യ​ജീ​വ​നു​വേ​ണ്ടി​യുള്ള ഓട്ടത്തിൽ മന്ദീഭ​വി​ക്കാ​തി​രി​ക്കാൻ ദൈവ​ഭ​യ​ത്തി​നു നമ്മെ സഹായി​ക്കാ​നാ​വും.

ദൈവ​ഭ​യ​ത്തി​നു നമ്മെ പുലർത്താ​നാ​വും എന്നതിനു ജീവത്തായ തെളിവു നൽകുന്ന അഭിമു​ഖ​ങ്ങ​ളാ​യി​രു​ന്നു പരിപാ​ടി​യിൽ അടുത്തത്‌. വിരക്തി​യോ ഉദാസീ​ന​ത​യോ പീഡന​മോ ഗണ്യമാ​ക്കാ​തെ ശുശ്രൂ​ഷ​യിൽ തുടരു​ന്ന​തി​നും വ്യക്തി​പ​ര​മായ പരി​ശോ​ധ​ന​ക​ളു​ടെ മധ്യേ​പോ​ലും സഹിച്ചുനിൽക്കു​ന്ന​തി​നും ആദരപൂർവ​ക​മായ ദൈവ​ഭയം തങ്ങളെ എങ്ങനെ സ്വാധീ​നി​ച്ചി​രി​ക്കു​ന്നു​വെന്ന്‌ അഭിമു​ഖ​ത്തിൽ പങ്കെടു​ത്തവർ പറഞ്ഞു.

ചിലർക്കു ദൈവ​ഭ​യ​മി​ല്ലാ​തി​രി​ക്കെ മററു​ചി​ലർക്ക്‌ അതുണ്ടാ​യി​രി​ക്കു​ന്നത്‌ എന്തു​കൊണ്ട്‌? “ദൈവ​ഭയം നട്ടുവ​ളർത്തി അതിൽനി​ന്നു പ്രയോ​ജ​ന​മ​നു​ഭ​വി​ക്കൽ” എന്ന പ്രസം​ഗ​ത്തിൽ യിരെ​മ്യാ​വു 32:37-39-ൽ യഹോവ തന്റെ ജനത്തിനു ദൈവ​ഭ​യ​മുള്ള ഹൃദയം നൽകു​മെന്നു വാഗ്‌ദത്തം ചെയ്‌തി​രി​ക്കു​ന്നു​വെന്നു മുഖ്യ​വി​ഷയ പ്രസം​ഗകൻ വിശദ​മാ​ക്കി. യഹോവ നമ്മുടെ ഹൃദയ​ങ്ങ​ളിൽ ദൈവ​ഭയം നട്ടുവ​ളർത്തു​ന്നു. എങ്ങനെ? അവന്റെ പരിശു​ദ്ധാ​ത്മാ​വും അവന്റെ നിശ്വ​സ്‌ത​വ​ച​ന​മായ ബൈബി​ളും മുഖാ​ന്തരം. എന്നിരു​ന്നാ​ലും, ദൈവ​വ​ചനം പഠിക്കാ​നും അവൻ ലഭ്യമാ​ക്കി​ത്ത​രുന്ന സമൃദ്ധ​മായ ആത്മീയ കരുത​ലു​ക​ളിൽനി​ന്നു മുഴു പ്രയോ​ജനം നേടാ​നും നാം ആത്മാർഥ ശ്രമം ചെലു​ത്ത​ണ​മെ​ന്നതു വ്യക്തമാണ്‌. അവനെ ഭയപ്പെ​ടു​ന്ന​തി​നു നമ്മെ സഹായി​ക്കുന്ന നമ്മുടെ കൺ​വെൻ​ഷ​നു​ക​ളും സഭാ​യോ​ഗ​ങ്ങ​ളും ഇതിൽ ഉൾപ്പെ​ടു​ന്നു.

യഹോ​വ​യി​ലും അവന്റെ വചനത്തി​ലും ആശ്രയി​ക്കുക എന്ന അനുശാ​സ​ന​ത്തോ​ടെ ഉച്ചകഴി​ഞ്ഞത്തെ കാര്യ​പ​രി​പാ​ടി ആരംഭി​ച്ചു. അതേത്തു​ടർന്ന്‌, ക്രിസ്‌ത്യാ​നി​ക​ളെന്ന നിലയിൽ രാജ്യം നമ്മുടെ ജീവി​തത്തെ ബാധി​ക്കേണ്ട മുഖ്യ വിധങ്ങ​ളെ​പ്പ​റ​റി​യുള്ള ചർച്ചയു​ണ്ടാ​യി​രു​ന്നു.

കൺ​വെൻ​ഷ​നിൽ അവതരി​പ്പിച്ച മൂന്നു സിം​പോ​സി​യ​ങ്ങ​ളിൽ ആദ്യ​ത്തേ​താ​യി​രു​ന്നു അടുത്തത്‌. “ദിവ്യ വ്യവസ്ഥകൾ അനുസ​രി​ക്കു​ന്ന​തി​നു ദൈവ​ഭയം നമ്മെ പ്രേരി​പ്പി​ക്കു​ന്നു” എന്നതാ​യി​രു​ന്നു ഈ സിം​പോ​സി​യ​ത്തി​ന്റെ പ്രതി​പാ​ദ്യ​വി​ഷയം. അത്‌ കുടും​ബാം​ഗ​ങ്ങ​ളിൽ ശ്രദ്ധ കേന്ദ്രീ​ക​രി​ച്ചു. നൽകപ്പെട്ട തിരു​വെ​ഴു​ത്തു​പ​ര​മായ—പ്രാ​യോ​ഗി​ക​വു​മായ—ഉപദേ​ശ​ത്തി​ന്റെ ഒരു മാതൃ​ക​യാ​ണു താഴെ കൊടു​ക്കു​ന്നത്‌.

