നാച്ച്‌മാ​നി​ഡിസ്‌ അദ്ദേഹം ക്രിസ്‌ത്യാ​നി​ത്വ​ത്തെ ഖണ്ഡിച്ചോ?

മധ്യയു​ഗങ്ങൾ. അവ നിങ്ങളെ എന്താണ്‌ ഓർമി​പ്പി​ക്കു​ന്നത്‌? കുരി​ശു​യു​ദ്ധങ്ങൾ? മതവി​ചാ​ര​ണകൾ? പീഡനം? തുറന്ന മതചർച്ച നടത്തി​യി​രുന്ന കാലഘ​ട്ട​മാ​യി സാധാ​ര​ണ​ഗ​തി​യിൽ അറിയ​പ്പെ​ടു​ന്നി​ല്ലെ​ങ്കി​ലും അക്കാലത്ത്‌, അതായത്‌ 1263-ൽ, യൂറോ​പ്പി​ന്റെ ചരി​ത്ര​ത്തി​ലെ ഏറ്റവും അനുപ​മ​മായ യഹൂദ-ക്രിസ്‌തീയ സംവാ​ദ​ങ്ങ​ളി​ലൊ​ന്നു നടന്നു. ആരെല്ലാ​മാ​യി​രു​ന്നു അതിലുൾപ്പെ​ട്ടി​രു​ന്നത്‌? എന്തെല്ലാം വാദവി​ഷ​യ​ങ്ങ​ളാണ്‌ ഉയർന്നു​വ​ന്നത്‌? സത്യമതം കണ്ടെത്താൻ അതിന്‌ ഇന്നു നമ്മെ എങ്ങനെ സഹായി​ക്കാ​നാ​കും?

സംവാ​ദ​ത്തി​നു തിരി​കൊ​ളു​ത്തി​യ​തെന്ത്‌?

മധ്യയു​ഗ​ങ്ങ​ളി​ലു​ട​നീ​ളം റോമൻ കത്തോ​ലി​ക്കാ സഭ സത്യമ​ത​മാ​യി സ്വയം അവതരി​പ്പി​ച്ചു. എന്നാൽ, തങ്ങൾ ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനമാ​ണെന്ന അവകാ​ശ​വാ​ദം യഹൂദർ ഒരിക്ക​ലും പരിത്യ​ജി​ച്ചില്ല. മതപരി​വർത്തനം നടത്തേ​ണ്ട​തി​ന്റെ ആവശ്യ​ത്തെ​ക്കു​റി​ച്ചു യഹൂദ​ന്മാ​രെ ബോധ്യ​പ്പെ​ടു​ത്താൻ സഭയ്‌ക്കു കഴിയാ​ഞ്ഞത്‌ ഇച്ഛാഭം​ഗ​ത്തി​ലേ​ക്കും അടിക്ക​ടി​യുള്ള അക്രമം, പീഡനം എന്നിവ​യി​ലേ​ക്കും നയിച്ചു. കുരി​ശു​യു​ദ്ധ​ങ്ങ​ളു​ടെ കാലത്തു പതിനാ​യി​ര​ക്ക​ണ​ക്കി​നു യഹൂദരെ കശാപ്പു​ചെ​യ്യു​ക​യോ സ്‌തം​ഭ​ത്തിൽ ചുട്ടെ​രി​ക്കു​ക​യോ ചെയ്‌തു. ഒന്നുകിൽ സ്‌നാ​പനം അല്ലെങ്കിൽ മരണം—അവർക്കു വേറേ പോം​വ​ഴി​യി​ല്ലാ​യി​രു​ന്നു. നിരവധി ദേശങ്ങ​ളി​ലും സഭാ​പ്രേ​രിത ശേമ്യ​വി​രോ​ധം സർവസാ​ധാ​ര​ണ​മാ​യി​രു​ന്നു.

