സത്യ​ദൈ​വത്തെ ഇപ്പോൾ ഭയപ്പെ​ടേ​ണ്ടത്‌ എന്തു​കൊണ്ട്‌?

“സത്യ​ദൈ​വത്തെ ഭയപ്പെട്ട്‌ അവന്റെ കൽപ്പനകൾ പ്രമാ​ണി​ക്കുക. എന്തെന്നാൽ ഇതാകു​ന്നു മനുഷ്യ​ന്റെ മുഴു കടപ്പാ​ടും.”—സഭാ​പ്ര​സം​ഗി 12:13, NW.

1, 2. ഉചിത​മായ ദൈവ​ഭയം നല്ലതാ​യി​രി​ക്കു​ന്നത്‌ എന്തു​കൊണ്ട്‌?

ആരോ​ഗ്യാ​വ​ഹ​വും ഭക്ത്യാ​ദ​ര​വു​മുള്ള ദൈവ​ഭയം മനുഷ്യ​നു നല്ലതാണ്‌. അതേ, അനേകം മാനു​ഷ​ഭ​യ​ങ്ങ​ളും വൈകാ​രി​ക​മാ​യി അസ്വസ്ഥ​ത​യു​ള​വാ​ക്കു​ന്ന​തും നമ്മുടെ ക്ഷേമത്തി​നു ഹാനി​കരം പോലു​മാ​ണെ​ങ്കി​ലും യഹോ​വ​യാം ദൈവത്തെ ഭയപ്പെ​ടു​ന്നതു നമുക്കു നല്ലതാണ്‌.—സങ്കീർത്തനം 112:1; സഭാ​പ്ര​സം​ഗി 8:12.

² സ്രഷ്ടാ​വിന്‌ അതറി​യാം. തന്റെ സൃഷ്ടി​യോ​ടുള്ള സ്‌നേഹം നിമിത്തം തന്നെ ഭയപ്പെ​ടാ​നും ആരാധി​ക്കാ​നും അവൻ എല്ലാവ​രോ​ടും കൽപ്പി​ക്കു​ന്നു. നാം ഇപ്രകാ​രം വായി​ക്കു​ന്നു: “വേറൊ​രു ദൂതൻ ആകാശ​മ​ദ്ധ്യേ പറക്കു​ന്നതു ഞാൻ കണ്ടു; ഭൂവാ​സി​ക​ളായ സകല ജാതി​യും ഗോ​ത്ര​വും ഭാഷയും വംശവും ആയവ​രോ​ടു അറിയി​പ്പാൻ അവന്റെ പക്കൽ ഒരു നിത്യ​സു​വി​ശേഷം ഉണ്ടായി​രു​ന്നു. ദൈവത്തെ ഭയപ്പെട്ടു അവന്നു മഹത്വം കൊടു​പ്പിൻ; അവന്റെ ന്യായ​വി​ധി​യു​ടെ നാഴിക വന്നിരി​ക്കു​ന്നു; ആകാശ​വും ഭൂമി​യും സമു​ദ്ര​വും നീരു​റ​വു​ക​ളും ഉണ്ടാക്കി​യ​വനെ നമസ്‌ക​രി​പ്പിൻ എന്നു അവൻ അത്യു​ച്ച​ത്തിൽ പറഞ്ഞു​കൊ​ണ്ടി​രു​ന്നു.”—വെളി​പ്പാ​ടു 14:6, 7.

3. നമ്മുടെ ആദ്യ മാതാ​പി​താ​ക്കൾക്കു വേണ്ടി സ്രഷ്ടാവ്‌ എന്തു ചെയ്‌തു?

³ സകലത്തി​ന്റെ​യും സ്രഷ്ടാ​വും ജീവന്റെ ഉറവു​മാ​യ​വനെ നാം നിശ്ചയ​മാ​യും അവഗണി​ക്ക​രുത്‌. കാരണം നമ്മു​ടെ​മേ​ലും ഈ ഭൂമി​യു​ടെ​മേ​ലു​മുള്ള ഉടമസ്ഥത അവനാണ്‌. (സങ്കീർത്തനം 24:1) യഹോ​വ​യു​ടെ മഹാ സ്‌നേ​ഹ​ത്തി​ന്റെ ഒരു പ്രകട​ന​മെ​ന്നോ​ണം, അവൻ തന്റെ ഭൗമിക മക്കൾക്കു ജീവൻ നൽകു​ക​യും അവർക്കു ജീവി​ക്കു​ന്ന​തിന്‌ അത്ഭുത​ക​ര​മായ ഒരു സ്ഥലം—മനോ​ഹ​ര​മായ ഒരു പറുദീസ—കൊടു​ക്കു​ക​യും ചെയ്‌തു. എന്നിരു​ന്നാ​ലും, ആ അത്ഭുത​ക​ര​മായ ദാനം സോപാ​ധി​ക​മാ​യി​രു​ന്നില്ല. ഫലത്തിൽ, അതു വിശ്വ​സി​ച്ചേൽപ്പിച്ച ഒന്നായി​രു​ന്നു. നമ്മുടെ ആദ്യ മാതാ​പി​താ​ക്കൾ തങ്ങളുടെ ഭവനത്തെ പരിപാ​ലി​ക്കു​ക​യും മുഴു ഭൂമി​യും ആളുക​ളെ​ക്കൊ​ണ്ടു നിറഞ്ഞ്‌ കീഴട​ക്ക​പ്പെ​ടു​ന്ന​തു​വരെ അതിനെ വിപു​ലീ​ക​രി​ക്കു​ക​യും ചെയ്യണ​മാ​യി​രു​ന്നു. കരയിലെ മൃഗങ്ങ​ളും പക്ഷിക​ളും മത്സ്യങ്ങ​ളും ഉൾപ്പെടെ തങ്ങളു​മാ​യി ഭൂമിയെ പങ്കിടുന്ന എല്ലാ ജീവി​ക​ളോ​ടും തങ്ങളുടെ സന്താന​ങ്ങ​ളോ​ടു​മുള്ള ബന്ധത്തിൽ അവർക്ക്‌ പദവി​ക​ളും ഉത്തരവാ​ദി​ത്വ​ങ്ങ​ളും ഉണ്ടായി​രു​ന്നു. വിശ്വ​സി​ച്ചേൽപ്പി​ച്ചു കൊടുത്ത ആ വലിയ സംഗതി സംബന്ധി​ച്ചു മനുഷ്യൻ കണക്കു ബോധി​പ്പി​ക്കേ​ണ്ടി​യി​രു​ന്നു.

4. ദൈവ​ത്തി​ന്റെ സൃഷ്ടി​യോ​ടു മനുഷ്യൻ എന്താണു ചെയ്‌തി​രി​ക്കു​ന്നത്‌?

