ഉൾക്കാ​ഴ്‌ച​യോ​ടെ​യും പ്രേര​ണാ​ശ​ക്തി​യോ​ടെ​യും പഠിപ്പി​ക്കു​ക

“ജ്ഞാനി​യു​ടെ ഹൃദയം അവന്റെ വായ്‌ ഉൾക്കാഴ്‌ച പ്രകട​മാ​ക്കാൻ ഇടയാ​ക്കു​ന്നു, അത്‌ അവന്റെ അധരങ്ങൾക്കു പ്രേര​ണാ​ശക്തി കൂട്ടുന്നു.”—സദൃശ​വാ​ക്യ​ങ്ങൾ 16:23, NW.

1. ദൈവ​വ​ചനം പഠിപ്പി​ക്കു​ന്ന​തിൽ കേവലം വിവരങ്ങൾ പകർന്നു കൊടു​ക്കു​ന്ന​തി​ലും അധികം ഉൾപ്പെ​ട്ടി​രി​ക്കു​ന്നത്‌ എന്തു​കൊണ്ട്‌?

ദൈവ​വ​ച​ന​ത്തി​ന്റെ ഉപദേ​ഷ്ടാ​ക്കൾ എന്ന നിലയിൽ നമ്മുടെ ലക്ഷ്യം വിദ്യാർഥി​ക​ളു​ടെ മനസ്സിനെ മാത്രമല്ല ഹൃദയ​ത്തെ​യും പ്രബു​ദ്ധ​മാ​ക്കുക എന്നതാണ്‌. (എഫെസ്യർ 1:17) അതു​കൊണ്ട്‌ പഠിപ്പി​ക്കു​ന്ന​തിൽ കേവലം വിവരങ്ങൾ പകർന്നു കൊടു​ക്കു​ന്ന​തി​ലും അധികം ഉൾപ്പെ​ട്ടി​രി​ക്കു​ന്നു. സദൃശ​വാ​ക്യ​ങ്ങൾ 16:23 [NW] പറയുന്നു: “ജ്ഞാനി​യു​ടെ ഹൃദയം അവന്റെ വായ്‌ ഉൾക്കാഴ്‌ച പ്രകട​മാ​ക്കാൻ ഇടയാ​ക്കു​ന്നു, അത്‌ അവന്റെ അധരങ്ങൾക്കു പ്രേര​ണാ​ശക്തി കൂട്ടുന്നു.”

2. (എ) പ്രേരി​പ്പി​ക്കുക എന്നാൽ അർഥ​മെന്ത്‌? (ബി) എല്ലാ ക്രിസ്‌ത്യാ​നി​കൾക്കും പ്രേര​ണാ​ശ​ക്തി​യുള്ള ഉപദേ​ഷ്ടാ​ക്കൾ ആയിരി​ക്കാൻ കഴിയു​ന്നത്‌ എങ്ങനെ?

² തന്റെ പഠിപ്പി​ക്കൽ വേലയിൽ അപ്പൊ​സ്‌ത​ല​നായ പൗലൊസ്‌ തീർച്ച​യാ​യും ഈ തത്ത്വം ബാധക​മാ​ക്കി. കൊരി​ന്തിൽ ആയിരു​ന്ന​പ്പോൾ “ശബത്തു തോറും അവൻ സിന​ഗോ​ഗിൽ പ്രസംഗം നടത്തി യഹൂദ​ന്മാ​രെ​യും യവനന്മാ​രെ​യും വിശ്വ​സി​ക്കാൻ പ്രേരി​പ്പി​ക്കു​മാ​യി​രു​ന്നു.” (പ്രവൃ​ത്തി​കൾ 18:4, NW) ഒരു പ്രമാണ ഗ്രന്ഥം പറയു​ന്നത്‌ അനുസ​രിച്ച്‌, ‘പ്രേരി​പ്പി​ക്കുക’ എന്ന്‌ ഇവിടെ പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദത്തിന്റെ അർഥം, “ന്യായ​യു​ക്തി​യു​ടെ​യോ ധാർമിക പരിചി​ന്ത​ന​ത്തി​ന്റെ​യോ സ്വാധീ​ന​ത്താൽ മനംമാ​റ്റം വരുത്തുക” എന്നാണ്‌. ബോധ്യം വരുത്തുന്ന വാദമു​ഖ​ങ്ങ​ളാൽ ആളുക​ളു​ടെ ചിന്താ​രീ​തി​ക്കു​തന്നെ മാറ്റം വരുത്തു​ന്ന​തിന്‌ അവരെ പ്രേരി​പ്പി​ക്കാൻ പൗലൊ​സി​നു കഴിഞ്ഞു. പ്രേരി​പ്പി​ക്കാ​നുള്ള അവന്റെ പ്രാപ്‌തി അതിശ​യ​കരം ആയിരു​ന്ന​തി​നാൽ ശത്രുക്കൾ അവനെ ഭയപ്പെ​ട്ടി​രു​ന്നു. (പ്രവൃ​ത്തി​കൾ 19:24-27) എന്നിരു​ന്നാ​ലും, പൗലൊ​സി​ന്റെ പഠിപ്പി​ക്കൽ മാനുഷ പ്രാപ്‌തി​യു​ടെ ഒരു പ്രകടനം ആയിരു​ന്നില്ല. അവൻ കൊരി​ന്ത്യ​രോ​ടു പറഞ്ഞു: “നിങ്ങളു​ടെ വിശ്വാ​സ​ത്തി​ന്നു മനുഷ്യ​രു​ടെ ജ്ഞാനമല്ല, ദൈവ​ത്തി​ന്റെ ശക്തി തന്നേ ആധാര​മാ​യി​രി​ക്കേ​ണ്ട​തി​ന്നു എന്റെ വചനവും എന്റെ പ്രസം​ഗ​വും ജ്ഞാനത്തി​ന്റെ വശീക​ര​ണ​വാ​ക്കു​ക​ളാൽ അല്ല, ആത്മാവി​ന്റെ​യും ശക്തിയു​ടെ​യും പ്രദർശ​ന​ത്താ​ല​ത്രേ ആയിരു​ന്നതു.” (1 കൊരി​ന്ത്യർ 2:4, 5) എല്ലാ ക്രിസ്‌ത്യാ​നി​കൾക്കും ദൈവാ​ത്മാ​വി​ന്റെ സഹായം ലഭ്യമാ​യ​തി​നാൽ അവർക്ക്‌ എല്ലാവർക്കും പ്രേര​ണാ​ശ​ക്തി​യുള്ള ഉപദേ​ഷ്ടാ​ക്കൾ ആയിരി​ക്കാൻ കഴിയും. എങ്ങനെ? ചില പഠിപ്പി​ക്കൽ വിദ്യകൾ നമുക്കു പരി​ശോ​ധി​ക്കാം.

നല്ല ശ്രോ​താവ്‌ ആയിരി​ക്കു​ക

3. മറ്റുള്ള​വരെ പഠിപ്പി​ക്കു​മ്പോൾ ഉൾക്കാഴ്‌ച ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌, നമുക്ക്‌ എങ്ങനെ ബൈബിൾ വിദ്യാർഥി​യു​ടെ ഹൃദയ​ത്തിൽ എത്തി​ച്ചേ​രാൻ കഴിയും?