□ ഭർത്താ​ക്കൻമാർക്കു​വേണ്ടി: ഭാര്യയെ സ്വന്തം ശരീര​ത്തെ​പ്പോ​ലെ സ്‌നേ​ഹി​ക്കാൻ ദൈവ​ഭയം ഒരു മനുഷ്യ​നെ പ്രേരി​പ്പി​ക്കണം. (എഫെസ്യർ 5:28, 29) ഒരു മനുഷ്യൻ സ്വന്തം ശരീരത്തെ മനഃപൂർവം ഉപദ്ര​വി​ക്കു​ക​യോ തന്റെ സുഹൃ​ത്തു​ക്ക​ളു​ടെ മുമ്പാകെ തന്നേത്തന്നെ അവമാ​നി​ക്കു​ക​യോ സ്വന്തം ദൗർബ​ല്യ​ങ്ങ​ളെ​ക്കു​റി​ച്ചു കുശു​കു​ശു​ക്കു​ക​യോ ചെയ്യു​ന്നില്ല. അതു​കൊണ്ട്‌, തനിക്കു സ്വയം നൽകുന്ന മാന​ത്തോ​ടും ആദര​വോ​ടും കൂടെ​ത്തന്നെ അയാൾ ഭാര്യ​യോ​ടു പെരു​മാ​റേ​ണ്ട​തുണ്ട്‌.

□ ഭാര്യ​മാർക്കു​വേണ്ടി: യേശു​വി​ന്റെ ദൈവ​ഭയം ‘എല്ലായ്‌പോ​ഴും ദൈവത്തെ പ്രസാ​ദി​പ്പി​ക്കാൻ’ അവനെ പ്രേരി​പ്പി​ച്ചു. (യോഹ​ന്നാൻ 8:29) ഭർത്താ​ക്കൻമാ​രോ​ടുള്ള ഇടപെ​ട​ലിൽ ഭാര്യ​മാർക്ക്‌ അനുക​രി​ക്കാ​വുന്ന ഒരു ഉത്തമ ഭാവമാ​ണിത്‌.

□ മാതാ​പി​താ​ക്കൾക്കു​വേണ്ടി: മാതാ​പി​താ​ക്ക​ളു​ടെ ഉത്തരവാ​ദി​ത്വ​ങ്ങൾ ഗൗരവ​മാ​യി എടുത്ത്‌ കുട്ടി​കളെ സന്തോ​ഷ​വും സംതൃ​പ്‌തി​യും കൈവ​രു​ത്താൻ കഴിയുന്ന യഹോ​വ​യിൽനി​ന്നുള്ള ഒരു അവകാ​ശ​മാ​യി വീക്ഷി​ച്ചു​കൊ​ണ്ടു ദൈവ​ഭയം പ്രകട​മാ​ക്കാൻ മാതാ​പി​താ​ക്കൾക്കു കഴിയും. (സങ്കീർത്തനം 127:3) യഥാർഥ ക്രിസ്‌ത്യാ​നി​ക​ളാ​യി​ത്തീ​രാൻ തക്കവണ്ണം തങ്ങളുടെ കുട്ടി​കളെ വളർത്തു​ക​യെ​ന്ന​താ​യി​രി​ക്കണം മാതാ​പി​താ​ക്ക​ളു​ടെ മുഖ്യ ലക്ഷ്യം.

□ കുട്ടി​കൾക്കു​വേണ്ടി: ‘മാതാ​പി​താ​ക്കളെ കർത്താ​വി​നോ​ടുള്ള ഐക്യ​ത്തിൽ’ അനുസ​രി​ക്കാൻ യഹോവ കുട്ടി​ക​ളോ​ടു നിർദേ​ശി​ക്കു​ന്നു. (എഫെസ്യർ 6:1) അതു​കൊണ്ട്‌ അവരുടെ മാതാ​പി​താ​ക്കളെ അനുസ​രി​ക്കു​ന്നതു ദൈവത്തെ അനുസ​രി​ക്ക​ലാണ്‌.

ആദ്യ ദിവസത്തെ ഉപസം​ഹാ​ര​പ്ര​സം​ഗം നമ്മുടെ വികാ​ര​ങ്ങളെ തൊട്ടു​ണർത്തി. കാരണം, പ്രിയ​പ്പെട്ട ഒരാളെ മരണത്തിൽ നഷ്ടപ്പെ​ടു​മ്പോൾ നാമെ​ല്ലാം അനുഭ​വി​ക്കുന്ന ആഴമായ വികാ​ര​ങ്ങ​ളെ​പ്പ​ററി അതു ചർച്ച​ചെ​യ്‌തു. എന്നുവ​രി​കി​ലും, പ്രസംഗം ഏതാണ്ടു പകുതി​യാ​യ​പ്പോൾ അത്ഭുത​ക​ര​മായ ഒരു സംഗതി​യു​ണ്ടാ​യി. നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ എന്ന പേരി​ലുള്ള ഒരു പുതിയ ലഘുപ​ത്രിക പ്രകാ​ശനം ചെയ്യു​ന്ന​താ​യി പ്രഖ്യാ​പി​ച്ചു​കൊ​ണ്ടു പ്രസം​ഗകൻ സദസ്യരെ ആനന്ദപു​ള​കി​ത​രാ​ക്കി. പ്രിയ​പ്പെട്ട ഒരാളു​ടെ മരണത്തെ തുടർന്നു പൊന്തി​വ​രുന്ന വിചാ​ര​വി​കാ​രങ്ങൾ മനസ്സി​ലാ​ക്കാ​നും അതിനു പോം​വ​ഴി​കാ​ണാ​നും ദുഃഖി​ക്കു​ന്ന​വരെ സഹായി​ക്കുന്ന അനേകം കാര്യങ്ങൾ 32 പേജുള്ള ഈ മുഴു​വർണ പ്രസി​ദ്ധീ​ക​രണം പറയുന്നു. മരണദുഃ​ഖ​മ​നു​ഭ​വി​ക്കു​ന്ന​വ​രോട്‌ എന്തു പറയണ​മെന്ന ചിന്താ​കു​ഴപ്പം നിങ്ങൾക്ക്‌ എന്നെങ്കി​ലു​മു​ണ്ടാ​യി​ട്ടു​ണ്ടോ? ദുഃഖി​ക്കു​ന്ന​വരെ നമുക്ക്‌ എങ്ങനെ സഹായി​ക്കാ​മെന്ന്‌ ഈ ലഘുപ​ത്രി​ക​യു​ടെ ഒരു ഭാഗം ചർച്ച​ചെ​യ്യു​ന്നു. പ്രസംഗകനു ചെവി​ചാ​യ്‌ക്കു​മ്പോൾതന്നെ സദസ്സി​ലുള്ള അനേക​രും ഈ പുതിയ ലഘുപ​ത്രി​ക​യിൽനി​ന്നു പ്രയോ​ജ​ന​മ​നു​ഭ​വി​ക്കാൻ കഴിയു​ന്ന​വ​രെ​ക്കു​റി​ച്ചു ചിന്തി​ക്കു​ക​യാ​യി​രു​ന്നു.

