ഭയം—ഇപ്പോൾ സാധാ​രണം, എന്നാൽ എന്നുമു​ണ്ടാ​യി​രി​ക്കില്ല!

ഭയം വളരെ സാധാ​ര​ണ​മാ​യി​രി​ക്കു​ന്ന​തിൽ ദൈവ​വ​ച​ന​ത്തി​ന്റെ പഠിതാ​ക്കൾ അമ്പരക്കാ​റില്ല. യഹോ​വ​യു​ടെ സാക്ഷികൾ തങ്ങളുടെ ശുശ്രൂ​ഷ​യി​ലൂ​ടെ വ്യാപ​ക​മാ​യി പരസ്യ​പ്പെ​ടു​ത്തി​യി​ട്ടു​ള്ള​തു​പോ​ലെ, മനുഷ്യ​ച​രി​ത്ര​ത്തിൽ വളരെ പ്രത്യേ​ക​ത​ക​ളുള്ള ഒരു കാലത്താ​ണു നാം ജീവി​ക്കു​ന്ന​തെ​ന്നു​ള്ള​തി​നു വളരെ​യ​ധി​കം തെളി​വുണ്ട്‌. വ്യാപ​ക​മായ ഭയം അതിന്റെ ഒരു പ്രത്യേ​ക​ത​യാ​ണെന്നു നിങ്ങൾക്ക​റി​യാം. എന്നാൽ ദീർഘ​കാ​ലം മുമ്പ്‌, നമ്മുടെ കാലത്തിൽ യേശു പ്രത്യേ​കത കണ്ടു അഥവാ അതി​ലേക്ക്‌ അവൻ വിരൽ ചൂണ്ടി. അവന്റെ സാന്നി​ധ്യ​ത്തെ​ക്കു​റി​ച്ചും വ്യവസ്ഥി​തി​യു​ടെ സമാപനം അഥവാ ‘ലോകാ​വ​സാ​നം’ എന്നതി​നെ​ക്കു​റി​ച്ചു​മുള്ള അപ്പോ​സ്‌ത​ല​ന്മാ​രു​ടെ ചോദ്യ​ങ്ങൾക്കു മറുപടി പറയു​ക​യാ​യി​രു​ന്നു യേശു.—മത്തായി 24:3.

യേശു മുൻകൂ​ട്ടി​പ്പ​റ​ഞ്ഞ​തി​ന്റെ ഒരു ഭാഗം ഇതാ:

“ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും. വലിയ ഭൂകമ്പ​വും ക്ഷാമവും മഹാവ്യാ​ധി​ക​ളും അവിട​വി​ടെ ഉണ്ടാകും; ഭയങ്കര​കാ​ഴ്‌ച​ക​ളും ആകാശ​ത്തിൽ മഹാല​ക്ഷ്യ​ങ്ങ​ളും ഉണ്ടാകും.”—ലൂക്കൊസ്‌ 21:10, 11.

“ഭയങ്കര​കാ​ഴ്‌ചക”ളെക്കു​റിച്ച്‌ അവൻ പറഞ്ഞതു നിങ്ങൾ ശ്രദ്ധി​ച്ചോ? പിന്നീട്‌ അതേ മറുപ​ടി​യിൽത്തന്നെ നിങ്ങ​ളെ​യും നിങ്ങളു​ടെ പ്രിയ​പ്പെ​ട്ട​വ​രെ​യും നിർണാ​യ​ക​മാ​യി നേരിട്ടു ബാധി​ച്ചേ​ക്കാ​വുന്ന ഭയത്തെ​ക്കു​റി​ച്ചു ശ്രദ്ധേ​യ​മായ മറ്റൊരു അഭി​പ്രാ​യ​പ്ര​ക​ടനം അവൻ നടത്തു​ക​യു​ണ്ടാ​യി. എന്നാൽ അതിനു ശ്രദ്ധ കൊടു​ക്കു​ന്ന​തി​നു മുമ്പ്‌, നാം അന്ത്യകാ​ല​ത്താ​ണു ജീവി​ക്കു​ന്നത്‌ എന്നുള്ള​തി​ന്റെ കൂടു​ത​ലായ തെളിവു നമുക്കു ചെറു​താ​യൊ​ന്നു പരി​ശോ​ധി​ക്കാം.—2 തിമൊ​ഥെ​യൊസ്‌ 3:1.