³ ഒന്നാമത്തെ പഠിപ്പി​ക്കൽ വിദ്യ​യിൽ ഉൾപ്പെ​ട്ടി​രി​ക്കു​ന്നത്‌ സംസാ​രി​ക്കലല്ല മറിച്ച്‌ ശ്രദ്ധി​ക്ക​ലാണ്‌. സദൃശ​വാ​ക്യ​ങ്ങൾ 16:23-ൽ കണ്ടതു​പോ​ലെ, പ്രേരി​പ്പി​ക്കു​ന്നവർ ആയിരി​ക്കാൻ നമുക്കു ജ്ഞാനം ഉണ്ടായി​രി​ക്കണം. താൻ പഠിപ്പിച്ച ആളുകളെ കുറിച്ച്‌ യേശു​വിന്‌ ഉൾക്കാഴ്‌ച ഉണ്ടായി​രു​ന്നെന്നു തീർച്ച. യോഹ​ന്നാൻ 2:25 പറയുന്നു: “മനുഷ്യ​നി​ലു​ള്ളതു എന്തു എന്നു [അവൻ] സ്വതവെ അറിഞ്ഞി”രുന്നു. എന്നാൽ, നാം പഠിപ്പി​ക്കു​ന്ന​വ​രു​ടെ ഹൃദയ​ത്തിൽ എന്താണ്‌ ഉള്ളതെന്നു നമുക്ക്‌ എങ്ങനെ അറിയാൻ കഴിയും? നല്ല ശ്രോ​താവ്‌ ആയിരി​ക്കുക എന്നതാണ്‌ ഒരു മാർഗം. യാക്കോബ്‌ 1:19 പറയുന്നു: ‘ഏതു മനുഷ്യ​നും കേൾപ്പാൻ വേഗത​യും പറവാൻ താമസ​വും ഉള്ളവനാ​യി​രി​ക്കട്ടെ.’ എല്ലാവ​രും തങ്ങളുടെ വിചാ​രങ്ങൾ എളുപ്പം പ്രകടി​പ്പി​ക്കു​ക​യില്ല എന്നതു സത്യമാണ്‌. ബൈബിൾ വിദ്യാർഥി​ക​ളി​ലുള്ള നമ്മുടെ ആത്മാർഥ​മായ താത്‌പ​ര്യം അവർക്കു ബോധ്യ​മാ​കു​ന്തോ​റും തങ്ങളുടെ യഥാർഥ വികാ​രങ്ങൾ പ്രകടി​പ്പി​ക്കാൻ അവർ കൂടുതൽ ചായ്‌വു കാട്ടി​യേ​ക്കാം. ഹൃദയ​ത്തിൽ എത്തി​ച്ചേർന്ന്‌ അവ ‘കോരി എടുക്കാ’ൻ ദയയോ​ടും വിവേ​ക​ത്തോ​ടും കൂടിയ ചോദ്യ​ങ്ങൾ നമ്മെ മിക്ക​പ്പോ​ഴും സഹായി​ക്കു​ന്നു.—സദൃശ​വാ​ക്യ​ങ്ങൾ 20:5.

4. ക്രിസ്‌തീയ മൂപ്പന്മാർ നല്ല ശ്രോ​താ​ക്കൾ ആയിരി​ക്കേ​ണ്ടത്‌ എന്തു​കൊണ്ട്‌?

⁴ ക്രിസ്‌തീയ മൂപ്പന്മാർ നല്ല ശ്രോ​താ​ക്കൾ ആയിരി​ക്കേ​ണ്ടതു വിശേ​ഷാൽ പ്രധാ​ന​മാണ്‌. എങ്കിൽ മാത്രമേ ‘ഓരോ​രു​ത്ത​നോ​ടും എങ്ങനെ ഉത്തരം പറയേണം എന്ന്‌ [അവർക്ക്‌] അറിയാൻ’ കഴിയൂ. (കൊ​ലൊ​സ്സ്യർ 4:6) സദൃശ​വാ​ക്യ​ങ്ങൾ 18:13 ഈ മുന്നറി​യി​പ്പു നൽകുന്നു: “കേൾക്കും​മു​മ്പെ ഉത്തരം പറയു​ന്ന​വന്നു അതു ഭോഷ​ത്വ​വും ലജ്ജയും ആയ്‌തീ​രു​ന്നു.” ഒരിക്കൽ രണ്ടു സഹോ​ദ​ര​ന്മാർ നല്ല ആന്തര​ത്തോ​ടെ ഒരു സഹോ​ദ​രിക്ക്‌ ലൗകികത സംബന്ധിച്ച്‌ ബുദ്ധി​യു​പ​ദേശം നൽകി. കാരണം ആ സഹോ​ദരി ചില യോഗങ്ങൾ മുടക്കി​യി​രു​ന്നു. എന്നാൽ ആ സഹോ​ദരി ഹാജരാ​കാ​തി​രു​ന്ന​തി​ന്റെ കാരണം അവർ തിരക്കി​യില്ല, അതു സഹോ​ദ​രി​യെ വല്ലാതെ വേദനി​പ്പി​ച്ചു. ആയിടെ നടത്തിയ ഒരു ശസ്‌ത്ര​ക്രി​യ​യിൽനി​ന്നു സഹോ​ദരി സുഖം പ്രാപി​ക്കു​ന്നതേ ഉണ്ടായി​രു​ന്നു​ള്ളൂ. ബുദ്ധി​യു​പ​ദേശം നൽകു​ന്ന​തി​നു മുമ്പു നാം ശ്രദ്ധി​ക്കേ​ണ്ടത്‌ അപ്പോൾ എത്ര പ്രധാ​ന​മാണ്‌!

5. സഹോ​ദ​ര​ന്മാർക്ക്‌ ഇടയി​ലു​ണ്ടാ​കുന്ന തർക്കങ്ങൾ മൂപ്പന്മാർക്ക്‌ എങ്ങനെ കൈകാ​ര്യം ചെയ്യാൻ കഴിയും?

