മറഞ്ഞി​രു​ന്നൊ​രു നിധി വെളി​ച്ച​ത്തി​ലേക്ക്‌

മാകാര്യോസ്‌ ബൈബി​ളി​ന്റെ കഥ

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റി​മൂ​ന്നിൽ ഒരു ഗവേഷകൻ സെൻറ്‌ പീറ്റേ​ഴ്‌സ്‌ബർഗി​ലെ റഷ്യൻ നാഷണൽ ലൈ​ബ്ര​റി​യിൽ നിറം​മ​ങ്ങിയ കുറെ പഴഞ്ചൻ ഓർത്ത​ഡോ​ക്‌സ്‌ റിവ്യൂ മാസി​കകൾ കണ്ടെത്തി. ഒരു നൂറ്റാ​ണ്ടി​ല​ധി​ക​മാ​യി റഷ്യൻ പൊതു​ജ​ന​ത്തിൽനി​ന്നു മറഞ്ഞി​രി​ക്കു​ക​യാ​യി​രുന്ന ഒരു നിധി 1860-1867 കാലഘ​ട്ട​ത്തി​ലെ ഈ മാസി​ക​ക​ളു​ടെ പേജു​ക​ളി​ലു​ണ്ടാ​യി​രു​ന്നു. മുഴു എബ്രായ തിരു​വെ​ഴു​ത്തു​ക​ളു​ടെ, അല്ലെങ്കിൽ “പഴയ നിയമ”ത്തിന്റെ റഷ്യൻ ഭാഷയി​ലുള്ള ബൈബിൾ പരിഭാ​ഷ​യാ​യി​രു​ന്നു അത്‌!

തിരു​വെ​ഴു​ത്തു​ക​ളു​ടെ പരിഭാ​ഷകർ ആർക്കി​മാൻഡ്രൈ മാകാ​ര്യോസ്‌ എന്നറി​യ​പ്പെ​ടുന്ന മീഖാ​യേൽ യാകോ​വ്‌ല​വിക്‌ ഗ്ലുഖര​ഫും ഗിരാസി പി​റ്റ്രൊ​വിക്‌ പാവ്‌സ്‌കി​യു​മാ​യി​രു​ന്നു. രണ്ടു​പേ​രും റഷ്യൻ ഓർത്ത​ഡോ​ക്‌സ്‌ സഭയിലെ പ്രമു​ഖാം​ഗ​ങ്ങ​ളും ഭാഷാ​പ​ണ്ഡി​ത​ന്മാ​രും ആയിരു​ന്നു. കഴിഞ്ഞ നൂറ്റാ​ണ്ടി​ന്റെ ആരംഭ​ത്തിൽ ഈ പുരു​ഷ​ന്മാർ തങ്ങളുടെ വേല ആരംഭി​ച്ച​പ്പോൾ, സമ്പൂർണ ബൈബിൾ റഷ്യനി​ലേക്കു പരിഭാ​ഷ​പ്പെ​ടു​ത്ത​പ്പെ​ട്ടി​ട്ടി​ല്ലാ​യി​രു​ന്നു.

ആധുനി​ക​നാ​ളി​ലെ റഷ്യൻ ഭാഷയു​ടെ മുന്നോ​ടി​യായ സ്ലാവോ​നി​ക്കിൽ ബൈബിൾ ലഭ്യമാ​യി​രു​ന്നു​വെ​ന്നതു സത്യം​തന്നെ. എന്നിരു​ന്നാ​ലും, 19-ാം നൂറ്റാ​ണ്ടി​ന്റെ മധ്യത്തിൽ സ്ലാവോ​നിക്‌ ഭാഷയു​ടെ ഉപയോ​ഗം സാധാ​ര​ണ​ക്കാ​രു​ടെ​യി​ട​യിൽ നിലച്ചിട്ട്‌ ഏറെ കാലമാ​യി​രു​ന്നു. മതചട​ങ്ങു​ക​ളിൽ പുരോ​ഹി​ത​ന്മാർമാ​ത്രമേ അത്‌ ഉപയോ​ഗി​ക്കു​ന്നു​ണ്ടാ​യി​രു​ന്നു​ള്ളൂ. സമാന​മായ സ്ഥിതി​വി​ശേ​ഷ​മാ​യി​രു​ന്നു പാശ്ചാ​ത്യ​നാ​ടു​ക​ളി​ലു​മു​ണ്ടാ​യി​രു​ന്നത്‌. അവിടെ റോമൻ കത്തോ​ലി​ക്കാ സഭ ലത്തീനിൽ മാത്രമേ ബൈബിൾ ലഭ്യമാ​ക്കി​യി​രു​ന്നു​ള്ളൂ. അതൊരു മൃതഭാ​ഷ​യാ​യി​ത്തീർന്ന്‌ ദീർഘ​കാ​ലം കഴിഞ്ഞി​ട്ടും സ്ഥിതി​വി​ശേ​ഷ​ത്തി​നു മാറ്റം വന്നില്ല.

മാകാ​ര്യോ​സും പാവ്‌സ്‌കി​യും ബൈബിൾ സാധാ​ര​ണ​ക്കാർക്കു ലഭ്യമാ​ക്കാൻ പരി​ശ്ര​മി​ച്ചു. ദീർഘ​നാ​ളാ​യി വിസ്‌മ​രി​ക്ക​പ്പെ​ട്ടി​രുന്ന അവരുടെ വേലയു​ടെ കണ്ടെത്ത​ലി​ലൂ​ടെ റഷ്യൻ സാഹിത്യ-മത പൈതൃ​ക​ത്തി​ന്റെ ഒരു പ്രധാന ഭാഗം പുനഃ​സ്ഥാ​പി​ക്കു​ന്നത്‌ സാധ്യ​മാ​യി.

എന്നിരു​ന്നാ​ലും, മാകാ​ര്യോ​സും പാവ്‌സ്‌കി​യും ആരായി​രു​ന്നു? സാധാ​ര​ണ​ക്കാ​രു​ടെ ഭാഷയിൽ ബൈബിൾ ലഭ്യമാ​ക്കു​ന്ന​തി​നുള്ള അവരുടെ പരി​ശ്ര​മ​ത്തിന്‌ അത്രമാ​ത്രം എതിർപ്പ്‌ നേരി​ട്ട​തെ​ന്തു​കൊണ്ട്‌? അവരുടെ കഥ എല്ലാ ബൈബിൾ​പ്രേ​മി​കൾക്കും രസകര​വും വിശ്വാ​സത്തെ ബലിഷ്‌ഠ​മാ​ക്കു​ന്ന​തു​മാണ്‌.

