യുദ്ധമി​ല്ലാത്ത ഒരു ലോകം—എപ്പോൾ?

ആയിര​ത്തി​ത്തൊ​ള്ളാ​യി​ര​ത്തി​നാൽപ്പ​ത്തഞ്ച്‌ ഒക്ടോബർ 24-നായി​രു​ന്നു ഐക്യ​രാ​ഷ്ട്ര​ങ്ങ​ളു​ടെ ചാർട്ടർ പ്രാബ​ല്യ​ത്തിൽ വന്നത്‌. ലോക​സ​മാ​ധാ​ന​ത്തി​നു​വേണ്ടി മനുഷ്യർ രൂപകൽപ്പന ചെയ്‌തി​ട്ടു​ള്ള​തി​ലേ​ക്കും ഏറ്റവും സമഗ്ര​മായ പദ്ധതി​യാ​ണിത്‌. 51 അംഗരാ​ഷ്ട്ര​ങ്ങ​ളോ​ടെ ആരംഭിച്ച ഐക്യ​രാ​ഷ്ട്രങ്ങൾ ലോക​ച​രി​ത്ര​ത്തി​ലെ ഏറ്റവും വലിയ അന്താരാ​ഷ്ട്ര സംഘട​ന​യാ​യി​ത്തീർന്നു. കൂടാതെ, ആദ്യമാ​യി ഒരു അന്താരാ​ഷ്ട്ര സംഘടന സമാധാ​ന​വും സുരക്ഷി​ത​ത്വ​വും സ്ഥാപി​ക്കാ​നും യുദ്ധമി​ല്ലാത്ത ഒരു ലോകം ആനയി​ക്കാ​നും സൈന്യ​ത്തെ അയയ്‌ക്കാൻ കഴിയുന്ന അവസ്ഥ കൈവ​രി​ക്കു​ക​യാ​യി​രു​ന്നു.

ഇന്ന്‌, 185 അംഗരാ​ഷ്ട്ര​ങ്ങ​ളുള്ള ഐക്യ​രാ​ഷ്ട്രങ്ങൾ എക്കാല​ത്തെ​ക്കാ​ളും ശക്തമാണ്‌. അപ്പോൾ, ചരി​ത്ര​ത്തി​ലെ ഏറ്റവും ശക്തമായ അന്താരാ​ഷ്ട്ര സംഘടന അതിന്റെ ഉന്നത ലക്ഷ്യങ്ങൾ മുഴു​വ​നാ​യി കൈവ​രി​ക്കാൻ പരാജ​യ​പ്പെ​ട്ടി​രി​ക്കു​ന്നത്‌ എന്തു​കൊണ്ട്‌?

മതം—ഒരു വലിയ പ്രതി​ബ​ന്ധം

ലോക​കാ​ര്യ​ങ്ങ​ളിൽ മതം വഹിക്കുന്ന പങ്ക്‌ ഒരു വലിയ പ്രതി​ബന്ധം സൃഷ്ടി​ക്കു​ന്നുണ്ട്‌. ഐക്യ​രാ​ഷ്ട്രങ്ങൾ സ്ഥാപി​ത​മാ​യ​തു​മു​തൽ ലോക​ത്തി​ലെ പ്രധാ​ന​പ്പെട്ട മതങ്ങൾ തങ്ങളുടെ പിന്തുണ ആ സംഘട​ന​യ്‌ക്കു വാഗ്‌ദാ​നം ചെയ്‌തി​ട്ടു​ണ്ടെ​ന്നതു വാസ്‌ത​വ​മാണ്‌. അതിന്റെ 50-ാം വാർഷി​കത്തെ പരാമർശി​ക്കവേ, ജോൺ പോൾ II-ാമൻ ഐക്യ​രാ​ഷ്ട്ര​ങ്ങ​ളെ​ക്കു​റി​ച്ചു പറഞ്ഞത്‌ “സമാധാ​നം സ്ഥാപി​ക്കു​ന്ന​തി​നും സംരക്ഷി​ക്കു​ന്ന​തി​നു​മുള്ള അതിവി​ശി​ഷ്ട​മായ ഉപാധി” ആണ്‌ അത്‌ എന്നാണ്‌. മതനേ​താ​ക്ക​ന്മാ​രു​ടെ ആഗോള സമൂഹ​ത്തി​നും അതേ വികാ​ര​ങ്ങൾത​ന്നെ​യാ​ണു​ള്ളത്‌. എന്നാൽ ഐക്യ​രാ​ഷ്ട്ര​ങ്ങൾക്കു മതം ഒരു പ്രതി​ബ​ന്ധ​വും ശല്യവു​മാ​ണെന്ന വസ്‌തുത മറച്ചു​പി​ടി​ക്കാൻ മതത്തി​നും ഗവൺമെൻറി​നും ഇടയി​ലുള്ള നയപര​മായ ഈ ബന്ധത്തിനു സാധി​ക്കില്ല.