⁵ മൂപ്പന്മാ​രെ സംബന്ധി​ച്ചി​ട​ത്തോ​ളം, പഠിപ്പി​ക്ക​ലിൽ മിക്ക​പ്പോ​ഴും മറ്റുള്ള​വർക്കു ബുദ്ധി​യു​പ​ദേശം നൽകു​ന്നത്‌ ഉൾപ്പെ​ടു​ന്നു. ഇവി​ടെ​യും, നല്ല ശ്രോ​താ​ക്കൾ ആയിരി​ക്കേ​ണ്ടതു പ്രധാ​ന​മാണ്‌. സഹക്രി​സ്‌ത്യാ​നി​കൾക്ക്‌ ഇടയിൽ തർക്കങ്ങൾ ഉയർന്നു വരു​മ്പോൾ ശ്രദ്ധിക്കൽ പ്രത്യേ​കി​ച്ചും അനിവാ​ര്യ​മാണ്‌. ശ്രദ്ധി​ച്ചാൽ മാത്രമേ മൂപ്പന്മാർക്ക്‌ ‘മുഖപക്ഷം കൂടാതെ ന്യായം വിധി​ക്കുന്ന പിതാ​വി​നെ’ അനുക​രി​ക്കാൻ കഴിയൂ. (1 പത്രൊസ്‌ 1:17) അത്തരം സാഹച​ര്യ​ങ്ങ​ളിൽ വികാ​രങ്ങൾ മിക്ക​പ്പോ​ഴും വളരെ ശക്തമാ​യി​രു​ന്നേ​ക്കാം. എന്നാൽ ഒരു മൂപ്പൻ സദൃശ​വാ​ക്യ​ങ്ങൾ 18:17-ലെ ബുദ്ധി​യു​പ​ദേശം മനസ്സിൽ പിടി​ക്കണം. അത്‌ ഇങ്ങനെ പറയുന്നു: “തന്റെ അന്യായം ആദ്യം ബോധി​പ്പി​ക്കു​ന്നവൻ നീതി​മാൻ എന്നു തോന്നും; എന്നാൽ അവന്റെ പ്രതി​യോ​ഗി വന്നു അവനെ പരി​ശോ​ധി​ക്കും.” ഫലപ്ര​ദ​നായ ഒരു ബുദ്ധി​യു​പ​ദേ​ശകൻ ഇരുപ​ക്ഷ​ത്തി​നും ശ്രദ്ധ കൊടു​ക്കും. ഒരു പ്രാർഥന നടത്തി​ക്കൊണ്ട്‌ അദ്ദേഹം അന്തരീക്ഷം ശാന്തമാ​ക്കാൻ സഹായി​ക്കു​ന്നു. (യാക്കോബ്‌ 3:18) വികാര പ്രകട​നങ്ങൾ ചൂടു​പി​ടി​ച്ചാൽ, ഇരുപ​ക്ഷ​ത്തും ഉള്ളവർ പരസ്‌പരം കലഹി​ക്കു​ന്ന​തി​നു പകരം ഓരോ സഹോ​ദ​ര​നും ആകുല​തകൾ നേരിട്ട്‌ തന്നോടു പറയാൻ അദ്ദേഹം ശുപാർശ ചെയ്‌തേ​ക്കാം. പരിഗ​ണി​ക്ക​പ്പെ​ടുന്ന പ്രശ്‌നങ്ങൾ സംബന്ധിച്ച അവ്യക്ത​തകൾ നീക്കം ചെയ്യാൻ ഉചിത​മായ ചോദ്യ​ങ്ങ​ളി​ലൂ​ടെ ഒരു മൂപ്പനു കഴി​ഞ്ഞേ​ക്കും. മിക്ക കേസു​ക​ളി​ലും വഴക്കു​കൾക്കു കാരണ​മാ​യി തീരു​ന്നത്‌ ആശയവി​നി​മ​യ​ത്തി​ന്റെ അഭാവം ആയിരി​ക്കും, മറിച്ച്‌ ദ്രോ​ഹ​ബു​ദ്ധി ആയിരി​ക്കില്ല. എന്നാൽ ബൈബിൾ തത്ത്വങ്ങൾ ലംഘി​ക്ക​പ്പെ​ട്ടി​ട്ടു​ണ്ടെ​ങ്കിൽ, ഇരുപ​ക്ഷ​ത്തി​നും പറയാ​നു​ള്ളതു ശ്രദ്ധിച്ച ശേഷം, സ്‌നേ​ഹ​വാ​നായ ഒരു ഉപദേ​ഷ്ടാ​വിന്‌ ഇപ്പോൾ ഉൾക്കാ​ഴ്‌ച​യോ​ടെ പ്രബോ​ധി​പ്പി​ക്കാൻ കഴിയും.

ലാളി​ത്യ​ത്തി​ന്റെ മൂല്യം

6. ലളിത​മാ​യി പഠിപ്പി​ക്കു​ന്ന​തിൽ പൗലൊ​സും യേശു​വും ദൃഷ്ടാന്തം വെച്ചത്‌ എങ്ങനെ?

⁶ കാര്യങ്ങൾ ലളിത​മാ​യി അവതരി​പ്പി​ക്കു​ന്ന​താണ്‌ മൂല്യ​വ​ത്തായ മറ്റൊരു പഠിപ്പി​ക്കൽ വിദ്യ. ബൈബിൾ വിദ്യാർഥി​കൾ സത്യത്തി​ന്റെ “വീതി​യും നീളവും ഉയരവും ആഴവും എന്തു എന്നു സകലവി​ശു​ദ്ധൻമാ​രോ​ടും​കൂ​ടെ ഗ്രഹിപ്പാ”ൻ നാം ആഗ്രഹി​ക്കു​ന്നു എന്നതു സത്യമാണ്‌. (എഫെസ്യർ 3:18) ബൈബിൾ ഉപദേ​ശ​ങ്ങ​ളു​ടെ ചില വശങ്ങൾ രസാവ​ഹ​വും മിക്ക​പ്പോ​ഴും വെല്ലു​വി​ളി​പ​ര​വു​മാണ്‌. (റോമർ 11:33) എന്നാൽ, പൗലൊസ്‌ ഗ്രീക്കു​കാ​രോ​ടു പ്രസം​ഗി​ച്ച​പ്പോൾ അവൻ “ക്രൂശി​ക്ക​പ്പെ​ട്ട​വ​നായ യേശു​ക്രി​സ്‌തു”വിനെ കുറി​ച്ചുള്ള ലളിത​മായ സന്ദേശ​ത്തി​ലാണ്‌ ശ്രദ്ധ കേന്ദ്രീ​ക​രി​ച്ചത്‌. (1 കൊരി​ന്ത്യർ 2:1, 2) സമാന​മാ​യി, യേശു വ്യക്തവും ആകർഷ​ക​വു​മായ വിധത്തി​ലാണ്‌ പ്രസം​ഗി​ച്ചത്‌. തന്റെ ഗിരി​പ്ര​ഭാ​ഷ​ണ​ത്തിൽ അവൻ ലളിത​മായ പദങ്ങളാണ്‌ ഉപയോ​ഗി​ച്ചത്‌. എന്നുവ​രി​കി​ലും, ഉച്ചരി​ക്ക​പ്പെ​ട്ടി​ട്ടു​ള്ള​തിൽ വെച്ച്‌ ഏറ്റവും ഗഹനമായ ചില സത്യങ്ങൾ അതിൽ ഉൾക്കൊ​ള്ളു​ന്നു.—മത്തായി 5-7 അധ്യാ​യങ്ങൾ.

7. ബൈബിൾ അധ്യയ​നങ്ങൾ നടത്തു​മ്പോൾ കാര്യങ്ങൾ നമുക്കു ലളിത​മാ​യി ചർച്ച ചെയ്യാൻ കഴിയു​ന്നത്‌ എങ്ങനെ?

⁷ ബൈബിൾ അധ്യയനം നടത്തു​മ്പോൾ നമുക്കു കാര്യങ്ങൾ ലളിത​മാ​യി അവതരി​പ്പി​ക്കാൻ കഴിയും. എങ്ങനെ? “കൂടുതൽ പ്രാധാ​ന്യ​മുള്ള സംഗതിക”ളിൽ ശ്രദ്ധ കേന്ദ്രീ​ക​രി​ക്കു​ന്ന​തി​നാൽ. (ഫിലി​പ്പി​യർ 1:10, NW) ഗഹനമായ വിഷയങ്ങൾ വിശദീ​ക​രി​ക്കു​മ്പോൾ ലളിത​മായ ഭാഷയിൽ സംസാ​രി​ക്കാൻ നാം ശ്രമി​ക്കണം. ഒരു പ്രസി​ദ്ധീ​ക​ര​ണ​ത്തിൽ പരാമർശി​ച്ചി​രി​ക്കുന്ന എല്ലാ ബൈബിൾ വാക്യ​ങ്ങ​ളും വായിച്ചു ചർച്ച ചെയ്യാൻ ശ്രമി​ക്കു​ന്ന​തി​നു പകരം നാം മുഖ്യ തിരു​വെ​ഴു​ത്തു​ക​ളിൽ ശ്രദ്ധ കേന്ദ്രീ​ക​രി​ക്കണം. ഇതിന്‌ നമ്മുടെ ഭാഗത്തു നല്ല തയ്യാറാ​കൽ ആവശ്യ​മാണ്‌. വിദ്യാർഥി​യെ വിശദാം​ശ​ങ്ങൾകൊ​ണ്ടു വീർപ്പു​മു​ട്ടി​ക്കു​ന്നതു നാം ഒഴിവാ​ക്കണം. അത്ര പ്രാധാ​ന്യ​മി​ല്ലാത്ത വിഷയ​ങ്ങ​ളാൽ നാം വ്യതി​ച​ലി​പ്പി​ക്ക​പ്പെ​ട​രുത്‌. വിദ്യാർഥിക്ക്‌ പഠിക്കുന്ന പാഠ​ത്തോ​ടു നേരിട്ടു ബന്ധമി​ല്ലാത്ത ഒരു ചോദ്യ​മു​ണ്ടെ​ങ്കിൽ, ആ പാഠം തീർന്ന ശേഷം പ്രസ്‌തുത വിഷയം ചർച്ച ചെയ്യാ​മെന്നു നയപൂർവം പറയാ​വു​ന്ന​താണ്‌.