ഒരു റഷ്യൻ ബൈബി​ളി​ന്റെ ആവശ്യം

സാധാ​ര​ണ​ക്കാ​രു​ടെ ഭാഷയി​ലുള്ള ബൈബിൾ വേണമെന്ന ആവശ്യം ആദ്യം മനസ്സി​ലാ​ക്കി​യത്‌ മാകാ​ര്യോ​സും പാവ്‌സ്‌കി​യു​മല്ല. അവർക്കു നൂറു​വർഷം മുമ്പ്‌, റഷ്യയിൽ പീറ്റർ ഒന്നാമൻ സ്സാർ, അഥവാ മഹാനായ പീറ്റർ ഈ ആവശ്യം മനസ്സി​ലാ​ക്കി​യി​രു​ന്നു. അദ്ദേഹം വിശുദ്ധ തിരു​വെ​ഴു​ത്തു​കളെ ആദരി​ച്ചി​രു​ന്നു​വെ​ന്നത്‌ ശ്രദ്ധേ​യ​മാണ്‌. മാത്രമല്ല അദ്ദേഹം ഇങ്ങനെ പറഞ്ഞതാ​യി ഉദ്ധരി​ക്ക​പ്പെ​ടു​ന്നു​മുണ്ട്‌: “ബൈബിൾ മറ്റെല്ലാ പുസ്‌ത​ക​ങ്ങ​ളെ​ക്കാ​ളും ശ്രേഷ്‌ഠ​മാണ്‌, ദൈവ​ത്തോ​ടും അയൽക്കാ​രോ​ടു​മുള്ള മമനു​ഷ്യ​ന്റെ കടമയു​മാ​യി ബന്ധപ്പെട്ട സകലതും അതില​ട​ങ്ങി​യി​രി​ക്കു​ന്നു.”

അങ്ങനെ, ആംസ്റ്റർഡാ​മിൽ ഒരു ബൈബിൾ തന്റെ ചെലവിൽ അച്ചടി​ക്ക​ണ​മെന്നു 1716-ൽ പീറ്റർ രാജസ​ദ​സ്സി​നോ​ടു കൽപ്പിച്ചു. ഓരോ പേജി​ലും റഷ്യൻ പാഠത്തി​ന്റെ ഒരു കോള​വും ഡച്ച്‌ പാഠത്തി​ന്റെ ഒരു കോള​വും ഉൾക്കൊ​ള്ളി​ക്കാ​നാ​യി​രു​ന്നു പരിപാ​ടി. ഒറ്റവർഷം​കൊണ്ട്‌, 1717-ൽ, ക്രിസ്‌തീയ ഗ്രീക്കു തിരു​വെ​ഴു​ത്തു​കൾ അഥവാ “പുതിയ നിയമം” എന്ന ഭാഗം തയ്യാറാ​യി.

1721 ആയപ്പോ​ഴേ​ക്കും എബ്രായ തിരു​വെ​ഴു​ത്തു​ക​ളു​ടെ നാലു വാല്യ​ങ്ങ​ളുള്ള ഡച്ച്‌ പതിപ്പും അച്ചടിച്ചു. പിന്നീട്‌ റഷ്യൻ പാഠം ഉൾക്കൊ​ള്ളി​ക്കു​ന്ന​തി​നു​വേണ്ടി ഒരു കോളം ഒഴിച്ചി​ട്ടി​രു​ന്നു. അച്ചടി തീർത്ത്‌ വിതരണം ചെയ്യു​ന്ന​തി​നു​വേണ്ടി പീറ്റർ ആ ബൈബി​ളു​കൾ റഷ്യൻ ഓർത്ത​ഡോ​ക്‌സ്‌ സഭയുടെ “വിശുദ്ധ സുന്നഹ​ദോ​സി”നെ—സഭയുടെ മതപര​മായ പരമാ​ധി​കാര സമിതി​യെ—ഏൽപ്പിച്ചു. എന്നാൽ സുന്നഹ​ദോസ്‌ അതിൽ വേണ്ടത്ര താത്‌പ​ര്യം കാട്ടി​യില്ല.

നാലു വർഷം തികയു​ന്ന​തി​നു​മുമ്പ്‌ പീറ്റർ മരിച്ചു. അദ്ദേഹ​ത്തി​ന്റെ ബൈബി​ളു​കൾക്ക്‌ എന്തു സംഭവി​ച്ചു? റഷ്യൻ പാഠത്തി​നു​വേണ്ടി ഒഴിച്ചിട്ട കോളം ഒരിക്ക​ലും ഉപയോ​ഗി​ക്ക​പ്പെ​ട്ടില്ല. കെട്ടി​ട​ത്തി​ന്റെ കീഴറ​യിൽ കൂനകൂ​ട്ടി​യിട്ട ബൈബി​ളു​കൾ അവി​ടെ​ക്കി​ടന്നു ദ്രവിച്ചു—ഒരൊറ്റ പ്രതി​പോ​ലും കേടു​കൂ​ടാ​തെ അവശേ​ഷി​ച്ചില്ല! “അവശേ​ഷി​ക്കു​ന്ന​തെ​ല്ലാം കച്ചവട​ക്കാർക്കു വിറ്റു​ക​ളയാ”നായി​രു​ന്നു സുന്നഹ​ദോ​സി​ന്റെ തീരു​മാ​നം.

പരിഭാ​ഷാ​ശ്ര​മങ്ങൾ ആരംഭി​ക്കു​ന്നു

1812-ൽ, ബ്രിട്ടീഷ്‌ ആൻഡ്‌ ഫോറിൻ ബൈബിൾ സൊ​സൈ​റ്റി​യി​ലെ ഒരംഗ​മായ ജോൺ പാറ്റേ​ഴ്‌സൺ റഷ്യയിൽ വന്നു. ഒരു ബൈബിൾ സൊ​സൈറ്റി രൂപവ​ത്‌ക​രി​ക്കു​ന്ന​തിന്‌ സെൻറ്‌ പീറ്റേ​ഴ്‌സ്‌ബർഗി​ലെ ബുദ്ധി​ജീ​വി​ക​ളിൽ പാറ്റേ​ഴ്‌സൺ താത്‌പ​ര്യം ഉണർത്തി. 1812-ൽ, അതായത്‌ നെപ്പോ​ളി​യൻ ഒന്നാമന്റെ ആക്രമ​ണ​സേ​നയെ റഷ്യൻ സൈന്യം തുരത്തിയ അതേ വർഷം ഡിസംബർ 6-ന്‌ അലക്‌സാ​ണ്ടർ ഒന്നാമൻ സ്സാർ റഷ്യൻ ബൈബിൾ സൊ​സൈ​റ്റി​യു​ടെ ചാർട്ട​റിന്‌ അംഗീ​കാ​രം കൊടു​ത്തു. “ദൈവ​വ​ചനം മാതൃ​ഭാ​ഷ​യായ റഷ്യനിൽ വായി​ക്കു​ന്ന​തി​നു റഷ്യക്കാർക്കും അവസര​മു​ണ്ടാ​കണ”മെന്ന്‌ സ്സാർ 1815-ൽ സൊ​സൈറ്റി അധ്യക്ഷ​നായ അലിക്‌സാ​ണ്ടർ ഗൊലീ​റ്റ്‌സിൻ രാജകു​മാ​ര​നോട്‌ കൽപ്പിച്ചു.

