വ്യാജ​സ​ന്ദേ​ശ​വാ​ഹ​കർക്കു സമാധാ​ന​മില്ല!

“ദുഷ്‌പ്ര​വൃ​ത്തി​ക്കാർ ഛേദി​ക്ക​പ്പെ​ടും . . . എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.”—സങ്കീർത്തനം 37:9, 11.

1. “അന്ത്യകാ​ലത്തു” സത്യം പറയു​ന്ന​വ​രും വ്യാജം പറയു​ന്ന​വ​രും സന്ദേശ​വാ​ഹ​കരെ കാണു​മെന്നു നാം പ്രതീ​ക്ഷി​ക്കേ​ണ്ട​തെ​ന്തു​കൊണ്ട്‌?

സന്ദേശ​വാ​ഹകർ—വ്യാജം പറയു​ന്ന​വ​രോ സത്യം പറയു​ന്ന​വ​രോ? രണ്ടുത​ര​ത്തിൽപ്പെ​ട്ട​വ​രും ബൈബിൾ കാലങ്ങ​ളി​ലു​ണ്ടാ​യി​രു​ന്നു. എന്നാൽ നമ്മുടെ നാളു​ക​ളി​ലോ? ദാനീ​യേൽ 12:9, 10-ൽ സ്വർഗ​ത്തിൽനി​ന്നുള്ള ഒരു സന്ദേശ​വാ​ഹകൻ ദൈവ​ത്തി​ന്റെ പ്രവാ​ച​ക​നോട്‌ ഇങ്ങനെ പറയു​ന്ന​താ​യി നാം വായി​ക്കു​ന്നു: “ഈ വചനങ്ങൾ അന്ത്യകാ​ല​ത്തേക്കു അടെച്ചും മുദ്ര​യി​ട്ടും ഇരിക്കു​ന്നു. പലരും തങ്ങളെ ശുദ്ധീ​ക​രി​ച്ചു നിർമ്മ​ലീ​ക​രി​ച്ചു ശോധ​ന​ക​ഴി​ക്കും; ദുഷ്ടന്മാ​രോ, ദുഷ്ടത​പ്ര​വർത്തി​ക്കും; ദുഷ്ടന്മാ​രിൽ ആരും അതു തിരി​ച്ച​റി​ക​യില്ല; ബുദ്ധി​മാ​ന്മാ​രോ [“ഉൾക്കാ​ഴ്‌ച​യു​ള്ളവർ,” NW] ഗ്രഹി​ക്കും.” നാമി​പ്പോൾ ജീവി​ക്കു​ന്നത്‌ ആ “അന്ത്യകാല”ത്താണ്‌. ‘ദുഷ്ടന്മാ​രും’ ‘ഉൾക്കാ​ഴ്‌ച​യു​ള്ള​വ​രും’ തമ്മിലുള്ള വലിയ വ്യത്യാ​സം നാം കാണു​ന്നു​ണ്ടോ? തീർച്ച​യാ​യും!

2. ഇന്ന്‌ യെശയ്യാ​വു 57:20, 21 നിവൃ​ത്തി​യേ​റു​ന്ന​തെ​ങ്ങനെ?

² 57-ാം അധ്യാ​യ​ത്തി​ന്റെ 20, 21 വാക്യ​ങ്ങ​ളിൽ, നാം ദൈവ​ത്തി​ന്റെ സന്ദേശ​വാ​ഹ​ക​നായ യെശയ്യാ​വി​ന്റെ വാക്കുകൾ വായി​ക്കു​ന്നു: “ദുഷ്ടന്മാ​രോ കലങ്ങി​മ​റി​യുന്ന കടൽപോ​ലെ​യാ​കു​ന്നു; അതിന്നു അടങ്ങി​യി​രി​പ്പാൻ കഴിക​യില്ല; അതിലെ വെള്ളം ചേറും ചെളി​യും മേലോ​ട്ടു തള്ളുന്നു. ദുഷ്ടന്മാർക്കു സമാധാ​ന​മില്ല എന്നു എന്റെ ദൈവം അരുളി​ച്ചെ​യ്യു​ന്നു.” 21-ാം നൂറ്റാ​ണ്ടി​ലേക്കു കാലൂ​ന്നുന്ന നമ്മുടെ ലോകത്തെ ഈ വാക്യം എത്ര കൃത്യ​മാ​യി വർണി​ക്കു​ന്നു! ‘നാം എന്നെങ്കി​ലും ആ നൂറ്റാ​ണ്ടി​ലെ​ത്തു​മോ?’ എന്നു​പോ​ലും ചിലർ ചോദി​ച്ചേ​ക്കാം. ഉൾക്കാ​ഴ്‌ച​യുള്ള സന്ദേശ​വാ​ഹ​കർക്ക്‌ നമ്മോട്‌ എന്താണു പറയാ​നു​ള്ളത്‌?

3. (എ) 1 യോഹ​ന്നാൻ 5:19-ൽ ഏതു വൈരു​ദ്ധ്യം രേഖ​പ്പെ​ടു​ത്തി​യി​രി​ക്കു​ന്നു? (ബി) “ഉൾക്കാ​ഴ്‌ച​യുള്ള”വരെ വെളി​പ്പാ​ടു 7-ാം അധ്യാ​യ​ത്തിൽ എങ്ങനെ വർണി​ച്ചി​രി​ക്കു​ന്നു?

³ യോഹ​ന്നാൻ അപ്പോ​സ്‌ത​ലനു ദിവ്യ നിശ്വസ്‌ത ഉൾക്കാ​ഴ്‌ച​യു​ണ്ടാ​യി​രു​ന്നു. 1 യോഹ​ന്നാൻ 5:19-ൽ ഇങ്ങനെ പ്രസ്‌താ​വി​ച്ചി​രി​ക്കു​ന്നു: “നാം ദൈവ​ത്തിൽനി​ന്നു​ള്ളവർ എന്നു നാം അറിയു​ന്നു. സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” ഈ ലോക​ത്തിൽനി​ന്നു വ്യത്യ​സ്‌ത​രായ 1,44,000 ആത്മീയ ഇസ്രാ​യേ​ല്യ​രുണ്ട്‌. അവരിൽപ്പെട്ട വൃദ്ധരായ ഒരു ശേഷിപ്പ്‌ ഇപ്പോ​ഴും നമ്മോടു കൂടെ​യുണ്ട്‌. അവരോ​ടൊ​പ്പം ഇന്നൊരു “മഹാപു​രു​ഷാ​രം” ചേർന്നി​ട്ടുണ്ട്‌. “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു ഉള്ള” അവരുടെ—അവരും ഉൾക്കാ​ഴ്‌ച​യു​ള്ള​വർതന്നെ—എണ്ണമി​പ്പോൾ 50 ലക്ഷത്തി​ല​ധി​ക​മാ​യി​രി​ക്കു​ന്നു. “ഇവർ മഹാക​ഷ്ട​ത്തിൽനി​ന്നു വന്നവർ” ആണ്‌. അവർക്കു പ്രതി​ഫലം ലഭിക്കു​ന്ന​തെ​ന്തു​കൊണ്ട്‌? എന്തെന്നാൽ അവരും യേശു​വി​ന്റെ മറുവി​ല​യിൽ വിശ്വാ​സം പ്രകട​മാ​ക്കി​ക്കൊണ്ട്‌ “കുഞ്ഞാ​ടി​ന്റെ രക്തത്തിൽ തങ്ങളുടെ അങ്കി അലക്കി വെളു​പ്പി​ച്ചി​രി​ക്കു​ന്നു.” പ്രകാ​ശ​ത്തി​ന്റെ സന്ദേശ​വാ​ഹ​ക​രെന്ന നിലയിൽ, അവരും “രാപ്പകൽ [ദൈവത്തെ] ആരാധി​ക്കു​ന്നു.”—വെളി​പ്പാ​ടു 7:4, 9, 14, 15.

