വാഗ്‌ദാ​നങ്ങൾ പാലി​ക്കേ​ണ്ടത്‌ എന്തു​കൊണ്ട്‌?

“ഏറ്റവും കുറച്ചു വാഗ്‌ദാ​നങ്ങൾ നൽകുന്ന വ്യക്തിക്ക്‌ വോട്ടു ചെയ്യുക; അദ്ദേഹം നിങ്ങളെ അധികം നിരാ​ശ​പ്പെ​ടു​ത്തു​ക​യില്ല,” അമേരി​ക്കൻ പ്രസി​ഡ​ന്റി​ന്റെ ഉപദേ​ഷ്ടാ​വാ​യി​രുന്ന ബർനാഡ്‌ ബാരൂക്ക്‌ പറഞ്ഞു. ലംഘി​ക്ക​പ്പെ​ടാൻ മാത്ര​മാണ്‌ ഇന്നത്തെ ലോക​ത്തിൽ വാഗ്‌ദാ​നങ്ങൾ നൽക​പ്പെ​ടു​ന്ന​തെന്നു തോന്നു​ന്നു. അവ വിവാഹ പ്രതി​ജ്ഞ​ക​ളോ ബിസി​നസ്‌ കരാറു​ക​ളോ കുട്ടി​ക​ളു​മാ​യി കൂടുതൽ സമയം ചെലവ​ഴി​ക്കാ​മെ​ന്നുള്ള വാഗ്‌ദാ​ന​മോ ഒക്കെ ആകാം. “വാഗ്‌ദാ​ന​പാ​ല​ന​ത്തി​ലാണ്‌ ഒരുവന്റെ വില” എന്ന പഴമൊ​ഴി​യു​ടെ സൂചി​താർഥം പരക്കെ വിസ്‌മ​രി​ക്ക​പ്പെ​ടു​ന്നു.

വാഗ്‌ദാ​ന​ങ്ങൾ പാലി​ക്ക​ണ​മെന്ന ഉദ്ദേശ്യ​മേ അനേകർക്കു​മില്ല. മറ്റു ചിലർ തങ്ങൾക്കു ചെയ്യാൻ കഴിയാത്ത കാര്യങ്ങൾ തിടുക്കം കൂട്ടി വാഗ്‌ദാ​നം ചെയ്യുന്നു. അല്ലെങ്കിൽ, വാക്കു പാലി​ക്കാ​തി​രി​ക്കു​ന്ന​താ​ണു കൂടുതൽ എളുപ്പം എന്നു തോന്നു​മ്പോൾ കേവലം അക്കാര​ണ​ത്താൽ വാഗ്‌ദാന ലംഘനം നടത്തുന്നു.

മുൻകൂ​ട്ടി കാണാത്ത സാഹച​ര്യ​ങ്ങൾ ഉയർന്നു വന്നാൽ വാക്കു പാലി​ക്കുക ബുദ്ധി​മു​ട്ടാ​യി​രി​ക്കാം എന്നു സമ്മതി​ക്കേ​ണ്ടി​യി​രി​ക്കു​ന്നു. എന്നാൽ വാഗ്‌ദാന ലംഘനം വാസ്‌ത​വ​ത്തിൽ ഏറെ ഭവിഷ്യ​ത്തു​കൾ ഉളവാ​ക്കു​മോ? നിങ്ങൾ വാഗ്‌ദാ​നങ്ങൾ ഗൗരവ​മാ​യി എടുക്ക​ണ​മോ? യഹോ​വ​യാം ദൈവ​ത്തി​ന്റെ മാതൃക ഹ്രസ്വ​മാ​യി പരിചി​ന്തി​ക്കു​ന്നത്‌ ഈ കാര്യത്തെ നാം ഗൗരവ​മാ​യി കരു​തേ​ണ്ടത്‌ എന്തു​കൊ​ണ്ടെന്നു മനസ്സി​ലാ​ക്കാൻ നമ്മെ സഹായി​ക്കും.

യഹോവ തന്റെ വാഗ്‌ദാ​നങ്ങൾ പാലി​ക്കു​ന്നു

നാം ആരാധി​ക്കുന്ന ദൈവ​ത്തി​ന്റെ പേരു​തന്നെ വാഗ്‌ദാന പാലന​ത്തോട്‌ അടുത്തു ബന്ധപ്പെ​ട്ടി​രി​ക്കു​ന്നു. ബൈബിൾ കാലങ്ങ​ളിൽ ഒരുവന്റെ പേരു മിക്ക​പ്പോ​ഴും അയാളെ കുറിച്ച്‌ ഒരു വിശദീ​ക​രണം നൽകി​യി​രു​ന്നു. “ആയിത്തീ​രാൻ അവൻ ഇടയാ​ക്കു​ന്നു” എന്ന്‌ അർഥമുള്ള യഹോവ എന്ന പേരിന്റെ കാര്യ​ത്തി​ലും ഇതു സത്യമാണ്‌. അതു​കൊണ്ട്‌, ദൈവം തന്റെ വാഗ്‌ദാ​നങ്ങൾ പാലി​ക്കു​ക​യും ഉദ്ദേശ്യ​ങ്ങൾ നിവർത്തി​ക്കു​ക​യും ചെയ്യു​മെ​ന്നുള്ള ആശയം ദിവ്യ​നാ​മ​ത്തിൽ ഉൾക്കൊ​ള്ളു​ന്നു.

