ബെഥേൽ നന്മയു​ടെ​യും തിന്മയു​ടെ​യും ഒരു നഗരം

അരങ്ങേ​റുന്ന സംഭവ​ങ്ങ​ളു​ടെ സ്വഭാവം അനുസ​രിച്ച്‌ ചില നഗരങ്ങൾ പ്രസി​ദ്ധ​മാ​യി​ത്തീ​രു​ന്നു, അല്ലെങ്കിൽ കുപ്ര​സി​ദ്ധ​മാ​യി​ത്തീ​രു​ന്നു. എന്നാൽ ബെഥേ​ലി​ന്റെ കാര്യം തികച്ചും വ്യത്യ​സ്‌ത​മാണ്‌, അതു നന്മയ്‌ക്കും തിന്മയ്‌ക്കും പേരു​കേ​ട്ട​താ​യി​ത്തീർന്നു. ഗോ​ത്ര​പി​താവ്‌ ആയ യാക്കോബ്‌ ആണ്‌ ആ നഗരത്തിന്‌ “ദൈവ​ത്തി​ന്റെ ഭവനം” എന്ന്‌ അർഥമുള്ള ബെഥേൽ എന്നു പേരി​ട്ടത്‌. എന്നാൽ ആയിര​ക്ക​ണ​ക്കി​നു വർഷങ്ങൾക്കു​ശേഷം, ഹോശേയ പ്രവാ​ചകൻ ആ നഗരത്തെ “ദോഷ​ങ്ങ​ളു​ടെ ഭവനം” എന്നു വിളിച്ചു. ഈ നഗരം നന്മയിൽനി​ന്നു തിന്മയി​ലേക്കു മാറി​യ​തെ​ങ്ങനെ? അതിന്റെ ചരി​ത്ര​ത്തിൽനി​ന്നു നമുക്ക്‌ എന്തു പഠിക്കാൻ കഴിയും?

ബെഥേ​ലു​മാ​യു​ള്ള ദൈവ​ജ​ന​ത്തി​ന്റെ ബന്ധം തുടങ്ങു​ന്നത്‌ പൊ.യു.മു. 1943-ലാണ്‌. അത്‌ അബ്രാ​ഹാം ജീവി​ച്ചി​രുന്ന സമയമാ​യി​രു​ന്നു. അന്ന്‌, ആ നഗരം അറിയ​പ്പെ​ട്ടി​രു​ന്നത്‌ അതിന്റെ ആദ്യ കനാന്യ നാമത്തി​ലാ​യി​രു​ന്നു—ലൂസ്‌. അതു സ്ഥിതി ചെയ്‌തി​രു​ന്നത്‌ യെരൂ​ശ​ലേ​മിന്‌ ഏതാണ്ട്‌ 17 കിലോ​മീ​റ്റർ വടക്കായി ഒരു മലമ്പ്ര​ദേ​ശത്ത്‌ ആയിരു​ന്നു. ബെഥേൽ പരിസ​ര​ത്തുള്ള മലമു​ക​ളിൽ അനു​യോ​ജ്യ​മായ ഒരു വീക്ഷണ​സ്ഥാ​ന​ത്തു​നി​ന്നു​കൊണ്ട്‌ അബ്രാ​ഹാ​മും അവന്റെ മച്ചുന​നായ ലോത്തും യോർദാൻ താഴ്‌വ​ര​യു​ടെ ഫലഭൂ​യി​ഷ്‌ഠ​മായ തെക്കു ഭാഗ​ത്തേക്കു നോക്കു​ന്ന​താ​യി സങ്കൽപ്പി​ക്കുക. നയപൂർവം, അബ്രാ​ഹാം ലോത്തി​ന്റെ ശ്രദ്ധ ഒരു പ്രത്യേക സംഗതി​യി​ലേക്ക്‌, തങ്ങളുടെ വലിയ ആട്ടിൻകൂ​ട്ട​ത്തിന്‌ മേച്ചിൽസ്ഥ​ലങ്ങൾ വിഭജി​ക്കുന്ന പ്രയാ​സ​ക​ര​മായ സംഗതി​യി​ലേക്ക്‌, തിരി​ക്കു​ന്നു: “എനിക്കും നിനക്കും എന്റെ ഇടയന്മാർക്കും നിന്റെ ഇടയന്മാർക്കും തമ്മിൽ പിണക്കം ഉണ്ടാക​രു​തേ; നാം സഹോ​ദ​ര​ന്മാ​ര​ല്ലോ. ദേശ​മെ​ല്ലാം നിന്റെ മുമ്പാകെ ഇല്ലയോ? എന്നെ വിട്ടു​പി​രി​ഞ്ഞാ​ലും. നീ ഇടത്തോ​ട്ടെ​ങ്കിൽ ഞാൻ വലത്തോ​ട്ടു പൊയ്‌ക്കൊ​ള്ളാം; നീ വലത്തോ​ട്ടെ​ങ്കിൽ ഞാൻ ഇടത്തോ​ട്ടു പൊയ്‌ക്കൊ​ള്ളാം.”—ഉല്‌പത്തി 13:3-11.