ദേശീ​യ​വാ​ദ​പ​ര​മായ പകയെ​യും യുദ്ധങ്ങ​ളെ​യും വംശഹ​ത്യ​യെ​യും പ്രോ​ത്സാ​ഹി​പ്പി​ക്കു​ന്ന​തി​ലോ പിന്തു​ണ​യ്‌ക്കു​ന്ന​തി​ലോ മതത്തിനു നൂറ്റാ​ണ്ടു​ക​ളാ​യി പ്രഥമ സ്ഥാനമാ​ണു​ള്ളത്‌. സമീപ വർഷങ്ങ​ളിൽ, മതതീ​ക്ഷ്‌ണ​ത​യു​ടെ മറവിൽ, അയൽക്കാർ പരസ്‌പരം കൊ​ന്നൊ​ടു​ക്കി. ബാൾക്കൻ പ്രദേ​ശ​ങ്ങ​ളി​ലെ യുദ്ധ​ത്തോ​ടുള്ള ബന്ധത്തിൽ പരക്കെ ഉപയോ​ഗി​ക്ക​പ്പെ​ടുന്ന ഒരു പ്രയോ​ഗ​മുണ്ട്‌—“വർഗീയ വെടി​പ്പാ​ക്കൽ.” എന്നിരു​ന്നാ​ലും, അവിടെ പരസ്‌പരം പ്രകട​മാ​യി​ട്ടുള്ള അക്രമാ​സ​ക്ത​മായ പക വർഗത്തി​ലല്ല, മതബന്ധ​ത്തി​ലാണ്‌ അധിഷ്‌ഠി​ത​മാ​യി​രി​ക്കു​ന്നത്‌. കാരണം അവരിൽ മിക്കവർക്കും ഒരേ വംശീയ വേരു​ക​ളാ​ണു​ള്ളത്‌. അതേ, മുൻ യൂഗോ​സ്ലാ​വി​യ​യിൽ നടന്ന രക്തച്ചൊ​രി​ച്ചി​ലി​ന്റെ ഉത്തരവാ​ദി​ത്വ​ത്തിൽ ഏറിയ​പ​ങ്കും മതം പേറിയേ തീരൂ. അതു തടയാൻ ഐക്യ​രാ​ഷ്ട്ര​ങ്ങൾക്കു കഴിഞ്ഞില്ല.

“വർധി​ച്ചു​വ​രുന്ന മതപോ​രാ​ട്ട​ങ്ങ​ളുള്ള ഒരു ശീതസ​മ​രാ​നന്തര ലോക​ത്തിൽ, സംഗതി അസുഖ​ക​ര​മാ​ണെ​ങ്കിൽക്കൂ​ടി, മതവും വംശഹ​ത്യ​യും സംബന്ധി​ച്ചുള്ള ഒരു പഠനം നടത്തണ​മെ​ന്നതു കൂടുതൽ മുൻഗണന കൊടു​ക്കേണ്ട സംഗതി​ക​ളിൽ ഒന്നായി​രി​ക്കാം” എന്നു മതത്തെ​ക്കു​റി​ച്ചു പഠിപ്പി​ക്കുന്ന ഒരു കോ​ളെജ്‌ പ്രൊ​ഫസർ ഈയിടെ ഉചിത​മാ​യി പ്രസ്‌താ​വി​ച്ചു. ലോക​സ​മാ​ധാ​ന​ത്തി​നുള്ള ശ്രമങ്ങൾക്കു മതം എങ്ങനെ പ്രതി​ബ​ന്ധ​മാ​യി​രി​ക്കു​ന്നു എന്നതു​സം​ബ​ന്ധിച്ച്‌ ഒരു പുതു ഉണർവ്‌ ഇന്നു വ്യക്തമാണ്‌.