പുരാതന ഇസ്രാ​യേൽ ജനതയ്‌ക്കു നൽകിയ എല്ലാ വാഗ്‌ദാ​ന​ങ്ങ​ളും പാലി​ച്ചു​കൊണ്ട്‌ യഹോവ തന്റെ നാമത്തി​നു ചേർച്ച​യിൽ പ്രവർത്തി​ച്ചു. ആ വാഗ്‌ദാ​ന​ങ്ങളെ കുറിച്ച്‌ ശലോ​മോൻ രാജാവ്‌ ഇങ്ങനെ സമ്മതിച്ചു പറഞ്ഞു: “താൻ വാഗ്‌ദാ​നം ചെയ്‌ത​തു​പോ​ലെ ഒക്കെയും തന്റെ ജനമായ യിസ്രാ​യേ​ലി​ന്നു സ്വസ്ഥത നൽകി​യി​രി​ക്കുന്ന യഹോവ വാഴ്‌ത്ത​പ്പെ​ട്ടവൻ; അവൻ തന്റെ ദാസനായ മോ​ശെ​മു​ഖാ​ന്തരം അരുളി​ച്ചെയ്‌ത അവന്റെ നല്ല വാഗ്‌ദാ​ന​ങ്ങ​ളെ​ല്ലാ​റ​റി​ലും വെച്ചു ഒന്നെങ്കി​ലും നിഷ്‌ഫ​ല​മാ​യി​ട്ടി​ല്ല​ല്ലോ.”—1 രാജാ​ക്ക​ന്മാർ 8:56.

“ദൈവം അബ്രാ​ഹാ​മി​നോ​ടു വാഗ്‌ദത്തം ചെയ്യു​മ്പോൾ തന്നെക്കാൾ വലിയ​വ​നെ​ക്കൊ​ണ്ടു സത്യം ചെയ്‌വാൻ ഇല്ലാഞ്ഞി​ട്ടു തന്നെ​ക്കൊ​ണ്ടു തന്നേ സത്യം ചെയ്‌തു” എന്ന്‌ പൗലൊസ്‌ ന്യായ​വാ​ദം ചെയ്യു​മാറ്‌ അത്രയ​ധി​കം ആശ്രയ​യോ​ഗ്യ​നാണ്‌ യഹോവ. (എബ്രായർ 6:13) അതെ, യഹോ​വ​യു​ടെ പേരും അവൻ ആരാ​ണെ​ന്നുള്ള വസ്‌തു​ത​യും, വലിയ വില നൽകേ​ണ്ടി​വ​ന്നാൽ പോലും അവൻ വാഗ്‌ദാ​ന​ങ്ങ​ളിൽനി​ന്നു പിന്മാ​റി​ല്ലെന്ന്‌ ഉറപ്പേ​കു​ന്നു. (റോമർ 8:32) യഹോവ വാഗ്‌ദാ​നങ്ങൾ പാലി​ക്കു​ന്നു എന്ന വസ്‌തുത, ഒരു നങ്കൂര​മാ​യി വർത്തി​ക്കുന്ന പ്രത്യാശ നമുക്കു നൽകുന്നു.—എബ്രായർ 6:19.

യഹോ​വ​യു​ടെ വാഗ്‌ദാ​ന​ങ്ങ​ളും നമ്മുടെ ഭാവി​യും

നമ്മുടെ പ്രത്യാ​ശ​യും വിശ്വാ​സ​വും ജീവനും എല്ലാം യഹോ​വ​യു​ടെ വാഗ്‌ദാ​ന​ങ്ങ​ളു​ടെ നിവൃ​ത്തി​യെ ആശ്രയി​ച്ചി​രി​ക്കു​ന്നു. എന്തു പ്രത്യാ​ശ​യാ​ണു നാം പ്രിയ​ങ്ക​ര​മാ​യി വെച്ചു​പു​ലർത്തു​ന്നത്‌? “നാം [ദൈവ​ത്തി​ന്റെ] വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.” (2 പത്രൊസ്‌ 3:13) “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും” എന്ന വിശ്വാ​സ​ത്തി​നുള്ള അടിസ്ഥാ​ന​വും തിരു​വെ​ഴു​ത്തു​കൾ നമുക്കു തരുന്നു. (പ്രവൃ​ത്തി​കൾ 24:15) ഇപ്പോ​ഴത്തെ ഈ ജീവിതം മാത്രമല്ല ഉള്ളതെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. തീർച്ച​യാ​യും, “നിത്യ​ജീവ”നെയാണ്‌ യോഹ​ന്നാൻ അപ്പൊ​സ്‌തലൻ ദൈവം “തന്ന വാഗ്‌ദത്തം” എന്നു വിളി​ക്കു​ന്നത്‌. (1 യോഹ​ന്നാൻ 2:25) എന്നാൽ യഹോവ തന്റെ വചനത്തി​ലൂ​ടെ നൽകി​യി​രി​ക്കുന്ന വാഗ്‌ദാ​നങ്ങൾ ഭാവി സംബന്ധി​ച്ചു മാത്ര​മു​ള്ളതല്ല. അവ ഇപ്പോൾത്തന്നെ നമ്മുടെ അനുദിന ജീവി​ത​ത്തിന്‌ അർഥം പകരുന്നു.

സങ്കീർത്ത​ന​ക്കാ​രൻ ഇങ്ങനെ പാടി: ‘യഹോവ, തന്നെ വിളി​ച്ച​പേ​ക്ഷി​ക്കുന്ന ഏവർക്കും സമീപ​സ്ഥ​നാ​കു​ന്നു. അവൻ അവരുടെ നിലവി​ളി കേൾക്കും.’ (സങ്കീർത്തനം 145:18, 19) താൻ ‘ക്ഷീണി​ച്ചി​രി​ക്കു​ന്ന​വന്നു ശക്തി നല്‌കു​ക​യും ബലമി​ല്ലാ​ത്ത​വന്നു ബലം വർദ്ധി​പ്പി​ക്കു​ക​യും’ ചെയ്യു​മെ​ന്നും ദൈവം നമുക്ക്‌ ഉറപ്പു തരുന്നു. (യെശയ്യാ​വു 40:29) ‘നമുക്കു കഴിയു​ന്ന​തി​ന്നു​മീ​തെ പരീക്ഷ നേരി​ടു​വാൻ ദൈവം സമ്മതി​ക്കാ​തെ നമുക്കു സഹിപ്പാൻ കഴി​യേ​ണ്ട​തി​ന്നു പരീക്ഷ​യോ​ടു​കൂ​ടെ അവൻ പോക്കു​വ​ഴി​യും ഉണ്ടാക്കും’ എന്ന്‌ അറിയു​ന്നത്‌ എന്തൊരു ആശ്വാ​സ​മാണ്‌! (1 കൊരി​ന്ത്യർ 10:13) ഈ വാഗ്‌ദാ​ന​ങ്ങ​ളിൽ ഏതി​ന്റെ​യെ​ങ്കി​ലും നിവൃത്തി നാം വ്യക്തി​പ​ര​മാ​യി അനുഭ​വി​ച്ചി​ട്ടു​ണ്ടെ​ങ്കിൽ യഹോ​വയെ പൂർണ​മാ​യും ആശ്രയി​ക്കാ​നാ​കു​മെന്നു നമുക്ക്‌ അറിയാം. യഹോവ നൽകു​ക​യും നിറ​വേ​റ്റു​ക​യും ചെയ്യുന്ന അനേകം വാഗ്‌ദാ​ന​ങ്ങ​ളിൽനി​ന്നു പ്രയോ​ജ​നങ്ങൾ അനുഭ​വി​ക്കുന്ന സ്ഥിതിക്ക്‌, അവനോ​ടുള്ള നമ്മുടെ വാഗ്‌ദാ​ന​ങ്ങളെ നാം എങ്ങനെ വീക്ഷി​ക്കണം?