ആദ്യം തിര​ഞ്ഞെ​ടു​ക്കാ​നുള്ള അവകാ​ശ​ത്തി​നാ​യി അബ്രാ​ഹാം ശാഠ്യം പിടി​ച്ചില്ല. മറിച്ച്‌, നല്ല പ്രദേശം എടുക്കാൻ തന്നെക്കാൾ പ്രായം​കു​റഞ്ഞ ലോത്തി​നെ അനുവ​ദി​ക്കു​ക​യാ​ണു ചെയ്‌തത്‌. അബ്രാ​ഹാ​മി​ന്റെ ആ നല്ല മനോ​ഭാ​വത്തെ നമുക്ക്‌ അനുക​രി​ക്കാൻ കഴിയും. ശാന്തമാ​യി സംസാ​രി​ക്കു​ന്ന​തി​ലും നിസ്വാർഥ​മാ​യി പ്രവർത്തി​ക്കു​ന്ന​തി​ലും മുൻകൈ എടുത്തു​കൊണ്ട്‌ തർക്കസം​ഗ​തി​കളെ നിർവീ​ര്യ​മാ​ക്കാൻ നമുക്കു സാധി​ക്കും.—റോമർ 12:18.

വർഷങ്ങൾക്കു​ശേ​ഷം അബ്രാ​ഹാ​മി​ന്റെ കൊച്ചു​മ​ക​നായ യാക്കോബ്‌ ലൂസിൽ തമ്പടി​ച്ച​പ്പോൾ അവന്‌ ഒരു അസാധാ​രണ സ്വപ്‌നം ഉണ്ടായി. “ഭൂമി​യിൽ വെച്ചി​രി​ക്കുന്ന ഒരു കോവണി” അവൻ കണ്ടു. “അതിന്റെ തല സ്വർഗ്ഗ​ത്തോ​ളം എത്തിയി​രു​ന്നു; ദൈവ​ത്തി​ന്റെ ദൂതന്മാർ അതി​ന്മേൽകൂ​ടി കയറു​ക​യും ഇറങ്ങു​ക​യു​മാ​യി​രു​ന്നു. അതിന്മീ​തെ യഹോവ നിന്നി”രുന്നു. (ഉല്‌പത്തി 28:11-19; യോഹ​ന്നാൻ 1:51 താരത​മ്യം ചെയ്യുക.) ആ സ്വപ്‌ന​ത്തിന്‌ ആഴമായ അർഥമു​ണ്ടാ​യി​രു​ന്നു. തന്റെ സന്തതിയെ കുറിച്ചു ദൈവം യാക്കോ​ബി​നോ​ടു നടത്തി​യി​രി​ക്കുന്ന വാഗ്‌ദാ​നം നിവർത്തി​ക്കു​ന്ന​തിൽ, പ്രസ്‌തുത സ്വപ്‌ന​ത്തി​ലെ ദൂതന്മാർ അവനു ശുശ്രൂഷ ചെയ്യു​മാ​യി​രു​ന്നു. കോവ​ണി​ക്കു മീതെ​യുള്ള യഹോ​വ​യു​ടെ ഉയർന്ന സ്ഥാനം അവൻ ഈ വേലയിൽ ദൂതന്മാ​രെ നയിക്കു​മെന്നു പ്രകട​മാ​ക്കി.