യുദ്ധ​ത്തെ​ക്കു​റി​ച്ചുള്ള ന്യായ​മായ ഭയം

സൈനിക പോരാ​ട്ടങ്ങൾ ഭൂമി​യു​ടെ അനേകം ഭാഗങ്ങളെ നശിപ്പി​ച്ചി​രി​ക്കു​ന്നു. ഉദാഹ​ര​ണ​ത്തിന്‌, മധ്യപൂർവ​ദേ​ശത്തെ സമീപ​കാല യുദ്ധത്തി​ന്റെ ഒടുവിൽ കത്തി​ക്കൊ​ണ്ടി​രുന്ന എണ്ണക്കി​ണ​റു​കളെ, “മനുഷ്യ​ന്റെ കയ്യാൽ വരുത്തി​വെ​ച്ചി​ട്ടുള്ള ഏറ്റവും വലിയ പരിസ്ഥി​തി ദുരന്തം” എന്നാണു ജിയോ മാഗസിൻ വിളി​ച്ചത്‌. യുദ്ധങ്ങ​ളിൽ കോടി​ക്ക​ണ​ക്കി​നാ​ളു​കൾ മരിക്കു​ക​യോ അവർക്ക്‌ അംഗ​വൈ​ക​ല്യം സംഭവി​ക്കു​ക​യോ ചെയ്‌തി​ട്ടുണ്ട്‌. ഒന്നാം ലോക​മ​ഹാ​യു​ദ്ധ​ത്തിൽ സംഭവിച്ച ലക്ഷക്കണ​ക്കി​നു സൈനി​ക​രു​ടെ​യും സാധാ​ര​ണ​ക്കാ​രു​ടെ​യും മരണത്തി​നു പുറമേ, രണ്ടാം ലോക​മ​ഹാ​യു​ദ്ധ​ത്തിൽ കൊല്ല​പ്പെ​ട്ടത്‌ 5.5 കോടി ആളുക​ളാണ്‌. ലോകാ​വ​സാ​നം ആസന്നമാ​ണെ​ന്നു​ള്ള​തി​ന്റെ അടയാ​ള​ത്തി​ന്റെ ഒരു ഭാഗ​മെ​ന്ന​നി​ല​യിൽ “ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കു”മെന്നു യേശു പറഞ്ഞു​വെന്ന കാര്യം ഓർമി​ക്കുക.

വംശഹത്യ ചെയ്യാ​നുള്ള—വർഗങ്ങ​ളെ​യോ ജനതക​ളെ​യോ ഒന്നടങ്കം നശിപ്പി​ക്കാ​നുള്ള—മാനു​ഷ​ശ്ര​മ​ങ്ങ​ളെ​യും നാം കണ്ണടച്ചു​ത​ള്ള​രുത്‌. 20-ാം നൂറ്റാ​ണ്ടിൽ മനുഷ്യ​വർഗ​ത്തി​ന്റെ ഞെട്ടി​ക്കുന്ന രക്തപാ​ത​കത്തെ വർധി​പ്പി​ച്ചി​ട്ടു​ള്ള​താ​ണു ലക്ഷക്കണ​ക്കി​നു​വ​രുന്ന അർമേ​നി​യ​ക്കാ​രു​ടെ​യും കമ്പോ​ഡി​യ​ക്കാ​രു​ടെ​യും യഹൂദ​ന്മാ​രു​ടെ​യും യൂ​ക്രേ​നി​യ​ന്മാ​രു​ടെ​യും റുവാ​ണ്ട​ക്കാ​രു​ടെ​യും മറ്റുള്ള​വ​രു​ടെ​യും മരണങ്ങൾ. മതതീ​വ്ര​വാ​ദി​കൾ വംശീയ വിദ്വേ​ഷം ആളിക്ക​ത്തി​ക്കുന്ന ദേശങ്ങ​ളിൽ മനുഷ്യ​ക്ക​ശാ​പ്പു തുടരു​ക​യാണ്‌. അതേ, യുദ്ധങ്ങൾ ഇന്നും ഭൂമിയെ മനുഷ്യ​ര​ക്തം​കൊ​ണ്ടു കുതിർക്കു​ന്നു.

ആധുനിക യുദ്ധങ്ങൾ, പോരാ​ട്ടം അവസാ​നി​ച്ച​തി​നു​ശേഷം പോലും അതിന്റെ ഇരകളെ കൊ​ന്നൊ​ടു​ക്കു​ന്നു. ദൃഷ്ടാ​ന്ത​ത്തിന്‌, വിവേ​ച​നാ​ര​ഹി​ത​മാ​യി മൈനു​കൾ പാകു​ന്ന​തു​തന്നെ പരിഗ​ണി​ക്കുക. മനുഷ്യാ​വ​കാശ നിരീ​ക്ഷണം (Human Rights Watch) എന്ന ഗവേഷക സംഘട​ന​യു​ടെ ഒരു റിപ്പോർട്ട​നു​സ​രിച്ച്‌, “ലോക​മെ​മ്പാ​ടും ആളുകൾക്കു ഭീഷണി ഉയർത്തുന്ന ഏതാണ്ട്‌ പത്തു​കോ​ടി മൈനു​ക​ളുണ്ട്‌.” അത്തരം മൈനു​കൾ ഉപയോ​ഗി​ക്ക​പ്പെട്ട യുദ്ധത്തി​നു ദീർഘ​കാ​ലം ശേഷവും നിർദോ​ഷി​ക​ളായ സ്‌ത്രീ​പു​രു​ഷ​ന്മാർക്കും കുട്ടി​കൾക്കും അവ ആപത്‌ക​ര​മാ​യി​ത്തു​ട​രു​ന്നു. 60-ലധികം രാജ്യ​ങ്ങ​ളി​ലാ​യി കരയിൽ പാകി​യി​രി​ക്കുന്ന മൈനു​കൾ നിമിത്തം ആയിര​ക്ക​ണ​ക്കി​നാ​ളു​കൾ ഓരോ മാസവും മാരക​മാ​യി മുറി​വേൽപ്പി​ക്ക​പ്പെ​ടു​ക​യോ കൊല്ല​പ്പെ​ടു​ക​യോ ചെയ്യു​ന്ന​താ​യി പറയ​പ്പെ​ടു​ന്നു. ജീവനും ശരീര​ത്തി​നും ഭീഷണി​യാ​യി​രി​ക്കുന്ന അത്‌ എന്തു​കൊ​ണ്ടാണ്‌ ആസൂ​ത്രി​ത​മാ​യി നീക്കം​ചെ​യ്യാ​ത്തത്‌? ദ ന്യൂ​യോർക്ക്‌ ടൈംസ്‌ ഇങ്ങനെ റിപ്പോർട്ടു ചെയ്‌തു: “മൈൻ നീക്കം​ചെയ്യൽ ദൗത്യ​ങ്ങ​ളി​ലൂ​ടെ നിർവീ​ര്യ​മാ​ക്കു​ന്ന​വ​യെ​ക്കാൾ കൂടുതൽ മൈനു​ക​ളാണ്‌ ഓരോ ദിവസ​വും പാകു​ന്നത്‌, അതു​കൊണ്ട്‌ മരണനി​രക്കു കുത്തനെ ഉയരുന്നു.”