സമാധാന സന്ദേശ​വാ​ഹ​ക​രെന്ന്‌ അവകാ​ശ​പ്പെ​ടു​ന്നവർ

4. (എ) സാത്താന്റെ ലോക​ത്തിൽ സമാധാന സന്ദേശ​വാ​ഹ​ക​രെന്ന്‌ അവകാ​ശ​പ്പെ​ടു​ന്നവർ അവസാനം പരാജ​യ​പ്പെ​ടു​ന്ന​തെ​ന്തു​കൊണ്ട്‌? (ബി) എഫെസ്യർ 4:18, 19 ഇന്നു ബാധക​മാ​കു​ന്ന​തെ​ങ്ങനെ?

⁴ എന്നാൽ സാത്താന്റെ ലോക​വ്യ​വ​സ്ഥി​തി​യിൽ സമാധാന സന്ദേശ​വാ​ഹകർ എന്ന്‌ അവകാ​ശ​പ്പെ​ടു​ന്ന​വ​രു​ടെ കാര്യ​മോ? യെശയ്യാ​വു 33-ാം അധ്യായം 7-ാം വാക്യ​ത്തിൽ നാമി​ങ്ങനെ വായി​ക്കു​ന്നു: “ഇതാ അവരുടെ ശൌര്യ​വാ​ന്മാർ പുറത്തു നിലവി​ളി​ക്കു​ന്നു; സമാധാ​ന​ത്തി​ന്റെ ദൂതന്മാർ അതിദുഃ​ഖ​ത്തോ​ടെ കരയുന്നു.” സമാധാ​ന​മു​ണ്ടാ​ക്കാൻ ശ്രമി​ച്ചു​കൊണ്ട്‌ ലോക തലസ്ഥാ​ന​ങ്ങൾതോ​റും വെകി​ളി​പി​ടി​ച്ചു പായു​ന്ന​വ​രു​ടെ കാര്യ​ത്തിൽ ഇത്‌ എത്ര സത്യം! അവരുടെ ശ്രമം എത്രയോ വ്യർഥം! എന്തു​കൊ​ണ്ടാ​ണ​ങ്ങനെ? എന്തെന്നാൽ രോഗ​കാ​രണം നീക്കാൻ പാടു​പെ​ടു​ന്ന​തി​നു​പ​കരം രോഗ​ല​ക്ഷ​ണ​ങ്ങ​ളെ​യാണ്‌ അവർ ചികി​ത്സി​ക്കു​ന്നത്‌. ഒന്നാമത്‌, സാത്താൻ ഉണ്ടെന്ന​തി​നെ​ക്കു​റിച്ച്‌ അവർ അന്ധരാണ്‌. പൗലൊസ്‌ സാത്താനെ വർണി​ക്കു​ന്ന​തു​തന്നെ “ഈ വ്യവസ്ഥി​തി​യു​ടെ ദൈവം” എന്നാണ്‌. (2 കൊരി​ന്ത്യർ 4:4, NW) സാത്താൻ മനുഷ്യ​വർഗ​ത്തി​നി​ട​യിൽ ദുഷ്ടത​യു​ടെ വിത്തുകൾ വിതച്ചി​രി​ക്കു​ന്നു. ഫലമോ, അനേകം ഭരണാ​ധി​പ​ന്മാർ ഉൾപ്പെടെ, ഭൂരി​പക്ഷം ആളുക​ളും എഫെസ്യർ 4:18, 19-ലെ വിവരണം പറയു​ന്ന​തു​പോ​ലെ​യാണ്‌: “അവർ അന്ധബു​ദ്ധി​ക​ളാ​യി അജ്ഞാനം നിമിത്തം, ഹൃദയ​കാ​ഠി​ന്യം​നി​മി​ത്തം തന്നേ, ദൈവ​ത്തി​ന്റെ ജീവനിൽനി​ന്നു അകന്നു മനം തഴമ്പി​ച്ചു​പോ​യവർ ആകയാൽ അത്യാ​ഗ്ര​ഹ​ത്തോ​ടെ സകല അശുദ്ധി​യും പ്രവർത്തി​പ്പാൻ ദുഷ്‌കാ​മ​ത്തി​ന്നു തങ്ങളെ​ത്തന്നേ ഏല്‌പി​ച്ചി​രി​ക്കു​ന്നു.”

5. (എ) മനുഷ്യ സംഘട​നകൾ സമാധാ​നം ഉണ്ടാക്കാൻ പരാജ​യ​പ്പെ​ടു​ന്ന​തെ​ന്തു​കൊണ്ട്‌? (ബി) സങ്കീർത്തനം 37 ആശ്വാ​സ​പ്ര​ദ​മായ എന്തു സന്ദേശം നൽകുന്നു?

⁵ ഇന്നെവി​ടെ​യും കാണുന്ന അത്യാ​ഗ്രഹം, സ്വാർഥത, വിദ്വേ​ഷം എന്നിവ മനുഷ്യ ഹൃദയ​ത്തിൽനി​ന്നു പിഴു​തെ​റി​യാൻ അപൂർണ മനുഷ്യ​രു​ടെ യാതൊ​രു സംഘട​ന​യ്‌ക്കും കഴിയു​ക​യില്ല. പരമാ​ധീശ കർത്താ​വും നമ്മുടെ സ്രഷ്ടാ​വു​മായ യഹോ​വ​യ്‌ക്കു മാത്രമേ അതിനു കഴിയൂ! അതിലു​പരി, അവന്റെ മാർഗ​നിർദേ​ശ​ത്തി​നു കീഴ്‌പെ​ടാൻ മനസ്സു​ള്ള​തോ മനുഷ്യ​വർഗ​ത്തിൽ ഒരു ന്യൂന​പ​ക്ഷ​മായ സൗമ്യർക്കു​മാ​ത്രം. ഇവർക്കും ലോക​ത്തി​ലെ ദുഷ്ടന്മാർക്കും എന്തു സംഭവി​ക്കു​മെന്ന്‌ സങ്കീർത്തനം 37:9-11-ൽ വിവരി​ക്കു​ന്നുണ്ട്‌: “ദുഷ്‌പ്ര​വൃ​ത്തി​ക്കാർ ഛേദി​ക്ക​പ്പെ​ടും; യഹോ​വയെ പ്രത്യാ​ശി​ക്കു​ന്ന​വ​രോ ഭൂമിയെ കൈവ​ശ​മാ​ക്കും. കുറ​ഞ്ഞൊ​ന്നു കഴിഞ്ഞി​ട്ടു ദുഷ്ടൻ ഇല്ല . . . എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും. സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.”