മൂല എബ്രാ​യ​യിൽനി​ന്നു നേരിട്ട്‌ റഷ്യനി​ലേക്ക്‌ എബായ തിരു​വെ​ഴു​ത്തു​കൾ പരിഭാ​ഷ​പ്പെ​ടു​ത്താൻ അനുമതി നൽക​പ്പെ​ട്ടു​വെ​ന്നത്‌ പ്രശം​സാർഹ​മാണ്‌. പുരാതന ഗ്രീക്കു സെപ്‌റ്റു​വ​ജിൻറ്‌ അടിസ്ഥാ​ന​മാ​ക്കി​യു​ള്ള​താ​യി​രു​ന്നു സ്ലാവോ​നി​ക്കി​ലേ​ക്കുള്ള എബ്രായ തിരു​വെ​ഴു​ത്തു​ക​ളു​ടെ പരിഭാ​ഷകൾ. കൃത്യ​ത​യും വ്യക്തത​യും നിർമ​ല​ത​യും പരിഭാ​ഷയെ നയിക്കേണ്ട മുഖ്യ​ത​ത്ത്വ​ങ്ങ​ളാ​യി​രി​ക്ക​ണ​മെന്ന്‌ റഷ്യൻ ബൈബിൾപ​രി​ഭാ​ഷ​ക​രോ​ടു പറയ​പ്പെട്ടു. റഷ്യൻ ഭാഷയിൽ ബൈബിൾ ലഭ്യമാ​ക്കു​ന്ന​തി​നുള്ള ഈ ആദ്യകാല ശ്രമങ്ങൾക്കെന്തു സംഭവി​ച്ചു?

ബൈബിൾ പരിഭാ​ഷ​യ്‌ക്കൊ​രു മാരക​പ്ര​ഹ​ര​മോ?

ഉടനെ​തന്നെ സഭയി​ലും ഗവൺമെൻറി​ലു​മുള്ള യാഥാ​സ്ഥി​തി​കർ മതപര​വും രാഷ്‌ട്രീ​യ​വു​മായ വിദേശ സ്വാധീ​ന​ത്തെ​ക്കു​റിച്ച്‌ ജാഗരൂ​ക​രാ​യി. മതാനു​ഷ്‌ഠാ​ന​വി​ധി​കൾക്കുള്ള ഭാഷയായ സ്ലാവോ​നി​ക്കാ​ണു റഷ്യൻ ഭാഷ​യെ​ക്കാൾ വ്യക്തമാ​യി ബൈബിൾ സന്ദേശം അവതരി​പ്പി​ക്കു​ന്ന​തെന്നു ചില സഭാ​നേ​താ​ക്ക​ന്മാർ അവകാ​ശ​പ്പെട്ടു.

അങ്ങനെ റഷ്യൻ ബൈബിൾ സൊ​സൈറ്റി 1826-ൽ പിരി​ച്ചു​വി​ട​പ്പെട്ടു. ബൈബിൾ സൊ​സൈറ്റി നിർമിച്ച പരിഭാ​ഷ​ക​ളു​ടെ അനേകാ​യി​രം പ്രതികൾ ചുട്ടെ​രി​ക്ക​പ്പെട്ടു. ഫലമോ, ബൈബി​ളി​നെ​ക്കാൾ പ്രാധാ​ന്യം ആചാരാ​നു​ഷ്‌ഠാ​ന​ത്തി​നും പാരമ്പ​ര്യ​ത്തി​നു​മാ​യി. റോമൻ കത്തോ​ലി​ക്കാ സഭയുടെ മാതൃക പിൻപ​റ്റി​ക്കൊണ്ട്‌, 1836-ൽ സുന്നഹ​ദോസ്‌ ഉത്തരവി​ട്ടു: “ഭക്തനായ ഒരു അൽമാ​യനു തിരു​വെ​ഴു​ത്തു​കൾ ശ്രവി​ക്കാ​വു​ന്ന​താണ്‌, എന്നാൽ മാർഗ​നിർദേ​ശ​മി​ല്ലാ​തെ ചില തിരു​വെ​ഴു​ത്തു​ഭാ​ഗങ്ങൾ, വിശേ​ഷി​ച്ചും പഴയനി​യ​മ​ഭാ​ഗങ്ങൾ വായി​ക്കു​ന്ന​തിന്‌ അനുവാ​ദ​മില്ല.” ബൈബിൾപ​രി​ഭാ​ഷ​യ്‌ക്കു മാരക​പ്ര​ഹ​ര​മേ​റ്റ​പോ​ലെ​യാ​യി.

പാവ്‌സ്‌കി​യു​ടെ പരിഭാഷ

അതിനി​ടെ, എബ്രായ പ്രൊ​ഫ​സ​റായ ഗിരാസി പാവ്‌സ്‌കി എബ്രായ തിരു​വെ​ഴു​ത്തു​കൾ റഷ്യനി​ലേക്കു പരിഭാ​ഷ​പ്പെ​ടു​ത്തുന്ന വേല ഏറ്റെടു​ത്തു. 1821-ൽ അദ്ദേഹം സങ്കീർത്ത​ന​ങ്ങ​ളു​ടെ പരിഭാഷ തീർത്തു. പെട്ടെ​ന്നു​തന്നെ അതിനു സ്സാറിന്റെ അംഗീ​കാ​രം ലഭിച്ചു. 1822 ജനുവ​രി​യോ​ടെ സങ്കീർത്തന പുസ്‌തകം പൊതു​ജ​ന​ത്തി​നു ലഭ്യമാ​ക്ക​പ്പെട്ടു. നല്ല അംഗീ​കാ​രം ലഭിച്ച അത്‌ 12 പ്രാവ​ശ്യം വീണ്ടും അച്ചടി​ക്കേ​ണ്ടി​വന്നു—മൊത്തം 1,00,000 പ്രതികൾ!

പാവ്‌സ്‌കി​യു​ടെ പണ്ഡി​തോ​ചിത ശ്രമങ്ങൾ അനേകം ഭാഷാ​പ​ണ്ഡി​ത​ന്മാ​രു​ടെ​യും ദൈവ​ശാ​സ്‌ത്ര​ജ്ഞ​ന്മാ​രു​ടെ​യും ആദരവു പിടി​ച്ചു​പറ്റി. തനിക്കു​ചു​റ്റു​മു​ണ്ടാ​യി​രുന്ന ഉപജാ​പ​ക​രു​ടെ സ്വാധീ​ന​മേൽക്കാ​തെ സത്യസ​ന്ധ​നാ​യി നില​കൊണ്ട പരമാർഥ പ്രകൃ​ത​ക്കാ​ര​നാ​യാണ്‌ അദ്ദേഹം വർണി​ക്ക​പ്പെ​ടു​ന്നത്‌. റഷ്യൻ ബൈബിൾ സൊ​സൈ​റ്റിക്ക്‌ സഭയുടെ എതിർപ്പ്‌ നേരിട്ടു. മാത്രമല്ല അതു വിദേ​ശി​ക​ളു​ടെ താത്‌പ​ര്യ​ങ്ങൾക്കു​വേണ്ടി നില​കൊ​ള്ളു​ന്ന​താ​യി ചിലർക്കു തോന്നി. എന്നിട്ടും പ്രൊ​ഫസർ പാവ്‌സ്‌കി തന്റെ പ്രസം​ഗ​ങ്ങ​ളിൽ ബൈബിൾ വാക്യങ്ങൾ റഷ്യനി​ലേക്കു പരിഭാ​ഷ​പ്പെ​ടു​ത്തു​ന്നത്‌ തുടർന്നു. അനുഭാ​വി​ക​ളായ വിദ്യാർഥി​കൾ അദ്ദേഹ​ത്തി​ന്റെ പരിഭാ​ഷ​യു​ടെ കയ്യെഴു​ത്തു​പ്ര​തി​കൾ ഉണ്ടാക്കി, അവസാനം അവരത്‌ സമാഹ​രി​ച്ചു. 1839-ൽ, സെൻസർബോർഡി​ന്റെ അനുമ​തി​യി​ല്ലാ​തെ അവർ ധൈര്യ​സ​മേതം 150 പ്രതികൾ അക്കാദമി പ്രസ്സിൽ അച്ചടിച്ചു.