ചോദ്യ​ങ്ങ​ളു​ടെ ഫലപ്ര​ദ​മായ ഉപയോ​ഗം

8. യേശു ചോദ്യ​ങ്ങൾ ഫലപ്ര​ദ​മാ​യി ഉപയോ​ഗി​ച്ചത്‌ എങ്ങനെ?

⁸ പ്രയോ​ജ​ന​ക​ര​മായ പഠിപ്പി​ക്കൽ വിദ്യ​യിൽ ഫലപ്ര​ദ​മായ ചോദ്യ​ങ്ങൾ ചോദി​ക്കു​ന്നത്‌ ഉൾപ്പെ​ടു​ന്നു. യേശു​ക്രി​സ്‌തു തന്റെ പഠിപ്പി​ക്ക​ലിൽ ചോദ്യ​ങ്ങൾ ധാരാ​ള​മാ​യി ഉപയോ​ഗി​ച്ചു. ദൃഷ്ടാ​ന്ത​ത്തിന്‌, യേശു പത്രൊ​സി​നോ​ടു ചോദി​ച്ചു: “ശിമോ​നേ, നിനക്കു എന്തു തോന്നു​ന്നു? ഭൂമി​യി​ലെ രാജാ​ക്കൻമാർ ചുങ്കമോ കരമോ ആരോടു വാങ്ങുന്നു? പുത്രൻമാ​രോ​ടോ അന്യ​രോ​ടോ”? “അന്യ​രോ​ടു” എന്ന്‌ അവൻ മറുപടി പറഞ്ഞ​പ്പോൾ, യേശു ഇങ്ങനെ പറഞ്ഞു: “[അപ്പോൾ] പുത്ര​ന്മാർ ഒഴിവു​ള്ള​വ​ര​ല്ലോ.” (മത്തായി 17:24-27) ആലയത്തിൽ ആരാധി​ക്ക​പ്പെ​ട്ടി​രു​ന്ന​വന്റെ ഏകജാത പുത്രൻ എന്ന നിലയിൽ ആലയ നികുതി കൊടു​ക്കാൻ യേശു വാസ്‌ത​വ​ത്തിൽ ബാധ്യസ്ഥൻ അല്ലായി​രു​ന്നു. എന്നാൽ യേശു ഈ സത്യം വ്യക്തമാ​ക്കി​യത്‌ ചോദ്യ​ങ്ങ​ളു​ടെ ഫലപ്ര​ദ​മായ ഉപയോ​ഗ​ത്തി​ലൂ​ടെ​യാണ്‌. അങ്ങനെ, പത്രൊ​സിന്‌ അപ്പോൾത്തന്നെ അറിയാ​മാ​യി​രുന്ന വിവര​ങ്ങളെ അടിസ്ഥാ​ന​മാ​ക്കി ശരിയായ ഒരു നിഗമ​ന​ത്തിൽ എത്തി​ച്ചേ​രാൻ യേശു അവനെ സഹായി​ച്ചു.

9. ബൈബിൾ അധ്യയന സമയത്ത്‌ നമുക്ക്‌ എങ്ങനെ ചോദ്യ​ങ്ങൾ ഉപയോ​ഗി​ക്കാ​വു​ന്ന​താണ്‌?

⁹ നമുക്കു ബൈബിൾ അധ്യയന സമയത്ത്‌ ചോദ്യ​ങ്ങൾ ഫലപ്ര​ദ​മാ​യി ഉപയോ​ഗി​ക്കാ​വു​ന്ന​താണ്‌. വിദ്യാർഥി തെറ്റായ ഉത്തരം പറയു​മ്പോൾ ശരിയായ ഉത്തരം പറഞ്ഞു​കൊ​ടു​ക്കാൻ നമുക്കു പ്രലോ​ഭനം തോന്നി​യേ​ക്കാം. എന്നാൽ വിദ്യാർഥി ആ ഉത്തരം ശരിക്കും ഓർത്തി​രി​ക്കു​മോ? ചോദ്യ​ങ്ങൾ ചോദി​ച്ചു​കൊണ്ട്‌ വിദ്യാർഥി​യെ ശരിയായ നിഗമ​ന​ത്തി​ലേക്കു നയിക്കാൻ ശ്രമി​ക്കു​ന്ന​താണ്‌ മിക്ക​പ്പോ​ഴും ഏറ്റവും മെച്ചം. ദൃഷ്ടാ​ന്ത​ത്തിന്‌, ദിവ്യ​നാ​മം ഉപയോ​ഗി​ക്കേ​ണ്ട​തി​ന്റെ കാരണം മനസ്സി​ലാ​ക്കാൻ വിദ്യാർഥി​ക്കു ബുദ്ധി​മു​ട്ടു​ണ്ടെ​ങ്കിൽ നമുക്ക്‌ ഇങ്ങനെ ചോദി​ക്കാ​വു​ന്ന​താണ്‌: ‘നിങ്ങളു​ടെ പേര്‌ നിങ്ങൾക്കു പ്രധാ​ന​മാ​ണോ? . . .  എന്തു​കൊണ്ട്‌? . . . നിങ്ങളു​ടെ പേര്‌ ഉപയോ​ഗി​ക്കാൻ ഒരുവൻ വിസമ്മ​തി​ച്ചാൽ നിങ്ങൾക്ക്‌ എന്തു തോന്നും? . . . നാം ദൈവ​ത്തി​ന്റെ വ്യക്തി​പ​ര​മായ പേര്‌ ഉപയോ​ഗി​ക്ക​ണ​മെന്ന്‌ അവൻ ആവശ്യ​പ്പെ​ടു​ന്നതു ന്യായ​യു​ക്ത​മല്ലേ?’

10. വൈകാ​രി​ക​മാ​യി വ്രണിതർ ആയിരി​ക്കു​ന്ന​വരെ സഹായി​ക്കാൻ മൂപ്പന്മാർ ചോദ്യ​ങ്ങൾ ഉപയോ​ഗി​ച്ചേ​ക്കാ​വു​ന്നത്‌ എങ്ങനെ?