ദൈവ​ത്തോ​ടുള്ള നമ്മുടെ വാഗ്‌ദാ​നങ്ങൾ പാലിക്കൽ

നമുക്കു ചെയ്യാൻ കഴിയുന്ന ഏറ്റവും പ്രധാ​ന​പ്പെട്ട വാഗ്‌ദാ​നം നിസ്സം​ശ​യ​മാ​യും ദൈവ​ത്തി​നുള്ള നമ്മുടെ സമർപ്പ​ണ​മാണ്‌. ഈ പടി സ്വീക​രി​ക്കു​ന്ന​തി​ലൂ​ടെ നാം യഹോ​വയെ എന്നു​മെ​ന്നും സേവി​ക്കാൻ ആഗ്രഹി​ക്കു​ന്നു​വെന്നു പ്രകട​മാ​ക്കു​ക​യാ​ണു ചെയ്യു​ന്നത്‌. ദൈവ​ത്തി​ന്റെ കൽപ്പനകൾ ഭാര​പ്പെ​ടു​ത്തു​ന്നവ അല്ലെങ്കി​ലും, ഈ ദുഷ്ട വ്യവസ്ഥി​തി​യിൽ ജീവി​ക്കു​മ്പോൾ അവന്റെ ഇഷ്ടം ചെയ്യുക എല്ലായ്‌പോ​ഴും എളുപ്പ​മ​ല്ലാ​യി​രി​ക്കാം. (2 തിമൊ​ഥെ​യൊസ്‌ 3:12; 1 യോഹ​ന്നാൻ 5:3) എന്നാൽ നാം ‘കലപ്പെക്കു കൈ വെച്ച്‌’ യഹോ​വ​യു​ടെ സമർപ്പിത ദാസന്മാ​രും അവന്റെ പുത്ര​നായ യേശു​ക്രി​സ്‌തു​വി​ന്റെ ശിഷ്യ​ന്മാ​രും ആയിത്തീർന്നാൽപ്പി​ന്നെ, പിന്നിൽ വിട്ടു​കളഞ്ഞ ലോക​ത്തി​ന്റെ കാര്യ​ങ്ങ​ളി​ലേക്ക്‌ ഒരിക്ക​ലും പിന്തി​രി​ഞ്ഞു നോക്ക​രുത്‌.—ലൂക്കൊസ്‌ 9:62.

പ്രാർഥി​ക്കു​മ്പോൾ, ഒരു ദൗർബ​ല്യ​ത്തെ മറിക​ട​ക്കാ​നോ ഒരു ക്രിസ്‌തീയ ഗുണം നട്ടുവ​ളർത്താ​നോ നമ്മുടെ ദിവ്യാ​ധി​പത്യ പ്രവർത്ത​ന​ത്തി​ന്റെ ഒരു വശം മെച്ച​പ്പെ​ടു​ത്താ​നോ നാം പരി​ശ്ര​മി​ക്കു​മെന്ന്‌ യഹോ​വ​യോ​ടു വാഗ്‌ദാ​നം ചെയ്യാൻ നാം പ്രേരി​ത​രാ​യേ​ക്കാം. അത്തരം വാഗ്‌ദാ​നങ്ങൾ പാലി​ക്കാൻ നമ്മെ എന്തു സഹായി​ക്കും?—സഭാ​പ്ര​സം​ഗി 5:2-5 താരത​മ്യം ചെയ്യുക.

ആത്മാർഥ​മാ​യ വാഗ്‌ദാ​നങ്ങൾ ഹൃദയ​ത്തിൽനി​ന്നും മനസ്സിൽനി​ന്നു​മാ​ണു വരുന്നത്‌. അതു​കൊണ്ട്‌, നമ്മുടെ ഭയങ്ങളും ആഗ്രഹ​ങ്ങ​ളും ദൗർബ​ല്യ​ങ്ങ​ളും സത്യസ​ന്ധ​മാ​യി പ്രകടി​പ്പി​ക്കു​ക​വഴി നമ്മുടെ ഹൃദയങ്ങൾ യഹോ​വ​യു​ടെ മുമ്പാകെ തുറന്നു​കൊണ്ട്‌ നമുക്ക്‌ അവനോ​ടുള്ള വാഗ്‌ദാ​ന​ങ്ങളെ പിന്താ​ങ്ങാം. ഒരു വാഗ്‌ദാ​നത്തെ കുറിച്ചു പ്രാർഥി​ക്കു​ന്നത്‌ അതു പാലി​ക്കാ​നുള്ള നമ്മുടെ നിശ്ചയത്തെ ബലിഷ്‌ഠ​മാ​ക്കും. ദൈവ​ത്തോ​ടുള്ള നമ്മുടെ വാഗ്‌ദാ​ന​ങ്ങളെ കടബാ​ധ്യ​ത​ക​ളാ​യി കരുതാ​നാ​കും. കടം വലുതാ​യി​രി​ക്കു​മ്പോൾ അതു പടിപ​ടി​യാ​യി കൊടു​ത്തു തീർക്കണം. സമാന​മാ​യി, യഹോ​വ​യോ​ടു നാം ചെയ്യുന്ന അനേകം വാഗ്‌ദാ​ന​ങ്ങ​ളും നിവർത്തി​ക്കാൻ സമയം എടുക്കും. എന്നാൽ നമുക്ക്‌ അവനു നൽകാൻ കഴിയു​ന്നതു പതിവാ​യി നൽകി​ക്കൊണ്ട്‌ നാം പറയു​ന്നതു തന്നെ നാം അർഥമാ​ക്കു​ന്നു​വെന്നു നമുക്കു പ്രകട​മാ​ക്കാൻ സാധി​ക്കും. തദനു​സ​രണം അവൻ നമ്മെ അനു​ഗ്ര​ഹി​ക്കു​ക​യും ചെയ്യും.

