“ഞാൻ യഹോ​വ​യ്‌ക്കു വില​പ്പെ​ട്ട​വ​ളാണ്‌!”

“ഇടപെ​ടാൻ പ്രയാ​സ​മേ​റിയ” ഈ “കാലങ്ങ”ളിൽ യഹോ​വ​യു​ടെ വിശ്വസ്‌ത സേവക​രിൽ അനേകർ ഒന്നിനും​കൊ​ള്ളാ​ത്ത​വ​രാ​ണെന്ന തോന്ന​ലു​മാ​യി നിരന്തര പോരാ​ട്ട​ത്തിൽ ഏർപ്പെ​ടു​ന്നു. (2 തിമോ​ത്തി 3:1, NW) നമ്മുടെ സ്രഷ്ടാവു പോലും നമ്മെ സ്‌നേ​ഹി​ക്കു​ന്നി​ല്ലെന്നു നമ്മെ ധരിപ്പി​ക്കു​ന്നതു പിശാ​ചി​ന്റെ ‘തന്ത്രങ്ങ’ളിൽ ഒന്നാ​ണെ​ന്ന​തി​നാൽ അതിൽ അതിശ​യി​ക്കാ​നില്ല! (എഫേസ്യർ 6:11, NW, അടിക്കു​റിപ്പ്‌) 1995 ഏപ്രിൽ 1 ലക്കം വീക്ഷാ​ഗോ​പു​ര​ത്തിൽ “നിങ്ങൾ യഹോ​വ​യു​ടെ ദൃഷ്ടി​യിൽ വില​യേ​റി​യ​വ​രാണ്‌!” “സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും പ്രോ​ത്സാ​ഹി​പ്പിക്ക—എങ്ങനെ?” എന്നീ ശീർഷ​ക​ങ്ങ​ളിൽ സഭാ അധ്യയ​ന​ത്തി​നാ​യുള്ള രണ്ടു ലേഖനങ്ങൾ ഉൾപ്പെ​ടു​ത്തി​യത്‌ ഉചിത​മാ​യി​രു​ന്നു. യഹോവ നമ്മുടെ ശ്രമങ്ങളെ മൂല്യ​വ​ത്താ​യി കാണു​ന്നു​വെന്നു നമ്മെ ഓർമി​പ്പി​ക്കാൻ രൂപകൽപ്പന ചെയ്‌ത​താ​യി​രു​ന്നു ഈ ലേഖനങ്ങൾ. വിലമ​തി​പ്പു പ്രകടി​പ്പി​ച്ചു​കൊ​ണ്ടു ലഭിച്ച ചില അഭി​പ്രാ​യങ്ങൾ താഴെ കൊടു​ക്കു​ന്നു:

“യഹോ​വ​യു​ടെ സാക്ഷി​ക​ളി​ലൊ​രാ​ളാ​യി ചെലവ​ഴിച്ച 27 വർഷത്തിൽ എന്നെ ഇത്രയ​ധി​കം സ്‌പർശി​ച്ചി​ട്ടുള്ള ഒരു മാസി​ക​യു​മില്ല. എനിക്കു കരയാ​തി​രി​ക്കാൻ കഴിഞ്ഞില്ല—ഈ ലേഖനങ്ങൾ എനിക്ക്‌ അത്രമാ​ത്രം ആശ്വാസം കൈവ​രു​ത്തി. യഹോവ എന്നെ അത്യന്തം സ്‌നേ​ഹി​ക്കു​ന്ന​തു​പോ​ലെ എനിക്കി​പ്പോൾ തോന്നു​ന്നു. എന്റെ തോളിൽനി​ന്നു ഭാരിച്ച ഒരു ചുമട്‌ ഇറക്കി​വ​ച്ച​തു​പോ​ലെ​യാ​യി​രു​ന്നു അത്‌.”—സി. എച്ച്‌.

“ഒരു ദിവസം​തന്നെ നാലു പ്രാവ​ശ്യം ഞാൻ ആ മാസിക വായിച്ചു. നിങ്ങൾക്കു യാതൊ​രു വിലയു​മി​ല്ലെന്നു നിങ്ങൾ വിശ്വ​സി​ക്കു​ന്നു​വെ​ങ്കിൽ നിങ്ങളെ ഒരു നുണയാ​ണു പഠിപ്പി​ച്ചി​രി​ക്കു​ന്നത്‌ എന്ന്‌ ആ ലേഖന​ത്തിൽ പറഞ്ഞി​രുന്ന വിധം ഞാൻ ആസ്വദി​ച്ചു. ഞാൻ ഇടയസ​ന്ദർശ​ന​ത്തി​ലും വീടു​തോ​റു​മുള്ള പ്രസം​ഗ​വേ​ല​യി​ലും ഈ ലേഖനം ഉപയോ​ഗി​ക്കാൻ പോവു​ക​യാണ്‌.”—എം. പി.

