മനുഷ്യ ബലഹീനത യഹോ​വ​യു​ടെ ശക്തിയെ വിളി​ച്ചോ​തു​ന്നു

“സന്തോ​ഷ​വും ചുറു​ചു​റു​ക്കു​മുള്ള മുഴു​സമയ ശുശ്രൂ​ഷ​ക​നാ​ണു ഞാനെന്ന്‌ എല്ലാവ​രും വിചാ​രി​ച്ചു. മറ്റുള്ള​വരെ അവരുടെ പ്രശ്‌ന​ങ്ങ​ളിൽ എല്ലായ്‌പോ​ഴും സഹായി​ക്കു​ന്നതു ഞാനാ​യി​രു​ന്നു. അതേസ​മയം, ഞാൻ അകമേ മരിക്കു​ക​യാ​യി​രു​ന്നു​വെന്ന്‌ എനിക്കു തോന്നി. ആകുല​ചി​ന്ത​ക​ളും മാനസി​ക​വ്യ​ഥ​യും എന്നിൽ ദോഷ​ക​ര​മായ ഫലങ്ങൾ ഉളവാ​ക്കു​ക​യാ​യി​രു​ന്നു. ആളുക​ളിൽനിന്ന്‌ ഒറ്റപ്പെ​ട്ട​താ​യി എനിക്കു തോന്നി​ത്തു​ടങ്ങി. വീട്ടിൽ കട്ടിലി​നെ ശരണം​പ്രാ​പി​ക്കാൻ മാത്രം ഞാൻ ആഗ്രഹി​ച്ചു. എന്നെ മരിക്കാൻ അനുവ​ദി​ക്ക​ണ​മേ​യെന്നു ഞാൻ മാസങ്ങ​ളോ​ളം യഹോ​വ​യോ​ടു യാചിച്ചു.”—വനേസ്സാ.

മേലു​ദ്ധ​രിച്ച ദൃഷ്ടാ​ന്ത​ത്തി​ലേ​തു​പോ​ലെ, “ഇടപെ​ടാൻ പ്രയാ​സ​മായ” ഈ “ദുർഘട നാളു​ക​ളിൽ” ജീവി​ക്കു​ന്ന​തി​ന്റെ ഫലങ്ങൾ യഹോ​വ​യു​ടെ ദാസൻമാർ ചില​പ്പോൾ അനുഭ​വി​ക്കു​ന്നതു സ്വാഭാ​വി​കം മാത്ര​മാണ്‌. (2 തിമൊ​ഥെ​യൊസ്‌ 3:1, NW) ചിലർ വിഷാ​ദ​മ​ഗ്ന​രാ​കു​ക​പോ​ലും ചെയ്‌തേ​ക്കാം. (ഫിലി​പ്പി​യർ 2:25-27) വിഷാദം നീണ്ടു​നിൽക്കു​മ്പോൾ അതു നമ്മുടെ ശക്തി കവർന്നെ​ടു​ത്തേ​ക്കാം. എന്തെന്നാൽ ബൈബിൾ പ്രസ്‌താ​വി​ക്കു​ന്നു: “അനർഥ നാളിൽ നീ നിരു​ത്സാ​ഹി​ത​നാ​യി കാണ​പ്പെ​ടു​ന്നു​വോ? നിന്റെ ശക്തി തുച്ഛമാ​യി​രി​ക്കും.” (സദൃശ​വാ​ക്യ​ങ്ങൾ 24:10, NW) അതേ, നാം നിരു​ത്സാ​ഹി​ത​രാ​യി​രി​ക്കു​മ്പോൾ നമുക്ക്‌ ശക്തി—ഒരുപക്ഷേ “സാധാ​ര​ണ​യിൽ കവിഞ്ഞ ശക്തി” എന്ന്‌ അപ്പോ​സ്‌ത​ല​നായ പൗലൊസ്‌ വിളി​ച്ച​തു​പോ​ലും—ആവശ്യ​മാണ്‌.—2 കൊരി​ന്ത്യർ 4:7, NW.