⁴ അങ്ങനെ അത്ഭുതാ​വ​ഹ​മായ ഒരു തുടക്ക​മു​ണ്ടാ​യി​രു​ന്നി​ട്ടും, തന്റെ മനോ​ഹ​ര​മായ ഭൗമഗൃ​ഹത്തെ മലീമ​സ​മാ​ക്കാൻ മനുഷ്യൻ കാട്ടി​ക്കൂ​ട്ടി​യി​രി​ക്കു​ന്നത്‌ എന്തെന്നു നോക്കൂ! അമൂല്യ​മായ ഇതി​ന്റെ​മേൽ ദൈവ​ത്തി​നുള്ള ഉടമസ്ഥാ​വ​കാ​ശ​ത്തോ​ടുള്ള വിദ്വേ​ഷ​പൂ​രി​ത​മായ അനാദ​ര​വോ​ടെ മനുഷ്യൻ ഭൂമിയെ അഴുക്കു​കൊ​ണ്ടു നിറച്ചി​രി​ക്കു​ന്നു. പല പല വർഗത്തിൽപ്പെട്ട മൃഗങ്ങ​ളു​ടെ​യും പക്ഷിക​ളു​ടെ​യും മത്സ്യങ്ങ​ളു​ടെ​യും അസ്‌തി​ത്വ​ത്തി​നു​തന്നെ ഭീഷണി​യാ​കുന്ന ഘട്ടത്തോ​ള​മെ​ത്തി​യി​രി​ക്കു​ന്നു ഈ മലിനീ​ക​രണം. നീതി​മാ​നും സ്‌നേ​ഹ​വാ​നു​മായ നമ്മുടെ ദൈവം ഇത്‌ എന്നേക്കും പൊറു​ക്കു​ക​യില്ല. ഭൂമിയെ നശിപ്പി​ക്കു​മ്പോൾ അതു കണക്കു ബോധി​പ്പി​ക്ക​ലി​നാ​യി മുറവി​ളി കൂട്ടു​ക​യാണ്‌. അനേക​രും ഭയക്കാൻ അതു കാരണ​മാണ്‌. നേരേ​മ​റിച്ച്‌, സംഭവി​ക്കാ​നി​രി​ക്കുന്ന കാര്യ​ത്തെ​ക്കു​റിച്ച്‌ അറിയു​ന്നത്‌ ആദര​വോ​ടെ ദൈവത്തെ ആശ്രയി​ക്കു​ന്ന​വർക്ക്‌ ആശ്വാ​സ​ക​ര​മാണ്‌. യഹോവ തീർച്ച​യാ​യും ഒരു കണക്കു​തീർപ്പി​നു വിളി​ക്കും, ഭൂമി തീർച്ച​യാ​യും പുനഃ​സ്ഥി​തീ​ക​രി​ക്ക​പ്പെ​ടും. സത്യത്തിൽ ഇതു ഭൂമി​യി​ലെ നീതി​ഹൃ​ദ​യ​രാ​യ​വർക്കെ​ല്ലാം സുവാർത്ത​യാണ്‌.

5, 6. മനുഷ്യൻ തന്റെ സൃഷ്ടി​യോ​ടു ചെയ്‌തി​രി​ക്കു​ന്ന​തി​നോ​ടു യഹോവ എങ്ങനെ പ്രതി​ക​രി​ക്കും?

⁵ ദൈവം എങ്ങനെ​യാ​ണു തന്റെ ന്യായ​വി​ധി നടപ്പാ​ക്കു​ന്നത്‌? ദൈവ​ത്തി​ന്റെ സ്വർഗീയ രാജ്യ​ത്തി​ന്റെ രാജാ​വെ​ന്ന​നി​ല​യിൽ ഇപ്പോൾ സിംഹാ​സ​ന​സ്ഥ​നാ​യി​രി​ക്കുന്ന യേശു​ക്രി​സ്‌തു​വി​ലൂ​ടെ. ആ സ്വർഗീയ പുത്ര​നി​ലൂ​ടെ, ഇപ്പോ​ഴത്തെ അശുദ്ധ​വും മത്സരാ​ത്മ​ക​വു​മായ വ്യവസ്ഥി​തി​ക്കു യഹോവ അറുതി വരുത്തും. (2 തെസ്സ​ലൊ​നീ​ക്യർ 1:6-9; വെളി​പ്പാ​ടു 19:11) ഈ വിധത്തിൽ, അവൻ തന്നെ ഭയപ്പെ​ടു​ന്ന​വർക്ക്‌ ആശ്വാസം കൈവ​രു​ത്തു​ക​യും അതേസ​മയം നമ്മുടെ ഭൗമിക ഗ്രഹത്തെ രക്ഷിക്കു​ക​യും പരിപാ​ലി​ക്കു​ക​യും ചെയ്യും.

⁶ ഇതെങ്ങനെ സംഭവി​ക്കും? അർമ​ഗെ​ദോൻ എന്ന യുദ്ധത്തിൽ പരിസ​മാ​പ്‌തി കുറി​ക്കുന്ന, വരാനി​രി​ക്കുന്ന മഹോ​പ​ദ്ര​വ​ത്തെ​ക്കു​റി​ച്ചു ബൈബിൾ പറയുന്നു. (വെളി​പ്പാ​ടു 7:14; 16:16) മലീമ​സ​മായ ഈ വ്യവസ്ഥി​തി​ക്കും മലിനീ​ക​രി​ക്കു​ന്ന​വർക്കും എതി​രെ​യുള്ള ദൈവ​ത്തി​ന്റെ ന്യായ​വി​ധി​യാ​യി​രി​ക്കും അത്‌. ഏതെങ്കി​ലും മനുഷ്യർ ജീവ​നോ​ടെ അവശേ​ഷി​ക്കു​മോ? ഉവ്വ്‌! അത്‌ അകാര​ണ​മായ, അനാ​രോ​ഗ്യ​ക​ര​മായ ദൈവ​ഭ​യ​മു​ള്ള​വരല്ല, പിന്നെ​യോ അവനോ​ടുള്ള ആദരവും ഭക്തിയും കലർന്ന ഭയമു​ള്ള​വ​രാണ്‌. അവർ വിടു​വി​ക്ക​പ്പെ​ടും.—സദൃശ​വാ​ക്യ​ങ്ങൾ 2:21, 22.

അമ്പരപ്പി​ക്കുന്ന ശക്തി​പ്ര​ക​ട​നം

7. മോശ​യു​ടെ നാളിൽ ഇസ്രാ​യേ​ലി​നു വേണ്ടി ദൈവം ഇടപെ​ട്ടത്‌ എന്തു​കൊണ്ട്‌?

⁷ യഹോ​വ​യാം ദൈവ​ത്തി​ന്റെ ഈ വിസ്‌മ​യാ​വ​ഹ​മായ നടപടി, നമ്മുടെ പൊതു​യു​ഗ​ത്തിന്‌ ഏതാണ്ട്‌ 1,500 വർഷം മുമ്പ്‌ തന്റെ ആരാധ​കർക്കു വേണ്ടി അവൻ ചെയ്‌ത ശക്തമായ ഒരു നടപടി​യാൽ മുൻനി​ഴ​ലാ​ക്ക​പ്പെട്ടു. ഈജി​പ്‌തി​ലെ വലിയ സൈനി​ക​ശക്തി, കുടി​യേ​റി​പ്പാർത്ത അവിടത്തെ ഇസ്രാ​യേല്യ തൊഴി​ലാ​ളി​കളെ അടിമ​ക​ളാ​ക്കി. അവിടത്തെ ഭരണാ​ധി​കാ​രി​യായ ഫറവോൻ ഇസ്രാ​യേ​ലി​ലെ നവജാ​ത​രായ ആൺകു​ട്ടി​ക​ളെ​യെ​ല്ലാം കൊല്ലാൻ കൽപ്പന കൊടു​ത്തു​കൊണ്ട്‌ ഒരുതരം വംശഹത്യ നടത്താൻ പോലും ശ്രമി​ക്കു​ക​യു​ണ്ടാ​യി. ഈജി​പ്‌തി​നു​മേ​ലുള്ള ദൈവ​ത്തി​ന്റെ വിജയം, ഇസ്രാ​യേ​ലിന്‌ ആ മർദക രാഷ്ട്രീയ വ്യവസ്ഥി​തി​യിൽനി​ന്നുള്ള വിമോ​ചനം, അതേ, ബഹു​ദൈ​വാ​രാ​ധ​ന​യാൽ മലീമ​സ​മായ ഒരു ജനതയിൽനി​ന്നുള്ള സ്വാത​ന്ത്ര്യം കൈവ​രു​ത്താ​നാ​യി​രു​ന്നു.