‘ദൈവിക ഭയഭക്ത്യാ​ദ​ര​ങ്ങ​ളോ​ടെ വിശു​ദ്ധ​സേ​വനം അർപ്പി​ക്കുക’

രണ്ടാം ദിവസത്തെ പ്രതി​പാ​ദ്യ​വി​ഷയം അതായി​രു​ന്നു. അത്‌ എബ്രായർ 12:28-നെ ആസ്‌പ​ദ​മാ​ക്കി​യു​ള്ള​താ​യി​രു​ന്നു. രാവി​ലത്തെ കാര്യ​പ​രി​പാ​ടി​യിൽ “യഹോ​വാ​ഭ​യ​ത്തിൽ നടക്കുന്ന സഭകൾ” എന്ന രണ്ടാമത്തെ സിം​പോ​സി​യം നടത്ത​പ്പെട്ടു. യോഗ​ങ്ങ​ളിൽ ഹാജരാ​കു​ന്ന​തി​നെ​ക്കു​റി​ച്ചു​ള്ള​താ​യി​രു​ന്നു ആദ്യഭാ​ഗം. യോഗ​ങ്ങ​ളി​ലെ നമ്മുടെ സാന്നി​ധ്യം ദൈവ​ത്തോ​ടും അവന്റെ ആത്മീയ കരുത​ലു​ക​ളോ​ടു​മുള്ള നമ്മുടെ ആദരവി​നെ പ്രകട​മാ​ക്കു​ന്നു. ഹാജരാ​കു​ന്ന​തി​നാൽ നാം അവന്റെ നാമത്തെ ഭയപ്പെ​ടു​ന്നു​വെ​ന്നും അവന്റെ ഇഷ്ടം അനുസ​രി​ക്കു​ന്ന​തിൽ അതീവ തത്‌പ​ര​രാ​ണെ​ന്നും പ്രകട​മാ​ക്കു​ന്നു. (എബ്രായർ 10:24, 25) സഭ മൊത്ത​ത്തിൽ യഹോ​വാ​ഭ​യ​ത്തിൽ നടക്കു​ന്ന​തിന്‌ ഓരോ വ്യക്തി​യും നല്ല നടത്ത പാലി​ക്കു​ന്ന​തിൽ തന്റെ പങ്കു നിർവ​ഹി​ക്ക​ണ​മെന്നു രണ്ടാമത്തെ പ്രസം​ഗകൻ വിശദീ​ക​രി​ച്ചു. സകല ക്രിസ്‌ത്യാ​നി​കൾക്കു​മുള്ള പദവി​യെ​യും കർത്തവ്യ​ത്തെ​യും കുറിച്ച്‌—മുടക്കം കൂടാതെ സുവാർത്ത ഘോഷി​ക്കു​ന്ന​തി​നെ​ക്കു​റിച്ച്‌—ഒടുവി​ലത്തെ പ്രസം​ഗകൻ സംസാ​രി​ച്ചു. നാം എത്രനാൾവരെ അനുസ്യൂ​തം പ്രസം​ഗി​ക്കും? മതി എന്ന്‌ യഹോവ പറയു​ന്ന​തു​വരെ.—യെശയ്യാ​വു 6:11.

അടുത്ത പ്രസം​ഗ​ത്തി​ന്റെ വിഷയം, ഈ മാസി​ക​യി​ലെ അധ്യയന ലേഖന​ങ്ങ​ളിൽ കൊടു​ത്തി​രി​ക്കുന്ന “യഹോ​വ​യു​ടെ സന്തോഷം നിങ്ങളു​ടെ ശക്തി​കേ​ന്ദ്ര​മാ​കു​ന്നു” എന്ന പ്രതി​പാ​ദ്യ​വി​ഷ​യ​ത്തി​ലു​ള്ള​താ​യി​രു​ന്നു. (നെഹെ​മ്യാവ്‌ 8:10, NW) യഹോ​വ​യു​ടെ ജനം സന്തോ​ഷ​മു​ള്ള​വ​രാ​യി​രി​ക്കു​ന്നത്‌ എന്തു​കൊണ്ട്‌? പ്രസം​ഗകൻ അനേക കാരണങ്ങൾ പ്രതി​പാ​ദി​ക്കു​ക​യു​ണ്ടാ​യി. യഹോ​വ​യു​മാ​യുള്ള ഉററബന്ധം നമ്മെ ഭൂമി​യിൽ ഏററവും സന്തോ​ഷ​മുള്ള ജനമാ​ക്കി​ത്തീർക്കു​ന്നു​വെ​ന്നതു പ്രത്യേ​കം ശ്രദ്ധേ​യ​മാണ്‌. യഹോവ യേശു​ക്രി​സ്‌തു​വി​ലേക്ക്‌ ആകർഷിച്ച ജനത്തിൽപ്പെ​ട്ട​വ​രാ​യി​രി​ക്കു​ന്ന​തി​നുള്ള പദവി നമുക്കുണ്ട്‌ എന്നു പ്രസം​ഗകൻ സമ്മേളി​തരെ ഓർമി​പ്പി​ച്ചു. (യോഹ​ന്നാൻ 6:44) സന്തോ​ഷി​ക്കു​ന്ന​തിന്‌ എത്ര ശക്തമായ കാരണം!

