ദൈവ​വ​ചനം എന്നേക്കും നിലനിൽക്കു​ന്നു

“നമ്മുടെ ദൈവ​ത്തി​ന്റെ വചനമോ എന്നേക്കും നിലനി​ല്‌ക്കും.”—യെശയ്യാ​വു 40:8.

1. (എ) ‘നമ്മുടെ ദൈവ​ത്തി​ന്റെ വചനം’ എന്നതി​നാൽ ഇവിടെ എന്താണർഥ​മാ​ക്കു​ന്നത്‌? (ബി) ദൈവ​ത്തി​ന്റെ വചനവു​മാ​യുള്ള താരത​മ്യ​ത്തിൽ മനുഷ്യ​രു​ടെ വാഗ്‌ദാ​നങ്ങൾ എങ്ങനെ​യാണ്‌?

മനുഷ്യർ പ്രമു​ഖ​രായ സ്‌ത്രീ​പു​രു​ഷ​ന്മാ​രു​ടെ വാഗ്‌ദാ​ന​ങ്ങ​ളിൽ വിശ്വാ​സ​മർപ്പി​ക്കാൻ ചായ്‌വു​ള്ള​വ​രാണ്‌. തങ്ങളുടെ ജീവി​താ​വസ്ഥ മെച്ച​പ്പെ​ട​ണ​മെന്ന്‌ ആഗ്രഹി​ക്കുന്ന ആളുകൾക്ക്‌ ഈ വാഗ്‌ദാ​നങ്ങൾ എത്ര അഭികാ​മ്യ​മാ​യി തോന്നി​യാ​ലും, നമ്മുടെ ദൈവ​ത്തി​ന്റെ വചനവു​മാ​യി താരത​മ്യ​പ്പെ​ടു​ത്തു​മ്പോൾ അവ വാടുന്ന പുഷ്‌പങ്ങൾ പോ​ലെ​യാണ്‌. (സങ്കീർത്തനം 146:3, 4) 2,700-ലധികം വർഷങ്ങൾക്കു​മുമ്പ്‌, യഹോ​വ​യാം ദൈവം പ്രവാ​ച​ക​നായ യെശയ്യാ​വി​നെ ഇങ്ങനെ എഴുതാൻ നിശ്വ​സ്‌ത​നാ​ക്കി: “സകലജ​ഡ​വും പുല്ലു​പോ​ലെ​യും അതിന്റെ ഭംഗി​യെ​ല്ലാം വയലിലെ പൂപോ​ലെ​യും ആകുന്നു. . . . പുല്ലു​ണ​ങ്ങു​ന്നു, പൂ വാടുന്നു; നമ്മുടെ ദൈവ​ത്തി​ന്റെ വചനമോ എന്നേക്കും നിലനി​ല്‌ക്കും.” (യെശയ്യാ​വു 40:6, 8) നിലനിൽക്കുന്ന ആ ‘വചനം’ എന്താണ്‌? അതു തന്റെ ഉദ്ദേശ്യ​ത്തെ​ക്കു​റി​ച്ചുള്ള ദൈവ​ത്തി​ന്റെ പ്രസ്‌താ​വ​ന​യാണ്‌. ഇന്നു നമുക്ക്‌ ആ ‘വചനം’ ലിഖി​ത​രൂ​പ​ത്തിൽ ബൈബി​ളിൽ ലഭ്യമാണ്‌.—1 പത്രൊസ്‌ 1:24, 25.

2. ഏതെല്ലാം മനോ​ഭാ​വ​ങ്ങൾക്കും പ്രവൃ​ത്തി​കൾക്കും മധ്യേ​യാണ്‌ യഹോവ പുരാതന ഇസ്രാ​യേ​ലി​നെ​യും യഹൂദാ​യെ​യും കുറി​ച്ചുള്ള തന്റെ വചനം നിവർത്തി​ച്ചത്‌?

² പുരാതന ഇസ്രാ​യേ​ലി​ന്റെ നാളിൽ ജീവി​ച്ചി​രുന്ന ആളുകൾ യെശയ്യാ​വു രേഖ​പ്പെ​ടു​ത്തി​യത്‌ സത്യമാ​ണെന്ന്‌ അനുഭ​വി​ച്ച​റി​ഞ്ഞു. തന്നോ​ടുള്ള കടുത്ത അവിശ്വ​സ്‌തത നിമിത്തം, ആദ്യം ഇസ്രാ​യേ​ലി​ലെ പത്തു​ഗോ​ത്ര രാജ്യ​വും പിന്നീട്‌ യഹൂദാ​യി​ലെ രണ്ടു​ഗോ​ത്ര രാജ്യ​വും പ്രവാ​സ​ത്തി​ലാ​ക്ക​പ്പെ​ടു​മെന്നു യഹോവ തന്റെ പ്രവാ​ച​ക​ന്മാ​രി​ലൂ​ടെ മുൻകൂ​ട്ടി​പ്പ​റഞ്ഞു. (യിരെ​മ്യാ​വു 20:4; ആമോസ്‌ 5:2, 27) അവർ യഹോ​വ​യു​ടെ പ്രവാ​ച​ക​ന്മാ​രെ പീഡി​പ്പി​ച്ചു, അവരിൽ ചിലരെ വധിച്ചു, ദൈവ​ത്തി​ന്റെ മുന്നറി​യി​പ്പിൻ സന്ദേശങ്ങൾ ഉൾക്കൊ​ണ്ടി​രുന്ന ഒരു ചുരുൾ കത്തിച്ചു പ്രവച​ന​നി​വൃ​ത്തി തടയു​ന്ന​തി​നാ​യി ഈജി​പ്‌തി​ന്റെ സൈനിക സഹായം ആവശ്യ​പ്പെട്ടു. എങ്കിലും, യഹോ​വ​യു​ടെ വചനം നിറ​വേ​റാ​തി​രു​ന്നില്ല. (യിരെ​മ്യാ​വു 36:1, 2, 21-24; 37:5-10; ലൂക്കൊസ്‌ 13:34) കൂടാതെ, അനുതാ​പ​മുള്ള ഒരു യഹൂദ​ശേ​ഷി​പ്പി​നെ തങ്ങളുടെ സ്വന്ത​ദേ​ശത്ത്‌ പുനഃ​സ്ഥാ​പി​ക്കു​മെന്ന ദൈവ​ത്തി​ന്റെ വാഗ്‌ദാ​ന​ത്തി​നും ശ്രദ്ധേ​യ​മായ നിവൃ​ത്തി​യു​ണ്ടാ​യി.—യെശയ്യാ​വു 35-ാം അധ്യായം.

3. (എ) യെശയ്യാ​വു രേഖ​പ്പെ​ടു​ത്തിയ ഏതു വാഗ്‌ദാ​നങ്ങൾ നമുക്കു വിശേ​ഷാൽ താത്‌പ​ര്യ​മു​ള്ള​വ​യാണ്‌? (ബി) ഈ സംഗതി​കൾ യഥാർഥ​ത്തിൽ സംഭവി​ക്കു​മെന്നു നിങ്ങൾക്കു ബോധ്യ​മു​ള്ള​തെ​ന്തു​കൊണ്ട്‌?

