അത്ഭുത രോഗ​ശാ​ന്തി ഇപ്പോ​ഴും സംഭവി​ക്കു​ന്നു​ണ്ടോ?

“യേശു​വിൽ വിശ്വ​സിച്ച്‌ രോഗ​ശാ​ന്തി നേടുക!” തന്റെ രോഗ​ത്തി​നു മരുന്നു കഴിച്ചാൽ തനിക്കു വിശ്വാ​സ​മി​ല്ലെന്നു വെളി​വാ​കു​മെന്ന്‌ ഇവാഞ്ച​ലി​ക്കൽ സഭാം​ഗ​മായ ആലിഷാ​ന്ദ്രേ ധരിക്കാ​നി​ട​യാ​യത്‌ ഇതു​പോ​ലുള്ള ഒരു പരസ്യം കണ്ടിട്ടാ​യി​രു​ന്നു. വിശ്വാ​സം​കൊ​ണ്ടു മാത്രം തനിക്കാ​വ​ശ്യ​മായ അത്ഭുത രോഗ​ശാ​ന്തി നേടാ​നാ​കു​മെന്ന്‌ അയാൾക്കു പൂർണ ബോധ്യ​മു​ണ്ടാ​യി​രു​ന്നു. ബ്രസീ​ലി​ലെ, സാവൊ പൗലോ സംസ്ഥാ​നത്ത്‌ അപ്പാര​സിദ ദാ നോർത്ത ദേവാ​ല​യ​ത്തി​ലെ അത്ഭുത രോഗ​ശാ​ന്തി​യെ​ക്കു​റി​ച്ചു കേട്ട​പ്പോൾ തീക്ഷ്‌ണ കത്തോ​ലി​ക്കാ മതവി​ശ്വാ​സി​യായ ബെനഡി​റ്റ​യ്‌ക്ക്‌ അതിൽ വലിയ താത്‌പ​ര്യ​മാ​യി. തന്റെ പേരമ്മ പഠിപ്പിച്ച ഏതാനും മന്ത്രജ​പങ്ങൾ ഉപയോ​ഗിച്ച്‌ അപ്പാര​സി​ദ​യി​ലെ കന്യാ​മ​റി​യ​ത്തോ​ടും അന്തോ​നി​സി​നോ​ടും മറ്റു “വിശു​ദ്ധന്മാ”രോടും രോഗി​കളെ സുഖ​പ്പെ​ടു​ത്തു​ന്ന​തി​നുള്ള ശക്തിക്കു​വേണ്ടി ബെനഡിറ്റ പ്രാർഥി​ച്ചു.

ഈ 20-ാം നൂറ്റാ​ണ്ടി​ന്റെ ഒടുവി​ലും അനേക​മാ​ളു​കൾ അത്ഭുത രോഗ​ശാ​ന്തി​യിൽ വിശ്വ​സി​ക്കു​ന്ന​താ​യി തോന്നു​ന്നു—എന്നാൽ എന്തു​കൊണ്ട്‌? സാധ്യ​ത​യ​നു​സ​രിച്ച്‌, പ്രിയ​പ്പെ​ട്ട​വ​രു​ടെ, വിശേ​ഷിച്ച്‌ തങ്ങളുടെ കുട്ടി​ക​ളു​ടെ, രോഗം, വേദന, കഷ്ടപ്പാ​ടു​കൾ എന്നിവ നീക്കി ആശ്വാസം കൈവ​രു​ത്താൻ ഡോക്ടർമാർക്ക്‌ കാര്യ​മാ​യി ഒന്നും ചെയ്യാ​നാ​കാ​തെ വരു​മ്പോൾ ചിലർക്കു ഗതിമു​ട്ടു​ന്നു. ആധുനിക ചികിത്സ വളരെ ചെല​വേ​റി​യ​താ​യ​തി​നാൽ, അത്ഭുത രോഗ​ശാ​ന്തി