പാവ്‌സ്‌കി​യു​ടെ പരിഭാഷ വായന​ക്കാ​രിൽ വലിയ മതിപ്പു​ണ്ടാ​ക്കി, അതിന്‌ ആവശ്യ​ക്കാർ കൂടി​ക്കൊ​ണ്ടേ​യി​രു​ന്നു. എന്നാൽ ഇത്‌ ഓർത്ത​ഡോ​ക്‌സ്‌ പഠിപ്പി​ക്ക​ലിൽനി​ന്നുള്ള വ്യതി​ച​ല​ന​മാ​ണെന്ന്‌ അവകാ​ശ​പ്പെ​ട്ടു​കൊണ്ട്‌ ഈ പരിഭാ​ഷ​യു​ടെ “അപകടം” സംബന്ധിച്ച്‌ 1841-ൽ ആരോ സുന്നഹ​ദോ​സി​നു പരാതി അയച്ചു. രണ്ടു വർഷത്തി​നു​ശേഷം സുന്നഹ​ദോസ്‌ ഈ കൽപ്പന പുറ​പ്പെ​ടു​വി​ച്ചു: “ജി. പാവ്‌സ്‌കി​യു​ടെ പഴയനി​യമ പരിഭാ​ഷ​യു​ടെ നിലവി​ലുള്ള എല്ലാ കയ്യെഴു​ത്തു​പ്ര​തി​ക​ളും ലിത്തോ​ഗ്രാഫ്‌ പ്രതി​ക​ളും കണ്ടു​കെട്ടി നശിപ്പി​ക്കുക.”

ദൈവ​നാ​മം മഹത്ത്വ​പ്പെ​ടു​ത്തൽ

എന്നിരു​ന്നാ​ലും, പാവ്‌സ്‌കി ബൈബിൾപ​രി​ഭാ​ഷ​യി​ലുള്ള താത്‌പ​ര്യം പുനരു​ജ്ജീ​വി​പ്പി​ച്ചു. മറ്റൊരു പ്രധാ​ന​പ്പെട്ട സംഗതി​യു​ടെ, അതായത്‌ ദൈവ​നാ​മ​ത്തി​ന്റെ കാര്യ​ത്തി​ലും അദ്ദേഹം ഭാവി​പ​രി​ഭാ​ഷ​കർക്ക്‌ ഒരു പ്രധാന കീഴ്‌വ​ഴക്കം വെച്ചു.

റഷ്യൻ ഗവേഷ​ക​നായ കൊർസൂം​ഗ്‌സ്‌കി വിശദീ​ക​രി​ച്ചു: ‘നാമങ്ങ​ളി​ലേ​ക്കും വിശു​ദ്ധ​മായ ദൈവ​നാ​മ​ത്തിൽ നാല്‌ എബ്രായ അക്ഷരങ്ങ​ളാ​ണു​ള്ളത്‌, יהוה. അതി​പ്പോൾ യഹോവ എന്ന്‌ ഉച്ചരി​ക്ക​പ്പെ​ടു​ന്നു.’ ബൈബി​ളി​ന്റെ പുരാതന പ്രതി​ക​ളിൽ, ദൈവ​ത്തി​ന്റെ ആ വ്യതി​രി​ക്ത​നാ​മം എബ്രായ തിരു​വെ​ഴു​ത്തു​ക​ളിൽ മാത്രം ആയിര​ക്ക​ണ​ക്കി​നു​പ്രാ​വ​ശ്യം പ്രത്യ​ക്ഷ​പ്പെ​ടു​ന്നു. എന്നാൽ, എഴുതാ​നോ ഉച്ചരി​ക്കാ​നോ പാടി​ല്ലാ​ത്ത​വി​ധം അത്ര വിശു​ദ്ധ​മാണ്‌ ആ ദിവ്യ​നാ​മ​മെന്ന്‌ യഹൂദ​ന്മാർ തെറ്റായി വിശ്വ​സി​ക്കാ​നി​ട​യാ​യി. ഇതി​നെ​ക്കു​റിച്ച്‌ കൊർസൂം​ഗ്‌സ്‌കി പറയുന്നു: “സംസാ​ര​ത്തി​ലോ എഴുത്തി​ലോ അതിനു​പ​കരം സാധാ​ര​ണ​മാ​യി “കർത്താവ്‌” എന്നു പരിഭാ​ഷ​പ്പെ​ടു​ത്തുന്ന അദോ​നായ്‌ എന്ന്‌ ഉപയോ​ഗി​ക്ക​പ്പെട്ടു.”

വ്യക്തമാ​യും, ദിവ്യ​ഭ​യ​ത്താ​ലല്ല, മറിച്ച്‌ അന്ധവി​ശ്വാ​സ​പ​ര​മായ ഭയത്താ​ലാ​യി​രു​ന്നു ദിവ്യ​നാ​മ​ത്തി​ന്റെ ഉപയോ​ഗം നിർത്തി​യത്‌. ബൈബി​ളിൽ ഒരിട​ത്തും ദൈവ​നാ​മ​ത്തി​ന്റെ ഉപയോ​ഗത്തെ നിരു​ത്സാ​ഹ​പ്പെ​ടു​ത്തു​ന്നില്ല. ദൈവം​തന്നെ മോശ​യോ​ടു പറഞ്ഞു: ‘നീ യിസ്രാ​യേൽമ​ക്ക​ളോ​ടു ഇപ്രകാ​രം പറയേണം: നിങ്ങളു​ടെ പിതാ​ക്ക​ന്മാ​രു​ടെ ദൈവ​മായ യഹോവ എന്നെ നിങ്ങളു​ടെ അടുക്കൽ അയച്ചി​രി​ക്കു​ന്നു; ഇതു എന്നേക്കും എന്റെ നാമവും തലമുറ തലമു​റ​യാ​യി എന്റെ ജ്ഞാപക​വും ആകുന്നു.” (പുറപ്പാ​ടു 3:15) തിരു​വെ​ഴു​ത്തു​കൾ ആരാധ​ക​രോട്‌ ആവർത്തിച്ച്‌ ആഹ്വാനം ചെയ്യുന്നു: “യഹോ​വെക്കു സ്‌തോ​ത്രം ചെയ്‌വിൻ; അവന്റെ നാമത്തെ വിളി​ച്ച​പേ​ക്ഷി​പ്പിൻ.” (യെശയ്യാ​വു 12:4) എന്നിട്ടും, മിക്ക ബൈബിൾ പരിഭാ​ഷ​ക​രും യഹൂദ പാരമ്പ​ര്യം പിൻപ​റ്റാൻ തീരു​മാ​നി​ച്ചു​കൊണ്ട്‌ ദിവ്യ​നാ​മ​ത്തി​ന്റെ ഉപയോ​ഗം ഒഴിവാ​ക്കി.