“വർഷം​തോ​റും 20 കോടി ഡോളർ ലഭിക്കുന്ന” ഒരു ബിസി​ന​സ്സാ​യി​ത്തീർന്നി​രി​ക്കു​ക​യാ​ണു മൈനു​ക​ളു​ടെ ഈ വിൽപ്പന എന്ന്‌ 1993-ലെ ഒരു പത്ര​ലേ​ഖനം റിപ്പോർട്ടു ചെയ്യു​ക​യു​ണ്ടാ​യി. “48 രാജ്യ​ങ്ങ​ളി​ലാ​യി, 340 വ്യത്യസ്‌ത തരം” മൈനു​കൾ “കയറ്റി അയയ്‌ക്കുന്ന, ഏതാണ്ട്‌ 100 കമ്പനി​ക​ളും ഗവൺമെൻറ്‌ ഏജൻസി​ക​ളും” ഇതിൽ ഉൾപ്പെ​ടു​ന്നു. പൈശാ​ചി​ക​മെന്നു പറയട്ടെ, കുട്ടി​കൾക്ക്‌ ആകർഷ​ക​മാ​യി തോന്നാൻ വേണ്ടി കളിപ്പാ​ട്ടങ്ങൾ പോ​ലെ​യാ​ണു ചില മൈനു​കൾ ഉണ്ടാക്കു​ന്നത്‌! മുറി​വേൽപ്പി​ക്കു​ന്ന​തി​നും കൊല്ലു​ന്ന​തി​നും വേണ്ടി നിഷ്‌ക​ള​ങ്ക​രായ കുട്ടി​കളെ ലക്ഷ്യം വെക്കു​ന്ന​തി​നെ​ക്കു​റിച്ച്‌ ഒന്നോർത്തു നോക്കൂ! “രാസ, ജൈവ, ന്യൂക്ലി​യർ യുദ്ധത്തിൽ കൊല്ല​പ്പെ​ട്ടി​ട്ടു​ള്ള​വ​രെ​ക്കാൾ അധികം പേരെ” മൈനു​കൾ “കൊല്ലു​ക​യോ മാരക​മാ​യി മുറി​വേൽപ്പി​ക്കു​ക​യോ” ചെയ്‌തി​ട്ടു​ണ്ടെന്ന്‌ “പത്തു​കോ​ടി സ്‌ഫോ​ടക യന്ത്രസാ​മ​ഗ്രി​കൾ” എന്ന തലക്കെ​ട്ടി​ലുള്ള ഒരു പത്രമു​ഖ​പ്ര​സം​ഗം അവകാ​ശ​പ്പെട്ടു.

എന്നാൽ ലോക​ക​മ്പോ​ള​ത്തിൽ വിൽക്ക​പ്പെ​ടുന്ന, ആളെ​ക്കൊ​ല്ലി ഉത്‌പന്നം മൈനു​കൾ മാത്രമല്ല. അത്യാർത്തി പൂണ്ട ആയുധ ഇടപാ​ടു​കാർ ഭൂവ്യാ​പ​ക​മാ​യി അനേക കോടി ഡോള​റി​ന്റെ ബിസി​ന​സ്സാ​ണു നടത്തു​ന്നത്‌. സെൻറർ ഫോർ ഡിഫൻസ്‌ ഇൻഫർമേഷൻ പ്രസി​ദ്ധീ​ക​രിച്ച ദ ഡിഫൻസ്‌ മോണി​റ്റർ ഇങ്ങനെ റിപ്പോർട്ടു ചെയ്യുന്നു: “കഴിഞ്ഞ ഒരു പതിറ്റാ​ണ്ടിൽ [ഒരു പ്രമുഖ രാഷ്ട്രം] 13,500 കോടി ഡോളർ വിലവ​രുന്ന ആയുധങ്ങൾ കയറ്റി അയച്ചു.” ശക്തമായ ഈ രാഷ്ട്രം “6,300 കോടി ഡോളർ വിലവ​രുന്ന ആയുധ​ങ്ങ​ളു​ടെ ഭീമമായ ഒരു വിൽപ്പ​ന​യ്‌ക്ക്‌ അനുമതി നൽകു​ക​യും സൈനി​ക​സം​ബ​ന്ധ​മായ നിർമാ​ണ​പ്ര​വർത്ത​ന​ങ്ങ​ളിൽ ഏർപ്പെ​ടു​ക​യും 142 രാഷ്ട്ര​ങ്ങൾക്കു പരിശീ​ലനം നൽകു​ക​യും ചെയ്‌തു.” അങ്ങനെ ഭാവി യുദ്ധത്തി​നും മാനു​ഷിക ദുരി​ത​ത്തി​നും ഇപ്പോൾത്തന്നെ കളമൊ​രു​ങ്ങു​ക​യാണ്‌. ദ ഡിഫൻസ്‌ മോണി​റ്റർ പറയു​ന്ന​ത​നു​സ​രിച്ച്‌, “1990-ൽ മാത്രം 50 ലക്ഷമാ​ളു​കൾക്ക്‌ ആയുധ​പ​രി​ശീ​ലനം ലഭിച്ചു, 5,000 കോടി​യി​ല​ധി​കം ഡോളർ ചെലവാ​യി, 2.5 ലക്ഷം ആളുകൾ കൊല്ല​പ്പെട്ടു, അവരിൽ മിക്കവ​രും സാധാ​ര​ണ​ക്കാ​രാ​യി​രു​ന്നു.” ആ വർഷം​മു​തൽ നടമാ​ടി​യി​ട്ടുള്ള അനേകം യുദ്ധങ്ങ​ളെ​ക്കു​റി​ച്ചു നിങ്ങൾക്കു തീർച്ച​യാ​യും ചിന്തി​ക്കാൻ കഴിയും, അതിനി​യും ലക്ഷങ്ങളു​ടെ ഭയത്തി​നും മരണത്തി​നും നിദാ​ന​മാ​യി​ത്തീ​രു​ക​യാണ്‌!

