നിങ്ങളു​ടെ ജീവിതം വിധി​യാൽ നിയ​ന്ത്രി​ക്ക​പ്പെ​ടു​ന്നു​വോ?

“അല നോ ഡോൺ.” പശ്ചിമാ​ഫ്രി​ക്ക​യി​ലുള്ള മാലി​യി​ലെ ബംബാറാ ഭാഷയിൽ ഈ മൊഴി​യു​ടെ അർഥം “അതു ദൈവ​ത്തി​ന്റെ പ്രവൃ​ത്തി​യാണ്‌” എന്നാണ്‌. ലോക​ത്തി​ന്റെ ആ ഭാഗത്ത്‌ ഇത്തരം പഴഞ്ചൊ​ല്ലു​കൾ വളരെ സാധാ​ര​ണ​മാണ്‌. “യല്ലാഹ്‌ മൊ കൊ ഡെഫ്‌” (ദൈവ​മാണ്‌ അതു ചെയ്‌തത്‌) എന്നതു വോ​ളൊഫ്‌ ഭാഷയി​ലെ പഴമൊ​ഴി​യാണ്‌. ഒരു ഡോഗൻ നാട്ടു​ഭാ​ഷ​യി​ലെ മൊഴി​യാണ്‌ “അമാ ബിറെയ്‌” (ദൈവ​മാണ്‌ അതു വരുത്തി​വെ​ച്ചത്‌).

തത്തുല്യ​മാ​യ പദപ്ര​യോ​ഗങ്ങൾ മറ്റു ദേശങ്ങ​ളി​ലു​മുണ്ട്‌. “അവന്റെ സമയം വന്നെത്തി​യി​രു​ന്നു,” “അതു ദൈവ​ഹി​ത​മാ​യി​രു​ന്നു” എന്നിങ്ങ​നെ​യുള്ള പഴമൊ​ഴി​കൾ മരണമോ ദുരന്ത​മോ സംഭവി​ക്കു​മ്പോൾ മിക്കവാ​റും പറഞ്ഞു​കേൾക്കാ​റുണ്ട്‌. “കൊതി​പോ​ലെ വരില്ല, വിധി​പോ​ലേ വരിക​യു​ള്ളു” എന്നിങ്ങ​നെ​യുള്ള പഴഞ്ചൊ​ല്ലു​കൾ പശ്ചിമാ​ഫ്രി​ക്ക​യിൽ പൊതു വാഹന​ങ്ങ​ളിൽ പെയി​ന്റു​കൊണ്ട്‌ എഴുതു​ക​യും കടകളിൽ അടയാ​ള​ങ്ങ​ളാ​യി സ്ഥാപി​ക്കു​ക​യും ചെയ്യുക സാധാ​ര​ണ​മാണ്‌. അനേക​രെ​യും സംബന്ധി​ച്ചി​ട​ത്തോ​ളം അവ കേവലം വാക്യാ​ല​ങ്കാ​ര​ങ്ങ​ളാണ്‌. എങ്കിലും അവ മിക്ക​പ്പോ​ഴും അഗാധ​സ്ഥി​ത​മായ ഒരു വിധി​വി​ശ്വാ​സത്തെ പ്രതി​ഫ​ലി​പ്പി​ക്കു​ന്നു.

എന്താണു വിധി​വി​ശ്വാ​സം? “മനുഷ്യ​വർഗ​ത്തി​നു നിയ​ന്ത്രി​ക്കാ​നാ​വാത്ത ശക്തിക​ളാൽ സംഭവങ്ങൾ നിർണ​യി​ക്ക​പ്പെ​ടു​ന്നു​വെന്ന വിശ്വാ​സം” എന്നാണു വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ അതിനെ നിർവ​ചി​ക്കു​ന്നത്‌. ആ “ശക്തികൾ” ഏവയാണ്‌? ഒരു വ്യക്തി​യു​ടെ വിധി അയാളു​ടെ ജനന സമയത്തെ നക്ഷത്ര​ങ്ങ​ളു​ടെ സ്ഥാനത്താൽ ശക്തമായി സ്വാധീ​നി​ക്ക​പ്പെ​ടു​ന്ന​താ​യി ആയിര​ക്ക​ണ​ക്കി​നു വർഷങ്ങൾക്കു​മു​മ്പു ബാബി​ലോ​ന്യർ വിശ്വ​സി​ച്ചി​രു​ന്നു. (യെശയ്യാ​വു 47:13, താരത​മ്യം ചെയ്യുക.) ജീവി​ത​തന്തു പിരി​ക്കു​ക​യും അളക്കു​ക​യും മുറി​ക്കു​ക​യും ചെയ്‌ത ശക്തരായ മൂന്നു ദേവി​മാ​രു​ടെ കൈക​ളി​ലാ​ണു വിധി എന്നു ഗ്രീക്കു​കാർ വിശ്വ​സി​ച്ചി​രു​ന്നു. എന്നുവ​രി​കി​ലും, ദൈവം​തന്നെ ഒരു വ്യക്തി​യു​ടെ വിധി നിർണ​യി​ക്കു​ന്നു​വെന്ന ആശയം കൊണ്ടു​വ​ന്നതു ക്രൈ​സ്‌ത​വ​ലോ​ക​ത്തി​ലെ ദൈവ​ശാ​സ്‌ത്ര​ജ്ഞ​ന്മാ​രാ​യി​രു​ന്നു!