എങ്കിലും, 12-ഉം 13-ഉം നൂറ്റാ​ണ്ടു​ക​ളിൽ കത്തോ​ലി​ക്കാ രാഷ്‌ട്ര​മായ സ്‌പെ​യി​നിൽ വ്യത്യ​സ്‌ത​മായ മനോ​ഗതി വ്യാപ​രി​ച്ചി​രു​ന്നു. ക്രിസ്‌തീയ വിശ്വാ​സ​ത്തി​ന്മേൽ ആക്രമണം നടത്താ​ഞ്ഞി​ട​ത്തോ​ളം കാലം യഹൂദർക്കു മതസ്വാ​ത​ന്ത്ര്യം അനുവ​ദി​ച്ചി​രു​ന്നു. മാത്രമല്ല, രാജാ​വി​ന്റെ അരമന​യിൽ പ്രധാന സ്ഥാനമാ​ന​ങ്ങ​ളും അവർക്കു നൽകി​യി​രു​ന്നു. എന്നാൽ, അത്തരം ആനുകൂ​ല്യ​ങ്ങൾ നൽകി ഏതാണ്ട്‌ ഒരു നൂറ്റാണ്ടു കഴിഞ്ഞ​പ്പോൾ, യഹൂദർക്കു സമൂഹ​ത്തി​ന്മേ​ലുള്ള സ്വാധീ​നം കുറയ്‌ക്കു​ന്ന​തി​നും അവരെ കത്തോ​ലി​ക്കാ മതത്തി​ലേക്കു മതപരി​വർത്തനം ചെയ്യി​ക്കു​ന്ന​തി​നും ഡൊമി​നി​ക്കൻ പുരോ​ഹി​ത​ന്മാർ നടപടി​കൾ സ്വീക​രി​ച്ചു. ഒരു ഔദ്യോ​ഗിക സംവാദം സംഘടി​പ്പി​ക്കാൻ അരഗോ​ണി​ലെ ജയിംസ്‌ I-ാമൻ രാജാ​വി​ന്റെ​മേൽ ഡൊമി​നി​ക്ക​ന്മാർ സമ്മർദം ചെലുത്തി. യഹൂദ​മതം അധമമാ​ണെന്നു തെളി​യിച്ച്‌ യഹൂദ​രെ​യെ​ല്ലാം മതപരി​വർത്തനം ചെയ്യി​ക്കു​ക​യാ​യി​രു​ന്നു അതിന്റെ ഉദ്ദേശ്യം.

ഈ യഹൂദ-ക്രിസ്‌തീയ സംവാദം ഇദം​പ്ര​ഥ​മ​മാ​യി​രു​ന്നില്ല. 1240-ൽ ഒരു ഔദ്യോ​ഗിക സംവാദം ഫ്രാൻസി​ലെ പാരീ​സിൽ നടന്നി​രു​ന്നു. അതിന്റെ മുഖ്യ ഉദ്ദേശ്യം യഹൂദ​ന്മാ​രു​ടെ വിശുദ്ധ ഗ്രന്ഥമായ തൽമൂദ്‌ പരി​ശോ​ധനാ വിധേ​യ​മാ​ക്കു​ക​യാ​യി​രു​ന്നു. എന്നാൽ, അതിൽ പങ്കുപ​റ്റിയ യഹൂദർക്കു കാര്യ​മായ സംസാ​ര​സ്വാ​ത​ന്ത്ര്യ​മൊ​ന്നും ലഭിച്ചില്ല. തർക്കത്തിൽ സഭയുടെ വിജയം പ്രഖ്യാ​പി​ച്ച​ശേഷം പൊതു ചത്വര​ങ്ങ​ളിൽവെച്ചു തൽമൂ​ദി​ന്റെ അസംഖ്യം പ്രതികൾ കത്തിച്ചു​ക​ളഞ്ഞു.

എങ്കിലും ജയിംസ്‌ I-ാമൻ രാജാവ്‌ കൂടുതൽ സഹിഷ്‌ണു​താ മനോ​ഭാ​വ​മു​ള്ള​വ​നാ​യി​രു​ന്ന​തി​നാൽ അത്തര​മൊ​രു പ്രഹസന വിചാ​ര​ണ​യ്‌ക്ക്‌ അനുമതി നൽകി​യില്ല. അതു തിരി​ച്ച​റിഞ്ഞ ഡൊമി​നി​ക്ക​ന്മാർ ഒരു വ്യത്യ​സ്‌ത​മാർഗം അവലം​ബി​ച്ചു. ചൈയാം മാക്കോ​ബി യഹൂദ​മതം വിചാ​ര​ണ​യിൽ (ഇംഗ്ലീഷ്‌) എന്ന തന്റെ ഗ്രന്ഥത്തിൽ വിവരി​ച്ചി​രി​ക്കു​ന്ന​തു​പോ​ലെ, അവർ യഹൂദരെ സംവാ​ദ​ത്തി​നു ക്ഷണിച്ചത്‌ “പാരീ​സിൽവെച്ച്‌ ആക്ഷേപി​ച്ച​തു​പോ​ലെയല്ല, പ്രത്യുത മര്യാ​ദ​യു​ടെ​യും അനുന​യ​ത്തി​ന്റെ​യും പൊയ്‌മു​ഖ​മ​ണി​ഞ്ഞാണ്‌.” യഹൂദ​മ​ത​ത്തിൽനി​ന്നു കത്തോ​ലി​ക്കാ​മ​ത​ത്തി​ലേക്കു മതപരി​വർത്തനം ചെയ്‌ത്‌, ഡൊമി​നി​ക്കൻ പുരോ​ഹി​ത​നാ​യി മാറിയ പാബ്ലോ ക്രിസ്റ്റ്യാ​നി​യെ ഡൊമി​നി​ക്ക​ന്മാർ തങ്ങളുടെ മുഖ്യ പ്രതി​നി​ധി​യാ​യി നിയോ​ഗി​ച്ചു. തൽമൂ​ദി​നെ​യും റബിമാ​രു​ടെ ലേഖന​ങ്ങ​ളെ​യും കുറി​ച്ചുള്ള പരിജ്ഞാ​നം നിമിത്തം പാബ്ലോ ക്രിസ്റ്റ്യാ​നി​ക്കു തങ്ങളുടെ പക്ഷം തെളി​യി​ക്കാൻ കഴിയു​മെന്നു ഡൊമി​നി​ക്ക​ന്മാർക്ക്‌ ഉറപ്പു​തോ​ന്നി.