³ മിശിഹാ മുഖാ​ന്തരം മനുഷ്യ​വർഗ​ത്തിൻമേൽ നീതി​നി​ഷ്‌ഠ​മായ ഒരു ഭരണം വരുത്തു​മെ​ന്നും പാപത്തിൽനി​ന്നും മരണത്തിൽനി​ന്നും വിടുതൽ ലഭിക്കു​മെ​ന്നും ഭൂമി ഒരു പറുദീ​സ​യാ​യി രൂപാ​ന്ത​ര​പ്പെ​ടു​മെ​ന്നും യഹോവ യെശയ്യാ​വി​ലൂ​ടെ മുൻകൂ​ട്ടി പറഞ്ഞു. (യെശയ്യാ​വു 9:6, 7; 11:1-9; 25:6-8; 35:5-7; 65:17-25) ഇവയും യാഥാർഥ്യ​മാ​യി​ത്തീ​രു​മോ? നിസ്സം​ശ​യ​മാ​യും! ‘ദൈവ​ത്തി​നു നുണപ​റ​യാൻ കഴിയു​ക​യില്ല.’ അവൻ തന്റെ പ്രാവ​ച​നിക വചനം നമ്മുടെ പ്രയോ​ജ​ന​ത്തി​നാ​യി എഴുതി​വെ​പ്പി​ക്കു​ക​യും അതു പരിര​ക്ഷി​ക്ക​പ്പെ​ട്ടി​രി​ക്കു​ന്നു​വെന്ന്‌ ഉറപ്പാ​ക്കു​ക​യും ചെയ്‌തി​രി​ക്കു​ന്നു.—തീത്തൊസ്‌ 1:2, NW; റോമർ 15:4.

4. ബൈബി​ളി​ന്റെ മൂല​പ്ര​തി​കൾ പരിര​ക്ഷി​ക്ക​പ്പെ​ട്ടി​ട്ടി​ല്ലെ​ങ്കി​ലും, ദൈവ​വ​ചനം “ജീവനു”ള്ളതാ​ണെ​ന്നത്‌ സത്യമാ​യി​രി​ക്കു​ന്ന​തെ​ങ്ങനെ?

⁴ പുരാതന എഴുത്തു​കാർ രേഖ​പ്പെ​ടു​ത്തിയ ആ പ്രവച​ന​ങ്ങ​ളു​ടെ മൂല കയ്യെഴു​ത്തു​പ്ര​തി​കൾ യഹോവ പരിര​ക്ഷി​ച്ചില്ല. എന്നാൽ അവന്റെ “വചനം” അതായത്‌ അവന്റെ പ്രഖ്യാ​പിത ഉദ്ദേശ്യം ഒരു ജീവനുള്ള വചനമാ​ണെന്നു തെളി​ഞ്ഞി​രി​ക്കു​ന്നു. ആ ഉദ്ദേശ്യം അജയ്യമാ​യി മുന്നേ​റവേ, അത്‌ ആരു​ടെ​യൊ​ക്കെ ജീവി​തത്തെ സ്വാധീ​നി​ക്കു​ന്നു​വോ അവരുടെ ആന്തരിക ചിന്തക​ളും പ്രചോ​ദ​ന​ങ്ങ​ളും വെളി​വാ​യി​വ​രു​ന്നു. (എബ്രായർ 4:12) കൂടാതെ, ആ നിശ്വസ്‌ത തിരു​വെ​ഴു​ത്തു​ക​ളു​ടെ പരിര​ക്ഷ​ണ​വും പരിഭാ​ഷ​യും നടന്നത്‌ ദിവ്യ മാർഗ​ദർശ​ന​ത്താ​ലാ​യി​രു​ന്നു​വെന്ന്‌ ചരി​ത്ര​പ​ര​മായ വിവരണം പ്രകട​മാ​ക്കു​ന്നു.

അതിനെ അടിച്ച​മർത്താൻ ശ്രമമു​ണ്ടാ​യ​പ്പോൾ

5. (എ) നിശ്വസ്‌ത എബ്രായ തിരു​വെ​ഴു​ത്തു​കൾ നശിപ്പി​ക്കു​ന്ന​തിന്‌ ഒരു സിറിയൻ രാജാവ്‌ എന്തു ശ്രമം നടത്തി? (ബി) അദ്ദേഹം പരാജ​യ​പ്പെ​ട്ട​തെ​ന്തു​കൊണ്ട്‌?

⁵ പല സന്ദർഭ​ങ്ങ​ളി​ലും, നിശ്വസ്‌ത എഴുത്തു​കൾ നശിപ്പി​ക്കു​ന്ന​തി​നു ഭരണാ​ധി​പ​ന്മാർ ശ്രമി​ച്ചി​ട്ടുണ്ട്‌. പൊ.യു.മു. 168-ൽ, യഹോ​വ​യ്‌ക്കു സമർപ്പി​ച്ചി​രുന്ന ആലയത്തിൽ സിറിയൻ രാജാ​വായ അൻറി​യോ​ക്കസ്‌ എപിഫാ​നസ്‌ (ചിത്രം 10-ാമത്തെ പേജിൽ) സീയൂ​സിന്‌ ഒരു യാഗപീ​ഠം തീർത്തു. കൂടാതെ അവൻ ‘ന്യായ​പ്ര​മാണ പുസ്‌ത​കങ്ങൾ’ കണ്ടെത്തി അഗ്നിക്കി​ര​യാ​ക്കു​ക​യും അത്തരം തിരു​വെ​ഴു​ത്തു​കൾ കൈവശം വെക്കുന്ന ഏവർക്കും മരണശിക്ഷ വിധി​ക്കു​ക​യും ചെയ്‌തു. യെരൂ​ശ​ലേ​മി​ലും യഹൂദ്യ​യി​ലും അവൻ വളരെ​യ​ധി​കം പ്രതികൾ അഗ്നിക്കി​ര​യാ​ക്കി​യെ​ങ്കി​ലും, തിരു​വെ​ഴു​ത്തു​കളെ മുഴു​വ​നാ​യും അടിച്ച​മർത്താൻ അവനു സാധി​ച്ചില്ല. അക്കാലത്ത്‌ അനേകം ദേശങ്ങ​ളിൽ അങ്ങിങ്ങാ​യി യഹൂദ​ന്മാ​രു​ടെ കോള​നി​കൾ ഉണ്ടായി​രു​ന്നു. മാത്രമല്ല, ഓരോ സിന​ഗോ​ഗി​ലും ചുരു​ളു​ക​ളു​മു​ണ്ടാ​യി​രു​ന്നു.—പ്രവൃ​ത്തി​കൾ 13:14, 15 താരത​മ്യം ചെയ്യുക.

6. (എ) ആദിമ ക്രിസ്‌ത്യാ​നി​കൾ ഉപയോ​ഗി​ച്ചി​രുന്ന തിരു​വെ​ഴു​ത്തു​കൾ നശിപ്പി​ക്കാൻ എന്തു തീവ്ര ശ്രമമു​ണ്ടാ​യി? (ബി) പരിണ​ത​ഫലം എന്തായി​രു​ന്നു?

⁶ സമാന​മായ വിധത്തിൽ റോമാ ചക്രവർത്തി​യാ​യി​രുന്ന ഡയക്ലീ​ഷ്യ​നും പ്രവർത്തി​ക്കു​ക​യു​ണ്ടാ​യി. ക്രിസ്‌തീയ യോഗ​സ്ഥ​ലങ്ങൾ നശിപ്പി​ക്കാ​നും ‘അവരുടെ തിരു​വെ​ഴു​ത്തു​കൾ അഗ്നിക്കി​ര​യാ​ക്കാ​നും’ പൊ.യു. 303-ൽ അദ്ദേഹം കൽപ്പന പുറ​പ്പെ​ടു​വി​ച്ചു. അത്തരം നശിപ്പി​ക്കൽ ഒരു പതിറ്റാ​ണ്ടോ​ളം തുടർന്നു. ഭയങ്കര​മാ​യി പീഡി​പ്പി​ച്ചി​ട്ടും ക്രിസ്‌ത്യാ​നി​ത്വ​ത്തെ പിഴു​തെ​റി​യാൻ ഡയക്ലീ​ഷ്യ​നു സാധി​ച്ചില്ല. തന്റെ നിശ്വസ്‌ത വചനത്തി​ന്റെ ഒരു ഭാഗത്തി​ന്റെ​പോ​ലും പ്രതികൾ മുഴു​വ​നും നശിപ്പി​ക്കാൻ ദൈവം ആ ചക്രവർത്തി​യു​ടെ ഏജൻറു​മാ​രെ അനുവ​ദി​ച്ചു​മില്ല. എന്നാൽ ദൈവ​വ​ച​ന​ത്തി​ന്റെ വിതര​ണ​ത്തോ​ടും പ്രസം​ഗ​ത്തോ​ടു​മുള്ള പ്രതി​ക​ര​ണ​ത്താൽ എതിരാ​ളി​കൾ തങ്ങളുടെ ഹൃദയ​ത്തി​ലു​ള്ള​തെ​ന്തെന്നു പ്രകട​മാ​ക്കി. സാത്താ​നാൽ അന്ധരാ​ക്ക​പ്പെട്ട്‌ അവന്റെ ഹിതം നിവർത്തി​ക്കുന്ന മനുഷ്യ​രാ​യി അവർ സ്വയം തിരി​ച്ച​റി​യി​ച്ചു.—യോഹ​ന്നാൻ 8:44; 1 യോഹ​ന്നാൻ 3:10-12.