¹⁰ ആട്ടിൻകൂ​ട്ട​ത്തി​ന്മേൽ ഇടയവേല ചെയ്യു​മ്പോൾ മൂപ്പന്മാർക്കും ചോദ്യ​ങ്ങൾ നന്നായി ഉപയോ​ഗി​ക്കാ​വു​ന്ന​താണ്‌. സഭയി​ലുള്ള അനേകർ സാത്താന്റെ ലോക​ത്താൽ വൈകാ​രി​ക​മാ​യി വ്രണി​ത​രും മർദി​ത​രു​മാണ്‌. തങ്ങൾ അശുദ്ധ​രാ​ണെ​ന്നും സ്‌നേ​ഹി​ക്ക​പ്പെ​ടാൻ അർഹര​ല്ലെ​ന്നും അവർക്കു തോന്നി​യേ​ക്കാം. പിൻവ​രുന്ന പ്രകാരം പറഞ്ഞു​കൊണ്ട്‌ ഒരു മൂപ്പന്‌ അത്തര​മൊ​രു വ്യക്തി​യു​മാ​യി ന്യായ​വാ​ദം ചെയ്യാ​വു​ന്ന​താണ്‌: ‘നിങ്ങൾ അശുദ്ധ​നാ​ണെന്നു തോന്നു​ന്ന​താ​യി നിങ്ങൾ പറയു​ന്നെ​ങ്കി​ലും, യഹോ​വ​യ്‌ക്കു നിങ്ങളെ കുറിച്ച്‌ എന്താണു തോന്നു​ന്നത്‌? നിങ്ങൾക്കു വേണ്ടി മരിച്ച്‌ ഒരു മറുവില പ്രദാനം ചെയ്യാൻ നമ്മുടെ സ്‌നേ​ഹ​വാ​നായ സ്വർഗീയ പിതാവ്‌ തന്റെ പുത്രനെ അനുവ​ദി​ച്ചത്‌, അവൻ നിങ്ങളെ സ്‌നേ​ഹി​ക്കു​ന്നു​വെന്ന്‌ പ്രകട​മാ​ക്കു​ന്നി​ല്ലേ?’—യോഹ​ന്നാൻ 3:16.

11. പ്രഭാഷണ സാധാ​ര​ണ​മായ ചോദ്യ​ങ്ങ​ളു​ടെ ഉദ്ദേശ്യ​മെന്ത്‌, പരസ്യ പ്രസം​ഗ​ത്തിൽ അവ എങ്ങനെ ഉപയോ​ഗി​ക്കാ​വു​ന്ന​താണ്‌?

¹¹ പ്രഭാഷണ സാധാ​ര​ണ​മായ ചോദ്യ​ങ്ങ​ളാണ്‌ പ്രയോ​ജ​ന​പ്ര​ദ​മായ മറ്റൊരു പഠിപ്പി​ക്കൽ വിദ്യ. ശ്രോ​താ​ക്കൾ ഇവയ്‌ക്ക്‌ ഉത്തരം നൽകാൻ പ്രതീ​ക്ഷി​ക്ക​പ്പെ​ടു​ന്നില്ല. എന്നാൽ കാര്യങ്ങൾ സംബന്ധിച്ച്‌ ന്യായ​വി​ചാ​രം നടത്താൻ അത്‌ അവരെ സഹായി​ക്കു​ന്നു. ആഴമായി ചിന്തി​ക്കാൻ തങ്ങളുടെ ശ്രോ​താ​ക്കളെ സഹായി​ക്കു​ന്ന​തിന്‌ പുരാ​ത​ന​കാ​ലത്തെ പ്രവാ​ച​ക​ന്മാർ മിക്ക​പ്പോ​ഴും അത്തരം ചോദ്യ​ങ്ങൾ ഉപയോ​ഗി​ച്ചി​രു​ന്നു. (യിരെ​മ്യാ​വു 18:14, 15) യേശു​വും പ്രഭാഷണ സാധാ​ര​ണ​മായ ചോദ്യ​ങ്ങൾ ഫലപ്ര​ദ​മാ​യി ഉപയോ​ഗി​ച്ചു. (മത്തായി 11:7-11) പരസ്യ പ്രസം​ഗ​ത്തിൽ അത്തരം ചോദ്യ​ങ്ങൾ വിശേ​ഷി​ച്ചും ഫലപ്ര​ദ​മാണ്‌. യഹോ​വയെ പ്രസാ​ദി​പ്പി​ക്കാൻ നാം മുഴു ഹൃദയ​ത്തോ​ടെ അവനെ സേവി​ക്ക​ണ​മെന്ന്‌ ഒരു സദസ്സി​നോട്‌ കേവലം പറയു​ന്ന​തി​നെ​ക്കാൾ ഏറെ ഫലപ്ര​ദ​മാ​യി​രി​ക്കാം ഇങ്ങനെ ചോദി​ക്കു​ന്നത്‌: ‘നമ്മുടെ സേവനം വാസ്‌ത​വ​ത്തിൽ മുഴു ഹൃദയ​ത്തോ​ടെ ഉള്ളത​ല്ലെ​ങ്കിൽ, യഹോവ അതിൽ പ്രസാ​ദി​ക്കു​മോ?’

12. വീക്ഷണ ചോദ്യ​ങ്ങൾ ചോദി​ക്കു​ന്ന​തി​ന്റെ മൂല്യം എന്താണ്‌?

¹² ബൈബിൾ വിദ്യാർഥി താൻ പഠിക്കുന്ന കാര്യങ്ങൾ വാസ്‌ത​വ​ത്തിൽ വിശ്വ​സി​ക്കു​ന്നു​വോ എന്നു നിർണ​യി​ക്കാൻ വീക്ഷണ ചോദ്യ​ങ്ങൾ ഉപകരി​ക്കു​ന്നു. (മത്തായി 16:13-16) പരസംഗം തെറ്റാ​ണെന്ന്‌ ഒരു വിദ്യാർഥി കൃത്യ​മാ​യി ഉത്തരം പറഞ്ഞേ​ക്കാം. എന്നാൽ, വിദ്യാർഥി അങ്ങനെ പറയു​മ്പോൾ ധാർമി​കത സംബന്ധിച്ച ദൈവ​ത്തി​ന്റെ നിലവാ​ര​ങ്ങളെ കുറിച്ച്‌ നിങ്ങൾക്കു വ്യക്തി​പ​ര​മാ​യി എന്തു തോന്നു​ന്നു? അവ അത്യന്തം കർക്കശ​മാ​ണെന്ന്‌ നിങ്ങൾ കരുതു​ന്നു​വോ? നിങ്ങൾ അവ പിൻപ​റ്റു​മോ ഇല്ലയോ എന്നത്‌ ശരിക്കും പ്രാധാ​ന്യം അർഹി​ക്കുന്ന കാര്യ​മാ​ണെന്ന്‌ നിങ്ങൾ കരുതു​ന്നു​വോ? എന്നിങ്ങ​നെ​യുള്ള ചോദ്യ​ങ്ങൾ കൂടി ചോദി​ച്ചു​കൂ​ടേ?

ഹൃദയ​ത്തിൽ എത്തി​ച്ചേ​രുന്ന ദൃഷ്ടാ​ന്ത​ങ്ങൾ

13, 14. (എ) ഒരു സംഗതി​യെ ദൃഷ്ടാ​ന്തീ​ക​രി​ക്കുക എന്നാൽ എന്താണ്‌ അർഥം? (ബി) നല്ല ദൃഷ്ടാ​ന്തങ്ങൾ ഫലപ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

¹³ ഫലപ്ര​ദ​മായ ദൃഷ്ടാ​ന്ത​ങ്ങ​ളു​ടെ ഉപയോ​ഗ​മാണ്‌ ശ്രോ​താ​ക്ക​ളു​ടെ​യും ബൈബിൾ വിദ്യാർഥി​ക​ളു​ടെ​യും ഹൃദയ​ത്തിൽ എത്തി​ച്ചേ​രാ​നുള്ള മറ്റൊരു മാർഗം. “ദൃഷ്ടാന്തം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്ക്‌ പദത്തിന്റെ അക്ഷരീയ അർഥം “അരികത്തു വെക്കുക അല്ലെങ്കിൽ ചേർത്തു വെക്കുക” എന്നാണ്‌. ദൃഷ്ടാന്തം ഉപയോ​ഗി​ക്കു​മ്പോൾ, നിങ്ങൾ ഒരു സംഗതി സമാന​മായ മറ്റൊ​ന്നി​ന്റെ ‘അരികത്തു വെച്ച്‌’ വിശദീ​ക​രി​ക്കു​ക​യാണ്‌ ചെയ്യു​ന്നത്‌. ദൃഷ്ടാ​ന്ത​ത്തിന്‌, യേശു ചോദി​ച്ചു: “ദൈവ​രാ​ജ്യ​ത്തെ എങ്ങനെ ഉപമി​ക്കേണ്ടു? ഏതു ഉപമയാൽ [“ദൃഷ്ടാ​ന്ത​ത്താൽ,” NW] അതിനെ വർണ്ണി​ക്കേണ്ടു?” ഉത്തരത്തിൽ, യേശു പരിചി​ത​മായ കടുകു​മ​ണി​യെ പരാമർശി​ച്ചു.—മർക്കൊസ്‌ 4:30-32.