ഭൂമി​ക്കും അതിലെ ജീവനും കൂടുതൽ നാശം

പ്രൊ​ഫസർ ഗാരി കൊമണർ ഇങ്ങനെ മുന്നറി​യി​പ്പു തരുന്നു: “ഭൂമി​യു​ടെ തുടർച്ച​യായ മലിനീ​ക​രണം തടയാതെ വിട്ടാൽ, മനുഷ്യ​ജീ​വനു പറ്റിയ ഒരു സ്ഥലമെന്ന നിലയിൽ ഈ ഗ്രഹത്തി​ന്റെ സുസ്ഥി​തി​യെ അത്‌ അന്തിമ​മാ​യി നശിപ്പി​ക്കു​മെന്നു ഞാൻ വിശ്വ​സി​ക്കു​ന്നു.” ഉൾപ്പെ​ട്ടി​രി​ക്കുന്ന പ്രശ്‌നം അജ്ഞതയല്ല, മറിച്ച്‌ മനഃപൂർവ​മായ അത്യാ​ഗ്ര​ഹ​മാ​ണെന്ന്‌ അദ്ദേഹം തുടർന്നു​പ​റ​യു​ന്നു. മലിനീ​ക​ര​ണത്തെ സംബന്ധിച്ച വർധിച്ച ഭയത്തിൽ നമ്മെ വിട്ടു​കൊണ്ട്‌ ഈ സ്ഥിതി​വി​ശേ​ഷത്തെ നമ്മുടെ നീതി​മാ​നും സ്‌നേ​ഹ​വാ​നു​മായ ദൈവം അനിശ്ചി​ത​കാ​ല​ത്തോ​ളം വെച്ചു​പൊ​റു​പ്പി​ക്കു​മെന്നു നിങ്ങൾ കരുതു​ന്നു​ണ്ടോ? ഭൂമിയെ നശിപ്പി​ക്കു​ന്ന​വ​രോ​ടു കണക്കു ചോദി​ക്കാ​നും അതിനു​ശേഷം ദിവ്യ നടപടി മുഖാ​ന്ത​ര​മുള്ള ഈ ഗ്രഹത്തി​ന്റെ പുനര​ധി​വാ​സ​ത്തി​നു​മാ​യി ഭൂമി​യു​ടെ നശീക​രണം മുറവി​ളി കൂട്ടു​ക​യാണ്‌. ‘ലോകാ​വ​സാന’ത്തെക്കു​റിച്ച്‌ അപ്പോ​സ്‌ത​ല​ന്മാർക്കു മറുപടി കൊടു​ത്ത​പ്പോൾ യേശു പ്രതി​പാ​ദിച്ച കാര്യ​ത്തി​ന്റെ ഒരു ഭാഗമാ​ണിത്‌.

ദൈവം എങ്ങനെ ഒരു കണക്കു​ചോ​ദി​ക്കൽ നടത്തു​മെന്നു പരിചി​ന്തി​ക്കു​ന്ന​തി​നു മുമ്പ്‌, നമുക്കു മനുഷ്യൻ കാട്ടി​ക്കൂ​ട്ടിയ കാര്യ​ങ്ങ​ളെ​ക്കു​റി​ച്ചു കൂടു​ത​ലാ​യി പഠിക്കാം. മനുഷ്യ​ന്റെ അതി​ക്ര​മ​ങ്ങ​ളു​ടെ പട്ടിക​യു​ടെ ഒരംശം എടുത്താൽപോ​ലും അതു ദുഃഖി​പ്പി​ക്കു​ന്ന​താണ്‌: വനമൊ​ന്നാ​കെ നശിപ്പി​ക്കുന്ന അമ്ലമഴ​യും ആർത്തി​പൂണ്ട മരം​വെ​ട്ട​ലും; ന്യൂക്ലി​യർ പാഴ്‌വ​സ്‌തു​ക്ക​ളും വിഷലിപ്‌ത രാസപ​ദാർഥ​ങ്ങ​ളും അഴുക്കു​വ​സ്‌തു​ക്ക​ളും വിവേ​ച​ന​യി​ല്ലാ​തെ കൂനകൂ​ട്ടി​യി​ടൽ; സംരക്ഷ​ക​പാ​ളി​യായ ഓസോ​ണി​ന്റെ ദുർബ​ലീ​ക​രണം; കളനാ​ശി​നി​ക​ളും കീടനാ​ശി​നി​ക​ളും അശ്രദ്ധ​മാ​യി ഉപയോ​ഗി​ക്കൽ തുടങ്ങി​യവ അതിൽപ്പെ​ടു​ന്നു.

