രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

എല്ലാ അവസര​ങ്ങ​ളി​ലും രാജ്യ​വി​ത്തു വിതയ്‌ക്കു​ന്നു

ദൈവ​വ​ച​ന​മാ​കുന്ന ബൈബിൾ കഠിനാ​ധ്വാ​നത്തെ പ്രോ​ത്സാ​ഹി​പ്പി​ക്കു​ന്നു. ശലോ​മോൻ രാജാവു പറഞ്ഞു: “രാവിലേ നിന്റെ വിത്തു വിതെക്ക; വൈകു​ന്നേ​രത്തു നിന്റെ കൈ ഇളെച്ചി​രി​ക്ക​രു​തു; ഇതോ, അതോ, ഏതു സഫലമാ​കും എന്നും രണ്ടും ഒരു​പോ​ലെ നന്നായി​രി​ക്കു​മോ എന്നും നീ അറിയു​ന്നി​ല്ല​ല്ലോ.”—സഭാ​പ്ര​സം​ഗി 11:6.

ഉചിത​മാ​യ എല്ലാ സന്ദർഭ​ങ്ങ​ളി​ലും, യഹോ​വ​യു​ടെ സാക്ഷികൾ ദൈവ​രാ​ജ്യ​ത്തി​ന്റെ സുവാർത്ത പ്രസം​ഗി​ച്ചു​കൊണ്ട്‌ “വിത്ത്‌” വിതെ​ക്കു​ന്നു. 230-ലേറെ ദേശങ്ങ​ളി​ലും ദ്വീപ​സ​മൂ​ഹ​ങ്ങ​ളി​ലു​മാ​യി അവർ “വിടാതെ ഉപദേ​ശി​ക്ക​യും യേശു​വി​നെ ക്രിസ്‌തു എന്നു സുവി​ശേ​ഷി​ക്ക​യും ചെയ്‌തു​കൊ​ണ്ടി”രിക്കുന്നു. (പ്രവൃ​ത്തി​കൾ 5:42) യഹോ​വ​യു​ടെ സാക്ഷികൾ പ്രസം​ഗ​പ്ര​വർത്ത​ന​ത്തിൽ ‘തങ്ങളുടെ കൈകൾ ഇളെച്ചി​രി​ക്കാ​തി’രുന്നി​ട്ടു​ള്ളത്‌ എങ്ങനെ​യെന്ന്‌ പിൻവ​രുന്ന അനുഭ​വങ്ങൾ കാണി​ക്കും.

□ കേപ്‌ വെർഡ്‌ റിപ്പബ്ലി​ക്കിൽ യഹോ​വ​യു​ടെ സാക്ഷി​ക​ളിൽ ഒരാൾ വയൽശു​ശ്രൂ​ഷ​യിൽ ഏർപ്പെ​ട്ടു​കൊ​ണ്ടി​രി​ക്കുന്ന അവസര​ത്തിൽ ഒരു ജയിലി​ന​രി​കി​ലൂ​ടെ നടക്കു​ക​യാ​യി​രു​ന്നു. ജയിൽമു​റ്റ​ത്തുള്ള ഒരു വൃക്ഷത്തി​ന്മേൽ ചില തടവു​കാർ കയറി ഇരിപ്പു​ണ്ടാ​യി​രു​ന്നു. താഴെ സാക്ഷിയെ കണ്ടപ്പോൾ തടവു​കാർ ഏതാനും മാസി​കകൾ തരാ​മോ​യെന്നു വിളി​ച്ചു​ചോ​ദി​ച്ചു. സാക്ഷി വീക്ഷാ​ഗോ​പു​രം, ഉണരുക! എന്നീ മാസി​ക​ക​ളു​ടെ കുറെ പ്രതികൾ ഒരു കല്ലി​നോ​ടു ചേർത്തു​കെട്ടി ജയിലി​ന്റെ മതിലി​നു മുകളി​ലൂ​ടെ എറിഞ്ഞു​കൊ​ടു​ത്തു. ഈ പ്രഥമ താത്‌പ​ര്യ​ത്തി​ന്റെ ഫലമായി 12 ബൈബി​ള​ധ്യ​യ​നങ്ങൾ തുടങ്ങി. തടവു​കാ​രിൽ മൂന്നു പേർ തങ്ങളുടെ ജീവിതം യഹോ​വ​യ്‌ക്കു സമർപ്പി​ക്കു​ക​യും ജലസ്‌നാ​പ​ന​മേൽക്കു​ക​യും ചെയ്‌തു. തടവു​കാ​രിൽ ഒരാൾ ഇപ്പോൾ ഒരു വർഷത്തി​ലേ​റെ​യാ​യി ഒരു മുഴു​സമയ സുവി​ശേ​ഷകൻ അല്ലെങ്കിൽ പയനിയർ ആയി സേവി​ക്കു​ന്നു. എങ്കിലും ജയിലിൽ അവർ വയൽസേവന പ്രവർത്ത​നങ്ങൾ നടത്തു​ന്നത്‌ എങ്ങനെ​യാണ്‌? ആദ്യം ജയിലി​നെ പ്രദേ​ശ​ങ്ങ​ളാ​യി വിഭജി​ക്കു​ന്നു. പിന്നീട്‌ പ്രദേശം മൂന്നു സാക്ഷി​കൾക്കി​ട​യിൽ വീതി​ച്ചു​കൊ​ടു​ക്കു​ന്നു. തടവറ​കൾതോ​റും അവർ സാക്ഷീ​ക​രി​ക്കു​ന്നു. ഈ രാജ്യ​പ്ര​ഘോ​ഷകർ ഏറെക്കു​റെ ലോക​മെ​മ്പാ​ടു​മുള്ള യഹോ​വ​യു​ടെ സാക്ഷികൾ ചെയ്യു​ന്ന​തു​പോ​ലെ​ത​ന്നെ​യാണ്‌ താത്‌പ​ര്യ​ത്തെ പിന്തു​ട​രു​ന്നത്‌—മടക്കസ​ന്ദർശ​നങ്ങൾ നടത്തി​ക്കൊണ്ട്‌. എങ്കിലും ഒരു വ്യത്യാ​സ​മു​ള്ളത്‌, ബൈബി​ള​ധ്യ​യ​നങ്ങൾ നടത്തു​ന്ന​തി​ന്റെ ആവർത്ത​ന​മാണ്‌. ആഴ്‌ച​യിൽ ഒന്നോ രണ്ടോ തവണ ഒരു മണിക്കൂ​റോ മറ്റോ ബൈബിൾ പഠിക്കു​ന്ന​തി​നു​പ​കരം ചില തടവു​കാർ എല്ലാ ദിവസ​വും പഠിക്കു​ന്നു! ഇതിനു​പു​റമേ ജയിലി​നു​ള്ളിൽത്തന്നെ എല്ലാ സഭാ​യോ​ഗ​ങ്ങ​ളും നടത്താ​നുള്ള അനുമതി ജനറൽ ഡയറക്ട​റിൽനി​ന്നു സാക്ഷി​കൾക്കു ലഭിച്ചി​ട്ടുണ്ട്‌.