ദിവ്യ പിന്തു​ണ​യു​ടെ ഈ ഉറപ്പ്‌ യാക്കോ​ബി​നെ ആഴത്തിൽ സ്‌പർശി​ച്ചു. സ്വപ്‌ന​ത്തിൽനിന്ന്‌ ഉണർന്ന്‌ അവൻ ആ സ്ഥലത്തെ “ദൈവ​ത്തി​ന്റെ ഭവനം” എന്ന്‌ അർഥമുള്ള ബെഥേൽ എന്നു വിളിച്ചു. എന്നിട്ട്‌ അവൻ യഹോ​വ​യ്‌ക്ക്‌ ഇങ്ങനെ​യൊ​രു നേർച്ച നേർന്നു: “നീ എനിക്കു തരുന്ന സകലത്തി​ലും ഞാൻ നിനക്കു ദശാംശം തരും.”a (ഉല്‌പത്തി 28:20-22) തനിക്കു​ള്ള​തെ​ല്ലാം ദൈവ​ത്തിൽനി​ന്നു ലഭിച്ച​താ​ണെന്ന്‌ അംഗീ​ക​രി​ച്ചു​കൊണ്ട്‌, നന്ദിസൂ​ച​ക​മാ​യി ഉദാര​മാ​യൊ​രു ഭാഗം തിരി​ച്ചു​നൽകാൻ അവൻ ആഗ്രഹി​ച്ചു.

ഇന്നു ക്രിസ്‌ത്യാ​നി​കൾക്കു വേണ്ടി​യും ദൂതന്മാർ ശുശ്രൂഷ ചെയ്യു​ന്നുണ്ട്‌. (സങ്കീർത്തനം 91:11; എബ്രായർ 1:14) “ദൈവ​ത്തി​ന്നു അനവധി സ്‌തോ​ത്രം വരു”ത്തിക്കൊണ്ട്‌ തങ്ങൾക്കു ലഭിക്കുന്ന എല്ലാ അനു​ഗ്ര​ഹ​ങ്ങൾക്കു​മുള്ള വിലമ​തിപ്പ്‌ അവർക്കും പ്രകടി​പ്പി​ക്കാ​വു​ന്ന​താണ്‌.—2 കൊരി​ന്ത്യർ 9:11, 12.

കാല​ക്ര​മേണ, യാക്കോ​ബി​ന്റെ പിൻഗാ​മി​കൾ ഒരു ജനത ആയിത്തീർന്നു. അവരുടെ നേതാ​വായ യോശുവ കനാൻ കീഴട​ക്കിയ ആദ്യ ഘട്ടത്തിൽത്തന്നെ ബെഥേ​ലി​ലെ പുറജാ​തീയ രാജാ​വി​നെ​യും കീഴടക്കി. (യോശുവ 12:16) ന്യായാ​ധി​പ​ന്മാ​രു​ടെ കാലത്ത്‌, പ്രവാ​ച​കി​യാ​യി​രുന്ന ദെബോറ ബെഥേ​ലി​ന​ടുത്ത്‌ പാർത്തി​രു​ന്നു, അവൾ ആളുക​ളോ​ടു യഹോ​വ​യു​ടെ വചനം പറയു​മാ​യി​രു​ന്നു. ഇസ്രാ​യേൽ ജനതയ്‌ക്കു ന്യായ​പാ​ലനം നടത്തി​യി​രുന്ന സമയത്ത്‌ ശമൂ​വേ​ലും ബെഥേൽ പതിവാ​യി സന്ദർശി​ച്ചി​രു​ന്നു.—ന്യായാ​ധി​പ​ന്മാർ 4:4, 5; 1 ശമൂവേൽ 7:15, 16.