ലാഭത്തി​നു വേണ്ടി മറ്റു വിധങ്ങ​ളി​ലും വ്യാവ​സാ​യിക താത്‌പ​ര്യ​ക്കാർ ഭൂമിയെ ദുഷി​പ്പി​ക്കു​ന്നുണ്ട്‌. ദിവസ​വും ടൺകണ​ക്കി​നു പാഴ്‌വ​സ്‌തു​ക്ക​ളാ​ണു നദിക​ളി​ലേ​ക്കും സമു​ദ്ര​ങ്ങ​ളി​ലേ​ക്കും വായു​വി​ലേ​ക്കും മണ്ണി​ലേ​ക്കും തള്ളിവി​ടു​ന്നത്‌. പാഴായ ബഹിരാ​കാശ വസ്‌തു​ക്കൾക്കൊ​ണ്ടു ശാസ്‌ത്ര​ജ്ഞ​ന്മാർ ആകാശത്തെ നിറയ്‌ക്കു​ക​യാണ്‌, അവർ പിന്നീ​ടതു നീക്കം​ചെ​യ്യു​ന്നു​മില്ല. ബഹിരാ​കാ​ശ​ത്തുള്ള പാഴ്‌വ​സ്‌തു​ക്ക​ളു​ടെ ശേഖരം ഭൂമിയെ വലയം ചെയ്യു​ക​യാണ്‌. ഭൂമിക്കു സ്വയം പുതു​ക്കാൻ കഴിയ​ത്ത​ക്ക​വണ്ണം ദൈവം സൃഷ്ടിച്ച സ്വാഭാ​വിക പ്രക്രി​യകൾ ഇല്ലായി​രു​ന്നു​വെ​ങ്കിൽ, നമ്മുടെ ഭൗമഗൃ​ഹം ജീവനെ നിലനിർത്തു​മാ​യി​രു​ന്നില്ല. മാത്രമല്ല തന്റെതന്നെ അവശി​ഷ്ട​ത്തിൽ മനുഷ്യൻ ശ്വാസം​മു​ട്ടി മരിക്കു​ക​യും ചെയ്യു​മാ​യി​രു​ന്നു.

മനുഷ്യൻ മനുഷ്യ​നെ​പ്പോ​ലും മലീമ​സ​മാ​ക്കു​ന്നു. ഉദാഹ​ര​ണ​ത്തിന്‌, പുകയി​ല​യു​ടെ​യും മറ്റു മയക്കു​മ​രു​ന്നു​ക​ളു​ടെ​യും ദുരു​പ​യോ​ഗ​ത്തി​ന്റെ കാര്യ​മെ​ടു​ക്കുക. ഐക്യ​നാ​ടു​ക​ളിൽ അത്തരം പദാർഥ ദുരു​പ​യോ​ഗത്തെ വിളി​ക്കു​ന്നത്‌ “രാജ്യത്തെ ഏറ്റവും വലിയ ആരോ​ഗ്യ​പ്ര​ശ്‌നം” എന്നാണ്‌. അതു നിമിത്തം ആ രാജ്യ​ത്തി​നു പ്രതി​വർഷം 23,800 കോടി ഡോളർ ചെലവുണ്ട്‌. അതിൽ 3,400 കോടി ഡോള​റും “അനാവ​ശ്യ​മായ [അതായത്‌, ഒഴിവാ​ക്കാ​നാ​വുന്ന] ആരോഗ്യ പരിപാ​ലന”ത്തിനാണ്‌ ഉപയോ​ഗി​ക്കു​ന്നത്‌. നിങ്ങൾ താമസി​ക്കു​ന്നി​ടത്തു പണത്തി​ന്റെ​യും ആയുസ്സി​ന്റെ​യും കാര്യ​ത്തിൽ പുകയില ഒടുക്കുന്ന വില​യെ​ന്താ​ണെ​ന്നാ​ണു നിങ്ങൾ ചിന്തി​ക്കു​ന്നത്‌?

ഒരു അവകാ​ശ​മെന്ന മട്ടിൽ അനേക​രും നയിക്കുന്ന അനുവാ​ദാ​ത്മ​ക​വും വഴിപി​ഴ​ച്ച​തു​മായ ജീവി​ത​രീ​തി​കൾ മുഖാ​ന്തരം ഉളവാ​യത്‌ ഭയാന​ക​മായ അളവിൽ ആളുകളെ കൊ​ന്നൊ​ടു​ക്കുന്ന, അനേക​രെ​യും യുവ​പ്രാ​യ​ത്തി​ലേ​തന്നെ ശവക്കു​ഴി​യി​ലെ​ത്തി​ക്കുന്ന, ലൈം​ഗി​ക​മാ​യി പകരുന്ന രോഗ​ങ്ങ​ളാണ്‌. പലരും അകാല​ത്തിൽ മരിക്കാൻ അതു കാരണ​മാണ്‌. പ്രമുഖ നഗരങ്ങ​ളി​ലെ പത്രങ്ങളിലുള്ള ചരമ അറിയി​പ്പു കോളങ്ങൾ, 30-കളിലും 40-കളിലു​മുള്ള അനേക​രു​ടെ മരണം വർധി​ച്ചു​വ​രു​ന്നു​വെന്നു പ്രകട​മാ​ക്കു​ന്ന​താ​യി കണ്ടിട്ടുണ്ട്‌. എന്തു​കൊണ്ട്‌? പലപ്പോ​ഴും അവർ ഹാനി​ക​ര​മായ ശീലങ്ങൾക്ക്‌ അടി​പ്പെ​ടു​ന്നു. ലൈം​ഗി​ക​വും മറ്റുത​ര​ത്തി​ലു​ള്ള​തു​മായ രോഗ​ങ്ങ​ളി​ലെ അത്തരം വർധന​വും യേശു​വി​ന്റെ പ്രവച​ന​ത്തോട്‌ ഒത്തുവ​രു​ന്നു. എന്തു​കൊ​ണ്ടെ​ന്നാൽ, ‘മഹാവ്യാ​ധി​കൾ അവിട​വി​ടെ ഉണ്ടായി​രി’ക്കുമെന്ന്‌ അവൻ പറഞ്ഞു.