നാച്ച്‌മാ​നി​ഡി​സി​നെ തിര​ഞ്ഞെ​ടു​ക്കാൻ കാരണം?

സ്‌പെ​യി​നിൽ സംവാ​ദ​ത്തി​നു യഹൂദ​പ​ക്ഷത്തെ പ്രതി​നി​ധാ​നം ചെയ്യാൻ യോഗ്യ​ത​യുള്ള ആത്മീയ ആചാര്യൻ ഒരുവനേ ഉണ്ടായി​രു​ന്നു​ള്ളൂ—മോസസ്‌ ബെൻ നാച്ച്‌മാൻ, അഥവാ നച്ച്‌മാ​നി​ഡിസ്‌.a ഏകദേശം 1194-ൽ ഹെറോന നഗരത്തിൽ പിറന്ന നാച്ച്‌മാ​നി​ഡിസ്‌ കൗമാ​ര​ത്തിൽത്തന്നെ ബൈബിൾ-തൽമൂദ്‌ പണ്ഡിത​നാ​യി സ്വയം തിരി​ച്ച​റി​യി​ച്ചി​രു​ന്നു. 30 വയസ്സാ​യ​പ്പോ​ഴേ​ക്കും അദ്ദേഹം തൽമൂ​ദി​ന്റെ ഭൂരി​ഭാ​ഗ​വും ഭാഷ്യം നടത്തി. താമസി​യാ​തെ അദ്ദേഹം, യഹൂദ സമുദാ​യ​ത്തി​ന്റെ അഖണ്ഡത​യ്‌ക്കു ഭീഷണി​യാ​യി നില​കൊണ്ട മൈ​മോ​നി​ഡ​സി​ന്റെ ലേഖന​ങ്ങ​ളെ​ക്കു​റി​ച്ചുള്ള തർക്കങ്ങൾക്കു മധ്യസ്ഥം വഹിച്ച അഗ്രഗ​ണ്യ​നായ വക്താവാ​യി.b ആ തലമു​റ​യി​ലെ ഏറ്റവും വലിയ യഹൂദ ബൈബിൾ-തൽമൂദ്‌ പണ്ഡിത​ഗ​ണ​ത്തിൽ ഏറ്റവും അഗ്രഗ​ണ്യ​നാ​യി കണക്കാ​ക്ക​പ്പെ​ടു​ന്നതു നാച്ച്‌മാ​നി​ഡി​സി​നെ​യാണ്‌. ഒരുപക്ഷേ, അതേ കാലഘ​ട്ട​ത്തിൽതന്നെ യഹൂദ​മ​ത​ത്തിൽ വളരെ സ്വാധീ​നം ചെലു​ത്തിയ മൈ​മോ​നി​ഡ​സി​ന്റെ തൊട്ടു​പി​ന്നിൽ നാച്ച്‌മാ​നി​ഡിസ്‌ സ്ഥാനം​പി​ടി​ക്കും.”

കാറ്റ​ലോ​ന്യ​യി​ലെ യഹൂദ സമുദാ​യ​ത്തി​ന്മേൽ നാച്ച്‌മാ​നി​ഡിസ്‌ ഗണ്യമായ സ്വാധീ​നം ചെലു​ത്തി​യി​രു​ന്നു. ജയിംസ്‌ I-ാമൻ രാജാ​വു​പോ​ലും രാഷ്‌ട്ര​വു​മാ​യി ബന്ധപ്പെട്ട വ്യത്യസ്‌ത കാര്യങ്ങൾ അദ്ദേഹ​വു​മാ​യി കൂടി​യാ​ലോ​ചി​ച്ചി​രു​ന്നു. അദ്ദേഹ​ത്തി​ന്റെ അതിസൂക്ഷ്‌മ ചിന്താ​പ്രാ​പ്‌തി​യെ യഹൂദ​രും വിജാ​തീ​യ​രും ഒരു​പോ​ലെ വിലമ​തി​ച്ചി​രു​ന്നു. യഹൂദ​രു​ടെ പ്രമുഖ റബിയായ അദ്ദേഹം സംവാ​ദ​ത്തി​നു വന്നാലേ അവരെ വേണ്ടും​വണ്ണം അവമതി​ക്കാൻ സാധിക്കൂ എന്നു ഡൊമി​നി​ക്ക​ന്മാർ മനസ്സി​ലാ​ക്കി.