□ പോർച്ചു​ഗ​ലി​ലെ ഒരു സ്‌ത്രീ​ക്കു തന്റെ മുത്തശ്ശി​യു​ടെ മരണ​ശേഷം ഒട്ടേറെ വാച്ച്‌ ടവർ പ്രസി​ദ്ധീ​ക​ര​ണങ്ങൾ അവകാ​ശ​മാ​യി കിട്ടി. അവർ ഒരു യഹോ​വ​യു​ടെ സാക്ഷി​യ​ല്ലാ​തി​രു​ന്ന​തു​കൊണ്ട്‌ പുസ്‌ത​കങ്ങൾ സൂക്ഷി​ക്കാൻ അവർക്ക്‌ ആഗ്രഹ​മു​ണ്ടാ​യി​രു​ന്നില്ല. എങ്കിലും അവ നശിപ്പി​ക്കാൻ അവർക്കു മടിയാ​യി​രു​ന്നു. ഒരു ദിവസം വാതിൽതോ​റു​മുള്ള ശുശ്രൂ​ഷ​യ്‌ക്കി​ട​യിൽ അവരെ സന്ദർശിച്ച ഒരു യഹോ​വ​യു​ടെ സാക്ഷി​യോട്‌ പുസ്‌ത​ക​ശേ​ഖ​ര​ത്തെ​ക്കു​റിച്ച്‌ അവൾ പറഞ്ഞു. പുസ്‌ത​ക​ശേ​ഖ​ര​ത്തി​ന്റെ യഥാർഥ മൂല്യ​ത്തെ​ക്കു​റിച്ച്‌ എന്തെങ്കി​ലും അറിയാ​മോ​യെന്നു സാക്ഷി അവരോ​ടു ചോദി​ച്ചു. സ്‌ത്രീ പ്രതി​വ​ചി​ച്ചു: “ഉള്ളതു പറഞ്ഞാൽ, അവയുടെ യഥാർഥ മൂല്യം എനിക്ക​റി​യില്ല. പക്ഷേ എനിക്ക്‌ അതെങ്ങനെ കണ്ടെത്താ​നാ​കും?” സ്‌ത്രീ ഒരു ബൈബി​ള​ധ്യ​യനം സ്വീക​രി​ച്ചു. താമസി​യാ​തെ മുത്തശ്ശി​യു​ടെ പുസ്‌ത​ക​ശേ​ഖരം അവർ കാത്തു​സൂ​ക്ഷി​ക്കാ​നി​ട​യാ​യി. ഇപ്പോൾ അവരും യഹോ​വ​യു​ടെ സ്‌നാ​പ​ന​മേറ്റ ഒരു സാക്ഷി​യാണ്‌. അതിലു​പരി, അവരുടെ മകളും അടുത്ത കുടും​ബ​സു​ഹൃ​ത്തും ബൈബിൾ പഠിക്കു​ന്നുണ്ട്‌. ഈ പുസ്‌ത​ക​ശേ​ഖരം എത്ര വില​യേ​റിയ ഒരു സ്വത്താ​ണെന്നു തെളിഞ്ഞു!