യഹോ​വ​യാം ദൈവം അപരി​മി​ത​മായ ശക്തിയു​ടെ ഉറവി​ട​മാണ്‌. അവന്റെ സൃഷ്ടിയെ നാം പരി​ശോ​ധി​ക്കു​മ്പോൾ ഇതു വ്യക്തമാ​കു​ന്നു. (റോമർ 1:20) ഉദാഹ​ര​ണ​ത്തി​നു സൂര്യൻ. സൂര്യ​നിൽനി​ന്നുള്ള 240 ലക്ഷം കോടി​യോ​ളം വരുന്ന കുതി​ര​ശ​ക്തി​യു​ടെ തുടർച്ച​യായ പ്രവാ​ഹത്തെ ഭൂമി പ്രതി​രോ​ധി​ക്കു​ന്നു. എന്നാൽ, സൂര്യ​നിൽനി​ന്നു ബഹിർഗ​മി​ക്കുന്ന ഊർജ​ത്തി​ന്റെ 200 കോടി​യിൽ ഒരു ഭാഗത്തെ മാത്ര​മാണ്‌ ഈ സംഖ്യ പ്രതി​നി​ധീ​ക​രി​ക്കു​ന്നത്‌. സൂപ്പർജ​യൻറ്‌സ്‌ എന്നറി​യ​പ്പെ​ടുന്ന ഭീമാ​കാര നക്ഷത്ര​ങ്ങ​ളോ​ടു താരത​മ്യ​പ്പെ​ടു​ത്തു​മ്പോൾ സൂര്യൻ ചെറു​താണ്‌. മകയിര നക്ഷത്ര​സ​മൂ​ഹ​ത്തി​ലെ ഒരു നക്ഷത്ര​മായ റൈഗൽ ഇവയിൽപെ​ട്ട​താണ്‌. അതു നമ്മുടെ സൂര്യ​നെ​ക്കാൾ 50 ഇരട്ടി വലുപ്പ​മു​ള്ള​തും 1,50,000 ഇരട്ടി ഊർജം ഉത്സർജി​ക്കു​ന്ന​തു​മാണ്‌!

അത്തരം ആകാശ ഊർജ​നി​ല​യ​ങ്ങ​ളു​ടെ സ്രഷ്ടാ​വിന്‌ “ചലനോ​ജ്വല ഊർജ​ത്തി​ന്റെ ബാഹു​ല്യം” ഉണ്ടായി​രി​ക്കും. (യെശയ്യാ​വു 40:26, NW; സങ്കീർത്തനം 8:3, 4) തീർച്ച​യാ​യും, യഹോവ “ക്ഷീണി​ക്കു​ന്നില്ല, തളർന്നു​പോ​കു​ന്ന​തു​മില്ല” എന്നു പ്രവാ​ച​ക​നായ യെശയ്യാ​വു പ്രസ്‌താ​വി​ച്ചു. മനുഷ്യ ബലഹീനത നിമിത്തം തളർന്നു​പോ​കു​ന്നു​വെന്നു തോന്നുന്ന ഏതൊ​രു​വ​നു​മാ​യും തന്റെ ശക്തി പങ്കു​വെ​ക്കാൻ ദൈവം സന്നദ്ധനാണ്‌. (യെശയ്യാ​വു 40:28, 29) അവൻ ഇത്‌ എങ്ങനെ ചെയ്യു​ന്നു​വെ​ന്നു​ള്ളത്‌ ക്രിസ്‌തീയ അപ്പോ​സ്‌ത​ല​നായ പൗലൊ​സി​ന്റെ കാര്യ​ത്തിൽ ദൃഷ്ടാ​ന്തീ​ക​രി​ക്ക​പ്പെ​ട്ടി​രി​ക്കു​ന്നു.

പരി​ശോ​ധ​നകൾ തരണം​ചെ​യ്യൽ

താൻ സഹി​ക്കേ​ണ്ടി​യി​രുന്ന ഒരു പ്രതി​ബ​ന്ധ​ത്തെ​ക്കു​റിച്ച്‌ പൗലൊസ്‌ കൊരി​ന്ത്യ​രോ​ടു പറഞ്ഞു. അവൻ അതിനെ ‘ജഡത്തിലെ ഒരു ശൂലം [“മുള്ള്‌,” NW]’ എന്നു വിളിച്ചു. (2 കൊരി​ന്ത്യർ 12:7) ഈ “മുള്ള്‌” ഒരു ആരോഗ്യ പ്രശ്‌നം, ഒരുപക്ഷേ ക്ഷയിച്ച കാഴ്‌ച​ശക്തി ആയിരു​ന്നി​രി​ക്കാം. (ഗലാത്യർ 4:15; 6:11) അല്ലെങ്കിൽ, തന്റെ അപ്പോ​സ്‌ത​ലി​ക​ത്വ​ത്തെ​യും പ്രവർത്ത​ന​ത്തെ​യും വെല്ലു​വി​ളിച്ച വ്യാജ അപ്പോ​സ്‌ത​ലൻമാ​രെ​യും മറ്റു ശല്യക്കാ​രെ​യും പൗലൊസ്‌ പരാമർശി​ക്കു​ക​യാ​യി​രു​ന്നി​രി​ക്കാം. (2 കൊരി​ന്ത്യർ 11:5, 6, 12-15; ഗലാത്യർ 1:6-9; 5:12) എന്തുത​ന്നെ​യാ​യി​രു​ന്നാ​ലും, ‘ജഡത്തിലെ ആ മുള്ള്‌’ പൗലൊ​സി​നെ അതിയാ​യി അസഹ്യ​പ്പെ​ടു​ത്തി. അതു നീങ്ങി​പ്പോ​കു​ന്ന​തിന്‌ അവൻ ആവർത്തി​ച്ചാ​വർത്തി​ച്ചു പ്രാർഥി​ച്ചു.—2 കൊരി​ന്ത്യർ 12:8.