¹⁴ ദൈവ​ത്തി​ന്റെ പ്രവാ​ച​ക​ന്മാർ ശക്തമായ അനേകം ദൃഷ്ടാ​ന്തങ്ങൾ ഉപയോ​ഗി​ച്ചു. ഇസ്രാ​യേ​ല്യ​രെ ശിക്ഷി​ക്കു​ന്ന​തിൽ ദൈവ​ത്തി​ന്റെ ഉപകര​ണ​മാ​യി ഉതകിയ അസീറി​യ​ക്കാർ നിർദ​യ​മായ ക്രൂരത അവലം​ബി​ച്ച​പ്പോൾ പിൻവ​രുന്ന ദൃഷ്ടാന്തം ഉപയോ​ഗി​ച്ചു​കൊണ്ട്‌ യെശയ്യാവ്‌ അവരുടെ ധിക്കാരം തുറന്നു​കാ​ട്ടി: “വെട്ടു​ന്ന​വ​നോ​ടു കോടാ​ലി വമ്പു പറയു​മോ? വലിക്കു​ന്ന​വ​നോ​ടു ഈർച്ച​വാൾ വലിപ്പം കാട്ടു​മോ?” (യെശയ്യാ​വു 10:15) സമാന​മാ​യി, മറ്റുള്ള​വരെ പഠിപ്പി​ച്ച​പ്പോൾ യേശു ധാരാളം ദൃഷ്ടാ​ന്തങ്ങൾ ഉപയോ​ഗി​ച്ചു. ‘ഉപമ [“ദൃഷ്ടാന്തം,” NW] കൂടാതെ [അവൻ] അവരോ​ടു ഒന്നും പറഞ്ഞില്ല’ എന്ന്‌ റിപ്പോർട്ടു ചെയ്യ​പ്പെ​ട്ടി​രി​ക്കു​ന്നു. (മർക്കൊസ്‌ 4:34) നല്ല ദൃഷ്ടാ​ന്തങ്ങൾ ഫലപ്ര​ദ​മാണ്‌, കാരണം അവ മനസ്സി​നെ​യും ഹൃദയ​ത്തെ​യും ആകർഷി​ക്കു​ന്നു. തങ്ങൾക്ക്‌ ഇപ്പോൾത്തന്നെ പരിചി​ത​മായ വിവര​ങ്ങ​ളു​മാ​യി പുതിയ വിവരങ്ങൾ താരത​മ്യം ചെയ്‌തു​കൊണ്ട്‌ അവ എളുപ്പം ഉൾക്കൊ​ള്ളാൻ ദൃഷ്ടാ​ന്തങ്ങൾ ശ്രോ​താ​ക്കളെ സഹായി​ക്കു​ന്നു.

15, 16. ദൃഷ്ടാ​ന്ത​ങ്ങളെ ഏറ്റവും ഫലപ്ര​ദ​മാ​ക്കു​ന്നത്‌ എന്താണ്‌? ഉദാഹ​ര​ണങ്ങൾ നൽകുക.

¹⁵ ശരിക്കും ഹൃദയ​ത്തിൽ എത്തി​ച്ചേ​രുന്ന ദൃഷ്ടാ​ന്തങ്ങൾ നമുക്ക്‌ എങ്ങനെ ഉപയോ​ഗി​ക്കാൻ കഴിയും? ഒന്നാമ​താ​യി, വിശദീ​ക​രി​ക്കുന്ന സംഗതി​യു​മാ​യി ദൃഷ്ടാ​ന്ത​ത്തി​നു ന്യായ​മായ സാമ്യം ഉണ്ടായി​രി​ക്കണം. താരത​മ്യം വാസ്‌ത​വ​ത്തിൽ യോജി​ച്ച​ത​ല്ലെ​ങ്കിൽ, ദൃഷ്ടാന്തം ശ്രോ​താ​ക്കളെ പ്രബു​ദ്ധ​രാ​ക്കു​ന്ന​തി​നു പകരം വിഷയ​ത്തിൽനി​ന്നു വ്യതി​ച​ലി​പ്പി​ക്കു​കയേ ഉള്ളൂ. അഭിഷിക്ത ശേഷി​പ്പിന്‌ യേശു​ക്രി​സ്‌തു​വി​നോ​ടുള്ള കീഴ്‌പെ​ട​ലി​നെ വിശദീ​ക​രി​ക്കാ​നാ​യി ഒരിക്കൽ ഉദ്ദേശ്യ ശുദ്ധി​യുള്ള ഒരു പ്രസം​ഗകൻ അവരെ വിശ്വ​സ്‌ത​നായ ഒരു വളർത്തു നായോട്‌ താരത​മ്യ​പ്പെ​ടു​ത്തി. എന്നാൽ അത്തരം തരംതാണ താരത​മ്യം വാസ്‌ത​വ​ത്തിൽ ഉചിത​മാ​ണോ? ബൈബിൾ അതേ ആശയത്തെ വളരെ​യേറെ ഹൃദ്യ​വും അന്തസ്സു​റ്റ​തു​മായ വിധത്തിൽ വിശദീ​ക​രി​ക്കു​ന്നു. അത്‌ യേശു​വി​ന്റെ 1,44,000 അഭിഷിക്ത അനുഗാ​മി​കളെ “ഭർത്താ​വി​ന്നാ​യി അലങ്കരി​ച്ചി​ട്ടുള്ള മണവാട്ടി”യോട്‌ താരത​മ്യം ചെയ്യുന്നു.—വെളി​പ്പാ​ടു 21:2.