മനസ്സി​ല്ലാ​മ​ന​സ്സോ​ടെ​യാ​ണു നാച്ച്‌മാ​നി​ഡിസ്‌ സംവാ​ദ​ത്തി​നു സമ്മതി​ച്ചത്‌. കാരണം, ഡൊമി​നി​ക്ക​ന്മാർ ഒരുകാ​ര​ണ​വ​ശാ​ലും പക്ഷപാ​ത​ര​ഹി​തർ ആയിരി​ക്കു​ക​യി​ല്ലെന്ന്‌ അദ്ദേഹം തിരി​ച്ച​റി​ഞ്ഞി​രു​ന്നു. അദ്ദേഹം ചോദ്യ​ങ്ങൾക്ക്‌ ഉത്തരങ്ങൾ നൽകേ​ണ്ടി​യി​രു​ന്നു, തിരിച്ച്‌ ചോദ്യ​ങ്ങൾ ഉന്നയി​ക്കാൻ പാടി​ല്ലാ​യി​രു​ന്നു. എങ്കിലും, തുറന്ന പ്രതി​ക​ര​ണ​ത്തിന്‌ അനുമതി നൽകണ​മെന്ന്‌ അദ്ദേഹം രാജാ​വി​നോട്‌ അപേക്ഷി​ച്ചു. ജയിംസ്‌ I-ാമൻ രാജാവ്‌ സമ്മത​മേകി. സംസാ​ര​സ്വാ​ത​ന്ത്ര്യ​ത്തി​നുള്ള അത്തര​മൊ​രു അനുമതി മധ്യയു​ഗ​ങ്ങ​ളിൽ അതിനു മുമ്പും പിമ്പും ഉണ്ടായി​ട്ടില്ല. അതു നാച്ച്‌മാ​നി​ഡി​സി​നോ​ടു രാജാ​വി​നു​ണ്ടാ​യി​രുന്ന ഉന്നത ബഹുമാ​ന​ത്തി​ന്റെ വ്യക്തമായ തെളി​വാ​യി​രു​ന്നു. എന്നിട്ടും നാച്ച്‌മാ​നി​ഡിസ്‌ ആശങ്കാ​കു​ല​നാ​യി​രു​ന്നു. സംവാ​ദ​ത്തിൽ അമിത വിരോ​ധി​യാ​യി കണക്കാ​ക്ക​പ്പെ​ടു​ന്ന​പക്ഷം അദ്ദേഹ​ത്തി​ന്റെ​യും യഹൂദ സമുദാ​യ​ത്തി​ന്റെ​യും ഭാവി അപകട​ത്തി​ലാ​കു​മാ​യി​രു​ന്നു. ഏതു സമയത്തും ആക്രമണം പൊട്ടി​പ്പു​റ​പ്പെ​ട്ടേ​ക്കാ​മാ​യി​രു​ന്നു.

പാബ്ലോ ക്രിസ്റ്റ്യാ​നി​ക്കെ​തി​രെ നാച്ച്‌മാ​നി​ഡിസ്‌

സംവാ​ദ​ത്തി​നു തിര​ഞ്ഞെ​ടു​ത്തതു രാജാ​വി​ന്റെ ബാർസ​ലോ​ണ​യി​ലുള്ള കൊട്ടാ​ര​മാ​യി​രു​ന്നു. നാലു സെഷനു​ക​ളി​ലാ​യി​ട്ടാ​ണതു നടന്നത്‌—1263 ജൂലൈ 20, 23, 26, 27 തീയതി​ക​ളിൽ. രാജാ​വാണ്‌ ഓരോ സെഷനി​ലും ആധ്യക്ഷ്യം വഹിച്ചത്‌. മാത്രമല്ല, സഭയി​ലെ​യും രാഷ്‌ട്ര​ത്തി​ലെ​യും നിരവധി പ്രമു​ഖ​രും തദ്ദേശീയ യഹൂദ​രും സന്നിഹി​ത​രാ​യി​രു​ന്നു.

സംവാ​ദ​ത്തി​ന്റെ ഫലം സംബന്ധി​ച്ചു സഭയ്‌ക്കു യാതൊ​രു സംശയ​വു​മി​ല്ലാ​യി​രു​ന്നു. ‘വിശ്വാ​സത്തെ ചോദ്യം ചെയ്യു​കയല്ല, മറിച്ച്‌, യഹൂദ​രു​ടെ തെറ്റുകൾ ഇല്ലായ്‌മ ചെയ്യു​ക​യും നിരവധി യഹൂദ​രു​ടെ അചഞ്ചല വിശ്വാ​സ​ത്തിന്‌ ഉലച്ചിൽ വരുത്തു​കയു’മാണു സംവാ​ദ​ത്തി​ന്റെ ഉദ്ദേശ്യ​മെന്ന്‌ തങ്ങളുടെ ഔദ്യോ​ഗിക വൃത്താ​ന്ത​ത്തിൽ ഡൊമി​നി​ക്ക​ന്മാർ പ്രസ്‌താ​വി​ച്ചു.