6, 7. സമാധാ​ന​ത്തി​ന്റെ സന്ദേശ​വാ​ഹ​ക​രാ​യി സേവി​ക്കാൻ പരാജ​യ​പ്പെ​ട്ടി​രി​ക്കു​ന്നു​വെന്ന്‌ ലോക​മ​ത​ങ്ങ​ളു​ടെ ഏതു മുൻകാ​ല​ചെ​യ്‌തി​കൾ പ്രകട​മാ​ക്കു​ന്നു?

⁶ ദുരി​ത​പൂർണ​മായ ഈ ലോക​ത്തി​ലെ മതങ്ങൾക്കി​ട​യിൽ സമാധാന സന്ദേശ​വാ​ഹ​കരെ കണ്ടെത്താ​നാ​കു​മോ? മതങ്ങളു​ടെ മുൻകാ​ല​ചെ​യ്‌തി​കൾ എന്താണ്‌? നൂറ്റാ​ണ്ടു​ക​ളി​ലു​ട​നീ​ളം സംഭവി​ച്ചി​ട്ടുള്ള രക്തച്ചൊ​രി​ച്ചി​ലു​ക​ളിൽ മതങ്ങൾക്കു പങ്കു​ണ്ടെ​ന്നു​മാ​ത്രമല്ല, അതിൽ മിക്കതി​നും പ്രേരണ നൽകി​യ​തും മതങ്ങൾത​ന്നെ​യാ​ണെന്ന്‌ ചരിത്രം പ്രകട​മാ​ക്കു​ന്നു. ഉദാഹ​ര​ണ​മാ​യി, 1995 ആഗസ്റ്റ്‌ 30-ലെ ക്രിസ്‌ത്യൻ സെഞ്ച്വറി മുൻ യൂഗോ​സ്ലാ​വി​യ​യി​ലെ കുഴപ്പ​ങ്ങ​ളെ​ക്കു​റി​ച്ചു റിപ്പോർട്ടു ചെയ്‌തു​കൊണ്ട്‌ പ്രസ്‌താ​വി​ച്ചു: “സെർബി​യ​ക്കാ​രു​ടെ നിയ​ന്ത്ര​ണ​ത്തി​ലുള്ള ബോസ്‌നി​യ​യിൽ, സ്വയം അവരോ​ധിത പാർല​മെൻറി​ന്റെ മുൻനി​ര​യിൽത്ത​ന്നെ​യാണ്‌ പുരോ​ഹി​ത​ന്മാ​രു​ടെ സ്ഥാനം. കൂടാതെ യുദ്ധമു​ന്ന​ണി​ക​ളിൽവെച്ച്‌ പോരാ​ട്ട​ത്തി​നു​മു​മ്പാ​യി അവർ സൈനി​ക​വ്യൂ​ഹ​ങ്ങ​ളെ​യും ആയുധ​ങ്ങ​ളെ​യും ആശീർവ​ദി​ക്കു​ന്നു.”

⁷ എൺപതു ശതമാ​ന​വും കത്തോ​ലി​ക്ക​രാ​ണെന്നു പേരു​കേട്ട റുവാ​ണ്ട​യിൽ സംഭവി​ച്ച​തിൽനി​ന്നു മനസ്സി​ലാ​ക്കാ​വു​ന്ന​തു​പോ​ലെ, ആഫ്രി​ക്ക​യിൽ ക്രൈ​സ്‌ത​വ​ലോ​കം നടത്തിയ ഒരു നൂറ്റാ​ണ്ടു​കാ​ലത്തെ മിഷന​റി​വേ​ല​കൊ​ണ്ടു മെച്ചമു​ണ്ടാ​യി​ട്ടില്ല. 1995 ജൂലൈ 7-ലെ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്‌തു: “ലീയോൺസിൽനി​ന്നു [ഫ്രാൻസ്‌] പ്രസി​ദ്ധീ​ക​രി​ക്കുന്ന, വിശാ​ല​ചി​ന്താ​ഗ​തി​ക്കാ​രായ അയ്‌മേ​നി​ക​ളു​ടെ ഗൊല്യ എന്നൊരു കത്തോ​ലി​ക്കാ മാസിക കഴിഞ്ഞ​വർഷം റുവാ​ണ്ട​യി​ലെ മനുഷ്യ​ക്കു​രു​തി​യിൽ പങ്കെടു​ക്കു​ക​യോ കൊല്ലാൻ പ്രോ​ത്സാ​ഹി​പ്പി​ക്കു​ക​യോ ചെയ്‌ത 27-ലധികം റുവാണ്ടൻ പുരോ​ഹി​ത​ന്മാ​രു​ടെ​യും നാലു കന്യാ​സ്‌ത്രീ​ക​ളു​ടെ​യും പേരുകൾ വെളി​പ്പെ​ടു​ത്താൻ ഉദ്ദേശി​ക്കു​ന്നു.” ആഫ്രിക്കൻ റൈറ്റ്‌സ്‌ എന്ന ലണ്ടനി​ലുള്ള ഒരു മനുഷ്യാ​വ​കാശ സംഘടന ഈ പരാമർശം നടത്തി: “മൗനം അവലം​ബി​ച്ച​തി​നു മാത്രമല്ല, ചില പുരോ​ഹി​ത​ന്മാ​രും പാസ്റ്റർമാ​രും കന്യാ​സ്‌ത്രീ​ക​ളും വർഗീയ കശാപ്പിൽ സജീവ​മാ​യി പങ്കെടു​ത്ത​തി​നും സഭകൾ ഉത്തരവാ​ദി​ത്വം പേറണം.” ഇതിന്‌ ഇസ്രാ​യേ​ലി​ലെ സ്ഥിതി​വി​ശേ​ഷ​വു​മാ​യി സാമ്യ​മുണ്ട്‌. അന്ന്‌ യഹോ​വ​യു​ടെ യഥാർഥ സന്ദേശ​വാ​ഹ​ക​നായ യിരെ​മ്യാവ്‌ ഇസ്രാ​യേ​ലി​ലെ ഭരണാ​ധി​പ​ന്മാ​രെ​യും പുരോ​ഹി​ത​ന്മാ​രെ​യും പ്രവാ​ച​ക​ന്മാ​രെ​യും കുറി​ച്ചുള്ള വിവര​ണ​ത്തോ​ടൊ​പ്പം ഇസ്രാ​യേ​ലി​ന്റെ ‘ലജ്ജ’യെക്കു​റി​ച്ചു പറയു​ക​യു​ണ്ടാ​യി. അവൻ ഇങ്ങനെ കൂട്ടി​ച്ചേർത്തു: “നിന്റെ ഉടുപ്പി​ന്റെ വിളു​മ്പി​ലും കുററ​മി​ല്ലാത്ത സാധു​ക്ക​ളു​ടെ രക്തം കാണുന്നു.”—യിരെ​മ്യാ​വു 2:26, 34.

8. യിരെ​മ്യാവ്‌ സമാധാന സന്ദേശ​വാ​ഹ​ക​നാ​യി​രു​ന്നെന്ന്‌ പറയാ​വു​ന്ന​തെ​ന്തു​കൊണ്ട്‌?