¹⁶ ദൃഷ്ടാ​ന്തങ്ങൾ ആളുക​ളു​ടെ ജീവി​ത​ത്തോ​ടു ബന്ധപ്പെ​ട്ടത്‌ ആയിരി​ക്കു​മ്പോ​ഴാണ്‌ ഏറ്റവും ഫലപ്ര​ദ​മാ​യി​രി​ക്കു​ന്നത്‌. അറുക്ക​പ്പെട്ട കുഞ്ഞാ​ടി​നെ കുറി​ച്ചുള്ള നാഥാന്റെ ദൃഷ്ടാന്തം ദാവീദ്‌ രാജാ​വി​ന്റെ ഹൃദയത്തെ സ്‌പർശി​ച്ചു. കാരണം ചെറു​പ്പ​ത്തിൽ ഒരു ആട്ടിടയൻ ആയിരുന്ന അവൻ ആടുകളെ സ്‌നേ​ഹി​ച്ചി​രു​ന്നു. (1 ശമൂവേൽ 16:11-13; 2 ശമൂവേൽ 12:1-7) ദൃഷ്ടാന്തം കാളയെ കുറിച്ച്‌ ആയിരു​ന്നെ​ങ്കിൽ അത്‌ അത്രയും ഫലപ്ര​ദ​മാ​കാൻ ഇടയി​ല്ലാ​യി​രു​ന്നു. സമാന​മാ​യി, ദൃഷ്ടാ​ന്തങ്ങൾ ശാസ്‌ത്രീയ പ്രതി​ഭാ​സ​ത്തെ​യോ അറിയ​പ്പെ​ടാത്ത ചരിത്ര സംഭവ​ങ്ങ​ളെ​യോ അടിസ്ഥാ​ന​പ്പെ​ടു​ത്തി​യു​ള്ളത്‌ ആണെങ്കിൽ അതു നമ്മുടെ ശ്രോ​താ​ക്ക​ളിൽ വലിയ ഫലമൊ​ന്നും ഉളവാ​ക്കാ​നി​ട​യില്ല. അനുദിന ജീവി​ത​ത്തിൽനി​ന്നുള്ള ദൃഷ്ടാ​ന്ത​ങ്ങ​ളാണ്‌ യേശു ഉപയോ​ഗി​ച്ചത്‌. വിളക്ക്‌, ആകാശ​ത്തി​ലെ പറവകൾ, വയലിലെ താമരകൾ എന്നിങ്ങ​നെ​യുള്ള സാധാരണ കാര്യ​ങ്ങളെ കുറിച്ച്‌ അവൻ പറഞ്ഞു. (മത്തായി 5:15, 16; 6:26, 28) യേശു​വി​ന്റെ ശ്രോ​താ​ക്കൾക്ക്‌ അവ എളുപ്പം മനസ്സി​ലാ​ക്കാൻ കഴിയു​മാ​യി​രു​ന്നു.

17. (എ) നമ്മുടെ ദൃഷ്ടാ​ന്ത​ങ്ങളെ നമുക്ക്‌ എന്തിൽ അടിസ്ഥാ​ന​പ്പെ​ടു​ത്താ​വു​ന്ന​താണ്‌? (ബി) നമ്മുടെ പ്രസി​ദ്ധീ​ക​ര​ണ​ങ്ങ​ളിൽ ഉപയോ​ഗി​ച്ചി​രി​ക്കുന്ന ദൃഷ്ടാ​ന്ത​ങ്ങളെ വിദ്യാർഥി​ക​ളു​ടെ സാഹച​ര്യ​ങ്ങ​ളു​മാ​യി നമുക്ക്‌ എങ്ങനെ പൊരു​ത്ത​പ്പെ​ടു​ത്താ​വു​ന്ന​താണ്‌?

¹⁷ നമ്മുടെ ശുശ്രൂ​ഷ​യിൽ, ലളിത​വും എന്നാൽ ഫലപ്ര​ദ​വു​മായ ദൃഷ്ടാ​ന്തങ്ങൾ ഉപയോ​ഗി​ക്കാൻ അനേകം അവസരങ്ങൾ ഉണ്ടായി​രു​ന്നേ​ക്കാം. നിരീ​ക്ഷ​ണ​പ​ടു​വാ​യി​രി​ക്കുക. (പ്രവൃ​ത്തി​കൾ 17:22, 23) ഒരുപക്ഷേ ശ്രോ​താ​വി​ന്റെ കുട്ടി​ക​ളെ​യോ ഭവന​ത്തെ​യോ ജോലി​യെ​യോ വിനോ​ദ​ത്തെ​യോ അടിസ്ഥാ​ന​മാ​ക്കി ഒരു ദൃഷ്ടാന്തം പറയാ​വു​ന്ന​താണ്‌. അല്ലെങ്കിൽ, അധ്യയന ഭാഗത്തുള്ള ദൃഷ്ടാ​ന്ത​ങ്ങളെ സമ്പുഷ്ട​മാ​ക്കാൻ ബൈബിൾ വിദ്യാർഥി​യെ കുറി​ച്ചുള്ള നമ്മുടെ വ്യക്തി​പ​ര​മായ അറിവ്‌ നമുക്ക്‌ ഉപയോ​ഗി​ക്കാ​വു​ന്ന​താണ്‌. ഉദാഹ​ര​ണ​ത്തിന്‌, നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​ത്തി​ന്റെ 8-ാം അധ്യാ​യ​ത്തി​ലെ 14-ാം ഖണ്ഡിക​യിൽ ഉപയോ​ഗി​ച്ചി​രി​ക്കുന്ന ഫലപ്ര​ദ​മായ ദൃഷ്ടാ​ന്ത​ത്തി​ന്റെ കാര്യ​മെ​ടു​ക്കാം. ഒരു അയൽക്കാ​രന്റെ അപവാദ പ്രചര​ണ​ത്തി​നു വിധേ​യ​നായ സ്‌നേ​ഹ​വാ​നായ ഒരു പിതാ​വി​നെ കുറി​ച്ചു​ള്ള​താണ്‌ അത്‌. ഒരു മാതാ​വോ പിതാ​വോ ആയ ബൈബിൾ വിദ്യാർഥി​യു​ടെ സാഹച​ര്യ​ങ്ങ​ളു​മാ​യി ആ ദൃഷ്ടാ​ന്തത്തെ എങ്ങനെ പൊരു​ത്ത​പ്പെ​ടു​ത്താ​മെന്ന്‌ നമുക്കു ചിന്തി​ക്കാ​വു​ന്ന​താണ്‌.

തിരു​വെ​ഴു​ത്തു​കൾ വൈദ​ഗ്‌ധ്യ​ത്തോ​ടെ വായിക്കൽ

18. ഒഴുക്കുള്ള വായന​ക്കാർ ആയിരി​ക്കാൻ നാം ശ്രമി​ക്കേ​ണ്ടത്‌ എന്തു​കൊണ്ട്‌?

¹⁸ പൗലൊസ്‌ തിമൊ​ഥെ​യൊ​സി​നെ ഇങ്ങനെ ഉദ്‌ബോ​ധി​പ്പി​ച്ചു: “വായന [“പരസ്യ​വാ​യന,” NW], പ്രബോ​ധനം, ഉപദേശം എന്നിവ​യിൽ ശ്രദ്ധി​ച്ചി​രിക്ക.” (1 തിമൊ​ഥെ​യൊസ്‌ 4:13) നമ്മുടെ പഠിപ്പി​ക്ക​ലി​ന്റെ അടിസ്ഥാ​നം ബൈബിൾ ആയിരി​ക്കു​ന്ന​തി​നാൽ അത്‌ ഒഴു​ക്കോ​ടെ വായി​ക്കാൻ പ്രാപ്‌ത​രാ​യി​രി​ക്കു​ന്നത്‌ പ്രയോ​ജ​ന​ക​ര​മാണ്‌. മോ​ശൈക ന്യായ​പ്ര​മാ​ണം ദൈവ​ജ​നത്തെ വായിച്ചു കേൾപ്പി​ക്കുക എന്ന പദവി ലേവ്യർക്ക്‌ ഉണ്ടായി​രു​ന്നു. ആ വായന​യിൽ അവർ തപ്പിത്ത​ട​യു​ക​യോ ഒരേ സ്വരത്തിൽ വായി​ക്കു​ക​യോ ആണോ ചെയ്‌തത്‌? അല്ല. നെഹെ​മ്യാ​വു 8:8-ൽ ബൈബിൾ ഇങ്ങനെ പറയുന്നു: “ഇങ്ങനെ അവർ ദൈവ​ത്തി​ന്റെ ന്യായ​പ്ര​മാ​ണ​പു​സ്‌തകം തെളി​വാ​യി വായി​ച്ചു​കേൾപ്പി​ക്ക​യും വായി​ച്ചതു ഗ്രഹി​പ്പാൻത​ക്ക​വണ്ണം അർത്ഥം പറഞ്ഞു​കൊ​ടു​ക്ക​യും ചെയ്‌തു.”