എന്നാൽ യഹോവ പൗലൊ​സി​ന്റെ അഭ്യർഥന ചെവി​ക്കൊ​ണ്ടില്ല. പകരം അവൻ പൗലൊ​സി​നോ​ടു പറഞ്ഞു: “എന്റെ കൃപ [“അനർഹദയ,” NW] നിനക്കു മതി.” (2 കൊരി​ന്ത്യർ 12:9) ഇതിനാൽ യഹോവ എന്താണ്‌ അർഥമാ​ക്കി​യത്‌? ക്രിസ്‌ത്യാ​നി​കളെ പീഡി​പ്പിച്ച പൗലൊ​സി​ന്റെ മുൻ ജീവി​ത​ഗതി നാം പരിഗ​ണി​ക്കു​മ്പോൾ, ദൈവ​വു​മാ​യി അവന്‌ ഒരു ബന്ധമു​ണ്ടാ​യി​രി​ക്കാൻ കഴിഞ്ഞത്‌ അനർഹ​ദ​യ​യാൽ മാത്ര​മാ​യി​രു​ന്നു—ഒരു അപ്പോ​സ്‌തലൻ എന്നനി​ല​യി​ലുള്ള സേവന​ത്തി​ന്റെ കാര്യം പറയാ​നു​മില്ല!a (സെഖര്യാ​വു 2:8; വെളി​പ്പാ​ടു 16:5, 6; എന്നിവ താരത​മ്യം ചെയ്യുക.) ശിഷ്യ​ത്വ​ത്തി​ന്റെ പദവി “മതി”യെന്ന്‌ യഹോവ പൗലൊ​സി​നോ​ടു പറയു​ക​യാ​യി​രു​ന്നി​രി​ക്കാം. ശിഷ്യ​ത്വം നിമിത്തം ജീവി​ത​ത്തി​ലെ വ്യക്തി​പ​ര​മായ പ്രശ്‌നങ്ങൾ അത്ഭുത​ക​ര​മാ​യി നീക്കം​ചെ​യ്യ​പ്പെ​ടു​മാ​യി​രു​ന്നില്ല. വാസ്‌ത​വ​ത്തിൽ, കൂടു​ത​ലായ പദവി​ക​ളു​ടെ ഫലമായി ചില യാതന​കൾപോ​ലും ഉണ്ടാകാൻ ഇടയു​ണ്ടാ​യി​രു​ന്നു. (2 കൊരി​ന്ത്യർ 11:24-27; 2 തിമൊ​ഥെ​യൊസ്‌ 3:12) സംഗതി എന്തുത​ന്നെ​യാ​യി​രു​ന്നാ​ലും, പൗലൊസ്‌ ‘ജഡത്തിലെ മുള്ള്‌’ സഹി​ക്കേ​ണ്ട​തു​ണ്ടാ​യി​രു​ന്നു.

എന്നാൽ യഹോവ യാതൊ​രു പ്രകാ​ര​ത്തി​ലും പൗലൊ​സി​നെ ഹൃദയ​ശൂ​ന്യ​മാ​യി കൈ​വെ​ടി​യു​ക​യാ​യി​രു​ന്നില്ല. പകരം അവൻ അവനോ​ടു പറഞ്ഞു: “എന്റെ ശക്തി ബലഹീ​ന​ത​യിൽ തികഞ്ഞു​വ​രു​ന്നു.” (2 കൊരി​ന്ത്യർ 12:9) അതേ, തന്റെ സാഹച​ര്യ​ത്തെ നേരി​ടാ​നുള്ള ശക്തി യഹോവ പൗലൊ​സി​നു സ്‌നേ​ഹ​പൂർവം നൽകു​മാ​യി​രു​ന്നു. അങ്ങനെ, പൗലൊ​സി​ന്റെ “ജഡത്തിലെ മുള്ള്‌” ഒരു ദൃഷ്ടാ​ന്ത​പാ​ഠ​മാ​യി​ത്തീർന്നു. സ്വന്തം ശക്തിയിൽ ആശ്രയി​ക്കു​ന്ന​തി​നു പകരം യഹോ​വ​യു​ടെ ശക്തിയിൽ ആശ്രയി​ക്കാൻ അത്‌ അവനെ പഠിപ്പി​ച്ചു. വ്യക്തമാ​യും, പൗലൊസ്‌ ഈ പാഠം നന്നായി പഠിച്ചു. കാരണം, കുറെ വർഷങ്ങൾ കഴിഞ്ഞ്‌ അവൻ ഫിലി​പ്പി​യർക്ക്‌ എഴുതി: “ഏതു സാഹച​ര്യ​ത്തി​ലാ​യി​രു​ന്നാ​ലും സ്വയം​പ​ര്യാ​പ്‌ത​നാ​യി​രി​ക്കാൻ ഞാൻ പഠിച്ചി​ട്ടുണ്ട്‌. എനിക്കു ശക്തി നൽകു​ന്നവൻ മുഖാ​ന്തരം എനിക്കു സകലത്തി​ന്നും ശക്തിയുണ്ട്‌.”—ഫിലി​പ്പി​യർ 4:11, 13, NW.