8, 9. ദൈവം ഇടപെ​ട്ട​തി​നോ​ടു മോശ​യും ഇസ്രാ​യേ​ല്യ​രും എങ്ങനെ പ്രതി​ക​രി​ച്ചു?

⁸ ഈജി​പ്‌തിൽനി​ന്നുള്ള വിമോ​ച​ന​ത്തോട്‌ ഇസ്രാ​യേൽ എങ്ങനെ പ്രതി​ക​രി​ച്ചു​വെന്നു പുറപ്പാ​ടു 15-ാം അധ്യാ​യ​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. ആ രേഖ പരി​ശോ​ധി​ക്കു​ന്നത്‌, ആത്മീയ​മാ​യും ഭൗതി​ക​മാ​യും അധഃപ​തിച്ച ഇപ്പോ​ഴത്തെ ഈ വ്യവസ്ഥി​തി​യിൽനി​ന്നു ക്രിസ്‌ത്യാ​നി​കൾക്ക്‌ എങ്ങനെ വിടു​വി​ക്ക​പ്പെ​ടാൻ കഴിയു​മെന്നു മനസ്സി​ലാ​ക്കാൻ നമ്മെ സഹായി​ക്കും. നമുക്കി​പ്പോൾ പുറപ്പാ​ടു 15-ാം അധ്യായം പരി​ശോ​ധി​ക്കാം. സത്യ​ദൈ​വ​മായ യഹോ​വയെ ഭയപ്പെ​ടാൻ നാം തീരു​മാ​നി​ക്കേ​ണ്ടത്‌ എന്തു​കൊ​ണ്ടെന്നു മനസ്സി​ലാ​ക്കാൻ തിര​ഞ്ഞെ​ടുത്ത ചില വാക്യ​ങ്ങ​ളിൽ നമുക്കു ശ്രദ്ധ കേന്ദ്രീ​ക​രി​ക്കു​ക​യും ചെയ്യാം. 1-ഉം 2-ഉം വാക്യങ്ങൾ പരി​ശോ​ധി​ച്ചു​കൊ​ണ്ടു നമുക്കു തുടങ്ങാം.

⁹ “മോ​ശെ​യും യിസ്രാ​യേൽമ​ക്ക​ളും അന്നു യഹോ​വെക്കു സങ്കീർത്തനം പാടി ചൊല്ലി​യതു എന്തെന്നാൽ: ഞാൻ യഹോ​വെക്കു പാട്ടു​പാ​ടും, അവൻ മഹോ​ന്നതൻ; കുതി​ര​യെ​യും അതിന്മേൽ ഇരുന്ന​വ​നെ​യും അവൻ കടലിൽ തള്ളിയി​ട്ടി​രി​ക്കു​ന്നു. എന്റെ ബലവും എന്റെ ഗീതവും യഹോ​വ​യ​ത്രേ; അവൻ എനിക്കു രക്ഷയാ​യ്‌തീർന്നു.”

10. ഈജി​പ്‌തി​ന്റെ സൈന്യ​ത്തെ ദൈവം നശിപ്പി​ക്കു​ന്ന​തി​ലേക്കു നയിച്ചത്‌ എന്താണ്‌?

¹⁰ യഹോവ ഇസ്രാ​യേ​ലി​നെ ഈജി​പ്‌തിൽനി​ന്നു വിടു​വി​ച്ച​തെ​ങ്ങ​നെ​യെ​ന്നുള്ള വിവരണം ഗോള​ത്തി​നു ചുറ്റു​മുള്ള ആളുകൾക്കു പരിചി​ത​മാണ്‌. ഒടുവിൽ വിട്ടു​പോ​കാൻ ഇസ്രാ​യേ​ല്യ​രെ ഫറവോൻ അനുവ​ദി​ക്കു​ന്ന​തു​വരെ ആ ലോക​ശ​ക്തി​യു​ടെ​മേൽ അവൻ ബാധകൾ വരുത്തി. എന്നാൽ ഫറവോ​ന്റെ സൈന്യ​ങ്ങൾ പ്രതി​രോ​ധ​മി​ല്ലാത്ത ആ ജനതയു​ടെ പിന്നാലെ പാഞ്ഞു. ആ ജനത ചെങ്കട​ലി​ന്റെ തീരത്തു കുടു​ങ്ങി​പ്പോ​യ​തു​പോ​ലെ തോന്നി. തങ്ങളുടെ നവസ്വാ​ത​ന്ത്ര്യം ഇസ്രാ​യേൽപു​ത്ര​ന്മാർക്കു പെട്ടെ​ന്നു​തന്നെ നഷ്ടമാ​കു​മെന്നു തോന്നി​യെ​ങ്കി​ലും, മറ്റൊരു സംഗതി യഹോ​വ​യു​ടെ മനസ്സി​ലു​ണ്ടാ​യി​രു​ന്നു. അവൻ സമു​ദ്ര​ത്തി​ലൂ​ടെ അത്ഭുത​ക​ര​മാ​യി ഒരു പാത തുറന്നു​കൊ​ടു​ത്തു​കൊ​ണ്ടു തന്റെ ജനത്തെ സുരക്ഷി​ത​സ്ഥാ​നത്തു കൊ​ണ്ടെ​ത്തി​ച്ചു. ഈജി​പ്‌തു​കാർ അവരെ പിന്തു​ടർന്ന​പ്പോൾ അവൻ ഫറവോ​നെ​യും അവന്റെ സൈന്യ​ങ്ങ​ളെ​യും വെള്ളത്തിൽ മുക്കി​ക്കൊ​ന്നു​കൊ​ണ്ടു ചെങ്കട​ലി​നെ പൂർവ​സ്ഥി​തി​യി​ലാ​ക്കി പാത അടയ്‌ക്കു​ക​യു​ണ്ടാ​യി.—പുറപ്പാ​ടു 14:1-31.

11. ഈജി​പ്‌തി​നെ​തി​രെ​യുള്ള ദൈവ​ത്തി​ന്റെ നടപടി​യു​ടെ ഫലമായി എന്തുണ്ടാ​യി?