“അസഹി​ഷ്‌ണു​താ പ്രകട​ന​ങ്ങ​ളും ലോക​ത്തി​ന്റെ ചില ഭാഗങ്ങ​ളിൽ ഇപ്പോ​ഴും കാണ​പ്പെ​ടുന്ന മതത്തി​ന്റെ​യോ വിശ്വാ​സ​ത്തി​ന്റെ​യോ കാര്യ​ങ്ങ​ളി​ലുള്ള വിവേ​ച​ന​യും നിമി​ത്ത​മുള്ള ഉത്‌ക​ണ്‌ഠ​യാൽ അത്തരം അസഹി​ഷ്‌ണു​തയെ അതിന്റെ എല്ലാ രൂപഭാ​വ​ങ്ങ​ളി​ലും പെട്ടെന്നു നിർമാർജനം ചെയ്യാ​നും മതത്തി​ലോ വിശ്വാ​സ​ത്തി​ലോ അധിഷ്‌ഠി​ത​മായ വിവേ​ച​നയെ തടുത്ത്‌ അതി​നെ​തി​രെ പോരാ​ടാ​നും ആവശ്യ​മായ നടപടി​കൾ കൈ​ക്കൊ​ള്ളാൻ ദൃഢനി​ശ്ചയം ചെയ്‌തി​രി​ക്കു​ന്നു” എന്ന്‌ 1981-ലെ ഒരു യുഎൻ പ്രഖ്യാ​പനം പ്രസ്‌താ​വി​ച്ചു.

തങ്ങളുടെ പ്രഖ്യാ​പ​ന​ത്തോ​ടുള്ള ചേർച്ച​യിൽ, ഐക്യ​രാ​ഷ്ട്രങ്ങൾ 1995 സഹിഷ്‌ണു​താ വർഷമാ​യി പ്രഖ്യാ​പി​ച്ചി​രി​ക്കു​ക​യാണ്‌. എന്നിരു​ന്നാ​ലും, യാഥാർഥ്യ​ബോ​ധ​ത്തോ​ടെ പറയു​ക​യാ​ണെ​ങ്കിൽ, മതത്താൽ ഭിന്നി​ച്ചി​രി​ക്കുന്ന ഒരു ലോക​ത്തിൽ സമാധാ​ന​വും സുരക്ഷി​ത​ത്വ​വും നേടുക എന്നെങ്കി​ലും സാധ്യ​മാ​കു​മോ?

മതത്തിന്റെ ഭാവി

ബൈബി​ളി​ലെ വെളി​പാട്‌ പുസ്‌ത​ക​ത്തി​ലുള്ള ഒരു പ്രവചനം അതിന്‌ ഉത്തരം നൽകു​ന്നുണ്ട്‌. “ഭൂരാ​ജാ​ക്ക​ന്മാ​രു​ടെ മേൽ രാജത്വ​മുള്ള” “ഒരു രാജ്ഞി” എന്നനി​ല​യിൽ ഇരിക്കുന്ന ഒരു പ്രതീ​കാ​ത്മക “മഹാ​വേശ്യ”യെക്കു​റിച്ച്‌ അതു പറയുന്നു. “നിർല​ജ്ജ​മായ ആഡംബ​ര​ത്തിൽ” ജീവി​ക്കുന്ന ഈ വേശ്യ ലോക​ഗ​വൺമെ​ന്റു​ക​ളു​മാ​യി ബന്ധം പുലർത്തു​ന്നു. “കടുഞ്ചു​വ​പ്പു​ള്ളോ​രു മൃഗ”മായി​ട്ടാണ്‌ ഈ ഗവൺമെ​ന്റു​കളെ ചിത്രീ​ക​രി​ച്ചി​രി​ക്കു​ന്നത്‌. ഈ മൃഗത്തി​ന്റെ പുറത്തു​ക​യറി സുഖസ​വാ​രി നടത്തു​ക​യാ​ണു പ്രസ്‌തുത വേശ്യ. (വെളി​പ്പാ​ടു 17:1-5, 18; 18:7, NW) “മഹാബാ​ബി​ലോൻ” എന്ന്‌ അറിയ​പ്പെ​ടുന്ന ഈ ശക്തയായ, അധാർമിക സ്‌ത്രീക്ക്‌ ആ പേർ ലഭിച്ചത്‌ വിഗ്ര​ഹാ​രാ​ധ​നാ​പ​ര​മായ മതത്തിന്റെ പിള്ള​ത്തൊ​ട്ടി​ലായ പുരാതന ബാബി​ലോ​നു​മാ​യുള്ള ബന്ധത്തി​ലാണ്‌. ഗവൺമെ​ന്റു​ക​ളു​ടെ കാര്യ​ങ്ങ​ളിൽ ഇടപഴ​കി​യി​രി​ക്കുന്ന സകല ലോക മതങ്ങ​ളെ​യും ഇന്ന്‌ ഈ വേശ്യ ഉചിത​മാ​യും പ്രതി​നി​ധാ​നം ചെയ്യുന്നു.