നമ്മുടെ വാഗ്‌ദാ​ന​ങ്ങളെ കുറിച്ചു കൂടെ​ക്കൂ​ടെ, ഒരുപക്ഷേ ദിവസ​വും, പ്രാർഥി​ച്ചു​കൊണ്ട്‌ നാം അവയെ ഗൗരവ​മാ​യി എടുക്കു​ന്നു​വെന്നു പ്രകട​മാ​ക്കാൻ കഴിയും. അങ്ങനെ, നമുക്ക്‌ ആത്മാർഥത ഉണ്ടെന്ന്‌ നമ്മുടെ സ്വർഗീയ പിതാ​വി​ന്റെ മുമ്പാകെ പ്രകടി​പ്പി​ക്കാൻ കഴിയും. അത്‌ ഒരു പതിവായ ഓർമി​പ്പി​ക്ക​ലാ​യും ഉതകും. ഇക്കാര്യ​ത്തിൽ ദാവീദ്‌ നമുക്ക്‌ ഒരു നല്ല മാതൃക വെക്കു​ക​യു​ണ്ടാ​യി. ഒരു ഗീതത്തിൽ അവൻ യഹോ​വ​യോട്‌ ഇങ്ങനെ അപേക്ഷി​ച്ചു: “ദൈവമേ, എന്റെ നിലവി​ളി കേൾക്കേ​ണമേ; എന്റെ പ്രാർത്ഥന ശ്രദ്ധി​ക്കേ​ണമേ. . . . ഞാൻ തിരു​നാ​മത്തെ എന്നേക്കും കീർത്തി​ക്ക​യും എന്റെ നേർച്ച​കളെ നാൾതോ​റും കഴിക്ക​യും ചെയ്യും.”—സങ്കീർത്തനം 61:1, 8.

വാഗ്‌ദാ​നങ്ങൾ പാലി​ക്കു​ന്നത്‌ വിശ്വാ​സ്യത വർധി​പ്പി​ക്കു​ന്നു

ദൈവ​ത്തോ​ടുള്ള വാഗ്‌ദാ​നങ്ങൾ നിസ്സാ​ര​മാ​യി എടുക്ക​രു​തെ​ങ്കിൽ, സഹക്രി​സ്‌ത്യാ​നി​ക​ളോ​ടുള്ള വാഗ്‌ദാ​ന​ങ്ങ​ളും നിസ്സാ​ര​മാ​യി എടുക്കാൻ പാടില്ല. നാം യഹോ​വ​യോട്‌ ഒരു വിധത്തി​ലും നമ്മുടെ സഹോ​ദ​ര​ങ്ങ​ളോട്‌ മറ്റൊരു വിധത്തി​ലും ഇടപെ​ടാൻ പാടില്ല. (1 യോഹ​ന്നാൻ 4:20 താരത​മ്യം ചെയ്യുക.) തന്റെ ഗിരി​പ്ര​ഭാ​ഷ​ണ​ത്തിൽ യേശു ഇങ്ങനെ പറഞ്ഞു: “നിങ്ങളു​ടെ വാക്കു ഉവ്വു, ഉവ്വു എന്നും ഇല്ല, ഇല്ല എന്നും ആയിരി​ക്കട്ടെ.” (മത്തായി 5:37) നമ്മുടെ വാക്കുകൾ എല്ലായ്‌പോ​ഴും ആശ്രയ​യോ​ഗ്യ​മാ​ണെന്ന്‌ ഉറപ്പു വരുത്തു​ന്നത്‌ ‘സഹവി​ശ്വാ​സി​കൾക്കു നൻമ ചെയ്യാ’നുള്ള ഒരു മാർഗ​മാണ്‌. (ഗലാത്യർ 6:10) നാം പാലി​ക്കുന്ന ഓരോ വാഗ്‌ദാ​ന​വും വിശ്വാ​സ്യത വർധി​പ്പി​ക്കു​ന്നു.

പണപര​മാ​യ കാര്യ​ങ്ങ​ളി​ലാ​കു​മ്പോൾ വാഗ്‌ദാന ലംഘന​ത്താ​ലു​ണ്ടാ​കുന്ന ഭവിഷ്യ​ത്തു മിക്ക​പ്പോ​ഴും പെരു​പ്പി​ച്ചു കാണി​ക്ക​പ്പെ​ടു​ന്നു. ഒരു ലോൺ തിരി​ച്ച​ട​യ്‌ക്കു​ന്ന​തോ പണം വാങ്ങി ഒരു സേവനം ചെയ്യു​ന്ന​തോ ഒരു വ്യാപാര ഉടമ്പടി പാലി​ക്കു​ന്ന​തോ പോലുള്ള ഏതു കാര്യ​ത്തി​ലും ഒരു ക്രിസ്‌ത്യാ​നി തന്റെ വാക്കു പാലി​ക്കണം. അതു ദൈവത്തെ പ്രസാ​ദി​പ്പി​ക്കു​ക​യും സഹോ​ദ​ര​ന്മാർ “ഒത്തൊ​രു​മി​ച്ചു വസിക്കു”ന്നതിനു വളരെ അത്യന്താ​പേ​ക്ഷി​ത​മായ പരസ്‌പര വിശ്വാ​സത്തെ അരക്കിട്ട്‌ ഉറപ്പി​ക്കു​ക​യും ചെയ്യുന്നു.—സങ്കീർത്തനം 133:1.