“യഹോ​വയെ സ്‌നേ​ഹി​ക്കു​ന്ന​വർപോ​ലും തങ്ങൾ ഒന്നിനും​കൊ​ള്ളാ​ത്ത​വ​രും സ്‌നേ​ഹി​ക്ക​പ്പെ​ടാ​ത്ത​വ​രു​മാ​ണെന്നു തോന്ന​ത്ത​ക്ക​വി​ധ​ത്തിൽ സാത്താൻ തകർപ്പൻ വേലയാ​ണു ചെയ്‌തി​രി​ക്കു​ന്നത്‌. യഹോവ നമ്മെ അഗാധ​മാ​യി സ്‌നേ​ഹി​ക്കു​ന്നു​വെ​ന്നും അവനു​വേണ്ടി നാം ചെയ്യുന്ന നിസ്സാര കാര്യ​ങ്ങ​ളെ​ല്ലാം അവൻ വിലമ​തി​ക്കു​ന്നു​വെ​ന്നും ‘വിശ്വസ്‌ത അടിമ’ ഓർമി​പ്പി​ച്ച​താണ്‌ എനിക്ക്‌ ഏറ്റവും പ്രോ​ത്സാ​ഹ​ജ​ന​ക​മാ​യി അനുഭ​വ​പ്പെ​ട്ടത്‌. ഈ ലേഖന​ങ്ങ​ളിൽ നിങ്ങൾ പരാമർശിച്ച തോന്ന​ലു​കൾ വർഷങ്ങ​ളാ​യി എന്നെ അലട്ടു​ന്നു​ണ്ടാ​യി​രു​ന്നു. യഹോ​വ​യു​ടെ സ്‌നേ​ഹ​ത്തി​നു യോഗ്യ​യാ​ണെന്ന്‌ എനിക്ക്‌ ഒരിക്ക​ലും തോന്നി​യി​ട്ടില്ല. തന്മൂലം അവന്റെ സ്‌നേഹം പിടി​ച്ചു​പ​റ്റു​ന്ന​തിന്‌ അവന്റെ സേവന​ത്തിൽ അധിക​മ​ധി​കം ചെയ്യാൻ ഞാൻ ശ്രമിച്ചു. എന്നാൽ കുറ്റ​ബോ​ധ​വും ലജ്ജയു​മാ​യി​രു​ന്നു എന്നെ അതിനു പ്രേരി​പ്പി​ച്ചത്‌. തന്മൂലം ശുശ്രൂ​ഷ​യിൽ എത്ര മണിക്കൂ​റു​കൾ ചെലവി​ട്ടാ​ലും എത്രത​ന്നെ​യാ​ളു​കളെ സഹായി​ച്ചാ​ലും അതു പോ​രെന്ന്‌ എനിക്കു തോന്നി. എന്നിലുള്ള പോരായ്‌മ മാത്രമേ ഞാൻ കണ്ടിരു​ന്നു​ള്ളൂ. ഇപ്പോൾ സ്‌നേ​ഹ​ത്താൽ പ്രേരി​ത​മാ​യി യഹോ​വയെ സേവി​ക്കു​മ്പോൾ അവൻ പുഞ്ചി​രി​തൂ​കു​ന്ന​താ​യും എന്നെപ്പറ്റി അഭിമാ​നം കൊള്ളു​ന്ന​താ​യും ഞാൻ വിഭാ​വനം ചെയ്യുന്നു. ഇത്‌ അവനോ​ടുള്ള എന്റെ സ്‌നേഹം നിറഞ്ഞു​ക​വി​യു​ന്ന​തി​നും കൂടുതൽ ചെയ്യു​ന്ന​തി​നും എനിക്കു പ്രേര​ണ​യേ​കു​ന്നു. യഹോ​വ​യു​ടെ സേവന​ത്തിൽ ഞാൻ ഇപ്പോൾ അത്യന്തം സന്തോ​ഷ​മ​നു​ഭ​വി​ക്കു​ന്നു.”—ആർ. എം.