ഓരോ കൺ​വെൻ​ഷ​ന്റെ​യും സവിശേഷ സംഭവം സ്‌നാ​പ​ന​മാ​ണ​ല്ലോ, “ദൈവഭയ” കൺ​വെൻ​ഷൻ അതിൽനിന്ന്‌ ഒഴിവു​ള്ള​താ​യി​രു​ന്നില്ല. “യഹോ​വാ​ഭ​യ​ത്തി​ലുള്ള സമർപ്പ​ണ​വും സ്‌നാ​പ​ന​വും” എന്ന പ്രസം​ഗ​ത്തിൽ, സ്‌നാ​പ​ന​മേററ എല്ലാവ​രു​ടെ​യും വ്യക്തി​പ​ര​മായ കടപ്പാ​ടു​കൾ ചതുർവി​ധ​മാ​ണെന്നു പ്രസം​ഗകൻ വിശദീ​ക​രി​ച്ചു: (1) ദൈവ​വ​ചനം മനസ്സി​ലാ​ക്കാൻ നമ്മെ സഹായി​ക്കുന്ന പ്രസി​ദ്ധീ​ക​ര​ണ​ങ്ങ​ളു​ടെ സഹായ​ത്തോ​ടെ നാമതു പഠിക്കു​ക​യും ബാധക​മാ​ക്കു​ക​യും ചെയ്യണം; (2) നാം പ്രാർഥി​ക്കണം; (3) സഭാ​യോ​ഗ​ങ്ങ​ളിൽ സഹവി​ശ്വാ​സി​ക​ളു​മാ​യി നാം സഹവസി​ക്കണം; (4) യഹോ​വ​യു​ടെ നാമത്തി​നും രാജ്യ​ത്തി​നും നാം സാക്ഷ്യം വഹിക്കണം.

“യഹോവ ഉപേക്ഷി​ക്കാത്ത ഒരു ജനം” എന്ന ഉറപ്പേ​കുന്ന വിഷയത്തെ ആസ്‌പ​ദ​മാ​ക്കി​ക്കൊണ്ട്‌ ശനിയാഴ്‌ച ഉച്ചകഴി​ഞ്ഞുള്ള കാര്യ​പ​രി​പാ​ടി ആരംഭി​ച്ചു. മുപ്പത്തഞ്ചു നൂററാ​ണ്ടു​കൾക്കു മുമ്പു ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനമായ ഇസ്രാ​യേ​ല്യർ പ്രയാ​സ​കാ​ലങ്ങൾ അഭിമു​ഖീ​ക​രി​ച്ചു​കൊ​ണ്ടി​രു​ന്ന​പ്പോൾ അവരു​മാ​യുള്ള തന്റെ ബന്ധം സംബന്ധി​ച്ചു യഹോവ ഇങ്ങനെ പറഞ്ഞു​കൊ​ണ്ടു മോശ മുഖാ​ന്തരം ഒരു ഉറപ്പു നൽകി: “നിന്റെ ദൈവ​മായ യഹോവ . . . നിന്നെ കൈവി​ടു​ക​യില്ല, ഉപേക്ഷി​ക്ക​യു​മില്ല.” (ആവർത്ത​ന​പു​സ്‌തകം 31:6) ഇസ്രാ​യേൽ വാഗ്‌ദ​ത്ത​ദേ​ശത്തു പ്രവേ​ശിച്ച്‌ അതിനെ കൈവ​ശ​പ്പെ​ടു​ത്തി​യ​പ്പോൾ, അവരെ സംരക്ഷി​ച്ചു​കൊ​ണ്ടു യഹോവ ആ ഉറപ്പി​നോ​ടു വിശ്വ​സ്‌തത പാലിച്ചു. ഇന്ന്‌ യഹോ​വ​യോ​ടു പററി​നിൽക്കു​ക​യും അവന്റെ വചനത്തി​ന്റെ ഉപദേശം അനുസ​രി​ക്കു​ക​യും ചെയ്യു​ന്ന​പക്ഷം പ്രശ്‌ന​ങ്ങളെ അഭിമു​ഖീ​ക​രി​ക്കു​മ്പോൾ അവൻ നമ്മെ ഉപേക്ഷി​ക്കു​ക​യി​ല്ലെന്നു നമുക്കും പൂർണ ഉറപ്പു​ള്ള​വ​രാ​യി​രി​ക്കാൻ കഴിയും.

നിങ്ങൾക്കു ബൈബിൾ വായന​യിൽ എങ്ങനെ ആനന്ദം കണ്ടെത്താ​നാ​വും? “ദൈവ​വ​ച​ന​മായ വിശു​ദ്ധ​ബൈ​ബിൾ ദിവസ​വും വായി​ക്കുക” എന്ന പ്രസം​ഗ​ത്തിൽ, ബൈബിൾ വായി​ക്കു​മ്പോൾ ജിജ്ഞാ​സാ​ഭ​രി​ത​മായ മനസ്സു​ണ്ടാ​യി​രി​ക്കു​ന്ന​തി​നു പുറമേ പിൻവ​രു​ന്ന​തു​പോ​ലുള്ള ചോദ്യ​ങ്ങൾ ചോദി​ക്കാ​നും പ്രസം​ഗകൻ നിർദേ​ശി​ച്ചു: ഈ വിവരണം യഹോ​വ​യു​ടെ ഗുണങ്ങ​ളെ​യും വഴിക​ളെ​യും കുറിച്ച്‌ എന്നെ എന്തു പഠിപ്പി​ക്കു​ന്നു? ഈ കാര്യ​ങ്ങ​ളിൽ എനിക്ക്‌ എങ്ങനെ കൂടു​ത​ലാ​യി യഹോ​വ​യെ​പ്പോ​ലാ​യി​രി​ക്കാൻ കഴിയും? ഈ വിധത്തിൽ ബൈബിൾ വായി​ക്കു​ന്നത്‌ ആനന്ദക​ര​വും പ്രതി​ഫ​ല​ദാ​യ​ക​വു​മായ ഒരു അനുഭ​വ​മാണ്‌.