¹¹ യഹോവ ഈജി​പ്‌തു​കാ​രു​ടെ സൈന്യ​ത്തെ നശിപ്പി​ച്ചതു നിമിത്തം തന്റെ ആരാധ​ക​രു​ടെ ദൃഷ്ടി​യിൽ അവൻ ഉന്നതനാ​ക്ക​പ്പെട്ടു. മാത്ര​മോ, അവന്റെ നാമം വിശ്രു​ത​മാ​ക്ക​പ്പെ​ടു​ക​യും ചെയ്‌തു. (യോശുവ 2:9, 10; 4:23, 24) അതേ, അവന്റെ നാമം, തങ്ങളുടെ ആരാധ​കരെ വിടു​വി​ക്കാൻ കഴിയി​ല്ലെന്നു തെളിഞ്ഞ ഈജി​പ്‌തി​ലെ ശക്തിയി​ല്ലാത്ത വ്യാജ​ദൈ​വ​ങ്ങ​ളു​ടെ​മേൽ ഉന്നതമാ​ക്ക​പ്പെട്ടു. തങ്ങളുടെ ദൈവ​ങ്ങ​ളി​ലും മർത്ത്യ​മ​നു​ഷ്യ​നി​ലും സൈനി​ക​ശ​ക്തി​യി​ലും വെച്ച ആശ്രയം കടുത്ത നിരാ​ശ​യി​ലേ​ക്കാ​ണു നയിച്ചത്‌. (സങ്കീർത്തനം 146:3) തന്റെ ജനത്തെ ബലത്തോ​ടെ വിടു​വി​ക്കുന്ന, ജീവനുള്ള ദൈവ​ത്തോ​ടുള്ള ആരോ​ഗ്യാ​വ​ഹ​മായ ഭയത്തെ പ്രതി​ഫ​ലി​പ്പിച്ച സ്‌തു​തി​കൾ പാടാൻ ഇസ്രാ​യേ​ല്യർ പ്രേരി​പ്പി​ക്ക​പ്പെ​ട്ട​തിൽ തെല്ലും അതിശ​യി​ക്കാ​നില്ല!

12, 13. ചെങ്കട​ലി​ങ്കലെ ദൈവ​ത്തി​ന്റെ വിജയ​ത്തിൽനി​ന്നു നാം എന്താണു പഠി​ക്കേ​ണ്ടത്‌?

¹² സമാന​മാ​യി, നമ്മുടെ കാലത്തെ യാതൊ​രു വ്യാജ​ദൈ​വ​ങ്ങൾക്കും ന്യൂക്ലി​യർ ആയുധ​ങ്ങ​ളുള്ള ഏതെങ്കി​ലും വൻശക്തി​ക്കു പോലും യഹോ​വ​യോ​ടു തുല്യത വരിക്കാ​നുള്ള സാധ്യത പോലു​മില്ല. അവനു തന്റെ ജനത്തെ വിടു​വി​ക്കാൻ കഴിയും, അവൻ അങ്ങനെ​തന്നെ ചെയ്യും. കാരണം, അവൻ “സ്വർഗ്ഗീയ സൈന്യ​ത്തോ​ടും ഭൂവാ​സി​ക​ളോ​ടും ഇഷ്ടം പോലെ പ്രവർത്തി​ക്കു​ന്നു; അവന്റെ കൈ തടുപ്പാ​നോ നീ എന്തു ചെയ്യുന്നു എന്നു അവനോ​ടു ചോദി​പ്പാ​നോ ആർക്കും കഴിക​യില്ല.” (ദാനീ​യേൽ 4:35) ഈ വാക്കു​ക​ളു​ടെ അർഥം നാം പൂർണ​മാ​യി ഗ്രഹി​ക്കു​മ്പോൾ, നാമും സന്തോ​ഷ​ത്തോ​ടെ അവന്റെ സ്‌തു​തി​കൾ പാടാൻ പ്രേരി​ത​രാ​യി​ത്തീ​രും.

¹³ ചെങ്കട​ലി​ങ്കലെ ജയഗീതം ഇങ്ങനെ തുടരു​ന്നു: “യഹോവ യുദ്ധവീ​രൻ; യഹോവ എന്നു അവന്റെ നാമം.” അതു​കൊണ്ട്‌, അജയ്യനായ ഈ യോദ്ധാവ്‌ മനുഷ്യ​ഭാ​വന സൃഷ്ടിച്ച അജ്ഞാത​മായ എന്തെങ്കി​ലു​മൊ​ന്നല്ല. അവനൊ​രു നാമമുണ്ട്‌! അവനാണ്‌ ‘ആയിത്തീ​രാൻ ഇടയാ​ക്കു​ന്നവൻ,’ മഹദ്‌നിർമാ​താവ്‌, “യഹോവ എന്നു നാമമുള്ള . . . സർവ്വഭൂ​മി​ക്കും​മീ​തെ അത്യു​ന്നതൻ.” (പുറപ്പാ​ടു 3:14, NW; 15:3-5; സങ്കീർത്തനം 83:18) ആ പുരാതന ഈജി​പ്‌തു​കാർ സർവശ​ക്തനെ വെല്ലു​വി​ളി​ക്കു​ന്ന​തി​നു​പ​കരം അവർക്ക്‌ അവനോ​ടുള്ള ന്യായ​യു​ക്ത​വും ആദരവു​ള്ള​തു​മായ ഒരു ഭയാവ​ബോ​ധം ഉണ്ടായി​രു​ന്നെ​ങ്കിൽ അതു ജ്ഞാനപൂർവ​ക​മാ​യി​രി​ക്കു​മാ​യി​രു​ന്നു എന്നുള്ള​തി​നോ​ടു നിങ്ങൾ യോജി​ക്കു​ന്നി​ല്ലേ?

14. ചെങ്കട​ലി​ങ്കൽവെച്ചു ദൈവ​ഭ​യ​ത്തി​ന്റെ മൂല്യം പ്രകട​മാ​ക്ക​പ്പെ​ട്ട​തെ​ങ്ങനെ?

¹⁴ ഭൂമി​യു​ടെ രൂപസം​വി​ധാ​യകൻ എന്നനി​ല​യിൽ, സമു​ദ്ര​ത്തി​ന്റെ നിർമാ​താ​വി​നു വെള്ളത്തി​ന്റെ​മേൽ പരിപൂർണ നിയ​ന്ത്ര​ണ​മുണ്ട്‌. (പുറപ്പാ​ടു 15:8) കാറ്റി​ന്റെ​മേ​ലുള്ള തന്റെ നിയ​ന്ത്രണം ഉപയോ​ഗ​പ്പെ​ടു​ത്തി​ക്കൊണ്ട്‌ അസാധ്യ​മെന്നു തോന്നിയ കാര്യം അവൻ ചെയ്യു​ക​യു​ണ്ടാ​യി. ഒരു നിശ്ചി​ത​സ്ഥാ​ന​ത്തു​വെച്ച്‌ അവൻ ജലം പകുത്ത്‌, തന്റെ ജനത്തിനു നടന്നു​പോ​കാൻ ഇരുവ​ശ​ത്തും ജലഭി​ത്തി​ക​ളുള്ള ഒരു ഇടനാഴി ഉളവാ​ക​ത്ത​ക്ക​വണ്ണം എതിർദി​ശ​ക​ളി​ലേക്ക്‌ അതിനെ തള്ളിനിർത്തി. ആ രംഗ​മൊ​ന്നു മനസ്സിൽ കാണുക: ദശലക്ഷ​ക്ക​ണ​ക്കി​നു ടൺ സമു​ദ്ര​ജലം സമാന്ത​ര​മ​തി​ലു​ക​ളാ​യി ഉയർന്നു​നി​ന്നു, അങ്ങനെ ഇസ്രാ​യേ​ലി​നു സുരക്ഷി​ത​മായ ഒരു രക്ഷാമാർഗം ഉളവായി. അതേ, ദൈവ​ത്തോട്‌ ആരോ​ഗ്യാ​വ​ഹ​മായ ഒരു ഭയം പ്രകട​മാ​ക്കി​യ​വർക്കു സംരക്ഷണം ലഭിച്ചു. എന്നിട്ട്‌ ഉഗ്രശ​ക്തി​യുള്ള ഒരു ജലപ്ര​ള​യം​പോ​ലെ, തിരികെ കുത്തി​യൊ​ഴു​കാൻ അനുവ​ദി​ച്ചു​കൊണ്ട്‌ യഹോവ ജലം ബന്ധനമു​ക്ത​മാ​ക്കി, അതു ഫറവോ​ന്റെ സൈന്യ​ങ്ങ​ളെ​യും എല്ലാ സാമ​ഗ്രി​ക​ളെ​യും മുക്കി​ക്ക​ളഞ്ഞു. ഒന്നിനും കൊള്ളാത്ത ദൈവ​ങ്ങ​ളു​ടെ​മേ​ലും മനുഷ്യ​ന്റെ സൈനിക ശക്തിയു​ടെ​മേ​ലു​മുള്ള ദിവ്യ​ശ​ക്തി​യു​ടെ എന്തൊരു പ്രകടനം! തീർച്ച​യാ​യും, യഹോ​വ​യെ​യാ​ണു ഭയപ്പെ​ടേ​ണ്ടത്‌, അല്ലേ?—പുറപ്പാ​ടു 14:21, 22, 28; 15:8.