7. (എ) പശ്ചിമ യൂറോ​പ്പിൽ ബൈബിൾ പരിജ്ഞാ​നം പ്രചരി​ക്കു​ന്നതു തടയാൻ എന്തു ശ്രമങ്ങ​ളു​ണ്ടാ​യി? (ബി) ബൈബിൾ പരിഭാ​ഷ​പ്പെ​ടു​ത്തി പ്രസി​ദ്ധീ​ക​രി​ക്കു​ന്ന​തിൽ എന്തു വിജയ​മു​ണ്ടാ​യി?

⁷ ബൈബിൾ പരിജ്ഞാ​നം പ്രചരി​ക്കു​ന്നതു തടയു​ന്ന​തി​നു മറ്റു ശ്രമങ്ങ​ളു​മു​ണ്ടാ​യി​രു​ന്നു. ലത്തീൻ മൃതഭാ​ഷ​യാ​യി​ത്തീർന്ന​പ്പോൾ, സാധാ​ര​ണ​ക്കാ​രു​ടെ ഭാഷയി​ലേക്കു ബൈബിൾ വിവർത്തനം ചെയ്യു​ന്ന​തി​നെ സജീവ​മാ​യി എതിർത്തത്‌ പുറജാ​തീയ ഭരണാ​ധി​പ​ന്മാ​രാ​യി​രു​ന്നില്ല, പിന്നെ​യോ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ട്ട​വ​രാ​യി​രു​ന്നു—ഗ്രിഗറി ഏഴാമൻ പാപ്പാ​യും (1073-85) ഇന്നസെൻറ്‌ മൂന്നാമൻ പാപ്പാ​യും (1198-1216). സഭയുടെ അധികാ​ര​ത്തോ​ടുള്ള വിയോ​ജി​പ്പി​ന്റെ നാളങ്ങളെ തല്ലി​ക്കെ​ടു​ത്തു​ന്ന​തി​നുള്ള ശ്രമത്തി​ന്റെ ഭാഗമാ​യി, 1229-ൽ ഫ്രാൻസി​ലെ ടുളൂ​സിൽ കൂടിയ റോമൻ കത്തോ​ലി​ക്കാ കൗൺസിൽ സാധാ​ര​ണ​ക്കാ​രു​ടെ ഭാഷയി​ലുള്ള ബൈബിൾപു​സ്‌ത​കങ്ങൾ അൽമേ​നി​കൾ കൈവശം വെക്കരു​തെന്ന്‌ കൽപ്പിച്ചു. പ്രസ്‌തുത കൽപ്പന നടപ്പാ​ക്കു​ന്ന​തി​നു​വേണ്ടി നിർദാ​ക്ഷി​ണ്യം മതവി​ചാ​രണ ഏർപ്പെ​ടു​ത്തി. മതവി​ചാ​രണ 400 വർഷം നിലവി​ലി​രു​ന്നി​ട്ടും, ദൈവ​വ​ച​ന​പ്രേ​മി​കൾ സമ്പൂർണ ബൈബിൾ ഏതാണ്ട്‌ 20 ഭാഷക​ളി​ലും കൂടാതെ ഉപഭാ​ഷ​ക​ളി​ലും ബൈബി​ളി​ന്റെ പ്രമു​ഖ​ഭാ​ഗങ്ങൾ മറ്റു 16 ഭാഷക​ളി​ലും പരിഭാ​ഷ​പ്പെ​ടു​ത്തി പതിപ്പു​കൾ അച്ചടിച്ചു വിതരണം ചെയ്യു​ക​യാ​യി​രു​ന്നു.

8. 19-ാം നൂറ്റാ​ണ്ടിൽ, റഷ്യയിൽ ബൈബിൾ പരിഭാ​ഷ​യു​ടെ​യും വിതര​ണ​ത്തി​ന്റെ​യും കാര്യ​ത്തിൽ എന്തു സംഭവി​ക്കു​ക​യാ​യി​രു​ന്നു?