പരിപാ​ടി​യിൽ, അടുത്ത​താ​യി “യഹോ​വയെ ഭയപ്പെടു​ന്ന​വരെ സഹായി​ക്കാ​നുള്ള കരുത​ലു​കൾ” എന്ന മൂന്നാ​മത്തെ സിം​പോ​സി​യ​ത്തി​ലേക്കു ശ്രദ്ധ കേന്ദ്രീ​ക​രി​ക്കു​ക​യു​ണ്ടാ​യി. തന്റെ ദാസൻമാർക്കു​വേണ്ടി യഹോവ ഇന്ന്‌ അത്ഭുതങ്ങൾ പ്രവർത്തി​ക്കു​ന്നി​ല്ലെ​ങ്കി​ലും അവനെ ഭയപ്പെ​ടു​ന്ന​വരെ അവൻ തീർച്ച​യാ​യും സഹായി​ക്കു​ന്നു. (2 പത്രൊസ്‌ 2:9) ഈ ദുർഘ​ട​മായ കാലങ്ങ​ളിൽ നമ്മെ സഹായി​ക്കാൻ യഹോ​വ​യിൽനി​ന്നുള്ള നാലു കരുത​ലു​ക​ളെ​ക്കു​റിച്ച്‌ ഈ സിം​പോ​സി​യം പരിചി​ന്തി​ക്കു​ക​യു​ണ്ടാ​യി: (1) തന്റെ ആത്മാവു മുഖാ​ന്തരം അവൻ നമ്മുടെ സ്വന്തം ശക്തിക്ക​തീ​ത​മായ പ്രവൃ​ത്തി​കൾ നിർവ​ഹി​ക്കാൻ നമ്മെ ശക്തരാ​ക്കു​ന്നു. (2) തന്റെ വചനം മുഖാ​ന്തരം അവൻ നമുക്കു ബുദ്ധ്യു​പ​ദേ​ശ​വും മാർഗ​ദർശ​ന​വും പ്രദാനം ചെയ്യുന്നു. (3) മറുവില മുഖാ​ന്തരം അവൻ നമുക്ക്‌ ഒരു ശുദ്ധമ​നഃ​സാ​ക്ഷി നൽകുന്നു. (4) തന്റെ സ്ഥാപനം മുഖാ​ന്തരം, മൂപ്പൻമാ​രുൾപ്പെടെ, അവൻ നമുക്കു മാർഗ​നിർദേ​ശ​വും സംരക്ഷ​ണ​വും നൽകുന്നു. (ലൂക്കൊസ്‌ 11:13; എഫെസ്യർ 1:7; 2 തിമൊ​ഥെ​യൊസ്‌ 3:16; എബ്രായർ 13:17) ഈ കരുത​ലു​കൾ പൂർണ​മാ​യി പ്രയോ​ജ​ന​പ്പെ​ടു​ത്തു​ന്ന​തി​ലൂ​ടെ നമുക്കു സഹിച്ചു നിൽക്കു​ന്ന​തി​നും അങ്ങനെ യഹോ​വ​യു​ടെ അംഗീ​കാ​രം നേടി​യെ​ടു​ക്കു​ന്ന​തി​നും കഴിയും.

ശനിയാ​ഴ്‌ച ഉച്ചകഴി​ഞ്ഞുള്ള ഒടുവി​ലത്തെ പ്രസംഗം മലാഖി​യു​ടെ പ്രവച​നത്തെ അടിസ്ഥാ​ന​പ്പെ​ടു​ത്തി​യു​ള്ള​താ​യി​രു​ന്നു. ‘യഹോ​വ​യു​ടെ ഭയജന​ക​മായ ദിവസം അടുത്തി​രി​ക്കു​ന്നു’ എന്നായി​രു​ന്നു അതിന്റെ ശീർഷകം. ചരി​ത്ര​ത്തി​ലെ കഴിഞ്ഞ കാലങ്ങ​ളിൽ, പൊ.യു. (പൊതു​യു​ഗം) 70-ൽ യെരു​ശ​ലേ​മി​നെ​തി​രെ ന്യായ​വി​ധി നടപ്പാ​ക്കി​യ​പ്പോൾ സംഭവി​ച്ച​പോ​ലെ, ഭയജന​ക​മായ ദിനങ്ങൾ ഉണ്ടായി​ട്ടുണ്ട്‌. എന്നാൽ മുഴു മനുഷ്യ​വർഗ​വും അനുഭ​വി​ക്കുന്ന ഏററവും ഭയജന​ക​മായ ദിവസം “ദൈവത്തെ അറിയാ​ത്ത​വർക്കും നമ്മുടെ കർത്താ​വായ യേശു​വി​ന്റെ സുവി​ശേഷം അനുസ​രി​ക്കാ​ത്ത​വർക്കും പ്രതി​കാ​രം കൊടു​ക്കു”ന്ന ദിവസം ആയിരി​ക്കും. (2 തെസ്സ​ലൊ​നീ​ക്യർ 1:6-8) അത്‌ എത്ര പെട്ടെ​ന്നാ​യി​രി​ക്കും? പ്രസം​ഗകൻ ഇങ്ങനെ പ്രസ്‌താ​വി​ച്ചു: “അന്ത്യം സമീപി​ച്ചി​രി​ക്കു​ന്നു! ആ നാളും നാഴി​ക​യും യഹോ​വ​ക്ക​റി​യാം. അവൻ അവന്റെ സമയപ്പ​ട്ടി​ക​യിൽ മാററം വരുത്തു​ക​യില്ല. ക്ഷമയോ​ടെ സഹിക്കാൻ നാം ആഹ്വാനം ചെയ്യ​പ്പെ​ട്ടി​രി​ക്ക​യാണ്‌.”