എന്നിരു​ന്നാ​ലും, പാവ്‌സ്‌കി ഈ പാരമ്പ​ര്യ​ങ്ങൾ പിൻപ​റ്റി​യില്ല. അദ്ദേഹ​ത്തി​ന്റെ സങ്കീർത്തന പരിഭാ​ഷ​യിൽ മാത്രം 35-ലധികം പ്രാവ​ശ്യം യഹോവ എന്ന നാമം പ്രത്യ​ക്ഷ​പ്പെ​ടു​ന്നുണ്ട്‌. അദ്ദേഹ​ത്തി​ന്റെ ഈ ധൈര്യം സമകാ​ലി​ക​രിൽ ഒരാളിൽ കാര്യ​മായ സ്വാധീ​നം ചെലുത്തി.

ആർക്കി​മാൻഡ്രൈ മാകാ​ര്യോസ്‌

അസാമാ​ന്യ ഭാഷാ​വൈ​ദ​ഗ്‌ധ്യ​മു​ണ്ടാ​യി​രുന്ന ഒരു റഷ്യൻ ഓർത്ത​ഡോ​ക്‌സ്‌ മിഷന​റി​യാ​യി​രുന്ന ആർക്കി​മാൻഡ്രൈ മാകാ​ര്യോസ്‌ ആയിരു​ന്നു ആ സമകാ​ലീ​നൻ. 7 വയസ്സുള്ള ബാലനാ​യി​രി​ക്കു​മ്പോൾത്തന്നെ, അദ്ദേഹ​ത്തി​നു ചെറു റഷ്യൻ പാഠങ്ങൾ ലത്തീനി​ലേക്കു പരിഭാ​ഷ​പ്പെ​ടു​ത്താൻ കഴിഞ്ഞി​രു​ന്നു. 20 വയസ്സാ​യ​പ്പോ​ഴേ​ക്കും എബ്രായ, ജർമൻ, ഫ്രഞ്ച്‌ എന്നിവ​യും വശമായി. എന്നിരു​ന്നാ​ലും, താഴ്‌മ​യു​ള്ളൊ​രു മനോ​ഭാ​വ​വും ദൈവ​മു​മ്പാ​കെ തനിക്കുള്ള ഭാരിച്ച ഉത്തരവാ​ദി​ത്വ​ബോ​ധ​വും അമിതാ​ത്മ​വി​ശ്വാ​സ​ത്തി​ന്റെ കെണി ഒഴിവാ​ക്കാൻ അദ്ദേഹത്തെ സഹായി​ച്ചു. അദ്ദേഹം പലപ്രാ​വ​ശ്യം മറ്റു ഭാഷാ​വൈ​ജ്ഞാ​നി​ക​രു​ടെ​യും പണ്ഡിത​ന്മാ​രു​ടെ​യും ഉപദേശം തേടി.

മാകാ​ര്യോസ്‌ റഷ്യയി​ലെ മിഷനറി പ്രവർത്തനം പരിഷ്‌ക​രി​ക്കാൻ ആഗ്രഹി​ച്ചു. റഷ്യയിൽ മുസ്ലീ​മു​ക​ളു​ടെ​യും യഹൂദ​ന്മാ​രു​ടെ​യും അടുക്കൽ ക്രിസ്‌ത്യാ​നി​ത്വ​വു​മാ​യി ചെല്ലു​ന്ന​തി​നു​മു​മ്പാ​യി സഭ “സ്‌കൂ​ളു​കൾ സ്ഥാപി​ച്ചും റഷ്യൻ ഭാഷയിൽ ബൈബി​ളു​കൾ വിതര​ണം​ചെ​യ്‌തും ആളുകളെ പ്രബു​ദ്ധരാ”ക്കേണ്ടതു​ണ്ടെന്ന്‌ അദ്ദേഹ​ത്തി​നു തോന്നി. 1839 മാർച്ചിൽ, എബ്രായ തിരു​വെ​ഴു​ത്തു​കൾ റഷ്യനി​ലേക്കു പരിഭാ​ഷ​പ്പെ​ടു​ത്താൻ അനുമതി ലഭിക്കു​മെന്ന പ്രതീ​ക്ഷ​യിൽ മാകാ​ര്യോസ്‌ സെൻറ്‌ പീറ്റേ​ഴ്‌സ്‌ബർഗിൽ എത്തി.

യെശയ്യാവ്‌, ഇയ്യോബ്‌ എന്നീ ബൈബിൾ പുസ്‌ത​കങ്ങൾ മാകാ​ര്യോസ്‌ നേര​ത്തേ​തന്നെ പരിഭാ​ഷ​പ്പെ​ടു​ത്തി​യി​രു​ന്നു. എന്നിരു​ന്നാ​ലും, എബ്രായ തിരു​വെ​ഴു​ത്തു​കൾ റഷ്യനി​ലേക്കു പരിഭാ​ഷ​പ്പെ​ടു​ത്തു​ന്ന​തി​നു സുന്നഹ​ദോസ്‌ അദ്ദേഹ​ത്തിന്‌ അനുമതി നൽകി​യില്ല. വാസ്‌ത​വ​ത്തിൽ, എബ്രായ തിരു​വെ​ഴു​ത്തു​കൾ റഷ്യനി​ലേക്കു പരിഭാ​ഷ​പ്പെ​ടു​ത്തുന്ന കാര്യം​തന്നെ മറന്നേ​ക്കാൻ മാകാ​ര്യോ​സി​നോ​ടു പറഞ്ഞു. 1841 ഏപ്രിൽ 11-ന്‌ സുന്നഹ​ദോസ്‌ ഒരു ഉത്തരവ്‌ പുറ​പ്പെ​ടു​വി​ച്ചു. അത്‌ മാകാ​ര്യോ​സി​നോട്‌ “റ്റൊം​സ്‌കി​ലുള്ള ഒരു ബിഷപ്പി​ന്റെ വസതി​യിൽ 3-6 ആഴ്‌ചത്തെ പ്രായ​ശ്ചി​ത്താ​നു​ഷ്‌ഠാ​നം നടത്തി മുട്ടി​ന്മേൽനിന്ന്‌ പ്രാർഥിച്ച്‌ മനസ്സാക്ഷി ശുദ്ധീ​ക​രി​ക്കാൻ” ആവശ്യ​പ്പെട്ടു.