70-ഓളം വയസ്സു​ണ്ടാ​യി​രു​ന്നെ​ങ്കി​ലും, നാച്ച്‌മാ​നി​ഡിസ്‌ തന്റെ സൂക്ഷ്‌മ ചിന്താ​പ്രാ​പ്‌തി വ്യക്തമാ​ക്കി. അടിസ്ഥാന വിഷയ​ങ്ങ​ളി​ലാ​യി ചർച്ച പരിമി​ത​പ്പെ​ടു​ത്താൻ ആവശ്യ​പ്പെട്ട അദ്ദേഹം ഇങ്ങനെ തുടക്ക​മി​ട്ടു: “വിജാ​തീ​യർക്കും യഹൂദർക്കു​മി​ട​യിൽ നടന്ന [മുമ്പത്തെ] സംവാ​ദങ്ങൾ മതാച​ര​ണ​ത്തി​ന്റെ വ്യത്യസ്‌ത വശങ്ങ​ളെ​ക്കു​റി​ച്ചു ചർച്ച​ചെ​യ്‌തു. വിശ്വാ​സ​ത്തി​ന്റെ കാതലായ തത്ത്വങ്ങൾ അവയെ ആശ്രയി​ച്ചി​രി​ക്കു​ന്നില്ല. എങ്കിലും, ഈ ബഹുമാ​ന്യ അരമന​യിൽവെച്ച്‌, മുഴു തർക്കവി​ഷ​യ​ത്തി​ന്റെ​യും അടിസ്ഥാ​ന​മാ​യി​രി​ക്കുന്ന കാര്യങ്ങൾ മാത്രം ചർച്ച ചെയ്യാ​നാ​ണു ഞാൻ ആഗ്രഹി​ക്കു​ന്നത്‌.” അതേത്തു​ടർന്നാണ്‌ മിശിഹാ വന്നോ, അവൻ ദൈവ​മാ​യി​രു​ന്നോ അതോ മനുഷ്യ​നാ​യി​രു​ന്നോ, യഹൂദ​രാ​ണോ ക്രിസ്‌ത്യാ​നി​ക​ളാ​ണോ യഥാർഥ നിയമം കൈവശം വെച്ചി​രി​ക്കു​ന്നത്‌ എന്നീ കാര്യ​ങ്ങ​ളി​ലാ​യി വിഷയം പരിമി​ത​പ്പെ​ടു​ത്താൻ സമ്മതി​ച്ചത്‌.

മിശിഹാ വന്നതായി തൽമൂ​ദിൽനി​ന്നു തെളി​യി​ക്കാ​മെന്നു സംവാ​ദ​ത്തി​ന്റെ തുടക്ക​ത്തിൽ പാബ്ലോ ക്രിസ്റ്റ്യാ​നി പ്രഖ്യാ​പി​ച്ചു. അതു വാസ്‌ത​വ​മാ​ണെ​ങ്കിൽ, തൽമൂദ്‌ അംഗീ​ക​രിച്ച റബിമാർ എന്തു​കൊണ്ട്‌ യേശു​വി​നെ അംഗീ​ക​രി​ച്ചില്ല എന്നു നാച്ച്‌മാ​നി​ഡിസ്‌ തിരി​ച്ച​ടി​ച്ചു. സുവ്യ​ക്ത​മായ തിരു​വെ​ഴു​ത്തു ന്യായ​വാ​ദ​ങ്ങ​ളിൽ തന്റെ വാദഗ​തി​കൾ കേന്ദ്രീ​ക​രി​ക്കു​ന്ന​തി​നു പകരം, അവ സ്ഥാപി​ക്കു​ന്ന​തി​നു റബിമാ​രു​ടെ അവ്യക്ത ഗ്രന്ഥഭാ​ഗങ്ങൾ ക്രിസ്റ്റ്യാ​നി അടിക്കടി പരാമർശി​ച്ചു. ഉദ്ധരണി​കൾ സന്ദർഭോ​ചി​ത​മ​ല്ലെന്നു പറഞ്ഞു നാച്ച്‌മാ​നി​ഡിസ്‌ അവയെ ഒന്നൊ​ന്നാ​യി ഖണ്ഡിച്ചു. അത്തരം ലിഖി​ത​ങ്ങ​ളെ​ക്കു​റി​ച്ചു നാച്ച്‌മാ​നി​ഡി​സിന്‌ ആധികാ​രി​ക​മാ​യി വാദി​ക്കാൻ കഴിയു​മാ​യി​രു​ന്നു​വെ​ന്നതു യുക്തി​സ​ഹ​മാ​യി​രു​ന്നു. കാരണം, പഠനത്തി​നാ​യി മുഴു ജീവി​ത​വും ഉഴിഞ്ഞു​വെച്ച വ്യക്തി​യാ​യി​രു​ന്നു അദ്ദേഹം. ക്രിസ്റ്റ്യാ​നി ബൈബിൾ പരാമർശി​ച്ചു വിശേ​ഷ​വ​ത്‌ക​രിച്ച ആശയങ്ങ​ളും അനായാ​സം ഖണ്ഡിക്കാ​വു​ന്ന​വ​യാ​യി​രു​ന്നു.