⁸ സാധാ​ര​ണ​ക്കാ​രു​ടെ​പക്കൽ ബൈബിൾ എത്താതി​രി​ക്കാൻ കത്തോ​ലി​ക്കാ സഭ മാത്രമല്ല ശ്രമി​ച്ചത്‌. 19-ാം നൂറ്റാ​ണ്ടി​ന്റെ ആരംഭ​ത്തിൽ, സെൻറ്‌ പീറ്റേ​ഴ്‌സ്‌ അക്കാഡമി ഓഫ്‌ ഡിവി​നി​റ്റി​യി​ലെ ഒരു പ്രൊ​ഫ​സ​റായ പാവസ്‌കി, മത്തായി​യു​ടെ സുവി​ശേഷം ഗ്രീക്കിൽനി​ന്നു റഷ്യൻ ഭാഷയി​ലേക്കു പരിഭാ​ഷ​പ്പെ​ടു​ത്തി. തുടർന്ന്‌ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളി​ലെ മറ്റു പുസ്‌ത​ക​ങ്ങ​ളും റഷ്യൻ ഭാഷയി​ലേക്ക്‌ പാവസ്‌കി എഡിറ്റ​റാ​യി പരിഭാ​ഷ​പ്പെ​ടു​ത്തി. ഇതു വ്യാപ​ക​മാ​യി വിതരണം ചെയ്യ​പ്പെട്ടു. എന്നാൽ അവി​ടെ​യും സഭയുടെ കൈക​ട​ത്ത​ലു​കൾ ഉണ്ടായി. 1826-ൽ റഷ്യൻ ചക്രവർത്തി​യെ സ്വാധീ​നിച്ച്‌ റഷ്യൻ ബൈബിൾ സൊ​സൈ​റ്റി​യെ റഷ്യൻ ഓർത്ത​ഡോ​ക്‌സ്‌ സഭയുടെ “വിശുദ്ധ സുന്നഹ​ദോ​സി”ന്റെ മേൽനോ​ട്ട​ത്തിൻ കീഴിൽ കൊണ്ടു​വന്നു. അത്‌ ആ സൊ​സൈ​റ്റി​യു​ടെ പ്രവർത്ത​ന​ങ്ങളെ ഫലപ്ര​ദ​മാ​യി അടിച്ച​മർത്തി. പിന്നീട്‌, പാവസ്‌കി എബ്രായ തിരു​വെ​ഴു​ത്തു​കൾ എബ്രാ​യ​യിൽനി​ന്നു റഷ്യൻ ഭാഷയി​ലേക്കു പരിഭാ​ഷ​പ്പെ​ടു​ത്തി. ഏതാണ്ട്‌ അതേകാ​ല​ത്തു​തന്നെ, ഓർത്ത​ഡോ​ക്‌സ്‌ സഭയിലെ ഒരു മഠാധി​പ​നായ മകരി​യോ​സും എബ്രായ തിരു​വെ​ഴു​ത്തു​കൾ എബ്രാ​യ​യിൽനി​ന്നു റഷ്യൻ ഭാഷയി​ലേക്കു പരിഭാ​ഷ​പ്പെ​ടു​ത്തി. ഇതു ചെയ്‌ത​തിന്‌ രണ്ടു​പേ​രും ശിക്ഷി​ക്ക​പ്പെട്ടു. അവരുടെ പരിഭാ​ഷകൾ സഭയുടെ ഗ്രന്ഥ​ശേ​ഖ​ര​ശാ​ല​യി​ലേക്ക്‌ മാറ്റി. സാധാ​ര​ണ​ക്കാർക്കു വായി​ക്കാ​നോ മനസ്സി​ലാ​ക്കാ​നോ സാധി​ക്കാത്ത പുരാതന സ്ലാവോ​നിക്‌ ഭാഷയിൽത്തന്നെ ബൈബിൾ സൂക്ഷി​ക്കാൻ സഭ ദൃഢനി​ശ്ചയം ചെയ്‌തി​രു​ന്നു. ബൈബിൾ പരിജ്ഞാ​നം നേടു​ന്ന​തി​നുള്ള ജനങ്ങളു​ടെ ശ്രമത്തെ അടിച്ച​മർത്താ​നാ​വി​ല്ലെന്നു കണ്ടപ്പോൾ മാത്ര​മാണ്‌ 1856-ൽ “വിശുദ്ധ സുന്നഹ​ദോസ്‌” സ്വന്തം പരിഭാ​ഷ​യ്‌ക്കാ​യി നടപടി​യെ​ടു​ത്തത്‌. എന്നാൽ സഭാവീ​ക്ഷ​ണ​ങ്ങ​ളു​മാ​യി പൊരു​ത്ത​പ്പെ​ടുന്ന പ്രയോ​ഗങ്ങൾ ഉറപ്പു​വ​രു​ത്താൻ ഉദ്ദേശി​ച്ചു ശ്രദ്ധാ​പൂർവം രൂപകൽപ്പന ചെയ്‌തി​രുന്ന മാർഗ​നിർദേ​ശ​ങ്ങ​ളോ​ടെ​യാ​യി​രു​ന്നു ആ പരിഭാഷ നിർവ​ഹി​ച്ചത്‌. അങ്ങനെ, ദൈവ​വ​ചനം പ്രചരി​ക്കു​ന്ന​തി​നോ​ടുള്ള ബന്ധത്തിൽ, മതനേ​താ​ക്ക​ന്മാ​രു​ടെ ബാഹ്യ​പ്ര​ക​ട​ന​വും അവരുടെ യഥാർഥ ലക്ഷ്യവും തമ്മിലുള്ള വ്യത്യാ​സം അവരുടെ വാക്കി​ലും പ്രവൃ​ത്തി​യി​ലും പ്രകട​മാ​കു​ക​യാ​യി​രു​ന്നു.—2 തെസ്സ​ലൊ​നീ​ക്യർ 2:3, 4.

വചനം ദുഷി​പ്പി​ക്കു​ന്ന​തി​നെ​തി​രെ സംരക്ഷണം

9. ചില ബൈബിൾ പരിഭാ​ഷകർ ദൈവ​വ​ച​ന​ത്തോ​ടുള്ള തങ്ങളുടെ സ്‌നേഹം പ്രകട​മാ​ക്കി​യ​തെ​ങ്ങനെ?

⁹ തിരു​വെ​ഴു​ത്തു​കൾ പരിഭാ​ഷ​പ്പെ​ടു​ത്തു​ക​യും അവയുടെ പ്രതി​ക​ളു​ണ്ടാ​ക്കു​ക​യും ചെയ്‌ത​വ​രു​ടെ കൂട്ടത്തിൽ ദൈവ​വ​ച​നത്തെ ശരിക്കും സ്‌നേ​ഹി​ച്ചി​രു​ന്ന​വ​രും അതു സകലർക്കും ലഭ്യമാ​ക്കാൻ ആത്മാർഥ ശ്രമം ചെയ്‌ത​വ​രു​മായ പുരു​ഷ​ന്മാ​രു​ണ്ടാ​യി​രു​ന്നു. ബൈബിൾ ഇംഗ്ലീ​ഷിൽ ലഭ്യമാ​ക്കാൻ ശ്രമി​ച്ച​തിന്‌ വില്യം ടിൻഡെ​യ്‌ലി​നു (1536-ൽ) രക്തസാ​ക്ഷി​യാ​കേ​ണ്ടി​വന്നു. സ്‌പാ​നീഷ്‌ ഭാഷയിൽ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ പരിഭാ​ഷ​പ്പെ​ടു​ത്തി പ്രസി​ദ്ധീ​ക​രി​ച്ച​തിന്‌ കത്തോ​ലി​ക്കാ മതവി​ചാ​ര​ണ​സ​മി​തി (1544-നുശേഷം) ഫ്രാൻസി​സ്‌കോ ദെ എൻതീ​നാ​സി​നെ തടവി​ലാ​ക്കി. ജീവൻ പണയ​പ്പെ​ടു​ത്തി​ക്കൊണ്ട്‌, റോബർട്ട്‌ മോറി​സൺ (1807 മുതൽ 1818 വരെ) ചൈനീസ്‌ ഭാഷയി​ലേക്കു ബൈബിൾ പരിഭാ​ഷ​പ്പെ​ടു​ത്തി.

10. ദൈവ​വ​ച​ന​ത്തോ​ടുള്ള സ്‌നേ​ഹ​ത്തെ​ക്കാ​ളേറെ മറ്റു സ്വാധീ​ന​ഘ​ട​ക​ങ്ങ​ളാൽ പ്രചോ​ദി​ത​രായ പരിഭാ​ഷ​ക​രു​ണ്ടാ​യി​രു​ന്നു​വെന്ന്‌ ഏതു ദൃഷ്ടാ​ന്തങ്ങൾ പ്രകട​മാ​ക്കു​ന്നു?