എന്നാൽ കരാർ ലംഘനം സഭയ്‌ക്കും കരാറിൽ നേരിട്ട്‌ ഉൾപ്പെ​ട്ടി​രി​ക്കുന്ന വ്യക്തി​കൾക്കും ഹാനി​ക​ര​മാ​യി​രു​ന്നേ​ക്കാം. ഒരു സഞ്ചാര​മേൽവി​ചാ​രകൻ ഇങ്ങനെ അഭി​പ്രാ​യ​പ്പെ​ടു​ന്നു: “ബിസി​നസ്‌ തർക്കങ്ങൾ എപ്പോ​ഴും ആരംഭി​ക്കു​ന്നത്‌ ഒരു കക്ഷി ഉടമ്പടി പാലി​ച്ചി​ല്ലെന്നു മറ്റേ കക്ഷി കരുതു​മ്പോ​ഴാണ്‌. അത്തരം തർക്കങ്ങൾ മിക്ക​പ്പോ​ഴും പരസ്യ​മാ​കു​ന്നു. ഫലമോ, സഹോ​ദ​ര​ന്മാർ പക്ഷം പിടി​ക്കു​ന്നു. രാജ്യ​ഹാ​ളി​ലെ അന്തരീക്ഷം സമ്മർദ​പൂ​രി​ത​വും ആയേക്കാം. നാം ചെയ്യുന്ന ഉടമ്പടി​കളെ കുറിച്ചു ശ്രദ്ധാ​പൂർവം പരിചി​ന്തി​ക്കു​ന്ന​തും അവ എഴുതി വെക്കു​ന്ന​തും എത്ര പ്രധാ​ന​മാണ്‌!a

വിലപി​ടി​പ്പു​ള്ള ഉത്‌പ​ന്നങ്ങൾ വിൽക്കു​മ്പോൾ അല്ലെങ്കിൽ ചില സംരം​ഭ​ങ്ങൾക്കു മുതൽമു​ട​ക്കാൻ ശുപാർശ ചെയ്യു​മ്പോൾ ജാഗ്രത പാലി​ക്കണം, വിശേ​ഷിച്ച്‌ പ്രസ്‌തുത ഇടപാ​ടിൽനിന്ന്‌ നമുക്കു വ്യക്തി​പ​ര​മാ​യി ലാഭം കിട്ടു​ന്നു​ണ്ടെ​ങ്കിൽ. അതു​പോ​ലെ​തന്നെ, ഏതെങ്കി​ലും സാധന​ങ്ങ​ളു​ടെ​യോ ആരോഗ്യ രക്ഷാ ഉത്‌പ​ന്ന​ങ്ങ​ളു​ടെ​യോ പ്രയോ​ജ​നങ്ങൾ പെരു​പ്പി​ച്ചു കാട്ടാ​തി​രി​ക്കാ​നും മുതൽമു​ട​ക്കിൽനിന്ന്‌ വലിയ ലാഭം കിട്ടു​മെന്ന്‌ അയഥാർഥ​മാ​യി വാഗ്‌ദാ​നം ചെയ്യാ​തി​രി​ക്കാ​നും നാം അതീവ ശ്രദ്ധ ഉള്ളവരാ​യി​രി​ക്കണം. ഉൾപ്പെ​ട്ടി​രി​ക്കുന്ന ഏതൊരു അപകട​സാ​ധ്യ​ത​യും പൂർണ​മാ​യി വിശദീ​ക​രി​ക്കാൻ സ്‌നേഹം ക്രിസ്‌ത്യാ​നി​കളെ പ്രേരി​പ്പി​ക്കണം. (റോമർ 12:10, NW) മിക്ക സഹോ​ദ​ര​ങ്ങൾക്കും ബിസി​ന​സിൽ കാര്യ​മായ അനുഭ​വ​പ​രി​ചയം ഇല്ലാത്ത​തി​നാൽ, നാം അവരോ​ടു വിശ്വാ​സ​ത്തിൽ ബന്ധപ്പെ​ട്ടി​രി​ക്കു​ന്നു എന്ന ഒറ്റ കാരണ​ത്താൽ അവർ നമ്മുടെ ഉപദേശം വിശ്വ​സി​ച്ചേ​ക്കാം. ആ വിശ്വാ​സം തകരു​ന്നത്‌ എത്ര വലിയ ഒരു ദുരന്ത​മാ​യി​രി​ക്കും!

അവിശ്വ​സ്‌ത​മോ മറ്റുള്ള​വ​രു​ടെ ന്യായ​മായ താത്‌പ​ര്യ​ങ്ങളെ അവഗണി​ക്കു​ന്ന​തോ ആയ ബിസി​നസ്‌ നടപടി​ക​ളിൽ ഏർപ്പെ​ടാൻ ക്രിസ്‌ത്യാ​നി​കൾ എന്ന നിലയിൽ നമുക്കാ​വില്ല. (എഫെസ്യർ 2:2, 3; എബ്രായർ 13:18) യഹോ​വ​യു​ടെ ‘കൂടാ​ര​ത്തി​ലെ അതിഥി’ (NW) എന്ന നിലയി​ലുള്ള അവന്റെ പ്രീതി നേടു​ന്ന​തി​നു നാം ആശ്രയ​യോ​ഗ്യർ ആയിരി​ക്കണം. ‘സത്യം ചെയ്‌തി​ട്ടു ചേതം വന്നാലും മാറാ​ത്തവർ’ ആയിരി​ക്കണം നാം.—സങ്കീർത്തനം 15:1, 4.