ദൈവ​ത്തോ​ടുള്ള നമ്മുടെ ഭയം പ്രകടി​പ്പി​ക്കൽ

15. ദൈവ​ത്തി​ന്റെ ശക്തമായ രക്ഷാ​പ്ര​വൃ​ത്തി​ക​ളോ​ടുള്ള നമ്മുടെ പ്രതി​ക​രണം എന്തായി​രി​ക്കണം?

¹⁵ നാം മോശ​യോ​ടൊ​പ്പം സുരക്ഷി​ത​മാ​യി നിന്നി​രു​ന്നു​വെ​ങ്കിൽ, “യഹോവേ, ദേവന്മാ​രിൽ നിനക്കു തുല്യൻ ആർ? വിശു​ദ്ധി​യിൽ മഹിമ​യു​ള്ള​വനേ, സ്‌തു​തി​ക​ളിൽ ഭയങ്കരനേ, അത്ഭുത​ങ്ങളെ പ്രവർത്തി​ക്കു​ന്ന​വനേ, നിനക്കു തുല്യൻ ആർ?” എന്ന്‌ ആലപി​ക്കാൻ നാം തീർച്ച​യാ​യും പ്രേരി​ത​രാ​കു​മാ​യി​രു​ന്നു. (പുറപ്പാ​ടു 15:11) അത്തരം വികാ​രങ്ങൾ അന്നുമുതൽ ചരി​ത്ര​ത്തി​ലു​ട​നീ​ളം മുഴങ്ങി​ക്കേ​ട്ടി​ട്ടുണ്ട്‌. ബൈബി​ളി​ന്റെ അവസാന പുസ്‌ത​ക​ത്തിൽ, ദൈവ​ത്തി​ന്റെ വിശ്വ​സ്‌ത​രായ അഭിഷിക്ത ദാസന്മാ​രു​ടെ ഒരു കൂട്ട​ത്തെ​ക്കു​റിച്ച്‌ അപ്പോ​സ്‌ത​ല​നായ യോഹ​ന്നാൻ വർണി​ക്കു​ന്നു: “അവർ ദൈവ​ത്തി​ന്റെ ദാസനായ മോ​ശെ​യു​ടെ പാട്ടും കുഞ്ഞാ​ടി​ന്റെ പാട്ടും പാടി.” ഏതാണീ മഹത്തായ പാട്ട്‌? “സർവ്വശ​ക്തി​യുള്ള ദൈവ​മായ കർത്താവേ, നിന്റെ പ്രവൃ​ത്തി​കൾ വലുതും അത്ഭുത​വു​മാ​യവ; സർവ്വജാ​തി​ക​ളു​ടെ​യും രാജാവേ, നിന്റെ വഴികൾ നീതി​യും സത്യവു​മു​ള്ളവ. കർത്താവേ, ആർ നിന്റെ നാമത്തെ ഭയപ്പെ​ടാ​തെ​യും മഹത്വ​പ്പെ​ടു​ത്താ​തെ​യും ഇരിക്കും? നീയല്ലോ ഏകപരി​ശു​ദ്ധൻ.”—വെളി​പ്പാ​ടു 15:2-4.

16, 17. ഇന്ന്‌ അത്ഭുത​ക​ര​മായ ഏതു സംഭവ​വി​കാ​സം അരങ്ങേ​റു​ന്ന​താ​യി നാം കാണുന്നു?

¹⁶ അതു​കൊണ്ട്‌ ഇന്നും വിമോ​ചി​ത​രായ ആരാധ​ക​രുണ്ട്‌. അവർ ദൈവ​ത്തി​ന്റെ കരവേ​ല​ക​ളായ സൃഷ്ടി​കളെ മാത്രമല്ല അവന്റെ കൽപ്പന​ക​ളെ​യും വിലമ​തി​ക്കു​ന്നു. എല്ലാ ജനതക​ളിൽനി​ന്നു​മുള്ള ആളുകൾ ആത്മീയ​മാ​യി വിമോ​ചി​പ്പി​ക്ക​പ്പെ​ടു​ക​യും മലീമ​സ​മായ ഈ ലോക​ത്തിൽനി​ന്നു വേർപെ​ടു​ത്ത​പ്പെ​ടു​ക​യും ചെയ്‌തി​രി​ക്കു​ന്നു. കാരണം, അവർ ദൈവ​ത്തി​ന്റെ നീതി​യുള്ള കൽപ്പന​കളെ തിരി​ച്ച​റിഞ്ഞ്‌ അനുഷ്‌ഠി​ക്കു​ന്നു. യഹോ​വ​യു​ടെ ആരാധകർ ഉൾക്കൊ​ള്ളുന്ന ശുദ്ധവും നേരു​ള്ള​തു​മായ സ്ഥാപന​ത്തോ​ടൊ​ത്തു വസിക്കു​ന്ന​തി​നു വേണ്ടി വർഷ​ന്തോ​റും ലക്ഷക്കണ​ക്കി​നാ​ളു​കൾ ദുഷിച്ച ഈ ലോക​ത്തിൽനി​ന്നു രക്ഷപ്പെ​ട്ടു​പോ​രു​ന്നു. പെട്ടെ​ന്നു​തന്നെ, വ്യാജ​മ​ത​ത്തി​നെ​തി​രെ​യും ഈ ദുഷ്ട​ലോ​ക​ത്തി​ന്റെ ശേഷിച്ച ഭാഗത്തി​നെ​തി​രെ​യു​മുള്ള ദൈവ​ത്തി​ന്റെ ഉഗ്രമായ ന്യായ​വി​ധി​കൾ നടപ്പാ​ക്ക​പ്പെ​ട്ട​ശേഷം നീതി​യുള്ള ഒരു പുതിയ ലോക​ത്തിൽ അവർ എന്നേക്കും ജീവി​ക്കും.