¹⁰ ദൈവ​വ​ച​ന​ത്തോ​ടുള്ള സ്‌നേ​ഹ​ത്തെ​ക്കാ​ള​ധി​കം മറ്റു ചില സംഗതി​കൾ പകർപ്പെ​ഴു​ത്തു​കാ​രു​ടെ​യും പരിഭാ​ഷ​ക​രു​ടെ​യും വേലയെ സ്വാധീ​നിച്ച സന്ദർഭ​ങ്ങ​ളു​മുണ്ട്‌. നാലു ദൃഷ്ടാ​ന്തങ്ങൾ പരിചി​ന്തി​ക്കുക: (1) യെരൂ​ശ​ലേ​മി​ലെ ആലയ​ത്തോ​ടു മത്സരിച്ച്‌ ഗെരി​സിം മലയിൽ ശമര്യ​ക്കാർ ഒരാലയം പണിതു. അതിനെ പിന്തു​ണ​ച്ചു​കൊണ്ട്‌, ശമര്യ-പഞ്ചഗ്ര​ന്ഥ​ങ്ങ​ളു​ടെ പുറപ്പാട്‌ 20:17-ൽ കൂടു​ത​ലായ ഒരു പരാമർശം എഴുതി​പ്പി​ടി​പ്പി​ച്ചു. ഗെരി​സിം മലയിൽ കല്ലു​കൊ​ണ്ടുള്ള യാഗപീ​ഠം പണിത്‌ അവിടെ യാഗമർപ്പി​ക്കാ​നുള്ള കൽപ്പന​യും പത്തുകൽപ്പ​ന​ക​ളു​ടെ ഭാഗ​മെ​ന്ന​മ​ട്ടിൽ ഉൾപ്പെ​ടു​ത്തി. (2) ദാനീ​യേൽ പുസ്‌തകം ഗ്രീക്ക്‌ സെപ്‌റ്റു​വ​ജിൻറി​നു​വേണ്ടി ആദ്യം പരിഭാ​ഷ​പ്പെ​ടു​ത്തിയ വ്യക്തി കുറ​ച്ചൊ​ക്കെ സ്വാത​ന്ത്ര്യ​മെ​ടു​ത്തു. എബ്രായ പാഠത്തി​ലു​ണ്ടാ​യി​രു​ന്ന​തി​നെ വിശദീ​ക​രി​ക്കു​മെ​ന്നോ മികവു​റ്റ​താ​ക്കു​മെ​ന്നോ താൻ വിചാ​രിച്ച ചില പ്രസ്‌താ​വ​നകൾ അദ്ദേഹം ഉൾപ്പെ​ടു​ത്തി. വായന​ക്കാർ സ്വീക​രി​ക്കി​ല്ലെന്നു തോന്നിയ ചില വിശദാം​ശങ്ങൾ അദ്ദേഹം വിട്ടു​ക​ള​യു​ക​യും ചെയ്‌തു. ദാനീ​യേൽ 9:24-27-ൽ കാണുന്ന, മിശി​ഹാ​യു​ടെ പ്രത്യ​ക്ഷ​ത​യു​ടെ സമയം സംബന്ധി​ച്ചുള്ള പ്രവചനം പരിഭാ​ഷ​പ്പെ​ടു​ത്തി​യ​പ്പോൾ അദ്ദേഹം പ്രസ്‌താ​വിത സമയ​ദൈർഘ്യം തെറ്റിച്ച്‌ എഴുതു​ക​യും വാക്കുകൾ കൂട്ടി​ച്ചേർക്കു​ക​യും മാറ്റം​വ​രു​ത്തു​ക​യും വാക്കു​ക​ളു​ടെ ക്രമം തെറ്റി​ക്കു​ക​യും ചെയ്‌തു. മക്കബാ​യ​രു​ടെ പോരാ​ട്ടത്തെ പ്രവചനം പിന്തു​ണ​യ്‌ക്കു​ന്നു​ണ്ടെന്ന പ്രതീതി ജനിപ്പി​ക്കു​ക​യാ​യി​രു​ന്നു അതിന്റെ ലക്ഷ്യ​മെന്നു വ്യക്തമാണ്‌. (3) പൊ.യു. നാലാം നൂറ്റാ​ണ്ടിൽ, അമിത​തീ​ക്ഷ്‌ണ​ത​യുള്ള ഒരു ത്രി​ത്വോ​പ​ദേശ വക്താവ്‌, വ്യക്തമാ​യും, 1 യോഹ​ന്നാൻ 5:7-ലെ ഉദ്ധരണി​യാ​ണെന്നു ധ്വനി​പ്പി​ക്കാൻ ഒരു ലത്തീൻ പ്രബന്ധ​ത്തിൽ ഇങ്ങനെ​യൊ​രു വാക്യം ഉൾപ്പെ​ടു​ത്തി: “സ്വർഗ​ത്തിൽ മൂവർ ഉണ്ട്‌, പിതാവ്‌, പുത്രൻ, പരിശു​ദ്ധാ​ത്മാവ്‌; ഈ മൂന്നു​പേ​രും ഒന്നാണ്‌.” പിന്നീട്‌ ഈ വാക്യം നേരേ ബൈബി​ളി​ന്റെ ലത്തീൻ കയ്യെഴു​ത്തു​പ്ര​തി​യി​ലും ചേർത്തു. (4) പ്രൊ​ട്ട​സ്റ്റൻറു​കാ​രു​ടെ ശ്രമങ്ങളെ ചെറു​ക്കു​ന്ന​തി​നാ​യി ബൈബിൾ ഫ്രഞ്ചി​ലേക്കു പരിഭാ​ഷ​പ്പെ​ടു​ത്താൻ ഫ്രാൻസി​ലെ ലൂയി പതിമൂ​ന്നാ​മൻ (1610-43) ഴാക്ക്‌ കൊർബനെ ചുമത​ല​പ്പെ​ടു​ത്തി. പ്രസ്‌തുത ലക്ഷ്യം നിറ​വേ​റ്റു​ന്ന​തി​നാ​യി, കൊർബൻ ചില വാക്യങ്ങൾ തിരു​കി​ക്ക​യറ്റി. അതി​ലൊ​ന്നാണ്‌ പ്രവൃ​ത്തി​കൾ 13:2-ലെ “കുർബാന എന്ന ദിവ്യ​ബലി” എന്ന പരാമർശം.

11. (എ) ചില പരിഭാ​ഷ​കർക്കു സത്യസ​ന്ധ​ത​യി​ല്ലാ​ഞ്ഞി​ട്ടും ദൈവ​വ​ചനം നിലനി​ന്ന​തെ​ങ്ങനെ? (ബി) ബൈബിൾ ആരംഭ​ത്തിൽ പറഞ്ഞി​രു​ന്നത്‌ തെളി​യി​ക്കാൻ എത്രമാ​ത്രം പുരാതന കയ്യെഴു​ത്തു​പ്രതി ശേഖര​മുണ്ട്‌? (ചതുരം കാണുക.)

¹¹ തന്റെ വചനത്തിൽ അങ്ങനെ കൂട്ടി​ച്ചേർപ്പു​കൾ നടത്തി​യ​പ്പോൾ യഹോവ അതു തടഞ്ഞില്ല, അത്‌ അവന്റെ ഉദ്ദേശ്യ​ത്തി​നൊ​ട്ടു മാറ്റം വരുത്തി​യു​മില്ല. അതിന്റെ ഫലങ്ങ​ളെ​ന്താ​യി​രു​ന്നു? ഗെരി​സിം മലയെ​ക്കു​റി​ച്ചു പരാമർശം ചേർത്ത​തു​കൊണ്ട്‌, ശമര്യ​ക്കാ​രു​ടെ മതം മനുഷ്യ​വർഗത്തെ അനു​ഗ്ര​ഹി​ക്കു​ന്ന​തി​നുള്ള ദൈവ​ത്തി​ന്റെ ഉപാധി​യാ​യി​ത്തീർന്നില്ല. മറിച്ച്‌, പഞ്ചഗ്ര​ന്ഥ​ങ്ങ​ളിൽ വിശ്വ​സി​ച്ചി​രു​ന്നു​വെന്ന്‌ അവകാ​ശ​പ്പെ​ട്ടി​രു​ന്നെ​ങ്കി​ലും, സത്യം പഠിപ്പി​ക്കാൻ ശമര്യ​ക്കാ​രു​ടെ മതം ആശ്രയ​യോ​ഗ്യ​മ​ല്ലെന്നേ അതു തെളി​യി​ച്ചു​ള്ളൂ. (യോഹ​ന്നാൻ 4:20-24) സെപ്‌റ്റു​വ​ജിൻറിൽ വളച്ചൊ​ടി​ക്ക​ലു​കൾ നടത്തി​യ​തു​കൊണ്ട്‌, ദാനീ​യേൽ പ്രവാ​ച​ക​നി​ലൂ​ടെ മുൻകൂ​ട്ടി​പ്പ​റ​യ​പ്പെട്ട സമയത്തു​തന്നെ മിശിഹാ വരാതി​രു​ന്നില്ല. കൂടാതെ, ഒന്നാം നൂറ്റാ​ണ്ടിൽ സെപ്‌റ്റു​വ​ജിൻറ്‌ ഉപയോ​ഗ​ത്തി​ലു​ണ്ടാ​യി​രു​ന്നെ​ങ്കി​ലും, സിന​ഗോ​ഗു​ക​ളിൽ എബ്രായ ഭാഷയിൽ തിരു​വെ​ഴു​ത്തു​കൾ വായി​ച്ചു​കേ​ട്ടി​രു​ന്ന​തു​കൊണ്ട്‌ വ്യക്തമാ​യും യഹൂദ​ന്മാർക്ക്‌ തിരു​വെ​ഴു​ത്തു​കൾ പരിചി​ത​മാ​യി​രു​ന്നു. അതു​കൊണ്ട്‌, പ്രവച​ന​നി​വൃ​ത്തി​യു​ടെ സമയമ​ടു​ത്ത​പ്പോൾ ‘ജനം അതു പ്രതീ​ക്ഷി​ക്കു​ന്നു​ണ്ടാ​യി​രു​ന്നു.’ (ലൂക്കൊസ്‌ 3:15, NW) ത്രിത്വ​ത്തെ പിന്താ​ങ്ങാ​നാ​യി 1 യോഹ​ന്നാൻ 5:7-ലും കുർബാ​നയെ ന്യായീ​ക​രി​ക്കാൻ പ്രവൃ​ത്തി​കൾ 13:2-ലും നടത്തിയ കൂട്ടി​ച്ചേർപ്പു​കൾ സത്യത്തി​നു മാറ്റം വരുത്തി​യില്ല. അവസാനം തട്ടിപ്പ്‌ പൂർണ​മാ​യും വെളി​ച്ച​ത്താ​യി. ബൈബി​ളി​ന്റെ മൂലഭാ​ഷാ കയ്യെഴു​ത്തു​പ്ര​തി​ക​ളു​ടെ ഒരു വൻശേ​ഖ​രം​ത​ന്നെ​യു​ള്ള​തി​നാൽ, ഏതൊരു പരിഭാ​ഷ​യും സാധു​വാ​ണോ എന്നു പരി​ശോ​ധി​ക്കാ​വു​ന്ന​താണ്‌.