എന്നിരു​ന്നാ​ലും, ഏറ്റവും മോശ​മാ​യതു മനുഷ്യ​മ​ന​സ്സി​നും ആത്മാവി​നും, അല്ലെങ്കിൽ മനോ​ഭാ​വ​ത്തിന്‌, ഉണ്ടാകുന്ന മലിനീ​ക​ര​ണ​മാണ്‌. ഞങ്ങൾ ഇപ്പോൾവരെ പ്രതി​പാ​ദി​ച്ച​തരം മലിനീ​ക​ര​ണങ്ങൾ നിങ്ങൾ പരി​ശോ​ധി​ക്കു​ക​യാ​ണെ​ങ്കിൽ, അവയിൽ മിക്കതും മലീമ​സ​മായ മനസ്സു​ക​ളു​ടെ ഫലമാ​യാണ്‌ ഉണ്ടാകു​ന്നത്‌ എന്നതു സത്യമല്ലേ? കൊല​പാ​ത​കങ്ങൾ, ബലാൽസം​ഗങ്ങൾ, കവർച്ചകൾ, ഒരാൾ മറ്റൊ​രാ​ളോ​ടു ചെയ്യുന്ന മറ്റുതരം അക്രമങ്ങൾ എന്നിവ​യു​ടെ രൂപങ്ങ​ളിൽ രോഗ​ഗ്ര​സ്‌ത​മായ മനസ്സുകൾ ഉളവാ​ക്കുന്ന നശിച്ച അവസ്ഥ ഒന്നു പരിചി​ന്തി​ക്കുക. വർഷ​ന്തോ​റും നടത്ത​പ്പെ​ടുന്ന ദശലക്ഷ​ക്ക​ണ​ക്കി​നു ഗർഭച്ഛി​ദ്രങ്ങൾ മാനസി​ക​വും ആത്മീയ​വു​മായ മലിനീ​ക​ര​ണ​ത്തി​ന്റെ ഒരടയാ​ള​മാ​യി പലരും തിരി​ച്ച​റി​യു​ന്നു.

യുവാ​ക്ക​ളു​ടെ മനോ​ഭാ​വ​ത്തി​ലും നാം ധാരാളം കാര്യങ്ങൾ കാണു​ന്നുണ്ട്‌. കുടും​ബ​ത്ത​കർച്ച​യും നിയമ​വാ​ഴ്‌ച​യോ​ടുള്ള എതിർപ്പും വർധി​പ്പി​ക്കുന്ന ഒരു ഘടകമാ​ണു മാതാ​പി​താ​ക്ക​ളു​ടെ അധികാ​ര​ത്തോ​ടും മറ്റു തരത്തി​ലുള്ള അധികാ​ര​ത്തോ​ടു​മുള്ള അനാദ​രവ്‌. അധികാ​ര​ത്തോ​ടുള്ള ആരോ​ഗ്യാ​വ​ഹ​മായ ഭയത്തിന്റെ ഈ അഭാവ​ത്തി​നു യുവാ​ക്ക​ളു​ടെ ആത്മീയ​ത​യി​ല്ലാ​യ്‌മ​യു​മാ​യി ബന്ധമുണ്ട്‌. അതു​കൊണ്ട്‌, പരിണാ​മം, നിരീ​ശ്വ​ര​വാ​ദം, വിശ്വാ​സത്തെ നശിപ്പി​ക്കുന്ന മറ്റു തരത്തി​ലുള്ള സിദ്ധാ​ന്തങ്ങൾ തുടങ്ങി​യവ പഠിപ്പി​ക്കു​ന്നവർ ഗണ്യമായ കുറ്റം പേറു​ന്ന​വ​രാണ്‌. പല മതോ​പ​ദേ​ഷ്ടാ​ക്ക​ന്മാ​രും കുറ്റക്കാ​രാണ്‌. കാരണം, ആധുനി​ക​രും “പ്രചാ​ര​ത്തി​ലി​രി​ക്കു​ന്ന​വ​യു​മാ​യി പൊരു​ത്ത​പ്പെ​ടു​ന്ന​വരു”മായി​രി​ക്കാ​നുള്ള ശ്രമത്തിൽ അവർ ദൈവ​വ​ച​ന​ത്തി​നു പുറന്തി​രി​ഞ്ഞു​ക​ള​ഞ്ഞി​രി​ക്കു​ന്നു. ലോക​ജ്ഞാ​ന​ത്താൽ സ്വാധീ​നി​ക്ക​പ്പെ​ട്ടി​രി​ക്കുന്ന അവരും മറ്റുള്ള​വ​രും പരസ്‌പ​ര​വി​രു​ദ്ധ​മായ മാനു​ഷിക തത്ത്വജ്ഞാ​ന​മാ​ണു പഠിപ്പി​ക്കു​ന്നത്‌.