നിങ്ങളെ സംബന്ധി​ച്ചോ? ഒരുപക്ഷേ എന്തെങ്കി​ലു​മൊ​രു രോഗ​മോ വളരെ​യേറെ ആകുല​ത​യ്‌ക്കി​ട​യാ​ക്കുന്ന ഒരു ജീവിത സാഹച​ര്യ​മോ​പോ​ലുള്ള ‘ജഡത്തിലെ മുള്ള്‌’ നിങ്ങൾ സഹിക്കു​ന്നു​വോ? അങ്ങനെ​യെ​ങ്കിൽ, ആശ്വാ​സ​മ​ട​യുക. യഹോവ അത്ഭുത​ക​ര​മാ​യി പ്രതി​ബന്ധം നീക്കം​ചെ​യ്‌തേ​ക്കു​ക​യി​ല്ലെ​ങ്കി​ലും, നിങ്ങൾ രാജ്യ​താ​ത്‌പ​ര്യ​ങ്ങൾ എല്ലായ്‌പോ​ഴും ഒന്നാമതു വെക്കു​മ്പോൾ, അതിനെ നേരി​ടാ​നുള്ള ജ്ഞാനവും ശക്തിയും നിങ്ങൾക്കു നൽകാൻ അവനു കഴിയും.—മത്തായി 6:33.

ക്രിസ്‌തീ​യ പ്രവർത്ത​ന​ത്തിൽ നിങ്ങൾ ആഗ്രഹി​ക്കു​ന്നത്ര നിർവ​ഹി​ക്കു​ന്ന​തിൽനി​ന്നു രോഗ​മോ വാർധ​ക്യ​മോ നിങ്ങളെ തടയു​ന്നെ​ങ്കിൽ നിരാ​ശ​രാ​ക​രുത്‌. യഹോ​വ​യ്‌ക്കുള്ള നിങ്ങളു​ടെ സേവനത്തെ പരിമി​ത​പ്പെ​ടു​ത്തുന്ന ഒന്നായി നിങ്ങളു​ടെ പരി​ശോ​ധ​നയെ വീക്ഷി​ക്കു​ന്ന​തി​നു പകരം അതിനെ അവനി​ലുള്ള നിങ്ങളു​ടെ ആശ്രയം വർധി​പ്പി​ക്കു​ന്ന​തി​നുള്ള ഒരു അവസര​മാ​യി വീക്ഷി​ക്കുക. ഒരു ക്രിസ്‌ത്യാ​നി​യു​ടെ മൂല്യം അളക്കു​ന്നത്‌, രാജ്യ​സേ​വ​ന​ത്തിൽ എത്രമാ​ത്രം ചെയ്യു​ന്നു​വെ​ന്ന​തി​നാ​ലല്ല, മറിച്ച്‌, അയാളു​ടെ വിശ്വാ​സ​ത്താ​ലും സ്‌നേ​ഹ​ത്തി​ന്റെ ആഴത്താ​ലു​മാ​ണെ​ന്നും ഓർമി​ക്കുക. (മർക്കൊസ്‌ 12:41-44 താരത​മ്യം ചെയ്യുക.) യഹോ​വയെ മുഴു​ദേ​ഹി​യോ​ടെ സ്‌നേ​ഹി​ക്കു​ന്നു എന്നതിന്റെ അർഥം മറ്റാരു​ടെ​യെ​ങ്കി​ലു​മല്ല മറിച്ച്‌ നിങ്ങളു​ടെ സ്വന്തം കഴിവി​ന്റെ പരമാ​വധി അവനെ സേവി​ക്കു​ന്നു​വെ​ന്നാണ്‌.—മത്തായി 22:37; ഗലാത്യർ 6:4, 5.