12. (എ) ചില ബൈബിൾ പരിഭാ​ഷകർ ഗൗരവ​മേ​റിയ ഏതു മാറ്റങ്ങൾ വരുത്തി? (ബി) ഇവ എത്ര ദൂരവ്യാ​പക ഫലങ്ങളു​ള​വാ​ക്കി?

¹² കേവലം ഏതാനും വാക്യ​ങ്ങൾക്കു മാറ്റം വരുത്തി​ക്കൊ​ണ്ടു​മാ​ത്രമല്ല, മറ്റു വിധങ്ങ​ളി​ലും തിരു​വെ​ഴു​ത്തു​കൾക്കു മാറ്റം വരുത്താ​നുള്ള ശ്രമങ്ങൾ നടന്നു. ഇതു സത്യ​ദൈവം ആരെന്ന​തി​ന്മേ​ലുള്ള ഒരാ​ക്ര​മ​ണ​മാ​യി​രു​ന്നു. വരുത്തിയ മാറ്റത്തി​ന്റെ സ്വഭാ​വ​വും വ്യാപ്‌തി​യും പരിഗ​ണി​ക്കു​മ്പോൾ, ഏതെങ്കി​ലും ഒരു മനുഷ്യ​നെ​ക്കാൾ അല്ലെങ്കിൽ മനുഷ്യ സ്ഥാപന​ത്തെ​ക്കാൾ ശക്തമായ ഉറവിൽനി​ന്നുള്ള സ്വാധീ​ന​ത്തി​ന്റെ—അതേ, യഹോ​വ​യു​ടെ മുഖ്യ​ശ​ത്രു​വായ പിശാ​ചായ സാത്താ​നിൽനി​ന്നുള്ള സ്വാധീ​ന​ത്തി​ന്റെ—വ്യക്തമായ തെളിവു കാണാം. ആ സ്വാധീ​ന​ത്തി​നു വഴങ്ങി, പരിഭാ​ഷ​ക​രും പകർപ്പെ​ഴു​ത്തു​കാ​രും—ചിലർ തീക്ഷ്‌ണ​ത​യോ​ടെ, മറ്റുള്ളവർ മനസ്സി​ല്ലാ​മ​ന​സ്സോ​ടെ—ദൈവ​ത്തി​ന്റെ യഹോവ എന്ന സ്വന്തം പേര്‌ നിശ്വസ്‌ത തിരു​വെ​ഴു​ത്തു​ക​ളിൽ ആയിര​ക്ക​ണ​ക്കി​നു സ്ഥലങ്ങളിൽനി​ന്നു നീക്കി​ക്ക​ള​യാൻ തുടങ്ങി. എബ്രാ​യ​യിൽനി​ന്നു ഗ്രീക്ക്‌, ലത്തീൻ, ജർമൻ, ഇംഗ്ലീഷ്‌, ഇറ്റാലി​യൻ, ഡച്ച്‌ തുടങ്ങിയ ഭാഷക​ളി​ലേക്കു പരിഭാഷ നടത്തി​യ​പ്പോൾ ചില ഭാഷാ​ന്ത​രങ്ങൾ നേര​ത്തെ​തന്നെ ദിവ്യ​നാ​മം പൂർണ​മാ​യി ഒഴിവാ​ക്കു​ക​യോ ഏതാനും സ്ഥലങ്ങളിൽ മാത്രം ഒതുക്കി​നിർത്തു​ക​യോ ചെയ്‌തി​രു​ന്നു. ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ പകർപ്പു​ക​ളിൽനി​ന്നും അതു നീക്കം​ചെ​യ്യ​പ്പെട്ടു.

13. ബൈബി​ളി​നു മാറ്റം​വ​രു​ത്താ​നുള്ള വ്യാപ​ക​മായ ശ്രമം ഉണ്ടായി​രു​ന്നി​ട്ടും, ദൈവ​ത്തി​ന്റെ നാമം മമനു​ഷ്യ​ന്റെ ഓർമ​യിൽനി​ന്നു തുടച്ചു​മാ​റ്റാൻ കഴിയാ​ഞ്ഞ​തെ​ന്തു​കൊണ്ട്‌?

¹³ എന്നിരു​ന്നാ​ലും, ആ മഹനീയ നാമം മമനു​ഷ്യ​ന്റെ ഓർമ​യിൽനി​ന്നു തുടച്ചു​മാ​റ്റ​പ്പെ​ട്ടില്ല. സ്‌പാ​നീഷ്‌, പോർച്ചു​ഗീസ്‌, ജർമൻ, ഇംഗ്ലീഷ്‌, ഫ്രഞ്ച്‌ എന്നിവ​യി​ലേ​ക്കും മറ്റനേകം ഭാഷക​ളി​ലേ​ക്കു​മുള്ള എബ്രായ തിരു​വെ​ഴു​ത്തു​ക​ളു​ടെ പരിഭാ​ഷ​ക​ളിൽ സത്യസ​ന്ധ​മാ​യി ദൈവ​ത്തി​ന്റെ സ്വന്തം​പേര്‌ ഉൾപ്പെ​ടു​ത്തി. ദൈവ​ത്തി​ന്റെ വ്യക്തി​നാ​മം, 16-ാം നൂറ്റാ​ണ്ടാ​യ​പ്പോ​ഴേ​ക്കും ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ പല എബ്രായ ഭാഷാ​ന്ത​ര​ങ്ങ​ളി​ലും 18-ാം നൂറ്റാ​ണ്ടാ​യ​പ്പോ​ഴേ​ക്കും ജർമനി​ലും 19-ാം നൂറ്റാ​ണ്ടാ​യ​പ്പോ​ഴേ​ക്കും ക്രോ​യേ​ഷ്യ​നി​ലും ഇംഗ്ലീ​ഷി​ലും പ്രത്യ​ക്ഷ​പ്പെ​ടാൻ തുടങ്ങി. ആളുകൾ ദൈവ​ത്തി​ന്റെ നാമം മറച്ചു​പി​ടി​ക്കാൻ ശ്രമി​ച്ചാ​ലും, “യഹോ​വ​യു​ടെ ദിവസം” വന്നെത്തു​മ്പോൾ, ദൈവം പ്രഖ്യാ​പി​ക്കു​ന്ന​തു​പോ​ലെ, ‘ഞാൻ യഹോവ എന്നു ജാതികൾ അറി​യേ​ണ്ടി​വ​രും.’ ദൈവ​ഹി​തം സംബന്ധിച്ച ആ പ്രഖ്യാ​പിത ഉദ്ദേശ്യം പരാജ​യ​പ്പെ​ടു​ക​യില്ല.—2 പത്രൊസ്‌ 3:10; യെഹെ​സ്‌കേൽ 38:23; യെശയ്യാ​വു 11:9; 55:11.