ബെഥേൽ വിശ്വാ​സ​ത്യാ​ഗ​ത്തി​ന്റെ കേന്ദ്ര​മാ​യി​ത്തീ​രു​ന്നു

എന്നാൽ പൊ.യു.മു. 997-ലെ രാജ്യ വിഭജ​ന​ത്തി​നു​ശേഷം ബെഥേ​ലിൽനി​ന്നു സത്യാ​രാ​ധന അപ്രത്യ​ക്ഷ​മാ​യി. യൊ​രോ​ബെ​യാം രാജാവ്‌ കാളക്കു​ട്ടി​ക്കു യഹോ​വ​യു​ടെ സ്ഥാനം നൽകി ബെഥേ​ലി​നെ കാളക്കു​ട്ടി ആരാധ​ന​യു​ടെ കേന്ദ്ര​മാ​ക്കി. (1 രാജാ​ക്ക​ന്മാർ 12:25-29) അതു​കൊ​ണ്ടാണ്‌ ബെഥേ​ലി​ന്റെ നാശത്തെ കുറിച്ചു പ്രവചി​ക്കവേ, ഹോശേയ അതിനെ “ദോഷ​ങ്ങ​ളു​ടെ ഭവനം” എന്ന്‌ അർഥമുള്ള “ബത്ത്‌-ആവെൻ” എന്നു പരാമർശി​ച്ചത്‌.—ഹോശേയ 10:5, 8.

ബെഥേൽ ആത്മീയ ദോഷ​ങ്ങ​ളു​ടെ ഒരു കേന്ദ്രം ആയിത്തീർന്നെ​ങ്കി​ലും, അതുമാ​യി ബന്ധപ്പെട്ട്‌ അരങ്ങേ​റിയ സംഭവ​ങ്ങ​ളിൽനി​ന്നും പാഠം പഠിക്കാ​നുണ്ട്‌. (റോമർ 15:4) യാഗപീ​ഠ​ങ്ങ​ളു​ടെ​യും പുരോ​ഹി​ത​ന്മാ​രു​ടെ​യും നാശത്തെ കുറിച്ചു മുൻകൂ​ട്ടി​പ്പ​റ​യാൻ യഹൂദ​യിൽനി​ന്നു ബെഥേ​ലി​ലേക്ക്‌ അയയ്‌ക്ക​പ്പെട്ട, പേർ നൽകി​യി​ട്ടി​ല്ലാത്ത ഒരു പ്രവാ​ച​ക​നു​മാ​യി ബന്ധപ്പെ​ട്ട​താണ്‌ ഒരു പാഠം. ഒന്നും ഭക്ഷിക്കാ​തെ​യും പാനം ചെയ്യാ​തെ​യും യഹൂദ​യി​ലേക്കു മടങ്ങണ​മെന്നു യഹോവ അവനോ​ടു പറഞ്ഞി​രു​ന്നു—തെക്കോട്ട്‌ ഏതാനും കിലോ​മീ​റ്ററെ യഹൂദ​യി​ലേ​ക്കു​ള്ളൂ. ഇസ്രാ​യേൽ രാജാവ്‌ ആയ യൊ​രോ​ബെ​യാ​മി​നു മുമ്പാകെ ഈ പ്രവാ​ചകൻ ബെഥേ​ലി​ലെ യാഗപീ​ഠത്തെ ശപിച്ചു​കൊണ്ട്‌ ധൈര്യ​സ​മേതം പ്രവചി​ച്ചു. എന്നാൽ അതിനു​ശേഷം അവൻ ബെഥേ​ലി​ലെ പ്രായം​ചെ​ന്നൊ​രു പ്രവാ​ച​കന്റെ ഭവനത്തിൽവെച്ച്‌ ഭക്ഷിച്ചു​കൊണ്ട്‌ ദൈവ​ത്തോട്‌ അനുസ​ര​ണ​ക്കേടു കാട്ടി. എന്തു​കൊണ്ട്‌? എന്തെന്നാൽ ഒരു സഹ പ്രവാ​ച​കന്‌ ആതിഥ്യ​മ​രു​ളാൻ യഹോ​വ​യു​ടെ ഒരു ദൂതൻ തന്നോടു കൽപ്പി​ച്ചു​വെന്ന്‌ ആ പ്രായം​ചെന്ന പ്രവാ​ചകൻ കളവു പറഞ്ഞു. അനുസ​ര​ണ​ക്കേടു നിമിത്തം യഹൂദ​യിൽനി​ന്നുള്ള ഈ പ്രവാ​ചകൻ അകാല മൃത്യു​വിന്‌ ഇരയായി.—1 രാജാ​ക്ക​ന്മാർ 13:1-25.