¹⁷ വെളി​പ്പാ​ടു 14:6, 7-നോടുള്ള ചേർച്ച​യിൽ, ദൂതവ​ഴി​ന​ട​ത്തി​പ്പിൻകീ​ഴിൽ യഹോ​വ​യു​ടെ സാക്ഷികൾ പ്രഘോ​ഷി​ക്കുന്ന മുന്നറി​യി​പ്പി​ന്റെ ന്യായ​വി​ധി​സ​ന്ദേശം മനുഷ്യ​വർഗം ഇപ്പോൾ ശ്രവി​ക്കു​ക​യാണ്‌. കഴിഞ്ഞ വർഷം, 230-ലധികം രാജ്യ​ങ്ങ​ളി​ലാ​യി ഏതാണ്ട്‌ 50 ലക്ഷം സാക്ഷികൾ ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത​യും ന്യായ​വി​ധി​നാ​ഴി​ക​യും പ്രഘോ​ഷി​ക്കു​ക​യു​ണ്ടാ​യി. അതിജീ​വ​ന​ത്തി​നു വേണ്ടി തങ്ങളുടെ സഹമനു​ഷ്യ​രെ പഠിപ്പി​ക്കാൻ, സൗജന്യ ബൈബി​ള​ധ്യ​യ​നങ്ങൾ നടത്തി​ക്കൊ​ണ്ടു സാക്ഷികൾ ആളുക​ളു​ടെ ഭവനങ്ങ​ളിൽ ക്രമമായ സന്ദർശ​നങ്ങൾ നടത്തി. അങ്ങനെ ഓരോ വർഷവും ലക്ഷക്കണ​ക്കി​നാ​ളു​കൾ സത്യ​ദൈ​വത്തെ ഭയപ്പെ​ടാൻ ബുദ്ധി​പൂർവം വേണ്ടു​വോ​ളം പഠിക്കു​ക​യും തങ്ങളുടെ ജീവി​തത്തെ അവനു സമർപ്പി​ച്ചു​കൊ​ണ്ടു സ്‌നാ​പ​ന​മേൽക്കു​ക​യും ചെയ്യുന്നു. അത്തരക്കാർ സത്യ​ദൈ​വത്തെ ഭയപ്പെ​ടാൻ ഇടയാ​യി​ത്തീർന്നി​രി​ക്കു​ന്നു എന്നുള്ളത്‌ എത്ര ആനന്ദക​ര​മാണ്‌!—ലൂക്കൊസ്‌ 1:49-51; പ്രവൃ​ത്തി​കൾ 9:31; എബ്രായർ 11:7 താരത​മ്യം ചെയ്യുക.

18. നമ്മുടെ പ്രസം​ഗ​പ്ര​വർത്ത​ന​ത്തിൽ ദൂതന്മാർ ഉൾപ്പെ​ട്ടി​രി​ക്കു​ന്നു​വെന്ന്‌ എന്തു ചിത്രീ​ക​രി​ക്കു​ന്നു?

¹⁸ ഈ പ്രസം​ഗ​പ്ര​വർത്ത​ന​ത്തിൽ ദൂതന്മാർ ഉൾപ്പെ​ട്ടി​രി​ക്കു​ന്നു​വെ​ന്നതു സത്യമാ​ണോ? അരിഷ്ട​ത​യി​ലാ​യി​രു​ന്നവർ ആത്മീയ സഹായ​ത്തി​നു വേണ്ടി അതിയാ​യി ആഗ്രഹി​ച്ചി​രുന്ന, അതിനു വേണ്ടി പ്രാർഥി​ക്കു​ക​പോ​ലും ചെയ്‌തു​കൊ​ണ്ടി​രുന്ന, ഒരു ഭവനത്തി​ലേക്കു ദൂതവ​ഴി​ന​ട​ത്തി​പ്പി​നാൽ യഹോ​വ​യു​ടെ സാക്ഷികൾ എത്തിയി​ട്ടു​ണ്ടെ​ന്നതു തീർച്ച​യാ​യും വ്യക്തമാണ്‌! ഉദാഹ​ര​ണ​ത്തിന്‌, രണ്ടു യഹോ​വ​യു​ടെ സാക്ഷി​ക​ളും ഒരു കൊച്ചു​കു​ട്ടി​യും ഒരു കരീബി​യൻ ദ്വീപിൽ സുവാർത്ത പറയു​ക​യാ​യി​രു​ന്നു. ഉച്ചയാ​യ​പ്പോൾ അന്നത്തെ വേല നിർത്താൻ മുതിർന്ന രണ്ടു പേരും തീരു​മാ​നി​ച്ചു. എന്നാൽ അടുത്ത വീട്ടിൽ പോകാൻ കുട്ടി അസാധാ​ര​ണ​മായ താത്‌പ​ര്യം കാട്ടി. മുതിർന്നവർ അവിടെ പോകാ​നുള്ള താത്‌പ​ര്യം കാട്ടാ​തി​രു​ന്ന​പ്പോൾ, അവൻ തന്നെത്താൻ ആ വീട്ടിൽ പോയി വാതി​ലിൽ മുട്ടി. പ്രായം കുറഞ്ഞ ഒരു സ്‌ത്രീ വാതിൽ തുറന്നു. അതു കണ്ട മുതിർന്ന സാക്ഷികൾ അവിടെ പോയി ആ സ്‌ത്രീ​യോ​ടു സംസാ​രി​ച്ചു. അവൾ അവരെ അകത്തേക്കു വിളിച്ചു. വാതി​ലിൽ മുട്ടു കേട്ട​പ്പോൾ ബൈബിൾ പഠിപ്പി​ക്കാൻ സാക്ഷി​കളെ തന്റെ അടുക്ക​ലേക്ക്‌ അയയ്‌ക്ക​ണ​മേ​യെന്നു താൻ ദൈവ​ത്തോ​ടു പ്രാർഥി​ക്കു​ക​യാ​യി​രു​ന്നു​വെന്ന്‌ അവൾ വിശദീ​ക​രി​ച്ചു. ബൈബി​ള​ധ്യ​യ​ന​ത്തി​നുള്ള ക്രമീ​ക​ര​ണങ്ങൾ ചെയ്യ​പ്പെട്ടു.

19. ദൈവത്തെ ഭയപ്പെ​ടു​ന്ന​തി​ന്റെ ഒരു പ്രയോ​ജ​ന​മാ​യി നമുക്ക്‌ എന്തു ചൂണ്ടി​ക്കാ​ട്ടാൻ കഴിയും?