⁸ യിരെ​മ്യാ​വി​നെ പലപ്പോ​ഴും വിനാശ പ്രവാ​ച​ക​നെന്നു വിളി​ക്കാ​റുണ്ട്‌. എന്നാൽ ദൈവ​ത്തി​ന്റെ സമാധാന സന്ദേശ​വാ​ഹകൻ എന്നും അവനെ വിളി​ക്കാ​വു​ന്ന​താണ്‌. തനിക്കു​മുമ്പ്‌ യെശയ്യാവ്‌ ചെയ്‌ത​തു​പോ​ലെ, അവനും സമാധാ​ന​ത്തെ​ക്കു​റി​ച്ചു കൂടെ​ക്കൂ​ടെ പരാമർശി​ച്ചു. പിൻവ​രു​ന്ന​പ്ര​കാ​രം പ്രസ്‌താ​വി​ച്ചു​കൊണ്ട്‌, യെരൂ​ശ​ലേ​മിൻമേ​ലുള്ള ന്യായ​വി​ധി പ്രഖ്യാ​പി​ക്കാൻ യഹോവ യിരെ​മ്യാ​വി​നെ ഉപയോ​ഗി​ച്ചു: “അവർ ഈ നഗരത്തെ പണിത നാൾമു​തൽ ഇന്നുവ​രെ​യും ഞാൻ അതിനെ എന്റെ മുമ്പിൽനി​ന്നു നീക്കി​ക്ക​ള​യ​ത്ത​ക്ക​വണ്ണം അതു എനിക്കു കോപ​വും ക്രോ​ധ​വും വരുത്തി​യി​രി​ക്കു​ന്നു. എന്നെ കോപി​പ്പി​ക്കേ​ണ്ട​തി​ന്നു യിസ്രാ​യേൽമ​ക്ക​ളും യെഹൂ​ദാ​മ​ക്ക​ളും അവരുടെ രാജാ​ക്ക​ന്മാ​രും പ്രഭു​ക്ക​ന്മാ​രും പുരോ​ഹി​ത​ന്മാ​രും പ്രവാ​ച​ക​ന്മാ​രും യെഹൂ​ദാ​പു​രു​ഷ​ന്മാ​രും യെരൂ​ശ​ലേം​നി​വാ​സി​ക​ളും ചെയ്‌ത സകല​ദോ​ഷ​വും​നി​മി​ത്തം തന്നേ.” (യിരെ​മ്യാ​വു 32:31, 32) ഇത്‌ ഇന്നത്തെ ഭരണാ​ധി​പ​ന്മാ​രു​ടെ​യും ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗ​ത്തി​ന്റെ​യും മേലുള്ള യഹോ​വ​യു​ടെ ന്യായ​വി​ധി​യു​ടെ മുൻനി​ഴ​ലാ​യി​രു​ന്നു. യഥാർഥ സമാധാ​നം കളിയാ​ട​ണ​മെ​ങ്കിൽ, ദുഷ്‌കൃ​ത്യ​വും അക്രമ​വും ഇളക്കി​വി​ടുന്ന ഇക്കൂട്ടർ നീക്കം​ചെ​യ്യ​പ്പെ​ടണം! അവർ തീർച്ച​യാ​യും സമാധാന സന്ദേശ​വാ​ഹ​കരല്ല.

യുഎൻ—സമാധാ​ന​ത്തി​നു​വേ​ണ്ടി​യോ?

9. സമാധാന സന്ദേശ​വാ​ഹ​ക​നാ​ണെന്ന്‌ യുഎൻ അവകാ​ശ​പ്പെ​ട്ടി​രി​ക്കു​ന്ന​തെ​ങ്ങനെ?

⁹ യഥാർഥ സമാധാന സന്ദേശ​വാ​ഹകൻ ആയിരി​ക്കാൻ ഐക്യ​രാ​ഷ്‌ട്ര​ങ്ങൾക്കു കഴിയു​ക​യി​ല്ലേ? എന്തൊ​ക്കെ​യാ​യാ​ലും, ഹിറോ​ഷി​മ​യിൽ അണു​ബോം​ബു നാശം​വി​ത​റു​ന്ന​തിന്‌ കേവലം 41 ദിവസം​മുമ്പ്‌, അതായത്‌ 1945 ജൂണിൽ സമർപ്പി​ക്ക​പ്പെട്ട, അതിന്റെ ഭരണവ്യ​വ​സ്ഥ​യു​ടെ മുഖവു​ര​യിൽ അതിന്റെ ലക്ഷ്യം പ്രസ്‌താ​വി​ക്കു​ക​യു​ണ്ടാ​യി: “വരും​ത​ല​മു​റയെ യുദ്ധത്തി​ന്റെ വിപത്തിൽനി​ന്നു രക്ഷിക്കുക.” ഐക്യ​രാ​ഷ്‌ട്ര​ങ്ങ​ളു​ടെ അംഗങ്ങ​ളാ​കാ​നുള്ള 50 രാഷ്‌ട്രങ്ങൾ “സാർവ​ദേ​ശീയ സമാധാ​ന​വും സുരക്ഷി​ത​ത്വ​വും കാത്തു​സൂ​ക്ഷി​ക്കു​ന്ന​തി​നു [തങ്ങളുടെ] ശക്തി ഏകോ​പി​പ്പി”ക്കണമാ​യി​രു​ന്നു. ഇന്ന്‌ യുഎൻ-ൽ 185 അംഗരാ​ഷ്‌ട്ര​ങ്ങ​ളുണ്ട്‌. അതേ ലക്ഷ്യത്തി​നു​വേ​ണ്ടി​ത്ത​ന്നെ​യാ​ണു തങ്ങളും നില​കൊ​ള്ളു​ന്ന​തെ​ന്നാണ്‌ ഇവരെ​ല്ലാം പറയു​ന്നത്‌.

10, 11. (എ) മതനേ​താ​ക്ക​ന്മാർ യുഎൻ-നെ പിന്തു​ണ​ച്ചു​കൊ​ണ്ടു സംസാ​രി​ച്ചി​രി​ക്കു​ന്ന​തെ​ങ്ങനെ? (ബി) പാപ്പാ​മാർ “ദൈവ​രാ​ജ്യ​ത്തി​ന്റെ സുവാർത്ത”യെ തെറ്റായി പ്രതി​നി​ധാ​നം ചെയ്‌തി​രി​ക്കു​ന്ന​തെ​ങ്ങനെ?