ഉത്തരങ്ങൾ നൽകാനേ നാച്ച്‌മാ​നി​ഡി​സിന്‌ അനുവാ​ദ​മു​ണ്ടാ​യി​രു​ന്നു​ള്ളു​വെങ്കി​ലും, യഹൂദർക്കും ചിന്തക​രായ മറ്റുള്ള​വർക്കും കത്തോ​ലി​ക്കാ സഭയുടെ നിലപാ​ടു സ്വീകാ​ര്യ​മ​ല്ലാ​ത്തത്‌ എന്തു​കൊ​ണ്ടാ​ണെന്നു ശക്തമായ വാദഗ​തി​യോ​ടെ അവതരി​പ്പി​ക്കാൻ നാച്ച്‌മാ​നി​ഡി​സി​നു കഴിഞ്ഞു. ത്രി​ത്വോ​പ​ദേ​ശ​ത്തെ​ക്കു​റിച്ച്‌ അദ്ദേഹം ഇങ്ങനെ പ്രസ്‌താ​വി​ച്ചു: “ആകാശ​ത്തി​ന്റെ​യും ഭൂമി​യു​ടെ​യും സ്രഷ്ടാവ്‌ . . . ഒരു യഹൂദ കന്യക​യി​ലൂ​ടെ പിറക്കു​ക​യും . . . പിന്നീട്‌ ശത്രു​ക്ക​ളു​ടെ കരങ്ങളിൽ ഏൽപ്പി​ക്ക​പ്പെ​ടു​ക​യും . . . അവരാൽ കൊല്ല​പ്പെ​ടു​ക​യും ചെയ്യു​മെന്ന്‌ ഒരു യഹൂദ​നോ മറ്റാർക്കെ​ങ്കി​ലു​മോ വിശ്വ​സി​ക്കാ​നാ​വു​ക​യില്ല.” നാച്ച്‌മാ​നി​ഡിസ്‌ ഇങ്ങനെ സംഗ്ര​ഹി​ച്ചു: “നിങ്ങൾ വിശ്വ​സി​ക്കുന്ന, നിങ്ങളു​ടെ വിശ്വാ​സ​ത്തി​ന്റെ അടിത്ത​റ​യാ​യി​രി​ക്കുന്ന, ഇക്കാര്യം [യുക്തി​ബോ​ധ​മു​ള്ള​വ​രു​ടെ] മനസ്സിന്‌ ഉൾക്കൊ​ള്ളാ​നാ​വാ​ത്ത​താണ്‌.”

യേശു മിശി​ഹാ​യാ​യി​രി​ക്കാ​നുള്ള സാധ്യ​ത​യെ​ക്കു​റി​ച്ചു പരിചി​ന്തി​ക്കു​ന്ന​തിൽനി​ന്നു​പോ​ലും നിരവധി യഹൂദരെ ഇന്നോളം തടഞ്ഞി​രി​ക്കു​ന്നതു സഭയുടെ ഭാഗത്തെ രക്തപാ​ത​ക​ക്കു​റ്റ​മാ​ണെന്നു നാച്ച്‌മാ​നി​ഡിസ്‌ ഊന്നി​പ്പ​റഞ്ഞു. അദ്ദേഹം ഇങ്ങനെ പ്രസ്‌താ​വി​ച്ചു: “മിശി​ഹാ​യു​ടെ കാലത്ത്‌ . . . അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും; ജാതി ജാതിക്കു നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല എന്നു പ്രവാ​ചകൻ പ്രസ്‌താ​വി​ക്കു​ന്നു. നസറാ​യന്റെ നാൾമു​തൽ ഇന്നോളം മുഴു ലോക​ത്തി​ലും അക്രമ​വും കൊള്ള​യും നടമാ​ടു​ക​യാണ്‌. [വാസ്‌ത​വ​ത്തിൽ], മറ്റേ​തൊ​രു ജനത​യെ​ക്കാ​ളു​മ​ധി​കം രക്തച്ചൊ​രി​ച്ചിൽ നടത്തി​യി​രി​ക്കു​ന്നതു ക്രിസ്‌ത്യാ​നി​ക​ളാണ്‌. മാത്രമല്ല, അവർ അധാർമിക ജീവി​ത​വും നയിക്കു​ന്നു. പ്രഭോ, അങ്ങയുടെ ഈ യോദ്ധാ​ക്കൾ യുദ്ധം അഭ്യസി​ക്കു​ക​യി​ല്ലെന്നു വരികിൽ . . . തിരു​മ​ന​സ്സി​നും ഈ യോദ്ധാ​ക്കൾക്കും അതെത്ര ദുഷ്‌ക​ര​മാ​യി​രി​ക്കും!”—യെശയ്യാ​വു 2:4.