സന്ദേശം ഗോള​മാ​സ​കലം എത്തി​ച്ചേ​രു​ന്നു

14. (എ) 20-ാം നൂറ്റാ​ണ്ടാ​യ​പ്പോ​ഴേ​ക്കും, എത്ര യൂറോ​പ്യൻ ഭാഷക​ളിൽ ബൈബിൾ അച്ചടി​ച്ചി​രു​ന്നു, അതിന്റെ ഫലമെ​ന്താ​യി​രു​ന്നു? (ബി) 1914-ന്റെ അവസാ​ന​ത്തോ​ടെ, എത്ര ആഫ്രിക്കൻ ഭാഷക​ളിൽ ബൈബിൾ ലഭ്യമാ​യി​രു​ന്നു?

¹⁴ ഇരുപ​താം നൂറ്റാ​ണ്ടി​ന്റെ ആരംഭ​ത്തിൽ, യൂറോ​പ്പി​ലെ 94 ഭാഷക​ളിൽ ബൈബിൾ അച്ചടി​ച്ചി​ട്ടു​ണ്ടാ​യി​രു​ന്നു. ലോകത്തെ ഉലയ്‌ക്കുന്ന സംഭവ​ങ്ങ​ളോ​ടെ 1914-ൽ ജാതി​ക​ളു​ടെ കാലം അവസാ​നി​ക്കു​മെന്ന വസ്‌തുത സംബന്ധിച്ച്‌ അത്‌ ആ ഭാഗത്തുള്ള ബൈബിൾ വിദ്യാർഥി​കളെ ജാഗരൂ​ക​രാ​ക്കി​യി​രു​ന്നു. തീർച്ച​യാ​യും, അതങ്ങ​നെ​തന്നെ സംഭവി​ച്ചു! (ലൂക്കൊസ്‌ 21:24) 1914 എന്ന ആ ചരി​ത്ര​പ്ര​ധാന വർഷം അവസാ​നി​ക്കു​ന്ന​തി​നു​മുമ്പ്‌, വ്യാപ​ക​മാ​യി ഉപയോ​ഗി​ച്ചി​രുന്ന ഇംഗ്ലീഷ്‌, ഫ്രഞ്ച്‌, പോർച്ചു​ഗീസ്‌ എന്നീ ഭാഷക​ളി​ലുള്ള പരിഭാ​ഷ​കൾക്കു പുറമേ ബൈബിൾ പൂർണ​മാ​യോ ഭാഗി​ക​മാ​യോ ആഫ്രി​ക്ക​യി​ലെ 157 ഭാഷക​ളിൽ പ്രസി​ദ്ധീ​ക​രി​ച്ചി​രു​ന്നു. അങ്ങനെ അവിടെ പാർക്കുന്ന അനേകം ഗോ​ത്ര​ങ്ങ​ളി​ലെ​യും ദേശീ​യ​ക്കൂ​ട്ട​ങ്ങ​ളി​ലെ​യും താഴ്‌മ​യു​ള്ള​വരെ ആത്മീയ വിമോ​ചനം വരുത്തുന്ന ബൈബിൾ സത്യങ്ങൾ പഠിപ്പി​ക്കു​ന്ന​തിന്‌ വേദി ഒരുങ്ങി​യി​രു​ന്നു.

15. അന്ത്യനാ​ളു​കൾ ആരംഭി​ച്ച​തോ​ടെ, അമേരി​ക്ക​ക​ളി​ലെ ജനങ്ങളു​ടെ ഭാഷക​ളിൽ എത്ര വ്യാപ​ക​മാ​യി ബൈബിൾ ലഭ്യമാ​യി​രു​ന്നു?

¹⁵ മുൻകൂ​ട്ടി​പ്പ​റ​യ​പ്പെട്ട അന്ത്യനാ​ളി​ലേക്കു ലോകം പ്രവേ​ശി​ച്ച​പ്പോൾ, അമേരി​ക്ക​ക​ളി​ലെ​ങ്ങും ബൈബിൾ ലഭ്യമാ​യി​രു​ന്നു. യൂറോ​പ്പിൽനി​ന്നുള്ള കുടി​യേ​റ്റ​ക്കാർ അവരവ​രു​ടെ വ്യത്യസ്‌ത ഭാഷക​ളി​ലുള്ള ബൈബി​ളു​കൾ കൂടെ​ക്കൊ​ണ്ടു​വ​ന്നി​രു​ന്നു. പരസ്യ​പ്ര​സം​ഗ​ങ്ങ​ളി​ലൂ​ടെ​യും സാർവ​ദേ​ശീയ ബൈബിൾ വിദ്യാർഥി​കൾ—യഹോ​വ​യു​ടെ സാക്ഷികൾ അന്ന്‌ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌—പ്രസി​ദ്ധീ​ക​രി​ച്ചി​രുന്ന ബൈബിൾ സാഹി​ത്യ​ങ്ങ​ളു​ടെ ശുഷ്‌കാ​ന്തി​യോ​ടെ​യുള്ള വിതര​ണ​ത്തി​ലൂ​ടെ​യും വ്യാപ​ക​മാ​യൊ​രു ബൈബിൾ വിദ്യാ​ഭ്യാ​സ പരിപാ​ടി തുടങ്ങി​യി​രു​ന്നു. കൂടാതെ, പശ്ചിമാർധ​ഗോ​ള​ത്തി​ലെ തദ്ദേശീ​യ​രു​ടെ ആവശ്യങ്ങൾ നിറ​വേ​റ്റു​ന്ന​തി​നാ​യി വേറെ 57 ഭാഷക​ളിൽ ബൈബിൾ സൊ​സൈ​റ്റി​കൾ അതി​നോ​ട​കം​തന്നെ ബൈബിൾ അച്ചടി​ക്കു​ന്നു​ണ്ടാ​യി​രു​ന്നു.

16, 17. (എ) ആഗോള പ്രസം​ഗ​വേ​ല​യ്‌ക്കുള്ള സമയമാ​യ​പ്പോ​ഴേ​ക്കും എത്ര വ്യാപ​ക​മാ​യി ബൈബിൾ ലഭ്യമാ​യി​രു​ന്നു? (ബി) ബൈബിൾ നിലനിൽക്കു​ന്ന​തും വളരെ സ്വാധീ​ന​ശ​ക്തി​യു​ള്ള​തു​മായ ഒരു പുസ്‌ത​ക​മാ​ണെന്നു ശരിക്കും തെളി​ഞ്ഞി​രി​ക്കു​ന്ന​തെ​ങ്ങനെ?