രണ്ടു ദിവസം പിന്നിട്ടു കഴിഞ്ഞു​വെന്നു വിശ്വ​സി​ക്കാൻ പ്രയാ​സം​തോ​ന്നി. ഒടുവി​ലത്തെ ദിനം എന്തായി​രി​ക്കും ഒരുക്കി​യി​രി​ക്കു​ന്നത്‌?

“ദൈവത്തെ ഭയപ്പെട്ടു അവന്നു മഹത്വം കൊടു​പ്പിൻ”

മൂന്നാ​മത്തെ ദിവസത്തെ പ്രതി​പാ​ദ്യ​വി​ഷയം വെളി​പ്പാ​ടു 14:7-നെ അടിസ്ഥാ​ന​പ്പെ​ടു​ത്തി​യു​ള്ള​താ​യി​രു​ന്നു. രാവി​ലത്തെ കാര്യ​പ​രി​പാ​ടി​യിൽ, യഹോ​വ​യു​ടെ സാക്ഷി​കളെ മററു മതസ്ഥാ​പ​ന​ങ്ങ​ളിൽനി​ന്നു വ്യത്യ​സ്‌ത​മാ​ക്കി​നിർത്തുന്ന സിദ്ധാ​ന്ത​പ​ര​മായ ചില പഠിപ്പി​ക്ക​ലു​ക​ളെ​പ്പ​ററി പല പ്രസം​ഗ​ങ്ങ​ളും വിശേ​ഷ​വ​ത്‌ക​രി​ക്കു​ക​യു​ണ്ടാ​യി.

“നീതി​മാൻമാ​രു​ടെ ഒരു പുനരു​ത്ഥാ​നം ഉണ്ടായി​രി​ക്കും” എന്ന പ്രസം​ഗ​ത്തിൽ പ്രസം​ഗകൻ രസകര​മായ ഒരു ചോദ്യം ഉന്നയിച്ചു: “ആയിര​വർഷ ന്യായ​വി​ധി ദിവസ​ത്തിൽ, സാത്താന്റെ വ്യവസ്ഥി​തി​യു​ടെ ഈ അന്തിമ വർഷങ്ങ​ളിൽ വിശ്വ​സ്‌ത​രാ​യി മരിച്ചവർ എപ്പോ​ഴാ​ണു പുനരു​ത്ഥാ​നം പ്രാപി​ക്കുക?” ഉത്തരമോ? “ബൈബിൾ പറയു​ന്നില്ല. എന്നിരു​ന്നാ​ലും, നമ്മുടെ നാളിൽ മരിക്കു​ന്നവർ, ന്യായ​വി​ധി ദിവസ​ത്തിൽ ഉടനീളം നടക്കാ​നുള്ള ബൃഹത്തായ വിദ്യാ​ഭ്യാ​സ​പ്ര​വർത്ത​ന​ത്തിൽ മഹോ​പ​ദ്രവ അതിജീ​വ​ക​രോ​ടൊ​പ്പം പങ്കെടു​ക്കു​ന്ന​തി​നു നേരത്തെ ഉയിർപ്പി​ക്ക​പ്പെ​ടു​ന്നതു ന്യായ​യു​ക്ത​മല്ലേ? തീർച്ച​യാ​യും അതേ!” പ്രസം​ഗകൻ വിശദീ​ക​രി​ച്ചു. അതിജീ​വകർ ഉണ്ടായി​രി​ക്കു​മോ? തീർച്ച​യാ​യും ഉണ്ടായി​രി​ക്കും. ഇതേപ്പ​ററി നമുക്ക്‌ ഉറപ്പു​നൽകുന്ന ബൈബിൾ പഠിപ്പി​ക്ക​ലു​ക​ളും ഉദാഹ​ര​ണ​ങ്ങ​ളും, “മഹോ​പ​ദ്ര​വ​ത്തി​ലൂ​ടെ ജീവ​നോ​ടെ രക്ഷിക്ക​പ്പെ​ടു​ന്നു” എന്ന അടുത്ത പ്രസം​ഗ​ത്തിൽ വ്യക്തമാ​യി നൽക​പ്പെട്ടു.