മാകാ​ര്യോ​സി​ന്റെ ധീരമായ നിലപാട്‌

1841 ഡിസംബർ മുതൽ 1842 ജനുവരി വരെ, മാകാ​ര്യോസ്‌ തന്റെ പ്രായ​ശ്ചി​ത്താ​നു​ഷ്‌ഠാ​നം നിവർത്തി​ച്ചു. എന്നാൽ അതു തീർന്ന​യു​ടൻ അദ്ദേഹം എബ്രായ തിരു​വെ​ഴു​ത്തു​ക​ളു​ടെ ശേഷിച്ച ഭാഗത്തി​ന്റെ പരിഭാഷ ആരംഭി​ച്ചു. അദ്ദേഹം പാവ്‌സ്‌കി പരിഭാ​ഷ​പ്പെ​ടു​ത്തിയ എബ്രായ തിരു​വെ​ഴു​ത്തു​ക​ളു​ടെ ഒരു പ്രതി സംഘടി​പ്പിച്ച്‌ അതുപ​യോ​ഗിച്ച്‌ സ്വന്തം പരിഭാഷ പരി​ശോ​ധി​ച്ചു. പാവ്‌സ്‌കി​യെ​പ്പോ​ലെ അദ്ദേഹ​വും ദിവ്യ​നാ​മം മറച്ചു​പി​ടി​ച്ചില്ല. വാസ്‌ത​വ​ത്തിൽ, മാകാ​ര്യോ​സ്‌പ​രി​ഭാ​ഷ​യിൽ യഹോവ എന്ന നാമം 3,500-ലധികം പ്രാവ​ശ്യം പ്രത്യ​ക്ഷ​പ്പെ​ടു​ന്നു!

മാകാ​ര്യോസ്‌ തന്റെ അനുഭാ​വി​ക​ളായ സുഹൃ​ത്തു​ക്കൾക്ക്‌ പരിഭാ​ഷ​യു​ടെ പ്രതികൾ അയച്ചു​കൊ​ടു​ത്തു. ഏതാനും കയ്യെഴു​ത്തു​പ്ര​തി​കൾ വിതര​ണം​ചെ​യ്യ​പ്പെ​ട്ടെ​ങ്കി​ലും, അദ്ദേഹ​ത്തി​ന്റെ പരിഭാഷ പ്രസി​ദ്ധീ​ക​രി​ക്കു​ന്ന​തി​നോ​ടുള്ള സഭയുടെ എതിർപ്പ്‌ തുടരു​ക​യാ​യി​രു​ന്നു. തന്റെ ബൈബിൾ വിദേ​ശത്തു പ്രചരി​പ്പി​ക്കാൻ മാകാ​ര്യോസ്‌ പരിപാ​ടി​യി​ട്ടു. എന്നാൽ യാത്ര​യു​ടെ തലേരാ​ത്രി അദ്ദേഹ​ത്തിന്‌ അസുഖം പിടി​പെട്ടു. പിന്നെ അധികം താമസി​യാ​തെ, 1847-ൽ അദ്ദേഹം മരണമ​ടഞ്ഞു. അദ്ദേഹ​ത്തി​ന്റെ ബൈബിൾപ​രി​ഭാഷ ഒരിക്ക​ലും അദ്ദേഹ​ത്തി​ന്റെ ആയുഷ്‌കാ​ലത്ത്‌ പ്രസി​ദ്ധീ​ക​രി​ക്ക​പ്പെ​ട്ടില്ല.

ഒടുവിൽ പ്രസി​ദ്ധീ​ക​രി​ക്ക​പ്പെ​ടു​ന്നു!

ഒടുവിൽ രാഷ്‌ട്രീ​യ​വും മതപര​വു​മായ കാലാ​വ​സ്ഥ​യ്‌ക്കു മാറ്റം​വന്നു. രാജ്യ​ത്തു​ട​നീ​ളം പുതിയ ഉദാര​വ​ത്‌ക​രണം നിലവിൽവന്നു. 1856-ൽ സുന്നഹ​ദോസ്‌ ബൈബിൾ റഷ്യൻ ഭാഷയി​ലേക്കു പരിഭാ​ഷ​പ്പെ​ടു​ത്തു​ന്ന​തി​നു വീണ്ടും അനുമതി നൽകി. ഈ അനുകൂല പരിസ്ഥി​തി​യിൽ, ഓർത്ത​ഡോ​ക്‌സ്‌ റിവ്യൂ​യിൽ റഷ്യൻ ഭാഷയി​ലേ​ക്കുള്ള ഒരു പരിഭാ​ഷാ​പ​രീ​ക്ഷണം എന്ന ശീർഷ​ക​ത്തിൻകീ​ഴിൽ മാകാ​ര്യോസ്‌ ബൈബിൾ 1860-1867 കാലഘ​ട്ട​ത്തിൽ ഭാഗം​ഭാ​ഗ​മാ​യി പ്രസി​ദ്ധീ​ക​രി​ച്ചു.

മാകാ​ര്യോസ്‌ ബൈബി​ളി​നെ റഷ്യൻ മതസാ​ഹി​ത്യ പണ്ഡിത​നായ ചെർനി​ഗോ​വി​ലെ ആർച്ച്‌ബി​ഷപ്പ്‌ ഫിലാരെ വിലയി​രു​ത്തി​യത്‌ ഇങ്ങനെ​യാ​യി​രു​ന്നു: “എബ്രായ പാഠത്തി​ന്റെ ഒരു വിശ്വസ്‌ത പരിഭാ​ഷ​യാണ്‌ അദ്ദേഹ​ത്തി​ന്റേത്‌, തർജമ​യു​ടെ ഭാഷ ശുദ്ധവും വിഷയ​ത്തി​നു ചേർന്ന​തു​മാണ്‌.”

എന്നിരു​ന്നാ​ലും, മാകാ​ര്യോസ്‌ ബൈബിൾ ഒരിക്ക​ലും പൊതു​ജ​ന​ത്തി​നു പ്രകാ​ശനം ചെയ്യ​പ്പെ​ട്ടില്ല. ക്രമേണ, അത്‌ അപ്പാടെ വിസ്‌മ​രി​ക്ക​പ്പെട്ടു. അവസാനം 1876-ൽ സുന്നഹ​ദോ​സി​ന്റെ അനുമ​തി​യോ​ടെ എബ്രായ-ഗ്രീക്കു തിരു​വെ​ഴു​ത്തു​കൾ ഉൾപ്പെട്ട മുഴു​ബൈ​ബി​ളും റഷ്യനി​ലേക്കു പരിഭാ​ഷ​പ്പെ​ടു​ത്ത​പ്പെട്ടു. സുന്നഹ​ദോ​സ്‌പ​രി​ഭാഷ എന്നാണ്‌ ഈ സമ്പൂർണ ബൈബി​ളി​നെ വിളി​ക്കു​ന്നത്‌. വൈരു​ദ്ധ്യ​മെന്നു പറയട്ടെ, റഷ്യൻ ഓർത്ത​ഡോ​ക്‌സ്‌ സഭയുടെ “ഔദ്യോ​ഗിക” പരിഭാ​ഷ​യ്‌ക്കുള്ള മുഖ്യ അടിസ്ഥാ​ന​മാ​യി ഉപയോ​ഗി​ക്ക​പ്പെ​ട്ടത്‌ മാകാ​ര്യോ​സി​ന്റെ​യും പാവ്‌സ്‌കി​യു​ടെ​യും പരിഭാ​ഷ​യാ​യി​രു​ന്നു. എന്നാൽ എബ്രായ ഭാഷയിൽ ദിവ്യ​നാ​മം പ്രത്യ​ക്ഷ​പ്പെ​ടു​ന്നി​ട​ത്തെ​ല്ലാം വളരെ വിരള​മാ​യേ ദിവ്യ​നാ​മം ഉപയോ​ഗി​ച്ചു​ള്ളൂ.