നിങ്ങളു​ടെ ‘ജഡത്തിലെ മുള്ളിൽ,’ പ്രിയ​പ്പെട്ട ഒരുവന്റെ മരണം പോ​ലെ​യുള്ള വേദനാ​ക​ര​മായ ഒരു ജീവിത സാഹച​ര്യം ഉൾപ്പെ​ടു​ന്നെ​ങ്കിൽ ബൈബി​ളി​ന്റെ ഈ ഉദ്‌ബോ​ധനം പിൻപ​റ്റുക: “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല.” (സങ്കീർത്തനം 55:22) സിൽവിയ എന്നു​പേ​രുള്ള ഒരു ക്രിസ്‌തീയ വനിത അതു ചെയ്‌തു. 50 വർഷത്തെ വിവാ​ഹ​ജീ​വി​ത​ത്തി​നു​ശേഷം അവരുടെ ഭർത്താ​വും ചെറു​പ്പ​ക്കാ​രായ രണ്ടു കൊച്ചു​മക്കൾ ഉൾപ്പെടെ മറ്റ്‌ ഒമ്പതു കുടും​ബാം​ഗ​ങ്ങ​ളും മരണമ​ടഞ്ഞു. ഏതാനും വർഷങ്ങൾക്കു​ള്ളി​ലാണ്‌ ഇതെല്ലാം സംഭവി​ച്ചത്‌. “യഹോ​വ​യു​ടെ സഹായം ഇല്ലായി​രു​ന്നെ​ങ്കിൽ എനി​ക്കെന്റെ ദുഃഖം താങ്ങാ​നാ​കു​മാ​യി​രു​ന്നില്ല,” സിൽവിയ പറയുന്നു. “എന്നാൽ ഞാൻ പ്രാർഥ​ന​യിൽ വളരെ​യേറെ ആശ്വാസം കണ്ടെത്തു​ന്നു. ഞാൻ യഹോ​വ​യു​മാ​യി ഫലത്തിൽ അവിരാ​മം സംസാ​രി​ക്കു​ന്നു. സഹിച്ചു​നിൽക്കാ​നുള്ള ശക്തി അവൻ തരുന്നു​വെന്ന്‌ എനിക്ക​റി​യാം.”

ദുഃഖി​ക്കു​ന്ന​വർക്കു സഹിച്ചു​നിൽക്കാ​നുള്ള ശക്തി നൽകാൻ “സർവ്വാ​ശ്വാ​സ​വും നല്‌കുന്ന ദൈവ”ത്തിനു കഴിയു​മെ​ന്ന​റി​യു​ന്നത്‌ എത്ര ആശ്വാ​സ​പ്ര​ദ​മാണ്‌! (2 കൊരി​ന്ത്യർ 1:3; 1 തെസ്സ​ലൊ​നീ​ക്യർ 4:13) ഇതു വിലമ​തി​ക്കു​മ്പോൾ, ഈ സംഗതി​യി​ലെ പൗലൊ​സി​ന്റെ നിഗമനം നമുക്കു മനസ്സി​ലാ​ക്കാ​നാ​കും. അവൻ എഴുതി: “ഞാൻ ക്രിസ്‌തു​വി​ന്നു വേണ്ടി ബലഹീനത, കയ്യേററം, ബുദ്ധി​മു​ട്ടു, ഉപദ്രവം, ഞെരുക്കം എന്നിവ സഹിപ്പാൻ ഇഷ്ടപ്പെ​ടു​ന്നു; [കാരണം] ബലഹീ​ന​നാ​യി​രി​ക്കു​മ്പോൾ തന്നേ ഞാൻ ശക്തനാ​കു​ന്നു.”—2 കൊരി​ന്ത്യർ 12:10.