തനിക്ക്‌ അമോ​ന്യ​രു​ടെ മേൽ വിജയം നൽകി​യാൽ, യുദ്ധം കഴിഞ്ഞു മടങ്ങി വരു​മ്പോൾ തന്നെ എതി​രേ​റ്റു​വ​രുന്ന ആദ്യ വ്യക്തിയെ യഹോ​വ​യ്‌ക്ക്‌ ഒരു ഹോമ​യാ​ഗ​മാ​യി നൽകു​മെന്ന്‌ ഇസ്രാ​യേല്യ ന്യായാ​ധി​പ​നാ​യി​രുന്ന യിഫ്‌താഹ്‌ പ്രതിജ്ഞ ചെയ്‌തു. സന്ദർഭ​വ​ശാൽ, അവനെ എതി​രേറ്റു വന്നത്‌ അവന്റെ ഏകജാത പുത്രി ആയിരു​ന്നു. എങ്കിലും അവൻ തന്റെ വാക്കിൽനി​ന്നു പിന്മാ​റി​യില്ല. പുത്രി​യു​ടെ പൂർണ​സ​മ്മ​ത​ത്തോ​ടെ ദൈവ​ത്തി​ന്റെ വിശു​ദ്ധ​മ​ന്ദി​ര​ത്തിൽ എക്കാല​വും സേവി​ക്കാൻ അവൻ അവളെ നൽകി. അതു തീർച്ച​യാ​യും വേദനാ​ജ​ന​ക​വും പല തരത്തിൽ നഷ്ടം വരുത്തി വെക്കു​ന്ന​തു​മായ ഒരു ത്യാഗ​മാ​യി​രു​ന്നു.—ന്യായാ​ധി​പ​ന്മാർ 11:30-40.

തങ്ങളുടെ ഉടമ്പടി​പ്ര​കാ​രം പ്രവർത്തി​ക്കാ​നുള്ള ഒരു പ്രത്യേക ഉത്തരവാ​ദി​ത്വം സഭാ മേൽവി​ചാ​ര​ക​ന്മാർക്കുണ്ട്‌. 1 തിമൊ​ഥെ​യൊസ്‌ 3:2 പറയു​ന്നത്‌ അനുസ​രിച്ച്‌ ഒരു മേൽവി​ചാ​രകൻ “നിരപ​വാ​ദ്യ​നാ”യിരി​ക്കണം. ഈ പദം, “പിടി​ക്ക​പ്പെ​ടാൻ കഴിയാത്ത, അനിന്ദ്യ​മായ, അപവാ​ദ​ര​ഹി​ത​മായ” എന്നിങ്ങനെ അർഥമുള്ള ഒരു ഗ്രീക്ക്‌ പ്രയോ​ഗ​ത്തി​ന്റെ പരിഭാ​ഷ​യാണ്‌. “ഒരു വ്യക്തിയെ കുറിച്ച്‌ നല്ല അഭി​പ്രാ​യം ഉണ്ടായി​രു​ന്നാൽ മാത്രം പോരാ, അയാൾ അത്‌ അർഹി​ക്കു​ന്നത്‌ ആയിരി​ക്കു​ക​യും വേണം എന്ന്‌ [അത്‌] അർഥമാ​ക്കു​ന്നു.” (ഗ്രീക്ക്‌ പുതിയ നിയമ​ത്തി​ന്റെ ഒരു ഭാഷാ താക്കോൽ [ഇംഗ്ലീഷ്‌]) ഒരു മേൽവി​ചാ​രകൻ “നിരപ​വാ​ദ്യ​നാ”യിരി​ക്കണം എന്നതി​നാൽ അദ്ദേഹ​ത്തി​ന്റെ വാഗ്‌ദാ​നങ്ങൾ എല്ലായ്‌പോ​ഴും ആശ്രയ​യോ​ഗ്യം ആയിരി​ക്കണം.

വാഗ്‌ദാ​നങ്ങൾ പാലി​ക്കാ​നുള്ള മറ്റു മാർഗങ്ങൾ

സഹക്രി​സ്‌ത്യാ​നി​കൾ അല്ലാത്ത​വ​രോ​ടുള്ള വാഗ്‌ദാ​ന​ങ്ങളെ നാം എങ്ങനെ വീക്ഷി​ക്കണം? “മനുഷ്യർ നിങ്ങളു​ടെ നല്ല പ്രവൃ​ത്തി​കളെ കണ്ടു, സ്വർഗ്ഗ​സ്ഥ​നായ നിങ്ങളു​ടെ പിതാ​വി​നെ മഹത്വ​പ്പെ​ടു​ത്തേ​ണ്ട​തി​ന്നു നിങ്ങളു​ടെ വെളിച്ചം അവരുടെ മുമ്പിൽ പ്രകാ​ശി​ക്കട്ടെ” എന്ന്‌ യേശു പറഞ്ഞു. (മത്തായി 5:16) വാക്കു പാലി​ക്കു​ന്നവർ ആണെന്നു തെളി​യി​ക്കു​ന്ന​തി​ലൂ​ടെ നാം മറ്റുള്ള​വരെ നമ്മുടെ ക്രിസ്‌തീയ സന്ദേശ​ത്തി​ലേക്ക്‌ ആകർഷി​ച്ചേ​ക്കാം. ലോക​വ്യാ​പ​ക​മാ​യി സത്യസ​ന്ധ​ത​യു​ടെ നിലവാ​ര​ത്തിന്‌ അപക്ഷയം സംഭവി​ച്ചി​ട്ടു​ണ്ടെ​ങ്കി​ലും, മിക്കവ​രും ഇപ്പോ​ഴും വിശ്വ​സ്‌ത​തയെ വിലമ​തി​ക്കു​ന്നു. വാഗ്‌ദാ​നങ്ങൾ പാലി​ക്കു​ന്നത്‌ ദൈവ​ത്തോ​ടും അയൽക്കാ​ര​നോ​ടും ഉള്ള സ്‌നേഹം പ്രകട​മാ​ക്കാ​നും നീതി സ്‌നേ​ഹി​കളെ ആകർഷി​ക്കാ​നു​മുള്ള ഒരു മാർഗ​മാണ്‌.—മത്തായി 22:36-39; റോമർ 15:2.

