രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

ഭൂതസ്വാ​ധീ​ന​ത്തിൽനി​ന്നു സ്വത​ന്ത്ര​രാ​കൽ

ആത്മവി​ദ്യാ​ചാ​രം ദീർഘ​കാ​ല​മാ​യി കോടി​ക്ക​ണ​ക്കി​നാ​ളു​ക​ളു​ടെ ജീവി​തത്തെ നിയ​ന്ത്രി​ച്ചി​ട്ടുണ്ട്‌. എന്നാൽ അതിൽനി​ന്നു സ്വത​ന്ത്ര​രാ​കുക സാധ്യ​മാണ്‌! പുരാതന എഫെ​സോസ്‌ നഗരത്തി​ലു​ണ്ടാ​യി​രുന്ന അനേക​രോ​ടുള്ള ബന്ധത്തിൽ അതാണു സംഭവി​ച്ചത്‌. ബൈബിൾ വിവര​ണ​മ​നു​സ​രിച്ച്‌, “ക്ഷുദ്ര​പ്ര​യോ​ഗം ചെയ്‌തി​രുന്ന പലരും തങ്ങളുടെ പുസ്‌ത​ക​ങ്ങളെ കൊണ്ടു​വന്നു എല്ലാവ​രും കാൺകെ ചുട്ടു​ക​ളഞ്ഞു; . . . ഇങ്ങനെ കർത്താ​വി​ന്റെ വചനം ശക്തി​യോ​ടെ പരന്നു പ്രബല​പ്പെട്ടു.”—പ്രവൃ​ത്തി​കൾ 19:19, 20.

ക്രിസ്‌തീ​യ സഭ ഇന്ന്‌ സമാന​മായ വളർച്ച അനുഭ​വി​ക്കു​ന്നു. എഫെ​സോ​സി​ലെ​പ്പോ​ലെ​തന്നെ, വിശ്വാ​സി​ക​ളാ​യി​ത്തീ​രു​ന്ന​വ​രിൽ മുമ്പ്‌ ഭൂതാ​രാ​ധന നടത്തി​യി​ട്ടു​ള്ള​വ​രും ഉണ്ട്‌. സിംബാ​ബ്‌വേ​യിൽനി​ന്നുള്ള പിൻവ​രുന്ന അനുഭവം ഇതു ചിത്രീ​ക​രി​ക്കു​ന്നു.

ഗോഗോ (വല്യമ്മ) മ്‌ത്തുപാ തന്റെ ആത്മവി​ദ്യാ ശക്തിക​ളെ​പ്രതി വളരെ​യേറെ അറിയ​പ്പെ​ട്ടി​രു​ന്നു. മ്‌ത്തു​പാ​യു​ടെ പച്ചമരു​ന്നു​കൾക്കൊ​ണ്ടുള്ള ചികി​ത്സ​യ്‌ക്കാ​യി സാംബിയ, ബോട്‌സ്വാ​ന, ദക്ഷിണാ​ഫ്രിക്ക എന്നിവി​ട​ങ്ങ​ളിൽനി​ന്നു​പോ​ലും ആളുകൾ അവരുടെ അടു​ത്തെ​ത്തി​യി​രു​ന്നു. ഒരു നാൻഗാ അഥവാ മന്ത്രവാ​ദി ആയിരി​ക്കാൻ കഴിയു​ന്ന​തെ​ങ്ങ​നെ​യെ​ന്നും ഗോഗോ മ്‌ത്തുപാ മറ്റുള്ള​വരെ പഠിപ്പി​ച്ചു. ചില​പ്പോൾ അവർ മന്ത്രോ​ച്ചാ​രണം നടത്തു​മാ​യി​രു​ന്നു!

വീടു​തോ​റു​മുള്ള ശുശ്രൂ​ഷ​യിൽ ഏർപ്പെ​ട്ടി​രുന്ന യഹോ​വ​യു​ടെ സാക്ഷികൾ ഗോഗോ മ്‌ത്തു​പാ​യെ ഒരു ഞായറാഴ്‌ച രാവിലെ സന്ദർശി​ച്ചു. സമസ്‌ത ദുഷ്ട സ്വാധീ​ന​ങ്ങ​ളിൽനി​ന്നും സ്വത​ന്ത്ര​മായ, നീതി​യുള്ള ഒരു പുതിയ ലോകം സംബന്ധിച്ച ബൈബിൾ വാഗ്‌ദാ​ന​ത്തെ​ക്കു​റിച്ച്‌ സാക്ഷി​ക​ളു​മാ​യി നടത്തിയ ചർച്ച അവർ നന്നായി ആസ്വദി​ച്ചു. നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം അവർ സ്വീക​രി​ക്കു​ക​യും ഒരു ഭവന​ബൈ​ബി​ള​ധ്യ​യ​ന​ത്തിന്‌ സമ്മതി​ക്കു​ക​യും ചെയ്‌തു.a വെറും മൂന്ന്‌ അധ്യയ​ന​ങ്ങൾക്കു ശേഷം അവർ യോഗ​ങ്ങൾക്കു ഹാജരാ​യി​ത്തു​ടങ്ങി.