അപൂർണ​തയെ നേരിടൽ

നമ്മുടെ ആദ്യ മാനുഷ മാതാ​പി​താ​ക്ക​ളിൽനിന്ന്‌ അവകാ​ശ​പ്പെ​ടു​ത്തിയ അപൂർണത നമു​ക്കെ​ല്ലാ​മുണ്ട്‌. (റോമർ 5:12) തത്‌ഫ​ല​മാ​യി, വീഴ്‌ച​ഭ​വിച്ച ജഡത്തിന്റെ അഭിലാ​ഷ​ങ്ങ​ളു​മാ​യി നാമൊ​രു പോരാ​ട്ട​ത്തി​ലാണ്‌. “പഴയ വ്യക്തിത്വ”ത്തിന്റെ പ്രവണ​ത​കൾക്ക്‌ നാം വിചാ​രി​ച്ചി​രു​ന്ന​തി​നെ​ക്കാൾ ശക്തമാ​യൊ​രു സ്വാധീ​നം നമ്മു​ടെ​മേ​ലു​ണ്ടെന്നു കണ്ടെത്തു​ന്നത്‌ എത്ര നിരു​ത്സാ​ഹ​പ്പെ​ടു​ത്തു​ന്ന​താ​യി​രി​ക്കാം! (എഫെസ്യർ 4:22-24, NW) അത്തരം സമയങ്ങ​ളിൽ അപ്പോ​സ്‌ത​ല​നായ പൗലൊ​സി​നു തോന്നി​യ​തു​പോ​ലെ നമുക്കു തോന്നി​യേ​ക്കാം. അവൻ എഴുതി: “ഉള്ളം​കൊ​ണ്ടു ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ രസിക്കു​ന്നു. എങ്കിലും എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു എന്റെ അവയവ​ങ്ങ​ളി​ലുള്ള പാപ​പ്ര​മാ​ണ​ത്തി​ന്നു എന്നെ ബദ്ധനാ​ക്കി​ക്ക​ള​യു​ന്നു.”—റോമർ 7:22, 23.

യഹോ​വ​യിൽനി​ന്നുള്ള ശക്തിയിൽനിന്ന്‌ ഇവി​ടെ​യും നമുക്കു സ്വയം പ്രയോ​ജനം നേടാ​വു​ന്ന​താണ്‌. വ്യക്തി​പ​ര​മായ ഒരു ബലഹീ​ന​ത​യു​മാ​യി മല്ലിടു​മ്പോൾ, അതേ പ്രശ്‌നം സംബന്ധി​ച്ചു നിങ്ങൾ എത്ര തവണ അവനെ സമീപി​ച്ചി​ട്ടു​ണ്ടെ​ങ്കി​ലും, ആത്മാർഥ​മാ​യി അവന്റെ ക്ഷമ യാചി​ച്ചു​കൊണ്ട്‌ പ്രാർഥ​ന​യിൽ അവനി​ലേക്കു തിരി​യു​ന്നത്‌ ഒരിക്ക​ലും നിർത്ത​രുത്‌. തന്റെ അനർഹദയ നിമിത്തം “ഹൃദയ​ങ്ങളെ തൂക്കി​നോ​ക്കുന്ന,” ആത്മാർഥ​ത​യു​ടെ ആഴം ദർശി​ക്കാൻ കഴിയുന്ന യഹോവ നിങ്ങൾക്കു ശുദ്ധമാ​യൊ​രു മനസ്സാക്ഷി നൽകും. (സദൃശ​വാ​ക്യ​ങ്ങൾ 21:2) ജഡിക ബലഹീ​ന​ത​കൾക്കെ​തി​രെ​യുള്ള പോരാ​ട്ടം പുനഃ​രാ​രം​ഭി​ക്കാ​നുള്ള ശക്തി തന്റെ പരിശു​ദ്ധാ​ത്മാ​വി​ലൂ​ടെ നിങ്ങൾക്കു പ്രദാനം ചെയ്യാൻ യഹോ​വ​യ്‌ക്കു കഴിയും.—ലൂക്കൊസ്‌ 11:13.

അപൂർണ​രാ​യ മറ്റുള്ള​വ​രു​മാ​യി ഇടപെ​ടു​മ്പോ​ഴും നമുക്ക്‌ യഹോ​വ​യിൽനി​ന്നുള്ള ശക്തി ആവശ്യ​മാണ്‌. ദൃഷ്ടാ​ന്ത​ത്തിന്‌, ഒരു സഹക്രി​സ്‌ത്യാ​നി നമ്മോടു “വാളു​കൊ​ണ്ടു കുത്തും​പോ​ലെ മൂർച്ച​യാ​യി” സംസാ​രി​ച്ചേ​ക്കാം. (സദൃശ​വാ​ക്യ​ങ്ങൾ 12:8) അതു നമ്മെ ആഴമായി മുറി​വേൽപ്പി​ച്ചേ​ക്കാം, പ്രത്യേ​കി​ച്ചും കാര്യങ്ങൾ മെച്ചമാ​യി അറിഞ്ഞി​രി​ക്ക​ണ​മെന്നു നാം വിചാ​രി​ക്കുന്ന ഒരുവ​നിൽനി​ന്നാ​കു​മ്പോൾ. നാം അതിയാ​യി അസ്വസ്ഥ​രാ​യേ​ക്കാം. ചിലർ അത്തരം ദ്രോ​ഹ​ങ്ങളെ യഹോ​വയെ ഉപേക്ഷി​ക്കു​ന്ന​തി​നുള്ള മതിയായ കാരണ​മാ​യി​പോ​ലും ഉപയോ​ഗി​ച്ചി​രി​ക്കു​ന്നു—എല്ലാറ്റി​ലും​വെച്ച്‌ ഏറ്റവും വലിയ തെറ്റു​തന്നെ!