“ഞാൻ വായി​ച്ചി​ട്ടു​ള്ള​തി​ലേ​ക്കും ഹൃദയ​സ്‌പർശി​യായ, ഏറ്റവും പരിപു​ഷ്ടി​പ്പെ​ടു​ത്തുന്ന, അതേ, അത്യന്തം മികച്ച ലേഖന​ങ്ങ​ളാ​യി​രു​ന്നു അവ! 55 വർഷമാ​യി വീക്ഷാ​ഗോ​പു​ര​ത്തി​ന്റെ വായന​ക്കാ​ര​നാ​ണു ഞാൻ. ശ്രദ്ധേ​യ​മായ അനേകം ലക്കങ്ങൾ ഉണ്ടായി​രു​ന്നി​ട്ടുണ്ട്‌. എന്നാൽ ഈ ലക്കം അതി​നെ​യെ​ല്ലാം കടത്തി​വെ​ട്ടു​ന്നു. നാം ‘ഒന്നിനും​കൊ​ള്ളാ​ത്തവർ’ ആണെന്നും ‘സ്‌നേ​ഹി​ക്ക​പ്പെ​ടാ​ത്തവർ’ ആണെന്നും യഹോ​വ​യു​ടെ സ്‌നേഹം ‘പിടി​ച്ചു​പ​റ്റാൻ’ മതിയാം​വണ്ണം ഒരിക്ക​ലും ചെയ്യാൻ കഴിയു​ക​യി​ല്ലെ​ന്നു​മുള്ള ആശങ്കക​ളെ​യും സന്ദേഹ​ങ്ങ​ളെ​യും ഭീതി​യെ​യും അതു ദൂരീ​ക​രി​ക്കു​ന്നു. നമ്മുടെ സഹോ​ദ​ര​ങ്ങൾക്ക്‌ അത്യന്തം ആവശ്യ​മാ​യി​രി​ക്കുന്ന ആത്മീയ സഹായം ഈ വീക്ഷാ​ഗോ​പു​ര​ത്തിൽ അടങ്ങിയിരിക്കുന്നു. ഇടയസ​ന്ദർശനം നടത്തു​മ്പോൾ ഈ ലേഖനങ്ങൾ വീണ്ടും വീണ്ടും ഉപയോ​ഗി​ക്കാൻ ഞാൻ ഉദ്ദേശി​ക്കു​ന്നു.”—എഫ്‌. കെ.

“നമ്മു​ടെ​യി​ട​യിൽ ആത്മാഭി​മാ​ന​ക്കു​റ​വി​നോ​ടോ ആത്മനി​ന്ദാ​പ​ര​മായ വികാ​ര​ങ്ങ​ളോ​ടോ​പോ​ലും പോരാ​ടു​ന്ന​വരെ സംബന്ധി​ച്ചി​ട​ത്തോ​ളം സത്യത്തിൽ തുടരു​ന്ന​തി​നുള്ള ബലം ആർജി​ക്കുക അത്യന്തം ദുഷ്‌ക​ര​മാ​യി​രി​ക്കാം. ഈ ലേഖനം അനുക​മ്പ​യും സഹാനു​ഭൂ​തി​യും ആഴത്തിൽ പ്രതി​ഫ​ലി​പ്പി​ച്ച​തി​നാൽ അതു കുളിർമ​യേ​കുന്ന, സൗഖ്യ​മാ​ക്കുന്ന ഒരു ലേപനം ഹൃദയ​ത്തിൽ പുരട്ടു​ന്ന​തു​പോ​ലെ​യാ​യി​രു​ന്നു. അത്തരം വാക്കുകൾ വീക്ഷാ​ഗോ​പു​ര​ത്തിൽ വായി​ക്കു​ക​യും യഹോവ നിസ്സം​ശ​യ​മാ​യും നമ്മെ മനസ്സി​ലാ​ക്കു​ന്നുണ്ട്‌ എന്നറി​യു​ക​യും ചെയ്‌തത്‌ എത്ര ആശ്വാ​സ​ദാ​യ​ക​മാ​യി​രു​ന്നു! കുറ്റ​ബോ​ധം, ലജ്ജ, ഭീതി എന്നിവ​യാൽ യഹോവ തന്റെ ജനത്തെ പ്രേരി​പ്പി​ക്കാൻ ശ്രമി​ക്കു​ന്നി​ല്ലെന്ന്‌ ഓർമി​പ്പി​ച്ച​തി​നു നന്ദി. ഞങ്ങളുടെ കുടും​ബ​ത്തിൽ സമീപ​കാ​ല​ത്തു​ണ്ടായ സാമ്പത്തിക ബുദ്ധി​മു​ട്ടു​ക​ളും ആരോഗ്യ പ്രശ്‌ന​ങ്ങ​ളും നിമിത്തം പ്രസം​ഗ​വേ​ല​യി​ലുള്ള എന്റെ പങ്കു വളരെ​യ​ധി​കം പരിമി​ത​മാ​ണെ​ന്നു​വ​രി​കി​ലും എനിക്കു ചെയ്യാൻ കഴിയു​ന്ന​തിൽ ഞാനി​പ്പോ​ഴും സംതൃ​പ്‌തി അനുഭ​വി​ക്കു​ന്നുണ്ട്‌. സ്‌നേഹം പ്രേര​ക​ശ​ക്തി​യാ​യി​രി​ക്കാൻ അനുവ​ദി​ക്കു​ന്ന​തി​നു ഞാൻ ശ്രമി​ക്കു​മ്പോൾ സേവന​ത്തിൽ ഞാൻ ഏറെ സന്തുഷ്ട​യാണ്‌.”—ഡി. എം.