¹⁰ വർഷങ്ങ​ളി​ലു​ട​നീ​ളം യുഎൻ-നു വ്യാപ​ക​മായ അംഗീ​കാ​രം ലഭിച്ചി​ട്ടുണ്ട്‌, വിശേ​ഷി​ച്ചും മതനേ​താ​ക്ക​ന്മാ​രിൽനിന്ന്‌. 1963 ഏപ്രിൽ 11-ന്‌ ജോൺ ഇരുപ​ത്തി​മൂ​ന്നാ​മൻ പാപ്പാ “പാച്ചേം ഇൻ തെറിസ്‌” (ഭൂമി​യിൽ സമാധാ​നം) എന്ന ശീർഷ​ക​മുള്ള ഒരു ഇടയ​ലേ​ഖ​ന​ത്തിൽ ഒപ്പിട്ടു. അതിൽ അദ്ദേഹം പ്രസ്‌താ​വി​ച്ചു: “ഐക്യ​രാ​ഷ്‌ട്ര സംഘടന അതിന്റെ ഘടനയി​ലും മാർഗ​ങ്ങ​ളി​ലും അതിന്റെ ഉദ്യമ​ങ്ങ​ളു​ടെ വ്യാപ്‌തി​ക്കും ശ്രേഷ്‌ഠ​ത​യ്‌ക്കു​മൊ​പ്പം എത്തട്ടെ​യെ​ന്നാണ്‌ ഞങ്ങളുടെ ആത്മാർഥ​മായ ആഗ്രഹം.” പിന്നീട്‌, 1965-ൽ, ലോക​ജ​ന​ത​യു​ടെ ഏതാണ്ട്‌ പകുതി​യെ​യും പ്രതി​നി​ധാ​നം ചെയ്യു​ന്നു​വെന്ന്‌ അവകാ​ശ​പ്പെട്ട മതനേ​താ​ക്ക​ന്മാർ സാൻ ഫ്രാൻസി​സ്‌കോ​യിൽ യുഎൻ-ന്റെ 20-ാം പിറന്നാൾ ആഘോ​ഷി​ക്കു​ക​യു​ണ്ടാ​യി. കൂടാതെ 1965-ൽ പോൾ ആറാമൻ പാപ്പാ യുഎൻ സന്ദർശ​ന​വേ​ള​യിൽ അതിനെ “ഐകമ​ത്യ​ത്തി​ന്റെ​യും സമാധാ​ന​ത്തി​ന്റെ​യും അവസാന പ്രതീക്ഷ”യെന്നു വർണിച്ചു. 1986-ൽ ജോൺ പോൾ രണ്ടാമൻ പാപ്പാ യുഎൻ സാർവ​ദേ​ശീയ സമാധാന വർഷം കൊണ്ടാ​ടു​ന്ന​തിൽ സഹകരി​ച്ചു.

¹¹ വീണ്ടും, 1995 ഒക്ടോ​ബ​റി​ലെ സന്ദർശ​ന​ത്തിൽ, പാപ്പാ ഇങ്ങനെ പ്രഖ്യാ​പി​ച്ചു: “നാമിന്നു ദൈവ​രാ​ജ്യ സുവാർത്ത ഉയർത്തി​പ്പി​ടി​ക്കു​ന്നു. എന്നാൽ വാസ്‌ത​വ​ത്തിൽ അദ്ദേഹം രാജ്യ​സു​വാർത്ത ഘോഷി​ക്കുന്ന ദൈവ​ത്തി​ന്റെ സന്ദേശ​വാ​ഹ​ക​നാ​ണോ? ലോക​പ്ര​ശ്‌ന​ങ്ങ​ളെ​ക്കു​റി​ച്ചു സംസാ​രി​ക്കവെ, അദ്ദേഹം തുടർന്നി​ങ്ങനെ പറഞ്ഞു: “നാം ഈ ഭയങ്കര വെല്ലു​വി​ളി​കളെ നേരി​ടവെ, ഐക്യ​രാ​ഷ്‌ട്ര സംഘട​ന​യു​ടെ പങ്ക്‌ എങ്ങനെ അംഗീ​ക​രി​ക്കാ​തി​രി​ക്കും?” ദൈവ​രാ​ജ്യ​മല്ല, യുഎൻ ആണു പാപ്പാ തിര​ഞ്ഞെ​ടു​ത്തി​രി​ക്കു​ന്നത്‌.

‘അതിദുഃ​ഖ​ത്തോ​ടെ കരയു​ന്ന​തി​നുള്ള’ കാരണങ്ങൾ

12, 13. (എ) യിരെ​മ്യാ​വു 6:14-ൽ വർണി​ച്ചി​രി​ക്കുന്ന വിധത്തിൽ യുഎൻ പ്രവർത്തി​ച്ചി​രി​ക്കു​ന്ന​തെ​ങ്ങനെ? (ബി) യെശയ്യാ​വു 33:7-ലെ വർണന​യിൽ യുഎൻ നേതൃ​ത്വ​വും ഉൾപ്പെ​ടു​ന്ന​തെ​ന്തു​കൊണ്ട്‌?

¹² യുഎൻ-ന്റെ 50-ാം വാർഷി​കാ​ഘോ​ഷം “ഭൂമി​യിൽ സമാധാ​നം” ഉണ്ടാകു​ന്ന​തി​നുള്ള എന്തെങ്കി​ലും സാധ്യ​തയെ വെളി​പ്പെ​ടു​ത്തു​ന്ന​താ​യി​രു​ന്നില്ല. അതിന്റെ ഒരു കാരണം കാനഡ​യി​ലെ ദ റ്റൊ​റൊ​ന്റൊ സ്റ്റാറിലെ ഒരു ലേഖനം പറയു​ന്നുണ്ട്‌. അതിന്റെ ലേഖകൻ എഴുതി: “യുഎൻ പല്ലില്ലാത്ത ഒരു സിംഹ​മാണ്‌. മനുഷ്യ​രു​ടെ കാട്ടാ​ളത്തം കാണു​മ്പോൾ അതു ഗർജി​ക്കും, പക്ഷേ കടിക്ക​ണ​മെ​ങ്കിൽ അതിന്‌ അതിന്റെ അംഗങ്ങൾ വെപ്പു​പല്ലു വെച്ചു​കൊ​ടു​ക്കു​ന്ന​തു​വരെ കാത്തു​നിൽക്കണം.” ആ കടി മിക്ക​പ്പോ​ഴും അങ്ങേയറ്റം ദുർബ​ല​വും ഏറ്റവും വൈകി​യ​തു​മാണ്‌. ഇന്നത്തെ ലോക വ്യവസ്ഥി​തി​യി​ലെ, വിശേ​ഷി​ച്ചും ക്രൈ​സ്‌ത​വ​ലോ​ക​ത്തി​ലെ സമാധാന സന്ദേശ​വാ​ഹകർ യിരെ​മ്യാ​വു 6:14-ലെ വാക്കുകൾ പ്രതി​ധ്വ​നി​പ്പി​ച്ചു​കൊ​ണ്ടി​രി​ക്കു​ന്നു: “സമാധാ​നം ഇല്ലാതി​രി​ക്കെ, സമാധാ​നം സമാധാ​നം എന്നു അവർ പറഞ്ഞു എന്റെ ജനത്തിന്റെ മുറി​വി​ന്നു ലഘുവാ​യി ചികി​ത്സി​ക്കു​ന്നു.”