19. തിരു​വെ​ഴു​ത്തു​കൾ വായി​ക്കു​ന്ന​തിൽ നമുക്ക്‌ എങ്ങനെ മെച്ച​പ്പെ​ടാ​നാ​കും?

¹⁹ ഒഴു​ക്കോ​ടെ പ്രസം​ഗി​ക്കുന്ന ചില ക്രിസ്‌തീയ പുരു​ഷ​ന്മാർ വായന​യു​ടെ കാര്യ​ത്തിൽ അത്രയും ശോഭി​ക്കു​ന്നില്ല. അവർക്ക്‌ എങ്ങനെ പുരോ​ഗതി വരുത്താ​നാ​കും? പരിശീ​ല​ന​ത്താൽ. അതേ, ഒഴു​ക്കോ​ടെ വായി​ക്കാൻ കഴിയു​ന്ന​തു​വരെ ഉച്ചത്തിൽ വീണ്ടും വീണ്ടും വായി​ക്കു​ന്ന​തി​നാൽ. മഹേർ-ശാലാൽ ഹാശ്‌-ബസ്‌ എന്നതു​പോ​ലുള്ള പേരുകൾ പോലും പരിശീ​ല​ന​ത്താൽ കാര്യ​മായ ബുദ്ധി​മു​ട്ടൊ​ന്നും കൂടാതെ വായി​ക്കാൻ സാധി​ക്കും.—യെശയ്യാ​വു 8:1.

20. നമുക്ക്‌ എങ്ങനെ ‘നമ്മുടെ പഠിപ്പി​ക്ക​ലി​നു ശ്രദ്ധ കൊടു​ക്കാൻ’ കഴിയും?

²⁰ യഹോ​വ​യു​ടെ ജനം എന്ന നിലയിൽ, ഉപദേ​ഷ്ടാ​ക്ക​ളാ​യി ഉപയോ​ഗി​ക്ക​പ്പെ​ടു​ക​യെന്ന എന്തൊരു പദവി​യാണ്‌ നമുക്കു​ള്ളത്‌! അതു​കൊണ്ട്‌ നമുക്ക്‌ ഓരോ​രു​ത്തർക്കും ആ ഉത്തരവാ​ദി​ത്വം ഗൗരവ​മാ​യി എടുക്കാം. ‘നമുക്കു​ത​ന്നെ​യും നമ്മുടെ പഠിപ്പി​ക്ക​ലി​നും അടുത്ത ശ്രദ്ധ നൽകാം.’ (1 തിമൊ​ഥെ​യൊസ്‌ 4:16, NW) നല്ല ശ്രോ​താ​ക്കൾ ആയിരു​ന്നു​കൊ​ണ്ടും കാര്യങ്ങൾ ലളിത​മാ​യി വിശദീ​ക​രി​ച്ചു​കൊ​ണ്ടും ഉൾക്കാ​ഴ്‌ച​യോ​ടു കൂടിയ ചോദ്യ​ങ്ങൾ ചോദി​ച്ചു​കൊ​ണ്ടും ഫലപ്ര​ദ​മായ ദൃഷ്ടാ​ന്തങ്ങൾ ഉപയോ​ഗി​ച്ചു​കൊ​ണ്ടും തിരു​വെ​ഴു​ത്തു​കൾ വൈദ​ഗ്‌ധ്യ​ത്തോ​ടെ വായി​ച്ചു​കൊ​ണ്ടും നമുക്ക്‌ നല്ല ഉപദേ​ഷ്ടാ​ക്കൾ ആയിരി​ക്കാ​വു​ന്ന​താണ്‌. യഹോവ തന്റെ സംഘട​ന​യി​ലൂ​ടെ നൽകുന്ന പരിശീ​ല​ന​ത്തിൽനിന്ന്‌ നമുക്ക്‌ എല്ലാവർക്കും പ്രയോ​ജനം നേടാം. കാരണം “പഠിപ്പി​ക്ക​പ്പെ​ട്ട​വ​രു​ടെ നാവ്‌” ഉണ്ടായി​രി​ക്കാൻ അതു നമ്മെ സഹായി​ക്കും. (യെശയ്യാ​വു 50:4, NW) ലഘുപ​ത്രി​കകൾ, ഓഡി​യോ കാസറ്റു​കൾ, വീഡി​യോ കാസറ്റു​കൾ എന്നിവ ഉൾപ്പെടെ, നമ്മുടെ ശുശ്രൂ​ഷ​യ്‌ക്കാ​യി പ്രദാനം ചെയ്‌തി​രി​ക്കുന്ന എല്ലാ ഉപകര​ണ​ങ്ങ​ളും പൂർണ​മാ​യി പ്രയോ​ജ​ന​പ്പെ​ടു​ത്തി​ക്കൊണ്ട്‌ ഉൾക്കാ​ഴ്‌ച​യോ​ടും പ്രേര​ണാ​ശ​ക്തി​യോ​ടും കൂടെ പഠിപ്പി​ക്കാൻ നമുക്കു പരിശീ​ലി​ക്കാം.

[അടിക്കു​റിപ്പ്‌]

Footnote is missing from the vernacular

നിങ്ങൾ ഓർമി​ക്കു​ന്നു​വോ?

□ നല്ല ശ്രോ​താവ്‌ ആയിരി​ക്കു​ന്നത്‌ പഠിപ്പി​ക്ക​ലിൽ നമ്മെ സഹായി​ക്കു​ന്നത്‌ എങ്ങനെ?

□ ലാളി​ത്യ​ത്തോ​ടെ പഠിപ്പി​ക്കു​ന്ന​തിൽ നമുക്ക്‌ യേശു​വി​നെ​യും പൗലൊ​സി​നെ​യും അനുക​രി​ക്കാൻ കഴിയു​ന്നത്‌ എങ്ങനെ?

□ മറ്റുള്ള​വരെ പഠിപ്പി​ക്കു​മ്പോൾ ഏതു തരത്തി​ലുള്ള ചോദ്യ​ങ്ങൾ നമുക്ക്‌ ഉപയോ​ഗി​ക്കാ​നാ​കും?

□ ഏതുതരം ദൃഷ്ടാ​ന്ത​ങ്ങ​ളാണ്‌ ഏറ്റവും ഫലപ്രദം?

□ പരസ്യ വായന​ക്കാർ എന്ന നിലയി​ലുള്ള നമ്മുടെ വൈദ​ഗ്‌ധ്യം നമുക്ക്‌ എങ്ങനെ മെച്ച​പ്പെ​ടു​ത്താ​നാ​കും?

[16-ാം പേജിലെ ചിത്രം]

നല്ല അധ്യാ​പകൻ ഉൾക്കാഴ്‌ച നേടാ​നാ​യി പറയുന്ന കാര്യങ്ങൾ ശ്രദ്ധി​ക്കു​ന്നു

[18-ാം പേജിലെ ചിത്രം]

യേശു അനുദിന ജീവി​ത​ത്തിൽനി​ന്നുള്ള ദൃഷ്ടാ​ന്ത​ങ്ങ​ളാണ്‌ ഉപയോ​ഗി​ച്ചത്‌