“‘നിങ്ങൾ യഹോ​വ​യു​ടെ ദൃഷ്ടി​യിൽ വില​യേ​റി​യ​വ​രാണ്‌!’ എന്ന ലേഖനം ഞാൻ വായിച്ചു കഴിഞ്ഞ​തേ​യു​ള്ളൂ. ഓരോ ഖണ്ഡിക​യും കണ്ണുകളെ ഈറന​ണി​യി​ച്ചു. ഒട്ടും​തന്നെ സ്‌നേഹം പ്രകടി​പ്പി​ച്ചി​ട്ടി​ല്ലാത്ത ഒരു കുടും​ബ​ത്തി​ലാ​ണു ഞാൻ വളർന്നത്‌. എന്നെ മറ്റുള്ളവർ അവമതി​ക്കു​ക​യും കളിയാ​ക്കു​ക​യും പരിഹ​സി​ക്കു​ക​യും ചെയ്‌തി​രു​ന്നു. തന്മൂലം, ഒന്നിനും​കൊ​ള്ളാ​ത്ത​വ​നാ​ണു ഞാൻ എന്നു തുടക്കം​മു​തലേ എനിക്കു തോന്നി. ആഴത്തിൽ വേരൂ​ന്നിയ ഭൂതകാല സ്‌മര​ണകൾ കഷ്ടതയ​നു​ഭ​വി​ക്കു​മ്പോൾ ഇപ്പോ​ഴും എന്നെ അലട്ടുന്നു. ഒരു സഭാമൂ​പ്പ​നാ​യി സേവന​മ​നു​ഷ്‌ഠി​ക്കു​ന്നതു നിർത്തി​യ​പ്പോൾ എന്നത്തെ​യും​പോ​ലെ അത്‌, ദൈവ​ത്തോ​ടും എന്റെ കുടും​ബ​ത്തോ​ടും സഭയിലെ എന്റെ സഹോ​ദ​ര​ങ്ങ​ളോ​ടു​മുള്ള ഒരു പരാജ​യ​മാ​യി എനിക്കു തോന്നി. ഈ തോന്ന​ലു​കൾ രായ്‌ക്കു​രാ​മാ​നം അപ്രത്യ​ക്ഷ​മാ​കു​ന്നില്ല. എന്നാൽ ഒരള​വോ​ളം സമചിത്തത വീണ്ടെ​ടു​ക്കാൻ ഈ സമയോ​ചിത ലേഖനം എന്നെ സഹായി​ച്ചി​രി​ക്കു​ന്നു. അത്‌ എന്റെ വീക്ഷണ​ഗ​തി​യെ ശോഭ​ന​മാ​ക്കി​യി​രി​ക്കു​ന്നു.”—ഡി. എൽ.