¹³ യുഎൻ സെക്ര​ട്ടറി-ജനറൽസ്ഥാ​നം അലങ്കരിച്ച ഓരോ​രു​ത്ത​രും യുഎൻ-നെ വിജയി​പ്പി​ക്കാ​നുള്ള ശ്രമത്തിൽ, തീർച്ച​യാ​യും ആത്മാർഥ​മാ​യി​ത്തന്നെ, കഠിന​വേല ചെയ്‌തി​ട്ടുണ്ട്‌. എന്നാൽ യുദ്ധ നിയ​ന്ത്രണം, നയരൂ​പീ​ക​രണം, ധനവി​നി​യോ​ഗം എന്നിവ​യെ​ക്കു​റി​ച്ചെ​ല്ലാം പലവിധ ഉദ്ദേശ്യ​ങ്ങ​ളുള്ള 185 അംഗങ്ങൾക്കി​ട​യി​ലെ അന്തമി​ല്ലാത്ത ശണ്‌ഠകൾ വിജയ​ത്തി​ലേ​ക്കുള്ള വഴിയി​ലെ പ്രതി​ബ​ന്ധ​ങ്ങ​ളാണ്‌. 1995-ലെ വാർഷിക റിപ്പോർട്ടിൽ, “ആഗോള ആണവ അത്യാ​പത്ത്‌ എന്ന ദുർഭൂ​തം” പിൻവാ​ങ്ങു​ക​യാ​ണെ​ന്നും മുഴു​മ​നു​ഷ്യ​വർഗ​ത്തി​ന്റെ​യും സാമ്പത്തി​ക​വും സാമൂ​ഹി​ക​വു​മായ പുരോ​ഗ​തി​ക്കാ​യി രാഷ്‌ട്രങ്ങൾ ഒരുമി​ച്ചു പ്രവർത്തി​ക്കു”ന്നതിനുള്ള വഴി തുറക്കു​ക​യാ​ണെ​ന്നും അന്നത്തെ സെക്ര​ട്ടറി-ജനറൽ എഴുതി. എന്നാൽ അദ്ദേഹം ഇങ്ങനെ കൂട്ടി​ച്ചേർത്തു: “സങ്കടക​ര​മെന്നു പറയട്ടെ, ആ ശുഭാ​പ്‌തി​വി​ശ്വാ​സ പ്രതീ​ക്ഷ​കളെ മിക്കവാ​റും തകിടം​മ​റി​ക്കുന്ന സംഭവ​ങ്ങ​ളാണ്‌ കഴിഞ്ഞ ഏതാനും വർഷങ്ങ​ളാ​യി ലോക​രം​ഗത്ത്‌ അരങ്ങേ​റി​യി​രി​ക്കു​ന്നത്‌.” സത്യമാ​യും, സമാധാ​ന​ത്തി​ന്റെ സന്ദേശ​വാ​ഹ​ക​രെന്നു പറയു​ന്നവർ ‘അതിദുഃ​ഖ​ത്തോ​ടെ കരയുക’യാണ്‌.

14. (എ) യുഎൻ-ൽ സാമ്പത്തി​ക​വും ധാർമി​ക​വു​മായ പാപ്പര​ത്ത​മു​ണ്ടെന്നു പറയാ​വു​ന്ന​തെ​ന്തു​കൊണ്ട്‌? (ബി) യിരെ​മ്യാ​വു 8:15 നിവൃ​ത്തി​യേ​റി​ക്കൊ​ണ്ടി​രി​ക്കു​ന്ന​തെ​ങ്ങനെ?

¹⁴ കാലി​ഫോർണി​യ​യിൽനി​ന്നുള്ള ദി ഓറഞ്ച്‌ കൗണ്ടി റെജി​സ്റ്റ​റി​ലെ ഒരു മുഖ്യ​വാർത്താ തലക്കെട്ട്‌ ഇതാണ്‌: “യുഎൻ-ൽ സാമ്പത്തി​ക​വും ധാർമി​ക​വു​മായ പാപ്പരത്തം.” 1945-നും 1990-നുമി​ട​യിൽ 80-ലധികം യുദ്ധങ്ങൾ നടന്നെ​ന്നും തത്‌ഫ​ല​മാ​യി മൂന്നു കോടി​യി​ല​ധി​ക​മാ​ളു​കൾ കൊല്ല​പ്പെ​ട്ടെ​ന്നും ലേഖനം പ്രസ്‌താ​വി​ച്ചു. അത്‌ “‘കഴിവു കുറഞ്ഞ സൈന്യാ​ധി​പ​ന്മാർ, അച്ചടക്ക​മി​ല്ലാത്ത പടയാ​ളി​കൾ, അക്രമി​ക​ളു​മാ​യുള്ള സഖ്യങ്ങൾ, അക്രമങ്ങൾ തടയാ​നുള്ള പരാജയം എന്നിവ​യും ചില​പ്പോ​ഴൊ​ക്കെ ഭീകരാ​വസ്ഥ വർധി​പ്പി​ക്കു​ന്ന​തും’ യുഎൻ സൈനിക നടപടി​ക​ളു​ടെ പ്രത്യേ​ക​ത​കളാ”യി വർണി​ക്കു​ക​യും കൂടാതെ “‘പാഴ്‌ചെ​ല​വി​ന്റെ​യും തട്ടിപ്പി​ന്റെ​യും ദുർവി​നി​യോ​ഗ​ത്തി​ന്റെ​യും വ്യാപ്‌തി ഭയങ്കരം​തന്നെ’”യെന്നു പറയു​ക​യും ചെയ്‌ത റീഡേ​ഴ്‌സ്‌ ഡൈജ​സ്റ്റി​ന്റെ 1995 ഒക്ടോബർ ലക്കത്തിലെ ഒരു ലേഖകനെ ഉദ്ധരി​ക്കു​ക​യു​ണ്ടാ​യി. “യുഎൻ 50-ാം വർഷത്തിൽ,” എന്ന ശീർഷ​ക​മുള്ള ലേഖന​ത്തി​ന്റെ ഒരു ഉപശീർഷകം “വികല കാര്യ​നിർവ​ഹ​ണ​വും പാഴ്‌ചെ​ല​വും യുഎൻ-ന്റെ ഏറ്റവും നല്ല ഉദ്ദേശ്യ​ങ്ങൾക്കു തുരങ്കം​വെ​ക്കു​ന്നു” എന്നായി​രു​ന്നു. ലണ്ടനിലെ ദ ടൈം​സിൽ വന്ന ഒരു ലേഖന​ത്തി​ന്റെ ശീർഷകം ഇപ്രകാ​ര​മാ​യി​രു​ന്നു: “50-ാം വയസ്സിൽ അവശത—ആരോ​ഗ്യം വീണ്ടെ​ടു​ക്കാൻ യുഎൻ-ന്‌ വ്യായാ​മം ആവശ്യം.” വാസ്‌ത​വ​ത്തിൽ, യിരെ​മ്യാ​വു 8-ാം അധ്യായം 15-ാം വാക്യ​ത്തിൽ നാം വായി​ക്കു​ന്ന​തു​പോ​ലെ​യാണ്‌ സ്ഥിതി​വി​ശേഷം: “സമാധാ​ന​ത്തി​ന്നാ​യി കാത്തി​രു​ന്നു; എന്നാൽ ഒരു ഗുണവും വന്നില്ല; രോഗ​ശ​മ​ന​ത്തി​ന്നാ​യി കാത്തി​രു​ന്നു; എന്നാൽ ഇതാ, ഭീതി!” മനുഷ്യ​രാ​ശി ഇപ്പോ​ഴും ആണവവി​നാ​ശ​ത്തി​ന്റെ ഭീഷണി​യിൽത്തന്നെ. വ്യക്തമാ​യും, മനുഷ്യ​വർഗ​ത്തിന്‌ ആവശ്യ​മാ​യി​രി​ക്കുന്ന സമാധാ​ന​ത്തി​ന്റെ സന്ദേശ​വാ​ഹകൻ അല്ല യുഎൻ.