എന്നാൽ, മറ്റുള്ള​വ​രു​ടെ ബലഹീ​ന​ത​കളെ ശരിയായ കാഴ്‌ച​പ്പാ​ടിൽ വീക്ഷി​ക്കാൻ സമനി​ല​യുള്ള ഒരു മനോ​ഭാ​വം നമ്മെ സഹായി​ക്കും. അപൂർണ മനുഷ്യ​രിൽനി​ന്നു നമുക്കു പൂർണത പ്രതീ​ക്ഷി​ക്കാ​നാ​വില്ല. “പാപം ചെയ്യാത്ത മനുഷ്യൻ ഇല്ലല്ലോ” എന്നു ജ്ഞാനി​യായ ശലോ​മോൻ നമ്മെ ഓർമി​പ്പി​ക്കു​ന്നു. (1 രാജാ​ക്ക​ന്മാർ 8:46) ഏതാണ്ട്‌ ഏഴു ദശകങ്ങൾ യഹോ​വയെ വിശ്വ​സ്‌ത​മാ​യി സേവിച്ച ഒരു അഭിഷിക്ത ക്രിസ്‌ത്യാ​നി​യായ ആർഥർ ഇങ്ങനെ അഭി​പ്രാ​യ​പ്പെട്ടു: “സഹദാ​സൻമാ​രി​ലെ ബലഹീ​ന​തകൾ നമ്മുടെ ക്രിസ്‌തീയ ഗുണങ്ങളെ പരി​ശോ​ധി​ച്ചു​കൊ​ണ്ടു നിർമലത തെളി​യി​ക്കാ​നുള്ള അവസരം സൃഷ്ടി​ക്കു​ന്നു. ആളുകൾ പറയു​ക​യോ പ്രവർത്തി​ക്കു​ക​യോ ചെയ്യു​ന്നത്‌ യഹോ​വ​യ്‌ക്കുള്ള നമ്മുടെ സേവനത്തെ തടസ്സ​പ്പെ​ടു​ത്താൻ നാം അനുവ​ദി​ക്കു​ന്നെ​ങ്കിൽ നാം മനുഷ്യ​രെ​യാ​യി​രി​ക്കും സേവി​ക്കു​ന്നത്‌. കൂടാതെ, നമ്മുടെ സഹോ​ദ​രൻമാ​രും യഹോ​വയെ സ്‌നേ​ഹി​ക്കേ​ണ്ട​താണ്‌. അവരിലെ നന്മ അന്വേ​ഷി​ക്കു​ന്നെ​ങ്കിൽ, എന്തൊ​ക്കെ​യാ​യാ​ലും അവർ അത്ര ചീത്തയാ​ളു​കൾ അല്ലെന്ന്‌ നാം പെട്ടെ​ന്നു​തന്നെ മനസ്സി​ലാ​ക്കും.”

പ്രസം​ഗി​ക്കാ​നുള്ള ശക്തി

സ്വർഗാ​രോ​ഹ​ണ​ത്തി​നു മുമ്പ്‌ യേശു തന്റെ ശിഷ്യൻമാ​രോ​ടു പറഞ്ഞു: “പരിശു​ദ്ധാ​ത്മാ​വു നിങ്ങളു​ടെ മേൽ വരു​മ്പോൾ നിങ്ങൾ ശക്തി ലഭിച്ചി​ട്ടു യെരൂ​ശ​ലേ​മി​ലും യെഹൂ​ദ്യ​യിൽ എല്ലാട​ത്തും ശമര്യ​യി​ലും ഭൂമി​യു​ടെ അററ​ത്തോ​ള​വും എന്റെ സാക്ഷികൾ ആകും”—പ്രവൃ​ത്തി​കൾ 1:8.