യഹോ​വ​യു​ടെ പരമാ​ധി​കാ​ര​ത്തി​നെ​തി​രെ മത്സരിച്ച ദുഷ്ടന്മാ​രായ ആത്മസൃ​ഷ്ടി​ക​ളിൽനി​ന്നാണ്‌ തന്റെ പ്രത്യേക ശക്തികൾ വരുന്ന​തെന്ന്‌ ബൈബിൾ പഠനത്തി​ലൂ​ടെ ഗോഗോ മ്‌ത്തുപാ മനസ്സി​ലാ​ക്കി. (2 പത്രൊസ്‌ 2:4; യൂദാ 6) യഹോ​വ​യ്‌ക്കും സത്യാ​രാ​ധ​ന​യ്‌ക്കു​മെ​തി​രെ തങ്ങൾക്കാ​വുന്ന ഏതൊ​രു​വ​നെ​യും തിരി​ക്കാൻ ഈ ഭൂതങ്ങൾ കച്ചകെ​ട്ടി​യി​റ​ങ്ങി​യി​രി​ക്കു​ക​യാ​ണെ​ന്നും അവർ മനസ്സി​ലാ​ക്കി. തന്റെ ജീവി​ത​മാർഗം ഈ ദുഷ്ടാ​ത്മ​സൃ​ഷ്ടി​ക​ളോട്‌ അർഥി​ക്കു​ന്ന​തി​നെ ആശ്രയി​ച്ചി​രു​ന്ന​തി​നാൽ അവർ എന്തു ചെയ്യു​മാ​യി​രു​ന്നു?

മന്ത്രത്ത​കി​ടു​ക​ളിൽനി​ന്നും ആത്മവി​ദ്യാ​ചാര സാമ​ഗ്രി​ക​ളിൽനി​ന്നും സ്വത​ന്ത്ര​യാ​കാൻ ഗോഗോ മ്‌ത്തുപാ ആഗ്രഹം പ്രകടി​പ്പി​ച്ചു. നാൻഗാ സൗഖ്യ​മാ​ക്ക​ലു​ക​ളിൽ അവർ ഉപയോ​ഗി​ച്ചി​രുന്ന അവരുടെ വിശേഷ ശിരോ​വ​സ്‌ത്ര​വും “സംസാ​രി​ക്കുന്ന കാള​ക്കൊ​മ്പും” അതിലുൾപ്പെ​ട്ടി​രു​ന്നു. ജീവനുള്ള, ഏകസത്യ​ദൈ​വ​മായ യഹോ​വയെ സേവി​ക്കാൻ കഴി​യേ​ണ്ട​തിന്‌, അത്തരം സകല സാധന​ങ്ങ​ളിൽനി​ന്നും സ്വത​ന്ത്ര​യാ​കാൻ ഗോഗോ മ്‌ത്തുപാ ആഗ്രഹി​ച്ചു.

എന്നാൽ, അവർ തന്റെ ബന്ധുക്കളെ സാമ്പത്തി​ക​മാ​യി സഹായി​ച്ചി​രു​ന്ന​തി​നാൽ അവരിൽ ചിലർ എതിർപ്പു പ്രകടി​പ്പി​ച്ചു. തങ്ങൾക്കു തുടർന്നും ലാഭമു​ണ്ടാ​ക്കാൻ കഴി​യേ​ണ്ട​തിന്‌ മ്‌ത്തു​പാ​യു​ടെ അതീ​ന്ദ്രിയ ശക്തിക​ളും ആത്മവി​ദ്യാ​ചാര സാമ​ഗ്രി​ക​ളും തങ്ങൾക്കു കൈമാ​റാൻ ബന്ധുക്കൾ അഭ്യർഥി​ച്ചു. ഗോഗോ മ്‌ത്തുപാ അതു നിരസി​ച്ചു.

യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭയുടെ സഹായ​ത്താൽ അവൾ ആത്മവി​ദ്യാ​ചാര സാമ​ഗ്രി​കൾ മൂന്നു വലിയ സഞ്ചിക​ളി​ലാ​യി ശേഖരി​ച്ചിട്ട്‌ അവയെ​ല്ലാം ചുട്ടെ​രി​ച്ചു. ഭൂതാ​രാ​ധനാ സാമ​ഗ്രി​കളെ തീനാ​ളങ്ങൾ വിഴു​ങ്ങവേ ഗോഗോ മ്‌ത്തുപാ ഉച്ചത്തിൽ പറഞ്ഞു: “നോക്കൂ! ആ കൊമ്പ്‌, അതിനു സ്വയം രക്ഷിക്കാൻ കഴിയു​ന്നില്ല.”

കാല​ക്ര​മ​ത്തിൽ, ഗോഗോ മ്‌ത്തുപാ യഹോ​വ​യ്‌ക്കുള്ള തന്റെ സമർപ്പണം ജലസ്‌നാ​പ​ന​ത്താൽ സന്തോ​ഷ​പൂർവം പ്രതീ​ക​പ്പെ​ടു​ത്തി. അവൾ ഇപ്പോൾ എങ്ങനെ​യാണ്‌ ജീവി​ത​മാർഗം തേടു​ന്നത്‌? പച്ചക്കറി​കൾ വിറ്റു​കൊണ്ട്‌. അതേ, ദൈവ​വ​ച​ന​ത്തി​ന്റെ ശക്തിയാൽ ഒരുവന്‌ ഭൂതാ​രാ​ധ​ന​യിൽനി​ന്നു സ്വത​ന്ത്ര​നാ​കാൻ കഴിയും. ഗോഗോ മ്‌ത്തുപാ പറയുന്നു: “ഞാൻ ഒരിക്ക​ലും ഇത്ര സ്വാത​ന്ത്ര്യ​ബോ​ധം അനുഭ​വി​ച്ചി​ട്ടില്ല.”

[അടിക്കു​റി​പ്പു​കൾ]