“‘നിങ്ങൾ യഹോ​വ​യു​ടെ ദൃഷ്ടി​യിൽ വില​യേ​റി​യ​വ​രാണ്‌!’ എന്ന ലേഖന​ത്തി​നു നന്ദി. കുട്ടി​ക്കാ​ലത്തു നേരിട്ട ദുഷ്‌പെ​രു​മാ​റ്റ​ത്തിൽ വേരൂ​ന്നി​യി​രി​ക്കുന്ന തീവ്ര​മായ ആത്മദ്വേ​ഷ​ത്തെ​യും ഒന്നിനും​കൊ​ള്ളു​ക​യി​ല്ലെന്ന ആഴമായ തോന്ന​ലു​ക​ളെ​യും നേരി​ടു​ക​യാ​ണു ഞാൻ. ഈ വികല​മായ വീക്ഷണം സാത്താന്റെ തന്ത്രമാ​ണെന്നു വീക്ഷി​ക്കു​ന്നതു തികച്ചും ഉചിത​മാണ്‌. ജീവി​ക്കാ​നുള്ള ഒരുവന്റെ മനോ​വീ​ര്യ​ത്തെ​പ്പോ​ലും അതിനു ചവിട്ടി​യ​ര​ക്കാൻ കഴിയും. ഞാൻ സ്‌നേ​ഹി​ക്ക​പ്പെ​ടാൻ യോഗ്യ​ന​ല്ലെന്ന നുണയെ ചെറു​ക്കു​ന്ന​തിന്‌ ഞാൻ ദിവസേന ശ്രമി​ക്കേ​ണ്ട​തുണ്ട്‌. എന്നെ സംബന്ധി​ച്ചി​ട​ത്തോ​ളം ഈ ലേഖനം ഒരുപക്ഷേ നിങ്ങൾക്ക്‌ ഊഹി​ക്കാ​വു​ന്ന​തി​ല​ധി​കം അർഥവ​ത്താണ്‌.”—സി. എഫ്‌.

“നിർബ​ന്ധ​ത്താ​ലോ സമ്മർദ​ത്താ​ലോ അല്ല, മറിച്ച്‌ സ്‌നേ​ഹ​ത്താൽ പ്രേരി​ത​മായ പ്രവൃ​ത്തി​കളെ യഹോവ വിലമ​തി​ക്കു​ന്നു​വെന്ന ചിന്ത​യോ​ടു സഹോ​ദ​രങ്ങൾ ഇന്നു പ്രത്യേ​കി​ച്ചും പ്രതി​ക​രി​ക്കു​ന്നു. യഹോ​വ​യു​ടെ ഊഷ്‌മ​ള​വും പ്രീതി​ജ​ന​ക​വു​മായ വ്യക്തി​ത്വം, വ്യക്തി​ക​ളെ​ന്ന​നി​ല​യിൽ ആളുക​ളി​ലുള്ള അവന്റെ താത്‌പ​ര്യം, അവൻ സ്വയം ലഭ്യമാ​ക്കി​ത്തീർക്കുന്ന സ്‌നേ​ഹ​നിർഭ​ര​മായ വിധം എന്നിവ​യെ​പ്പറ്റി പരിചി​ന്തി​ക്കു​ന്നതു നവോ​ന്മേ​ഷ​ദാ​യ​ക​വും പ്രചോ​ദ​നാ​ത്മ​ക​വു​മാണ്‌. അതി​ന്റെ​യ​ടി​സ്ഥാ​ന​ത്തിൽ, “നിങ്ങൾ യഹോ​വ​യു​ടെ ദൃഷ്ടി​യിൽ വില​യേ​റി​യ​വ​രാണ്‌!” എന്ന ലേഖനം കൈപ്പ​റ്റിയ ഉടൻതന്നെ അനേകർ വിലമ​തി​പ്പു പ്രകട​മാ​ക്കി. യഹോ​വ​യു​മാ​യി കൂടുതൽ വ്യക്തി​പ​ര​മായ ബന്ധം വളർത്തി​യെ​ടു​ക്കാൻ അതു വഴി തുറക്കു​ന്ന​താ​യി തോന്നു​ന്നു. സമീപ​കാ​ലത്തെ വീക്ഷാ​ഗോ​പു​രം മാസി​ക​ക​ളിൽ പ്രകട​മാ​യി​രി​ക്കുന്ന, മറ്റുള്ള​വ​രു​ടെ വികാ​ര​ങ്ങളെ കണക്കി​ലെ​ടു​ത്തു​കൊ​ണ്ടുള്ള എഴുത്തി​ന്റെ ശൈലി​യിൽ വിലമ​തി​പ്പു പ്രകടി​പ്പി​ക്കാൻ ഞാനും ഭാര്യ​യും ആഗ്രഹി​ക്കു​ന്നു. സഭകൾ സന്ദർശി​ക്കു​മ്പോൾ ബാധക​മാ​ക്കേ​ണ്ട​തിന്‌ ഈ ആശയങ്ങ​ളി​ല​നേ​ക​വും പ്രവൃ​ത്തി​പ​ഥ​ത്തിൽ വരുത്താൻ ഞങ്ങൾ ശ്രമി​ക്കു​ക​യാണ്‌.”—ഒരു സഞ്ചാര​മേൽവി​ചാ​ര​ക​നിൽനിന്ന്‌.