കൃത്യ​സ​മ​യത്ത്‌, നടപടി​യെ​ടു​ക്കേ​ണ്ട​തി​നു കാട്ടു​മൃ​ഗ​ത്തി​ന്റെ സൈനി​ക​സ​ജ്ജ​രായ ഘടകങ്ങ​ളു​ടെ ഹൃദയ​ത്തിൽ ദൈവം തോന്നി​പ്പി​ക്കു​മെന്നു വിവരണം തുടർന്നു പറയുന്നു. ഇവർ “വേശ്യയെ ദ്വേഷി​ച്ചു ശൂന്യ​വും നഗ്നവു​മാ​ക്കി അവളുടെ മാംസം തിന്നു​ക​ള​യും; അവളെ തീകൊ​ണ്ടു ദഹിപ്പി​ക്കു​ക​യും ചെയ്യും.” (വെളി​പ്പാ​ടു 17:16)a അങ്ങനെ വ്യാജ​മ​തത്തെ നീക്കി​ക്ക​ള​യാ​നുള്ള ഒരു സൈനി​ക​ദൗ​ത്യ​ത്തി​ലേക്കു ശക്തിയുള്ള രാഷ്ട്ര​ങ്ങളെ നയിച്ചു​കൊണ്ട്‌ യഹോ​വ​യാം ദൈവം​തന്നെ മുൻകൈ എടുത്തി​രി​ക്കും. ലോക​വ്യാ​പക മതവ്യ​വ​സ്ഥി​തി അതിന്റെ ആഡംബ​ര​പൂർവ​ക​മായ അമ്പലങ്ങ​ളും ദേവാ​ല​യ​ങ്ങ​ളും സഹിതം പൂർണ​മാ​യും നശിപ്പി​ക്ക​പ്പെ​ടും. അതോടെ സമാധാ​ന​വും സുരക്ഷി​ത​ത്വ​വും സ്ഥാപി​ക്കു​ന്ന​തി​നു മതത്താ​ലുള്ള തടസ്സം മാറും. എന്നാൽ അപ്പോൾപ്പോ​ലും, യഥാർഥ സമാധാ​ന​വും സുരക്ഷി​ത​ത്വ​വും ഭൂമി​യി​ലു​ണ്ടാ​യി​രി​ക്കു​മോ?

അപൂർണ മനുഷ്യ​പ്ര​കൃ​തി

മതത്തെ നീക്കി​ക്ക​ള​യു​ന്നതു യുദ്ധമി​ല്ലാത്ത ഒരു ലോക​ത്തി​നു വഴി​തെ​ളി​ക്കു​മെ​ന്ന​തി​നു വല്ല ഉറപ്പു​മു​ണ്ടോ? ഇല്ല. വിരോ​ധാ​ഭാ​സ​പ​ര​മായ സ്ഥിതി​വി​ശേഷം ഐക്യ​രാ​ഷ്ട്രങ്ങൾ തുടർന്നും അഭിമു​ഖീ​ക​രി​ക്കും. ഒരുവ​ശത്ത്‌, ആളുകൾ സമാധാ​ന​വും സുരക്ഷി​ത​ത്വ​വും കാംക്ഷി​ക്കും. എന്നാൽ മറ്റൊ​രു​വ​ശത്ത്‌, സമാധാ​ന​ത്തി​നും സുരക്ഷി​ത​ത്വ​ത്തി​നും ഏറ്റവും വലിയ ഭീഷണി ഉയർത്തു​ന്ന​തും ആളുകൾത​ന്നെ​യാ​യി​രി​ക്കും. പക, അഹങ്കാരം, തൻകാ​ര്യ​താ​ത്‌പ​ര്യം, സ്വാർഥത, അറിവി​ല്ലായ്‌മ എന്നിവ​യാണ്‌ എല്ലാ പോരാ​ട്ട​ങ്ങ​ളു​ടെ​യും യുദ്ധങ്ങ​ളു​ടെ​യും മൂലകാ​ര​ണ​മാ​യി​രി​ക്കുന്ന മനുഷ്യ​സ്വ​ഭാ​വ​വി​ശേ​ഷങ്ങൾ.—യാക്കോബ്‌ 4:1-4.