അതി​ന്റെ​യൊ​ക്കെ ഫലങ്ങൾ ഇന്നു വളരെ വ്യക്തമാണ്‌. ദൈവ​ത്തോ​ടും സഹമനു​ഷ്യ​നോ​ടു​മുള്ള സ്‌നേ​ഹമല്ല, അത്യാ​ഗ്ര​ഹ​വും വിദ്വേ​ഷ​വു​മാണ്‌ ഇന്ന്‌ ആളുകളെ നയിക്കു​ന്നത്‌. മോശ​മായ ഫലം വ്യാപ​ക​മായ അധാർമി​ക​ത​യും അക്രമ​വും ആശയറ്റ അവസ്ഥയു​മാണ്‌. ദുഃഖ​ക​ര​മെന്നു പറയട്ടെ, സത്യസ​ന്ധ​രായ ആളുകളെ ഇത്‌ ഭയത്തിൽ കൊ​ണ്ടെ​ത്തി​ക്കു​ന്നു, അതിൽ മനുഷ്യൻ മനുഷ്യ​നെ​ത്ത​ന്നെ​യും ഈ ഗ്രഹ​ത്തെ​യും നശിപ്പി​ക്കു​മെ​ന്നുള്ള ഭയവു​മുണ്ട്‌.

അതിനി​യും മോശ​മാ​കു​മോ അതോ മെച്ച​പ്പെ​ടു​മോ?

ഭയത്തിന്റെ കാര്യ​ത്തിൽ സമീപ​ഭാ​വി എന്താണു വെച്ചു​നീ​ട്ടു​ന്നത്‌? ഭയം വർധി​ച്ചു​കൊ​ണ്ടി​രി​ക്കു​മോ, അതോ അതിനെ തരണം ചെയ്യാൻ സാധി​ക്കു​മോ? യേശു തന്റെ അപ്പോ​സ്‌ത​ല​ന്മാ​രോ​ടു പറഞ്ഞ കാര്യം നമുക്കു വീണ്ടും പരി​ശോ​ധി​ക്കാം.

സമീപ​ഭാ​വി​യിൽ സംഭവി​ക്കാ​നി​രി​ക്കുന്ന ഒന്നി​ലേക്ക്‌, അതായത്‌ മഹോ​പ​ദ്ര​വ​ത്തി​ലേക്ക്‌, അവൻ വിരൽ ചൂണ്ടി. ഇതാ അവന്റെ വാക്കുകൾ: “ആ കാലത്തി​ലെ കഷ്ടം കഴിഞ്ഞ ഉടനെ സൂര്യൻ ഇരുണ്ടു​പോ​കും; ചന്ദ്രൻ പ്രകാശം കൊടു​ക്കാ​തി​രി​ക്കും; നക്ഷത്രങ്ങൾ ആകാശ​ത്തു​നി​ന്നു വീഴും; ആകാശ​ത്തി​ലെ ശക്തികൾ ഇളകി​പ്പോ​കും. അപ്പോൾ മനുഷ്യ​പു​ത്രന്റെ അടയാളം ആകാശത്തു വിളങ്ങും; അന്നു ഭൂമി​യി​ലെ സകല​ഗോ​ത്ര​ങ്ങ​ളും പ്രലാ​പി​ച്ചും​കൊ​ണ്ടു, മനുഷ്യ​പു​ത്രൻ ആകാശ​ത്തി​ലെ മേഘങ്ങ​ളി​ന്മേൽ മഹാശ​ക്തി​യോ​ടും തേജ​സ്സോ​ടും കൂടെ വരുന്നതു കാണും.”—മത്തായി 24:29, 30.

അതു​കൊണ്ട്‌, മഹോ​പ​ദ്രവം പെട്ടെ​ന്നു​തന്നെ തുടങ്ങു​മെന്നു നമുക്കു പ്രതീ​ക്ഷി​ക്കാം. ലോക​മെ​മ്പാ​ടു​മുള്ള വ്യാജ​മ​ത​ത്തി​ന്മേ​ലുള്ള പ്രതി​കാ​ര​ന​ട​പ​ടി​യാ​യി​രി​ക്കും അതിന്റെ ആദ്യ ഭാഗ​മെന്നു മറ്റു ബൈബിൾ പ്രവച​നങ്ങൾ സൂചി​പ്പി​ക്കു​ന്നു. അതിനു​ശേഷം, ഏതോ തരത്തി​ലുള്ള ആകാശീയ പ്രതി​ഭാ​സം ഉൾപ്പെടെ ഇപ്പോൾ ഉദ്ധരിച്ച ഞെട്ടി​ക്കുന്ന സംഭവ​വി​കാ​സങ്ങൾ അരങ്ങേ​റും. കോടി​ക്ക​ണ​ക്കി​നാ​ളു​ക​ളു​ടെ​മേൽ അതുള​വാ​ക്കുന്ന ഫലം എന്തായി​രി​ക്കും?

ശരി, യേശു​വി​ന്റെ മറുപ​ടി​യു​ടെ സമാന​മായ ഒരു വിവരണം പരിചി​ന്തി​ക്കുക. അവിടെ കൂടുതൽ വിശദ​മായ പ്രാവ​ച​നിക അഭി​പ്രാ​യ​ങ്ങ​ളാ​ണു നാം കാണു​ന്നത്‌:

“സൂര്യ​നി​ലും ചന്ദ്രനി​ലും നക്ഷത്ര​ങ്ങ​ളി​ലും ലക്ഷ്യങ്ങൾ ഉണ്ടാകും; കടലി​ന്റെ​യും ഓളത്തി​ന്റെ​യും മുഴക്കം​നി​മി​ത്തം ഭൂമി​യി​ലെ ജാതി​കൾക്കു നിരാ​ശ​യോ​ടു​കൂ​ടിയ പരി​ഭ്രമം ഉണ്ടാകും. ആകാശ​ത്തി​ന്റെ ശക്തികൾ ഇളകി​പ്പോ​കു​ന്ന​തി​നാൽ ഭൂലോ​ക​ത്തി​ന്നു എന്തു ഭവിപ്പാൻ പോകു​ന്നു എന്നു പേടി​ച്ചും നോക്കി​പ്പാർത്തും​കൊ​ണ്ടു മനുഷ്യർ നിർജ്ജീ​വ​ന്മാർ ആകും.”—ലൂക്കൊസ്‌ 21:25, 26.