യഹോ​വ​യു​ടെ സാക്ഷികൾ തങ്ങളുടെ 1998 സേവന വർഷത്തിൽ ദൈവ​രാ​ജ്യ​ത്തി​ന്റെ സുവാർത്ത പരസ്യ​മാ​യി പ്രഖ്യാ​പി​ച്ചു​കൊണ്ട്‌ 100 കോടി​യിൽ അധികം മണിക്കൂർ ചെലവ​ഴി​ച്ചു. (മത്തായി 24:14) ബിസി​നസ്‌ ഇടപാ​ടു​ക​ളി​ലോ മറ്റു കാര്യ​ങ്ങ​ളി​ലോ നാം വാക്കു പാലി​ച്ചി​ട്ടി​ല്ലെ​ങ്കിൽ ഈ സുവാർത്ത പ്രസം​ഗ​ത്തിൽ കുറെ പതിച്ചത്‌ ബധിര കർണങ്ങ​ളിൽ ആയിരി​ക്കാം. സത്യത്തി​ന്റെ ദൈവത്തെ പ്രതി​നി​ധാ​നം ചെയ്യു​ന്ന​വ​രെന്ന നിലയിൽ നാം സത്യസ​ന്ധ​രാ​യി​രി​ക്കാൻ ആളുകൾ ഉചിത​മാ​യും പ്രതീ​ക്ഷി​ക്കു​ന്നു. ആശ്രയ​യോ​ഗ്യ​രും സത്യസ​ന്ധ​രും ആയിരി​ക്കു​ക​വഴി നാം “നമ്മുടെ രക്ഷിതാ​വായ ദൈവ​ത്തി​ന്റെ ഉപദേ​ശത്തെ സകലത്തി​ലും അലങ്കരി”ക്കുന്നു.—തീത്തൊസ്‌ 2:9, 10.

നമ്മുടെ ശുശ്രൂ​ഷ​യിൽ നമുക്കു വാക്കു പാലി​ക്കാ​നുള്ള അവസര​ങ്ങ​ളുണ്ട്‌, രാജ്യ സന്ദേശ​ത്തോ​ടു താത്‌പ​ര്യം പ്രകടി​പ്പി​ക്കു​ന്ന​വരെ സന്ദർശി​ക്കാൻ മടങ്ങി​പ്പോ​കു​ന്ന​തി​നോ​ടുള്ള ബന്ധത്തി​ലാ​ണത്‌. മടങ്ങി​ച്ചെ​ല്ലാ​മെന്നു പറഞ്ഞാൽ നാം അപ്രകാ​രം ചെയ്യണം. പറഞ്ഞത​നു​സ​രി​ച്ചു മടങ്ങി​ച്ചെ​ല്ലു​ന്നത്‌, ‘നന്മ ചെയ്‌വാൻ യോഗ്യ​ന്മാ​രാ​യി​രി​ക്കു​ന്ന​വർക്ക്‌ അതു ചെയ്യാ​നുള്ള’ ഒരു മാർഗ​മാണ്‌. (സദൃശ​വാ​ക്യ​ങ്ങൾ 3:27) ഒരു സഹോ​ദരി സംഗതി ഇങ്ങനെ വിശദീ​ക​രി​ച്ചു: “ഒരു സാക്ഷി മടങ്ങി​വ​രാ​മെന്നു പറഞ്ഞിട്ട്‌ മടങ്ങി​വ​ന്നില്ല എന്നു പറയുന്ന താത്‌പ​ര്യ​ക്കാ​രെ ഞാൻ അനേകം തവണ കണ്ടുമു​ട്ടി​യി​ട്ടുണ്ട്‌. വീട്ടു​കാർ ഭവനത്തിൽ ഇല്ലായി​രു​ന്നി​രി​ക്കാം, അല്ലെങ്കിൽ മടങ്ങി​ച്ചെ​ല്ലു​ന്നത്‌ അസാധ്യ​മാ​ക്കുന്ന സാഹച​ര്യ​ങ്ങൾ ഉടലെ​ടു​ത്തി​രി​ക്കാം എന്ന്‌ തീർച്ച​യാ​യും എനിക്ക​റി​യാം. എന്നാൽ എന്നെ കുറിച്ച്‌ ആരും അപ്രകാ​രം പറയാൻ ഞാൻ ആഗ്രഹി​ക്കു​ന്നില്ല. അതു​കൊണ്ട്‌ വ്യക്തിയെ വീട്ടിൽ കണ്ടുമു​ട്ടാൻ ഞാൻ എന്റെ പരമാ​വധി ശ്രമി​ക്കു​ന്നു. ഞാൻ ഒരുവനെ നിരാ​ശ​പ്പെ​ടു​ത്തി​യാൽ, അത്‌ യഹോ​വ​യ്‌ക്കും എന്റെ സഹോ​ദ​ര​ങ്ങൾക്കു മൊത്ത​ത്തി​ലും ദുഷ്‌കീർത്തി വരുത്തു​മെന്നു ഞാൻ കരുതു​ന്നു.”

ചില സാഹച​ര്യ​ങ്ങ​ളിൽ, വ്യക്തിക്ക്‌ യഥാർഥ താത്‌പ​ര്യം ഇല്ലെന്നു നിഗമനം ചെയ്‌തു​കൊ​ണ്ടു നാം മടങ്ങി​പ്പോ​കാ​തി​രു​ന്നേ​ക്കാം. അതേ സഹോ​ദ​രി​തന്നെ വിശദീ​ക​രി​ക്കു​ന്നു: “താത്‌പ​ര്യ​ത്തി​ന്റെ അളവ്‌ നിർണ​യി​ക്കാൻ ഞാൻ ശ്രമി​ക്കാ​റില്ല. ആദ്യ ധാരണ മിക്ക​പ്പോ​ഴും തെറ്റാ​ണെന്നു സ്വന്തം അനുഭവം എന്നെ പഠിപ്പി​ച്ചി​രി​ക്കു​ന്നു. ആയതി​നാൽ, ഓരോ വ്യക്തി​യെ​യും ഒരു സഹോ​ദ​രി​യോ സഹോ​ദ​ര​നോ ആയിത്തീ​രാൻ സാധ്യ​ത​യുള്ള ആളായി കണ്ടു​കൊണ്ട്‌ ശുഭാ​പ്‌തി വിശ്വാ​സം ഉള്ളവളാ​യി​രി​ക്കാൻ ഞാൻ ശ്രമി​ക്കു​ന്നു.”