ഉദാഹ​ര​ണ​ത്തിന്‌, അഗസ്റ്റിൻ “പുണ്യ​വാ​ളൻ” ജ്യോ​തി​ഷ​ക്കാ​രു​ടെ “വ്യാജ​വും ഉപദ്ര​വ​ക​ര​വു​മായ അഭി​പ്രാ​യ​ങ്ങളെ” നിരാ​ക​രി​ച്ചു. നേരേ​മ​റിച്ച്‌, “ദൈവ​മു​ണ്ടെന്ന്‌ അവകാ​ശ​പ്പെ​ടു​ക​യും അതേസ​മ​യം​തന്നെ ഭാവി​കാ​ര്യ​ങ്ങ​ളെ​ക്കു​റിച്ച്‌ അവനു മുന്നറി​വു​ണ്ടെ​ന്നു​ള്ള​തി​നെ നിഷേ​ധി​ക്കു​ക​യും ചെയ്യു​ന്ന​താണ്‌ ഏറ്റവും സ്‌പഷ്ട​മായ വിഡ്‌ഢി​ത്തം” എന്ന്‌ അദ്ദേഹം വാദിച്ചു. ദൈവം യഥാർഥ​ത്തിൽ സർവശ​ക്ത​നാ​യി​രി​ക്കു​ന്ന​തിന്‌ അവൻ “എല്ലാം മുൻനിർണ​യി​ച്ചു​കൊണ്ട്‌, സകല കാര്യ​ങ്ങ​ളും സംഭവി​ക്കു​ന്ന​തി​നു​മു​മ്പേ അറിഞ്ഞി​രി​ക്കണം. ഒന്നും മുൻകൂ​ട്ടി തീരു​മാ​നി​ക്കാ​തെ” വിടരുത്‌. എങ്കിലും, സംഭവി​ക്കു​ന്ന​തെ​ല്ലാം ദൈവം മുൻകൂ​ട്ടി അറിയു​മ്പോൾതന്നെ മനുഷ്യർക്ക്‌ ഇച്ഛാസ്വാ​ത​ന്ത്ര്യ​മു​ള്ള​താ​യി അഗസ്റ്റിൻ വികാ​ര​വാ​യ്‌പോ​ടെ വാദിച്ചു.—ദൈവ​ത്തി​ന്റെ നഗരം (ഇംഗ്ലീഷ്‌), ബുക്ക്‌ V, അധ്യാ​യങ്ങൾ 7-9.

നൂറ്റാ​ണ്ടു​കൾക്കു ശേഷം, പ്രൊ​ട്ട​സ്റ്റൻറ്‌ ദൈവ​ശാ​സ്‌ത്ര​ജ്ഞ​നാ​യി​രുന്ന ജോൺ കാൽവിൻ ഒരുപ​ടി​കൂ​ടി മുന്നോ​ട്ടു​പോ​യി. ചിലർ “സ്വർഗ​രാ​ജ്യ​ത്തി​ന്റെ മക്കളും അവകാ​ശി​ക​ളു​മാ​യി​രി​ക്കാൻ [ദൈവ​ത്താൽ] മുൻനി​ശ്ച​യി​ക്ക​പ്പെ​ട്ടി​രിക്ക”വേ മറ്റുള്ളവർ “അവന്റെ ക്രോധം ഏറ്റുവാ​ങ്ങു​ന്നവർ” ആയിരി​ക്കാൻ മുൻനി​ശ്ച​യി​ക്ക​പ്പെ​ട്ടി​രി​ക്കു​ന്നു​വെന്ന്‌ അദ്ദേഹം വാദിച്ചു!