¹⁹ വിശ്വ​സ്‌ത​ത​യോ​ടെ ദൈവ​ത്തി​ന്റെ ന്യായ​വി​ധി​ദൂത്‌ അറിയി​ക്കു​മ്പോൾ നാം അവന്റെ നീതി​യുള്ള കൽപ്പനകൾ പഠിപ്പി​ക്കു​ക​കൂ​ടി ചെയ്യുന്നു. അവ ആളുക​ളു​ടെ ജീവി​ത​ത്തിൽ ബാധക​മാ​ക്കു​മ്പോൾ, ഭൗതി​ക​വും ആത്മീയ​വു​മായ അനു​ഗ്ര​ഹങ്ങൾ ഉണ്ടാകു​ന്നു. ഉദാഹ​ര​ണ​ത്തിന്‌, ബൈബിൾ വളരെ വ്യക്തമാ​യി​ത്തന്നെ സകലതരം ലൈം​ഗിക അധാർമി​ക​ത​യെ​യും കുറ്റം​വി​ധി​ക്കു​ന്നു. (റോമർ 1:26, 27, 32) ഇന്നു ലോക​ത്തിൽ ദൈവ​ത്തി​ന്റെ നിലവാ​രങ്ങൾ പരക്കെ അവഗണി​ക്ക​പ്പെ​ടു​ക​യാണ്‌. ഫലമെ​ന്താണ്‌? ദാമ്പത്യ​ബ​ന്ധങ്ങൾ തകരുന്നു. ദുഷ്‌കൃ​ത്യ​ങ്ങൾ പെരു​കു​ന്നു. ലൈം​ഗി​ക​മാ​യി പകരുന്ന, ശരീരാ​വ​യ​വ​ങ്ങൾക്കു കേടു​വ​രു​ത്തുന്ന രോഗങ്ങൾ പരക്കു​ക​യും ചെയ്യുന്നു. അവ ഈ 20-ാം നൂറ്റാ​ണ്ടിൽ വളരെ വ്യാപ​ക​മാ​യി​ത്തീർന്നി​രി​ക്കു​ക​യാണ്‌. തീർച്ച​യാ​യും, ഭീതി​ജ​ന​ക​മായ രോഗ​മായ എയ്‌ഡ്‌സ്‌ വളരെ​യ​ധി​കം വ്യാപ​ക​മാ​യി​ത്തീർന്നതു ലൈം​ഗിക അധാർമി​കത മൂലമാണ്‌. എന്നാൽ ദൈവ​ത്തോ​ടുള്ള ആദരപൂർവ​ക​മായ ഭയം അവന്റെ സത്യാ​രാ​ധ​കർക്കു വലി​യൊ​രു സംരക്ഷ​ണ​മെന്നു തെളി​ഞ്ഞി​ട്ടി​ല്ലേ?—2 കൊരി​ന്ത്യർ 7:1; ഫിലി​പ്പി​യർ 2:12; പ്രവൃ​ത്തി​കൾ 15:28, 29-ഉം കൂടെ കാണുക.

ഇപ്പോൾ ദൈവത്തെ ഭയപ്പെ​ടു​ന്ന​തി​ന്റെ ഫലങ്ങൾ

20. യഹോ​വ​യു​ടെ സാക്ഷി​ക​ളു​ടെ സത്‌പേ​രി​നെ​ക്കു​റി​ച്ചു മറ്റുള്ള​വർക്ക്‌ അറിയാ​മെന്ന്‌ എന്തു ദൃഷ്ടാ​ന്തീ​ക​രി​ക്കു​ന്നു?

²⁰ ദൈവത്തെ ഭയപ്പെട്ട്‌ അവന്റെ കൽപ്പനകൾ പ്രമാ​ണി​ക്കു​ന്ന​വർക്കുള്ള അനു​ഗ്ര​ഹങ്ങൾ അനവധി​യാണ്‌. യഹോ​വ​യു​ടെ സാക്ഷികൾ ധാർമി​ക​മാ​യി നേരുള്ള ക്രിസ്‌ത്യാ​നി​ക​ളു​ടെ സമാധാ​ന​പൂർണ​മായ ഒരു സഹോ​ദ​ര​വർഗ​ത്തി​നു രൂപം​കൊ​ടു​ക്കു​ന്നു എന്ന വസ്‌തു​ത​യു​ടെ വർധി​ച്ചു​വ​രുന്ന അംഗീ​കാ​രത്തെ എടുത്തു​കാ​ട്ടുന്ന ഒരു സംഭവം പരിചി​ന്തി​ക്കുക. തെക്കേ അമേരി​ക്ക​യി​ലെ ഒരു സാർവ​ദേ​ശീയ കൺ​വെൻ​ഷ​നുള്ള പ്രതി​നി​ധി​ക​ളായ ഒരു കൂട്ടം സാക്ഷികൾ ഒരു ഹോട്ട​ലിൽ താമസി​ച്ചി​രു​ന്നു. ആ രാജ്യത്തെ പ്രസി​ഡൻറ്‌ പ്രസം​ഗി​ക്കുന്ന ഒരു സമ്മേള​ന​ത്തിൽ പങ്കെടു​ക്കാ​നുള്ള, യഹോ​വ​യു​ടെ സാക്ഷി​ക​ള​ല്ലാത്ത ഒരു കൂട്ടമാ​ളു​ക​ളും അതേ ഹോട്ട​ലിൽത്തന്നെ ഒരു രാത്രി ഉണ്ടായി​രു​ന്നു. ഒരു കൂട്ടം സുരക്ഷാ​ഭ​ട​ന്മാർ പ്രസി​ഡൻറി​നെ ധൃതി​യിൽ ഒരു ലിഫ്‌റ്റി​ലേക്കു കയറ്റി. ലിഫ്‌റ്റിൽ ആരാ​ണെ​ന്ന​റി​യാ​തി​രുന്ന ഒരു സാക്ഷി​യും അതിൽ കയറി. അതു സുരക്ഷാ​ഭ​ട​ന്മാ​രെ വളരെ അമ്പരപ്പി​ച്ചു! താൻ ചെയ്‌തത്‌ എന്തെന്നു മനസ്സി​ലാ​ക്കി​യ​പ്പോൾ സാക്ഷി​യായ അവൾ ഇടയ്‌ക്കു വന്നുക​യ​റി​യ​തി​നു ക്ഷമ ചോദി​ച്ചു. താൻ ഒരു സാക്ഷി​യാ​ണെന്നു തിരി​ച്ച​റി​യി​ച്ചു​കൊണ്ട്‌ അവൾ തന്റെ കൺ​വെൻ​ഷൻ കാർഡ്‌ കാണി​ച്ചു​കൊ​ടു​ക്കു​ക​യും താൻ പ്രസി​ഡൻറിന്‌ ഒരു ഭീഷണി​യ​ല്ലെന്നു പറയു​ക​യും ചെയ്‌തു. പുഞ്ചി​രി​ച്ചു​കൊണ്ട്‌ ഒരു ഗാർഡ്‌ ഇങ്ങനെ പറഞ്ഞു: “എല്ലാവ​രും യഹോ​വ​യു​ടെ സാക്ഷി​ക​ളെ​പ്പോ​ലെ ആയിരു​ന്നെ​ങ്കിൽ, ഞങ്ങൾക്ക്‌ ഇത്തരം സുരക്ഷാ​സം​വി​ധാ​ന​ത്തി​ന്റെ ആവശ്യം വരില്ലാ​യി​രു​ന്നു.”—യെശയ്യാ​വു 2:2-4.

21. ഇന്ന്‌ ആളുകൾക്കു നടപടി സ്വീക​രി​ക്കാ​നുള്ള എന്തെല്ലാം മാർഗങ്ങൾ തുറന്നു​കി​ട​ക്കു​ന്നു?