ചോദ്യം ചെയ്യത്ത​ക്ക​തെന്നു തോന്നുന്ന എന്തെങ്കി​ലും ചെയ്യാൻ ഒരു സഹവി​ശ്വാ​സി നിർദേ​ശി​ക്കു​മ്പോൾ, നാം എങ്ങനെ പ്രതി​ക​രി​ക്കണം? തെറ്റാ​ണെ​ങ്കിൽ, സദു​ദ്ദേ​ശ്യ​പ​ര​മായ ഉപദേശം പോലും ദോഷ​കരം ആയിരി​ക്കാ​മെന്ന്‌ ഓർക്കുക. (മത്തായി 16:21-23 താരത​മ്യം ചെയ്യുക.) പേർ നൽകി​യി​ട്ടി​ല്ലാത്ത ആ പ്രവാ​ചകൻ ചെയ്‌ത​തു​പോ​ലുള്ള ദാരു​ണ​മായ തെറ്റുകൾ നമുക്ക്‌ ഒഴിവാ​ക്കാൻ സാധി​ക്കും. പക്ഷേ അതിനാ​യി നാം പ്രാർഥ​ന​യി​ലൂ​ടെ​യും യഹോ​വ​യു​ടെ വചനത്തി​ന്റെ പഠനത്തി​ലൂ​ടെ​യും അവന്റെ മാർഗ​നിർദേശം തേടണം.—സദൃശ​വാ​ക്യ​ങ്ങൾ 19:21; 1 യോഹ​ന്നാൻ 4:1.

ഏതാണ്ട്‌ 150 വർഷം കഴിഞ്ഞ്‌, ബെഥേ​ലിന്‌ എതിരെ പ്രവചി​ക്കാൻ ആമോസ്‌ പ്രവാ​ച​ക​നും വടക്കോ​ട്ടു യാത്ര ചെയ്‌തു. പുരോ​ഹി​ത​നായ അമസ്യാവ്‌ ഉൾപ്പെടെ ശത്രുതാ മനോ​ഭാ​വ​മുള്ള ആളുകളെ ആമോസ്‌ ധീരമാ​യി കുറ്റം​വി​ധി​ച്ചു. ആമോ​സി​നോട്‌ അമസ്യാ​വു ധിക്കാ​ര​പൂർവം ‘യഹൂദാ​ദേ​ശ​ത്തി​ലേക്ക്‌ ഓടി​പ്പൊ​യ്‌ക്കൊൾക’ എന്നു​പോ​ലും പറഞ്ഞു. എന്നാൽ പുരോ​ഹി​തന്റെ ഭവനത്തിൽത്തന്നെ സംഭവി​ക്കാ​നി​രുന്ന ദുരന്ത​ങ്ങളെ കുറിച്ച്‌ ആമോസ്‌ അമസ്യാ​വി​നോ​ടു നിർഭയം പറഞ്ഞു. (ആമോസ്‌ 5:4-6; 7:10-17) അവന്റെ ദൃഷ്ടാന്തം താഴ്‌മ​യുള്ള ശുശ്രൂ​ഷ​കർക്കു ധൈര്യം പകരാൻ യഹോ​വ​യ്‌ക്കു കഴിയു​മെന്ന്‌ നമ്മെ അനുസ്‌മ​രി​പ്പി​ക്കു​ന്നു.—1 കൊരി​ന്ത്യർ 1:26, 27.