മാകാ​ര്യോസ്‌ ബൈബിൾ ഇന്ന്‌

മാകാ​ര്യോസ്‌ ബൈബിൾ 1993 വരെ അജ്ഞാത​മാ​യി​രു​ന്നു. ആമുഖ​ത്തിൽ പറഞ്ഞതു​പോ​ലെ, ആ സമയത്ത്‌ റഷ്യൻ നാഷണൽ ലൈ​ബ്ര​റി​യു​ടെ അപൂർവ-പുസ്‌തക വിഭാ​ഗ​ത്തിൽ അതിന്റെ ഒരു പ്രതി പഴയ ഓർത്ത​ഡോ​ക്‌സ്‌ റിവ്യൂ മാസി​ക​ക​ളിൽ കണ്ടെത്തി. ഈ ബൈബിൾ പൊതു​ജ​ന​ങ്ങൾക്കു ലഭ്യമാ​ക്കു​ന്ന​തി​ന്റെ മൂല്യം യഹോ​വ​യു​ടെ സാക്ഷികൾ തിരി​ച്ച​റി​ഞ്ഞു. മാകാ​ര്യോസ്‌ ബൈബിൾ പ്രസി​ദ്ധീ​ക​രി​ക്കു​ന്ന​തി​നുള്ള തയ്യാ​റെ​ടു​പ്പി​നു​വേണ്ടി അതി​ന്റെ​യൊ​രു പ്രതി​യു​ണ്ടാ​ക്കാൻ ലൈ​ബ്രറി റഷ്യയി​ലെ യഹോ​വ​യു​ടെ സാക്ഷി​ക​ളെന്ന മതസം​ഘ​ട​ന​യ്‌ക്ക്‌ അനുമതി നൽകി.

റഷ്യയി​ലു​ട​നീ​ള​വും റഷ്യൻ ഭാഷ സംസാ​രി​ക്കു​ന്നി​ട​ങ്ങ​ളി​ലും വിതരണം ചെയ്യു​ന്ന​തി​നു​വേണ്ടി ഇറ്റലി​യിൽ യഹോ​വ​യു​ടെ സാക്ഷികൾ ഈ ബൈബി​ളി​ന്റെ ഏതാണ്ട്‌ 3,00,000 പ്രതികൾ അച്ചടി​ക്കാൻവേണ്ട ഏർപ്പാ​ടു​കൾ ചെയ്‌തു. മിക്ക എബ്രായ തിരു​വെ​ഴു​ത്തു​ക​ളു​മ​ട​ങ്ങുന്ന മാകാ​ര്യോസ്‌ പരിഭാ​ഷ​യ്‌ക്കു​പു​റമേ ഈ ബൈബിൾപ​തി​പ്പിൽ പാവ്‌സ്‌കി​യു​ടെ സങ്കീർത്തന പരിഭാ​ഷ​യും ഓർത്ത​ഡോ​ക്‌സ്‌ സഭയുടെ അധികൃത സുന്നഹ​ദോസ്‌ ഗ്രീക്കു തിരു​വെ​ഴുത്ത്‌ പരിഭാ​ഷ​യും ഉൾക്കൊ​ള്ളു​ന്നുണ്ട്‌.

ഈ വർഷം ജനുവ​രി​യിൽ, റഷ്യയി​ലെ സെൻറ്‌ പീറ്റേ​ഴ്‌സ്‌ബർഗിൽവെച്ചു നടന്ന ഒരു പത്രസ​മ്മേ​ള​ന​ത്തിൽവെച്ച്‌ അതു പ്രകാ​ശനം ചെയ്‌തു. (26-ാം പേജ്‌ കാണുക.) റഷ്യൻ വായന​ക്കാർ ഈ പുതിയ ബൈബി​ളി​നാൽ തീർച്ച​യാ​യും പ്രബു​ദ്ധ​രാ​ക്ക​പ്പെ​ടു​ക​യും കെട്ടു​പ​ണി​ചെ​യ്യ​പ്പെ​ടു​ക​യും ചെയ്യും.

അങ്ങനെ ഈ ബൈബി​ളി​ന്റെ പ്രസി​ദ്ധീ​ക​രണം മതപര​വും സാഹി​ത്യ​പ​ര​വു​മായ ഒരു വിജയ​മാണ്‌! കൂടാതെ അത്‌ യെശയ്യാ​വു 40:8-ലെ വാക്കു​ക​ളു​ടെ സത്യതയെ അനുസ്‌മ​രി​പ്പിച്ച്‌ വിശ്വാ​സത്തെ ബലിഷ്‌ഠ​മാ​ക്കുന്ന ഒന്നാണ്‌: “പുല്ലു​ണ​ങ്ങു​ന്നു, പൂ വാടുന്നു; നമ്മുടെ ദൈവ​ത്തി​ന്റെ വചനമോ എന്നേക്കും നിലനി​ല്‌ക്കും.”

[23-ാം പേജിലെ ചിത്രം]

മറഞ്ഞിരുന്ന നിധി കണ്ടെത്തിയ റഷ്യൻ നാഷണൽ ലൈ​ബ്ര​റി

[26-ാം പേജിലെ ചതുരം/ചിത്രം]

ബൈബിളിനു നിരൂ​പ​ക​രു​ടെ പ്രശംസ

“സാഹി​ത്യ​ത്തിൽ മറ്റൊരു അതിവി​ശി​ഷ്ട​ഗ്രന്ഥം പ്രകാ​ശനം ചെയ്യ​പ്പെ​ട്ടി​രി​ക്കു​ന്നു: മാകാ​ര്യോസ്‌ ബൈബിൾ.” ആ മുഖവു​ര​യോ​ടെ​യാ​യി​രു​ന്നു കോം​സോ​മോൽസ്‌കയ പ്രാവ്‌ദ പത്രം മാകാ​ര്യോസ്‌ ബൈബി​ളി​ന്റെ പ്രകാ​ശനം അറിയി​ച്ചത്‌.

റഷ്യൻ ഭാഷയിൽ ബൈബിൾ ആദ്യമാ​യി പ്രത്യ​ക്ഷ​പ്പെ​ട്ടിട്ട്‌ ഏതാണ്ട്‌ “120 വർഷമേ” ആയിട്ടു​ള്ളൂ എന്നു പറഞ്ഞിട്ട്‌, പ്രസ്‌തുത പത്രം വിലപി​ച്ചു: “എളുപ്പം വായി​ച്ചു​മ​ന​സ്സി​ലാ​ക്കാ​വുന്ന ഒരു ഭാഷയി​ലേക്കു വിശുദ്ധ ഗ്രന്ഥങ്ങൾ പരിഭാ​ഷ​പ്പെ​ടു​ത്തു​ന്ന​തി​നോട്‌ സഭയ്‌ക്ക്‌ അനേക വർഷങ്ങ​ളാ​യി എതിർപ്പാ​യി​രു​ന്നു. പല പരിഭാ​ഷ​ക​ളും തള്ളിക്കളഞ്ഞ സഭ അവസാനം 1876-ൽ ഒരെണ്ണ​ത്തിന്‌ അംഗീ​കാ​രം നൽകി, അതാണ്‌ സുന്നഹ​ദോസ്‌ പരിഭാ​ഷ​യെന്ന്‌ അറിയ​പ്പെ​ടാ​നി​ട​യാ​യത്‌. എന്നിരു​ന്നാ​ലും, അതു പള്ളിക​ളിൽ ഉപയോ​ഗി​ച്ചി​രു​ന്നില്ല. അവിടെ ഇപ്പോ​ഴും സ്ലാവോ​നിക്‌ ബൈബി​ളി​നു​മാ​ത്രമേ അംഗീ​കാ​ര​മു​ള്ളൂ.”