നമ്മുടെ നാളു​ക​ളി​ലെ ആളുകൾ “സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പുപ​റ​യു​ന്ന​വ​രും അഹങ്കാ​രി​ക​ളും ദൂഷക​ന്മാ​രും അമ്മയപ്പ​ന്മാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി”രിക്കു​മെന്നു ബൈബിൾ മുൻകൂ​ട്ടി​പ്പ​റഞ്ഞു.—2 തിമൊ​ഥെ​യൊസ്‌ 3:1-4.

“അനേകം സമൂഹ​ങ്ങ​ളി​ലും കനത്ത തോതിൽ അനുഭ​വ​പ്പെ​ടുന്ന സാമൂ​ഹി​ക​വും ധാർമി​ക​വു​മായ പ്രതി​സ​ന്ധി​യാൽ ലോകം കഷ്ടപ്പെ​ടു​ക​യാണ്‌” എന്നു സെക്ര​ട്ടറി ജനറൽ ബു​ട്രോസ്‌ ബു​ട്രോസ്‌-ഖാലി സമ്മതി​ക്കു​ക​യു​ണ്ടാ​യി. അപൂർണ മനുഷ്യ​പ്ര​കൃ​തി​യു​ടെ ദോഷ​ക​ര​മായ സ്വഭാ​വ​വി​ശേ​ഷ​ങ്ങളെ നിർവീ​ര്യ​മാ​ക്കാൻ എത്രകണ്ട്‌ നയത​ന്ത്ര​പ്ര​വർത്ത​നങ്ങൾ ഉണ്ടായി​രു​ന്നാ​ലും സാധ്യമല്ല.—ഉല്‌പത്തി 8:21-ഉം യിരെ​മ്യാ​വു 17:9-ഉം താരത​മ്യം ചെയ്യുക.

യേശു​ക്രി​സ്‌തു—സമാധാ​ന​പ്ര​ഭു

വ്യക്തമാ​യും, ഐക്യ​രാ​ഷ്ട്ര​ങ്ങൾക്കു ലോക​സ​മാ​ധാ​നം കൈവ​രു​ത്താ​നുള്ള പ്രാപ്‌തി​യില്ല. ഉന്നതമായ ലക്ഷ്യങ്ങ​ളു​ണ്ടെ​ങ്കി​ലും, അതിന്റെ അംഗങ്ങ​ളും അതിനെ പിന്തു​ണ​യ്‌ക്കു​ന്ന​വ​രു​മെ​ല്ലാം അപൂർണ​രായ മനുഷ്യ​രാണ്‌. “മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല” എന്നു ബൈബിൾ പറയുന്നു. (യിരെ​മ്യാ​വു 10:23) മാത്ര​വു​മല്ല, ദൈവം ഈ മുന്നറി​യി​പ്പു നൽകു​ക​യും ചെയ്യുന്നു: “രാജാ​ക്ക​ന്മാ​രിൽ, സഹായി​ക്കാൻ കഴിവി​ല്ലാത്ത മനുഷ്യ​പു​ത്ര​നിൽ, ആശ്രയം​വ​യ്‌ക്ക​രുത്‌.”—സങ്കീർത്തനം 146:3, പി.ഒ.സി. ബൈബിൾ