ബൈബിൾ രണ്ടു ലക്ഷ്യങ്ങൾ വെച്ചു​നീ​ട്ടു​ന്നു​വെന്നു യഹോ​വ​യു​ടെ സാക്ഷികൾ നേര​ത്തെ​തന്നെ മനസ്സി​ലാ​ക്കി​യി​ട്ടു​ള്ള​താണ്‌—അസംഖ്യം ലക്ഷങ്ങൾക്ക്‌ ഒരു പറുദീ​സാ​ഭൂ​മി​യിൽ നിത്യ​ജീ​വ​നും ക്രിസ്‌തു​വി​നോ​ടൊ​പ്പം അവന്റെ രാജ്യ​ത്തിൽ വാഴാൻ പോകുന്ന ഒരു പരിമിത സംഖ്യ​യ്‌ക്ക്‌ സ്വർഗ​ത്തിൽ അമർത്ത്യ​ജീ​വ​നും. “ചെറിയ ആട്ടിൻകൂ​ട്ടമേ, ഭയപ്പെ​ട​രുത്‌” എന്ന പ്രസം​ഗ​ത്തിൽ സ്വർഗീയ പ്രത്യാ​ശ​യെ​പ്പ​ററി ചർച്ച​ചെ​യ്‌തു. (ലൂക്കൊസ്‌ 12:32) ഇപ്പോ​ഴത്തെ ലോകാ​വ​സ്ഥ​ക​ളിൽ ചെറിയ ആട്ടിൻകൂ​ട്ടം നിർഭ​യ​രാ​യി​രി​ക്കണം; ഓരോ​രു​ത്ത​രും അവസാ​ന​ത്തോ​ളം സഹിച്ചു​നിൽക്കണം. (ലൂക്കൊസ്‌ 21:19) “അവരുടെ നിർഭ​യ​ത്വം മഹാപു​രു​ഷാ​ര​ത്തിൽപ്പെ​ട്ട​വരെ പ്രോ​ത്സാ​ഹി​പ്പി​ക്കാൻ ഉതകുന്നു. ഭൂമി​യിൽ അറിയ​പ്പെ​ട്ടി​ട്ടു​ള്ള​തി​ലേ​ക്കും ഏററവും വലിയ കുഴപ്പ​ത്തി​ന്റെ കാലത്ത്‌ വിടുതൽ പ്രതീ​ക്ഷി​ക്കവേ അവരും നിർഭ​യ​ത്വ​ത്തി​ന്റെ ഒരു മനോ​ഭാ​വം നട്ടുവ​ളർത്തണം” എന്നു പ്രസം​ഗകൻ പറഞ്ഞു.

രാവി​ല​ത്തെ കാര്യ​പ​രി​പാ​ടി​യു​ടെ സമാപ​ന​ത്തിൽ, നിങ്ങൾ അഭിമു​ഖീ​ക​രി​ക്കുന്ന തിര​ഞ്ഞെ​ടു​പ്പു​കൾ എന്ന ബൈബിൾ നാടകം സദസ്യർ ആനന്ദഭ​രി​ത​രാ​യി വീക്ഷിച്ചു. യോശു​വ​യു​ടെ നാളു​ക​ളി​ലും പ്രവാ​ച​ക​നായ ഏലിയാ​വി​ന്റെ നാളു​ക​ളി​ലും ഇസ്രാ​യേ​ല്യർ നിർണാ​യ​ക​സ​ന്ധി​യിൽ ആയിരു​ന്നു. ഒരു തിര​ഞ്ഞെ​ടു​പ്പു നടത്തേ​ണ്ടി​യി​രു​ന്നു. “നിങ്ങൾ എത്ര​ത്തോ​ളം രണ്ടു തോണി​യിൽ കാൽവെ​ക്കും? യഹോവ ദൈവം എങ്കിൽ അവനെ അനുഗ​മി​പ്പിൻ; ബാൽ എങ്കിലോ അവനെ അനുഗ​മി​പ്പിൻ” എന്ന്‌ ഏലീയാ​വു പറഞ്ഞു. (1 രാജാ​ക്കൻമാർ 18:21) ഇന്നും മനുഷ്യ​വർഗം ഒരു നിർണാ​യ​ക​സ​ന്ധി​യി​ലാണ്‌. രണ്ടു തോണി​യിൽ കാൽവെക്കു​ന്ന​തി​നുള്ള സമയമ​ല്ലിത്‌. ശരിയായ തിര​ഞ്ഞെ​ടുപ്പ്‌ എന്താണ്‌? പുരാതന കാലത്തെ യോശുവ ചെയ്‌ത​തു​തന്നെ. അവൻ പറഞ്ഞു: “ഞാനും എന്റെ കുടും​ബ​വു​മോ, ഞങ്ങൾ യഹോ​വയെ സേവി​ക്കും.”—യോശുവ 24:15.

ഞായറാ​ഴ്‌ച ഉച്ച വളരെ പെട്ടെന്ന്‌ ആയതു​പോ​ലെ തോന്നി. “ഇപ്പോൾ സത്യ​ദൈ​വത്തെ ഭയപ്പെ​ടേ​ണ്ട​തി​ന്റെ കാരണം” എന്ന ശീർഷ​ക​ത്തി​ലുള്ള പരസ്യ​പ്ര​സം​ഗ​ത്തി​ന്റെ സമയമാ​യി. “ദൈവത്തെ ഭയപ്പെട്ടു അവനു മഹത്വം കൊടു​ക്കുക” എന്നു വെളി​പ്പാ​ടു 14:6, 7-ൽ മുഴു മനുഷ്യ​വർഗ​ത്തി​നും ആഹ്വാനം നൽക​പ്പെ​ട്ടി​രി​ക്കു​ന്നു. ഇപ്പോൾ ദൈവത്തെ ഭയപ്പെ​ടേ​ണ്ടത്‌ അടിയ​ന്തി​ര​മാ​യി​രി​ക്കു​ന്നത്‌ എന്തു​കൊണ്ട്‌? എന്തു​കൊ​ണ്ടെ​ന്നാൽ, തിരു​വെ​ഴു​ത്തു തുടർന്നു പറയു​ന്ന​പോ​ലെ, “അവന്റെ ന്യായ​വി​ധി​യു​ടെ നാഴിക വന്നിരി​ക്കു​ന്നു.” ദൈവ​ത്തി​ന്റെ സ്വർഗീയ രാജ്യ​ത്തി​ലെ രാജാ​വാ​യി സിംഹാ​സ​ന​സ്ഥ​നാ​യി​രി​ക്കുന്ന തന്റെ പുത്രൻ മുഖാ​ന്തരം യഹോവ ഇപ്പോ​ഴത്തെ അശുദ്ധ, മത്സരാത്മക വ്യവസ്ഥി​തിക്ക്‌ അവസാനം വരുത്തും. ദൈവത്തെ ഭയപ്പെ​ടു​ന്ന​വർക്ക്‌ ആശ്വാസം കൈവ​രു​ത്തു​ന്ന​തി​നും നമ്മുടെ ഭൗമി​ക​ഭ​വ​നത്തെ രക്ഷിക്കു​ന്ന​തി​നും കാത്തു​സൂ​ക്ഷി​ക്കു​ന്ന​തി​നും ഉള്ള ഏകമാർഗം ഇതു മാത്ര​മാണ്‌ എന്നു പ്രസം​ഗകൻ വിശദ​മാ​ക്കി. ഇത്‌ ഈ വ്യവസ്ഥി​തി​യു​ടെ അന്തിമ നാളു​ക​ളാ​യ​തി​നാൽ നാം ഇപ്പോൾ സത്യ​ദൈ​വത്തെ ഭയപ്പെ​ടേ​ണ്ടത്‌ അടിയ​ന്തി​ര​മാണ്‌!