മാകാ​ര്യോസ്‌ ബൈബിൾ പ്രസി​ദ്ധീ​ക​രി​ച്ച​തി​ന്റെ മൂല്യ​ത്തെ​ക്കു​റിച്ച്‌ സെൻറ്‌ പീറ്റേ​ഴ്‌സ്‌ബർഗ്‌ എക്കോ പത്രവും സൂചി​പ്പി​ക്കു​ക​യു​ണ്ടാ​യി. അതിങ്ങനെ അഭി​പ്രാ​യ​പ്പെട്ടു: “സെൻറ്‌ പീറ്റേ​ഴ്‌സ്‌ബർഗ്‌ സ്റ്റേറ്റ്‌ യൂണി​വേ​ഴ്‌സി​റ്റി, ഹെർറ്റ്‌സൻ പെഡ​ഗോ​ജി​ക്കൽ യൂണി​വേ​ഴ്‌സി​റ്റി, സ്റ്റേറ്റ്‌ മ്യൂസി​യം ഓഫ്‌ റിലി​ജി​യസ്‌ ഹിസ്റ്ററി എന്നിവി​ട​ങ്ങ​ളിൽനി​ന്നുള്ള പ്രാമാ​ണി​ക​രായ പണ്ഡിത​ന്മാർ ബൈബി​ളി​ന്റെ ഈ പുതിയ പതിപ്പിന്‌ ഉയർന്ന മാർക്ക്‌ കൊടു​ത്തി​രി​ക്കു​ന്നു.” കഴിഞ്ഞ നൂറ്റാ​ണ്ടി​ന്റെ ആരംഭ​ത്തിൽ മാകാ​ര്യോ​സും പാവ്‌സ്‌കി​യും റഷ്യനി​ലേക്കു ബൈബിൾ പരിഭാ​ഷ​പ്പെ​ടു​ത്തി​യ​തി​നെ സൂചി​പ്പി​ച്ചു​കൊണ്ട്‌, പത്രം പ്രസ്‌താ​വി​ച്ചു: “അന്നുവരെ, റഷ്യയിൽ പുരോ​ഹി​ത​ന്മാർക്കു മാത്രം മനസ്സി​ലാ​കുന്ന സ്ലാവോ​നി​ക്കിൽ മാത്രമേ ബൈബിൾ ലഭ്യമാ​യി​രു​ന്നു​ള്ളൂ.”

ഈ വർഷത്തി​ന്റെ ആരംഭ​ത്തിൽ സെൻറ്‌ പീറ്റേ​ഴ്‌സ്‌ബർഗി​ലെ ഒരു പത്രസ​മ്മേ​ള​ന​ത്തിൽ, യഹോ​വ​യു​ടെ സാക്ഷികൾ പുറത്തി​റ​ക്കുന്ന മാകാ​ര്യോസ്‌ ബൈബി​ളി​ന്റെ പ്രകാ​ശ​ന​ത്തെ​ക്കു​റി​ച്ചു റിപ്പോർട്ടു ചെയ്യ​പ്പെട്ടു. ന്യെഫ്‌സ​കൊ​യാ വ്രെമ്യ എന്ന പ്രാ​ദേ​ശിക പത്രം അഭി​പ്രാ​യ​പ്പെട്ടു: “പ്രസ്‌തുത പതിപ്പ്‌ റഷ്യയി​ലെ​യും സെൻറ്‌ പീറ്റേ​ഴ്‌സ്‌ബർഗി​ലെ​യും സാംസ്‌കാ​രിക ജീവി​ത​ത്തിൽ വളരെ​യേറെ പ്രാധാ​ന്യ​മു​ള്ള​താ​യി വീക്ഷി​ക്ക​പ്പെ​ടണം . . . എന്ന്‌ പ്രാമാ​ണി​ക​രായ പണ്ഡിത​ന്മാർ ഊന്നി​പ്പ​റഞ്ഞു. ഈ മതക്കാ​രു​ടെ പ്രവർത്ത​ന​ത്തെ​ക്കു​റിച്ച്‌ ആരെന്തു വിചാ​രി​ച്ചാ​ലും ശരി, ഇന്നോളം അജ്ഞാത​മാ​യി​രുന്ന ഈ ബൈബിൾപ​രി​ഭാഷ നിസ്സം​ശ​യ​മാ​യും വളരെ പ്രയോ​ജ​ന​പ്ര​ദ​മാണ്‌.”

തീർച്ച​യാ​യും, ദൈവ​ത്തി​ന്റെ ലിഖി​ത​വ​ചനം സാധാ​ര​ണ​ക്കാർക്കു വായി​ക്കാ​നും മനസ്സി​ലാ​ക്കാ​നും സാധി​ക്കുന്ന ഒരു ഭാഷയിൽ ലഭ്യമാ​ക്ക​പ്പെ​ടു​മ്പോൾ അവനെ സ്‌നേ​ഹി​ക്കുന്ന എല്ലാവ​രും ആഹ്ലാദി​ക്കു​ന്നു. റഷ്യൻ ഭാഷ സംസാ​രി​ക്കുന്ന ലോക​മെ​മ്പാ​ടു​മുള്ള ദശലക്ഷ​ക്ക​ണ​ക്കിന്‌ ആളുകൾക്ക്‌ മറ്റൊരു ബൈബിൾ പരിഭാഷ ലഭ്യമാ​ക്കി​യി​രി​ക്കു​ന്ന​തിൽ എല്ലായി​ട​ത്തു​മുള്ള ബൈബിൾസ്‌നേ​ഹി​കൾ ആഹ്ലാദി​ക്കു​ന്നു.

[ചിത്രം]

ഈ പത്രസ​മ്മേ​ള​ന​ത്തിൽ മാകാ​ര്യോസ്‌ ബൈബി​ളി​ന്റെ പ്രകാ​ശനം അറിയി​ക്ക​പ്പെ​ട്ടു

[23-ാം പേജിലെ ചിത്രം]

മഹാനായ പീറ്റർ റഷ്യയിൽ ബൈബിൾ പ്രസി​ദ്ധീ​ക​രി​ക്കാൻ ശ്രമിച്ചു

[കടപ്പാട]

Corbis-Bettmann

[24-ാം പേജിലെ ചിത്രം]

ബൈബിൾ റഷ്യനി​ലേക്കു പരിഭാ​ഷ​പ്പെ​ടു​ത്തു​ന്ന​തി​നു സംഭാ​വ​ന​ചെയ്‌ത ഗിരാസി പാവ്‌സ്‌കി

[25-ാം പേജിലെ ചിത്രം]

ആർക്കിമാൻഡ്രൈ മാകാ​ര്യോസ്‌—ഇദ്ദേഹ​ത്തി​ന്റെ പേരി​ലാണ്‌ പുതിയ റഷ്യൻ ബൈബിൾ