നാലാ​മ​ത്തെ സെഷനു​ശേഷം സംവാദം നിർത്താൻ രാജാവ്‌ കൽപ്പിച്ചു. അദ്ദേഹം നാച്ച്‌മാ​നി​ഡി​സി​നോ​ടു പറഞ്ഞു: “നിങ്ങ​ളെ​പ്പോ​ലെ വാദി​ക്കാൻ വിദഗ്‌ധ​നായ ഒരു അപരാ​ധി​യെ ഞാനി​തു​വരെ കണ്ടിട്ടില്ല.” താൻ വാഗ്‌ദാ​നം ചെയ്‌തി​രു​ന്ന​തു​പോ​ലെ അരഗോ​ണി​ലെ ജയിംസ്‌ I-ാമൻ രാജാവ്‌ നാച്ച്‌മാ​നി​ഡി​സി​നു സംസാ​ര​സ്വാ​ത​ന്ത്ര്യ​വും സംരക്ഷ​ണ​വും നൽകി, 300 ദിനാർ സമ്മാനിച്ച്‌ അദ്ദേഹത്തെ തിരി​ച്ച​യച്ചു. ഹെറോ​ണ​യി​ലെ ബിഷപ്പി​ന്റെ അപേക്ഷ​പ്ര​കാ​രം നാച്ച്‌മാ​നി​ഡിസ്‌ സംവാ​ദ​ത്തി​ന്റെ ഒരു ലിഖിത വൃത്താന്തം ഉണ്ടാക്കി.

നിർണാ​യ​ക​മാ​യ വിജയം പ്രഖ്യാ​പി​ക്കവെ, ഡൊമി​നി​ക്ക​ന്മാർ വ്യക്തമാ​യും അസ്വസ്ഥ​രാ​യി​രു​ന്നു. പിന്നീട്‌, നാച്ച്‌മാ​നി​ഡിസ്‌ എഴുതിയ വൃത്താന്തം തെളി​വാ​യെ​ടുത്ത്‌, സഭയ്‌ക്കെ​തി​രെ ദൂഷണങ്ങൾ പറഞ്ഞതാ​യി അദ്ദേഹ​ത്തി​നെ​തി​രെ അവർ കുറ്റമാ​രോ​പി​ച്ചു. നാച്ച്‌മാ​നി​ഡി​സി​നോ​ടുള്ള രാജാ​വി​ന്റെ ഇടപെ​ട​ലിൽ അസംതൃ​പ്‌ത​രാ​യി ഡൊമി​നി​ക്ക​ന്മാർ ഉപരി​വി​ചാ​ര​ണ​യ്‌ക്കാ​യി ക്ലമൻറ്‌ IV-ാമൻ പാപ്പാ​യ്‌ക്ക്‌ അപ്പീൽ നൽകി. 70-ലധികം വയസ്സു​ണ്ടാ​യി​രു​ന്നി​ട്ടും നാച്ച്‌മാ​നി​ഡി​സി​നെ സ്‌പെ​യി​നിൽനി​ന്നു നാടു​ക​ടത്തി.c

സത്യം എവിടെ കണ്ടെത്താം?

ഇരുകൂ​ട്ട​രു​ടെ​യും വാദമു​ഖങ്ങൾ സത്യമതം തിരി​ച്ച​റി​യാൻ സഹായി​ച്ചോ? പരസ്‌പരം തെറ്റുകൾ വെളി​ച്ച​ത്തു​വ​രു​ത്തി​യെ​ങ്കി​ലും ഇരുകൂ​ട്ട​രും സത്യത്തി​ന്റെ വ്യക്തമായ സന്ദേശം അവതരി​പ്പി​ച്ചില്ല. നാച്ച്‌മാ​നി​ഡിസ്‌ ശക്തമായി തള്ളിപ്പ​റ​ഞ്ഞതു സത്യ​ക്രി​സ്‌ത്യാ​നി​ത്വ​ത്തെയല്ല. മറിച്ച്‌, യേശു​വി​ന്റെ കാലത്തി​നു നൂറ്റാ​ണ്ടു​കൾക്കു ശേഷം ക്രൈ​സ്‌ത​വ​ലോ​കം കെട്ടി​ച്ചമച്ച ത്രി​ത്വോ​പ​ദേശം പോലുള്ള മനുഷ്യ​നിർമിത ഉപദേ​ശ​ങ്ങ​ളെ​യാണ്‌. നാച്ച്‌മാ​നി​ഡിസ്‌ സധൈ​ര്യം തുറന്നു​കാ​ട്ടിയ, ക്രൈ​സ്‌ത​വ​ലോ​ക​ത്തി​ന്റെ അധാർമിക പെരു​മാ​റ്റ​വും നിഷ്‌ഠു​ര​മായ രക്തച്ചൊ​രി​ച്ചി​ലും അവിതർക്കിത രേഖക​ളാ​യി ചരി​ത്ര​ത്തി​ന്റെ ഏടുക​ളിൽ സ്ഥാനം​പി​ടി​ച്ചി​രി​ക്കു​ന്നു.