യേശു​വി​ന്റെ വാക്കുകൾ സത്യ​മെന്നു തെളി​യി​ച്ചു​കൊണ്ട്‌, ഗോള​വ്യാ​പ​ക​മാ​യി 233 രാജ്യ​ങ്ങ​ളിൽ ഇപ്പോൾ യഹോ​വ​യു​ടെ സാക്ഷികൾ ഈ വേല ചെയ്യു​ന്നുണ്ട്‌. യഹോ​വ​യെ​ക്കു​റി​ച്ചുള്ള പരിജ്ഞാ​ന​ത്തി​ലേക്കു വരാൻ മറ്റുള്ള​വരെ സഹായി​ച്ചു​കൊണ്ട്‌ അവർ വർഷം​തോ​റും 100 കോടി​യി​ല​ധി​കം മണിക്കൂർ ചെലവ​ഴി​ക്കു​ന്നു. ഈ വേല നിർവ​ഹി​ക്കു​ന്നത്‌ എല്ലായ്‌പോ​ഴും എളുപ്പമല്ല. ചില രാജ്യ​ങ്ങ​ളിൽ രാജ്യ പ്രസം​ഗ​വേല നിരോ​ധി​ക്കു​ക​യോ നിയ​ന്ത്ര​ണ​വി​ധേ​യ​മാ​ക്കു​ക​യോ ചെയ്‌തി​രി​ക്കു​ന്നു. ഈ വേല ചെയ്യു​ന്നത്‌ ആരാ​ണെ​ന്നു​കൂ​ടി പരിഗ​ണി​ക്കുക—സ്വന്തം പ്രശ്‌ന​ങ്ങ​ളും ആകുല​ത​ക​ളും ഉള്ള ദുർബ​ല​രായ അപൂർണ മനുഷ്യർ. എന്നിട്ടും വേല തുടരു​ന്നു. തത്‌ഫ​ല​മാ​യി, കഴിഞ്ഞ മൂന്നു​വർഷം​കൊണ്ട്‌ പത്തു ലക്ഷത്തി​ല​ധി​കം ആളുകൾ തങ്ങളുടെ ജീവിതം യഹോ​വ​യ്‌ക്കു സമർപ്പി​ക്കു​ക​യും ആ സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തു​ക​യും ചെയ്‌തി​രി​ക്കു​ന്നു. (മത്തായി 28:18-20) സത്യമാ​യും, ദൈവ​ത്തി​ന്റെ ശക്തിയാൽ മാത്ര​മാണ്‌ ഈ വേല നിർവ​ഹി​ക്ക​പ്പെ​ടു​ന്നത്‌. പ്രവാ​ച​ക​നായ സെഖര്യാ​വി​ലൂ​ടെ യഹോവ പറഞ്ഞു: “സൈന്യ​ത്താ​ലല്ല. ശക്തിയാ​ലു​മല്ല, എന്റെ ആത്മാവി​നാ​ല​ത്രേ.”—സെഖര്യാ​വു 4:6.

നിങ്ങൾ സുവാർത്ത​യു​ടെ ഒരു പ്രസാ​ധ​ക​നാ​ണെ​ങ്കിൽ, ആ മഹത്തായ നേട്ടത്തിൽ നിങ്ങൾക്കൊ​രു പങ്കുണ്ട്‌—അതു പ്രത്യ​ക്ഷ​ത്തിൽ എത്ര ചെറു​താ​ണെ​ങ്കി​ലും. നിങ്ങൾ ‘മുള്ളുകൾ’ സഹി​ക്കേ​ണ്ട​തു​ണ്ടെ​ങ്കി​ലും, “നിങ്ങളു​ടെ പ്രവൃ​ത്തി​യും . . . തന്റെ നാമ​ത്തോ​ടു കാണിച്ച സ്‌നേ​ഹ​വും” യഹോവ മറക്കു​ക​യി​ല്ലെന്നു നിങ്ങൾക്കു​റ​പ്പു​ണ്ടാ​യി​രി​ക്കാ​വു​ന്ന​താണ്‌. (എബ്രായർ 6:10) അതു​കൊണ്ട്‌ പിന്തു​ണ​യ്‌ക്കാ​യി സമസ്‌ത ചലനാത്മക ഊർജ​ത്തി​ന്റെ​യും ഉറവി​ട​മാ​യ​വ​നിൽ തുടർന്നും ആശ്രയി​ക്കുക. ഓർമി​ക്കുക, യഹോ​വ​യു​ടെ ശക്തിയാൽ മാത്രമേ നമുക്കു സഹിച്ചു​നിൽക്കാ​നാ​വൂ; അവന്റെ ശക്തി നമ്മുടെ ബലഹീ​ന​ത​ക​ളിൽ തികഞ്ഞു​വ​രു​ന്നു.

[അടിക്കു​റി​പ്പു​കൾ]

[26-ാം പേജിലെ ചിത്രം]

യഹോവയുടെ ശക്തിയാൽ മാത്ര​മാ​ണു പ്രസം​ഗ​വേല നിർവ​ഹി​ക്ക​പ്പെ​ടു​ന്നത്‌