“സമാധാ​ന​പ്രഭു”വായ തന്റെ പുത്ര​നി​ലൂ​ടെ യഹോവ എന്തു നിവർത്തി​ക്കു​മെന്നു ബൈബിൾ മുൻകൂ​ട്ടി​പ്പ​റ​യു​ന്നു. യെശയ്യാ​വു 9:6, 7 ഇങ്ങനെ പ്രസ്‌താ​വി​ക്കു​ന്നു: “നമുക്കു ഒരു ശിശു ജനിച്ചി​രി​ക്കു​ന്നു; നമുക്കു ഒരു മകൻ നൽക​പ്പെ​ട്ടി​രി​ക്കു​ന്നു; ആധിപ​ത്യം അവന്റെ തോളിൽ ഇരിക്കും; അവന്നു അത്ഭുത​മ​ന്ത്രി, വീരനാം ദൈവം, നിത്യ​പി​താ​വു, സമാധാ​ന​പ്രഭു എന്നു പേർ വിളി​ക്ക​പ്പെ​ടും. അവന്റെ ആധിപ​ത്യ​ത്തി​ന്റെ വർദ്ധ​നെ​ക്കും സമാധാ​ന​ത്തി​ന്നും അവസാനം ഉണ്ടാക​യില്ല.”

50 വർഷത്തെ വിഫല ശ്രമങ്ങ​ളാൽ ലോക​രാ​ഷ്ട്രങ്ങൾ തളർന്നി​രി​ക്കു​ന്നു. വളരെ പെട്ടെ​ന്നു​തന്നെ അവർ വേശ്യാ​തു​ല്യ മതസ്ഥാ​പ​ന​ങ്ങളെ നശിപ്പി​ക്കും. പിന്നെ “രാജാ​ധി​രാ​ജാ​വും കർത്താ​ധി​കർത്താ​വു”മായ യേശു​ക്രി​സ്‌തു​വും അവന്റെ സ്വർഗീയ യോദ്ധാ​ക്ക​ളു​ടെ സൈന്യ​വും എല്ലാ മാനു​ഷ​ഗ​വൺമെ​ന്റു​ക​ളെ​യും നശിപ്പി​ക്കു​ക​യും ദൈവ​ത്തി​ന്റെ പരമാ​ധി​കാ​രത്തെ തള്ളുന്ന​വരെ നിഗ്ര​ഹി​ക്കു​ക​യും ചെയ്യും. (വെളി​പ്പാ​ടു 19:11-21; ദാനീ​യേൽ 2:44 താരത​മ്യം ചെയ്യുക.) ഇതിലൂ​ടെ യഹോ​വ​യാം ദൈവം യുദ്ധമി​ല്ലാത്ത ഒരു ലോകം ആനയി​ക്കും.

[അടിക്കു​റിപ്പ്‌]

[7-ാം പേജിലെ ചതുരം]

ഐക്യരാഷ്ട്രങ്ങളെക്കുറിച്ചുള്ള ക്രിസ്‌തീയ വീക്ഷണം

ബൈബിൾ പ്രവച​ന​ത്തിൽ, മാനു​ഷ​ഗ​വൺമെ​ന്റു​കളെ കാട്ടു​മൃ​ഗ​ങ്ങ​ളാ​യി​ട്ടാ​ണു പലപ്പോ​ഴും പ്രതീ​ക​പ്പെ​ടു​ത്തി​യി​രി​ക്കു​ന്നത്‌. (ദാനീ​യേൽ 7:6, 12, 23; 8:20-22) അതു​കൊണ്ട്‌, പല പതിറ്റാ​ണ്ടു​ക​ളാ​യി വീക്ഷാ​ഗോ​പു​രം മാസിക വെളി​പ്പാ​ടു 13, 17 എന്നീ അധ്യാ​യ​ങ്ങ​ളി​ലെ കാട്ടു​മൃ​ഗ​ങ്ങളെ ഇന്നത്തെ ലൗകിക ഗവൺമെ​ന്റു​ക​ളാ​യി തിരി​ച്ച​റി​യി​ച്ചി​രി​ക്കു​ക​യാണ്‌. ഐക്യ​രാ​ഷ്ട്ര​ങ്ങ​ളും ഇതിലുൾപ്പെ​ടു​ന്നുണ്ട്‌. ഏഴു തലയും പത്തു കൊമ്പു​ക​ളു​മുള്ള കടുഞ്ചു​വ​പ്പു​ള്ളോ​രു മൃഗമാ​യാണ്‌ അതിനെ വെളി​പ്പാ​ടു 17-ാം അധ്യാ​യ​ത്തിൽ ചിത്രീ​ക​രി​ച്ചി​രി​ക്കു​ന്നത്‌.