ക്രിസ്‌തീ​യ ശുശ്രൂ​ഷ​യി​ലും മറ്റ്‌ അനേകം മണ്ഡലങ്ങ​ളി​ലും, നമ്മുടെ വാക്ക്‌ വിശ്വ​സി​ക്കാ​വു​ന്നത്‌ ആണെന്ന്‌ നാം പ്രകട​മാ​ക്കേ​ണ്ട​തുണ്ട്‌. ചില കാര്യങ്ങൾ പറയാൻ വളരെ എളുപ്പ​മാ​ണെ​ങ്കി​ലും ചെയ്യാൻ ബുദ്ധി​മു​ട്ടാ​ണെ​ന്നതു സമ്മതി​ക്കു​ന്നു. “മിക്ക മനുഷ്യ​രും തങ്ങളോ​ടു ദയാലു​വായ ഒരുത്തനെ കാണും; എന്നാൽ വിശ്വ​സ്‌ത​നായ ഒരുത്തനെ ആർ കണ്ടെത്തും?” എന്ന്‌ ജ്ഞാനി​യായ ശലോ​മോൻ ചോദി​ച്ചു. (സദൃശ​വാ​ക്യ​ങ്ങൾ 20:6) നിശ്ചയ​ദാർഢ്യം ഉണ്ടെങ്കിൽ നമുക്കു വിശ്വ​സ്‌ത​രും വാക്കു പാലി​ക്കു​ന്ന​വ​രും ആയിരി​ക്കാൻ കഴിയും.

ദൈവ​ത്തിൽനി​ന്നുള്ള സമൃദ്ധ​മായ അനു​ഗ്ര​ഹ​ങ്ങൾ

മനപ്പൂർവം പൊള്ള​യായ വാഗ്‌ദാ​നം നൽകു​ന്നത്‌ അവിശ്വ​സ്‌ത​ത​യാണ്‌. അതിനെ ബാങ്കിൽ പണമി​ല്ലാ​തെ ചെക്ക്‌ എഴുതി കൊടു​ക്കു​ന്ന​തി​നോട്‌ ഉപമി​ക്കാ​നാ​കും. എന്നാൽ വാക്കു പാലി​ക്കു​ന്ന​തി​നാൽ എന്തെല്ലാം പ്രതി​ഫ​ല​ങ്ങ​ളും അനു​ഗ്ര​ഹ​ങ്ങ​ളു​മാണ്‌ നമുക്കു ലഭിക്കു​ന്നത്‌! വിശ്വാ​സ​യോ​ഗ്യൻ ആയിരി​ക്കു​ന്ന​തി​ന്റെ ഒരു അനു​ഗ്രഹം നല്ല മനസ്സാക്ഷി ഉണ്ടായി​രി​ക്കും എന്നതാണ്‌. (പ്രവൃ​ത്തി​കൾ 24:16 താരത​മ്യം ചെയ്യുക.) അസഹ്യ​മായ കുറ്റ​ബോ​ധ​ത്തി​ന്റെ സ്ഥാനത്ത്‌, നമുക്കു സംതൃ​പ്‌തി​യും സമാധാ​ന​വും അനുഭ​വ​പ്പെ​ടു​ന്നു. അതിലു​പരി, വാക്കു പാലി​ക്കു​ന്നത്‌ സഭയുടെ ഐക്യത്തെ ഉന്നമി​പ്പി​ക്കു​ന്നു. കാരണം, ആ ഐക്യം പരസ്‌പര വിശ്വാ​സത്തെ ആശ്രയി​ച്ചി​രി​ക്കു​ന്നു. നമ്മുടെ “സത്യവ​ചനം,” സത്യത്തി​ന്റെ ദൈവ​ത്തി​ന്റെ ശുശ്രൂ​ഷ​ക​രാ​യി നമ്മെ ശുപാർശ ചെയ്യുന്നു.—2 കൊരി​ന്ത്യർ 6:3, 4, 6.

യഹോവ വാക്കു പാലി​ക്കു​ന്നു. അവൻ ‘വ്യാജ​മുള്ള നാവിനെ’ വെറു​ക്കു​ന്നു. (സദൃശ​വാ​ക്യ​ങ്ങൾ 6:16, 17) നമ്മുടെ സ്വർഗീയ പിതാ​വി​നെ അനുക​രി​ക്കുക വഴി നാം അവനോട്‌ അടുത്തു വരുന്നു. അതു​കൊണ്ട്‌, വാക്കു പാലി​ക്കു​ന്ന​തിന്‌ നമുക്കു തീർച്ച​യാ​യും മതിയായ കാരണ​മുണ്ട്‌.

[അടിക്കു​റി​പ്പു​കൾ]

[10-ാം പേജിലെ ചിത്രങ്ങൾ]

യിഫ്‌താഹ്‌ വാഗ്‌ദാ​നം പാലിച്ചു, അപ്രകാ​രം ചെയ്യു​ന്നതു വേദനാ​ജ​നകം ആയിരു​ന്നി​ട്ടും

[11-ാം പേജിലെ ചിത്രങ്ങൾ]

മടങ്ങിച്ചെല്ലാമെന്നു പറഞ്ഞി​ട്ടു​ണ്ടെ​ങ്കിൽ, അതിനാ​യി നല്ലവണ്ണം തയ്യാറാ​കു​ക