²¹ ഈ വ്യവസ്ഥി​തിക്ക്‌ അന്ത്യം കുറി​ക്കുന്ന ‘മഹോ​പ​ദ്ര​വ​ത്തിൽനി​ന്നു പുറത്തു​വ​രാൻ’ യഹോവ ഇപ്പോൾ കൂട്ടി​ച്ചേർക്കു​ക​യും ഒരുക്കു​ക​യും ചെയ്യു​ന്നത്‌ ഇത്തരം ആളുക​ളെ​യാണ്‌. (വെളി​പ്പാ​ടു 7:9, 10, 14, NW) അത്തരം അതിജീ​വനം യാദൃ​ച്ഛി​ക​മായ ഒരു സംഗതി​യാ​യി​രി​ക്കാൻ പോകു​ന്നില്ല. അതിജീ​വ​ക​നാ​യി​രി​ക്കു​ന്ന​തിന്‌, ഏതൊ​രാ​ളും യഹോ​വയെ ഭയപ്പെ​ടു​ക​യും ശരിയായ അവകാ​ശ​മുള്ള പരമാ​ധി​കാ​രി​യാ​യി അവനെ അംഗീ​ക​രി​ക്കു​ക​യും അവനു സമർപ്പി​ക്കു​ക​യും വേണം. എന്നിരു​ന്നാ​ലും, സംരക്ഷണം അർഹി​ക്കു​ന്ന​തരം ഭയം മിക്കവ​രും നട്ടുവ​ളർത്തു​ക​യില്ല എന്നതാ​യി​രി​ക്കും വാസ്‌തവം. (സങ്കീർത്തനം 2:1-6) ലഭ്യമായ എല്ലാ തെളി​വു​ക​ളും​വെച്ചു നോക്കു​മ്പോൾ, യഹോ​വ​യു​ടെ തിര​ഞ്ഞെ​ടു​ക്ക​പ്പെട്ട ഭരണാ​ധി​പ​നായ യേശു​ക്രി​സ്‌തു 1914 എന്ന നിർണാ​യക വർഷം​മു​തൽ രാജാ​വാ​യി ഭരിച്ചു​കൊ​ണ്ടി​രി​ക്കു​ക​യാണ്‌. അതിന്റെ അർഥം, വ്യക്തി​കൾക്കു യഹോ​വ​യോ​ടുള്ള ആരോ​ഗ്യാ​വ​ഹ​മായ ഭയം വളർത്തി​യെ​ടു​ക്കു​ന്ന​തി​നും പ്രകട​മാ​ക്കു​ന്ന​തി​നും അവശേ​ഷി​ച്ചി​രി​ക്കുന്ന സമയം അതി​വേഗം തീർന്നു​കൊ​ണ്ടി​രി​ക്കു​ന്നു എന്നാണ്‌. എന്നിരു​ന്നാ​ലും, ആളുകൾ, പ്രബല​മായ സ്ഥാനങ്ങ​ളി​ലി​രി​ക്കു​ന്നവർ പോലും, അനുകൂ​ല​മാ​യി പ്രതി​ക​രി​ക്കാൻ നമ്മുടെ സ്രഷ്ടാവ്‌ അനുവ​ദി​ക്കു​ക​യാണ്‌: “ആകയാൽ രാജാ​ക്ക​ന്മാ​രേ, ബുദ്ധി പഠിപ്പിൻ; ഭൂമി​യി​ലെ ന്യായാ​ധി​പ​ന്മാ​രേ, ഉപദേശം കൈ​ക്കൊൾവിൻ. ഭയത്തോ​ടെ യഹോ​വയെ സേവി​പ്പിൻ; വിറയ​ലോ​ടെ ഘോഷി​ച്ചു​ല്ല​സി​പ്പിൻ. അവൻ കോപി​ച്ചി​ട്ടു നിങ്ങൾ വഴിയിൽവെച്ചു നശിക്കാ​തി​രി​പ്പാൻ പുത്രനെ ചുംബി​പ്പിൻ. അവന്റെ കോപം ക്ഷണത്തിൽ ജ്വലി​ക്കും; അവനെ ശരണം പ്രാപി​ക്കു​ന്ന​വ​രൊ​ക്കെ​യും ഭാഗ്യ​വാ​ന്മാർ.”—സങ്കീർത്തനം 2:7-12.

22. ഇപ്പോൾ ദൈവത്തെ ഭയപ്പെ​ടു​ന്ന​വ​രു​ടെ ഭാവി എന്തായി​രി​ക്കും?

²² നമ്മെ രക്ഷിച്ച​വ​നെ​ന്ന​നി​ല​യിൽ നമ്മുടെ സ്രഷ്ടാ​വി​നെ സ്‌തു​തി​ക്കു​ന്ന​വ​രു​ടെ ഇടയി​ലാ​യി​രി​ക്കട്ടെ നമ്മളും. എന്നിരു​ന്നാ​ലും, നാം സത്യ​ദൈ​വത്തെ ഇപ്പോൾ ഭയപ്പെ​ടു​ന്നത്‌ അത്‌ അനിവാ​ര്യ​മാ​ക്കി​ത്തീർക്കു​ന്നു! (സങ്കീർത്തനം 2:11-ഉം എബ്രായർ 12:28-ഉം 1 പത്രൊസ്‌ 1:17-ഉം താരത​മ്യം ചെയ്യുക.) അവന്റെ നീതി​യുള്ള കൽപ്പനകൾ നാം തുടർന്നു പഠിക്കു​ക​യും അവ അനുസ​രി​ക്കു​ക​യും വേണം. യഹോവ ഭൂമി​യി​ലെ സകല ദുഷ്ടത​യും തുടച്ചു​നീ​ക്കു​ക​യും മനുഷ്യ​നെ​യും അവന്റെ ഭൗമിക ഭവന​ത്തെ​യും പാപത്തി​ന്റെ മലീമസ ഫലങ്ങളിൽനി​ന്നു സൗഖ്യ​മാ​ക്കാൻ തുടങ്ങു​ക​യും ചെയ്യു​മ്പോൾ വെളി​പ്പാ​ടു 15:3, 4-ൽ രേഖ​പ്പെ​ടു​ത്തി​യി​രി​ക്കുന്ന മോശ​യു​ടെ​യും കുഞ്ഞാ​ടി​ന്റെ​യും പാട്ട്‌ ഒരു ഉച്ചസ്ഥാ​യി​യി​ലെ​ത്തും. അപ്പോൾ നാം മുഴു​ഹൃ​ദ​യ​ത്തോ​ടെ ഇങ്ങനെ ആലപി​ക്കും: “സർവ്വശ​ക്തി​യുള്ള ദൈവ​മായ കർത്താവേ [“യഹോ​വ​യാം ദൈവമേ,” NW], നിന്റെ പ്രവൃ​ത്തി​കൾ വലുതും അത്ഭുത​വു​മാ​യവ; സർവ്വജാ​തി​ക​ളു​ടെ​യും രാജാവേ, നിന്റെ വഴികൾ നീതി​യും സത്യവു​മു​ള്ളവ. കർത്താവേ, ആർ നിന്റെ നാമത്തെ ഭയപ്പെ​ടാ​തെ​യും മഹത്വ​പ്പെ​ടു​ത്താ​തെ​യും ഇരിക്കും?”

നിങ്ങൾ ഓർക്കു​ന്നു​വോ?

◻ യഹോവ നമ്മുടെ ആരോ​ഗ്യാ​വ​ഹ​മായ ഭയം അർഹി​ക്കു​ന്നത്‌ എന്തു​കൊണ്ട്‌?

◻ ചെങ്കട​ലി​ങ്കലെ ദൈവ​ത്തി​ന്റെ നേട്ടങ്ങ​ളാൽ എന്തു പ്രകട​മാ​ക്ക​പ്പെട്ടു?

◻ യഹോ​വയെ ആദര​വോ​ടെ ഭയപ്പെ​ടു​ന്ന​തി​നാൽ എന്തെല്ലാം പ്രയോ​ജ​നങ്ങൾ ലഭിക്കു​ന്നു?

◻ ഇപ്പോൾ സത്യ​ദൈ​വത്തെ ഭയപ്പെ​ടു​ന്ന​വ​രു​ടെ ഭാവി എന്തായി​രി​ക്കും?