തേടു​ന്ന​തിൽ നഷ്ടമൊ​ന്നു​മി​ല്ലെന്ന്‌ ദീർഘ​കാല രോഗ​ത്താൽ കഷ്ടപ്പെ​ടു​ന്നവർ ചിന്തി​ക്കാൻ സാധ്യ​ത​യുണ്ട്‌. എയ്‌ഡ്‌സ്‌, വിഷാദം, അർബുദം, ഭ്രാന്ത്‌, ഉയർന്ന രക്തസമ്മർദം എന്നിവ​യും മറ്റനേകം രോഗ​ങ്ങ​ളും അത്ഭുത​ത്തി​ലൂ​ടെ മാറ്റാ​മെന്നു പല സഭകളും വ്യക്തി​ക​ളും വാഗ്‌ദാ​നം ചെയ്യു​ന്നത്‌ ചിലർ ടിവി-യിൽ കാണുന്നു. അത്തരം അവകാ​ശ​വാ​ദ​ങ്ങ​ളിൽ വിശ്വാ​സ​മു​ണ്ടെ​ങ്കി​ലും ഇല്ലെങ്കി​ലും, അറ്റ​കൈക്ക്‌ അവർ അങ്ങോട്ടു തിരി​യു​ന്നു. തങ്ങളുടെ രോഗം ദുഷ്ടാ​ത്മാ​ക്ക​ളു​ടെ വേലയാ​ണെ​ന്നും അതു​കൊ​ണ്ടു​തന്നെ പരമ്പരാ​ഗത മരുന്നു​കൾക്കു തങ്ങളെ സഹായി​ക്കാ​നാ​വി​ല്ലെ​ന്നും വിശ്വ​സി​ക്കു​ന്ന​വ​രു​മുണ്ട്‌.

അതേസ​മ​യം, മരിച്ചു​പോയ “വിശു​ദ്ധന്മാ”രാലോ ജീവി​ച്ചി​രി​ക്കുന്ന രോഗ​ശാ​ന്തി​ക്കാ​രാ​ലോ അത്ഭുത രോഗ​ശാ​ന്തി നേടാ​മെന്ന ആശയത്തെ ശക്തമായി എതിർക്കു​ന്ന​വ​രുണ്ട്‌. ചിലർ അതിനെ അപലപി​ക്കു​ക​പോ​ലും ചെയ്യുന്നു. രോഗ​പ്ര​തി​രോ​ധ​ശാ​സ്‌ത്ര​ജ്ഞ​നായ ദ്രൗസ്യൂ വാരല അഭി​പ്രാ​യ​പ്പെ​ടു​ന്ന​ത​നു​സ​രിച്ച്‌ പ്രസ്‌തുത വിശ്വാ​സം “എളുപ്പം വഞ്ചിക്ക​പ്പെ​ടു​ന്ന​വ​രു​ടെ​യും ഗതി​കെ​ട്ട​വ​രു​ടെ​യും വിശ്വാ​സത്തെ അവഹേ​ളി​ക്കു​ക​യാണ്‌” എന്നു ഷോർണൽ ദ തർദെ പറയുന്നു. അദ്ദേഹം ഇങ്ങനെ കൂട്ടി​ച്ചേർക്കു​ന്നു: “ഈ വഞ്ചകർനി​മി​ത്തം അത്ഭുത​ങ്ങ​ളിൽ വിശ്വാ​സ​മർപ്പിച്ച്‌, അനേക​രും വളരെ പ്രധാ​ന​പ്പെട്ട വൈദ്യ​ചി​കിത്സ വേണ്ടെ​ന്നു​വെ​ക്കു​ന്നു.” ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക വിശദ​മാ​ക്കു​ന്നു: “മുമ്പൊ​ക്കെ പരമ്പരാ​ഗ​ത​മ​ല്ലാത്ത രോഗ​ശാ​ന്തി​കൾ നടന്നി​രു​ന്നത്‌ പുണ്യ​സ്ഥ​ല​ങ്ങ​ളോ​ടും മതചട​ങ്ങു​ക​ളോ​ടും ബന്ധപ്പെ​ട്ടാ​യി​രു​ന്നു. അനുകൂല സാഹച​ര്യ​ങ്ങ​ളിൽ ഹിപ്‌നോ​ട്ടി​സം ഉപയോ​ഗി​ച്ചുള്ള സ്വാധീ​ന​ങ്ങ​ളു​ടെ ഫലമായി അത്തരം രോഗ​ശാ​ന്തി​കൾ സംഭവി​ക്കാ​മെ​ന്നാണ്‌ വൈദ്യ​ശാ​സ്‌ത്രം പൊതു​വേ പറയു​ന്നത്‌.” എന്നിരു​ന്നാ​ലും, തങ്ങൾക്കു രോഗ​ശാ​ന്തി ലഭിച്ചത്‌ ശരിക്കും ഒരു അത്ഭുത​ത്തി​ലൂ​ടെ​ത​ന്നെ​യാ​ണെന്നു വിശ്വ​സി​ക്കു​ന്ന​വ​രു​മുണ്ട്‌. അവരെ സംബന്ധി​ച്ചി​ട​ത്തോ​ളം രോഗ​ശാ​ന്തി നടന്നു!

അനേകം സന്ദർഭ​ങ്ങ​ളിൽ യേശു​ക്രി​സ്‌തു രോഗി​കളെ സുഖ​പ്പെ​ടു​ത്തി​യെ​ന്നും അതു “ദൈവ​ത്തി​ന്റെ ശക്തി”യാലാ​യി​രു​ന്നെ​ന്നും ബൈബി​ളു​മാ​യി പരിച​യ​മു​ള്ള​വർക്ക​റി​യാം. (ലൂക്കൊസ്‌ 9:42, 43, NW) അതു​കൊണ്ട്‌ അവർ ചിന്തി​ച്ചേ​ക്കാം, ‘ഇന്നും ദൈവ​ത്തി​ന്റെ ശക്തിയാൽ അത്ഭുത രോഗ​ശാ​ന്തി സംഭവി​ക്കു​ന്നു​ണ്ടോ?’ അങ്ങനെ​യെ​ങ്കിൽ, രോഗ​ശാ​ന്തി വരുത്താ​നുള്ള ശ്രമങ്ങൾ പരാജ​യ​പ്പെ​ടു​ന്ന​തെ​ന്തു​കൊണ്ട്‌? അതിനു കാരണം രോഗി​ക്കു വേണ്ടത്ര വിശ്വാ​സ​മി​ല്ലാ​ത്ത​താ​ണോ, അതോ അയാളു​ടെ സംഭാവന കുറഞ്ഞു​പോ​യ​താ​ണോ? വേദനാ​നിർഭ​ര​മായ രോഗ​ത്താ​ലോ, ഒരുപക്ഷേ മാറാ​രോ​ഗ​ത്താ​ലോ കഷ്ടപ്പെ​ടുന്ന ഒരു ക്രിസ്‌ത്യാ​നി അത്തരം അത്ഭുത രോഗ​ശാ​ന്തി​യി​ലേക്കു തിരി​യു​ന്നത്‌ ഉചിത​മാ​ണോ? യേശു പ്രവർത്തി​ച്ച​തരം പിഴയ്‌ക്കാത്ത അത്ഭുത രോഗ​ശാ​ന്തി ഇനിയും എന്നെങ്കി​ലും സംഭവി​ക്കു​മോ? ഈ മർമ​പ്ര​ധാ​ന​മായ ചോദ്യ​ങ്ങൾക്കുള്ള ഉത്തരങ്ങൾ നിങ്ങൾക്ക്‌ അടുത്ത ലേഖന​ത്തിൽ കാണാ​വു​ന്ന​താണ്‌.