വാരത്തി​ലെ വീക്ഷാ​ഗോ​പുര അധ്യയന ഭാഗത്തി​ന്റെ സംഗ്ര​ഹ​ത്തെ​ത്തു​ടർന്ന്‌ അവസാ​നത്തെ പ്രസം​ഗകൻ സ്‌റേ​റ​ജി​ലേക്കു വന്നു. കൺ​വെൻ​ഷൻ കാര്യ​പ​രി​പാ​ടി​യു​ടെ ഫലമായി ദൈവ​ഭയം സമ്മേളി​തർക്ക്‌ വലിയ അർഥം കൈവ​രു​ത്തി​യെന്ന്‌ അദ്ദേഹം വിശദീ​ക​രി​ച്ചു. ദൈവത്തെ ഭയപ്പെ​ടു​ന്ന​വർക്കു കൈവ​രുന്ന അനേകം പ്രയോ​ജ​ന​ങ്ങ​ളെ​ക്കു​റിച്ച്‌ അദ്ദേഹം ഊന്നി​പ്പ​റഞ്ഞു. ദിവ്യ​ബോ​ധ​ന​ത്താൽ ഏകീകൃ​തർ എന്ന ഒരു പുതിയ വീഡി​യോ പ്രകാ​ശനം ചെയ്യു​ന്ന​താ​യി പ്രസം​ഗകൻ പ്രഖ്യാ​പി​ച്ചു. അത്‌ 1993-94-ൽ നടന്ന “ദിവ്യ​ബോ​ധന” സാർവ​ദേ​ശീയ ഡിസ്‌ട്രി​ക്‌ററ്‌ കൺ​വെൻ​ഷന്റെ അനുപ​മ​മായ വശങ്ങളെ പ്രദീ​പ്‌ത​മാ​ക്കു​ന്നു. പ്രസംഗം തീരാ​റാ​യ​പ്പോൾ, ‘അടുത്ത വർഷം നമുക്ക്‌ എന്തു പ്രതീ​ക്ഷി​ക്കാ​നാ​വും’ എന്ന്‌ അനേക​രും ചിന്തി​ക്കു​ക​യാ​യി​രു​ന്നു. അനേക സ്ഥലങ്ങളിൽ നടക്കാൻ പോകുന്ന ത്രിദിന ഡിസ്‌ട്രി​ക്‌ററ്‌ കൺ​വെൻ​ഷ​നു​കൾ നമുക്കു പ്രതീ​ക്ഷി​ക്കാ​വു​ന്ന​താണ്‌.

സമാപ​ന​ത്തിൽ പ്രസം​ഗകൻ മലാഖി 3:16 പരാമർശി​ച്ചു. അവിടെ ഇങ്ങനെ പറയുന്നു: “യഹോ​വാ​ഭ​ക്തൻമാർ [“യഹോ​വയെ ഭയപ്പെ​ടു​ന്നവർ,” NW] അന്നു തമ്മിൽ തമ്മിൽ സംസാ​രി​ച്ചു; യഹോവ ശ്രദ്ധ​വെച്ചു കേട്ടു; യഹോ​വാ​ഭ​ക്തൻമാർക്കും അവന്റെ നാമത്തെ സ്‌മരി​ക്കു​ന്ന​വർക്കും വേണ്ടി അവന്റെ സന്നിധി​യിൽ ഒരു സ്‌മര​ണ​പു​സ്‌തകം എഴുതി​വെ​ച്ചി​രി​ക്കു​ന്നു.” യഹോ​വ​യു​ടെ നാമത്തെ സ്‌മരി​ക്കാ​നും അവനെ ദൈവ​ഭ​യ​ത്തോ​ടെ സേവി​ക്കാ​നു​മുള്ള വ്യക്തമായ തീരു​മാ​ന​ത്തോ​ടെ സമ്മേളി​തർ യാത്ര​യാ​യി.

[24-ാം പേജിലെ ചിത്രം]

സ്‌നാപനാർഥികൾ ദൈവ​ഭയം തുടർന്നു പ്രകടി​പ്പി​ക്കേ​ണ്ട​തി​ന്റെ ആവശ്യ​മുണ്ട്‌

[25-ാം പേജിലെ ചിത്രം]

“നിങ്ങൾ അഭിമു​ഖീ​ക​രി​ക്കുന്ന തിര​ഞ്ഞെ​ടു​പ്പു​കൾ” എന്ന നാടകം യഹോ​വയെ സേവി​ക്കുന്ന കാര്യ​ത്തിൽ തീരു​മാ​ന​മെ​ടു​ക്കേ​ണ്ട​തി​ന്റെ ആവശ്യ​ത്തിൽ മതിപ്പു​ള​വാ​കാൻ കേൾവി​ക്കാ​രെ സഹായി​ച്ചു

[26-ാം പേജിലെ ചിത്രം]

“നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ” എന്ന ലഘുപ​ത്രിക കൈപ്പ​റ​റു​ന്ന​തിൽ കൺ​വെൻ​ഷ​നിൽ പങ്കെടു​ത്തവർ ആനന്ദപു​ള​കി​ത​രാ​യി​രു​ന്നു