15. പുരാതന ബാബി​ലോ​നും അതിന്റെ മതസന്താ​ന​ങ്ങ​ളും നാശകാ​രി​യും മന്ദീകാ​രി​യു​മാ​ണെന്നു തെളി​ഞ്ഞി​രി​ക്കു​ന്ന​തെ​ങ്ങനെ?

¹⁵ ഇതി​ന്റെ​യെ​ല്ലാം പരിണ​ത​ഫലം എന്തായി​രി​ക്കും? യഹോ​വ​യു​ടെ പ്രാവ​ച​നിക വചനം യാതൊ​രു സന്ദേഹ​ത്തി​നും ഇട നൽകു​ന്നില്ല. ഒന്നാമ​താ​യി, ലോക​ത്തി​ലെ വ്യാജ​മ​ത​ങ്ങ​ളു​ടെ കാര്യം. യുഎൻ-നുമായി മിക്ക​പ്പോ​ഴും വളരെ സൗഹൃ​ദ​ത്തിൽ കഴിഞ്ഞു​പോ​രുന്ന അവയ്‌ക്ക്‌ എന്താണു സംഭവി​ക്കാ​നി​രി​ക്കു​ന്നത്‌? വിഗ്ര​ഹാ​രാ​ധ​ന​യു​ടെ കേന്ദ്ര​മായ, പുരാതന ബാബി​ലോ​ന്റെ സന്താന​ങ്ങ​ളാണ്‌ അവ. ഉചിത​മാ​യി​ത്തന്നെ, വെളി​പ്പാ​ടു 17:5-ൽ അവയെ “മഹതി​യാം ബാബി​ലോൻ; വേശ്യ​മാ​രു​ടെ​യും മ്ലേച്ഛത​ക​ളു​ടെ​യും മാതാവു” എന്നു വർണി​ച്ചി​രി​ക്കു​ന്നു. യിരെ​മ്യാവ്‌ ഈ കപടസ​ഖ്യ​ത്തി​ന്റെ നാശ​ത്തെ​ക്കു​റി​ച്ചു വർണിച്ചു. വേശ്യ​യെ​പ്പോ​ലെ, അവ ഭൂമി​യി​ലെ രാഷ്‌ട്രീ​യ​ക്കാ​രെ വശീക​രി​ച്ചി​രി​ക്കു​ക​യും യുഎൻ-നെ പുകഴ്‌ത്തു​ക​യും അതിലെ അംഗരാ​ഷ്‌ട്ര​ങ്ങ​ളു​മാ​യി അവിഹിത ബന്ധങ്ങളിൽ ഏർപ്പെ​ടു​ക​യും ചെയ്‌തി​രി​ക്കു​ന്നു. ചരി​ത്ര​ത്തി​ലെ യുദ്ധങ്ങ​ളിൽ അവർ കാര്യ​മായ പങ്കുവ​ഹി​ച്ചി​രി​ക്കു​ന്നു. ഇന്ത്യയി​ലെ മതയു​ദ്ധ​ങ്ങളെ പരാമർശിച്ച്‌ ഒരു ഭാഷ്യ​കാ​രൻ പ്രസ്‌താ​വി​ച്ചു: “മനുഷ്യ​നെ മയക്കുന്ന കറുപ്പാണ്‌ മതമെന്നു കാൾ മാക്‌സ്‌ പരാമർശി​ച്ചു. എന്നാൽ ആ പ്രസ്‌താ​വന ശരിയല്ല, കാരണം കറുപ്പ്‌ ഒരു മന്ദീകാ​രി​യാണ്‌, അത്‌ ആളുകളെ മയക്കുന്നു. മറിച്ച്‌, മതം ക്രാക്ക്‌ കൊ​ക്കെയ്‌ൻ പോ​ലെ​യാണ്‌. അതു ഘോര​മായ അക്രമം ഇളക്കി​വി​ടു​ന്നു, അതു വളരെ നാശക​ര​മായ ഒരു ശക്തിയാണ്‌.” ആ എഴുത്തു​കാ​രൻ പറഞ്ഞതും പൂർണ​മാ​യി ശരിയല്ല. വ്യാജ​മ​ത​ത്തിന്‌ ആ രണ്ടു പ്രത്യേ​ക​ത​ക​ളു​മുണ്ട്‌, അതു മന്ദീകാ​രി​യും നാശകാ​രി​യു​മാണ്‌.

16. പരമാർഥ​ഹൃ​ദയർ ഇപ്പോൾ മഹാബാ​ബി​ലോ​നിൽനിന്ന്‌ ഓടി​പ്പോ​രേ​ണ്ടത്‌ എന്തു​കൊണ്ട്‌? (വെളി​പ്പാ​ടു 18:4, 5 കൂടെ കാണുക.)

¹⁶ അപ്പോൾ പരമാർഥ​ഹൃ​ദയർ എന്താണു ചെയ്യേ​ണ്ടത്‌? ദൈവ​ത്തി​ന്റെ സന്ദേശ​വാ​ഹ​ക​നായ യിരെ​മ്യാവ്‌ ഉത്തരം നൽകുന്നു: “ബാബേ​ലി​ന്റെ നടുവിൽനി​ന്നു ഓടി ഓരോ​രു​ത്തൻ താന്താന്റെ പ്രാണനെ രക്ഷിച്ചു​കൊൾവിൻ . . . ഇതു യഹോ​വ​യു​ടെ പ്രതി​കാ​ര​കാ​ല​മ​ല്ലോ.” വ്യാജ​മ​ത​ലോ​ക​സാ​മ്രാ​ജ്യ​മായ ബാബി​ലോ​ന്റെ പിടി​യിൽനി​ന്നു ലക്ഷക്കണ​ക്കി​നാ​ളു​കൾ പുറത്തു​വ​ന്നി​രി​ക്കു​ന്ന​തിൽ നമുക്കു സന്തോ​ഷ​മുണ്ട്‌. നിങ്ങൾ ഇവരി​ലൊ​രാ​ളാ​ണോ? എങ്കിൽ മഹാബാ​ബി​ലോൻ ഭൂമി​യി​ലെ ജനതകളെ എങ്ങനെ സ്വാധീ​നി​ച്ചി​രി​ക്കു​ന്നു​വെന്നു നിങ്ങൾക്കു നന്നായി മനസ്സി​ലാ​കും: “ജാതികൾ അതിലെ വീഞ്ഞു കുടി​ച്ചി​ട്ടു അവർക്കു ഭ്രാന്തു​പി​ടി​ച്ചു.”—യിരെ​മ്യാ​വു 51:6, 7.

17. മഹാബാ​ബി​ലോ​നു​മേൽ ഏതു ന്യായ​വി​ധി നടക്കാ​റാ​യി​രി​ക്കു​ന്നു, ആ നടപടി​യെ​ത്തു​ടർന്ന്‌ എന്തുണ്ടാ​കും?