“30 വർഷമാ​യി ഞാൻ ഒരു നിരന്തര വായന​ക്കാ​രി​യാണ്‌. എന്നാൽ ഇത്രയും പ്രേര​ണാ​ത്മ​ക​മായ, കെട്ടു​പ​ണി​ചെ​യ്യുന്ന ഒന്ന്‌ ഞാൻ ഇന്നേവരെ വായി​ച്ചി​ട്ടില്ല. ശക്തമായ, വിദഗ്‌ധ​മാ​യി ബാധക​മാ​ക്കി​യി​രി​ക്കുന്ന തിരു​വെ​ഴു​ത്തു​കൾ എന്റെ വികാ​ര​ങ്ങ​ളിൽ ഒളിഞ്ഞു​കി​ട​ന്നി​രുന്ന നുണകളെ പിഴു​തെ​റി​യു​ന്ന​തിന്‌, യഹോ​വ​യോട്‌ അടുത്തു ചെല്ലാൻ അനുവ​ദി​ക്കു​ന്ന​വി​ധ​ത്തിൽ എന്നെ സഹായി​ച്ചി​രി​ക്കു​ന്നു. ഞാൻ വർഷങ്ങ​ളോ​ളം യഹോ​വയെ സേവി​ച്ചതു കുറ്റ​ബോ​ധം നിമി​ത്ത​മാണ്‌. മറുവി​ല​യും ദൈവ​സ്‌നേ​ഹ​വും സംബന്ധിച്ച്‌ എനിക്കു വെറും മാനസിക ഗ്രാഹ്യ​മേ ഉണ്ടായി​രു​ന്നു​ള്ളൂ. ഉൾക്കാഴ്‌ച പകരു​ന്ന​തും ചിന്താ​പൂ​രി​ത​വു​മായ അത്തരം ലേഖന​ങ്ങൾക്കു നന്ദി. അതു​പോ​ലുള്ള അനേകം ലേഖനങ്ങൾ വായി​ക്കാ​മെന്നു ഞാൻ ആശിക്കു​ന്നു.”—എം. എസ്‌.

“സത്യത്തി​ലാ​യി​രുന്ന 29 വർഷത്തി​നി​ട​യിൽ എന്നെ ഇത്രയും കൃതജ്ഞ​ത​യു​ള്ള​വ​ളും ആഴത്തിൽ വികാ​ര​ഭ​രി​ത​യും ആക്കിയ ഒരു ലേഖനം വായി​ച്ച​താ​യി ഞാൻ ഓർക്കു​ന്നില്ല. വളരെ​യ​ധി​കം സ്‌നേ​ഹ​വും പരിച​ര​ണ​വും നൽകിയ ഒരു കുടും​ബ​ത്തി​ലാ​ണു ഞാൻ വളർന്നു​വ​ന്ന​തെ​ങ്കി​ലും ജീവി​ക്കാൻ യോഗ്യ​ത​യു​ള്ള​വ​ളാ​യി എനി​ക്കൊ​രി​ക്ക​ലും തോന്നി​യി​ട്ടില്ല, യഹോ​വയെ സേവി​ക്കു​ന്ന​തി​നെ​ക്കു​റിച്ച്‌ ഒട്ടു പറയു​ക​യും​വേണ്ട. ഈ ലേഖനം വായി​ച്ച​ശേഷം മുട്ടി​ന്മേൽനിന്ന്‌ ഏങ്ങിക്ക​ര​ഞ്ഞു​കൊ​ണ്ടു ഞാൻ യഹോ​വ​യ്‌ക്കു നന്ദി പറഞ്ഞു. ഈ ലേഖനം എനിക്ക്‌ എന്നെന്നും പ്രിയ​പ്പെ​ട്ട​താ​യി​രി​ക്കും. ഞാൻ എന്നെ വ്യത്യ​സ്‌ത​മാ​യി വീക്ഷി​ക്കും, കാരണം “ഞാൻ യഹോ​വ​യ്‌ക്കു വില​പ്പെ​ട്ട​വ​ളാണ്‌ എന്നു ഞാൻ ഇപ്പോൾ തിരി​ച്ച​റി​യു​ന്നു.”—ഡി. ബി.