എന്നിരു​ന്നാ​ലും, ഗവൺമെ​ന്റു​ക​ളോ​ടോ അവയിലെ അധികാ​രി​ക​ളോ​ടോ ഏതെങ്കി​ലും തരത്തി​ലുള്ള അനാദ​രവു കാട്ടു​ന്നത്‌ ഈ തിരു​വെ​ഴു​ത്തു നിലപാ​ടു ന്യായീ​ക​രി​ക്കു​ന്നില്ല. ബൈബിൾ വ്യക്തമാ​യി പ്രസ്‌താ​വി​ക്കു​ന്നു: “ഏതു മനുഷ്യ​നും ശ്രേഷ്‌ഠാ​ധി​കാ​ര​ങ്ങൾക്കു കീഴട​ങ്ങട്ടെ. ദൈവ​ത്താ​ല​ല്ലാ​തെ ഒരധി​കാ​ര​വു​മി​ല്ല​ല്ലോ; ഉള്ള അധികാ​ര​ങ്ങ​ളോ ദൈവ​ത്താൽ നിയമി​ക്ക​പ്പെ​ട്ടി​രി​ക്കു​ന്നു. ആകയാൽ അധികാ​ര​ത്തോ​ടു മറുക്കു​ന്നവൻ ദൈവ​വ്യ​വ​സ്ഥ​യോ​ടു മറുക്കു​ന്നു. മറുക്കു​ന്ന​വ​രോ ശിക്ഷാ​വി​ധി പ്രാപി​ക്കും.”—റോമർ 13:1, 2.

അതു​കൊണ്ട്‌, കർശന​മായ രാഷ്ട്രീയ നിഷ്‌പക്ഷത പാലി​ക്കുന്ന യഹോ​വ​യു​ടെ സാക്ഷികൾ മാനു​ഷ​ഗ​വൺമെ​ന്റു​ക​ളു​ടെ കാര്യ​ങ്ങ​ളിൽ കൈക​ട​ത്തു​ന്നില്ല. അവർ ഒരിക്ക​ലും വിപ്ലവം ഊട്ടി​വ​ളർത്തു​ക​യോ ആഭ്യന്തര നിയമ​ലം​ഘ​ന​പ്ര​വൃ​ത്തി​ക​ളിൽ പങ്കെടു​ക്കു​ക​യോ ചെയ്യു​ന്നില്ല. പകരം, മനുഷ്യ​സ​മൂ​ഹ​ത്തിൽ നിയമ​വും ക്രമസ​മാ​ധാ​ന​വും നടപ്പി​ലാ​ക്കാൻ ഏതെങ്കി​ലും രൂപത്തി​ലുള്ള ഗവൺമെൻറ്‌ അത്യാ​വ​ശ്യ​മാ​ണെന്ന്‌ അവർ അംഗീ​ക​രി​ക്കു​ന്നു.—റോമർ 13:1-7; തീത്തൊസ്‌ 3:1.

ലോക​ത്തി​ലെ മറ്റു ഗവൺമെൻറ്‌ സ്ഥാപന​ങ്ങളെ വീക്ഷി​ക്കു​ന്ന​തു​പോ​ലെ​ത​ന്നെ​യാ​ണു യഹോ​വ​യു​ടെ സാക്ഷികൾ ഐക്യ​രാ​ഷ്ട്ര​ങ്ങളെ വീക്ഷി​ക്കു​ന്ന​തും. ദൈവം അനുവ​ദി​ക്കു​ന്ന​തി​നാ​ലാണ്‌ ഐക്യ​രാ​ഷ്ട്രങ്ങൾ ഇപ്പോ​ഴും സ്ഥിതി​ചെ​യ്യു​ന്നത്‌ എന്ന്‌ അവർ അംഗീ​ക​രി​ക്കു​ന്നു. ബൈബി​ളി​നോ​ടുള്ള യോജി​പ്പിൽ, യഹോ​വ​യു​ടെ സാക്ഷികൾ എല്ലാ ഗവൺമെ​ന്റു​കൾക്കും അർഹി​ക്കുന്ന ആദരവു കൊടു​ക്കു​ക​യും തങ്ങളെ​ക്കൊ​ണ്ടു ദൈവ​ത്തി​നെ​തി​രെ പാപം ചെയ്യി​ക്കാ​ത്തി​ട​ത്തോ​ളം അവയെ അനുസ​രി​ക്കു​ക​യും ചെയ്യുന്നു.—പ്രവൃ​ത്തി​കൾ 5:29.