ഇന്നു ലോക​ത്തി​ന്റെ പല ഭാഗങ്ങ​ളി​ലും വിധി​യി​ലുള്ള വിശ്വാ​സം ഗൗരവ​മാ​യി കണക്കാ​ക്ക​പ്പെ​ടു​ന്നു. പശ്ചിമാ​ഫ്രി​ക്ക​യി​ലുള്ള ഊസ്‌മാൻ എന്ന ഒരു യുവാ​വി​ന്റെ അനുഭവം പരിചി​ന്തി​ക്കുക. അവൻ സ്‌കൂ​ളി​ലെ ഏറ്റവും മികച്ച കുട്ടി​ക​ളിൽ ഒരാളാ​യി​രു​ന്നു​വെ​ങ്കി​ലും ഒടുവി​ലത്തെ പരീക്ഷ​യിൽ തോറ്റു​പോ​യി! സ്‌കൂ​ളിൽ അതേ ക്ലാസ്സിൽ ഒന്നുകൂ​ടി പഠിക്കു​ന്നതു മാത്രമല്ല, കുടും​ബാം​ഗ​ങ്ങ​ളു​ടെ​യും സുഹൃ​ത്തു​ക്ക​ളു​ടെ​യും മുന്നിൽ ജാള്യം അനുഭ​വി​ക്കു​ന്ന​തും അത്‌ അർഥമാ​ക്കി. അതു ദൈവ​ഹി​ത​മാ​ണെന്നു പറഞ്ഞു​കൊണ്ട്‌ ഒരു സുഹൃത്ത്‌ അവനെ ആശ്വസി​പ്പി​ക്കാൻ ശ്രമിച്ചു. അതു​പോ​ലെ​തന്നെ ഊസ്‌മാ​ന്റെ അമ്മയും അവന്റെ തോൽവി​ക്കു വിധിയെ പഴിച്ചു.

ആദ്യ​മൊ​ക്കെ, അവർ സഹാനു​ഭൂ​തി പ്രകടി​പ്പി​ച്ച​പ്പോൾ ഊസ്‌മാൻ സന്തോ​ഷ​പൂർവം സ്വീക​രി​ച്ചു. ഏതായാ​ലും, അവന്റെ പരാജയം യഥാർഥ​ത്തിൽ ദൈവ​ഹി​ത​മാ​യി​രു​ന്നെ​ങ്കിൽ അതു തടഞ്ഞു​നിർത്താൻ അവന്‌ ഒന്നും ചെയ്യാ​നാ​വി​ല്ലാ​യി​രു​ന്നു. എന്നാൽ അവന്റെ പിതാവ്‌ കാര്യ​ങ്ങളെ വ്യത്യ​സ്‌ത​മാ​യി വീക്ഷിച്ചു. പരീക്ഷ​ക​ളിൽ തോറ്റത്‌ അവന്റെ കുറ്റം​കൊ​ണ്ടാണ്‌, അല്ലാതെ ദൈവ​ത്തി​ന്റെ കുറ്റം​കൊ​ണ്ടല്ല എന്ന്‌ അദ്ദേഹം ഊസ്‌മാ​നോ​ടു പറഞ്ഞു. പഠിത്തം അവഗണി​ച്ച​തു​കൊ​ണ്ടു മാത്ര​മാണ്‌ ഊസ്‌മാൻ തോറ്റു​പോ​യത്‌.

വിധി​യി​ലു​ള്ള വിശ്വാ​സ​ത്തിന്‌ ഉലച്ചിൽ തട്ടിയ ഊസ്‌മാൻ കാര്യ​ങ്ങ​ളെ​ക്കു​റി​ച്ചു സ്വയം പരി​ശോ​ധി​ക്കാൻ തീരു​മാ​നി​ച്ചു. അടുത്ത ലേഖനം പരിചി​ന്തി​ച്ചു​കൊണ്ട്‌ അതുതന്നെ ചെയ്യാൻ ഞങ്ങൾ നിങ്ങളെ ക്ഷണിക്കു​ന്നു.