അതു നമ്മുടെ തൊട്ടു​മു​ന്നി​ലാണ്‌. നിർജീ​വ​ന്മാർ ആയിത്തീ​രാൻ തക്കവണ്ണം അത്തരം ഭയം എല്ലാവ​രെ​യും ഗ്രസി​ക്കു​ക​യില്ല. നേരേ​മ​റിച്ച്‌, യേശു ഇങ്ങനെ പറഞ്ഞു: “ഇതു സംഭവി​ച്ചു​തു​ട​ങ്ങു​മ്പോൾ നിങ്ങളു​ടെ വീണ്ടെ​ടു​പ്പു അടുത്തു​വ​രു​ന്ന​തു​കൊ​ണ്ടു നിവർന്നു തല പൊക്കു​വിൻ.”—ലൂക്കൊസ്‌ 21:28.

അവൻ പ്രോ​ത്സാ​ഹ​ജ​ന​ക​മായ ആ വാക്കുകൾ ഉരുവി​ട്ടത്‌ തന്റെ യഥാർഥ അനുഗാ​മി​ക​ളോ​ടാ​യി​രു​ന്നു. ഭയത്താൽ നിർജീ​വ​മാ​യി​പ്പോ​കു​ക​യോ തളർന്നു​പോ​കു​ക​യോ ചെയ്യു​ന്ന​തി​നു​പ​കരം, മഹോ​പ​ദ്ര​വ​ത്തി​ന്റെ പാരമ്യം ആസന്നമാ​ണെന്ന്‌ അറിയാ​മെ​ങ്കിൽപോ​ലും, നിർഭ​യ​മാ​യി തങ്ങളുടെ ശിരസ്സ്‌ ഉയർത്താൻ അവർക്കു തീർച്ച​യാ​യും കാരണ​മു​ണ്ടാ​യി​രി​ക്കും. എന്തു​കൊണ്ട്‌ ഭയമില്ല?

കാരണം ഈ മുഴു “മഹോ​പ​ദ്രവ”ത്തെയും അതിജീ​വി​ക്കു​ന്നവർ ഉണ്ടായി​രി​ക്കു​മെന്നു ബൈബിൾ വ്യക്തമാ​യി പറയുന്നു. (വെളി​പാട്‌ 7:14, NW) നാം അതിജീ​വ​ക​രു​ടെ കൂട്ടത്തി​ലാ​ണെ​ങ്കിൽ, ദൈവ​ത്തി​ന്റെ കയ്യിൽനിന്ന്‌ അതുല്യ​മായ അനു​ഗ്ര​ഹങ്ങൾ ആസ്വദി​ക്കാൻ കഴിയു​മെന്ന്‌ അതു വാഗ്‌ദത്തം ചെയ്യുന്ന ഭാഗം പറയുന്നു. യേശു “അവരെ മേച്ചു ജീവജ​ല​ത്തി​ന്റെ ഉറവു​ക​ളി​ലേക്കു നടത്തു​ക​യും ദൈവം താൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​ക​യും ചെയ്യും” എന്ന ഉറപ്പോ​ടെ അത്‌ അവസാ​നി​ക്കു​ന്നു.—വെളി​പ്പാ​ടു 7:16, 17.

അത്തരം അനു​ഗ്ര​ഹങ്ങൾ ആസ്വദി​ക്കാ​നി​രി​ക്കു​ന്ന​വർക്ക്‌, ആളുകളെ ഇന്നു വേട്ടയാ​ടു​ന്ന​തരം ഭയം ഉണ്ടായി​രി​ക്കില്ല. അത്തരക്കാ​രു​ടെ കൂട്ടത്തിൽ നമുക്കും ആയിരി​ക്കാൻ കഴിയും. എന്നാൽ അതി​ന്റെ​യർഥം അവർക്ക്‌ അശേഷം ഭയം ഉണ്ടായി​രി​ക്കില്ല എന്നല്ല, കാരണം നല്ലതും ആരോ​ഗ്യാ​വ​ഹ​വു​മായ ഭയമു​ണ്ടെന്നു ബൈബിൾ കാട്ടി​ത്ത​രു​ന്നു. അത്‌ എന്താ​ണെ​ന്നും അതു നമ്മെ എങ്ങനെ ബാധി​ക്ക​ണ​മെ​ന്നും പിൻവ​രുന്ന ലേഖനം പരിചി​ന്തി​ക്കും.

[8-ാം പേജിലെ ചിത്രം]

യഹോവയുടെ ആരാധകർ സസന്തോ​ഷം പുതിയ ലോക​ത്തി​ന്റെ വരവി​നാ​യി കാത്തി​രി​ക്കു​ന്നു

[7-ാം പേജിലെ ചിത്ര​ത്തിന്‌ കടപ്പാട്‌]

Pollution: Photo: Godo-Foto; rocket: U.S. Army photo; trees burning: Richard Bierregaard, Smithsonian Institution