അവസാനം, യഹൂദ​യി​ലെ വിശ്വസ്‌ത രാജാ​വാ​യി​രുന്ന യോശീ​യാവ്‌ ‘ബേഥേ​ലി​ലെ യാഗപീ​ഠ​വും പൂജാ​ഗി​രി​യും ഇടിച്ചു​ക​ളഞ്ഞ്‌ ചുട്ടു പൊടി​യാ​ക്കി.’ (2 രാജാ​ക്ക​ന്മാർ 23:15, 16) ദൈവ​ത്തി​ന്റെ നിർദേ​ശങ്ങൾ പൂർണ​മാ​യി പിൻപ​റ്റി​ക്കൊ​ണ്ടും സഭയെ ശുദ്ധമാ​ക്കി സൂക്ഷി​ക്കു​ന്ന​തിൽ നേതൃ​ത്വ​മെ​ടു​ത്തു​കൊ​ണ്ടും മൂപ്പന്മാർക്ക്‌ ഇന്ന്‌ അവന്റെ നല്ല ദൃഷ്ടാന്തം അനുക​രി​ക്കാ​നാ​കും.

ബെഥേൽ ചരി​ത്ര​ത്തി​ലെ ഈ സംഭവങ്ങൾ നീതി​യു​ടെ​യും ദുഷ്ടത​യു​ടെ​യും യഹോ​വയെ അനുസ​രി​ക്കു​ന്ന​തി​ന്റെ​യും ധിക്കരി​ക്കു​ന്ന​തി​ന്റെ​യും അനന്തര​ഫലം വ്യക്തമാ​യി വരച്ചു​കാ​ട്ടു​ന്നു. വർഷങ്ങൾക്കു മുമ്പ്‌, മോശ ഇസ്രാ​യേൽ ജനതയു​ടെ മുമ്പാകെ ഇങ്ങനെ ഒരു തിര​ഞ്ഞെ​ടു​പ്പു വെച്ചി​രു​ന്നു: “ഇതാ, ഞാൻ ഇന്നു ജീവനും ഗുണവും, മരണവും ദോഷ​വും നിന്റെ മുമ്പിൽ വെച്ചി​രി​ക്കു​ന്നു.” (ആവർത്ത​ന​പു​സ്‌തകം 30:15, 16) ബെഥേൽ ചരി​ത്രത്തെ കുറിച്ചു ധ്യാനി​ക്കു​ന്നത്‌ “ദോഷ​ങ്ങ​ളു​ടെ ഭവന”മായിട്ടല്ല, സത്യാ​രാ​ധ​ന​യ്‌ക്കുള്ള സ്ഥലമായ “ദൈവ​ത്തി​ന്റെ ഭവന”വുമായി താദാ​ത്മ്യം പ്രാപി​ക്കാൻ നമ്മെ പ്രോ​ത്സാ​ഹി​പ്പി​ക്കും.

[അടിക്കു​റി​പ്പു​കൾ]

[23-ാം പേജിലെ ചിത്രം]

യൊരോബെയാം കാളക്കു​ട്ടി ആരാധ​ന​യു​ടെ കേന്ദ്ര​മാ​ക്കിയ ബെഥേ​ലി​ന്റെ നാശാ​വ​ശിഷ്ട സ്ഥലം