ഈ സാഹച​ര്യ​ങ്ങ​ളിൽ, നാച്ച്‌മാ​നി​ഡി​സും മറ്റു യഹൂദ​രും ക്രിസ്‌ത്യാ​നി​ത്വ​ത്തെ അനുകൂ​ലി​ക്കുന്ന വാദമു​ഖ​ങ്ങ​ളിൽ ആകൃഷ്ട​രാ​കാ​ഞ്ഞ​തി​നു കാരണ​മെ​ന്താ​ണെന്നു മനസ്സി​ലാ​ക്കുക ബുദ്ധി​മു​ട്ടുള്ള കാര്യമല്ല. അതു മാത്രമല്ല, പാബ്ലോ ക്രിസ്റ്റ്യാ​നി​യു​ടെ വാദമു​ഖ​ങ്ങൾക്ക​ടി​സ്ഥാ​നം എബ്രായ തിരു​വെ​ഴു​ത്തു​ക​ളിൽനി​ന്നുള്ള വ്യക്തമായ ന്യായ​വാ​ദ​ങ്ങളല്ല മറിച്ച്‌, റബിമാ​രു​ടെ ഗ്രന്ഥങ്ങ​ളു​ടെ തെറ്റായ വ്യാഖ്യാ​ന​മാ​യി​രു​ന്നു.

ഇല്ല, നാച്ച്‌മാ​നി​ഡിസ്‌ സത്യ​ക്രി​സ്‌ത്യാ​നി​ത്വ​ത്തെ ഖണ്ഡിച്ചില്ല. അദ്ദേഹ​ത്തി​ന്റെ കാലമാ​യ​പ്പോ​ഴേ​ക്കും യേശു​വി​ന്റെ പഠിപ്പി​ക്ക​ലു​ക​ളു​ടെ യഥാർഥ പ്രകാ​ശ​വും മിശി​ഹാ​പ​ദ​വി​യു​ടെ തെളി​വു​ക​ളും വ്യാജ പഠിപ്പി​ക്ക​ലു​ക​ളാൽ മൂടി​പ്പോ​യി. വിശ്വാ​സ​ത്യാ​ഗ​പ​ര​മായ അത്തരം പഠിപ്പി​ക്കൽ വ്യാപ​രി​ക്കു​ന്ന​തി​നെ​ക്കു​റിച്ച്‌ യേശു​വും അപ്പോ​സ്‌ത​ല​ന്മാ​രും മുൻകൂ​ട്ടി​പ്പ​റ​ഞ്ഞി​രു​ന്നു.—മത്തായി 7:21-23; 13:24-30, 37-43; 1 തിമൊ​ഥെ​യൊസ്‌ 4:1-3; 2 പത്രൊസ്‌ 2:1, 2.

എങ്കിലും, സത്യമ​തത്തെ ഇന്നു വ്യക്തമാ​യി തിരി​ച്ച​റി​യാ​നാ​കും. യേശു തന്റെ യഥാർഥ അനുഗാ​മി​ക​ളെ​ക്കു​റിച്ച്‌ ഇങ്ങനെ പറഞ്ഞു: “അവരുടെ ഫലങ്ങളാൽ നിങ്ങൾക്കു അവരെ തിരി​ച്ച​റി​യാം; . . . നല്ല വൃക്ഷം ഒക്കെയും നല്ല ഫലം കായ്‌ക്കു​ന്നു; ആകാത്ത വൃക്ഷമോ ആകാത്ത ഫലം കായ്‌ക്കു​ന്നു.” (മത്തായി 7:16, 17) ആ അടയാളം തിരി​ച്ച​റി​യാൻ ഞങ്ങൾ നിങ്ങളെ ക്ഷണിക്കു​ക​യാണ്‌. തിരു​വെ​ഴു​ത്തു തെളി​വു​ക​ളെ​ക്കു​റി​ച്ചു വസ്‌തു​നി​ഷ്‌ഠ​മാ​യി അന്വേ​ഷി​ക്കാൻ യഹോ​വ​യു​ടെ സാക്ഷികൾ നിങ്ങളെ സഹായി​ക്കട്ടെ. അങ്ങനെ, മിശി​ഹാ​യോ​ടും അവന്റെ ഭരണ​ത്തോ​ടും ബന്ധപ്പെട്ട ദൈവ​ത്തി​ന്റെ വാഗ്‌ദ​ത്ത​ങ്ങ​ളു​ടെ​യെ​ല്ലാം യഥാർഥ അർഥം നിങ്ങൾ മനസ്സി​ലാ​ക്കും.

[അടിക്കു​റി​പ്പു​കൾ]

[20-ാം പേജിലെ ചിത്രം]

നാച്ച്‌മാനിഡിസ്‌ ബാർസ​ലോ​ണ​യിൽവെച്ചു സംവാ​ദ​ത്തി​ലേർപ്പെട്ടു

[19-ാം പേജിലെ ചിത്ര​ത്തിന്‌ കടപ്പാട]

19-20 പേജു​ക​ളി​ലുള്ള ചിത്ര​ങ്ങ​ളു​ടെ പകർപ്പെ​ടു​ത്തി​രി​ക്കുന്ന ഗ്രന്ഥം: Illustrirte Pracht - Bibel/Heilige Schrift des Alten und Neuen Testaments, nach der deutschen Uebersetzung D. Martin Luther’s