¹⁶ “അന്ത്യം വരു”ന്നതിനു​മുമ്പ്‌ ആഗോ​ള​മാ​യി സുവാർത്ത പ്രസം​ഗി​ക്കു​ന്ന​തി​നുള്ള സമയമാ​യ​പ്പോൾ, ഏഷ്യയി​ലും പസഫിക്‌ ദ്വീപു​ക​ളി​ലും ബൈബിൾ അപരി​ചി​ത​മാ​യി​രു​ന്നില്ല. (മത്തായി 24:14, NW) ഗോള​ത്തി​ന്റെ ആ ഭാഗത്തുള്ള 232 ഭാഷക​ളിൽ അതി​നോ​ടകം ബൈബിൾ പ്രസി​ദ്ധീ​ക​രി​ക്കു​ന്നു​ണ്ടാ​യി​രു​ന്നു. ചില ഭാഷക​ളിൽ സമ്പൂർണ ബൈബി​ളും മറ്റനേകം ഭാഷക​ളിൽ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ ഭാഷാ​ന്ത​ര​ങ്ങ​ളു​മാ​യി​രു​ന്നു. മറ്റുള്ളവ വിശുദ്ധ തിരു​വെ​ഴു​ത്തു​ക​ളു​ടെ ഏതെങ്കി​ലും ഒറ്റപ്പു​സ്‌ത​ക​മാ​യി​രു​ന്നു.

¹⁷ വ്യക്തമാ​യും, ബൈബിൾ ഒരു പുരാതന വസ്‌തു​വാ​യി വീക്ഷി​ക്ക​പ്പെ​ടു​ക​യാ​യി​രു​ന്നില്ല. ഉണ്ടായി​രുന്ന എല്ലാ പുസ്‌ത​ക​ങ്ങ​ളി​ലും​വെച്ച്‌, ഏറ്റവും കൂടുതൽ ഭാഷക​ളി​ലേക്കു വിവർത്തനം ചെയ്യ​പ്പെ​ട്ടി​രു​ന്ന​തും ഏറ്റവും വ്യാപ​ക​മാ​യി വിതരണം ചെയ്യ​പ്പെ​ട്ടി​രു​ന്ന​തു​മായ പുസ്‌ത​ക​മാ​യി​രു​ന്നു അത്‌. ദിവ്യ​പ്രീ​തി​യു​ടെ ആ തെളി​വി​നു ചേർച്ച​യിൽ, ആ പുസ്‌ത​ക​ത്തിൽ രേഖ​പ്പെ​ടു​ത്തി​യി​രു​ന്നതു സംഭവി​ക്കാൻ പോകു​ക​യാ​യി​രു​ന്നു. അതിലെ പഠിപ്പി​ക്ക​ലു​ക​ളും അവയെ നിശ്വ​സ്‌ത​മാ​ക്കിയ പരിശു​ദ്ധാ​ത്മാ​വും അനേകം രാജ്യ​ങ്ങ​ളി​ലെ​യും ആളുക​ളു​ടെ ജീവി​ത​ത്തിൽ സ്ഥായി​യായ സ്വാധീ​നം ചെലു​ത്തു​ക​യാ​യി​രു​ന്നു. (1 പത്രൊസ്‌ 1:24, 25) എന്നാൽ അതിലും വളരെ​യേറെ കാര്യങ്ങൾ സംഭവി​ക്കാ​നി​രി​ക്കു​ക​യാ​യി​രു​ന്നു.

നിങ്ങൾ ഓർമി​ക്കു​ന്നു​വോ?

□ എന്നേക്കും നിലനിൽക്കുന്ന ‘നമ്മുടെ ദൈവ​ത്തി​ന്റെ വചനം’ എന്താണ്‌?

□ ബൈബി​ളി​നെ അടിച്ച​മർത്താൻ ഏതെല്ലാം ശ്രമങ്ങ​ളു​ണ്ടാ​യി​ട്ടുണ്ട്‌, ഫലങ്ങ​ളെ​ന്താ​യി​രു​ന്നു?

□ ബൈബി​ളി​ന്റെ നിർമലത കാത്തു​സൂ​ക്ഷി​ക്ക​പ്പെ​ട്ടി​രി​ക്കു​ന്ന​തെ​ങ്ങനെ?

□ തന്റെ ഉദ്ദേശ്യ​ത്തെ​ക്കു​റി​ച്ചുള്ള ദൈവ​ത്തി​ന്റെ പ്രസ്‌താ​വന ഒരു ജീവി​ക്കുന്ന വചനമാ​ണെന്നു തെളി​ഞ്ഞ​തെ​ങ്ങനെ?

[12-ാം പേജിലെ ചതുരം]

ബൈബിൾ ആരംഭ​ത്തിൽ പറഞ്ഞി​രു​ന്ന​തെ​ന്തെന്നു നിങ്ങൾക്കു വാസ്‌ത​വ​ത്തിൽ അറിയാ​മോ?

എബ്രായ തിരു​വെ​ഴു​ത്തു​ക​ളു​ടെ ഉള്ളടക്കത്തെ സാക്ഷ്യ​പ്പെ​ടു​ത്തുന്ന ഏതാണ്ട്‌ 6,000 എബ്രായ കയ്യെഴു​ത്തു​പ്ര​തി​ക​ളുണ്ട്‌. ഇവയിൽ ചിലത്‌ ക്രിസ്‌തീ​യ​പൂർവ കാലഘ​ട്ട​ത്തി​ലേ​താണ്‌. സമ്പൂർണ എബ്രായ തിരു​വെ​ഴു​ത്തു​ക​ളു​ടെ നിലവി​ലുള്ള 19 കയ്യെഴു​ത്തു പ്രതി​ക​ളെ​ങ്കി​ലും കൈ​കൊണ്ട്‌ നിരത്താ​വുന്ന അച്ചുപ​യോ​ഗിച്ച്‌ അച്ചടി നടത്തു​ന്ന​തി​നു​മു​മ്പുള്ള കാലഘ​ട്ട​ത്തി​ലേ​താണ്‌. കൂടാതെ, അതേ കാലഘ​ട്ട​ത്തി​ലെ, വേറെ 28 ഭാഷക​ളി​ലേ​ക്കുള്ള ബൈബിൾ പരിഭാ​ഷ​ക​ളും അസ്‌തി​ത്വ​ത്തി​ലുണ്ട്‌.

ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ ഗ്രീക്കി​ലുള്ള ഏതാണ്ട്‌ 5,000 കയ്യെഴു​ത്തു​പ്ര​തി​കൾ പട്ടിക​പ്പെ​ടു​ത്തി​യി​ട്ടുണ്ട്‌. ഇവയി​ലൊ​രെണ്ണം പൊ.യു. 125-നുമു​മ്പു​ള്ള​താണ്‌, അതായത്‌ മൂല എഴുത്ത്‌ രചിക്ക​പ്പെട്ട്‌ ഏതാനും വർഷങ്ങൾക്കു​ശേ​ഷ​മു​ള്ളത്‌. ചില എഴുത്തു​ശ​ക​ല​ങ്ങൾക്കു ഗണ്യമായ പഴക്കമു​ള്ള​താ​യി കരുത​പ്പെ​ടു​ന്നു. 27 നിശ്വസ്‌ത പുസ്‌ത​ക​ങ്ങ​ളിൽ 22-നും, 10 മുതൽ 19 വരെ സമ്പൂർണ വല്യക്ഷ​ര​ക​യ്യെ​ഴു​ത്തു​പ്ര​തി​കൾ ഉണ്ട്‌. ബൈബിൾ പുസ്‌ത​ക​ങ്ങ​ളിൽവെച്ച്‌ സമ്പൂർണ വല്യക്ഷ​ര​ക​യ്യെ​ഴു​ത്തു​പ്ര​തി​കൾ ഏറ്റവും കുറവു​ള്ളത്‌ വെളി​പ്പാ​ടു പുസ്‌ത​ക​ത്തി​നാണ്‌, മൂന്നെണ്ണം. സമ്പൂർണ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ ഒരു കയ്യെഴു​ത്തു​പ്രതി പൊ.യു. നാലാം നൂറ്റാ​ണ്ടി​ലേ​താണ്‌.

പുരാതന രേഖകൾ ഇത്രയ​ധി​കം തെളി​വു​ശേ​ഖ​ര​മാ​യുള്ള മറ്റൊരു പുരാതന സാഹി​ത്യ​വു​മില്ല.