¹⁷ താമസി​യാ​തെ​തന്നെ, യുഎൻ-ലെ “ഭ്രാന്തു​പി​ടിച്ച” അംഗങ്ങൾ യഹോ​വ​യു​ടെ കയ്യിലെ ഉപകര​ണ​ങ്ങ​ളാ​യി വ്യാജ​മ​ത​ത്തി​നെ​തി​രെ തിരി​യും, വെളി​പ്പാ​ടു 17:16-ൽ വർണി​ച്ചി​രി​ക്കു​ന്ന​തു​പോ​ലെ: “നീ കണ്ട പത്തു കൊമ്പും മൃഗവും വേശ്യയെ ദ്വേഷി​ച്ചു ശൂന്യ​വും നഗ്നവു​മാ​ക്കി അവളുടെ മാംസം തിന്നു​ക​ള​യും; അവളെ തീകൊ​ണ്ടു ദഹിപ്പി​ക്ക​യും ചെയ്യും.” ഇത്‌ മത്തായി 24:21-ൽ പരാമർശി​ച്ചി​രി​ക്കുന്ന മഹോ​പ​ദ്ര​വ​ത്തി​നു തുടക്കം കുറി​ക്കും. അതിന്റെ പാരമ്യം സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധമായ അർമ​ഗെ​ദോ​നി​ലാ​യി​രി​ക്കും. പുരാതന ബാബി​ലോ​നെ​പ്പോ​ലെ, യിരെ​മ്യാ​വു 51:13, 25-ൽ പറഞ്ഞി​രി​ക്കുന്ന ന്യായ​വി​ധി മഹാബാ​ബി​ലോ​നു ലഭിക്കും: “വലിയ വെള്ളങ്ങൾക്ക​രി​കെ വസിക്കു​ന്ന​വ​ളാ​യി വളരെ നിക്ഷേ​പങ്ങൾ ഉള്ളവളേ, നിന്റെ അവസാനം നിന്നെ ഛേദി​ച്ചു​ക​ള​വാ​നുള്ള അവധി, വന്നിരി​ക്കു​ന്നു. സകലഭൂ​മി​യെ​യും നശിപ്പി​ക്കുന്ന വിനാ​ശ​ക​പർവ്വ​തമേ, ഞാൻ നിനക്കു വിരോ​ധ​മാ​യി​രി​ക്കു​ന്നു; ഞാൻ നിന്റെ മേൽ കൈ നീട്ടി നിന്നെ പാറക​ളിൽനി​ന്നു ഉരുട്ടി ദഹനപർവ്വതം ആക്കും എന്നു യഹോ​വ​യു​ടെ അരുള​പ്പാ​ടു.” യഹോ​വ​യു​ടെ പ്രതി​കാ​ര​ദി​വ​സ​ത്തിൽ മതങ്ങൾക്കു​പി​ന്നാ​ലെ ദുഷി​ച്ച​തും യുദ്ധ​ക്കൊ​തി​പൂ​ണ്ട​തു​മായ രാഷ്‌ട്ര​ങ്ങ​ളും നശിപ്പി​ക്ക​പ്പെ​ടും.

18. യെശയ്യാ​വു 48:22 എപ്പോൾ, എങ്ങനെ വീണ്ടും നിവർത്തി​ക്കും?

¹⁸ ദുഷ്ടന്മാ​രെ​ക്കു​റിച്ച്‌ 1 തെസ്സ​ലൊ​നീ​ക്യർ 5:3-ൽ [NW] ഇങ്ങനെ പറഞ്ഞി​രി​ക്കു​ന്നു: “അവർ ‘സമാധാ​നം, സുരക്ഷി​ത​ത്വം!’ എന്നു പറയു​ന്ന​തെ​പ്പോ​ഴോ അപ്പോൾ, ഗർഭി​ണി​ക്കു​ണ്ടാ​കുന്ന കഠിന​വേദന പോലെ ശീഘ്ര​നാ​ശം അവരു​ടെ​മേൽ ക്ഷണത്തിൽ വരും; അവർ ഒരു പ്രകാ​ര​ത്തി​ലും രക്ഷപ്പെ​ടു​ക​യില്ല.” ഇവരെ​ക്കു​റി​ച്ചു​തന്നെ യെശയ്യാ​വും പ്രസ്‌താ​വി​ച്ചി​ട്ടുണ്ട്‌: “ഇതാ . . . സമാധാ​ന​ത്തി​ന്റെ ദൂതന്മാർ അതിദുഃ​ഖ​ത്തോ​ടെ കരയുന്നു.” (യെശയ്യാ​വു 33:7) തീർച്ച​യാ​യും, നാം യെശയ്യാ​വു 48:22-ൽ വായി​ക്കു​ന്ന​തു​പോ​ലെ, “ദുഷ്ടന്മാർക്കു സമാധാ​നം ഇല്ല എന്നു യഹോവ അരുളി​ച്ചെ​യ്യു​ന്നു.” എന്നാൽ ദൈവ​സ​മാ​ധാ​ന​ത്തി​ന്റെ യഥാർഥ സന്ദേശ​വാ​ഹ​കർക്ക്‌ എന്തു ഭാവി​യാ​ണു​ള്ളത്‌? നമ്മുടെ അടുത്ത ലേഖനം അതേക്കു​റി​ച്ചു പറയു​ന്ന​താണ്‌.

പുനര​വ​ലോ​കന ചോദ്യ​ങ്ങൾ

□ ദൈവ​ത്തി​ന്റെ പ്രവാ​ച​ക​ന്മാർ വ്യാജം പറയുന്ന സന്ദേശ​വാ​ഹ​കരെ ഏതു ശക്തമായ വാക്കു​ക​ളോ​ടെ തുറന്നു​കാ​ട്ടി​യി​രി​ക്കു​ന്നു?

□ നിലനിൽക്കുന്ന സമാധാ​നം കൊണ്ടു​വ​രാൻ മനുഷ്യ സംഘട​നകൾ പരാജ​യ​പ്പെ​ടു​ന്ന​തെ​ന്തു​കൊണ്ട്‌?

□ യഥാർഥ സമാധാന സന്ദേശ​വാ​ഹകർ യുഎൻ-നെ പിന്തു​ണ​യ്‌ക്കു​ന്ന​വ​രിൽനി​ന്നു വ്യത്യ​സ്‌ത​രാ​യി​രി​ക്കു​ന്ന​തെ​ങ്ങനെ?

□ യഹോ​വ​യു​ടെ വാഗ്‌ദത്ത സമാധാ​നം ആസ്വദി​ക്കു​ന്ന​തി​നു സൗമ്യർ എന്തു ചെയ്യണം?

[15-ാം പേജിലെ ചിത്രം]

യെശയ്യാവും യിരെ​മ്യാ​വും ദാനീ​യേ​ലും മമനു​ഷ്യ​ന്റെ സമാധാന ശ്രമങ്ങ​ളു​ടെ പരാജയം മുൻകൂ​ട്ടി​പ്പ​റ​ഞ്ഞു

[16-ാം പേജിലെ ചിത്രം]

“സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു”—യോഹ​ന്നാൻ അപ്പോ​സ്‌ത​ലൻ

[17-ാം പേജിലെ ചിത്രം]

‘അവർ മാനസി​ക​മാ​യി അന്ധകാ​ര​ത്തി​ലാണ്‌’—പൗലൊസ്‌ അപ്പോ​സ്‌ത​ലൻ